رواية ياقوت الهجان الفصل الثالث 3بقلم زهرة الربيع (جميع الفصول كامله)

 رواية ياقوت الهجان الفصل الثالث 3بقلم زهرة الربيع (جميع الفصول كامله)

رواية ياقوت الهجان الفصل الثالث 3بقلم زهرة الربيع (جميع الفصول كامله)

3_بقى اسيب عيسى علشان ضلالي  اقع في  ده... طب ده الضلال نفسو

جواد قال بزهول..ما تلمي لسانك الي عايز يتقص منو قد طولك ده..فيه ايه يا بت ولا علشان ساكتلك تسوقي فيها

محروس قال..بس..اسكتو واسمعوني .لازم تتجوزو البلد قالت تروح معاك دارك..هتقعدها في دارك واوضتك على انها مرتك من غير جواز..انتي ترضي تقعدي معاه اكده  يا ياقوت

ياقوت قالت بدموع..لا. لا مرضاش بس اكني روحت معاه

محروس قال..ليه انو فاكرينها خلصت عيسى لازم هيفضل وراكم ويعرفهم انكم كدابين..اسمعي مني يا بتي انا رايد مصلحتك وعارفك ابنيه غلبانه تعالو معايا من سكات اكتب اكتابكم وبعد ما الحكايه تهدى شويه اطلقكم ....يلا ربنا يهديكم

صدام اتنهد وقال...الي قالو الشيخ محروس عين العقل...يلا بينا انا هجيب السواق يشهد وانا معاه

بعد شويه كانو كتبو الكتاب وروحت معاه وهيه طول الطريق بتبكي

اول ما دخلو أوضتهم جواد  قعد على السرير بضيق وحاطط يده على راسو اما ياقوت فكانت مش مبطله بكى 

جواد بصلها بحده وقال بغضب....بت انتي انا مصدع فيه ايه...انتي مبتفصليش..طول الطريق بتنوحي على الي خلفوكي انتي ما بتفصليش مبتتعبيش

بصتلو بدموع وقالت..طبعا..وانت هتحس بيا كيف..انت راجل..لا تجرست ولا فرقلك وفي الاخر طلعولك ناسك وطلعوك زي الشعره من العجين واخرتها اتجوزت قمر زي هتزعل ليه

بصلهابدهشه وقال.قمر...ربنا يديني ربع ثقتك الي ملهاش اي سبب دي..وبعدين انتي تطولي اصلا تتجوزيني..ده انا جواد الهجان فاهمه يعني ايه جواد الهجان 

ياقوت قالت ببكا..ايوه يا اخويا فاهمه يعني ايه..يعني واحد قليل حيا كل يومين يلاقوه مع واحده...وياما اتخربت بيوت بسببو...واحد موراهوش حاجه غير اللف ورا الحريم..ده انا وصغيره كانو يخوفوني بيك لو اتأخرت ومرجعتش البيت...سيبني في همي بقى مش عايزه اذمك 

بصلها بزهول وقال...تذميني لسه هتذميني..عارفه لولا اني مقدر  انك يمكن اتهفيتي في دماغك والي حصل اثر عليكي..كان زماني وريتك الذم والجزم 

بقلم..زهرة الربيع

ياقوت بصتلو بضيق وقامت وقالت...انا عايزه اسبح ريحتي دخان مش بحملها

شاورلها على الحمام وقال..اتنيلي الحمام قدامك اها

قامت ولسه هتمشي بصتلو وقالت...بقولك ايه مش معايا حاجه البسها ..ايه العمل

جواد مسح على وشو بخنقه وقال...هعملك ايه..امم...ايه المطلوب علشان تبطلي زن

ياقوت بصتلو وقالت بغضب...انت بتلويلي وشك ليه..كل ده بسببك...اتصرف

جواد مسك نفسو بالعافيه كان بيبصلها بغضب رهيب ولو بايده عايز يقتلها .. بس حاول يهدى وطلع من الاوضه وراح خبط على اوضه جمبها

فتحلو صدام وقال بسخريه..يا نعم يا عريس...حد يسيب عروستو دلوك

جواد قال بحرج...صدام ..احم..ياقوت عايزه تستحمى ومش معاها حاجه تلبسها...فمعلش تجيبلها حاجه من منال

صدام اتنهد وقال..دقيقه واحده ودخل جوه كانت فيه ست جميله في التلاتين بتنيم طفل بصلها وقال..احم...منال..هاتي حاجه تتلبس للنوم

منال قالت ...للعروسه ولا ايه..خليني اشوفها يا صدام

صدام اتنهد وقال..الصبح يا اختي مهتطيرش

اخد منها عبايه بيتي نص كم وادها لجواد 

جواد رجع الأوضه ورماهالها في وشها وبزهق وقال..خدي البسي دي لحد الصبح هشتريلك خلقات

ياقوت بصت للعبايه وقالت..هو انت عندك دي ازاي..انت بتجيب هدوم لللحريم الي بتجيبها ولا ايه

جواد ضحك وقال...هو انا لو بجيب حريم هنا اصلا كنت اتدبست فيكي..دي بتاعت مرت اخوي صدام يلا بلاش كلام كتير ادخلي اتنيلي 

ياقوت بصتلو بضيق واخدت العبايه ودخلت استحمت ولبست العبايه وكانت عبايه نص كم بلون زهري مفتوحه على صدرها ومن على رجليها من الجمبين بصت لنفسها بيها كانت حلوه قوي وشعرها نازل على اكتافها والعبايه ضيقه فيها اتنهدت وقالت..وبعدين بقى..هطلع كده كيف

جواد اخد بنطلون وتيشرت بتوع نوم وطلع استحمى في الحمام الي بره وجيه وكانت ياقوت مطلعتش  استغرب انها طولت نادي وقال...نمتي حداكي ولا ايه

ياقوت قالت بارتباك...طالعه...طالعه اها ..وطلعت وهيه ماشيه بثقه مصتنعه قال يعني عاد ي وقفت تسرح شعرها

جواد بيتقلب على السرير لمحت عيونه الحوريه الي كانت مدفونه بالعبابه السوده والطرحه بصلها بزهول وفضل يمشي عيونو عليها حته حته

ياقوت خدت بالها بس حاولت تعمل نفسها انها مش مهتمه فضلت تدندن بلامبالاه مصتنعه

جواد وقف و قرب منها ومشي لسانو على شغايغو وهو بيبصلها بنظرات هتاكلها وقال بمعاكسه ...كنتي فين يالحمه...ده احنا الجزارين..كنتي فين يا مهره ده احنا خياليين

انتي فين يا صرمه ده احنا مخنوقين...كانت دي جملة ياقوت الي قالتها بتحذير وهيه من جواها مرعوبه

جواد ضحك وشدها عليه بقوه وحاوطها باديه مبقتش عارفه تفلت منو وبص لوشها حته حته وعيونها وجمال عيونها الي شبه العسل الصافي اتنهد وقال...سبحان المبدع...هو انتي كنتي تايهه عني فين. ده انا كنت فاكر نفسي دقت حلويات البلد كلها

ياقوت بلعت ريقها بارتباك و قالت...هملني يا جاد..انت متعرفنيش والله ادبك على نفوخك انسيك الحلويات الي دقتها كلها

ابتسم وهو بيبصلها بتوهان وقال..ما انا نسيتهم خلاص ..بقواك ايه...احنا كتبنا كتابنا..ما تخلينا نعوض الليله الي اتضربت...واهو في الحلال

ياقوت ضحكت  وقالت..وانت اش دراك بالحلال يا ولد الهجان...بقولك ايه فكك مني مهتستفيدش حاجه وزقتو بخفه وبعدت وقالت...انا مش صباح الخياطه...ولا واحده من الي بتعرفهم..انا ياقوت بت الحج سلام..ووجودي معاك هنا على عيني...ومستحيل تطولني سمعت..بقصر عليك الطريق اها..علشان متتعبش على الفاضي

جواد ابتسم باعجاب وقال بتحدي...بس انا بحب الطريق الطويل..ونفسي اطول من اي طريق...بكره لما تلاقي نفسك في فرشتي هتقولي جواد قال

بصتلو بسخريه وقال..ده  لماتشوف..قفاك لا مؤاخذه..تصبح على خير وربنا يشفي

قالت كده وراحت نامت على السرير وشدت الغطا عليها

جواد  ابتسم وقال..شكلنا هنتسلي قوي اليومين دول وراح نام جمبها 

ياقوت قعدت وقالت بضيق..انت هتنام في نفس السرير ولا ايه

جواد قال بضيق..امال هنام في الشارع

ياقوت قالت بتحذير...طب نام بس والله ما تعل حركه خايبه لأخلي البلد كلها تيجي تعزي فيك..سمعت

جواد داس على شفايفو وقال..اموت انا في المقرمش..والمخربش

بقلم..زهرة الربيع

ياقوت نفخت بغيظ وحطت راسها على المخده وهيه خايفه ما تنام قبلو

جواد ضحك عليها لانو عارف انها خايفه وبتبين العكس وعمل نايم

ياقوت بقت تبصلو وتهزو بخفه عايزه تشوفه نام ولا لا واتنهدت براحه لما افتكرتو نايم ونامت لانها تعبانه جدا

جواد فتح عين واحده وبصلها بطرف عينه وابتسم اما لقاها نامت زي الأطفال بعد خصلات شعر نازله على عيونها وبقى يتأمل ملامحها من بعيد ومرضيش يضايقها ابدا لحد ما راح في النوم وهو بيلصلها

في صباح يوم جديد صحيت مفزوعه على صوت ضرب نار قعدت بزهول وقالت..ليه  ايه  مين...الحرب قامت ولا ايه

جواد كان بيلبس هدومه ضحك وقال..حرب..انتي من ايام الحرب ولا ايه... ده صدام بيصيد حمام متخافيش

اتنهدت  براحه وقالت. الله يقلق نومكم يا بعده...حمام ايه الي بتصدوه ما تحشوه وتاكلوه وتسبونا نايمين احسن 

جواد ضحك وقال..انا نازل وانتي كفايه كسل قومي بعت جبتلك هدوم  البسيلك حاجه واعمليلك همه وساعدي منال شويه

اتنهدت وقالت بقولك ايه...هو احنا..احم..امتى يعني هنطلق

جواد ضحك وقال..هو احنا لحقنا اتجوزنا علشان نطلق

ياقوت قالت بضيق..ما هو متتعبش نفسك احنا مش  هنتجوز لو قضينا سوا عشر سنين

جواد قال بسرعه..طب لو ١١ سنه ..ايه النظام

ياقوت ضحكت وجواد ابتسم وقال...اول طريق الحب ضحكه..اشوفك بالليل يا غزال

جواد قال كده ونزل وياقوت بصت في الشنط الي جايبها ولقت كل الي هتحتاجو ولقت شنطه صغيره فيها قمصان نوم  وحجات متتلبسش اصلا بصتلها بغيظ وقالت ...واد مترباش صح

بعد شويه كانت مع منال واتعرفو وقعدو يهزرو ويحكو مع بعض كتير..جواد كان مع صدام ركبو خيل شويه واصتادو شويه 

دخل صدام وقال..احم..عوافي يا مرت اخوي

ياقوت نزلت عينها في الأرض وقالت..يعفيك يا صدام بيه

جواد دخل وراه  وهو بيضحك وبيتكلم في التلفون وقال..اتلمي يا بت..هفضي نفسي واجي

وسمعها شويه وضحك

صدام هز راسو شمال ويمين بيأس  وقال..ربنا يهديك..منال تعالي حضريلي الحمام

منال طلعت مع صدام وياقوت بصتلو بسخريه ودخلت المطبخ

بعد شويه كانت بتجهز الأكل ودخل جواد وراها المطبخ ولف اديه حوالين وسطها من غير مقدمات

ياقوت اتفزعت وضربتو في دراعو بالسكين الي في ايدها كرد فعل من الخضه

جواد فك اديه وبعد وهو بيتالم وقال..ااااه..الله يخرب بيت ابوكي ايه الي هببتيه ده وووووو

تكملة الرواية من هناااااااا