رواية ضحية عشق الفصل الثالث3بقلم مريم احمد جديده وحصريه (جميع الفصول كامله)

رواية ضحية عشق الفصل الثالث3بقلم مريم احمد جديده وحصريه (جميع الفصول كامله)

رواية ضحية عشق الفصل الثالث3بقلم مريم احمد جديده وحصريه (جميع الفصول كامله)

3

حست ان الدم كله بيغلي ف مخها لدرجة انها حست ان دماغها هتنفجر من كلام نغم

من كتر غضبها رمت التليفون على الارض بعصبيه لدرجة انه اتكسر مليون حته

قربت عليها رحمه بقلق

رحمه...مدام صباح حضرتك كويسه

صرخت ف وشها بغضب

صباح....و انتي مااالك؟ غوري من وشيييي؟

جريت رحمه بخوف و هي الدموع في عينيها

فضلت واقفه بتدب رجليها في الارض من كتر غيظها و دخلت القصر

صباااح....الهااااااام ....انتي يا زفته يالي اسمك الهااااااام

جاتلها الهام بسرعه

الهام...ايوا يا صباح هانم

صباح...اعمليلي كوباية كركاديه بسرعه حسه ان دماغي هتنفـ ـجر من الصداع

هزت الهام راسها بطاعه و قالتلها باحترام قبل م تمشي

الهام...حاضر يا هانم

راحت الهام للمطبخ و صباح قعدت على الكرسي بتعب و هي ماسكه دماغها

............

حطت ايدها على كتفها و هي بتقول بقلق

هاله...نغم انتي بخير

لفتلها نغم و ابتسمت بهدوء

نغم...ااا ايوا...يلا عشان طنط وفاء متبقاش لوحدها

هزت هاله راسها ليها و خرجوا يكملوا اكلهم

وفاء...ايه يا حبيبتي مين كان بيرن

نغم..دي خالتو

وفاء...ابقي سلميلي عليها

ابتسمت نغم بتوتر و هزتلها دماغها

بصت وفاء لهاله بمعنى مالها؟

رفعت كتفها بمعنى معرفش و قالت لنغم

هاله...يلا بقى يا نغوم عشان بعد الاكل ننزل نتمشى شويه

نغم...معلش يا هاله ممكن نخليها بكره عشان انا دماغي تعباني و محتاجه انام شويه

هاله...ماااشي بس بكره وعد هننزل

هزت نغم راسها و قامت خدت طبقها و هي بتقول

نغم...تسلم ايدك يا فوفا

وفاء بضيق...ايه دا انتي مكلتيش!!

ضحكت نغم ..لا لا كلت الحمدلله

هاله...خلاص يا ماما سيبيها على راحتها

ابتسمتلهم نغم و ودت الاطباق للمطبخ و دخلت اوضتها

.............

قعدت على السرير و هي بتفتكر زعيق يونس ليها

عينيها دمعت جامد لما افتكرت الي حصلها من اقرب الناس ليها من خالتها الي كانت بتعتبرها امها و من سجده الي كانت حسه انها اختها مش مجرد بنت خالتها

فوقها من ذكرياتها على صوت تليفونها الي كان بيرن

مسحت دموعها و مسكت التليفون لاقيته رقم غريب سابت التليفون تاني و مردتش

بس كان الرقم مصر انه يكلمها

فتحت المكالمه. و اتكلمت بغضب

نغم...خير مين؟؟

مجهول بحب...طب قولي السلام عليكم حتى

نغم بغضب اكبر....حاضر هقولها لأهلك لما اجي اعزيهم فيك كدا

اتقبض قلبه من كلمتها و قالها

مجهول...اهدي يا نغم في ايه

قفلت حواجبها بإستغراب لما اتأكدت ان الشخص دا عارفها فعلا

نغم...مين معايا؟

مجهول بحب....حسن

رفعت حواجبها بدهشه كبيره و هي مش مستوعبه

حسن...نغم روحتي فين

اتكلمت بتوتر

نغم....حـ ..حسن ميـ ..مين معلش؟

سؤال بسيط منها سألته عشان تتأكد من ظنونها خلت قلبه يتكسر لمليون حته

نغم...الو؟

حسن...مـ معاكي الصوت بس كان بيقطع

نغم...طيب ممكن اعرف انت حسن مين

حسن...هي ماما عامله ايه يا نغم

حطت ايدها على بؤقها بصدمه لما اتأكدت و عيونها دمعت لما افتكرت

حسن...انتي مضايقه يا نغم اقفل؟

نغم....هو انت جبت رقمي ازاي يا حسن

حسن...نغم انا لسه بحبك هو انتي مالك؟

ابتسمت و قالت

نغم...ما مالي ما انا كويسه اهو و خالتو الحمدلله كويسه

حسن...قولت اكلمك و اعرفك المفجأه الي كنت قايلك عليها من سنين

نغم بإبتسامه...ايه هي؟

حسن...انا في مطار القاهره و هاجي اطلب ايدك من ماما

اختفت ابتسامتها في ثواني و قلبها اتقبض

حسن...نغم؟

نغم...ايوا يا حسن

حسن...انتي مفرحتيش؟

نغم بدموع...انا أسفه يا حسن بس طلبك مرفوض

قالها بصدمه....ايه!!!

نغم بعياط....انا اسفه يا حسن

حسن بغضب...نا هو انا مش هسيبك ولا هقفل غير لما افهم في ايه

نغم...لو قولتلك هبقى بعمل مشكله و انا مش ناقصه مشاكل

حسن....فهميني يا نغم و ملكيش دعوه مش هيحصل مشاكل ولا حاجه

نغم...يو...يونس اخوك طلب ايدي من ماما انهارده

حس ان قلبه مبيروح و يجي بقى صوت نضبات قلبه اعلى تقريبا من صوتها

حسن...و بعدين؟ ...ماما وافقت؟

كملت نغم و هي بتعيط.....خالتو عايرتني يا حسن خالتو عايرتني جااامد

اضايق جدا من دموعها الي كانت نازله بغزاره

حسن...افهم طيب ايه الي حصل

نغم بعياط....فضلت تعايرني على تربيتها ليا و على فلوسها الي اتصرفت عليا لحد م. كبرت و ان ازاي دكتور يونس الراوي يتجوز بنت احلام كأن. احلام دي مش اختها مثلا و ف الاخر انا اسفه ف الي هقوله بس اتبلت عليا و قالت اني شتمتها و زعقتلها و كلام انا مقولوش خلت سجده و يونس يطردوني يا حسن

ضم ايده بغضب و حزن عليها لدرجة ان عروق ايده بانت

حسن...انتي فين دلوقتي

نغم بدموع...عند هاله

حسن...طب اجهزي و جهزي شنطتك عشان هاجي اخدك و نطلع على المأذون

قامت وقفت بصدمه

نغم...أيه!!!

حسن...زي م سمعتي يلا

و قفل المكالمه و هي على صدمتها دي

خبطت هاله على الباب و دخلت

هاله...ايه كنتي بتكلمي مين

بصتلها نغم باستنكار

نغم...يا سلام قال يعني الباب مكنش مفتوح و سمعتي كل حاجه

مشيت هاله ناحيتها بإحراج مصطنع

هاله...طيب طيب اه سمعت بس مسمعتش هو قالك ايه ف اخر المكالمه خلاكي مصدومه كدا

نغم..هو هنا ف مصر و جاي عشان ياخدني ووو

هاله...و ايه؟

نغم...و هنروح لمأذون نكتب كتابنا

رفعت هاله حواجبها بدهشه

هاله بتوجس...و يونس؟

هزت نغم راسها يمين و شمال برفض

نغم...مش عارفه يا هاله

هاله...نغم انتي كنتي بتحبيه بجد

نغم...انا محبتش غير حسن يا هاله و بعدين انا قولت كدا بس لخالتو عشان هي كانت بتهين فيا جامد

طبطبت هاله على كتفها و هي بتحاول تواسيها

هاله بحماس...انا هروح ابلغ ماما عشان نيجي معاكي كتب كتابك

ضحكت نغم عليها و هاله خرجت بسرعه

..............

عدي كام ساعه

مسكت تليفونها الي كان بيرن

صباح برسميه...الو؟

رد عليها بحب رغم ضيقه منها بسبب الي عملته في نغم

حسن...وحشتيني يا امي

قامت وقفت بلهفه خلت سجده و يونس يبصوا لبعض بإستغراب

صباح بحب...حسن!!

قاموا وقفوا بسرعه و هما بيحاولوا ياخدوا منها التليفون

ضحك حسن و هي كملت

صباح...هتيجي امتى يا حبيبي وحشتنا كلنا و اخواتك عايزين يشوفوك

حسن....عشر دقايق و هتلاقيني بفتح باب القصر

صرخت بفرحه....بجددد!!!

سجده....في ايه قوليلنا غرحينا معاكي

شد يونس منها التليفون

يونس...عامل ايه يا حسن

حسن...الحمدلله يا حبيبي و انت عامل ايه

يونس...الحمدلله

ندهت صباح على رحمه بلهفه

صباح...رحــمــه

جت رحمه بسرعه...ايوا يا هانم

صباح...جهزوا السفره بسرعه يا رحمه بسرعه و زودوا طبق

هزت رحمه راسها

رحمه...حاضر

و مشيت على المطبخ تبلغهم

قالت سجده ليونس بعد م قفل مع حسن

سجده...في ايه يا يونس م تفهمني

يونس بابتسامه...حسن خلاص كلها دقايق و يبقى قدامنا

حطت ايدها على بؤقها بحماس و فرحه كبيره

يونس بضحك....مين قدك يا صبوحه نليفون يتكسر يجيلك غيره ف نفس اليوم وقتي و ابنك الي بقاله فوق ال5 سنين مسافر جيه

ابتسمت صباح و هي كل الي هاممها انها تشوف حسن

سجده...الحمدلله من ساعة م الي اسمها نغم دي غارت و الفرحه جت

هزت صباح راسها بأقتناع

و يونس الي اضايق من كلام اخته جدا

معداش ثواني و سمعوا صوته

حسن بإبتسامه...وحشتوني

لفوا ليه و راحولوا بسرعه و لهفه

و بعد. السلامات و العياط الكتير جت رحمه و هي بتقول

رحمه...السفره جاهزه يا هانم

حسن بإبتسامه...زودي طبق زياده

هزت رحمه راسها بطاعه و دخلت المطبخ

بصت صباح ليه...دا عشانك؟ حبيبي انا قولتلهم من بدري و طبقك جاهز

هز راسه بنفي...لا مش عشاني

يونس باستغراب...انت في حد معاك؟

هز حسن راسه...مراتي

ظهر على وشهم معالم الزهول

كمل هو و هو بيبص ناحية باب القصر

حسن..تعالي يا نغم

دخلت نغم و قربت منهم تحت نظراتهم الي كلها صدمه

مسك ايدها و قالهم

حسن....مش هتباركولنا؟ ووووو

يتبعععع

اعرف توقعاتكوا لرد فعلهم واحد واحد😂😂

يتبعععع

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا