رواية نجمة الادهم الفصل الخامس والسادس 5-6الاخير بقلم زهرة الربيع (جميع الفصول كامله)

 رواية نجمة الادهم الفصل الخامس والسادس 5-6الاخير بقلم زهرة الربيع (جميع الفصول كامله)

رواية نجمة الادهم الفصل الخامس والسادس 5-6الاخير بقلم زهرة الربيع (جميع الفصول كامله)

5

حاولت انساكي بيها انتي مرات اخويا..ومكانش يصح افكر فيكي 

نجمه اتصدمت بكلامو وبقت تسمعو بزهول وهو كمل وقال..ايوه يا نجمه..انا بحبك من زمان..كنت هرجع من السفر واتجوزك...كنت ناوي اقولك اني بعشقك عمري كلو...بس اتفاجات بجوازك من خالد...مكانش ينفع اعمل حاجه...اضريت اقبل بوضع بيقتل روحي كل يوم...مكنتش بقدر اشوفك بتبتسمي في وشوحتى ...ولما...لما تطلعي معاه...لما تطلعو سوا افضل صاحي وقلبي بيتحرق..ومنامش غير بالمهدئات..روحي بتدبح لما افكر انك بين اديه..انا..انا خاولت انساكي بس كنت بفشل..مش بإيدي.. اسف..اسف مقدرتش اعارض بابا..لان قلبي منعني..صورلي ان ممكن تكوني من نصيبي في يوم..انا اسف على دموعك..اسف بجد

نجمه كانت حرفيا مصدومه..ودموعها بتنزل بغزاره مش مصدقه ان ادهم بيحبها كل الحب ده..عمرها ما خدت بالها ليه...كان ديما خالد بيشغلها عنو وعن الحب الي باين في عيونه

مسحت دموعها وفتحت الباب وبصتلو وهيه مش قادره تتكلم بس بتبصلو جامد كأنها اول مره تشوفو

ادهم ابتسم وسط دموعه وبقى يبصلها شويه بس اتفاجأ بيها قربت منو بزهول ومسحت دموعه باديها وضمتو بهدوء وحطت راسها على كتفو وهيه مصدومه جدا منو ومن نفسها كانت من جواها مبسوطه بكل كلمه قالها 

ادهم ابتيم وضمها بحب وقال.اديني فرصه بس ..هخليكي تنسى اي حاجه دايقتك في يوم انا بحبك يا نجمه مش عايز غير تتقبليني في حياتك بس

نجمه بعدت وابتسمتلو وهزت راسها بالموافقه بابتسامه جميله جدا

ادهم ابتسم بسعاده رهيبه وهو مش مصدق انها وافقت عليه حضنها وبقى يلف بيها بفرحه كبيرعه ونجمه بقت تضحك على جنانو

بقلم...زهرة الربيع

استمرت الايام بنهم في سعاده وكانو كل يوم يطلعو سوا ويتفسحو وراحو مناطق جميله ومميزه واتصورو هناك ونجمه كانت مبسوطه جدا معاه وكل يوم بيقربو من بعض اكتر

في يوم راحو سينما ادهم جيه وقال بحماس..الفيلم انهارده خطير يلا قرب يبدأ

نجمه ابتسمت على فرحتو ودخلت معاه

اول ما اتقفل النور وبدأ الفيلم نجمه اتصدمت لانو فيلم رعب مسكت في دراع ادهم بخوف وهو بصلها وقال..ها ايه رأيك

قالت بخوف راي في ايه...انت..انت مدخلني فيلم رعب يا ادهم

ادهم قال..ايه معجبكش ولا ايه على فكره ده فيلم خطير استني بس لما يبدأ كويس

نجمه بصت للفيلم وكان عباره عن مجزره قالت بخوف..هو  هيبدأ أكتر من كده .لا..لا مقدرش انا بخاف بخاف قوي يلا نطلع وانبي

ادهم ضحك وقال..يبنتي مش انتي قولتي اختار انت اي حاجه على ذوقك

نجمه قالت..ايوه بس انا قولت هختار حاجه رومانسي يعني..ده الي بالعاده بيسمعوه اتنين متجوزين لما يطلعو سوا..مش رعب عيب عليك يا ادهم

ادهم ضحك عليها وقال ..طب يا ستي ولا تزعلي نفسك نطلع...انا قولت يعني ده هيبقى مفيد بالنسبالي كل ما تخافي تيجي بين اديا 

نجمه ابتسمت وضربتو في كتفو بخفه ولسه هترد واحد بصلهم وقال..انا رايي الناس تسيب فيلم الرعب ده وتبص على فيلم  ال+18 الي هنا ده

بقلم...زهرة الربيع

ادهم بصلو بغضب وقال..احترم نفسك يا حيوان انت دي مراتي 

الراجل قال..ياعم يسهلو انا اعرف واحد كان كل فيلم يتجوز واحده عادي جدا بتحصل

ادهم وقف وقال بغضب..لا ده انت عايز تتربى بقى...خليكي بعيد انتي يانجمه

نجمه خافت ومسكت ايده وقالت..بلاش وانبي يا ادهم وانبي بلاش 

ادهم بعد ايدها براحه وقرب من الراجل بغضب وقال..اعتذر حالا

الراجل قال بغضب..مش هيحصل

ادهم قال بغضب..يبقى تستحمل بقى ولسه هيضربو بيبص لقا اربع رجاله زي الحيطان واقفين جمبو وبيبصولو بشر

نجمه اتسعت عنيها بزهول وادهم زيها اتصدم بيهم  وحاول يهدي كلامو وقال..احم...هو...هو الكباتن معاك مش كده

الراجل قال بشر .اه معايا

ادهم بص لنجمه وقال..العمر واحد والرب واحد...اشوفك في الجنه بقى.... وبصلهم وقال ...ها ياشباب مين هيبدأ

واحد منهم في ثواني اداه بوكس ونزلو فيه ضرب من واحد للتاني وكانو كتير وعضلات وحاجه تخوف

نجمه بقت تصرخ جامد  واتلمو اداره المكان يفضو الاشتباك

بعد وقت كانو في الاوتيل ادهم نايم على السرير ونجمه جمبو وبتبصلو بحزن مستنياه يفوق وهيه قلقانه جدا بس ابتسمت بفرحه لما فتح عنيه بتعب

نجمه قالت بلهفه...ادهم ..ادهم سامعني..

ادهم حاول يقوم وهو تعبان جدا واتألم وقال ااااه...يالهوووووي..مفيش حته في جسمي سليمه

نجمه قالت بحزن..سلامتكك يا ادهم...انا..انا مش عارفه اقولك ايه..انا حاسه اني انا السبب ياريتنا ما خرجنا

ادهم ابتسم وقال....ده اجمل يوم في حياتي...غير اننا كنا سوا ..كمان شوفت خوفك عليا..كان واضح في عيونك الحلوين..قد ما بكره اشوفك خايفه او زعلانه..على قد ما فرحت انك خوفتي عليا

نجمه ابتسمت وهيه بتمسح دموعها وقالت..والله انت مجنون...انت في ايه ولا في ايه..ده لولا اني بقيت اصوت زي المجنونه والامن اتصرفو كان زمانهم قتلوك

ادهم قال بسرعه  يقتلو مين يا بت...انتي هبله ..انا بس اتاخدت على خوانه..و هما يعني كانو كتير ..اتكاترو عليا

نجمه ضحكت وقالت..اه...فعلا هما كتير على العموم..انت برضو مش سهل جامد انت

ادهم ضحك وقرب منها وقال..بجد...عجبتك وانا بضرب

نجمه ضحكت وقالت..جدا

ادهم قرب اكتر وقال..طب..طب مش هتعالجيني بقى

نجمه قالت ببرائه..ايوه ما انا حطتلك مطهر ومضاض لتورم عملت كل المطلوب

ادهم ابتسم وقال..ايه فاضل اهم حاجه

نجمه بصتلو باستغراب وهيه بتحاول تفتكر نسيت ايه بس اتجمدت مكانها لما حط ايده ورا شعرها وقرب دماغها منو واقتنص شفا،،يفها في بو،،سه طويله سرقت انفاسهم

ادهم كان مبسوط جدا بالحظه دي معاها اجمل ما فيها ان نجمه كانت بتبادلو مشاعره لاول مره

بعد شويه بعد عنها وقال بهمس..بحبك اوي..بعشقك...ونفسي فيكي....جدا

نجمه نزلت عيونها بكسوف شديد وادهم قرب منها وهيه ممانعتش ابدا بالعكس كانت متجاوبه معاه جدا وغابو سوا في عالم خاص بيهم لوحدهم

في صباح يوم جديد...قام ادهم وكان اجمل صباح... اخيرا فتح عنيه على ملامحها الجميله كانت على دراعو ونايمه ببرائه ابتسم  وبعد خصلات من شعرها وباسها برقه على خدها وبقى يتحرك على السرير بقصد علشان تصحى

نجمه صحيت على حركاتو المزعجه وقالت بنوم..فيه ايه يا ادهم وبعدين يعني.

همس في ودنها وقال...صباحيه مباركه يا عروسه

نجمه افتكرت الي حصل بنهم قامت وهيه مكسوفه جدا وقالت..احم .الله يبارك فيك

ادهم ابتسم على كسوفها الجميل وقال...ده اجمل صباح في حياتي كلها...عدو عليا ٢٧ سنه حاسس اني معشتش فيهم غير انهارده

نجمه حطت ايدها على خدو وقالت بابتسامه...انت تستاهل تتحب يا ادهم..تستاهل حب الدنيا كلو

ادهم باس ايدها برقه وقال..وانا مش عايز غير حبك انتي وبس..نفسي تعشقيني زي ما بعشقك

نجمه ابتسمت وقامت من جمبو وهيه لافه الملايه عليها وراحت ناحية الحمام وقبل ما تدخل بصتلو وقالت بغمز...قربت اوي على فكره..ودخلت الحمام بسرعه

ادهم اتفاجأ بجملتها ونط من على السرير وجري عليها بس كانت دخلت الحمام ..قال بضحك...كده..بتلعبي بيا يا نجمه طيب الاحسن تفضلي عندك بقى...

نجمه فتحت الباب بسرعه وخطفت بو،،سه من شفا،،يفو وقبل ما يمسكها دخلت تاني وهيه بتضحك

ادهم ضحك وكان نفسو يمسكها ويضمها لحضنه بس هربت من بين اديه

استمرت الأيام بينهم في سعاده وفسح وكلام جميل وقعدو اكتر من شهر لحد ما نزلو  القاهره ورجعو على البيت

نجمه رجعت واحده تاني غير الي سافرت مبسوطه جدا وباست ايد عمها وسلمت عليه بحب

وادهم كمان حضن ابوه بشده وفتحي كان مبسوط بيهم

خالد نزل وبصلهم بسخريه وقال العرسان رجعو يا اهلا

ادهم اضايق وخاف نجمه كمان تضايق تاني قال بسرعه  يلا نطلع اوضتنا يا نجمه

نجمه ابتسمت ومسكت ايده بحنان وقالت..خلينا نسلم على اخوك يا ادهم الاول وقالت ..اهلا يا خالد..اخبارك تمام

خالد اتفاجأ انها متضايقتش زي قبل ما يسافرو اتخنق وقال..احم..تمام

نجمه قالت ببرود..ان شاء الله ديما...وقعدت هيه وادهم جمب فتحي وبقم يتكلمو وشربو قهوه سوا وهما متجاهلين خالد تماما  وقعدو شويه وطلعو وهما  ماسكيين ايدين بعض بحب

فتحي اتنهد براحه وخالد بصلو بغيظ وقال ...مبسوط انت دلوقتي عملت الي في دماغك وجوزتهالو وكمان قربتهم من بعض

فتحي قال بابتسامه..طبعا مبسوط..ادهم ابني..من دمي..هو انا علشان والدتك كانت طيبه معايا وبحبها ووافقت اكتبك على اسمي علشان مخسرهاش تفتكر انك تقدر تتحداني..صحيح ان اكرمت اللئم تمردا

بقلم...زهرة الربيع

شوف يا خالد..انا مش بكرهك بس انا وعدت اخويا قبل ما يموت  ان بنتو لادهم ابني وادهم بيحبها  تقوم انت تقرطسني وتتجوزها من ورايا علشان الفلوس عايزني افضل ساكت

خالد قال ...انا لولا اني مش عايز ازعكك لانك ربتني و

فتحي ضحك وقال..لا ياخالد انت خوفت..خوفت انفذ تهديدي واقول انك مش ابني واحرمك تورث...مش محبة فيا..وانا عند وعدي محدش هيعرف

خالد ابتسم بشر وقال..شكرا يا فتحي بيه ..صحيح شربت قهوتك

فتحي استغرب سؤاله وقال...شربتها..ليه

خالد ابتسم بسخريه وقال .ابدا..بالهنا

عند ادهم قرب من نجمه وهيه بترص الهدوم وقال...زعلتي

ابتسمت وبصتلو وقالت...وهزعل ليه..ده نصيب  وانتهى..ولا انت شاكك ان لسه فيه حاجه في قلبي ليه

ادهم ابتسم وقال...انا عمري ما اعرف اشك فيكي..انا بس مش عايزك تزعلي ابدا

نجمه حضن،،تو وقالت..عمري ما هزعل وانا معاك انا متأكده

بس فجأه نجمه حست بدوخه شديده  و قالت بتعب...ااااه...ووقعت مغمى عليها

ادهم سندها وهو بيبصلها بقلق وقال .نجمه مالك..بس للاسف هو كمان داخ جدا وقال بضعف..نجمه..نجمه سمعا....بس وقع هو كمان وغاب عن الوعي

في اللحظه دي دخل خالد وقال بسخريه...مش انا الي يحصلي كده واسكت يا فتحي..هحسرك واحسرو عليها وشال نجمه وطلع بيهاووو

6

شال نجمه وطلع بيها وهو  وطالع كان  فتحي واقع برضو على الارض مغمى عليه بصلو بسخريه ومشي بيها

بعد شويه ادهم فاق ولقا نفسو على الارض وقف باستغراب وتعب بس اتخض جدا لما افتكر الي حصل وبقى ينادي على نجمه ويدور عليها في البيت بس ملقهاش...نزل جري وهو بيقول..بابا...بابا ....با..

بس اتفاجأ بيه مرمي على الارض نزل لمستواه وبقى بفوقو بقلق شديد  واول ما فاق اتنهد براحه وقال...الحمد لله ...بابا...انت كويس

فتحي قال بتعب اه انا كويس ياابني هو..هو ايه الي حصل

ادهم قال بخوف..مش عارف..مش عارف يا بابا...نجمه تعبت وكنت مش عارف مالها بس قبل ما افهم حاجه محستش بالدنيا  صحيت لقيتك انت واقع على الارض ونجمه..مجمه مش موجوده

بقلم...زهرة الربيع

ابوه اتصدم وفكر شويه وافتكر جملة خالد لما قالو شربت القهوه.. قال بسرعه..خالد.. خالد في البيت

ادهم قال باستغراب لا..هو كمان مش موجود...واتحولت ملامحو لزهول رهيب لما فهم قصد ابوه وقال..معقوله يعملها

فتحي قال ..يعملها يا ابني يعملها...الحقها بسرعه..احسن ياذيها مش بعيد يقتلها

ادهم بصلو بدهشه وقال..يقتلها..انت بتقول ايه يا بابا دي مهما كانت بنت عمو 

فتحي قال بسرعه ..لا يا ابني مش ابن عمها..خالد مش ابني...خالد ابن المرحومه مراتي من جوزها الاول..

ادهم اتصدم بالي قالو  وفتحي قال بسرعه..دي الحقيقه يا ابني انا لما اتقدمت لوالدة خالد بعد وفاة والدتك... هيه كمان جوزها  كان ميت من سهرين وحامل ومكانش حد عارف لسه انها حامل ..سافرنا انا وهيه ووالدتها واستنيناها ولدت واتجوزتها وكتبت خالد على اسمي علشان اهل جوزها ميخدهوش منها..انا ربيتو معاك ومفرقتش بينكم لحد ما هو طمع في بنت عمك مع انو عارف انك بتحبها واني كنت هجوزهالك..لما اتجوزها من ورايا اتخانقت معاه..وهدددتو لو لمسها ولا قرب منها هقول انو مش ابني وهحرمو الورث وعلشان كده وافق يطلقها

ادهم كان مصدوم من الي بيسمعو وقال...يعني خالد مش اخويا انا كنت فاكر انو ابنك وكنت بقول انو بيكرهني علشان مش من ام واحده

فتحي قال...انا اسف يا ادهم كان لازم تعرف من زمان انت كنت طفل صغير لما اتوفت والدتك واتجوزت والدة خالد ولما كبرتو قولت يمكن تحبو بعض ومضطرش اعرفك..لاكن خالد كان عارف لانو في مره سمعنا انا وامه وعرف انو مش ابني ومن يومها وهو حاقد علينا 

ادهم شد شعره لورا بتوتر وقال..المهم نجمه دلوقتي اعمل ايه هعرف مكانو ازاي...و...بس سكت لما افتكر حاجه مهمه وطلع جري وقال..انا تقريبا عرفت هو فين

على الطريق كان ادهم سايق بسرعه البرق وهو بيفتكر كلامها لما قالت انو فسحها في الشاليه الي محدش يعرف مكانو غيره طلع على هناك بسرعه وهو بيتمنى يكونو فعلا هناك

اما نجمه فكانت نايمه على السرير ومش حاسه بحاجه فتحت عنيها بتعب لقت خالد قدامها قال بخوف...خالد..انا..انا فين

خالد قال بصي حواليكي مش فامره المكان ده يا نجمتي..احنا جينا اتفسحنا هنا قضينا اجمل ٣ ايام..نهارهم كان جميل بس لياليهم مش حلوه...الله يسامح الي كان السبب..على العموم نعوضهم انهارده وقرب منها بوقاحه ومشى ايده على كتفها بطريقه قذره

نجمه اتصدمت وزقتو وقالت بغضب..انت بتعمل ايه..انت حيوان..ابعد عني..

خالد قال وهو بيقرب منها وعنيه هتطلع عليها...انا بحبك يا نجمه انتي ملكي انتي كمان حبتيني كان نفسي قوي تباتي في حضني بس عمك..عمك هو السبب

نجمه كانت مش فاهمه بيقول ايه وبقت ترجع لورا ولسه هتجري شدها عليه وبقى يبو،،سها بعن،،ف وهيه بتقاومو وبتزقو

نجمه بقت تصرخ وتحاول تفلت من بين اديه بس مش قادره وقعها على الارض وانقض عليها بوحشيه 

في الوقت ده ادهم وصل وبقى يبص على الشليهات المقفوله وبيحاول يعرف اي واحد فيهم الي نجمه كانت تقصده لحد ما سمع صوتها بتصرخ جامد جري ناحيه الصوت وضرب الباب برجلو بقوه وقعو على الارض

بقلم..زهرة الربيع

ادهم اول ما شافو بيعتدي عليها ضم اديه بغضب وخالد وقف بسرعه وارتباك.

نجمه قامت وجريت على ادهم وهيه بتبكي جامد وهو كان بيبص لخالد بنظرات مرعبه

خالد طلع سلاحو وقال..خليك مكانك..اياك تتحرك

نجمه صرخت لما شافت السلاح بس ادهم اتقدم عليه وهو بيبصلو بحده 

خالد بقى يرجع لورا وهو رافع السلاح عليه 

بس ادهم  زقو بقوه خبطو في الحيط وقع السلاح منو ونزل فيه ضر،،ب بقوه وهو واقع على الارض وادهم بيضر،،بو بوكس في التاني بغضب رهيب

خالد كان هيغمى عليه من الضر،،ب وادهم مش سايبو بس وصلت الشرطه وملت المكان ادهم بلغهم وهو على الطريق..

الضباط شالو ادهم من عليه وهو متعصب وعايز يقتلو وبيقول..سبوني اوعو..بس سكت لما سمع نجمه بتبكي جامد 

ادهم هدي شويه وقرب عليها وبصلها بدموع وشدها لع جامد وبقى يهديها

نجمه بقت تبكي بين اديه وقالت..الحمد لله انك جيت كنت خايفه..كنت خايفه اوي متلحقنيش

ادهم بص لعيونها وقال...مقدرش يا نجمتي...كان لازم الحق نفسي..انا اموت لو جرالك حاجه

نجمه ابتسمت بحب واضح في عيونها وقالت...بعيد الشر عن قلبك يا عيوني...انا لحد دلوقتي مكنتش فاهمه ليه حصل كل ده بس بعد ما حبيتك عرفت ان ربنا اختارلي الخير وبس

ادهم قال...ربنا بس لطف بحالي يا نجمه ..هو اعلم قد ايه بحبك وقد ايه كنت هتجننن عليكي..بحمدو كل يوم على وجودك..ياقلب ادهم وعمر ادهم...ونجمه الأدهم وكل حياتو🥰

.......تمت بحمد الله ......

كنتم مع نجمة الأدهم  بقلم زهرة الربيع اتمنى تكون هجبتكم وانتظرو قصه تانيه في نفس الموعد .. زهرتكم تحييكم ودمتم في امان الله مع من تحبون 🥰🥰