رواية فريدة الالفي الفصل الخامس 5كاملة (جميع فصول الرواية) بقلم فريدة أحمد

رواية فريدة الالفي الفصل الخامس 5كاملة (جميع فصول الرواية) بقلم فريدة أحمد

رواية فريدة الالفي الفصل الخامس 5كاملة (جميع فصول الرواية) بقلم فريدة أحمد

عاوزة اتطلق

قالتها ميرنا بجمود رد ادهم عليها باستغراب وقال.. نعم! يعني ايه عاوزة تطلقي

ميرنا... يعني عوزاك تطلقني. واضحة اهي  

وقامت وقفت وقالت.. وممكن اوضحهالك اكتر 

وقالت بصوت عالي.. يعني اناا لا عايزاااك ولاا عاااايزة اعيش معااك ياااريت بقاا تطلقني ونخلص

ادهم... طب نامي ياميرنا وبطلي جنان

ميرنا.... انا مش بقول اي كلام. ولو مطلقتنيش بهدوء انا هخلعك ساامع.هخلعك 

مفيش ثواني وكان كف شديد نزل علي وشها من قوته وقعت علي الارض

قامت من علي الارض بصعوبة وهي دموعها في عيونها و بتبصله بغضب وكره شديد ومن غير ما تتكلم جابت الشنطة وبدأت تلم هدومها

ادهم ….انتي بتعملي ايه 

مردتش ومازالت بتلم هدومها

ادهم بغضب ... بطلي جنان ورجعي الهدوم مكانها. مفيش خروج من هنا

ميرنا بغضب وتحدي….لا هخرج  وهروح  لأهلي. ويلا لو سمحت طلقني حالا 

ادهم..... مفيش طلاق واعقلي وعدي يومك

ميرنا بعصبية .... انا مش هتنازل عن الطلاق وهتطلقني سواء بمزاجك اوغصب عنك. وبعدين انت عااوز مني ايييه. طلقنيي بقااا

كملت بكسرة وقالت… انت كده كده مبتحبنيش عاوز مني ايه 

ادهم بهدوء…. رجعي الهدوم مكانها

ميرنا بعصبية… مش هرجعها  بقولك طلقني 

دموعها نزلت وقالت…. سبني اشوف حياتي مع حد غيرك يحبني ويقدرني 

ادهم… وانتي بقا عاوزة تطلقي علشان تتجوزي 

ميرنا… حقي.. واكيد هتجوز 

ادهم فقد اعصابه لما قالت كده وانها بتطلب الطلاق علشان تتجوز غيره ومن غير مايحس نزل علي وشها بقلم تاني

وبغضب….مش عاوز اسمع كلمة الطلاق دي تاني.ساامعة

ميرنا بدموع واديها علي خدها …   انا بكرهك.بكرهك

وراحت تلم هدومها تاني 

ادهم بزعيق….رجعي الهدوم مكانها قولت وخلي يومك يعدي علي خير

ميرنا بغضب… انا لايمكن اعيش معاك بعد النهاردة. وهمشي وريني هتمنعني الزاي

بره

شهيرة سمعت صوتهم العالي وراحت تشوفهم 

خبطت علي الباب… ادهم. ادهم افتح.. يا ادهم

فتح ادهم الباب 

دخلت شهيرة وهي بتبصلهم.. في ايه مالكو. صوتكو عالي ليه

قربت علي ميرنا اللي واقفة بتعيط.. في ايه ياحبيبتي. ايه اللي حصل 

ميرنا كانت بتعيط بس

بصت شهيرة ل أدهم  بغضب… انت عملتلها ايه. ايه اللي حصل 

كملت بشك.. انت ضر، بتها.. ماترد عليا

ورجعت بصت ل ميرنا… هو ضر، بك

ميرنا هزت راسها بدموع 

شهيرة بغضب ل ادهم… هو دا اللي اتفقنا عليه .

ادهم…. ياريت تعقليها انا مش ناقص جنانها ده

وخرج برا الاوضة  وهو مش طايق نفسه

وهو خارج كان ياسين خارج من اوضته هو كمان علي الصوت

ياسين… في ايه. انت اتخانقت انت ومراتك

ادهم… الهانم عاوزة تطلق فجأة وعملالي مشكلة

ياسين… ليه ايه اللي حصل

ادهم… محصلش حاجه. فجأة هبت في دماغها تطلق دلوقتي

ياسين.. وانت عملت ايه

ادهم… ضر،، بتها

ياسين … انت غبي. ليه كده 

ادهم… كنت هعمل ايه. عصبتني 

ياسين… ايا كان مينفعش تمد ايدك عليها.فاهم

ادهم بندم… اللي حصل بقا

حط ياسين ايده علي كتفه وقال… انا عارف انك متجوزها غصب عنك. بس مش معني كده تعاملها بطريقتك دي… ادهم ميرنا كويسة وبتحبك. حاول تحبها

ادهم… مش بإيدي

ياسين…. طيب انت عاوز تطلقها

رد ادهم بسرعة… لأ

ياسين… طب منين مش بتحبها ومين مش عاوز تطلقها

ادهم… مش عارف. بس انا مش متخيل اطلقها وتروح تتجوز حد غيري

ياسين… تبقي بتحبها وانت مش عارف 

اتنهد وقال… متضيعهاش من ايدك. انا متاكد انك بتحبها.. يلا ادخل صالحها قبل ماتركب دماغها وتمشي وخالتك تزعل

ادهم.. انا مخنوق دلوقتي. لما ارجع

ياسين… هتروح فين

ادهم.. خارج 

خرج ادهم وياسين طلع وكانت شهيرة لسه بتهدي في ميرنا اللي مصممة تسيب البيت وتمشي

شهيرة… ياحبيبتي اهدي بقا ما انتي لو مكنتيش عصبيته مكانش هيمد ايده عليكي

ميرنا… انا مش ماشية علشان مد ايده عليا بس. ابنك عمره ماحبني وانتي عارفة. انا مش ههزق نفسي وارخصها اكتر من كده

ياسين وهو طالع كان باب الاوضة مفتوح وسمع امه وهي بتهدي فيها لكن هي بردو مصممة 

ياسين دخل، شهيرة اول ماشافته قالت… ياسين تعالي شوف حل علشان انا تعبت

وقبل ما يتكلم ميرنا قالت… خليه يطلقني ياياسين

ياسين.. ميرنا خلاص عدي المرة دي وهو لو عملك حاجة بعد كده هطلقك منو. بس انتي بلاش تعصبيه ماشي. صدقيني هو ندمان علي ال حصل

شهيرة… انت اتكلمت معاه 

ياسين… ايوه 

وبص ل ميرنا وقال..  يلا ياميرنا استهدي بالله ورجعي الهدوم مكانها وهو لو زعلك تاني قوليلي ووعد انا اللي هطلقك منو بنفسي

…………… 

تاني يوم عند فريدة

كانت فريدة قاعدة قلقانة قامت خرجت بره الاوضة شافت واحد من الحرس واقف اتحركت وراحت عنده 

فريدة… هو فين

الراحل…. هو مين

فريدة…. ياسين 

الراجل مش عارف

فريدة…. طيب كلمو 

الراجل…  مينفعش اكلمو 

اتعصبت فريدة وقالت… يعني ايه مينفعش تكلمه يعني ايه. بقولك كلمه يلاا

فجاة سمعت صوت ياسين من وراها بيقول… مالك ياانسه فريدة معصبة نفسك ليه بس

فريدة لفت ولسه هتتكلم 

ياسين… وبعدين ايه اللي خرجك من الاوضة. الزاي تخرجي 

وبص للحارس… انا مش قولت الهانم متخرجش يابهيم انت.. حسابك معايا بعدين

وخدها من ايدها وقال… تعالي 

وبعد مادخلو الاوضة 

فريدة… ممكن افهم انا هافضل هنا محبوسة لحد امتا

وقعدت وكملت بعياط وهي بتقول… حرام عليك عاوز مني ايه. مو، تني بقا وريحني. يلا مو، تني

ياسين… عاوزة تمو، تي.. هتمو، تي ماتستعجليش

فريدة… المو، ت اهون عليا من اللي انا فيه 

ياسين.. وايه اللي انتي فيه. حد عملك حاجة. حد بيضايقك. دا انتي بتتعاملي احسن معاملة. طب بذمتك في واحدة مخطوفة بتتعامل زيك كده. دا غير كمان لو فكيتي ممكن اخرجك وافسحك كمان 

فريدة بصتله بغيظ وبعدين قالت… كفاية التوتر اللي انا فيه. انا مش عارفة انت ناويلي علي ايه ولا بتدبر لايه

ياسين.. متقلقيش. قريب هترتاحي 

وقام 

فريدة… انت رايح فين. انت هتسيبني كده وتمشي

ياسين… عاوزة حاجة ولا ايه 

وقرب ليها وبوقاحة وهو بيمرر عينه علي جسـ مها. قولي متتكسفيش لو عاوزة حاجة انا في الخدمة 

وغمزلها 

فريدة بغضب… انت سافل وقليل الادب 

اتنهدت وقالت… انا بس كنت عاوزة اكلم ماما. ممكن تخليني اكلمها

ياسين… يااشيخة. عادي كده. عاوزة تكلمي ماما 

وبعدين قال بتهكم… انتي فاكرة نفسك بتصيفي. انتي مخطوفة ياماما 

فريدة… ماما اكيد قلقانة عليا 

ياسين… طب منا عايزهم كلهم يقلقو عليكي امال انا خاطفك ليه بسلي نفسي مثلا

يتبع…… 

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا