رواية منزل عمار الفصل الثامن 8الاخيربقلم نور محمد جديده وحصريه (جميع الفصول كامله)

 رواية منزل عمار الفصل الثامن 8الاخيربقلم نور محمد جديده وحصريه (جميع الفصول كامله)

رواية منزل عمار الفصل الثامن 8الاخيربقلم نور محمد جديده وحصريه (جميع الفصول كامله)

#منزل_عمار_8

معاذ بدموع وحزن كبير:بنتك ياحمايا وبنتي مما'توش في حادث طبيعي البيت مولعـ'تش بيهم كده من نفسه عامر اللي كان السبب في مو'تهم وحسرتي عليهم ياحمايا 

حماه بصدمه وزهول كبير:انت بتقول ايه انا بنتي وحفيدتي اتقتلوا 

معاذ بدموع: ايوه ياحمايا اتقتلوا بسبب عامر

حماه بعدم فهم: ازاي يابني يعني عامر اللي قتلهم وليه 

معاذ تهند بحزن وقال: لا مش هو اللي قتلهم بس هما ماتوا بسببه انا هحكليك الحكايه من الاول

: انا وعامر كان معانا قصيه كبيره بتاعه عصابه مافيا شامله كل حاجه أبشع ماتتخيل هما بيعملوه وبعد مجهود كبير اوي مننا قدرنا نجمع عنهم ادله كتير في ملف واحد والملف ده كان مع عامر والعصابه عرفت وحاولت مع عامر بس منجحتش فتوجهت ليا انا وفي يوم كنت في الشغل مع عامر وشخص رن عليا وهددني انه هيحرق بيتي بمراتي وبنتي لو الملف مبقاش معاهم وانا روحت لعامر وطلبته منه بس هو قال

فلاش باق قبل زمن 

دخل معاذ مكتب عامر برعب وقال: عامر الحقني العصابه عرفت بموضوع الملف وهددوني بموت عيلتي في المقابل 

عامر بهدووء: اهدي يامعاذ ده اكيد تهديد على الفاضي بيخوفوك علشان ياخدوا الملف مننا بس 

معاذ بخوف: لا ياعامر شوف هما بعتوا ليا الفديو ده هيحرقوا البيت بمراتي وبنتي ارجوك هات الملف عيلتي في خطر كبير 

عامر ببرود: مقدرش يامعاذ انت عارف احنا تعبنا قد ايه على الملف ده ولو سلمناه لهم ارواح كتير هتموت بدون زنب اهدي وخلينا نفكر بهدووء احسن

معاذ بجنون: اهدي ايه بقولك مراتي وبنتي في خطر حس بيا بقى انا لو خسرتهم مش هسامحك ابدا ياعامر 

وقف عامر وقرب منه ببرود وقال: طيب تعال. معايا نروح نشوف كده كلامهم ده حقيقه او تهديد على الفاضي وبعدها ربنا يحلها

معاذ بخوف وقلق: ولو طلع حقيقه انا هخسر عيلتي ياعامر ارجوك هات الملف اقدمه لهم انا مستحيل اضحي بعيلتي علشان أي شئ دول حياتي 

عامر بهدووء: تمام هعطيك الملف بس تعال نشوف بعنينا الاول وبعدها هتاخده اوعدك

معاذ بخوف: تمام ياله بينا

طلع عامر ومعاه معاذ وبعد وصولهم لمنزل معاذ تسمروا مكانهم من الصدمه لما لقوا البيت مو*لع فعلا قدامهم ومعاذ كان هيجري جوه النار لولا عامر اللي مسكه بسرعه

معاذ بجنون: سيبني ياعامر الحقهم كله منك قولتلك هيقتلهم مصدقتنيش انا مش مسامحك ومش هسامحك ابدا 

عامر بحزن ودموع: اهدي يامعاذ البيت خلاص كلته النار ارجوك اهدي

معاذ بجنون ودموع: لاااا مستحيل دول حياتي وانت السبب انت السبب ياعامر في موتهم انت السبب 

معاذ من كتير الانهيار اغمي عليه وعامر اخده في حضنه بشفقه وحزن كبير عليه 

باق الحاضر 

معاذ بدموع: خسرتهم بسببه كان ممكن نلاقي طريقه تاني علشان نقبض علي العصابه دي بس هو رفض وضحى بعيلتي انا 

حماه بدموع: عندك حق يامعاذ طيب انت هتعمل ايه دلوقتي يابني 

معاذ بشر وانتقام: مش هسيبه هاخد حق مراتي وبنتي منه وزي ماحرق قلبي عليهم ورفض يساعدني انا هحرق قلبه على ابنه كمان 

حماه بحزن: تمام يامعاذ اعمل اللي يريحك يابني  

وفي نفس الوقت في شقه عامر 

دخل عامر وهي دخلت معاه واول ماشافها اياد جرى عليها بفرحه حضنها بقوه

اياد بفرحه: ماما جميله وحشتيني اوي اوي 

بادلته الحضن بفرحه وقال: وانت كمان وحشتني يااياد  

اياد فضل في حضنها وعامر بص عليها بتعجب وقال: ودلوقتي تقدري تقوليلي انتي عملتي ده كله ازاي وليه؟ 

رد عليه ببسمه وقالت: حاضر اولا عاوزه اقولت ياعامر اني مش مراتك جميله 

عامر بصدمه: اييه امال انتي مين؟ 

ابتسمت وكملت: انا اختها التوأم ساره 

عامر بصدمه وزهول: نعم اختها التوأم ازاي وجميله مكنش معاه اخوات اصلا 

ساره ببسمه حزن: لا معاها ياعامر بس هي مكنتش تعرف بوجودي وانا من فتره كده بس عرفت بوجودها كمان 

عامر بتشتت وعدم فهم: لا انا كده تهت منك انتي قصدك ايه؟  بقلم نور محمد

ساره بسرد وتوضيح: انا هفهمك ماما زمان كانت حامل في توأم جميله وانا وبعد ولادته حصل مشاكل كبيره بينها وبين بابا ووصلت لطلاق وماما كانت عاوزه تاخدنا سوى معاها بس بابا رفض ده وفي النهايه قرروا كل واحد يأخد بنت فينا وماما اخدتني انا وسافرت بره مصر لعيلتها في لبنان وجميله فضلت هنا مع بابا وخبوا عننا الحقيقه علشان منطلبش نشوف بعض فهمت 

عامر بفهم: اه علشان كده حمايا كان بيقوا جميله يتيمه الام كان بيكذب عليا علشان معرفش الحقيقه

ساره بدعم: باظبط كده ومن فتره ماما تعبت اوي وهي على فراش الموت حكتلي كل حاجه وقالت انزل اشوف اختي جميله علشان مقعدش هنا وحيده وانا عندي عيله هناك ولما نزلت مصر سئلت عن بيت بابا الاول ورحت علشان اقابله بس قالولي انه مات من سنه فسئلت عن مكان جميله وقالولي انها اجوزت وساكنه مع جوزها اللي هو انت فروحت علطول لبيتكم علشان اشوفها واول مادخلت عرفت انها ماتت وشوفت اياد وقتها كان بيلعب جنب البسين وخلاص يقع فيه فلحقته بسرعه وهو حضني وقالي ماما ففهمت انه ابن جميله واخده علشان ادخل اشوفك بس هو قالي ماما انتي ازاي طلعتي تاني من البسين بعد ما الراجل المقنع غرقك فيه انا الاول انصدمت من كلامه وسئلته مين قالك كده قالي عمار وهنا فهمت ان اختي اتقتلت مش ماتت طبيعي فستخبيت في البيت علشان اعرف الحقيقه وعرفت بحقيقه عمار وانا اللي دخلت اول مره ليك علشان تلحقه من عمار ومظهرتش قدامك بس علشان اراقب اياد واخد بالي منه واعرف مين اللي قتل جميله اختي 

تهند عامر بدموع وقال:جميله مراتي ماتت مقتوله وانا معرفش مين اللي قتلها وعرفت من شويه بس الحقيقه دي من اياد و

ساره بسرعه:بس انا عرفت مين اللي عمل كده 

عامر بلهفه:مين ياساره قولي بسرعه؟

طلعت ساره جواب من جيبها وقدمته لعامر وقالت:انا لقيت ده بصدفه في غرفه جميله هي كانت كاتبه فيه انها شافت شخص مقنع بيلف في البيت قبل موتها بس خافت تقولك تكذبها 

عامر بصدمه:طيب معرفتش مين الشخص ده ياساره؟!

ساره ببسمه:هي مقلتش هنا في الجواب بس بتقول ان الدليل موجود في منزل عمار علشان كده احنا لازم نروح هناك بسرعه

عامر بصدمه وتوتر:منزل عمار طيب احنا هندخل ازاي والشرطه هناك بتحقق في جريمه الشيخ حسين 

ساره سمعته وبلعت ريقها بتوتر وقال:احم هما مش هيلاقوا سلاح الجريمه هناك لاني دفنته في مكان بعيد بعد ماقتـ'لت حسين 

عامر بصدمه كبيره:انتي اللي قتلـ'تي الشيخ حسين؟ 

ساره بتوتر وارتباك:احم ايوه انا بس كونت بدافع عن نفسي انا دخلت على صوت اياد ولقيت حسين عاوز يخطفه بعد مااغمي عليه فجريت الحقه بس مقدرتش على حسين وهو حاول يقتلني فلقيت جنبي سكينه ضربته بيها علشان انقذ نفسي واياد 

عامر انصدم اوي منها بس قال:تمام اهدي انا مش هبلغ عنك لانك كونتي بتحاولي تنقذي ابني وانا ممنون اوي ليكي 

ساره ببسمه:شكرا والعفو ياعامر ده ابن اختي وده واجبي عليه 

عامر بأصرار:طيب تمام احنا لازم نروح فورا لمنزل عمار الليل ليل واكيد الشرطه مشت دلوقتي من البيت 

وقفت ساره ومعاها اياد وقالت:تمام عندك حق ياله بينا... بقلم نور محمد

وفعلا بعد وقت وصلو لمنزل عمار وتسللوا لداخل البيت بكل هدووء 

عامر:ودلوقتي هنلاقي الدليل هنا فين؟

ساره بتفكير:اظن انه موجود هنا في مكان تاني غير غرفه جميله لاني بحث فيها كتير بدون جدوى

عامر:تمام ياله ندور بسرعه في البيت كله 

وتفرقوا علشان يدور على الدليل واياد سابهم وتوجه لغرفه عمار علشان وحشه اوي المكان هناك بس في الطريق في شخص شافه وخده بسرعه وطلع بيه على سطح البيت 

وبعد مجهود كبير من ساره وعامر ملقوش اثر للدليل في أي مكان في البيت وفجأه سمع عامر صوت اياد ابنه وهو بيصرخ بقوه فجري تجاه الصوت هو وساره معاه 

وصلت عامر لسطح البيت وتسمر في مكانه لما لقى معاذ ماسك اياد وعاوز يرميه من فوق البيت 

عامر بصدمه وخوف:معاذ انت بتعمل ايه سيبه هيقع منك انت مجنون

معاذ بشر:اهلا اهلا نورت انا كنت مستنيك تاجي علشان تشوف ابنك وهو بيمو*ت قدامك

عامر بصدمه:معاذ انت بتقول ايه عاوز تقتل ابني ليه؟

معاذ بكره ودموع:علشان احرق قلبك عليه زي ماحرقته على مراتك جميله قبل كده

عامر بصدمه وزهول:اييه انت اللي قتلـ'ت مراتي جميله انت اكيد بتهزر مش كده ليه تعمل معايا كده ياصاحبي انا عملتلك ايه؟!

ضحك معاذ بوجع وقال:عملتلي ايه انت نسيت انك سبب مو"ت مراتي وبنتي وكما تدين تدان ياعامر وزي ماحرقت قلبي انا كمان هحرق قلبك دلوقتي وقدام عنيك على ابنك 

خلص جملته ومسك اياد بقوه عاوز يدفعه من فوق السطح بس عامر قال بسرعه ورعب:لااا ابوس ايدك سيبه يامعاذ ده طفل حرام عليك

معاذ بشر:طفل وانا بنتي كمان مكنتش طفله زيه ياعامر 

...بقلم الكاتبه نور محمد

عامر لما لقى الوضع فلت من ايده قال بسرعه:مراتك وبنتك لسه عايشين يامعاذ انا بعد الحريق دخلت ولقتهم محروقين بس لسه الر'وح فيهم فأختهم وسفرتهم بره مصر علشان يتعالجوا وخبيت الحقيقه دي علشان احميهم من العصابه وخبيتها عنك انت كمان علشان عارف انك مش هتستحمل وهتجري عليهم بس المشكله ان العصابه كانت لسه بتراقبك انا اسف بس عملت كده علشان احميهم صدقني 

معاذ الصدمه اثرت عليه بشده وقال:هه انت بتقول كده علشان تنقذ ابنك مني مش كده ياعامر 

عامر بصدق وخوف:لا والله انا بقولك الحقيقه يامعاذ صدقني ارجوك سيب اياد 

معاذ ساب اياد بعدم وعي من الصدمه واياد جرى على عامر بخوف وعامر اخده في حضنه بس بص قدامه بصدمه كبير لما لقى معاذ بيتراجع بدون وعي وخلاص هيقع من فوق سطح البيت فصرخ بخوف وقال:معاذ خد بالك لاااا معاااذ.

عامر كان عاوز يلحقه بس للاسف معاذ متمالكش نفسه من الصدمه ووقع من فوق سطح البيت على الارض بقوه

وعامر اترعب عليه وتخد ابنه وجري على تحت وساره جرت خلفه وصل عامر وتسمر بصدمه من المشهد قدامه لما لقى معاذ سا*يح في د"مه وهو بيلفظ انفاسه الاخيره 

جرى عليه عامر برعب وقال:معاذ خليك معايا انت هتبقى كويس انا هنقذك ياصاحبي خليك معايا 

معاذ بانفاس متقطعه:لا ياعامر انا خلاص وقتي خلص وده حق مراتك جميله اللي قتلـ'تها بدون زنب انا اسف ارجوك سامحني قبل مارو'حي تقابل ربنا ياعامر 

عامر بدموع وتأثر:مسامحك يامعاذ مسامحك بس خليك معاذ متمشيش والنبي

معاذ بتعب كبير:شكرا ياعامر انت بجد اخويا بس بس عندي طلب اخير عاوزك تاخد بالك من مراتي وبنتي ياعامر دول امانه في رقبتك اوعدني تاخد بالك منهم بعد مو"تي 

عامر الدموع ملت وجهه وقال:اوعدك هحطهم في عنيا بس خليك معانا انت كمان ياصاحبي 

معاذ بأخر انفاسه:شكر شكرا ياعامر وانا انا بجد اسف اوي و

نطق اخر جمله له وصمت للابد وعامر حضنه وانفجر في البكاء 

وساره قربت منه بشفقه ودموع وقالت:عامر سيبه احنا لازم نمشي من هنا فورا 

عامر بدموع:بس بس معاذ انا

ساره بدعم:ادعيله احسن بس لازم نخرج حالا و

قاطع جملتها صوت اياد اللي نادي برعب:بابا الحقني الحقني

عامر بص تجاه البسين لقى شخص مقنع معاه مسد'س وموجهه على رأس اياد وهو بين ايديه بيترعش برعب:انت مين وعاوز من ابني ايه سيبه 

الرجل بشر:لا مش هسيبه قبل مااحصل على الملف اللي معاك الاول 

عامر بصدمه وخوف:الملف مش معايا انا سلمته من زمان 

الرجل بغضب:لا الملف معاك لسه لان معاد القضيه فاضل عليها شهر كمان فلو عاوز تنقذ ابنك تقولي فورا مكان الملف فين؟

عامر بتوتر وخوف:هقولك بس سيبه الاول 

الرجل بتهديد:الملف الاول وبعدها ابنك او انا هقتله فورا قدامك

اياد اترعب اوي من الرجل ده وبص خلفه على البسين وفتكر عمار ووايامهم هنا سوى فنادي عليه بدون تردد:عمار انت فين تعال الحقني ارجوك ياصاحبي 

مرت دقيقه بس وعامر وساره بصوا سوى بصدمه كبيره لما لقوا شئ دفع الرجل ده بقوه جوه البسين خلفه واياد جرى برعب على عامر 

والرجل فضل في البسين بيتحرك بعنف علشان يطلع بس في شئ كان مكبل حركته هناك

الرجل برعب:في ايه مين هنا انا بيحصل معايا ايه مش قادر اتحرك هنا ليه؟

عامر كان مصدوم بشده وساره جنبه كانت مصدمومه كمان بس اياد كان نظره معلق على البسين وهو شايف بعينه عمار مكبل حركه الرجل بقوه

عامر بصدمه ورعب:ايه اللي بيحصل هنا ده؟

اياد بفرحه:ده عمار اللي انقذني منه يابابا شوف عمار هو اللي مسكه في البسين 

عامر بص على البسين بس مشفش حاجه وفجأه لقوا المكان حولهم و'لع نا'ر بشكل مرعب 

وساره قالت برعب:المكان و'لع كده ازاي احنا لازم نخرج فورا ياعامر ياله بينا 

عامر بدموع:بس جثـ'ه معاذ هنسيها كده ازاي 

ساره بسرعه:مفيش وقت النار بقت في كل مكان لازم نطلع بسرعه 

عامر بص على معاذ بدموع وحمل اياد بسرعه بس اياد قال:لا يابابا مش عاوز امشي واسيب عمار هو مطلعش شرير وانقذني ارجوك سيبني معاه هنا 

عامر بشفقه:ياحبيبي احنا لو فضلنا هنا هنمو'ت كمان لازم نطلع بسرعه 

اياد بص على عمار بدموع وعمار ابتسم ليه والرجل قال برعب:استنوا خدوني معاكم والنبي انا مش قادر اطلع من هنا 

عامر وساره تجاهلوا كلامه وجروا بسرعه وياد قال بدموع وصوت عالي:هتوحشني ياعمار ياصاحبي انا بحبك اوي اوعى تنساني 

عمار ابتسم ليه بحب:وانا كمان بحبك اوي يااياد وهاجي ليك بأي طريقه مش هسيبك ياصاحبي 

اياد بدموع وفرحه:هستناك ياعمار ومش هنساك ابدا 

خلص جملته وعامر طلع وهو ساره وبصوا على البيت اللي بقى عباره كتله نا'ر رهيبه قدامهم

وبعد مرور سنه على ماحدث 

في منزل متواضع على سواحل البحر كان عامر قاعد على الكرسي ومعاه طفله صغيره بيلعبها  

ساره ببسمه:هاتها ياعامر اكيد تعبتك المشاغبه دي 

عامر بحب:لا سبيها ياساره وتعالي جنبي ياحبيبتي الجو حلو اوي النهاردا

قعت جنبه ساره وعامر اخدها في حضنه قال:انا مش عارف ازاي قدرتي تخطفي قلبي في الوقت القصير ده بعد اللي حصل معانا من سنه ياقلبي 

ساره بحب:وانت كمان خطفت قلبي بس من زمان من اول مره شفتك فيها في البيت واياد في حضنك

عامر:بحبك اوي ياساره 

ساره:وانا كمان بحبك اوي

عامر بتزكر:اه صحيح انا نسيت من حبك اللي مأثر عليا هو اياد فين؟

ساره ببسمه:اياد في البيت حضرتله اكله وبياكل وهياجي بعد مايخلص

عامر براحه:تمام 

وعند اياد كان قدام التلفزيون بياكل بجوع وفجأه سمع صوت جرس الباب فخرج يشوف مين فتح الباب وبص ملقاش حد قدامه وقبل مايقفل الباب تاني لقى صندوق قديم قدامه حمله بتعجب ودخل البيت تاني 

وحط الصندوق قدامه بفضول وفتحه بسرعه وهنا انصدم لما لقى دميه عمار القماشيه اللي كانوا يبعبوا بيها سوى في غرفته في منزل عمار

حملها اياد بدموع وهو بيتذكر عمار وقال:وحشتني اوي اوي ياعمار ووحشني اللعب معاك 

حضن اياد الدميه بدموع واشتياق وفجأه سمع صوته وهو بيقول:وانت كمان وحشتني اوي يااياد

اياد بص بصدمه وزهول لما لقى عمار قدامه هو بيبتسم ليه وقال:عمار انت بجد هنا قدامي وجيت ازاي؟

عمار ببسمه:جيت علشان انا بحبك وعاوز افضل معاك ديما يااياد.. أيه رأيك نطلع تلعب جنب البحر سوى

وقف اياد بحماسه وفرحه وقال:اكيد ياله بينا نلعب مع بعض زي زمان

عمار قرب منه ومسك ايده وقال:انا بحبك وهفضل جنبك احميك من أي شئ عاوز يأزيك يااياد اوعدك 

اياد بحب:وانا كمان بحبك وعاوزك تفضل معايا للابدا نلعب مع بعض 

عمار ابتسم ليه واخده يلعبوا سوى زي زمان جنب البحر زي زمان

النهايه... بقلم نور محمد 

لمتابعة  الروايه الجديده زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا