رواية رغبة الانتقام الفصل التاسع 9بقلم فريدة أحمد جديده وحصريه
رواية رغبة الانتقام الفصل التاسع 9بقلم فريدة أحمد جديده وحصريه
رنا... انت واخدني علي فين
عاصي... مش عاوزة تحلي المصيبة. انا هحلهالك
ونزل بيها من الشركة وزقها في العربية وطلع بيها
رنا... ممكن تفهمني انت موديني علي فين
عاصي مردش وهو سايق بغضب
بعد وقت قليل وقف قدام المستشفى ولف الناحية التانية فتح العربية وسحبها من ايدها
رنا بصت علي المستشفى ورجعت بصتله ... انت جايبني هنا ليه
عاصي... هاتطمن علي البيبي بس..
وهو بياخدها من ايدها... يلا ياقلبي نتطمن علي ابننا
وطلع المستشفى
ورنا طلعت معاه بثقة
وبعد ما دخلو عند الدكتورة وكشفت عليها اكدت الدكتورة انها حامل بالفعل
كانت رنا بتبص ل عاصي بانتصار لكن اتفاجأت لما قال للدكتورة...عاوزك تنزليها البيبي.. تعمليها عمليه اجـ هاض يعني
بصتله رنا بصدمة وقالت.. انت بتقول ايه
والدكتورة قالت.. نعم
عاصي... تعمليلها عملية اجهـ اض كلامي واضح
الدكتورة... اسفة حضرتك. انا مش بشتغل في العمليات دي
لكن عاصي قال... اعملي العملية والفلوس اللي تطلبيها انا تحت امرك
الدكتورة بغضب... حضرتك مابتسمعش. بقولك مابشتغلش فيها
عاصي قال... انتي هتعملي اللي بقولك عليه
ثم اكمل بتهديد... والا تعتبري نفسك من دلوقتي قاعدة في البيت لاني اقدر بكل بساطة اخلي مفيش ولا مستشفي تشغلك.. قولتي ايه. تشتري نفسك وتعملي العملية ولا تقعدي في البيت ومستقبلك يضيع
وقبل ما الدكتورة تنطق طلع فلوس كتير حطها قدامها
الدكتورة... ط طيب يعني انت ليه عاوز تمـ. وت ابنك
وبصت ل رنا اللي واقفة باين عليها الغضب بس خايفة تتكلم وقالت.. وحضرتك موافقة تجهـ ضي ابنك
عاصي بصلها بتحذير وبطريقة ترعب
رنا بلعت ريقها بخوف وهزت راسها للدكتورة بمعني ايوا
الدكتورة... طب ليه
عاصي .. مع انو ما يخصكيش بس هجاوبك.
وهو بيحاوط كتف رنا قال... احنا مأجلين موضوع الخلفة ده شوية. عرسان جداد وعاوزين نتبسط
وبص ل رنا.. مش كده ياقلبي
رنا هزت راسها
.....
مساءا
في شركة ياسين
كان في مكتبه واقف قصاد الشباك في ايده سيجارة وايده التانية كوباية شاي قاطعتو السكرتيرة لما دخلت وقالت.. ياسين بيه استاذة نادين بره عاوزة تقابل حضرت..
مكملتش السكرتيرة وكانت نادين دخلت بالفعل وهي في كامل شياكتها وقالت للسكرتيرة خدي الباب في ايدك
بصت السكرتيرة ل ياسين شاورلها ياسين تخرج
بص ل نادين وقال... ياتري ايه سر الزيارة
نادين وهي بتقرب عليه قالت.. وحشتني قولت اجي اشوفك.
بصت في عنيه وهي بتعبث في زارير قميصه بطريقة مغرية وقالت وهي باصة في عنيه.. هو انا موحشتكش
بعدها ياسين عنو بهدوء وقال... لا موحشتنيش يا نادين
بصتله نادين بغيظ لكن قربت عليه تاني وقالت... بس انت وحشتني
وهي بتقرب جامد علشان تبو، سه
وهي بتقول... وحشتني اوي. اوي يا ياسين
و غمضت عنيها وهي بتقرب شفـ ايفها من شفايـ فه
لكن اتفاجأت بكف شديد نزل علي وشها
فتحت نادين عنيها بصدمة وهي حاطة ايدها علي خدها وقالت... بتضربني يا ياسين.. بتضربني علشان بحبك
كملت وقالت... ياسين انا بحبك بحبك اوي وانت عارف. ومع ذالك روحت اتجوزت غيري. انت بتعمل معايا كده ليه. انت عارف اني طول عمري بحبك و
قاطعها ياسين بغضب... انا دلوقتي متجوز فاهمة. واظن قبل كده انا موعدتكيش بحاجة ولا قربتلك وخليت بيكي
.. امشي اطلعي برا يلا
نادين بصتله بغضب
ياسين وهو بيشاور علي الباب... يلاا
قاطعهم باب المكتب لما اتفتح ودخلت ليلي
................
عاصي وقف بالعربية ومعاه رنا قدام بيتها وبعد ماخرجو من المستشفى بعد ماعملت عملية الاجها. ض
عاصي... انزلي
رنا بصتله... فاكر ان بكده ليلي هترجعلك. تبقي غلطان ياعاصي
عاصي... ليلي مش هترجع وانا متأكد خصوصا بعد مااتجوزت اخويا. رجوعنا لبعض بقي مستحيل
رنا... طب لما انت عارف ليه عملت معايا كده. عاصي انت عارف اني بحبك وكنت مستعدة اعمل اي حاجة علشان ابقي معاك
عاصي... علشان كده روحتي خربتي بيني وبين ليلي
رنا... علشان بحبك. انا بحبك بجنون ياعاصي. حتي بعد كل اللي بتعملو فيا
عاصي... انتي عملتي كده علشان بتغيري من ليلي. مش علشان بتحبيني
رنا... لا انا بحبك بجد
لكن كملت بغل وقالت ...و ايوا بغير منها وبكرهها. ليه تحبها هي وانا لا مع ان انا اللي بحبك اكتر. اشمعنا هي
عاصي بشرود ....اهي خربت ليلي بعدت ومبقتش معايا.
مسح علي وشه و بعدين خد نفس عميق وقال.. انزلي يارنا. واظن انا كده عملت اللي عليا. ياريت مشوفكيش تاني
........
عند ياسين
ليلي فتحت باب المكتب ودخلت اتفاجات ب نادين
ليلي قربت عليها وهي بتبصلها من فوق لتحت من غير ماتتكلم
ياسين قال... نادين ياليلي اكيد تعرفيها. احنا بينا شغل مشترك
ليلي وهي لسه بتبص ل نادين قالت.. طبعا عارفاها. بس احنا حاليا مفيش شغل جديد ايه سر الزيارة
نادين قالت... مفيش كنت معدية من قدام الشركة
وكملت وهي بتبص ل ياسين وقالت .... قولت اطلع ابارك ل ياسين
وبصت ليلي... الف مبروك
ليلي ببرود.... عقبالك
نادين... اه. ان شاء الله
...............
عند رنا بعد مانزلت من العربية وعاصي مشي كانت واقفة بتقول بغل... وحيات امي ماهسيبك تتهني بحياتك ياعاصي ولا احرق قلبها عليك
........
عند ليلي كانت في شقة مع صحابها
ليلي واقفة في البلكونة وهي مغمضة عنيها وبستنشق الهوا
قربت نهي صاحبتها وقفت جمبها وهي بتشرب كوفي وقالت... لولو
فتحت ليلي عنيها وبصتلها
نهي... بقالك كتير مقطعانا
كملت بخبث.. حلو الجواز يا لوله
ليلي ابتسمت لانها عارفة انها بتهزر وده لان نهي عارفة بكل حاجة
نهي... قوليلي عاملة ايه وياسين عامل معاكي ايه
اتنهدت ليلي وقالت... ياسين عرف كل حاجة
نهي شهقت بصدمة... بتتكلمي بجد
ليلي هزت راسها
نهي... طب وعمل ايه. عمل معاكي ايه
ليلي... بهدلني طبعا
نهي... حقه
ليلي بصتلها بغيظ وبعدين قالت... اتفق معايا نتطلق بعد كام شهر
نهي... طب بيعاملك الزاي دلوقتي
ليلي... اكيد مش طايق يبص في وشي. بيعاملني بكل برود. بس قدام الناس بنتعامل كا اي زوجين عاديين.
سكتت نهي ثواني وقالت .... انتي لسه بتحبي عاصي ياليلي
ليلي.... مش عارفة انساه.. بس اكيد مش ندمانه عليه. لان عاصي عمره ماهيتغير. عاصي طول عمره بتاع ستات وخا. ين. خيا، نته مع رنا مكانتش اول مرة.. انا حبيتو واخلصتلو بس هو مقدرش ده.. نفسي انساه
نهي... بس عاصي بيحبك
ابتسمت ليلي بسخرية وقالت... بيحبني. بيحبني الزاي وهو كل يوم بيبات مع واحدة
......................
تاني يوم في شقة عاصي
عاصي نايم علي بطنه بتعب قامت من جمبه بنت ودخلت الحمام اخدت دش وخرجت لبست وقربت قعدت جمبه علي السرير وهي بتصحيه... عاصي. حبيبي اصحي
فتح عاصي عينه بنوم... الساعة كام
البنت.... 12
عاصي قام... وانتي لسه هنا بتعملي ايه
البنت... انا ماشية بس قولت.. اصحيك الاول
عاصي وهو حاسس بصداع... قبل ماتمشي اعمليلي قهوة
البنت... حاضر
وقربت باسته
وراحت تعمله القهوة
.....................
تحت شقة عاصي كانت رنا واقفة جمب عربيته بعد ماقطعت فرامل العربية وهي بتقول بغل.. نتقابل في الاخرة بقا
........
في اخر الليل
رجع ياسين من برا فتح الاوضة لقي ليلي نايمه وهي لابسه لبس مكشوف ورجليها كلها باينه شكلها كان مغري جدا
قرب ياسين وميل عليها وهو مغيب ولسه هيبوسها لكن فاق لنفسه و رجع مرة واحدة
اتنهد و مسح علي وشه بضيق من نفسه انو بيضعف بمجرد ما بيشوفها
ودخل الحمام اخد دش وخرح نام علي الكنبة
......
بعد حوالي الساعة 3 الفجر
فاق والد عاصي علي رنة تليفونه رد علي التليفون وبعدها قال بصدمة... انت مين وبتقول ايه
المتصل... حضرتك والد عاصي الوزان..ابن حضرتك عمل حادثة وحالته خطيرة في المستشفى
في اوضة ليلي وياسين قامو الاتنين بفزع علي صراخ شادية مامتهم اللي كانت بتصرخ بانهيار وبتقول... لا لا ابنييي عاصيي
جريو ياسين وليلي علي الصوت
ياسين... في ايه مالو عاصي
شادية.... اخوك. اخوك ياياسين عمل حادثة وبيقولو حالته خطيرة. اخووك بيروح ياياسين. ابني بيروح
واول ما ليلي سمعت كده قالت بزهول وهي حاطة ايدها علي قلبها وقالت .. عاصي
ووقعت فاقدة الوعي
بعد وقت كانت ليلي نايمة علي سرير في المستشفى وفي الاوضة التانية عاصي وهما برا واقفين بقلق وخوف مستنيين الدكتور يخرج لحد مااخيرا خرج الدكتور...كلهم جريو عليه بلهفة.... طمنا يادكتور
شادية... ابني كويس قول انو كويس يادكتور
الدكتور نزل راسه بحزن وقال... احنا عملنا كل اللي نقدر عليه.. للاسف
يتبع....
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق
فضلا اترك تعليق من هنا