رواية ازمه عاطفيه كامله بقلم_BASBOSA( كامله وحصريه من الفصل الأول إلى الفصل الأخير)

رواية ازمه عاطفيه كامله بقلم_BASBOSA( كامله وحصريه من الفصل الأول إلى الفصل الأخير)

رواية ازمه عاطفيه كامله بقلم_BASBOSA( كامله وحصريه من الفصل الأول إلى الفصل الأخير)

#بارت_1

#ازمه_عاطفيه

#بقلمى_BASBOSA

كان بيجرى فى مكان يشبه الغابه أو الصحرا خالى من الناس ورا مجرم خطير يُلقب ب "قا'تل العزبه" وفجأه اضطر انه يضرب رصاصه فى المجرم عشان ميركبش العربيه اللى واقفه بعيد ويقدر يهرب ولكن لسوء حظه ان القاتل اتجه خلف السياره واصابت الرصاصه فتاه ظهرت فجأه

وقف تميم بغضب وهو يرى هذا القاتل يتجه بسيارته بعيدا عنه اقترب تميم من الفتاه التى تصرخ برعب ووجع وهى تمسك كتفها

تميم:انتى كويسه؟

هزت راسها برفض وهى تبكى

تميم مسكها من كتفها التانى وحاول يقومها لكنها مكنتش عارفه تتحرك من الوجع..شالها تميم بإحكام واخد نفس عميق وبدأ يجرى بيها بسرعه عشان يوصل للطريق الرئيسي وينقلها على اقرب مستشفى

بعد ساعه كانوا فى المستشفى تميم واقف بيخلص الحساب بعد ما الدكتور قدر يطلع الرصاصه من كتف البنت....

دخل تميم الاوضه اللى هى فيها ثم هتف بقلق

تميم:انتى كويسه دلوقت؟فى حاجه وجعاكى

نظرت له بغضب:كويسه ومادام انت مبتعرفش تضرب نار يبقى عامل نفسك شاطر لى وماسك مسدس ؟

تميم بضيق:اولا دى حاجه متخصكيش ثانيا اللى كنت بجرى وراه ده قاتل يعنى ممكن فى اى وقت لو كان شافك فى الصحرا كان قتلك وبعدين انتى كنتى بتعملى اى هناك

الفتاه بغيظ:وانت مالك ميخصكش

تميم غمض عينه وحاول يتحكم فى عصبيته:طب قومى قومى اتزفتى عشان اروحك

الفتاه بسخريه:لا متشكره لو تتكرم وتدينى موبايلك اعمل مكالمه يبقى كتر خيرك

مد تميم ايده فى جيب بنطاله وخرج فونه وفتحه واداهولها

كتبت رقم وحطت الفون على ودنها وهى تهتف بتوتر:ايوه يامحمود انا فى مستشفى**تعالى خدنى ضرورى

ثم هتفت بعدما استمعت ل قلق محمود عليها:انا بخير والله حصل بس حوار كده هبقى اقولك عليه متتأخرش عليا سلام

مدت ايدها أعطته هاتفه ف اخذه منها بضيق اجتاحه فور سماعه ل اسم محمود

بعد نص ساعه كان محمود وصل ودخل الاوضه بقلق

محمود:سنام انتى كويسه

سنام:متقلقش انا بخير

محمود:طب يلا تعالى معايا..مين ده؟

سنام:احم ده ده اه صحيح انا معرفش اسمك

تميم:تميم 

سنام:ماشى ده تميم اللى ضرب رصاصه ف جات فيا بالغلط

محمود:ظابط يعنى؟

سنام:اعتقد اه

اومأ له تميم بسكوت

محمود مد ايده:انا محمود جوز اختها

شعر تميم براحه وبدأت انفاسه تهدأ على عكس ما كان يشعر به فور دخول محمود

مد تميم ايده هو الآخر: اتشرفت بيك وانا اسف وبعتذر منكم عن اللى حصل انا مينفعش اضرب نار فى وسط شارع ولكن ده جزء من الصحرا يعنى مبيبقاش فى ناس وعشان كده اضطريت اضرب نار

محمود:ولا يهمك ربنا معاك ويوفقك يلا يا سنام

ذهبت معه سنام ومن بعدهم تميم الذى اتجه الى بيته وهو يجرى مكالمه هاتفيه..:سنام محمد عبد الهادى تجيبلى كل حاجه تعرفها عنها

الطرف الآخر:....

يتبع....

#بارت_2

#ازمه_عاطفيه

#بقلمى_BASBOSA

تميم: سنام محمد عبد الهادى تجيبلى كل حاجه تعرفها عنها

الطرف الآخر:على بليل يكون عندك المعلومات ياباشا

اغلق تميم هاتفه وهو يخطط لفعل شئ ما

فى الليل

طلع تميم من الحمام وهو لابس شورت اسود فقط وبيده منشفه يجفف بها شعره فى حين استمع ل اشعار على هاتفه ف امسكه بعجله وهو يفتح شات صديقه ويقرأ الملف الخاص ب سنام

"سنام محمد عبد الهادى تسكن فى شارع** كانت تدرس فى كليه التجاره فتاه بسيطه ليست بغنيه أو فقيره والدتها متوفيه ووالدها ايضا تعيش مع اختها وزوج اختها تبلغ من العمر ٢٤ عام ليس لديها تجارب عاطفيه من قبل"

اغلق تميم هاتفه وهو يبتسم ويتردد فى ذهنه جمله"ليس لديها تجارب عاطفيه من قبل"

سحب الغطاء بعدما تمدد على الفراش الخاص به وهو يغلق عيناه بتعب ونعاس 

"فى الصباح"

كان تميم واقف قدام بيت اختها بالعربيه بتاعته مستنيها تنزل عشان يشوفها

طلعت سنام من بوابه البيت وهى مبتسمه ثم اختفت ابتسامتها فى حين رؤيتها له

سنام:انت؟

تميم بابتسامة جانبيه:اخبارك اى

سنام: كويسه الحمد لله

تميم:وكتفك؟

سنام: متقلقش انا بخير

تميم:لو ينفع تيجى معايا نقعد فى مكان انا محتاج اتكلم معاكى

سنام:اكيد لا مش هركب عربيتك

تميم:خلاص نتمشى ها اى رأيك

سنام:مع انى مينفعش اكلم شاب وامشى معاه فى نص الشارع بس موافقه اما نشوف اخرتها

مشى تميم وبجانبه سنام ثم بدأ هو بالكلام

سنام:عايز تقول اى؟

تميم:من غير لف ودوران انا عايز ادخل البيت من بابه

بصتله سنام بصدمه وهى مش قادره تصدق انه معجب بيها

تميم:انا عارف ان اهلك متوفيين وان المسؤول عنك هو جوز اختك مش كده

سنام:انت عرفت الكلام ده منين

تميم بابتسامة جانبيه:متنسيش انك بتكلمى ظابط

سنام:احم اه صح

تميم:ها موافقه؟

سنام:سيبنى افكر

تميم:براحتك عموما انا هكلم محمود جوز اختك وانتى فكرى وخدى وقتك

سنام اومأت له وهى تنظر للارض بخجل..

تميم:يلا عشان ترجعى البيت

سنام:لا اتفضل انت امشى انا لسه هروح مشوار

تميم:تمام خلى بالك من نفسك

ابتسمت له وهى تسير مبتعده عنه فى طريقها الى مكان ما

"بعد مرور أسبوعين"

وافقت سنام على طلب تميم وتمت الخطوبه بينهم

فى الليل يوم الخميس كان يجلس تميم على كرسى مكتبه ينظر الى ملف امامه بتفكير وهو يخطط ماذا سوف يفعل لكى يتم القبض على هذا القاتل..لقد قتل العديد من الناس وكلما مر وقت كان خطر على البشريه..قطع شروده خبط على باب المكتب

تميم: ادخل

طارق ويكون صديق تميم المقرب:اى يابنى مش هتروح

تميم: الواد ده مش سهل حرفيا كل جريمه بيعملها بيكون مخططلها كويس جدا محتاج له قعده

طارق:امم قولى انت مش المفروض تخرج انت وخطيبتك النهارده

تميم:اااه فكرتنى صحيح انا لغيت الخروجه لان بالى مشغول بالقضيه دى

طارق:يابنى حرام عليك انتوا لحقتوا تخرجوا سوا عشان تلغيها

تميم:اعمل اى بس ياطارق والله انا مشغول الايام دى وانت اكتر واحد عارف 

طارق:طب خلى بالك بقا لا المزه تزعل

ضربه تميم فى كتفه ب خفه:اطلع انت منها بس

ضحك طارق وهو يخرج من المكتب متجه لمنزله

اغلق تميم الاوراق امامه ووضعها فى خزانه واغلق القفل بإحكام ثم خرج من مكتبه متجه ل مول كبير 

*بعد ساعه*

نظر فى ساعه يده كانت ١ صباحا بعد منتصف الليل ثم أخرج هاتفه من بنطاله واتصل على سنام

عند سنام..

كانت تنام على فراشها وهى مغلقه العينان سمعت رنه هاتفها تعلن عن متصل بها مسكت هاتفها وتنهدت وهى تفتح على تميم...

وصله صوتها النائم الحزين..الو

تميم:لسه منمتيش

سنام:لا كنت بنام

تميم: طيب انزلى بسرعه المدخل خمس دقايق واطلعى

سنام:لا انا مش قادره وعايزه انام

تميم:وعشان خاطرى

سنام:هنزل وامرى لله

قامت لبست طرحه على الترينج بتاعها ونزلت وجدته يمسك فى يده شنطه كبيره نظرت له بإستغراب ثم هتفت

سنام:فى اى؟

مد ايده لها بالشنطه ف خدتها منه

سنام:افتحها؟

تميم:افتحى

فتحتها سنام ونظرت بداخلها ثم ابتسمت بسعاده وهى تنظر له...كل ده ليا انا؟

تميم مسك ايدها وقبلها بحنان:حقك عليا عارف ان المفروض النهارده نخرج سوا لكن والله الشغل ساحلنى وواخد كل وقتى متزعليش منى ان شاء الله هعوضك

ابتسمت له بتفهم:ولا يهمك ياحبيبى

تميم:يلا اطلعى نامى عشان الوقت اتأخر وانا هروح انام عشان مش قااادر

سنام:خلى بالك من نفسك 

تميم: حاضر يلا تصبحى على خير

سنام بابتسامة:وانت من اهل الخير

طلعت سنام وهى طايره من الفرح طلعت شيكولاته كبيره وكلتها وبعدين نامت

طلع تميم من البوابه وكان هيركب العربيه لكن شاف ظرف محطوط على ازاز العربيه مسكه بإستغراب وفتحه ولكن فتح عينه بصدمه وتحولت ملامحه لغضب من اللى قرأه...

ياترى اى اللى مكتوب فى الظرف؟!

يتبع..

BY BASMALLA

#بارت_3

#ازمه_عاطفيه

#بقلمى_BASBOSA

فتح عينه بصدمه واتحولت ملامحه لغضب وهو شايف الظرف مكتوب فيه"متحاولش تدور ورايا يا إما خطيبتك الحلوه دى هتوحشك"

مسك تميم الظرف بقوه وعينه كلها غضب فتح باب العربيه وركب ورمى الظرف جنبه وبدأ يسوق بسرعه متجه‍ لبيته

"فى منزل طارق"

دخل طارق الى منزله كانت الشقه ضلمه ماعدا غرفه النوم دخل وهو مبتسم ولكن اختفت ابتسامته فور سماعه لزوجته وهى تهتف ل أحد فى الهاتف:ارجوك ابعد عنى ومتتصلش عليا تانى جوزى لو عرف هيقت*لنى ويق*تلك

وقف طارق بجانب باب الغرفه لا يظهر منه شئ ل يسمع ماذا تقول

ريم زوجه طارق بدموع:انت واحد حيو'ان طارق لو عرف هيطل'قنى ومش بعيد يقت'لنى بقولك متتصلش تانى وابعد عنى انا مش وحشه عشان اخو'ن جوزى وانا اصلا معرفكش منها لله اللى ادتك رقمى حيو'انه زيك بالظبط

سكتت وهى تستمع للطرف الاخر يقول بإستفزاز:كل الكلام  ده ميلزمنيش والش'تايم اللى عماله تقوليها هتتحاسبى عليها بعدين كده كده هتبقى تحت ايدى كلها ٢٤ ساعه بالكتير المهم عندى انك تخلصى من جوزك ده وتجيلى ليله وانا  هبعد عنك بعدها

قفلت ريم السكه فى وشه ورمت هاتفها على السرير وهى تبكى بحرقه:انا هعمل اى ؟لو قولت ل طارق هيط'لقنى يارب انا مش عارفه اعمل اى

دخل طارق وهو يهتف:ريم!بتعيطى لى؟

قامت ريم من على السرير بخضه وهى بتمسح دموعها: طارق ؟ا ااا انت انت جيت امتى

طارق:لسه جاى دلوقت انتى بقا بتعيطى لى؟

ريم:انا انا بس تعبانه شويه بطنى بتوجعنى

شدها طارق بقوه نحيته لدرجه انها خبطت فى صدره العريض:انتى بتكدبى لى؟

ريم بتوتر وهى بتحاول تبعد عنه:انا انا مبكدبش انا فعلا تعبانه

طارق:لا بتكدبى انا سمعت كل حاجه

ريم والدموع بدأت تتجمع فى عيونها:سمعت؟سمعت اى!

طارق:كنتى بتكلمى مين

ريم:دى دى صحبتى

طارق حاوط وشها بين ايده بحنان وحاول يهدى نفسه:حبيبتى اهدى وبطلى تكدبى عليا انا مش هقت'لك زى ما قولتى

ريم:انا انا مقولتش كده

طارق خد نفس طويل وشدها لحضنه:والله العظيم لو قولتيلى الحقيقه ما هعملك حاجه صدقينى بس قوليلى مين مخوفك كده ؟

بدأت ريم تبكى بقهر وبعدت عن حضنه:ده ده شاب و صحبتى ادته رقمى وبدأ يكلمنى وانا عملتله بلوك دخلى من كذا رقم واتصل عليا وهكر موبايلى واخد صورى وعمل بيها حاجات مش كويسه وقالى لو مسمعتش كلامه هيفض'حنى بالصور دى

بعدت عن طارق بخوف وهى بتقول:قالى انى لازم اروحله الشقه بكره يا اما هينفذ كلامه وانا قولتله يبعد عنى وانك لو عرفت اللى حصل هطلقنى ومش بعيد تقت'لنى لو سمعت كلامه

احمر وجه طارق مما سمعه وهتف بغضب:وازاى متجيش تقوليلى من الاول

ريم وهى بتعيط:انا خوفت خوفت متصدقنيش وتفتكر انى خون'تك بجد وتطلقنى وانا مليش ذنب والله العظيم انا معملتش حاجه ياطارق انا بس خايفه خايفه اوى

وجعه قلبه وهو يستمع ل اخر جمله هتفت بها ريم ونظر لها وهو بيشدها وخدها فى حضنه: متخافيش ياحبيبتي والله العظيم حقك هيجيلك ثقى فيا اوعى تخافى وانا معاكى فاهمه

اومأت له ريم بهدوء:حاضر

طارق:يلا روحى اغسلى وشك وانا هغير هدومى واجيلك

...طلع طارق من الحمام وبص عليها كانت باصه للفراغ بحزن وتعب قرب منها ونام جنبها وشدها لحضنه وهى استكانت جوه حضنه ومسكت فى التيشيرت بتاعه بخوف 

طارق حضنها بقوه وهو يهتف امام شفتيها بعشق: متخافيش وانتى معايا انا جنبك دايما ومتخبيش عنى حاجه وانا عمرى ما هاجى عليكى حتى لو غلطانه فاهمه؟

غمضت عينها بأمان وهتفت بضعف: حاضر

باسها برقه من شفتيها وهو يضمها له بقوه وخوف من ان مكروه يصيبها 

"فى بداية يوم جديد"

استيقظ تميم على صوت هاتفه المزعج يعلن عن بداية الساعه الثامنه صباحاً ..فتح عيناه منزعجآ واغلق المنبه فى حال اتصال سنام عليه فتح عليها وهو يسمعها تهتف بفرحه

سنام: صباح الخير

تميم بابتسامة: صباح النور احلى صباح ده ولا اى

سنام:حبيبى عامل اى نمت كويس

تميم:اه الحمد لله انتى بتعملى اى

سنام:بعمل فطار لسه جايه من بره كنت بوصل ابن اختى الحضانه

اتنفض تميم بقلق من سريره:انتى كويسه حصلك حاجه ؟

سنام بإستغراب:فى اى؟انا كويسه مالك

تميم اتنهد براحه:لا ولا حاجه بعدين هفهمك بقولك هو محمود جوز اختك فى الشغل؟

سنام:ايوه لى؟

تميم:كنت عاوزه فى موضوع كده ف هروحله

سنام: ماشى ياحبيبى يلا افطر قبل ماتنزل وخلى بالك من نفسك

تميم بإبتسامه:حاضر يلا سلام

بعد ساعه اتنهد تميم وهو يجلس امام محمود فى مكتبه

محمود:خير ياتميم اى الموضوع المهم اللى عاوزنى فيه؟

تميم:انا عايز اقدم ميعاد فرحى انا وسنام

محمود:امتى يعنى؟

تميم:الاسبوع الجاى..

يتبع...

BY BASMALLA

#بارت_4

#ازمه_عاطفيه

#بقلمى_BASBOSA

محمود بإستغراب:الاسبوع الجاى؟مش معقول يعنى انتوا فرحكوا كان بعد سنه ونص وجاى تقولى نخليه الاسبوع الجاى 

تميم:والله انا كنت ناوى اخلى كل حاجه فى ميعادها لكن حصل ظروف كده هضطر اقدم ميعاد الفرح

محمود:ظروف اى؟

تميم:لو قولتلك توعدنى متقولش لحد

محمود:اوعدك

تميم:انا ماسك قضيه خطيره يعنى بدور على قا"تل وكده والق'اتل ده امبارح سابلى ظرف بيه'ددنى فيه انى لو مسبتش القضيه وبعدت عنه هيق'تل سنام 

محمود بحده:وبعد اللى انت قولته ده عايزنى اوافق اجوزك سنام اصلا

تميم:محمود افهمنى انا والله بحب سنام واكيد مش هسمح لحد يأذيها ف انا عايز اتجوزها عشان تبقى فى حمايتى انا وانا اوعدك ان مش هيحصلها حاجه وحشه ابدا

محمود بصله وهو ساكت

تميم:قولت اى

محمود:ايوه بس احنا مش هنلحق نعمل حاجه فى الاسبوع ده

تميم:شقتى جاهزه يادوب هنحط الجهاز فيها ونعمل فرح وبس كده وبكره أو بعده نكتب الكتاب

محمود:طب سنام عارفه الكلام ده؟موافقه يعنى؟

تميم:مقولتلهاش حاجه لسه بس انا هقنعها

محمود:خلاص كلمها ولو وافقت يبقى ع البركه نبدأ فى التجهيزات

تميم قام حضنه بحب:تسلم ياحبيب اخوك مش هنسالك الجميل ده ابدا

ابتسم محمود وهو يبادله الحضن بحب اخوى

ركب تميم عربيته وهو متجه لمنزل سنام بعدما اجرى معها مكالمه هاتفيه يخبرها انه قادم لها

فى منزل اخت سنام كان يجلس تميم بجانب سنام

تميم:ها موافقه؟

سنام:انت بتقول اى يعنى كتب كتابنا يبقى بكره؟

تميم:ايوه

سنام:طب لى

تميم:متضغطيش عليا اقولك وافقى انتى بس

سكتت سنام شويه وهى متردده..

تميم حاوط وجهها ب كف يديه بحنان ثم هتف:انا مش بغصبك انك توافقى انا بس مضطر انى اقدم ميعاد فرحنا وانا اتكلمت مع محمود ووافق فاضل بس موافقتك ودى اهم حاجه بالنسبة لى

شعرت سنام بحنان فى نبره صوته ف رق قلبها ثم اجابته وهى تضع يداها فوق كف يده الملامس لوجهها:انا موافقه ياحبيبى 

ابتسم تميم وهو يقبل يداها بحنان..

"فى منزل طارق"

استيقظ طارق من نومه ونظر فى وجه محبوبته وجدها تنام بعمق وراحه ابتسم وهو بيبوسها من خدها بهدوء وقام دخل التواليت...بعد شويه طلع وبدأ يصحيها براحه

طارق:ريم..ريم اصحى

قامت ريم بخضه:حصل اى؟

شدها طارق لحضنه بهدوء هو عارف انها خايفه من اللى حصل واكيد ده هيأثر على تصرفاتها:اهدى ياحبيبتى محصلش حاجه متتخضيش كده 

غمضت عينها وهى فى حضنه مستلقيه على الفراش ..باسها من شعرها وهو يلمس على ضهرها بحنان

طارق:انا لازم اقوم اروح الشغل وانتى قومى هاتيلى رقم صحبتك اللى ادت للواد ده رقمك وهاتى كل الارقام اللى الحي'وان ده اتصل عليكى منها

ريم بنوم:انا تعبت من الموضوع ده انت عايز ارقامهم لى هتعمل مشاكل ؟

طارق وهو يضمها له اكثر همس بجانب اذناها:انتى ناسيه انتى متجوزه مين ولا اى انا ظابط ياحبيبتى يعنى اجيبه هو واهله وارميه فى الحبس يتأدب

ريم فتحت عيونها بتعب وباسته بجانب شفتيه:ربنا يخليك ليا

ابتسم وهو يمد يده لها بهاتفها ل تعطيه الارقام المطلوبه 

.

.

.

ادخل ياابن ال***انت وهو بقا تعملوا فى مراتى انا كده..

يتبع..

BY BASMALLA

#بارت_5

#ازمه_عاطفيه

#بقلمى_BASBOSA

ادخل ياابن ال***انت وهو بقا تعملوا فى مراتى انا كده..

كان ده صوت طارق بعد ما رمى شابين فى زنزانه فى السجن

واحد من الشابين:والله ياباشا ماعملت حاجه ده هو اللى خطط وعمل كل حاجه وكلمها وهددها

الشاب الآخر:كداب انت اللى فبركت الصور

ضغط طارق على اسنانه بعصبيه وهو بيخبط راس الشاب فى الحيطه:انا هعلمكم ازاى تلعبوا على بنات الناس

خرج طارق وقال بصوت جمهورى:عاااادل ظبطلى العيال دول

عادل:تحت امرك ياباشا

دخل طارق مكتبه وقعد على الكرسى بغضب رجع راسه ل ورا وسند بضهره على الكرسى واتنهد بضيق...وهو بيفتكر شكل ريم وهى منهاره من العياط وخايفه انها تتف"ضح مسك فونه وهو بيتصل عليها

فى الجهه الاخرى كانت ريم بتنضف الشقه وهى مشغله قرآن بصوت هادى ...سابت من ايدها منظف الزجاج وهى بتمسك فونها بترد بابتسامة:ايوه ياحبيبى

ابتسم الاخر وهو يسمعها تنطق هذه الكلمه:قلب حبيبك كل حاجه تمام

ريم بإستغراب: كل حاجه من نحيه اى؟

طارق:الواد وصاحبه اللى فبرك الصور متروق عليهم جوه

ريم بحب:ربنا يخليك ليا انا بجد مش عارفه من غيرك كنت هعمل اى

طارق:ويخليكى ليا المهم قوليلى بتعملى اى

ريم:برتب الشقه وبعدين هعمل الغدا وهاخد شاور واستناك تيجى متتأخرش

طارق:عيونى حاضر يلا خلى بالك من نفسك

ريم :حاضر مع السلامه

"فى مكتب تميم"

كان رايح جاى فى المكتب وهو بيقرأ الملف اللى فى ايده 

ضيق عينه بخبث وهو بيردد قرأته لجمله "يحب شوى الاغنام والماعز الجبليه"

قفل تميم الملف بسرعه وهو بيسجل الجمله دى فى ملف المعلومات الخاص به

تميم للعسكرى:جهزلى خمسه من القوات بسرعه احنا لازم ننزل الجبل..

بعد حوالى ٣ ساعات كان تميم وخمسه من القوات بتوعه وصلوا الجبل كانت منطقه كبيره تقريباً لو مش معاك مرشد يدلك على الطريق تتوه فيها

تميم:اولا كده هنبحث كويس جدا على اى مغاره فيها بواقى اكل او اى حاجه تدل ان فى حد عايش فيها واى حد يلاقى حاجه يبعت اشاره مش عاوزين حد فينا يغلط والمرشد هيبقى معايا انا وانتوا كل واحد معاه ال GPS هيدلكم انتوا فين بالظبط يلا بينا...انتوا من هنا وانتوا من هنا وانا وانت من هنا ....

بدأ كل اتنين يبحثوا سوا..."عند تميم"

كان ماسك علبه سجاير..:كده اكيد فى حد عايش هنا العلبه مش قديمه..وفى نفس اللحظة وصله اشاره من واحد من العساكر 

تميم:محمد ادانى اشاره معنى كده انه وصل ل حاجه بينا على هناك

*وصل تميم عند محمد بعد ما اتبع خط السير كان واقف واحد ملثم وبيتكلم فى فون صغير*

الشخص الملثم:انا شكلى كده هقتل خطيبته دى والليله..

طلع تميم مسدسه وأطلق منه رصاصه متجهه ل قلب الملثم

بصوله العساكر بصدمه!!

تميم:اتصلوا على الإسعاف تيجى تاخد الحيوان ده من هنا 

*فى الليل*

رجع تميم ل بيت عيلته حضنته والدته بحب ودموع:كده ياتميم تغيب الغيبه دى كلها 

باس ايدين والدته بحب:حقك عليا ياماما انتى عارفه انى دايما مشغول ولما فضيت جيتلك اهو

شدته والدته وقعدته جنبها:قولى عامل اى مع خطيبتك

تميم:بخير الحمد لله والله واحم يعنى بكره كتب كتابنا

والدته بصدمه:انت بتقول اى ياتميم 

تميم: بصى انا مضطر اعمل كده بحكم شغلى واتجوز ع الاسبوع الجاى 

والدته:طب وسنام واهلها موافقين؟

تميم:كل حاجه تمام جهزى انتى نفسك بس يا ام العريس

ابتسمت والدته وهى بتبوسه بحب:طب ادخل ريح جسمك شويه شكلك تعبان عشان تقدر ل بكره

تميم وهو متجه ل اوضته:حاضر ياامى

دخل تميم اوضته غير هدومه وهو بيفكر فى قراره هل بعد ما خلص من القا*تل ده ومبقاش فى خطر على حياه سنام هيقدم ميعاد الفرح بردو ولا يرجع كل حاجه زى ما كانت

تميم لنفسه بصوت يكاد يكون مسموع:بس انا عايز اتجوز هو انا لسه هستنى سنه ونص بحالهم اكيد لا انا اخبى عليهم انى خلصت من القضيه لحد ما اتجوز

اتنهد بفرحه وغرور من انه نجح فى القضيه دى واتخلص منها

*عند طارق*

دخل شقته لكن ضم حواجبه بإستغراب وخوف لما لاقى ريم واقفه فى الحمام بتر*جع وتعبانه...

يتبع..

BY BASMALLA

#بارت_6

#ازمه_عاطفيه

#بقلمى_BASBOSA

دخل شقته لكن ضم حواجبه بإستغراب وخوف لما لاقى ريم واقفه فى الحمام بتر*جع وتعبانه...

طارق بخوف عليها:ريم مالك ؟

غسلت وشها ودخلت جوه حضنه بتعب

ريم:طارق اللحقنى مش قادره

طارق ضمها له بحنان وخوف عليها:حصلك اى قوليلى

ريم بتعب:مش عارفه فجأه بطنى قلبت عليا وبقيت ار'جع

سندها طارق لحد السرير ونيمها براحه:نامى شويه وانا هدخل اعملك حاجه سخنه يمكن واخده برد فى معدتك ولا حاجه

غمضت ريم عينها بتعب وهو دخل المطبخ

*عند تميم*

كان بيكلم سنام فى الفون

تميم:ياااه انا مش مصدق ان بكره خلاص هتبقى مراتى

سنام بحب:لا صدق خلاص هبقى معاك على طول

تميم وهو قافل عينه: ماما مكنتش موافقه اننا نتجوز على طول كده بس بعد ما عرفت انى اقنعتك وافقت بقا

'فضلوا يتكلموا كتير وتميم نام وهو بيكلمها'

سنام:تميم..روحت فين..تميم انت نمت؟

سنام بغضب:ماشى ياتميم...

قفلت ورمت الفون على السرير بغضب

*عند طارق*

كان غير هدومه وريم شربت الحاجه السخنه..

نام جنبها وشدها لحضنه:بقيتى كويسه شويه؟

ريم بهدوء: الحمد لله بجد مكنتش قادره خالص

باسها طارق من جبهتها بحنان:نامى بقا شكلك مرهق

ريم:مش عايزه انام انا هقوم احضرلك الاكل زمانك جعان

مسكها طارق قبل ما تقوم:انتى رايحه فين اكل اى دلوقت متقوميش من مكانك انتى تعبانه

ريم:بس انت جعان

طارق وهو بيشدها لحضنه تانى:شويه وهقوم اكل 

ابتسمت ريم وسكتت

"يوم الثلاثاء بعد انتهاء حفل زفاف تميم وسنام"

فى منزل تميم..

تميم قرب من سنام وشدها لحضنه:الف مبروك ياعروستى 

سنام بخجل وهى تضمه لها:الله يبارك فيك ياحبيبى

بصلها تميم بحب وبص على شفايفها وباسها كانت فى الاول مكسوفه منه اوى لكن بعدين استجابت معاه..بعد عنها وهو بينهج وسند راسه على جبهتها ..غمضت عينها بخجل منه ف طبع بوسه على خدها برقه 

تميم بحب:ادخلى غيرى فستانك ولو احتاجتى مساعده نادينى

سنام:حاضر

فتحت الدولاب وطلعت قميص نوم وخبته ورا ضهرها وبصتله وهى مبتسمه

تميم وهو ساند على الباب:بتخبى اى منا هشوف كل حاجه بعدين ادخلى غيرى ياهبله

شالت سنام فستانها وجرت دخلت التواليت وقفلت الباب وراها بسرعه..ضحك تميم وبدا يغير هدومه 

بعد شويه فتحت سنام باب التواليت وخرجت وهى بتشد القميص لتحت بكسوف

رفع تميم عينه عليها اتسحر من جمالها كانت من غير ميك اب ملامحها رقيقه وهاديه جسمها ملفوف وخصلات شعرها نازله على وشها

بصلها تميم بخبث:بتشديه لى كده كده هخل'عهولك

سنام وشها احمر بخجل: بطل قله ادب..انا مش عارفه الفستان ده قصير اوى كده لى

مسك تميم ايدها وشالها وهو متجه للسرير

تميم:تعالى بس اقولك كلمه سر وووو تصبح سنام زوجه تميم امام الله والناسᰔᩚ

يتبع...

BY BASMALLA

#بارت_7

#ازمه_عاطفيه

#بقلمى_BASBOSA

*فى صباح يوم جديد*

قام طارق من نومه كانت ريم صاحيه 

طارق بإستغراب: اى مصحيكى بدرى؟

ريم بتوتر:مش جايلى نوم كنت نايمه وقلقت ومعرفتش انام تانى

طارق:اممم طيب

قام دخل التواليت وبعدين طلع بصلها كانت قاعده على السرير بتوتر 

طارق:لا بقا مهو انا لازم افهم هو فى اى؟مالك

ريم:اصل... اصل يعنى كان فى موضوع عايزه اتكلم معاك فيه

طارق:اتكلمى

ريم:احم انا عايزه اشتغل

بصلها طارق وسكت بعدين مشى ناحيه الدولاب ومردش عليها

ريم راحت وراه:طارق انا بكلمك

طارق:ممكن اعرف اى اللى طلع الفكره دى فى دماغك

ريم:مفيش حاجه معينه انا بس بفضل قاعده فاضيه وبزهق قولت احتمال لو نزلت اشتغل اشغل وقتى ومزهقش

طارق:هو انا مخليكى محتاجه حاجه ؟

ريم:يعنى اى؟

طارق:يعنى فى حاجه طلبتيها منى وانا رفضت اجيبها عشان مش معايا فلوس

حاوطت وشه بإيدها وقالت:ياحبيبى الموضوع مش موضوع فلوس كل الحكايه انى بزهق من القعده لوحدى و..

طارق بمقاطعه:يبقى نجيب اطفال

ريم:لما يبقى الاطفال تيجى ابقى اقعد من الشغل انا بتكلم عن الوقت الحالى ها قولت اى؟

طارق اتنهد:ماشى هنشوف الموضوع ده بعدين عشان متأخرش على الشغل

ريم بضيق:ولى ميبقاش دلوقت ياطارق انت بتقول كده عشان تسكتنى

طارق:يابنتى افهمينى انا مش عايزك تتبهدلى فى الشغل

ريم:مش هتبهدل واوعدك مش هقصر فى شغل البيت

طارق بخنقه:خلاص ياريم هشوف شغلانه حلوة وابقى اقولك

ريم:بجد؟

طارق اتنهد:اه بجد

ريم بابتسامة:شكرا

ابتسم على طفولتها:العفو ياهبله

ضربته فى كتفه بخفه:انا مش هبله

شدها من خصرها وباسها بحب واستجابت هى معاه

*عند تميم*

الساعه ٢ الظهر..

فتحت سنام عينها حاولت تقوم لكن حست ب تميم حاضنها مقيد حركتها  

هتفت بهدوء:تميم تميم سيبنى عاوزه اقوم

فتح تميم عينه بنوم:فى اى

سنام بكسوف:عايزه اقوم

تميم بنوم: ماتقومى هو انا ماسكك

سنام بضحك:انت فعلا ماسكنى

بص تميم على ايده وسابها:احم مخدتش بالى

قامت سنام لبست هدومها ودخلت الحمام وتميم كمل نوم

بعد شويه خرجت وهى بتتسحب وفتحت الدولاب براحه عشان تاخد هدومها كانت لابسه برنس وخايفه تميم يصحى عشان ميشوفهاش كده

خدت بيچامه باللون السماوي ودخلت الحمام لبست وطلعت

سنام وهى واقفه قدام المرايه بتسرح شعرها:تميم قوم بقا كفايه نوم اهلك زمانهم جايين

تميم:هى الساعه كم؟

سنام:2 ونص 

تميم قام ووقف وراها حضنها بحب: صباحيه مباركه ياعروسه

ابتسمت سنام وهى بتحط أيدها على ايده اللى محاوطاها

سنام:الله يبارك فيك ياجوزى

تميم بابتسامة:احلى كلمه ممكن الواحد يسمعها على الصبح كده من حبيبته

سنام لفت بصتله وحطت ايدها على ضهره ب رقه:طب يلا ادخل خد شاور عشان اهلك واهلى زمانهم جايين

اومأ لها تميم وهو يطبع قبله رقيقه على شفايفها♡

                               ********

عند ريم كانت قاعده قدام الشاشه بتتفرج على مسلسل فى حين سمعت صوت الباب بيتفتح لفت تشوف مين؟كان طارق

ريم بإستغراب:طارق؟جيت بدرى لى؟

طارق:انتى ناسيه ان النهارده صباحيه تميم ولازم نروح نزوره

ريم:هو انا هاجى معاك؟

طارق:اكيد وبالمره اساله على موضوع الشغل ده 

ريم:تمام هدخل اللبس

...انا مش عارفه اللبس اى

قالتها ريم وهى واقفه قدام الدولاب

طارق:اللبسى ده وعليه الطرحه دى

كان دريس بنى غامق وطرحه بيچ

ريم بإبتسامه:اممم خد بوسه

ادته بوسه وهى بتشد منه الدريس والطرحه

ضحك وهو بيطلع هودى بنفس لون الدريس بتاعها وبنطلون بنفس لون الطرحه بتاعتها

...بعد ما خلصوا بصتله ريم بصدمه:انت لابس زى

طارق بابتسامة:ماتشى ماتشى

حضنته بقوه وهى بتقول:انا بحبك اوووى

باسها من راسها وهو بيقولها:وانا بموت فيكى ياحبيبتى

"بعد مرور أسبوع"

كانت ريم شغاله فى شركه صاحب تميم وطارق وفى يوم كانت رايحه ل مكتب المدير تديله ملفات وفجأه وقعت من طولها على السلم...

يتبع..

BY BASMALLA

#بارت_8

#ازمه_عاطفيه

#بقلمى_BASBOSA

وقعت ريم من طولها على السلم وفضلت تنزل ل تحت لحد ما دماغها خبطت فى الارض ..شافها شاب كان طالع على السلم بصلها بصدمه وهو بيهزها براحه

الشاب ويدعى سليم:ياانسه انتى كويسه ردى عل...

لكن سكت فجأه لما شافها بتنزف من جسمها..شالها بسرعه وهو خايف عليها وجرى بيها على بره فتح عربيته ركبها ورا وركب هو قدام وساق بسرعه جدا متجهه لأقرب مستشفى

اللحقوناااا البنت بتموووت ارجوكم حد يلحقنااا 

كان ده صوت سليم لما دخل المستشفى

جات ممرضه بتجرى:دخلها اوضه العمليات دى بتنزف

جرى سليم وهو شايلها دخل اوضه العمليات وحطها على السرير

الممرضه:دكتور فى واحده بتنزف وحالتها خطيره

مشى الدكتور بسرعه متجهه لاوضه العمليات

الممرضه:اطلع بره يااستاذ عشان الدكتور يشوف شغله

طلع سليم وهو متوتر من منظرها وهو شايلها بتنزف ومفيش نفس جثه هامده بين ايده

"بعد مرور ساعه ونص تقريباً"

خرج الدكتور وهو على وجهه علمات الفرح..

الدكتور:انت جوزها؟

سليم:احم لا انا لقيتها واقعه على سلم فى مكان شغلى ف شيلتها وجبتها هنا لما لقيتها بتنزف هى مالها يادكتور ؟

الدكتور:متخافش هى حامل فكرتك جوزها الحمد لله اننا لحقنا الجنين لانها نزفت كتير

اتنهد سليم:يعنى هى كويسه؟

الدكتور:ايوه الحمد لله 

سليم:هو انا ممكن ادخلها؟

الدكتور:اكيد طبعا هى دلوقت هتتنقل اوضه عاديه 

مشى الدكتور ودخل سليم الاوضه اللى اتنقلت ريم فيها بعد ما سمحتله يدخل

سليم:حمدلله على سلامتك 

ريم بإستغراب:الله يسلمك مين حضرتك؟

سليم:انا سليم ا...انا جبتك هنا لما لقيتك واقعه على السلم فى الشركه

ريم:انا متشكره ليك جدا

سليم:العفو على اى انا معملتش حاجه

ريم:شنطتى؟

سليم:مكنش جنبك اى حاجه واقعه غير شويه اوراق يعنى ولا كان معاكى تليفون ولا شنطه حتى

ريم:طب هعمل اى دلوقت ازاى هكلم طارق

سليم: طارق ده جوزك؟

ريم:ا.. ايوه

سليم:هخلص اجراءات المستشفى واجى اخدك اوصلك للشركه و هناك اكيد هتلاقى شنطتك 

ريم:تمام

*عند تميم*

كانت سنام ماسكه جاكيت تميم عشان تحطه فى الغساله لكن وقعت منه فلاشه على الأرض...مسكتها سنام بإستغراب:اى الفلاشه دى؟

راحت جابت اللاب توب وحطت الفلاشه فيه..فتحت عينها بصدمه وبدأت تعيط.:مش معقول اى القرف ده

دخل تميم من باب الشقه شافها بتعيط

تميم:سنام مالك ياحبيبتى بتعيطى لى؟

سنام بصتله بغضب:اى القرف ده هو انتوا فعلا بتقتلوا الناس بالطريقه دى؟

"كان فيديو عباره عن تميم وأصحابه بيقتلوا مجموعه من الشباب"

تميم:اكيد طبعا بنقت'لهم كده انتى متجوزه ظابط مش واحد بتاع غزل بنات

سنام:ابعد عنى انت لا يمكن تكون بنى ادم انت عارف انت قت'لت كم واحد انا مش قادره اصدق

قرب منها شدها من أيدها لكنها زقته بقوه وجرت دخلت اوضتها وهى بتعيط قفلت الباب بالمفتاح بسرعه

تميم وهو بيخبط على باب الاوضه:سنام افتحى الباب بلاش هبل

سنام:مش هفتح الباب وطلقنى انا لا يمكن اعيش مع واحد مجرم زيك

تميم بغضب:يعنى اى طلقنى انتى اكيد اتجننتى

سنام: ايوه طلقنى يامجرم انا هبلغ البوليس عنك

تميم بضحك وقله حيله:يابنتى انتى هبله انا من البوليس اللى انتى بتتكلمى عنه ده على فكره بطلى هبل ياسنام وافتحى الباب

فتحت سنام الباب وهى مكشره فدخل وشدها من خصرها قربها منه بصلها بحب انها نقيه من جواها باسها بشغف وحب بوسه طويله وهى حضنته اوى

سنام: انا خوفت اوى لما شوفت الفيديو

تميم وهو حاضنها:ياروح قلبي متخافيش طول ما انا معاكى وبعدين انا مش بعمل حاجه حرام ده شغلى واللى شوفتيهم دول ناس بيتاجروا فى البنات يعنى اوحش مما تتخيلى

بصتله ببراءه ودخلت فى حضنه اكتر:انا بحبك اوى ياتميم اوعى تطلقنى زى ما قولتلك

تميم بضحك:لو قولتى الكلمه دى تانى هعاقبك بس بطريقتى

ابتسمت لما فهمت قصده:حاضر

باسها من شفايفها بحب:طب يلا بقا عشان انا هموت وانام

ساعدته انه يغير لبسه وحضرتله الغدا وبعدين خدته فى حضنها راح فى النوم على طول وفضلت هى تفكر فى كذا حاجه

*عند سليم*

سليم:اه صحيح الف مبروك 

ريم:على اى

سليم:انتى متعرفيش انك حامل..

يتبع...

BY BASMALLA

#بارت_9

#ازمه_عاطفيه

#بقلمى_BASBOSA

سليم:انتى متعرفيش انك حامل

ريم:اى؟انت بتقول اى؟

سليم: انا فكرت الدكتور قالك..عموما انتى فعلا حامل الدكتور قالى كده لما طلع من عندك

ابتسمت ريم بسعاده وهى بتفكر ازاى طارق هيفرح اوى بالخبر ده

بعد شويه وصلوا الشركه ف طلعت ريم ل مكتبها وهى تعبانه وخدت شنطتها اتصلت على طارق

طارق:الو اتأخرتى كده لى انا جيت ملقتكيش فى البيت

ريم بتعب: طارق انا فى الشركه تعبانه تعالى خدنى

وقف طارق بخوف وهو بيقولها:تعبانه مالك فيكى اى انطقى

ريم:وقعت من على السلم وفى شاب ودانى المستشفى وكنت بنزف بس الحمد لله لحقوا الجنين

طارق بصدمه:جنين؟انتى قصدك اى؟انتى حامل

ريم بابتسامة تعب: ايوه الدكتور قال كده

طارق خد مفتاحه ونزل ركب عربيته:انا جاى حالا خليكى مكانك 

*عند تميم*

سنام:تميم تميم اصحى مامتك بتتصل

فتح تميم عينه بنوم:حصل اى

سنام:مش عارفه هى بتتصل بيك خد رد عليها

تميم:الو اى ياماما فى حاجه ولا اى

والده تميم:جاك جه من السفر ياتميم اخوك جه

قام تميم بفرحه:بجد احلفى يعنى هو دلوقت عندك

والده تميم:ايوه والله دخل اوضته ينام شويه

تميم:انا هجيلك دلوقت

والده تميم:ماشى ياحبيبى مستنياك

سنام:فى اى

تميم:اخويا جه من السفر

سنام:اخوك؟!!انت عندك اخ!ازاى وانا معرفش

تميم قرصها من خدها وهو فرحان:مجتش مناسبه اقولك

سنام بضيق وهى ماشيه وراه:مجتش مناسبه؟يعنى اى مجتش مناسبه انا مراتك ومعرفش ان عندك اخ

اتنهد تميم بتعب:انا مش قادر اتخانق دلوقت ياسنام بطلى نكد

مشت سنام طلعت الصاله وهى زعلانه منه قعدت على الكنبه قصاد الشاشه

لبس تميم هدوم تقيله وطلع بص عليها كانت قاعده ساكته باين عليها الحزن قعد جنبها وشدها لحضنه

تميم:انا اسف انا بس مجاش فى بالى خالص انى اقولك ان عندى اخ

سنام:تميم انا فى حاجات كتير معرفهاش عنك و

تميم بمقاطعة:اوعدك لما اجى هسهر معاكى نتكلم فى كل حاجه انتى عاوزاها وهحكيلك قصه حياتى كلها اتفقنا

اومأت له بهدوء:اتفقنا

تميم باسها من خدها:انا همشى

سنام:على مهلك

تميم:حاضر...مشى خطوتين بعدين قالها قومى اللبسى

لفتله بإستغراب:اى؟

تميم:قومى اللبسى هتيجى معايا

قامت سنام بسعاده تلبس..

*عند طارق*

دخل مكتب ريم كانت حاطه راسها على المكتب ونايمه بتعب

طارق ملس على خدها:ريم ريم 

فتحت ريم عيونها بتعب:طارق انت جيت

قامت حضنته:انا تعبانه اوى ياطارق حاسه دماغى هتنفجر

طارق خدها فى حضنه بحنان وحط ايدها على جبينها:انتى سخنه شويه دلوقت نروح وتشربى حاجه سخنه وتاكلى وتنامى وهتبقى كويسه

كانت مغمضه عينها فى حضنه وكأنها حاسه بأمان 

طارق:ريم انتى سمعانى

ريم بتعب:ها..ا ايوه سمعاك

شالها طارق وفتح الباب وهو ماسك شنطتها ونزل بيها

ريم بتعب:انت بتعمل اى الناس تقول اى؟

طارق:هششش الناس يقولوا اللى يقولوه اهم حاجه عندى انتى

فتح باب العربيه وركبها ورا

طارق:نامى شويه لحد ما نوصل

*عند تميم فى بيت والدته*

فتح تميم اوضه جاك ودخل كان نايم بعمق وطى ل مستواه باسه بإشتياق وبعدين طلع من الاوضه وسابه ينام لانه شاف ان وشه مرهق زى مايكون مبينامش كويس

والده تميم:اخس عليك ياتميم ازاى متقولهاش يابنى انك عندك اخ مسافر

تميم بغيظ لأن سنام قالت ل مامته: ياماما والله كنت مشغول فى شغلى ومجاش فى بالى ابدا انى اقولها

والده تميم:والله لو زعلتها تانى ل هاخدها تعيش معايا وابقى شوف مين بقا اللى هتهتم بيك

تميم قعد جنب سنام اللى بتبتسم بخبث وضغط على أيدها:لا ازاى عمرى ما هخبى عنها حاجه تانى

سنام:متأكد انك مش مخبى حاجه عنى تانى ولا هتخلينى اتصدم

تميم بتفكير:هى حاجه صغيره بس خلينى اقولهالك فى شقتنا وغمز لها

حطت وشها فى الارض بخجل من تصرفاته وكلامه

"عند طارق"

كان قاعد جنب ريم بيأكلها وهى حاطه فوطه صغيره على راسها عشان السخونيه

طارق:قوليلى مين وداكى المستشفى

ريم:شاب كده اسمه سليم هو اللى شافنى واقعه بنزف ف ودانى المستشفى

طارق بغيره:اممم وشالك طبعا 

ريم:معرفش بس اكيد اه لانى كنت فاقده الوعى

طارق اتكلم بغيظ:لا طبعا لازم اشكره واشكره اوى كمان

ريم بقلق:طارق انت بتفكر ف اى ارجوك مش وقت غيره لولاه كنت زمانى ميته

طارق:بعد الشر طبعا متقوليش كده

خد نفس وهو بيحاول يهدى نفسه: من هنا ورايح معدتيش هتروحى الشركه تانى خلاص

ريم: اى ؟لى؟ده انا مبقاليش اسبوعين فيها

طارق:انتى حامل وبعدين لازم تهتمى بنفسك فى فتره الحمل انا هكلم صاحب الشركه لحد ما تولدى وترجعى تانى

ريم:طيب وابقى اعتذرله على الورق اللى ضيعته ولا معرفش اى اللى حصله من بعد ما وقعت

طارق:الورق كان معاكى يعنى

ريم:ايوه

طارق:حاضر يلا نامى وانا هكلمه واجى انام انا كمان

*عند تميم*

كان تميم بيتكلم مع والدته لكن قاطع كلامهم لما فون تميم رن

تميم:الو

العسكرى:تميم بيه مكتب حضرتك فى قن*بله وقدامها 60 دقيقه وتن'فجر...

يتبع...

BY BASMALLA

#بارت_10

#ازمه_عاطفيه

#بقلمى_BASBOSA

العسكرى:تميم بيه مكتب حضرتك فى قن*بله وقدامها 60 دقيقه وتن'فجر

اتنفض تميم من مكانه بغضب:ازاى تدخل مكتبى؟وانت واقف

العسكرى:انا دخلت الحمام وبعدين رجعت لقيت عامله النضافه عايزه تنضف فتحتلها واتفاجأت ان جوه فى قنبله والعداد بيعد

تميم اخد مفاتيح عربيته ونزل ركب عربيته وساق بسرعه رهيبه متجهه ل قسم الشرطه تحت نداء سنام ووالدته له لكنه لا يعير لهم اى انتباه

*فى قسم الشرطه*

دخل تميم بغضب كان القسم فاضى والظابط المسؤؤل عن تعطيل القنابل دخل المكتب والعسكرى واقف قدام اوضه المكتب كان المكان مشغول ب ناس كتير مهمين...

*فى منزل والده تميم*

سنام ببكاء:طنط هو ممكن يحصله حاجه ؟انا خايفه عليه اوى

شدتها والدته لحضنها: متخافيش ياحبيبتي ان شاء الله يرجع سليم وكويس ادعيله

حطت سنام راسها على رجل والده تميم وهى بتبكى بخوف بعدها نامت على رجلها من غير ما تحس ملست والده تميم على جبينها بحنان الام وهى خايفه من جواها على ابنها: استر يارب

نطقت بيها والده تميم وهى تتخيل اشياء سيئه ممكن تحصل لابنها

*عند تميم*

اتكلم الظابط المسؤول عن تعطيل القنابل:مفيش حل للقنبله دى احنا لازم نخاطر

تميم بتساؤل:يعنى اى 

الظابط:يعنى هجرب مفتاح كده معايا لو عرفت اقفلها يبقى الحمد لله اما بقى لو معرفتش يبقى..

تميم:يبقى اى

الظابط:يبقى مش هنلحق نعمل فيها حاجه اللى حاطط القن'بله دى مجر'م مش سهل التقنيات اللى القنبله معموله بيها محترفه جدا

تميم بشجاعه:هات المفتاح

الظابط: اى ؟

تميم بحده:بقولك هات المفتاااح انا اللى هقفلها

الظابط:اكيد لا و...

تميم شد من ايده المفتاح وطلعهم كلهم بره وقفل الباب

الظابط:تميم افتح مينفعش اللى انت بتعمله ده 

قرب تميم من القنبله وسمى الله وغمض عينه بعد ما اتشاهد وحرك المفتاح جواها

.

.

.

لحظه اتنين تلاته فتح تميم عينه بصدمه لان القنبله اتقفلت بعد عنها وهو حاطط راسه بين ايده الد'م كله هرب من جسمه فضل يحمد ربنا بصوت يكاد يكون مسموع..بعد حوالى عشر دقايق على نفس الوضع بدأ الباب يخبط بقوه

الظابط:تميم انت كويس؟؟؟رد عليا

فتح تميم الباب:انا الحمد لله بخير

حضنه صاحبه بخوف عليه:حمدالله على سلامتك

تميم:الله يسلمك

قال بغضب:اللى عمل كده يتعرف وفى اسرع وقت

صاحبه:ده اكيد

طلع تميم ركب عربيته وهو بيفكر مين ممكن يكون حط القن'بله فى مكتبه وهدفه اى من كده وهو اكيد عارف ان تميم مش فى المكتب

*عند طارق وريم*

فتحت ريم عيونها شافت طارق نايم وهو قاعده جنبها ساند راسه على ضهر السرير وماسك ايدها ونايم..قامت عدلته بتعب وغطته كويس عشان الجو برد وخدته فى حضنها وهى بتطبطب على ضهره بحنيه وبتفكر فى موضوع حملها شدد طارق على حضنها واتكلم بنوم:انتى صاحيه

ريم:ايوه ياحبيبى

طارق دخل جوه حضنها بتعب:انتى كويسه دلوقت؟

ريم: الحمد لله احسن من الاول اى اللى مصحيك؟

طارق:مش عارف بس حسيت بيكى وانتى بتشدينى لحضنك

باسته ريم من راسه وسكتت وهو غمض عينه ونام تانى فى حضنها

*فى منزل والده تميم*

دخل تميم الشقه ف بصت له والدته:تميم انت كويس؟

تميم:ايوه ياماما اى اللى مخلى سنام نايمه كده؟

بصتلها والدته بحزن على حالتها:دى فضلت تعيط وهى خايفه عليك اوى ياتميم وانا هديتها شويه وبعدين نامت الحمد لله خدها وادخل اوضتك ياتميم وروح الصبح

تميم:لا ياماما انا هصحيها ونروح لانى تعبان ومحتاج انام واغير هدومى

والدته:الجو برد عليها حرام عليك تصحيها وتمشيها فى الجو ده

تميم بتعب:هنركب العربيه ياماما بالله عليكى بلاش تتعبينى مش قادر اتكلم

تميم:سنام سنام اصحى يلا عشان نروح

فتحت عيونها وهى بتهتف بأسمه:تميم

تميم:ياقلب تميم قومى يلا نروح

قامت مسكت ايده بدون ما تتكلم خدها تميم بعد ما سلم على مامته ونزل ركب عربيته

سنام:متشغلش العربيه

تميم بإستغراب:لى؟

سنام بدموع:خدنى فى حضنك انا خايفه 

شدها تميم لحضنه:مالك خايفه من اى

سنام:مرضتش احضنك قدام مامتك عشان اتكسفت لكن دلوقت مطلعنيش من حضنك...تميم انا خوفت خوفت اوى لا يحصلك حاجه اوعى تسيبنى ياتميم عشان خاطرى انا مليش غيرك

تميم رفعلها وشها وباسها بعمق وهى استجابت معاه..بعد عنها وهو بيحاوط وشها بين إيديه

تميم:متعيطيش انا معاكى وجنبك اوعى تخافى

سنام:خوفت عليك اوى خوفت اخسرك اصل كل اللى بحبهم بيمو'توا زى بابا وماما كده

اللتهم شفتيها فى قبله حنونه وهو يضمها له بعشق:انا جنبك اهو وعمرى ما امشى واسيبك اوعى تخافى وانتى معايا 

حضنته وهى غرقانه فى حبه:اوعدنى انك تفضل جنبى على طول

تميم وهو يشدد على احتضانه لها:اوعدك ياحبيبتى

فضلت فى حضنه شويه بعدين قالها:ممكن اسوق العربيه بقا ونروح عشان ننام

سنام:لا متبعدنيش عن حضنك

باسها من خدها بحب:اول ما اروح البيت هاخدك فى حضنى ومش هطلعك ابدا بس خلينى اسوق العربيه عشان نروح

بعدت عنه سنام بعد ما طبعت بوسه رقيقه على شفايفه ابتسم تميم على حراكتها وساق العربيه متجهه لبيتهم

*فى مكان آخر*

+انت متأكد انهم عرفوا يعطلوا القن'بله ؟

_انت غبى دول ظباط يعنى اكيد مش حته قن'بله اللى هتنهى حياتهم دول ليهم طرقهم ياحبيبى فى تعطيل اى حاجه خطر عليهم

+بخبث:يبقى هضطر استعمل خطتى التانيه واق'تل مراته..

يتبع..

BY BASMALLA

#بارت_11

#ازمه_عاطفيه

#بقلمى_BASBOSA

+بخبث:يبقى هضطر استعمل خطتى التانيه واق'تل مراته

_انت مجنون انت عارف لو عملت كده وهو عرف هيعمل فيك اى اقل حاجه ممكن يعملها انه يقت'لك ب ايده وده يبقى رحمك من العذاب اللى هتشوفه

+وهو هيعرف منين ان انا اللى عملت كده هو اصلا ميعرفنيش هو يعرف عزت الله يرحمه "عزت ده قا'تل العزبه اللى كان موجود فى اول بارت"

_الله يجحمه هو اللى دخلنا فى المشاكل دى

+امشى انت دلوقت وانا هخطط كويس اوى واقولك ننفذ ازاى

"فى صباح تانى يوم"

كان طارق بيتكلم فى الفون 

طارق:انت بتقول اى يعنى اى الكلام ده 

الشخص الآخر:والله زى ما بقولك كده تميم امبارح كان فى مكتبه قن'بله والدنيا اتقلبت

طارق بقلق:طيب قولى هو كويس دلوقت

الشخص الآخر:ايوه الحمد لله انت مش جاى ولا اى

طارق:لا يعم انا شويه وهكون عندك وكمان عشان اطمن على تميم

الشخص الآخر:خلاص هستناك سلام

طارق:سلام

بص طارق على ريم كانت نايمه بعمق قرب منها وطبع بوسه على خدها وغطاها كويس عشان البرد واخد مفاتيحه ونزل

*عند تميم*

كان جاى يقوم من على السرير بعد ما صحى على صوت المنبه لكن سنام مسكت ايده 

سنام:انت رايح فين؟

تميم بصلها: هقوم اللبس عشان ورايا شغل

قربت سنام منه حضنته:لا خليك معايا النهارده

تميم بحب ملس على شعرها:مينفعش طبعا ورايا شغل كتير وكمان لازم اعرف مين عمل حوار امبارح ده

سنام حضنته اكتر:لا مش هخليك تقوم انا عايزاك تقعد معايا النهارده

اتنهد تميم:سنام متتعبنيش مش هعرف بجد اغيب النهارده مش هينفع

هزت سنام راسها ب لا وهى فى حضنه.. سكت شويه بتفكير

تميم:خلاص هقعد معاكى بس بكره هتأخر فى الشغل عشان اللحق اخلص اللى ورايا

سنام بفرحه:وانا موافقه هات تليفونك بقا

تميم بإستغراب:لى!

سنام:هات بس

تميم:خدى

مسكت سنام الهاتف وقفلته خالص

تميم:بتعملى اى يامجنونه لا طبعا مش هينفع اقفله

حطت سنام الفون تحت المخده ونامت عليه

سنام:مادام انت هتقعد النهارده معايا تبقى بتاعى انا وبس مش مسموح لحد غيرى يكلمك

بصلها تميم بقله حيله:انا عمرى ما كنت كده غير لما اتجوزتك انا بجد عمرى ما سمعت كلام حد كان صوتى من دماغى

سنام بصتله ببراءه:وانا عملت اى بس تعالى يلا كمل نومك

تميم بخبث:نوم اى بقا انا عايز اقولك حاجه

سنام: حاجه اى؟

قرب منها تميم بخبث وفى لحظه كان هو فوق وهى تحته شهقت سنام بخضه:انت بتعمل اى يامجنون

باسها من شفايفها برقه:بعمل كده

سنام بخجل:تميم 

باسها تانى:قلب وعيون تميم

سنام وخدودها بقت حمرا:انت بتعمل اى عيب كده

تميم:هششش مش انا النهارده بتاعك

هزت راسها ب لأ

سنام:انا خلاص غيرت رأيى قوم روح شغلك ياحضره الظابط

تميم بضحك:لا مهو مش بمزاجك خلاص 

سنام:طب ابعد 

تميم بضحك:من عيونى

شدها وووووو نسيبهم سوا..

                                 *******

فى قسم الشرطه

دخل طارق مكتبه كان عليه اوراق كتير جدا..

طارق بنداء: ياعسكرى

دخل العسكرى:نعم يافندم

طارق:مين جاب الاوراق دى كلها

العسكرى:ده محمود بيه بيقول لحضرتك خلص كل دول النهارده

فتح طارق عينه بصدمه:نعممم

*فى منزل والده تميم*

خرج جاك اخو تميم من اوضته: صباح الخير ياماما

والدته: صباح النور ياحبيب ماما نمت كويس

جاك بإبتسامه:يااااه بجد ده انا كنت هموت من قله النوم مش معقول بجد

والدته:بعد الشر عليك ياحبيبى اه صحيح تميم اخوك جه امبارح هو ومراته عشان يشوفوك دخلك الاوضه شافك وطلع تانى

جاك:انا مكسوف منه اوى ياماما عشان محضرتش فرحه بس انا مكنش ب ايدى انا معرفتش اخد اجازه وانزل مصر

والدته:هو اكيد فاهم ده وبعدين تميم عاقل وبيحبك يعنى عمره مايزعل منك

جاك:طيب انا على بليل كده هروحله تيجى معايا

والدته:يابنى انا تعبانه مش قادره اروح فى حته روح انت

جاك:بس انا معرفش مكان بيته

والدته:هقولك....

*عند تميم*

كانت سنام نايمه فى حضنه

سنام:انا مش متخيله قصه جوازنا دى غريبه جدا

تميم:عندك حق

سنام:تعرف انت احلى حاجه حصلتلى فى حياتى حقيقى بدعى ربنا انك تفضل معايا على طول

دفن تميم راسه فى رقبتها بحب: يعنى انتى بتحبينى

ضمته سنام ليها بقوه:اكيد طبعا بحبك اوى وبحس معاك بالامان وده اهم من الحب بالنسبة لى

مشى ايده على ضهرها بخفه وهى طبعت بوسه رقيقه على شفاتيه وغمضت عينها بأمان وهمست:تميم

تميم:اممم

سنام:اسكت عشان بغير

وقف تميم حركه على ضهرها:حاضر

دخلت فى حضنه اكتر:ممكن كل فتره تاخد يوم اجازه من الشغل وتقعد معايا

تميم باس راسها وقال بهدوء:حاضر

"عند طارق"

العسكرى: طارق بيه فى واحد بره عايز يدخل لحضرتك

طارق:دخله

دخل الشخص وقال

_طارق بيه انا عاوز اعترف ب كل حاجه ياباشا...

يتبع...

BY BASMALLA

بارتين اهو عشان بليل هنزل الاخير ان شاء الله 🫶🏼

#بارت_12

#ازمه_عاطفيه

#بقلمى_BASBOSA

"عند طارق"

العسكرى: طارق بيه فى واحد بره عايز يدخل لحضرتك

طارق:دخله

دخل الشخص وقال

_طارق بيه انا عاوز اعترف ب كل حاجه ياباشا...

طارق:وانت عايز تعترف ي اى ؟

بلع الشخص ريقه بتوتر:تميم بيه كان ق'تل واحد صاحبى و

طارق: مين صاحبك ده؟

الشخص: صاحبى ده يبقى قا'تل العزبه اللى كان تميم بيه ماسك القضيه بتاعته

طارق ساب القلم من ايده:انت عايز تعترف على اى بالظبط

الشخص:انا طلبت اقابل تميم بيه لكن ملقتهوش موجود للاسف

طارق:تميم مجاش؟!!المهم كمل 

الشخص:انا وعزت الله يرحمه وواحد صاحبنا كمان اسمه رشاد كنا اصحاب اوى ويوم ما تميم بيه ق'تل عزت كان بيكلم رشاد فى التليفون وطبعا سمعنا كل حاجه سمعنا صوت ض'رب النار وعرفنا أن عزت اتق'تل المهم من يومها ورشاد بيتابع اخبار تميم بيه وهو اللى حط القنب'له إياها فى مكتب تميم بيه وكمان يعنى....

طارق:كمل يابنى وكمان اى؟

الشخص:رشاد ناوى يق'تل مرات تميم بيه

خبط طارق على المكتب بغضب:انت اتهب'لت يالا انت انت بتقول اى

الشخص بخوف:والله ياباشا هو ده اللى حصل وعشان انا مش كده بقولك على اللى هيحصل

طارق بغضب:تعالى امضى هنا واكتب رقمك هنا وهات بطاقتك ده انتوا ليله اهلكوا سوده 

مشى الشخص بعد ما طارق خد كل المعلومات عن رشاد فتح تليفونه ورن على تميم كان فونه مغلق

طارق:اووووف من امتى وانت بتقفل تليفونك

قام خد مفاتيحه وخرج من المكتب على طول 

طارق:الواد اللى لسه ماشى ده خليك وراه خطوه ب خطوه وبعدين ركب عربيته وهو متجهه ل بيت تميم

                                  **********

فى بيت تميم كان الباب بيخبط جامد قامت سنام اتنفضت بخضه:مين ده مين ممكن يجى بدرى كده هنفتح ازاى دلوقت

مسك تميم أيدها وهو بيطمنها:هششش اسكتى انا هفتح وانتى خليكى هنا قومى خدى شاور

اومأت له سنام عده مرات بتوتر من صوت خبط الباب المستمر ؛لبس تميم هدومه بسرعه وقام فتح الباب 

تميم بزهول:طارق!

طارق بخوف:انت مراتك فين ؟مراتك كويسه ؟

تميم بإستغراب:مراتى!!مالك يابنى انا مراتى كويسه

طارق:يعنى مراتك فين دلوقت هنا ولا عند اهلها ولا فى مشوار ولا فين

تميم:سنام جوه مالك فى اى؟

اتنهد طارق براحه وكأن هم انزاح من على قلبه: الحمد لله

تميم:اقعد اقعد وفهمنى فى اى بالظبط

قعد طارق وحكى ل تميم كل اللى حصل اتعصب تميم واتحولت ملامحه كلها لغضب

تميم بعصبيه:والله لاعرفهم ازاى بس يفكروا كده

طارق:هتعمل اى؟

تميم:اول حاجه عايزك تعينلى حراسه وتحطها قدام باب الشقه..باب الشقه ياطارق لان ممكن رشاد ده يبعت حد ينط من على السطح ميدخلش من البوابه اما بقا تانى حاجة انى هروح ومعايا قوات اقبض على رشاد ده

طارق:انا هقوم دلوقت وابعتلك الحراسه هنا

اومأ له تميم وودعه بحب اخوى:شكرا على كل اللى عملته وبتعمله معايا

طارق بابتسامة:انت اخويا يااهبل

ابتسم تميم لكن اختفت ابتسامته لما طارق قاله:وانت قافل تليفونك لى من امتى وانت بتقفله

تميم ابتسم ببراءه وكأنه معملش حاجه

طارق: اممم فهمت يبقى مش انت اللى قافله

تميم:اطلع بره يالا

ضحك طارق وخرج

*الساعه ٥ المغرب كان جاك وصل قدام شقه تميم كان قدامهم عساكر*

العسكرى:مين حضرتك!

جاك باستغراب:مش دى شقه تميم بردو؟

العسكرى:ايوه اقوله مين؟

جاك:انا اخوه

العسكرى:طب ثوانى

العسكرى ادى ل تميم اشاره ان فى حد بره قام تميم وفتح الباب لقى جاك

تميم:جاك تعالى

دخل جاك:هو فى اى اى كل العساكر دى؟

تميم:متشغلش بالك أنت دول للحمايه بس اقعد وانا هنادى سنام واجى

دخل تميم الاوضه:سنام اللبسى واخرجى اخويا بره

سنام:حاضر

بعد عشر دقايق طلعت سنام وهى لابسه بنطلون اسود وهودى ابيض وطرحه سوده

جاك مد ايده بإعجاب من اختيار اخوه: عامله اى

سنام مدت ايدها سلمت عليه لكن تميم شد ايدها بضيق اقعدى

لاحظ جاك ان تميم اضايق عشان سنام سلمت عليه لكن معلقش

فضلوا يتكلموا عن حياه جاك وازاى تميم اتعرف على سنام وقضوا السهره سوا ؛الساعه ١١ بليل

جاك:انا هقوم اروح كفايه كده

تميم:خليك شويه لسه بدرى

جاك:مره تانيه بقا واكون جبت ماما معايا يلا عايزين حاجه

حضن تميم جاك بحب واكتفت سنام بإنها تبتسم عشان تميم ميضايقش تانى خرج جاك روح بيته و

تميم شدها له وقال بصوت حاد:مره تانيه مشوفكيش بتسلمى عليه ولا على اى راجل غيرى سامعه

سنام:بس ده اخوك مش حد غريب

تميم بغيره:لا غريب وانتى قولتى اخويا انا مش اخوكى انتى

بصتله سنام بضيق 

تميم وهو بيضغط على اسنانه بضيق:سامعه انا قولت اى؟

هزت سنام راسها بتوتر:سامعه

سابها تميم ودخل اوضته وهى حاولت تهدى ضربات قلبها العاليه

سنام لنفسها:اهدى اهدى محصلش حاجه

اتنهدت ودخلت وراه كان قاعد على فونه بيتابع شويه شغل 

قعدت جنبه على الركنه اللى فى اوضتهم

سنام:متزعلش كده طيب مكنش قصدى اضايقك

مردش عليها

سنام مسكت دراعه ونامت عليه:حقك عليا خلاص مش هعمل كده تانى

مردش

سنام:خلاص بقا قولت هتفضل زعلان كده؟

تميم ببرود:مش زعلان

سنام:يووه يبقى زعلان طب اعمل اى عشان متبقاش مضايق

تميم ببرود:معرفش

سنام بغضب:يابارد

شدت منه الفون وحطته وراها:مفيش تليفونات غير لما تكلمنى عدل

تميم:هاتى التليفون كفايه انك قفلتيه الصبح وحصل مصيبه بسببك

سنام بصدمه:بسببى اناااا!

تميم:هاتى التليفون

سنام:تؤ صالحنى الاول

تميم:مين المفروض يصالح مين؟

سنام:انا صالحتك صالحنى انت بقا

نفخ تميم بضيق وهو بيقرب منها عشان ياخد الفون من وراها لكن فجأته لما باسته بوسه خفيفه من شفايفه بصلها وبعد عنها وبص قدامه دخلت فى حضنه وسكتت ملس على شعرها وضمها له بحب

تميم:خلاص مش زعلان

سنام وهى فى حضنه:بجد؟

تميم:ايوه بجد

سنام شدته من ايده:خد التليفون اهو وتعالى نقعد على السرير الجو هنا سقعه

*عند ريم*

كانت قاعده على سريرها وهى قلقانه الساعه بقت ١٢ ونص وطارق لسه مجاش وبتتصل عليه تليفونه مغلق

ريم بتوتر:ياربى هيكون راح فين بس مقاليش انه هيتأخر

فتحت فونها ورنت عليه لكنه اداها مغلق

ريم:لا يكون جراله حاجه؛لا لا استحاله

سمعت صوت باب شقتها بيتقفل خرجت بره الاوضه شافته وكأن روحها رجعتلها تانى

ريم بغضب:انت كنت فين كل ده معقول مبتردش على مكلماتى وبيدنى مغلق فين تليفونك انت كويس اى اللى اخرك كده

مشى نحيتها وشدها اتجاهه وهو بيقول بصوت هادى:اهدى اهدى انا كويس اى كل الاسئله دى مش لاحق اجاوبك

ريم بخوف عليه:انت كنت فين انا كنت هموت من خوفى عليك

طارق:كان ورايا شغل كتير اوى والله غصب عنى والتليفون فصل شحن فجأه حقك عليا

حضنته ريم بإرتياح:كنت اتصل عليا من اى حد طمنى عليك

طارق:منا مش حافظ رقمك وبعدين هو انتى بتحبينى اوى كده

بصتله ريم بلوم:اكيد بحبك اومال بكرهك يعنى متقولش كده تانى

طارق حضنها بعشق:يمكن اه بتحبينى بس مش قد حبى ليكى

ريم بابتسامة:لا والله انا كمان بحبك اوى انت كل حياتى ياطارق معقول تكون مفكر انى مش بحبك

داعب انفها بأنفه بحب:لا طبعا عارف انك بتحبينى يلا بقا حضريلى الاكل لانى جعان مووت

ريم بابتسامة:حاضر

*عند تميم*

كان بيكلم الشخص المسؤل عن مراقبه رشاد وقاله ان رشاد ق'تل صاحبه اللى بلغ طارق ب كل خطته

بص تميم بتوتر ل سنام اللى نايمه فى حضنه:سنام

سنام:امم

تميم:بصِ ياحبيبتى

سنام:امم

تميم:انا ورايا شغل مهم دلوقت لازم اروح تمام انتى نامى ومتقلقيش عليا بس متتصليش لانى هسيب تليفونى هنا

سنام بقلق:انت مخبى عنى حاجه صح؟

تميم باسها من خدها:هعرفك كل حاجه لما ارجع متقلقيش وعموما انا سايب حراسه بره تحميكى

سنام بخوف:تميم هو فى حاجه خطر ولا اى؟وحراسه اى دى؟

تميم:هعرفك كل حاجه بعدين دلوقت نامى تصبحى على خير وانا هلبس وامشى

غطاها كويس وقام لبس وخد مسدسه وحط فيه رصاص وباسها ومشى بعد ما قال للعساكر اللى بره ان عينهم متغفلش دقيقه عن حمايه مراته

"بعد مرور ساعه"

وصل تميم بعربيته قدام بيت رشاد طلع وخبط على الباب لكن رشاد نزل من السطح وضرب تميم رصاصه فى كتفه من الخلف...

#بارت_13

#ازمه_عاطفيه

#بقلمى_BASBOSA

بعد مرور ساعه"

وصل تميم بعربيته قدام بيت رشاد طلع وخبط على الباب لكن رشاد نزل من السطح وضرب تميم رصا'صه فى كتفه من الخلف وقع تميم على الارض وهو بيتوجع قرب منه رشاد واخد منه السلاح بتاعه ورماه بعيد 

رشاد ب شر:اى ياحضره الظابط بتتوجع؟ياعينى صعبت عليا ضغط رشاد على كتف تميم بقوه فصرخ تميم اللى وشه احمر من كتر الوجع

تميم:هق'تلك والله لاق'تلك

ضحك رشاد ب شر:انا هسيبك هنا وهروح اقت'ل المزه بتاعتك عشان لما ترجعلها المره دى مش كتفك اللى يوجعك لا قلبك

استجمع تميم كل قوته وزق رشاد برجله من على السلم وقع رشاد وهو بيحاول يمسك فى اى حاجه مش لاقى مسك تميم مسدسه من على الارض ووجهه فى وش رشاد

تميم بغضب وهو خلاص مش قادر اكتر من كده:هقتلك عشان تبقى تفكر بس مجرد تفكير تيجى جنب مراتى

واطلق رصاصه جعلت روح رشاد تطلع لخالقها؛نزل تميم بوجع وهو خلاص عايز يصرخ من وجع كتفه ركب عربيته وساق بسرعه رهيبه وبدأ يصدر صوت يدل على وجعه

*عند سنام*

كان قلبها وجعها مقدرتش تقعد مكانها ساكته قالت تفتح الباب وتسأل الحرس اللى بره عن تميم فتحت الباب لكن رجعت ل ورا بخضه من منظرهم كانوا رجاله كتير أجسامهم ضخمه واقفين قدام باب الشقه مباشره ماسكين اسل'حه 

واحد منهم:تؤمرى ب حاجه يامدام؟

سنام بتوتر:انتوا انتوا الحرس اللى تميم موقفكم؟

اومأ لها:ايوه

سنام:انا عايزه انزل اشترى حاجه

الحارس:معندناش اوامر تنزلى يامدام لو عايزه حاجه قوليلى عليها واحنا هنجيبهالك

سنام:لا خلاص ملهوش لزوم؛هو تميم فين؟

الحارس:منعرفش حاجه عنه ياهانم

نفخت سنام بضجر ودخلت قفلت الباب فى وشهم:معندناش اوامر تنزلى منعرفش حاجه عنه ياهانم نينيني باردين

                                 ********

نزل تميم من عربيته وهو بيحمد ربنا انه معملش حادثه طلع بوجع واول ما شاف الحراس بتوعه وقع قدامهم على السلم

تميم بوجع وصوته يكاد يكون مسموع

تميم بهمس:حد يناديلى دكتور مش قادر

جرى عليه اتنين من رجالته شالوه والتالت خبط على باب الشقه فتحت سنام بغضب وهى بتقول:اى عايزين اى

لكن سكتت ورجعت ورا بخوف وهى شايفه كتفه بينزف دم وتميم مغمض عينه وعرقان بطريقه غريبه

همست سنام بصدمه:تميم!

احد الحراس:انا اتصلت على دكتور تابعنا وزمانه جاى

قربت سنام منه بخوف:تميم فتح عينك اى اللى حصلك تميم عشان خاطرى رد عليا انا خايفه اوى

همس بتعب:انا كويس م..متخافيش

مسكت ايده التانيه وحضنتها بخوف: الدكتور جاى وهتبقى كويس ياحبيبى متخافش 

بعد ساعه كان الدكتور خرج الرصاصه من كتفه بعد ما اداله مخدر وكان تميم نام ولف كتفه بشاش لحد ما يتعافى كتبله على دوا ياخده وقال احتمال درجه حرارته ترتفع وبعدين مشى

احد الحراس:لو عايزه اى حاجه ياهانم احنا تحت امرك وان شاء الله تميم بيه هيبقى كويس

سنام بحزن:انا بس عايزه الدوا ده لو تعرف تشتريهولى عشان لما يصحى لازم ياخده يبقى كتر خيرك

خد منها الروشته وهى مدت ايدها بفلوس

الحارس:عيب يامدام اكيد مش هاخد منك فلوس سيبيها اكيد هتحتاجيها وتميم بيه تعبان كده

سنام:لو تميم عرف هيزعل معلش خد الفلوس عشان خاطرى

الحارس:انا هبقى اكلمه بعدين المهم دلوقت يقوم بالسلامه

ابتسمت له سنام بخفه:يارب

بعد ساعتين كانت قاعده جنبه ماسكه ايده وحاطه فوطه على دماغه عشان السخونيه بتبصله بحزن وقلبها واجعها عليه

فتح عينه بتعب ونطق اسمها بهمس:سنام

سنام:ايوه ياحبيبى انا جنبك اهو محتاج حاجه ؟

تميم:اشرب عايز اشرب

سابت سنام ايده وقامت جابتله كوبايه مياه وساعدته يقعد براحه وشربته

سنام:كفايه ولا عايز كمان؟

تميم بتعب:لا خلاص كده

قعدت جنبه بهدوء:انت كويس ؟

تميم:كتفى بس بيوجعنى شويه

سنام:طيب يلا عشان تاخد الدوا ومتحسش بوجع

خد تميم الدوا ورجع راسه ل ورا وهو بيفكر هيعمل اى

سنام:تميم اى اللى حصل فهمنى؟

تميم بضيق:مش قادر دلوقت ياسنام افتحى تليفونى وابعتى ل طارق مسدج قوليله يجيلى بكره الصبح ضرورى

سنام:حاضر

"عند طارق وريم"

ريم: طارق انا لازم اتابع مع دكتوره

طارق وهو ماسك فونه: حاضر بكره هنروح لدكتورة ونتابع معاها ان شاء الله

ريم بتوتر:طيب انا انا عايزه اروح اقعد عند ماما كم يوم

بصلها طارق بإهتمام:لى؟!

ريم:عا.. عادى يعنى هغير جو

شدها طارق من أيدها قعدها جنبه:مالك انتى مضايقه منى

ريم بصتله بحزن:لا بس حاسه انى مضايقه مش منك ومش عارفه مضايقه لى انا بس محتاجه اغير جو عشان خاطرى وافق اروح عند ماما تلات ايام على الاقل 

طارق:ماشى ياريم بكره وانا رايح الشغل هوصلك لمامتك ويومين وهاجى اخدك

حضنته بحب وهى بتفكر فى حاجه..

"الساعه 3 الفجر فى منزل تميم وسنام"

كان تميم حاسس انه سخن قام عشان يجيب فوطه صغيره يبلها ويحطها على راسه عشان السخونيه شد الفوطه ولكن صف الفوط وقع على الارض معرفش يلحقه عشان دراعه واجعه نزل لمستوى الارض عشان يلمهم لكن لمح شريط برشام واقع معاهم مسكه وهو بيقرب من النور يقرأ بتاع اى لكن اتصدم لما لقاه حبوب منع الحمل!!!!ضم حواجبه بإستغراب لأن نصه خلصان بص على سنام اللى نايمه بعمق واتحولت ملامح وشه للغضب وهو بيضغط على كف ايده السليمه بضيق شديد وهو بيحاول يتحكم فى غضبه حط الشريط فى جيب بنطلونه واخد فوطه حطها فى المياه وبعدين حطها على راسه ودماغه تكاد تنفجر من كتر التفكير معقول ؟معقول سنام بتاخد حبوب منع حمل ومش عايزه تخلف منه!!قطع تفكيره لما سنام قربت منه وحطت ايدها على بطنه حضنته وهى نايمه كان نفسه يصرخ فيها ويقولها لى عملتى كده ده انا حبيتك لكن فضل انه يسكت دلوقت ويواجهها الصبح

*فى منزل والده تميم*

جاك:ماما انا هضطر اسافر بكره

والدته:لى كده ياجاك انت لحقت تقعد معايا ده انت مبقالكش  ٣ ايام

جاك:مدير الشغل كلمنى ولازم اسافر بكره ضروري مش بإيدى

والدته بحنان:ربنا معاك يابنى

باس ايدها ودخل اوضته ينام

*فى صباح تانى يوم عند طارق*

طارق:خلصتى؟

ريم:اه خدت شويه هدوم يكفونى كده كده مش هقعد كتير

طارق شدها من خصرها قربها له بحب:هتوحشينى

ريم حضنته وهى بتبتسم:وانت كمان هتوحشنى اوى

طارق:هبقى اكلمك اطمن عليكى بعد ما ارجع من عند تميم 

ريم:اوكى

طارق:يلا عشان متأخرش

*عند تميم*

طلعت سنام من الحمام وهى بتنشف شعرها لكن وقفت حركتها لما سمعته بيقولها " بتاخدى الحبوب دى من امتى" ..

يتبع...

BY BASMALLA

#بارت_14_الاخير

#ازمه_عاطفيه

#بقلمى_BASBOSA

تميم:بتاخدى الحبوب دى من امتى

بصتله بتوتر:حبوب اى؟

تميم وهو بيحاول يتحكم فى عصبيته:حبوب منع الحمل

بهتت ملامحها وبلعت ريقها اللى جف من التوتر وقالت بهمس:انا هفهمك

تميم بعصبيه:بتقولى ايي على صوووتك وسمعينى

اتنفضت من صوته العالى:بقول انت فاهم غلط ياتميم انا هفهمك

تميم:تفهمينى؟كمل بوجع فى قلبه؛تفهمينى اى كل ده ملهوش غير تفسير واحد بس وهو انك مش عايزه تخلفى منى عشان مبتحبنيش طب انا عملتلك اى عملتلك اى غير انى حبيتك من قلبى بجد وعاملتك كأنك بنتى مش مراتى بس فعلا انا الغلطان انا اللى استهال مليون جز'مه انى اتسرعت واتجوزتك كنت فاكر عشان وافقتى تتجوزينى انك بتحبينى ياخساره حبى ليكى ده جزائى انى حبيتك!!عموما كده كل حاجه وضحت والنقط هتتحط على الحروف

بصتله بصدمه وقالت: تميم والله انا بحبك انت فاهم غلط

تميم طلع من باب الاوضه واخد مفاتيح عربيته والتليفون بتاعه ورزع باب الشقه وراه ونزل ركب عربيته وهو متجهه لقسم الشرطه

*عند ريم*

كانت قاعده تتكلم مع والدتها

والدتها:هو طارق مزعلك ياريم؟

ريم بابتسامة:لا ياماما انا اللى طلبت منه انى اجى اقعد معاكى كم يوم اغير جو وارجع تانى ده حتى جه وصلنى لحد هنا بس مطلعش عشان ميتأخرش على شغله

والدتها:ربنا يهدى سركم ياحبيبتى 

ريم:يارب انا هقوم اروق اوضتى وافتح البلكونه الدنيا تتهوى شويه

والدتها:على مهلك عشان الحمل ياريم

ريم:حاضر ياماما...مفيش حتى شمس طالعه

والدتها:اصلا الايام دى الجو سقعه افتحى البلكونه شويه واقفليها

*عند تميم*

وصل قسم الشرطه بعد نص ساعه لانه كان بيسوق ببطئ عشان بيسوق ب ايد واحده دخل مكتب طارق

بصله طارق بإستغراب:تميم!اى اللى حصلك مال دراعك ده انا كنت هجيلك بعد ما اخلص الشغل اللى ورايا

حكاله تميم كل حاجه حصلت معاه هو ورشاد 

طارق بغضب:وازاى تروح لوحدك مقولتليش لى

تميم:خلاص ياطارق اللى حصل حصل اهو غار فى ستين دا'هيه

طارق:وانت اى اللى نزلك النهارده المفروض تاخد اجازه

تميم قال بضيق:مش هرجع الشقه تانى انا وسنام هننفصل

طارق بصدمه:انت بتقول اى يعنى اى الكلام ده

تميم:طلعت بتاخد حبوب منع الحمل

طارق بزهول:اى!

اومأ له تميم:زى ما انت سمعت كده

طارق:واجهتها؟

تميم:ايوه

طارق:قالتلك اى؟

تميم:كانت متوتره وواقفه مصدومه انى عرفت ومعرفتش ترد فضلت تقولى انت فاهم غلط وانا كان جوايا وجع وكلام كتير اوى قولتهولها ومشيت وسيبتها وجيتلك؛انا فعلا مخنوق اوى

اتنهد طارق بحزن على حال صديقه:طب هتعمل اى دلوقت؟

تميم: هروح بليل اطلقها رسمى وكل واحد يروح لحاله

طارق:الامور مبتتاخدش كده لازم تسمع منها وخصوصا انك بتحبها

تميم بغضب:هى استغلت حبي ليها وعملت كده من ورايا وده مش من حقها دى انانيه ياطارق 

طارق:طب اهدى وكل حاجه هتتحل انت بس فكر كم يوم كده واهدى وهنشوف حل اكيد مش هتسيبوا بعض يعنى

تميم:انا مش عايز ارجع البيت هروح عند ماما 

طارق:طب ماتيجى عندى حظك ان مراتى هتقعد كم يوم عند امها

تميم:لى اتخانقتوا؟

طارق:لا هى عايزه تغير جو المهم هتيجى عندى لحد ما تبقى كويس وترجع تانى بيتك

اومأ له تميم

طيب خد المفتاح اهو وروح على شقتى ادخل اوضه الاطفال ونام براحتك لان شكلك تعبان وانا هخلص شغلى واجيلك

تميم خد منه المفتاح:انا مش عارف اقولك اى على وقفتك معايا

طارق ابتسم : متقولش حاجه يلا خلى بالك من نفسك

تميم وهو خارج:حاضر

                               *********

فى الليل الساعه ٧مساءاً

كان الباب بيخبط فتحت سنام لقت طارق فى وشها

طارق:ممكن ادخل؟

سنام بتوتر:بس تميم مش هنا 

طارق:منا عارف وعارف اللى حصل بينكم تميم حكالى

بلعت ريقها بتوتر:اتفضل

دخل طارق وقعد على الكنبه وهى سابت الباب مفتوح شويه وراحت قعدت على الكنبه اللى قصاده ومتكلمتش

طارق بجديه:تميم حكالى على كل حاجه ياسنام معرفش لى عملتى كده ولا عايز اعرف بس اللى اعرفه ان اكيد فى سبب وتميم لازم يعرفه

سنام بدأت عينها تدمع:والله العظيم هو فاهم غلط حاولت افهمه لكنه مشى وسابنى 

طارق:متعيطيش واهدى بصى هو حالياً فى شقتى لانه رافض يرجع البيت دلوقت ومصمم على الطلاق هتيجى معايا وانا هقعد فى عربيتى تحت اكلم مراتى وانتى هتطلعى تخبطى عليه وتدخلى تفهميه كل حاجه ونص ساعه وهطلع اشوفكم

سنام:حاضر هقوم اللبس واجى

'بعد نص ساعه كانوا وصلوا قدام العماره اللى فيها شقه طارق'

طلعت سنام خبطت على الباب فتح تميم لكن اتصدم لما لقاها هى

تميم بغضب:انتى اى اللى جابك هنا

زقت الباب ودخلت بسرعه قبل ما يقفله

سنام:جيت عشانك 

تميم لف اداها ضهره:لا تعبتى الصراحه وضحيتى كتير عشانى اتفضلى اطلعى بره مش عايز اشوفك

وقفت قدامه وهى بتتحداه:مش همشى من هنا غير لما تسمعنى

تميم: عايزه تقولى اى مش فاهم يعنى اى سبب مش هيبقى مبرر للى انتى عملتيه

سنام بدأت تعيط:لا مبرر لما اكون خايفه اخلف عشان انت ظابط يبقى مبرر

عقد تميم حواجبه بإستغراب وهو مستنيها تكمل كلامها

سنام وهى بتعيط:انا خدت الحبوب دى لما حسيت انك فى يوم ممكن تضيع منى ويحصلك حاجه وانا اعيش اربى ابنى لوحدى خوفت يبقى فى يوم ابنى من غير اب ويتيم زى مانا بقيت يتيمه وزاد اصرارى اكتر انى اخدهم لما كل يوم الاقيك فى خطر مره قن'بله فى مكتبك ومره تق'تل ناس ومره حد يضربك بالرص'اص انا خوفت خوفت ومعرفتش افكر

تميم: مش من حقك تاخدى القرار ده لوحدك

سنام بشهقه وزادت فى العياط:عشان انت استحاله كنت توافق

تميم بضيق وهو شايفها مش قادره تاخد نفسها من كتر العياط:طب انتى بتعيطى لى دلوقت

سنام وهى بتمسح دموعها ووشها احمر اوى:عشان انت زعلان منى

اتنهد بوجع وقرب منها رفع ايده السليمه ومسحلها دموعها

تميم:بطلى عياط

سنام بعياط:حا..حاضر

تميم: وبعدين يتيمه اى وانا موجود مش انا بباكى

سنام دخلت فى حضنه وهى بتعيط من غير صوت:انت كل حياتي والله العظيم انا اسفه

حضنها تميم بقوه وعشق:وحشتينى اوى

سنام:وانت كمان وحشتنى اوووى 

باسها من راسها وهو لسه حاضنها

سنام:خلاص كده هترجع معايا البيت؟

تميم مردش عليها

بصتله وشافت فى عيونه حزن وكأنه بيقولها انتى خذلتينى

باسته من شفايفه بوسه حنينه وهى بتقوله:حقك عليا والله مش هعمل كده تانى

تميم بزعل:بجد

سنام:اه والله خلاص بس متبقاش زعلان كده عشان قلبى بيوجعنى وانا شيفاك زعلان منى كده 

تميم مردش عليها

سنام: خلاص بقا بحبك

ابتسم لها وهو بيبوسها من جانب شفتيها بحب:ده انا اللى بحبك

حضنته بقوه وهو حاوطها ب دراعه السليمᰔᩚ

لماذا يَشقىٰ المرءُ بأحبتهِ؟

#النهايه

BY BASMALLA