رواية مكتوبة على اسمى بقلم ملك إبراهيم جديده وحصريه وكامله
رواية مكتوبة على اسمى بقلم ملك إبراهيم جديده وحصريه وكامله
#اقتباس من بارت بكره 😱❤️
وقفوا اتنين ستات يشوفوا اللي بيحصل وفكروا انه بيعاكس البنت وقالت ست منهم: سيب البنت تروح لحالها يابني واعتبرها زي اختك.. هو انت معندكش اخوات بنات!
عامر بنفاذ صبر: حضرتك دي مراتي اعتبرها زي اختي ازاي بس!!
وبص ل آيات: ايااات لاخر مرة بقولك تعالي معايا نتكلم في العربية احسن.
آيات بعناد: لا انا معرفكش عشان اجي معاك..
عامر هز راسه بنفاذ صبر بعد ما شاف ان في ناس كتير بدؤ يتجمعوا حواليهم وقال بصوت عالي: بصوا يا جماعة الهانم دي تبقى مراتي وحامل في ابني وعايزة تسقط الطفل عشان زعلانه مني يرضيكم كده؟...😱😂
الجنان هيبدأ من بكره استنوني😍❤️🏃
الكاتبة ملك إبراهيم
هو ايه حكاية ان عامر ضعيف الشخصية مع امه ولازم يوقفها عند حدها ولازم يعمل ويعمل ويعمل!!!!
جماعة دي امه.. فاهمين يعني ايه ام او اب!!
انا مصدومة ان للدرجة دي الناس عقولها اتشوهت وبقوا شايفين ان لو الام او الاب غلطوا معانا او كانوا انانيين او لو فيهم عيوب الدنيا كلها يبقى الحل اننا نوقفهم عند حدهم يا اما نقطع علاقتنا بيهم او نزعق فيهم او يكون لنا رد فعل قاسي معاهم عشان يلتزموا حدودهم معانا!!
مفيش الكلام ده وكل ده غلط وسيبكم من الروايات اللي بتشوه العقول والبطل يكون بيكره امه عشان هي اتجوزت مثلا ولا عشان ظلمته وهو صغير ولا عشان انانيه او مهما كان اللي عملته.. يكون هو بيكرها ومقاطعها وتيجي البطله الطيبه الكيوت تحاول تصلح علاقته ب امه وتقنعه انه يسمحلها تشوفه!!😡
في تخلف كده معقول!! والقارئ يبقى مبسوط وشايف ان البطل كده شخص قوي ومعاه حق ونشجعه!!
ربنا قرن حق الوالدين بحقه بالتوحيد وامرنا امر صريح (فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا) صدق الله العظيم.
انا نزلت البوست ده لأني شوفت تعليقات كتير بيقولوا ان عامر ضعيف الشخصية مع امه!!
دي امه يا جماااااعة امه وملهاش علاقه بضعف شخصية او بقوة شخصية!
يعني لما يكون شاب شايف امه متعلقه بجوزها وهو مسيطر على عقلها وماشيه وراه وهي مغمضه ورافضه تشوف الحقيقه وعايزة تعمل المستحيل عشان جوازها يفضل مستمر وبتحمل ابنها مسؤلية سعادتها..!
المفروض انه يا اما يقولها خلاص انتي حره وخليكي ماشيه ورا جوزك لحد ما يدمرك وانا مليش علاقة بيكي!
يا اما هيفضل جنب امه ويصبر ويستحمل لحد ما تفتح عينيها وتشوف الحقيقه او لو حتى فضلت مصممه انها تعيش مخدوعه هو مش عايز يبعد ويسبها لجوزها يدمرها هو عايز يكون قريب من امه وميخسرهاش وبرضه مش معنى كده انه ممكن يظلم حد عشان يرضي امه! عامر من اول ما الرواية بدأت وهو عمره ما سمح بالظلم بدليل انه لما عرف ان جده هيتجوز بنت صغيرة وهيدمر حياتها هو أتدخل علي طول عشان ينقذ البنت وميسمحش بالظلم ده يحصل ومن بعد ما عرف ان آيات مراته بقالها خمس سنين وهو حاسس بالذنب لانه ظلمها غصب عنه.. الفكرة هنا ان هو اللي بيضحي عشان امه لكن مش بيظلم حد عشانها ولما خطب ميرنا عشان يرضي امه ويثبتلها انه بيعمل كل اللي تطلبه عشان سعادتها برضه مظلمش حد لانه مكنش يعرف ان آيات مراته وكان عارف ان الخطوبه بتخطيط من ميرنا وباباها عشان يستغلوه... يعني هو مستمر في التضحيات لحد ما والدته تفوق وتشوف الحقيقه وده مش ضعف ابدا بالعكس.. الضعف انك تخسر اعز الناس على قلبك وتحط اي مبرر عشان ترضي ضميرك.. الاب والام مش بيتعوضوا ابدا ❤️
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق
فضلا اترك تعليق من هنا