رواية حولونى لشيطان الفصل السادس والسابع الاخير كامله بقلم شحاته توفيق (جميع الفصول كاملة)

رواية حولونى لشيطان الفصل السادس والسابع الاخير كامله بقلم شحاته توفيق (جميع الفصول كاملة)

رواية حولونى لشيطان الفصل السادس والسابع الاخير كامله بقلم شحاته توفيق (جميع الفصول كاملة)

الحلقة السادسه والسابعه والاخيره

في قسم الشرطه دربكه جامده وعساكر كتيير بتجري علي سيارات الشرطه 

الظابط في كابينة احدي السيارات وبيقوول

-اطلع بسرررعه يابني علي العنوان اللي قالو الراجل الخربان ده

سيارات الشرطه انطلقت وصافرات انذاراتها ماليه المكان وكأنهم رايحين يقبضو علي خليه ارهابيه مش مجرد مجرم هااارب

في منزل الشيخ 

بيبص الشيخ حواليه في كل مكان وكأنه شايف حاجه وبيكلم استاذ نبيل 

-انت يعني لحد اما روحت القسم واتحبست مكانش حصلك اي حاجه؟

-لا اول مره يحصل ده وانا في الحبس وزي ماقولتلك سمعت صوت وحسيت بعدها بشكه وشئ بارد بيسري في جسمي

-الشئ ده كان ابن ابليس وواضح انه متسلط عليك

-متسلط عليا ازاي ياشيخ

-يعني فيه بني ادم مسلطه عليك بالسحر هو مش جايلك من نفسه

-بس انا مليش اي عداوات ياشيخ انا عايش اقل من حقي مع الناس كلها 

-فيه بني ادمين مؤذييين وعشان تفك السحر ده لازم تعرف مين المؤذي وتواجهه 

وخلي بالك علطول شغل قرآن لانهم حواليك ومستنيين لي لحظة مناسبه يدخلو جسمك

-هما بينتقمولي ياشيخ  هيستفيدو ايه

-مش بينتقمولك يا استاذ. ده بيضيعو مستقبلك لحد دلوقتي نجحو في انهم يخلوك تشيل كذا قضية قتل 

-دموووع من عيون استاذ نبيل والله ماقتلت حد وانهمر في وصلة من البكاء الشديد 

امه بتبكي وبتحاول تهديه وبتبص للشيخ وتقوله طيب ايه الحل ياشيخ

-هقرأله قرآن يحميه منهم وهنحاول نصرف عنه السحر يس لازم نعرف مين اللي عملو السحر ده مين اللي راح لساحر خبيث عشان يأذي استاذ نييل

سارينة الشرطه ملت المكان والشيخ  ووالدة استاذ نييل عرفو اللي فيها

اكيد الشرطه جايه تاخد استاذ نبيل ولو اتحبس ممكن الجن يقتلوه جوا

الشيخ : استخبي يابني بسرعه ف اي اوضه وانا هقولهم انك مش هنا

-لا هما عارفين كل حاجه وجاييين مخصوص ولو قعدت هيخدوك انت وامي

-طب الحل ايه في الكارثه دي مينفعش ياخدوك

-نبيل : انا عارف هعمل ايه متقلقوش عليا.  انا بنسبه كبيره بدأت افهم 

-الام وهي بتبكي : تفهم ايه يابني

-افهم يا امي ان ضعف الراجل بيدمر حياته.   افهم ان الإنسان الضعيف اللي بيحني راسه عشان يعيش مييعرفش يعيش.   افهم ان الست اللي متحسش بقوة الراجل اللي معاها بتستبيح تعمل فيه اي شئ وافهم ان الناس بصفه عامه بالنسبالهم الضعيف معندوش احساس ولازم يكملو عليه 

-الام. بتحضن ابنها  وتبكي.  ماتقولش كده ياولدي

طيبتك بتدل علي اصلك وانت احسن منهم

-ده كان زمااان يا امي ايام الناس الطيبين  في الزمن ده لو شخصيتي ضعيفه يبقي اموت احسن.   ضعفي كان خيانتها ليا.  وبسبب خيانتها ليا ولادي ماااتووو

صوت سارينة الشرطه ييقرب

-هااتعمل ايه ياولدي

-بص نييل ناحية الشباك وهو بيقول لامه هستغل الجن قي اني اهرب وطلع يجررري ناحية الشباك وامه بتقوله ارجع يانبيل 

الشيخ بيقوله اررررجع ابن ابليس هيتمكن منك

نبيل بيبصلهم وهو واقف علي الشباااك ويقووول.  منا عااارف وهو كمان اللي هيوصلني لكل حاجه

وينط من الشباك ويفتح دراعاته وكأنه منتظر  يدخل ابن ابليس جسمه

ملامحه  بتتغير وبيرفع رااسه لفوق ويبصلهم بنظره مرعبه جوا البيت ويضحك.

وفي زرع ورا البيت  بيجري علي ايديه ورجليه وكأنه ذئب

بيجري بسررررعه رهيبه 

عربياااات الشرطه وقفت كلها قدام باب البيت وبدون اذن كسرو باب البيت واتملا البيت عساااكر باسلحتهم ومعاهم اوامر لو نييل قاومهم يقتلوه ف الحال

اتفتح الغرفه اللي فيها الشيخ  ووالدة نبيل ودخل الظابط علي ملامحه الغضب  

-نبييل فييين

-الشيخ  :.نبييل مين

-الظابط ".فتش يابني البيت حته حته ويبص للشيخ وهو بيتوعده لو عرف ان نبيل عنده هيحبسه 

بعد دقائق من التفتيش 

اتجمع العساكر حوالين الظابط

-مفيش حد ياياشا 

-يعني الراجل اللي في القسم بيكذب؟ ده انا هنفخ امه 

في منزل قريب من قسم الشرطة استاذ نبيل واقف جواا والاذاااان بيأذن 

وقت ظهور صوت المؤذن نبيل يقوووول : قولي مين وراك

وقت سكوت المؤذن يطلع صوت مختلف من نبيل. مش هقولك هاهاها

وقت ظهور صوت المؤذن قوووولي مين والا هادخل ييك الجامع  خليك في صفي بدل مانأذي بعض

-وقت سكوت المؤذن : لاااا اووووعي تدخل ارجوووك انا مجير عليك ومقدرش اقول اسمه

وقت الظهور صوت المؤذن : اوصفهوووولي لو معرفتش مين قبل ماينتهي الاذان هدخل المسجد 

-لااااااااا روحله هو ف قسم الشرطة  راجل  عجوز ولابس جلابيه قديمه  لونها ازرق  واسعه اووووعي تدخل المسجد  انا مجبر عليك بالسحر 

نبيل خرج من جيبه تليفون وطلغ سماعات شغل قرآن وقبل نهاية الاذان حط السماعات في ودانه 

اصوات كتييره حواليه جن متسلط بالسحر ف كل مكان حواليه ومانعم صوت القرآن في ودانه من دخول جسمه واستاذ نبيل بيتسحب ناحية باب القسم مستني يشوف الغريب اللي هيخرج  وبالقرب من باب قسم الشرطه اختفي نبيل في وسط الزراعات  واصوات كتيييره حواااليه. بتهمس.    مش هنسيييبك 

نبيل بيقووول مش خااايف من حد وحق ولادي هاخده من اي حد انس ولا جن

خرج راجل عجوز من قسم الشرطه بنفس المواصفاات واضح انه خد علقه تمااام علي وشه كدمات وماشي بيعرج وخارج بيجررري بعيد عن القسم 

استاذ نيييل مشي وراااه لحد اما وصل باب بيته

الراجل بيبص حواليه واستاذ نبيل بيطلع من جيبه خنجر  ويبصله وهو مستخبي

دخل الراجل البيت واستاد نبيل جري ناحية باب البيت وخبط

الساااحر: مين  اللي بيخبط

نبيل : افتح انا عاوزك ف حاجه ياحج

خبي استاذ نييل الخنجر ورا ضهره واتحرك الساحر  ناحية الباب يفتح يشوف ميين واصوات الجن ف كل مكان بيهمسو لنبيل متدخلللش. مش هنسييبك 

فتح الساحر الباب و.... 

فتح الدجال الباب وف نفس اللحظة انقض عليه الاستاذ نبيل ووقعه في الارض والخنجر علي رقبته وبيقوله

-انت مين ومسلط عليا ابن ابليس لييه

-الدجال: انت اللي مين 

-انا نبيل اللي بسبب افعالك لبست قضايا قتل ومستقبلي ضاااع

-نبييل؟ انت. انت ازاي قدرت تيجي وازاي اللي اتعمل مأثرش فيك

-مش مهم انطق عشان قسما بربي كلمه واحده وهفصل راسك عن جسمك 

-اهدي اهدي فيه راجل كبير اسمه مسعود هو اللي جه هنا وطلب اني اعمل كل ده

استاذ نبيل بدهشه شدييده نبيل مسعود مين وبغضب اشد ضرب الدجال بقوووه بلكمه مؤلمه 

انطق اسمه مسعود مين

-اهدي اهدي اسمه مسعود الأمير 

-سرح استاذ نبيل في عالم تاااني 

نبيل الامير ده المدير بتاعي اللي كان معذبني في الشغل وكنت متحمل بس ليه هيعمل كده

حاول الدجال يتحرك من تحته ولكن استاذ نييل شد قبضته علي رقبة الدجال 

-انت بتكذب عليا مستحيل ده بالذات يعمل كده انا عمري ماضريته

-مش بكذب انا بقولك هو اللي دافعلي فلوس عشان كل ده يحصل معاك

-قوووم حالا وفك عني السحر اللي عملته ولو حد عرف هخلي ايامك سودا نهايتك هتكون علي ايدي 

لو محدش عرف هديلك الفلوس اللي انت عاوزها

الدجال بصوت باكي: مش هقدر مش هقدر اصرف السحر لو صرفته هموووت

مسعود طلب مني اسلط عليك اشد انواع الجن ابن ابليس ولو صرفته عنك هيقتلني ارجوووووك ارجووووك شوف حل تاني

-يبقي كده كده هاتموووت لو مقتلكش ابن الجن هقتلك انا 

-الدجال : اهدي بس اهدي.  فيه حل وسط

هخليهم حواليك بس ميقربوش منك كتييير 

وكأن العجوز لمح السماعه اللي في ودن استاذ نبيل وفهم ليه ابن ابليس سايبه عشان القرآن اللي شغال 

شد بقوه السماعه من ودنه 

استاذ نييل وقف من فوق الدجال وبدأ يتنطط وعينيه تتحول وملامحه باين فيها الغضب وبيبص ناحية الدجال 

رفع الدجال ايده في وش استاذ نبيل اللي بيقرب منه

-ارجع يابن ابليس ارجع والا اخذت عقابك

استاذ نبيل بيقرب من الدجال 

طلع الدجال من جيبه ميداليه شكلها غريب ورفعها في وش أستاذ  نبيل

صرخ ووقع علي الارض وهو بيقوول بصوت بشع

-مازال الاتفاق قائما انزل ميداليتك الملعوونه

ضحك الدجال بضحكة انتصار وحط الميداليه في جيبه وقاام استاذ نبيل من مكانه بسرعه وجري ناحية الباب علي ايديه ورجليه وهو باصص لورا ناحية الدجال نظرة غضب

وهو بيجري اتسحب سلك السماعات واشتغل القرآن بصوت وااضح من سماعة هاتفه

الدجال ارتبك ومسك ماسورة حديده كانت جنبه وجري ناحية نبيل اللي وقف مكانه 

الدجال عرف ان ابن ابليس هرب من جسم نبيل وهيواجه نييل دلوقتي

وقبل ماينزل علي راس نبيل بالماسوره 

لف نبيل ورمي نفسه بعيد عن ضربة الدجال وقام من مكانه ومسك الدجال من الخلف وبطعنة خنجر في دراعه رمي الدجال الماسوره وحاول يكتم بركان دم انفجر من مكان ضربة الخنجر 

الطعنه في دراعك لو منفذتش اللي هقوله هتكون ف رقبتك  واي حركة كده ولا كده انا متهم في جريمتين قتل مفيش مانع لو بقو تلاته

-الدجال بيكتم الدم بايد وبيرجع لورا ويقوول

-اهدي اهدي هعمل اللي انت عاوزو بس أهدى 

جلس العجوز قدام نبيل وبدأ  ينفذ طقوس لمدة عشر دقايق ختمها بكلامه مع نبيل

-انا نفذت طلبك بس ابوس ايدك متقولش لمسعود حاجه ده راجل شراني 

-مش هقول لحد بس وديني لو مشيت من هنا وانت عملت اي حاجه مش هيكفيني غير رقبتك

-الدجال بصوت مرتعب بيبص لدراعه اللي بينزف : منا شفت منا شفت يا استاذ نبيل مش هعمل حاجه خلاص بس خلي بالك هيفضلو حواليك وممكن يحاولو يأذوك بس الفرق انك هاتكون واعي بكل حاجه حواليك

اتحرك  نبيل وهو سامع صوت همس من كل مكان حواليه

الليل هجم بظلامه المخيف والجو بااارد جداا مفيش حد ماشي في الشارع الا نبيل اللي راح لاقرب مسجد  صرااخ حواليه وحاجات بتحاول تمنعه يدخل 

بيحس بقبضات ماسكه رجليه لكنه بيقاوم ويكمل لحد اما دخل المسجد 

صلي وانهمر في وصلة بكاء طويله 

مستغرب ليه كل ده بيحصله بيقول لنفسه

-انا عمري مافكرت اضر حد ليه بيحصلي كده 

كل ده عشان كنت بخاف علي زعل الناس وعاوز اعيش؟

لا انا كنت ضعيف مكنتش بخاف علي زعل الناس كنت بخاف من الناس وكان عقابي اقسي عقاب ممكن انسان يتعرضله في يوم من الايام.  خيانه وموووت ولادي. واهل الحاره اللي عايش فيها  وبحبهم خانوني برضه واستحلو دم ولادي

وصلة بكاء طويله انتهت بنوم استاذ نبيل 

في منامه  شاف ملاكين جايين ناحيته ولاده الاتنين

-بابا وحشتني يابابا.  انا بحبك اوي

-وانت كمان ياحبيبي انا بحبكم وموتكم كسرني

-احنا مموتناش يابابا ما احنا قدامك هنا

بص يابايا الجنينه اللي هناك دي!  فيها لعب وفيها اكل جميل اوووي تعالي معانا يابابا  انا هوريلك ناس طيبه اوي وبيحبوني 

الاب : ببكاء شديد حاااضر ياحبييي انت واحشني متغيبش عني قرب عشان احضنك

قرب الابن من نبيل وهو بيقوله خلي بالك من نفسك يابابا و.... 

استيقظ نبيل علي صوت مؤذن المسجد 

-حد يعيط وهو نايم يابني؟ ارمي حمولك علي الله وقوم اتوضي عشان صلاة الفجر

رد استاذ نبيل : حاضر

اطياف ولاده الاتنين رغم انه صحي بس حواليه شايفهم مستنيين يمسكو ايده وهو رايح يتوضي 

في تمام الساعه التاسعه اتحرك نبيل لمكان شغله القديم بخطوات تقيله داخل نبيل علي المبني اللي فيه شغله

الكل بيبص باستغراب وكأنهم شافو عفريت 

دخل استاذ نبيل لمكتب المدير اللي مشغول بمكالمه واضح انها مهمه

-متخافيش ياحبيبتي كده كده راح ف داهيه انتي قلقانه ليه بس

-صوت ضحكة من المدير. ياستي انتي اللي قلبك خفيف اهدي بس زي ماقرفتهولك وهو معايا في الشغل هبعته للسجن انا مش قليل متخافيش

لف المدير بالكرسي ناحية  الباب وقفل السكه وهو بيقوول 

نييل؟ ايه جابك هنا

انتظرو الحلقه الاخيره بعد التعليق ب20 ملصق..

الحلقه الاخيره

مسعود : انت ايه جابك هنا يانبيل قالها بصوت عالي وفيه نبرة غضب

باين علي وشه الذعر ولكنه اتعود علي نبيل الغلبان اللي هيزعقله هيخاف كالعاده 

نبيل بكل هدوء مبتسم وبيقرب من استاذ مسعود بعد اما قفل الباب وراه ومسعود بينده علي الناس اللي برا 

نبيل: مكافكش انك بهدلتني وكمان ضيعت مستقبلي بالجن والسحر

مسعود : انت بتقول ايه شكلك مخك اتلحس امشي من هنا بدل ما امسح بكرامتك الارض ياغبي وانده الفراش يرميك برا زي الكلاب

نبيل: اهدي علي نفسك يامسعود الاول كنت خايف ترفدني وملاقيش اجيب اكل لعيالي

خلاص عيالي ماتو واللي بينى وبينك اتقطع وجه وقت الحساب كمان

مسعود بينده بصوت عااالي والموظفين دخلو لكن نبيل كانت ايده ف جيبه وطلع خنجره قبل ماحد يقرب 

الكل مستغرب نبيل الجبان جاله قلب ازاي يشيل خنجر 

قطع نبيل استغرابهم وقال : اللي هيقرب هجيبه نصين بسبب مسعود حياتي اتدمرت وجه وقت الحساب اللي عاوز يتحاسب معاه يقرب

الكل رجع لورا ومسعود في محاوله فاشله حاول يهرب ويجري ولكن قبضة نبيل كانت ماسكاه من هدومه ووقعه عالارض والخنجر فوق رقبته

نبيل : كنت بتكلم مين ياكلب 

مسعود : هاتندم عاللي بتعمله ابعد يانبيل انت اكيد فاهم غلط

نبيل : عليا جريمتين قتل وولادي ماتو هاكملهم تلات جرائم قتل لو منطقتش 

وغرس اول سن الخنجر في رقبة مسعووود وبدأت نقط دم تنزل بسبب خدش جلده 

لو مقولتش كنت بتكلم مين هاغرس الخنجر

مسعود بيتصبب عرق من كل ناحية هقول هقول. متكملش عيالي ملهمش ذنب لو انا وسخ بلاش تيتمهم

-ام مراتك من زمان موصياني عليك باني اقرفك في الشغل عشان تمشي هي بتقول مش مقتنعه بيك كزوج لبنتها

ولما بنتها ماتت شيفاك انت السبب

نبيل: وانت بتساعدها عشان عشيقتك ماهي وسخه زي بنتها او بنتها زيها 

مسعود: كانت نزوه حقك عليا.  بلاش تتهور وكل حاجه هتتصلح 

نبيل فجأه قام من فوق مسعود ومسك ودانه.  عينيه بدأت تتحول وبيبص للموظفين ويضحك ويبص لمسعود ويقرب منه ويقوله

-انت اللي خليت الدجال يجبرنا بالسحر ندخل جسم نبيل 

بيبص ويضحك ويقعد عالكرسي باسترخاء ويمد رجليه ويقوول

-النهارده النهايه  وبصوووت مخييييف يقووول وهو بيلف ناحية موظف بيتسحب من وراه ومعاه حبل عشان يربطه في الكرسي

-من انت حتي تظن انك ستقاوم ابن ابليس

بضربة بكلتا قبضتيه في صدر الموظف يطيره في الهوا وينقض عليه وبضربات متتاليه يفقده الوعي

مسعود وسط اللي بيحصل ووسط هروب الموظفين من المنظر المرعب يجري وفي ثواني يكون في عربيته واتحرك بسرعه 

ابن ابليس يطلع منه صوت زئير بغضب شديد وصرخه مرعبه

ويمشي علي الحيطه وينط من الشباك وف ثواني يكون في الشارع بيدور علي مسعود اللي بعد بعربيته عن ابن ابليس

ابن ابليس بيجررري علي ايديه بسرررعه رهيبه ناحية العربيه وكأنه عارف ريحة مسعود وشاممها

مسعود في عربيته طلع تليفونه واتصل بأم مرات استاذ نبيل

-الحقيني حصل كارثه. ياهدير

-خير في ايه وقعت قلبي

-مش هينفع في التليفون قابليني عند الدجال جارك حالا 

-فهمني فيه ايه الاول انت رعبتني

-مش وقته خااالص بس نبيل كان هيقتلني دلوقتي قابليني عند الدجال

-ابن ابليس ماشي بسرعه رهيييبه ورا العربيه والكل متجه ناحية بيت الدجال

في قسم الشرطه ست عنايات جارة استاذ نبيل قاعده في مكتب الظابط

-انا اترددت كتير يافندم عشان اجي اقول اللي حصل عشان خايفه من اهل الحته بس مبعرفش انام بسبب اني حاسه بالذنب وبحلم بكوابيس

-انتي متأكده من اللي انتي بتقوليه؟! متاكده ان اهل الحته هما اللي ولعو في شقة نبيل وهما اللي ورا الكوارث دي كلها 

-اه وهبعت لحضرتك فيديوهات الحادثة كلها انا جمعتها وصورت حاجات كتيره منها من بلكونتي من اول لحظة لحد اما كان الراجل بيترجاهم ينقذو عياله وهما سابوهم يموتو

-شاف الظابط الفيديوهات ونده علي العسكري 

-كل اللي في الفيديوهات دي اقبض عليهم كلهم وبص لعنايات

-وانتي ياست عنايات متخافيش وكمان مش هعرف حد انك جيتي اصلا ولا انك بلغتي عن الجريمة 

-عنايات : يعني كده نبيل هياخد براءة؟

-لا هياخد براءة من تهمة قتل عياله بس لسه عليه جريمتين قتل مع سبق الاصرار

-بس ده كان ملبوس هو ملوش ذنب حضرتك 

-انا شفت العجب بعيني بس القانون مبيعترفش بالجن ربنا معاه  

في منزل الدجال قاعد مسعود وهدير والدجال هدير بتكبي وتولول ياخرررراب بيتي يعني نبيل اللي مبيعرفش يدبح فرخه جايبلك خنجر؟؟ وكمان قولتله عليا؟؟ منك لله يامسعود

مسعود بغضب : انتي السبب ياجلابة المصايب ياريتني ماسمعت كلامك ولو نطقتي بحرف تاني انا اللي هقتلك بسببك كنت هموووت وعيالي هيتيتمو

انفتح الباب فجأه ودخل نبيل اللي بيضحك ويقوله :خايف عيالك يتيتمو؟؟ انا بقا عيالي ماتو

الدجال انتفض من مكانه وطلع من جيبه الميداليه ومدها في وش نبيل 

-ارجع يا ابن ابليس والا احرقتك

نبيل بيضحك ويطلع الخنجر انا نبيل مش ابن ابليس وانا اللي هحرقكم كلكم

صرخااات من هدير خلت الاهالي بلغو الشرطه 

اما استاذ نبيل فهجم علي مسعود وبدأت مشاجره عنيفه كان بطلها نبيل اللي نجح في انه يشوه وش مسعود بالخنجر وتكسير اسنانه بالكامل 

هديير واقفه بتصرخ خايفه من اللي هيحصلها

الدجال واقف في ركن بيقرأ تعاويذ يفك الحمايه اللي عملها مسعود علي نبيل من ابن ابليس 

ثواني وكان استاذ نبيل بيتحول لكائن تاني كائن باين علي وشه  الغضب وبيقرب من الدجال اللي رفع ميداليته 

-اقتل نبيل يابن ابليس 

نبيل بيتشنج بالكامل وبيتكلم بصوت مرعب

-ساقتله بعدها ساقتلك نحن لسنا بخدام السحره

رفع ايده لفوق واتكلم بصووت باين منه التكبر

-انا ابن ابليس نحن من حكمنا العالم من قبلكم وجدي من اخرجكم من جنات النعيم 

الدجال: انت خادمي الان اقتل نبيل والا احرقتك 

صرخه قويه من ابن ابليس ومسك الخنجر بايده وبدأ يقربه من رقبة نبيل 

الدجال بيقرب الميداليه : اقتله الان يابن ابليس

-ابن ابليس بيبص بغضب ويقرب الخنجر من رقبة نبيل وعيونه بقت زي الدم 

من ورا الدجال ام نبيل اللي دخلت من غير مايحسو كانت بتجري بسرعه رهيبه وكأن شبابها رجعلها ونطت فوق الدجال وقعته علي الارض والميداليه طارت بعيييد تحت رجل نبيل

الدجال بقبضة قويه ضرب الست في فكها ووقف مكانه وخرج من جسم نبيل دخان اسود انطلق ناحية الدجال 

بدأ الدجال يطلق صرخات قويه

وشه بيتحول للون الاسود وينكمش جلده وكأن سوائل جسمه بتنقص او بيحترق من الداخل صرخات قويه دليل علي عذاب شديد بيتعرضله الدجال وبعدها وقع من طوله جثة هامده علي وشه علامات سوء الخاتمه

اما نبيل قام من عالارض ومسك خنجره واتجه ناحية هدير

-انتي اللي دمرتي حياتي. سلطتي عليا كلب زي مسعود كرهني في الدنيا مع اني كنت صاين بنتك وبعدها لما بنتك مشيت غلط وخدت جزائها سلطتي عليا اسوأ انواع السحر

-اص.  اصل طيب سامحني وانا هعيش خدامتك

اقولك؟؟ هعمل كل اللي تطلبه سيبني اعيش وهعيش خدامتك وتحت رجليك

-نبيل شايف وراها واقف طيف ولاده الاتنين بيبتسمو

سامع صوتهم بيقولو له : يالا عشان تيجي معانا يابابا 

بيبتسم استاذ نبيل ويقرب من هدير وبضربة خنجر قويه في قلبها وقعت علي ركبها وابن ابليس جنبها مستني تنازع الموت 

روح بنتها لابسه اسود وواضح علي ملامحها اسوأ انواع العذاب واقفه جنبها 

هدير شايفه كل ده وبتصرخ وبتمد ايدها لبنتها 

-مش عايزه امووووت ودوني مستشفي هاتوب وابقي كويسه الاول 

ابن إبليس بيضحك وكأنه بيقولها فات الاوان وبنتها بتبص وتبكي.  خرجت روح هدير وشئ شكله مخيف مسك روحها وروح بنتها وهما بيصرخو وطار بيهم 

استاذ نييل واقف بيبص لاولاده ويضحك : انا انتقمت من اللي كانو السبب في اللي حصلكم انا خلاص عوضتكم سنين ضعفي

-يالا يابابا قربت تجيلنا  هناك كل حاجه حلوه

من ورا نبيل مسعووود وماسك في ايده سكينه غرسها في ضهر نبيل ناحية القلب وبدأ يغرسها بغل اكبر

مسعود: هقتلك قبل ماتقتلني وتيتم عيالي

اهات مكتومه من الم السكينه طالع من استاذ نبيل

خلاص دفعت ضريبة ضعفي. كان لازم مرضاش حد يظلمني

كان لازم اقول للغلط لا  العدل هو اللي حصل.  لو كنت قوي شويه كان ممكن حماتي ومراتي يخافو من زعلي لكن بضعفي خسرت كل شئ. هي دي النهايه العادله

وقع نبيل عالارض ببينزف وامه ماسكه ايده وبتبكي

مسعود بيبص مش مصدق هو عمل ايه كده مستقبله ضاع

الباب اتفتح ودخلت الشرطه اللي قبضت علي مسعود بتهمة القتل العمد  واتصلو بسيارة اسعاف

ام نبيل: فتح عينك ياولدي خليني املي عيني من ملامحك.  هاتوحشني يانبيل كنت شايله همك طول عمري عشان غلبان  مكنتش اعرف ياولدي ان الدنيا هاتيجي عليك قوي كده

-نبيل:  ماتحزنيش عليا يا امي.  

ام نبيل  : مش زعلانه ياولدي انت مش هتعرف تعيش وسط الديابه ورايح لمكان احسن. بس الفراق صعب يانبيل

اهات مكتومه من نبيل ودم طالع من بوئه وامه حضناه وبتبكي وتصررررخ

طيف بيطلع من جثة استاذ نبيل يبص علي جسمه المرمي علي الارض وامه اللي بتصرخ وقلبها مكسور

ولاده مسكو ايده : اتاخرت كده ليه يابابا.    احنا هنا هانعيش احسن. الجنينه حلوه اوووي يابابا

نبيل بيبص لامه ويقرب منها وينزل علي ركبه ويلمسها

-عشان خاطري متبكيش يا امي  اخدت نصيبي من الدنيا. كفاااايه يا امي

-ولاده بيشدوه من ايده يالا يابابا. جدتي هاتيجي معانا برضه بس مش دلوقتي ويشدوه من اايده 

اخر حاجه شافها نبيل كانت مسعود وهو بيصرخ علي مستقبله اللي ضاع وكأن اللي رتبه لنبيل داق منه 

وامه وهي بتصرخ وناس بتشدها عشان ياخدو الجثه يحطوها في عربية الاسعاف

شال نبيل ولاده الاتنين وهو بيقولهم 

-اكتر حاجه فهمتها من الدنيا اللي انتو معشتوهاش بسببي ان اللي يتنازل عشان يعيش اكتر واحد مش هيعرف يعيش

-سيبك يابابا من الحاره والمكان اللي كنا فيه هنا متعه اووووي مش عاوزين نرجع تاني هناك.   ياريت ماما كانت معانا

انتهت ...انتظرو القصه الجديده