رواية عشق الادهم الفصل الحادي عشر 11 بقلم ميفو السلطان( جديده وحصريه وكامله في مدونة قصر الروايات)

رواية عشق الادهم الفصل الحادي عشر 11 بقلم ميفو السلطان( جديده وحصريه وكامله في مدونة قصر الروايات)

رواية عشق الادهم الفصل الحادي عشر 11بقلم ميفو السلطان( جديده وحصريه وكامله في مدونة قصر الروايات)

#عشق_الأدهم

#حكايات_mevo

البارت الحادي عشر..قلم ميفو السلطان...

ما ان استدار ادهم ووصل الي اجلال حتي تمسكت به وصرخت  وقالت.... انت لازم تسمعني دلوقتى حالا..

فهتف.... فيه ايه.وايه الهوليله اللي انت عملاها دي احنا في شركه محترمه...

هتفت .... طب يابو شركه محترمه عايزه اتكلم معاك بدل ماتندم العمر كله.

نظر اليها ويقيم الموقف فالشركه تجمعت من صراخها وظل الجميع يتفرجون فاشار لها... ورايا.... فكانت تجري ورائه متلهفه ان تخبره هم ابنتها الذي حملته لسنين...

ما ان دخل للمكتب فاستدار وقال لها.. اشجيني والا بنتك بعتاكي ليا مش خلاص قصه وخلصت وخدت قرشين وخلصنا من القرف ده..

صرخت وهيا تقول.... لا ماخلصتش ماخلصتش.. بنتي بتموت ماخلصتش.... بس بتخلص لما انت خلصت عليها كان لسالها شهر اشبع منها انما خلاص ماعدش... بنتي بتموت وانت السبب وانا السبب بنتي مع ربنا وماعملتش حاجه ماعملتش الا كل الخير كله احست بالجنون.. اقتربت منه ومسكته من بدلته كان هو قد اصابه الشلل.. عشق بتموت.. لتصرخ فيه ....انت لازم تنقذها انت معاك فلوس لازم تنقذها.. ..

ليفيق ويبعد يدها بقي ويهتف صارخا..... دي بقه تمثيليه جديده كل همكو الفلوس هيا بعتاكي تعملي الحبتين دول ايه عجبكو الدور بس انا خلاص قفلت الباب ده ومفيش مليم هتطلوه مني انا خدت اللي عايزه منها وخلصنا .

لتجلس اجلال فقد فاق الامها الوصف....... لتقول بقهر... اقعد يا ادهم اقعد يابني. فلوس ايه يا ريتها نفعت والا كانت هتنفع اقعد واسمع مراتك اللي طلقتها بعد ماخدت منها اللي انت عايزه ودبحتها عملت عشانك ايه.. اقعد واسمع الواطيه اللي انت بتتكلم عليها عملت عشانك ايه...... لتبدا بسرد عليه اتفاقها مع كامل عليه وحبسه وكيف هددها لتتركه.... نظر اليها مصدوما جلس مصعوقا كيف كانت صغيرته قويه لتتحمل ذلك الحقير. واجبرها لكي لا تزوره واجبرها لتاتي اليه البيت وتهينه. لتكمل بانها وقفت لكامل لكي لا تكون له وكيف تبجحت بانها طلبت منك ان تنام معها وانك اخذت حقك منها وانها حملت ايضا منك  ليرميها كامل ويضربها وينعتها بابشع الالفاظ  ويرحل.. 

توقف قلب ادهم عن اخره ونظر اليها لتكمل وتفجعه اكثر مما هو مفجوعا وتقول انها حملت منه لتقوم هيا بضربها كانت قد بدات تنتحب مما فعلته فهتفت والحسره تمزقها ......ميفو ميفو.. ضربتها يا قلب امها بعد ماكانت ماسكه في العيل بايديها وسننانها كانه روحها... فكانت تريده وكانت تدافع عنه لانه حته من حبيبها كانت بتقلي سيبهولي عشان اعرف اعيش ادهَم مشي وانا مت سيبهولي ووطت علي رجلي باستها وانا جاحده وقادره ضربتها وكنت هموتها لتجهز عليها َلتسقط الطفل ودخلت في انهيار وخرجت من المستشفي واحده ميته.. لتعيش ميته لمده سبع سنوات لا تتكلم معها ولا تكلم احدا.. سبع سنين مابتبصش في وشي ولما سيبتها ومشيت ماتت مات كل حاجه حواليها.. حبيبها سابها وابنها مات وامها دبحتها.. ماتت عايشه  بتتنفس بس.. عمري ماشفتها بتبتسم حتي.. قهر في قهر كانت تعمل وبس كانت تموت بالبطئ.جثه هامده لا بتحس ولا عايشه في الدنيا صنم ماشي.. .

كان هو ينظر اليها ودموعه تتساقط غير مصدق ما فعلوه بها ليقوم ويمسكها من هدومها ليصرخ بها بحقد وغل... بقي تعملو فينا كده يا ولاد الكلاب.. بقي  يا كافره بنتك تعملي فيها كده انتو ايه وحوش معدومين الرحمه تسيبي بنتك للكلاب تعمل فيها كده وتحارب لوحدها تقف قصادكو كلكو.. عيله تمنتاشر سنه تعملي فيها كده يا كافره ايه الفجر ده.. حد يتحمل كده يا مجرمه حد يعمل في حد كده طب انا راجل و َعيشت واستحملت.. هيا عاشت قدامك ميته ماصعبتش عليكي.. طب لما ضربتيها و َهيا بتستنجد ماصعبتش عليكي.. بلاش انا ماصعبتش عليكي رميتي في السجن... انت ازاي وسخه كده كل ده كل ده يتعمل فيها كل ده وهيا صامده وصابره.. انتو اوسخ من الوساخه نفسها.. عيله تمنتاشر سنه تترمي وتتأذي وتتدبح كده وتشيل عيل غصب وتسقطه غصب.. انتو ايه يا كفره يا معدومي القلب . انتو مالكوش مله وانا اقول هيا مالها.. طب ماقلتليش ليه ايه سابتني ادبحها كده ليه......ميفو ميفو ..

فصرخت ولطمت علي وجهها.. اسكت بقه اسكت.. لسه ماخلصتش لسه.الهم والحزن لسه..الزمن خلص عليها خالص . 

ابتعد يشعر ان القادم مميت ومرعب لتخبره انها قبل ان تذهب معه باسابيع عرفت انها عندها ورم وستموت اذا لم تجري العمليه فالورم يضغط علي عصب العين وتبتدي الاعراض بالصداع وشوشره علي العين لتنتهي في اخر الشهرين بدوخه وغيبوبه لتصرخ فيه.... انت اللي عملته فيها ما كملتش الشهرين... الشهر اللي كان فضلي راح.. بنتي جتلها الدوران وفي دنيا تانيه بنتي خلاص هتموت.بنتي رجعتلي دايخه ومتلقحه زي الجثه جيت خدتها وطلقتها وقالتلي قتلني وطلقني.. بنتي اندبحت من الكل كان نفسها تموت وهيا علي ذمتك بس ازاي الدنيا خلصت عليها لما طلقتها ورميتها.. . كانت تنهج وتنتحب....

وكان هناك اخر قد توقف قلبه ونشفت عروقه.. كان مذهولا لا يتكلم عشق.. عشق بتموت.. عشقي انا.. حبيبتي بتموت.. وانا اللي عجلت بموتها لينزل بركبه عالارض وقلبه سيقف وذهب الي عالم اخر ودموعه تنهمر كان قد شل تماما والفاجعه حطت عليه ليضع راسه بين يديه وينتحب ارضا.. 

لتصرخ فيه.... انت هتتخرسلي وتعيطلي البت بتروح في البيت البت بتموت وانت عاملي كده كانت تخبط علي ضهره كان في حال مشلولا انفاسه تتقطع لتظل تضربه ليهب بسرعه ويفوق  وياخذها ويجري وتجري هيا ورائه... كان يحاول ان يستعيد نفسه ويحاول ان يقف قويا فحبيبته تحتاجه لكي يكون قويا... كان في طريقه ليكلم احد اصدقائه الأطباء ليخبره انه في خلال اليوم تكون قد حجز له في اشهر واكبر مستشفي في المانيا رائده في مجال المخ والاعصاب ويتم ذلك مع الاتفاقات كامله كان يصارع الزمن والاتصالات لا تتوقف لينهي كل شئ... كان قلبه ياكله واجري اتصالات اخري لحجز طياره خاصه ويجهز اوراقها... كان باتصالاته ينهي كل شئ ليصل اخيرا ليترجل جريا وهيا ورائه ليصعد حتي فتحت له .دخل جريا  كالصاعقه وجد التي عشقها َممدده مسكينه لا حول لها ولا قوه.. اقترب بهدوء ونظر لاجلال هيا ساكته كدا ليه. هيا مالها عامله كده .

فهتفت... هيا نايمه بس مش هتحس بيك لما تصحي..

اقترب منها بخوف ورعب ليضع يده عليها ليتلمسها بحذر وقلبه هيقف لينادي عليها فلم ترد... ظل يناديها ويحركها الا انها لم تستجيب .شعر بالذعر حملها علي الفور واتجه بها الي احد المستشفيات الكبري وفي خلال ذلك كان يحملها علي قدميه ويصرخ في السائق ان يسرع و َهو يمسد علي جسدها.وينتحب ويقول.. . عشق حبيبتي فوقي يا قلبي فوقي يا عمري.. عشق بالله عليكي ماتسيبنيش..حبيبتي انا حبيبك ادهم اللي هيموت لو سيبتيه.. عشق انا اهوه يا عمري والله َماكت اعرف.. كان ينقطع لساني يا عمري قومي يا عشق انا رديتك بقيتي مراتي وهتعيشي وتبقي علي اسمي العمر كله.. عشق يا قلبي فوقي عشان بس اقلك اني بعشقك ولا عمري نسيتك ولا بطلت ثانيه احبك كان ينتحب بشده وقلبه سيتوقف.. قلبي.. عمري قومي خدي حقك مننا كلنا قومي ماتسيبنيش كده وتفجعيلي قلبي مش قادر اتنفس عشق كان يهزها ويبكي لتفتح عينيها بهدوء وهيا تشعر انها في عالم اخر لم تكن تحس باي شئ سكون تام.... ولكنه كان يناديها لتفيق قليلا لتري وجه حبيبها كانت تحس انها تحلم لتلهبه ابتسامه رائعه  وما ان فعلت ذلك حتي انفجر بالبكاء.... حبيبتي انت سمعاني... كانت لا تسمعه ولكنها تري وجهه وتحس بانها في غيبوبه وتسمع صوته من بعيد... كان يقبلها ويشهق من الوجع الذي يقطع شراينه.... قولي انك سمعاني ردي عليا يا قلب ادهم من جوا.... ماتوجعنيش اكتر مانا موجوع.عشق انت معايا حبيبتي.. انت سمعاني انا بحبك يا عمري.. كان يهزها وهيا ابتسامتها الحالمه لا تاتي برد فعل.. لتهدا مره اخري وتغمض عينيها ليصاب بالذعر.. ليصرخ برعب... لا فتحي عنيكي ابوس ايدك كان يصرخ الا انها لا تستجيب عشق يا قلبي فتحي انا ادهم حبيبك ماتسبينيش قلبي هيقف يا ناس عشق يا عمري فتحي عينك ابوس ايدك.. اااااه.. ليصرخ في السائق ليصل اخيرا الي وجهته.. كان قد استعد له بعض الاطباء وانتظروه لينزل مسرعا واتجه اليهم لياخذوها ويعطيهم اشعاتها وتحاليلها ليقف وقلبه سيتوقف منتظرا خروجهم كانت تفوق وتغيب ولا تحس بشئ.

ليخرج احد الاطباء.... الموضوع صعب يا ادهم بيه الورم متضخم وكان لازم يتشال عموما احنا هنحاول نجهزها عشان السفر اللي حضرتك طلبته... كان الوقت يمر بطيئا مميتا عليه كان كل تفكيره فيها ويكتم في نفسه رده فعله علي كلام اجلال فلا وقت لديه للنحيب والانهيار... لتبدا رحله سفرها وياخذها ويرحل بها لتجري تلك العمليه في اكبر المراكز علما.. تجهزت هيا للعمليه ودخلت وبدات أجرائها للعمليه وكانت ستستمر لساعات طويله وكان هو يقف بالخارج علي شفا الهاويه ودموعه تنهمر... لم يعد قادرا علي التنفس ليخرج الي احد الاماكن المفتوحه ليجلس علي احد المقاعد ودموعه تنهمر بشده ليتذكر كيف كانت تلك الصغيره تشع حيويه َو نقاء وكيف تكالب عليها كلاب البشر لينهشو فيها لتقف بمفردها امامهم تدافع عنه.. كانت تدافع عنه بضراوه امامهم ليستدير ويقتلها هو الاخر. تذكر كيف وقفت تشوه سمعتها امامه من اجله.. تذكر كيف نهشها بوحشيه وكيف ضربها واعتدي عليها وافقدها عذريتها بابشع طريقه..ولم يكتفي بل  كيف تركها ورحل.. لتعيش مزلوله.. كيف تركها لهم ليقتلوها حيه  ليبكي ويقول..... ماكتش اعرف يا عمري والله ماكنت اعرف.... يا ريتني مت قبل ماعمل فيكي كده... ليتذكر كيف رمي الشريط امامها حتي لا تحمل لتقول له مش هيحصل تاني.. ماهو كان فيه اولاني كانت حامل واتمسكت بيه من حبها ليك.وانت جيت َدوست ومزعت... حملت منك بعد ما رميتها وسيبتها لوحدها في الدنيا ووقفتلهم لوحدها وقفت مسكت في ابنك من حبها فيك.. عيله عندها تمنتاشر سنه يتعمل فيها كده ليه لا وتقف قدام النجس ده عشان ماتبقاش لغيرك وتقول انها اللي طلبت تنام معاك وانت اللي ممزعها وواخد شرفها وبعد ماحملت تقول هتعيش عشانه َتيجي امها الواطيه تموتها.. طب ليه ليه عملت ايه لده كله... كان يهذي بقهر... عيله تنقهر وتغتصب وتترمي رميه الكلاب وتحمل ويسقطوها والنجس يسيبها ويرميها وتعيش ميته لا وماتقليش انها عيانه وعايزه عمليه وانا معايا فلوس متلتله عشان ارميها وانساها.. انت ازاي كده ازاي اتعمل فيكي كده اروح بوجعي ده فين كان يشهق بالبكاء... والاخر اجي انا وادبحها كده انا اللي سرعت موتها.شهر ذليت فيها وارميلها قرشين وهيا ساكتها اهينها وهيا ساكته.. ايه جبل حد يتحمل كده يا ناس.. كل ده حب يا قلبي.. كل ده عشاني.. وانا ماعرفش ليخبط علي قلبه ماعرفش ماعرفش.. لا وتقلي بعشقك يا عشق عشق من قلبها وتديني من قلبها ماهو اخر ايامها.. شبعتك وادتك دنيتها وانت خدت روحها ورميتها انت زباله زيهم.. بس ماكنتش اعرف.. بس كنت حاسس بيها حاجه.. هتجنن يا عالم عقلي هينفجر ماكنتش اعرف  ... دانا اموت دانا حاسس ان قلبي هينشق نصين.. انا حاسس اني هتجنن حاله من الهستيريه تلبسته ليبكي بشده..... ويوم ماعرف كل الوساخه دي اعرف انها بتروح مني.. يا رب خليهالي يا رب هيا ماعملتش حاجه وحشه لحد.... دا اتعمل فيها كل حاجه يا رب انا ماستاهلش كده ولا هيا تستاهل ردهالي يا رب.. يا وجعك يا ادهم حد يستحمل كده يا ناس سبع سنين دبح وانت كنت مستغرب انها مابتتأثرش ومابتغضبش.. هو عاد فاضل جواها ايه ماتغرزش فيه سكاكين دي كانت متشرحه.. كانت عايزه تفتكرك بالحب يا ادهم لاخر ايامها فوافقت تبقي معاك... تقوم انت بكل بساطه تكمل عليها كأن يلا هو اشمعني انت ماتكملش وتدوس وتقتل.. لو جرالها حاجه هتبقي معاهم السبب.. انت السبب موتتها لبعدك عنها.. ليجهش بالبكاء ويقول بغلب بس انا ماكنتش اعرف ماكنتش اعرف لو عرفت كنت رجعتها وحطيتها في نن عيني... اه يا عشق اه يا قلبي سنين عيشتيها لوحدك ازاي سيبتك عيله صغيره انطعنتي في كل حته.. عدت عليكي السنين ازاي..تذكر حنانها وحبها طول الشهر تذكر حين رددت كلماتها انها تحبه كيف كانت صادقه.. تذكر تلمسها لقلبها وسلسلتها التي كانت ستدفن معها.تذكر ليالي العشق اللي نورت دنياه.. تذكر وقت ان تاتي لها النوبات وتتحمل من اجله.. ايه كل ده وجع كل ده عشان ماحسش وانت بتتقطعي.. ليه عملتي في نفسك كده.. كل ده عشاني يا عمري.. انا قلبي هيقف يا ناس حبيبي اتعذب واتمزع وخبي عشان انا اعيش واكبر.. اه يا قلبي اه يا قلبك يا ادهم اللي بيتمزع عليها. لا وتقلك شهر رغبه بس يا ادهم كان نفسها في كلمه تنزل علي قلبها ماهي يا عمري  ماشفتش حنيه من حد .. عشان تهينها وتحسيها انها جربوعه لا وتقلها عايز جسمك بس.. ايه القرف ده وتطلقها تقوم تموت نفسها عشان خلاص روحها اتاخدت منها.. عملتلي كل حاجه يا قلبي وانا قتلت فيها كل حاجه.لا واقلها روحي اخدمي الهوانم قطع لسانك يا زباله . هيا كبرتك وعلتك وحمتك وانت ذليتها واغتصبتها ورميتها وطلقتها ماسيبتش حاجه يا ادهم الا وشرحتها.. ادتك حب وليالي عشق ادتك اخر ايامها اه يا قلبي ادتيني اخر ايامك وشبعتيني منك وطلعتي كل حبك عشان ماشيه وسيباني.. ماحبتيش تمنعي حاجه عني مانت خلاص هتروحي فخد يا ادهم اخر ما في عشق.. خد كل حاجه خد اللي فاضل فيها عشان تموت مرتاحه ولا تفكريش في روحك.. تقوم تقلها انت تحت اوي وانا عليت وانت يا زباله هيا اللي علتك وعملتك.. وتبصلك وماتنطقش هتقول ايه واحده مغروز فيه سكاكين الدنيا وجيت انت رشقت ونشنت.. وهيا ساكته يا قلبي هتقول ايه.كنت قولي كنت صرخي باللي جواكي انا هموت يا رب . كانت دخلت في الشبوره بسببك يا كافر.. موتها ببعدك وهيا ماستحملتش ظل يخبط علي راسه. بس ماكنتش اعرف ماكنتش اعرف كان يدور حول نفسه كالمجنون.. يا رب اعمل ايه قلبي هيقف.. كتير كتير والله ماحدش يتعمل فيه كده وماحدش يعمل كده عشان حد عملتيلي كده ليه كنت سيبيني اولع.. كل ده حب.. كنت بتحبيبني ازاي كده واتحملتي عشاني دا كله اه يا عمري اه يا قلب ادهم  ليجهش بالبكاء ويخرج من جيبه منديلا حريريا لتظهر فيه خصله شعرها يقبلها ويبكي ادي اللي كانت مصبراني علي بعدك يا قلبي كنت بفتح المنديل واقعد بالساعات اكلمها واحس انك معايا.. حته منك دايما حاططها علي قلبي ولا يوم فارقتني .ويوم ماسيبتك قلبي انخلع وعشت ميت بس اقول ايه حسبي الله فيهم.. كان يبكي وينتحب ليحاول ان يتماسك ويعود ويجلس منتظرا امام غرفه العمليات... لتمر الدقائق تمزقه اربا ويصل الي درجه الانهيار ويحاول ان يتحكم في نفسه ساعات وساعات .

انفتح الباب اخيرا وخرج الطبيب يتحدث له بالانجليزيه يخبره انهم ازالو الورم وانه ينتظر ان تفوق اولا ليري المضاعفات فربما لا تري  وهذا راجع الي اليومين القادمين اذا مرو  بسلام ستمر هيا معه بسلام... ويخبره انها الان في العنايه وستبقي الي ان تفيق وسينزلوها بالاسفل اذا احتملت حالتها فالعمليه ليست سهله وينتظرون النتائج.. حمد ربه انها مازالت تتنفس.. واحس بان روحه ردت اليه  واحس انه اصبح يتنفس مره اخري.. 

ذهب يقف امام احد الحوائط الزجاجيه وكانت هيا موضوعه وضع يده علي قلبه.. وجعتك انا عارف حقك عليا يا عمري حقك عليا يا قلبي.. هفضل طول عمري ندمان علي اللي عملته فيكي رغم اني ماكنتش اعرف.. ازاي قدرو يعملو فيكي كده ازاي يا عمري كنت صغيره قوي بس قويه اوي وقفتي ازاي قصادهم.. كل ده حب.. اه يا قلبك يا ادهم يوم ماتعرف ان حبيبتك كانت بتحارب عشانك الكل تلاقيها بتروح منك.. يمين بالله لكون واخدلك حقك تالت ومتلت منهم وهكشف وساختهم... ليتصل باحد اصدقائه كان ضابطا ليجعله يعرف له كل وساخات ذلك الحقير فتحي ومعه كمال ليتربص بهما فمن علي اشكالهم تتنجس ايديهم في عمليات كثيره مشبوهه...مر اليومين بصعوبه علي ادهم لتفيق عشق ويخبره الطبيب  ان الخطر زال ولكن هناك مازال شوشره علي العين تاتي وتروح وسينتظرا ليعرفا مدي الضرر الذي اصاب العصب ام ان هذه حاله موقته... مر اسبوعا اخر لتنزل عشق الي احد الحجرات وتترك العنايه وبدات تفيق تماما ولكن اتضاح الرويه يذهب وياتي.. ليدخل عليها ادهم لتنظر اليه ليقترب منها مسرعا لياخذ يدها ويقبلها بشده... حمدالله عالسلامه يا عمري وحشتيني..

قطبت جبينها.. هو فيه ايه وانا فين..

قص عليها انها عملت العمليه لان والدتها قد جائت اليه لتهتف بهمس... شكرا ليك كلفتك فلوس كتير..

اخذها برويه في احضانه لتحاول ان تبعده همس.. هشششششش اهدي انت تعبانه ماتعمليش مجهود..

لتقول.... هو انا عنيا مزغلله ليه هو انا ماعتش هشوف..

قبل يدها ويقول.... لا يا عمري دا بس مرحله وقت وهتبقي زي الفل نظرت اليه فقد اتضحت الرؤيه لتجده شاحبا يبدو عليه الارهاق.ولكنه يبدو انسانا اخر غير الذي تركها.. ملامح ادهم القديم تبدو علي وجهه.

ابتسم لها ويقول..... وحشتيني قوي انت مش عارفه اد ايه.. 

نظرت اليه ببلاهه.. انت بتقلي انا كده..

اسرع يقول بحب شديد.. وهفضل اقولها طول عمري...

ابتعدت.... من فضلك يا ادهم بطل لو سمحت انا تعبانه ومافياش حيل لكلامك ده كفايه مش قصتنا خلصت زي ماقلت.

قبل يدها يقول ....والله بحبك والله قلبي هيموت وينشق..

رفعت حاجبيها.. ايه ده مش انا اللي ماكنتش انفعك من شويه انت شارب حاجه..

هتف. عشق انا عرفت كل حاجه نظرت اليه برهبه.. ليتمتم.. عرفت كل اللي اتعمل فيكي يا عمري وعملتيه عشاني.. عرفت اد ايه انت كبيره قوي اد ايه ان مالكيش زي.. اد ايه حبيتي وعانيتي واد ايه اتوجعتي.. عرفت وانغرز وجعك جوايا ومش عارف اوديه فين.. ..

لتتجمع الدموع في عينها من كثره وجعها....... والمطلوب بعد ماعرفت.. مش خلاص راح كل واحد لحاله..

هتف.. عشق انا رديتك انت مراتي دلوقتي..

صرخت هيا.. لا والله يعني ترميني براحتك وتوجعني زيهم بعد ماديتك قلبي وترجع توجعني اصل خلاص بقيت ماطعنتش وماخنتش ادهم بيه في ضهره.. بس انا لسه عشق اللي هتنزلك تحت يا ادهم بيه عشق الخدامه اللي خليتها تخدم لهوانمك.. عشق اللي تحت اوي ..

قاطعها واقترب منها ....كان اتقطع لساني ساعتها يا عمري.. دانت ست الناس والله.. عشق.. انا بحبك وبموت فيكي وهعيش عمري تحت رجليكي ارد جزء من جمايلك عليا.. 

قالت.. اه قول كده بقه.. صعبانه عليك وبتردلي الجميل.. طب يا سيدي شكرا لحد كده انا خدت جميلي وعملت العمليه والشيك اللي خدته منك تمن نومي  معاك قطعته يبقي انت كده خدت فلوسك وزياده ومش عايزين رد جمايل وسيبني في حالي..

نظر اليها موجوعا من كلامها.. طب يا عشق بتحاسبيني علي ايه اني ما كنتش اعرف..

صرخت... انا مش بحاسبك ولا عايزه احاسبك انا موجوعه وعايزاك تسيبني في حالي.. موجوعه من الكل وانت معاهم.. اجهشت بالبكاء وتنتحب لتقول حرام بقه كفايه..

اقترب منها ياخذها في احضانه يهدهدها حتي هدات ونامت.. ظل ملاصقا لها يعاونها كظلها  وكان هو يحاول ان يكلمها ويجعلها تتكلم وهيا صامته موجوعه من كلماته الاخيره معها.. كان لا يحاول ان يعكر مزاجها فكان يغدقها بالحب وهيا كما هيا لا تستجيب له ليمر شهر وقد عادت اليها عافيتها ليستعدا للرجوع مره اخري ظن هو انه سيكمل حياته بسعاده الا ان لها قرار اخر...

فبعد ان وصلا قالت له.... وديني علي بيتي ومن فضلك كتر خيرك لحد كده.

هتف ... هو ايه اللي وديني علي بيتي وكتر خيري.. هما شالو عقلك كمان.. فيه ايه يا عمري انت مراتي وهتيجي علي بيتي وهتعيشي فيه ملكه... عشق انت النفس اللي بتنفسه عشق انت مش حاسه بيا... (هتبتدي هيا تجحش بقه مالهاش نفس😁😁😁 ادوها فرصتها) فقالت.... ليه ارجع ليك ليه مش انا اللي هتنزلك لبير السلم مش انا اللي تحت قوي وانت فوق قوي مش انا اللي مش بنت ناس وانت بتدور علي حد يشدك لفوق.. لا بصراحه ما ارضلاكش تكمل مع جربوعه زيي...

شدها اليه يحاول ان ياخذها بين ذراعيه...

لتبتعد.. ابعد من فضلك كفايه لحد كده..

هتف بغلب.. بحبك وهموت عليكي...

لتغمض عينها وتقول... بس انا مش مصدقاك ومش عايزه اصدقك اللي يقول لواحده كلام بالشكل ده بعد ماعيشها وغرقها حب وهيا غرقته حب.. استحاله يكون بيعرف يحب وانا مش عايزه َكتر خيرك عالعمليه يابن الناس ..

وضع يديه علي جبينها ويقول.. طب مش سخنه امال ايه.. انت بتخرفي يا قلبي... طب اهدي كل حاجه تتحل..

فصرخت فيه.. هو انا عيله عشان تكلمني كده..

قال احلي عيله وربنا عيله قلبي اللي مكلبشه فيه وشابط جوايا نار من وجعك وبعدك ..

لتنظر امامها وتقول.. وديني لامي بقلك اهوه..

ضحك ويقول.... عيوني يا قلبي... لم يستمع اليها ليصل الي بيته لتجد امها في استقبالها لتحتضنها بشده وتبكي بشده لتربت علي كفها وتقول ....خلاص يا ماما انا كويسه.. احنا هنروح ايه اللي جايبك هنا لتنظر الام لادهم..

فهتف ....معلش ده تاثير العمليه اقترب منها يحملها..

هتفت بحنق انت اتجننت نزلني ولكنه كان يصعد بها الي جناحه بهدوء وهيا تتميز من الغيظ ليدخلها لتجلس علي السرير وتقول.... انت ناوي علي ايه مش طلقتني وخلصنا والا عايز تمن عمليتك.. ماعييش فلوس..

اقترب منها ليغمز لها ويقول ....من جهه تمن العمليه هاخده بس مش فلوس يا قمر يا حلو انت.. يا خراشي يا ناس بحب قمر يا رب البت اتهبلت بعد العمليه.....

لتصرخ... بقلك ايه انت هتعملهم عليا امال فين بنات الناس اللي هتتجوزهم.

فهتف وهو ياتي اليها بملابس لتغير ليقول ....انت عبيطه وبتصدقي اعملك ايه... عشق انا عرفت كل حاجه عملتيها عشاني لو قعدت العمر كله تحت رجليكي مش هعرف اردلك جزء من اللي عملتيه.. انا وجعتك اوي بس كان غصب عني وحقك هجيبه من نن عينهم وهلبسهم قواضي مش انا اللي يتعمل فيا كده..

هتفت.. وانا مش عايزه رد جَميل يا سيدي ممكن بقه تروحني وتسيبني في حالي...

اقترب منها وبدأ في فتح زراير بلوزتها...

صرخت... انت اتجننت..

ليقول.... مانت مش راضيه تسكتي ونازله هبد اعملك ايه يعني خدي البسي قبل ماتهور والبسك.ولو نطقتي هتلاقيكي من غير هدوم بلاها لبس خالص.

. ليستدير لتلبس بسرعه وهيا تبرطم.. ايه قله الادب ديو

اقترب منها واخذ يدها يقبلهم ثم يقول.... قلبي وحياتي ملكك.. جميل ايه يا هبله دانا كاني رجعت ليا روحي اللي ماتت انت فاكره ايه...

لتقوم من مكانها.. انت بقلك مش عايزه... هو عافيه مش رمتني وقلتلي اني مانفعكش اهو انا يا سيدي بعفيك من اي التزامات وطلقني..

حملها بين يديه ويدور لتتمسك به ليتجه بها الي السرير ويقبل راسها.. ننام بقه ونبقي مؤدبين وننسي الهبل ده كله عشان ماتخلنيش اتهور وانا هموت واتنيل اتهور ارحمي جتته ابويا واراحها واندس بجوارها..

لتخبطه وتهتف .....نومه في عينك انت ماصدقت ابعد ايه اللزقه دي انت قافش فيا كده ليه.. كانت مجهده لا تستطيع ان تقاومه لتحاول ان تبتعد عنه...

مد يده من تحت بلوزتها يقرصها لتتجمد فضح...ك ايوه كده اعقلي ونامي بقه والله لاخلي ايدي تقرص في كل حته وانا هموت علي كل حته دي.. اهمدي بقه .. لتتنهد وتعرف انه حائط صد ولكن كلامه في كونها جربوعه لا تلزمه يوجعها كثيرا لتحاول ان تتشبث برايها ولكن هيهات.. فهو قد التصق بها اخيرا كروحها..... لتنام بين يديه ترتاح اخيرا وتهدا ..ظل عقلها يصارعها حتي نامت..اما هو فكانه نال الدنيا وما فيها ان حبيبته بين يديه سليمه معافاه.والله لاخليك تشوفي العشق عن حق. والله لهشربك من عشقي لحد ماتفيض وتفيض دانا حاسس اني عشت واتحييت وتقوليلي مش عايزه انت هبله يا قلبي. دانا عايزك بجنون.دانت في حضني مش قادر ومش صابر بس خايف اهجم عليكي هتشقيني نصين.. حبيبي في حضني يا ناس كله كله بدل حته الخصله اليتيمه اللي حرقتلي قلبي.. حبيبي بخير ومعايا والله عقلي هيتجنن ومش مصدق.. ايه السنين السوده دي يا ادهم.. بس احمدك يا رب رجعتهالي وسيبتهالي مانا ماعشتش من يوم ماسيبتها. انا حاسس اني هلسع والبت في حضني قمر يا ناس وبحبه لا بحبه ايه انت اهبل يا ادهم دانت بتعشق حبيبك عشق.. لا وعايزه تسيبني دا علي جثتي دانا هنام اخيرا وعيني تغمض ولا يوم الا ما هكلبش فيكي كده جايز انهد واهدي بالي شابط في قلبي.. . تمن عمليه ايه يا عبيطه عبط السنين.. دانا اللي انا فيه دا كله خيرك وبتاعك وبسببك وتحت رجليكي.واروح لمين وانت اللي قلبي عايزه وهيتجنن ضمها اليه اكتر وظل يقبل راسها ومسك يدها وووضعهم علي شفتاه..ايه الجمال ده.. مزه يا قلبي وقمر وناعم اهدي يا ادهم.. هموت يا بنت اللذينه وانت عايزه تسيبيني.. . الحمد لله يا قلبي انك في حضني ربنا يهديكي ليا يا عمري عارف انك موجوعه بس اعمل ايه.. ماكنتش اعرف والله.ماكنتش اعرف يا عالم.. دفس راسه في رقبتها بغلب وهتف.. دانت هتشوف غلب يا ادهم هيقطع جتتك انا عارف بس اقطم ونام واتخمد وحبيبك في حضنك.. يا رب وتنهد ونام سعيدا . . .

تكملة الرواية من هناااااااا

لمتابعة  الروايه الجديده زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا