رواية امل الحياه الفصل الحادي عشر11بقلم يارا عبدالعزيز (حصريه وجديده وكامله في مدونة قصر الروايات)
رواية امل الحياه الفصل الحادي عشر11بقلم يارا عبدالعزيز (حصريه وجديده وكامله في مدونة قصر الروايات)
الفصل الحادي عشر
- كان لسه هيتكلم بس قاطعه حياة اللي سندت عليه بارهاق شديد و قطرات المياه بتنزل من على وجهها بتعب
بصلها برعب كبير و ازداد اكتر لما حياة سقطت مغشيا عليها و فيه بحور د.م.. بتنزل من بين قدميها
كريم نزل لمستواها برعب حقيقى بان في عينه اتكلم بصوت مهزوز مرتعش و هو بيهز وشها بعدم تصديق
= حياة حياة
كمل بدموع و هو بيبص للد..م..
= منزلش صح منزلش يحياة حياة فوقي و قولي انه منزلش
اتكلم بانهيار و عصبيه
= بقولك فوقي فووووقي يحياة
دخلت ناديه بسرعه على صوته و معاها روان
اتكلمت ناديه بخوف و غضب
= مستني ايه شيلها وديها المستشفى بسرعه البت دمـ.ها كله اتصفى اخلص
كريم بصلها و هو لسه بيستوعب نفسه ميكونش حصل اي حاجه للجنين بس منظر حياة و الد.م
شالها كريم بسرعه و هو جواه بعض الامل ان ميكونش حصل للجنين اي حاجه
روان بصيت لطيفه بشـ.ر بس سرعان ما حولته لدموع كدابه.. في عينيها اتكلمت بهمس
= اممم كدا بقى دور الخطه التانيه
خرجت شريط اجهـ.اض كان فيه ست حبات ناقصين
رمته من ايديها على الارض و هي بتاخد علبه الفيتامنيات و بدرايها في جيب الدريس اللي لابسه
وطيت على الارض و خديت الشريط و راحت عند ناديه و اتكلمت و هي بتدعي التساؤل
= خالتي انا لاقيت الشريط دا على الارض بس معرفش بتاع ايه يمكن حبوب فيتامين منتهيه الصلاحيه و لا حاجه ابقي وريها للدكتور
ناديه خدته منها و بصتله باستغراب هزيت راسها بحزن و خرجت من الاوضه تلبس و تروح ورا كريم المستشفى
بصيت روان لطيف ناديه و اتكلمت ببأبتسامه سخريه و اتكلمت و هي بتدعي الحزن
= انا هلبس يخالتي و جايه وراكي على طول
كملت بهمس
= الخطه نمبر 3 بوووم لحياتك يحياة يا رب يا ماما تعرفي تشوفي الدكتور قبل ما يتواصل مع كريم و حياة
وصل كريم المستشفى في رقم قياسي و دخل بحياه الطورائ و فضل واقف برا منتظر الدكتور بفارغ الصبر
جريت ناديه عليه و حطيت ايديها على كتفه
= الدكتور لسه مخرجش
هز راسه بمعنى لأ و ملامحه كلها بيغلبها الخوف
اتكلم بحزن و بعض الامل
= يا رب ما يكون حصله حاجه يا رب يا رب انا عايزاه متعاقبنيش فيه
ناديه بصتله بدموع لانها عارفه ان الولد اكيد نزل من كميه الد.م و شكل حياة
سابته و هي بتدعي ربنا في سرها تحصل معجزه و تنقذ حفيدها عشان سعاده ابنها
خرج الدكتور بعد حوالي ساعه و نص من غرفه العمليات
جريوا عليه ناديه و روان و كريم
ناديه و كريم اللي بيتمنوا يكون الطفل لسه عايش
و روان اللي منتظره خبر نز.ول الجنين بفارغ الصبر
كريم برعب و صوت مهزوز و مرتعش
= ابني ابني كويس
بصله الدكتور و اتكلم باسف
= للاسف مقدرناش ننقذه ربنا يعوض عليك بس المدام الحمد لله عديت مرحله الخطر... و نص ساعه و هتفوق
الدكتور كان لسه هيمشي بس قاطعته روان و هي بتتكلم بسرعه و بتاخد شريط الاجهـ.اض من ايد ناديه اللي كانت واقفه بتبص لكريم بدموع و الم..
اتكلمت روان بسرعه و هي بتدي البرشام للدكتور
= احنا لاقين البرشام دا في اوضتها
الدكتور خده منها و بصله بتفحص
= يبقى شكي طلع صح فعلا على العموم انا كنت هتأكد و ابلغ حضرتك بس وجود الشريط دا اكدلي
كريم بصله بانتباه في وسط دموعه
كمل الدكتور بحزن
= للاسف المدام واخده برشام اجهـ.اض هو دا السبب في نزول.. الجنين عن اذنكوا
بصله كريم و ناديه بصدمه كبيره و غضب
بص لحياة اللي كانوا مخرجينها على التروالي من غرفه العمليات و بيدخلوها غرفه الافاقه بغضب مفرط و هو نفسه يخـ..لص عليها بنفسه
دخلت حياة غرفه الافاقه تحت نظراتهم الغاضبه
بقلمي يارا عبدالعزيز
ماعدا روان اللي كانت بتبصلها بشماته
مقدرتش تمنع ضحكتها اللي ظهرت ابتمست بشماته كبيره بس سرعان ما حولتها لدموع و هي بتتكلم بحزن
= مكنتش عمري اتوقع ان حياة تعمل كدا معقول عشان يتتـ.خلص.. منك تقـ.تل ابنها لدرجه دي معندهاش قلب
كملت و هي بتحط ايديها على كتف كريم و بتتكلم و هي بتدعي الحزن
= معلش يا كريم بكره يحبيبى امليلك البيت عيال و لا تزعل نفسك
كريم شال ايديها من على كتفه بغضب مفرط و هو منتظر حياة تفوق بفارغ الصبر
اما روان بصتله بغضب و اتكلمت في نفسها
= معلش يا كريم هستحملك لحد اما حياة تطلع من حياتنا و تبقى ليا انا و بس نرجع للوضع الاساسي و هي اللي جابته لنفسها
في قصر من افخم القصور في مصر
( قصر النصراوي )
كان ريان في غرفه الرياضه الخاصه به و الموجودة في جناحه في القصر
واقف قدام كيس الملاكمه و بيلاكم بايديه بدون قفازات بدون ما يحس باي الم.. في ايديه لابس تيشرت بحملات ابرز عضلات جسده و كتفه
دخل عمر صديقه الاوضه
و قعد على الكنبه اللي موجوده فيها و خد قفازات الملاكمة و راح عنده
= البسهم
ريان اتجاهله و لسه مكمل و غضبه بيزيد اكتر
عمر بهدوء
= خالتي كلمتني و هي بتعيط جامد و بتقول انه من ساعه ما طلع من المستشفى و هو مش راحم نفسه انت عارف انت بقالك على الحال دا اد ايه مش كل اما تبقى زعلان تيجي هنا
ريان بصله و وقف الملاكمه و هو بيسند الكيس اللي كان بيهتز بقوه بايديه
راح عند تلاجه صغيره و جاب منها ازازه مياه و بدأ يشرب منها بعطش
ريان بهدوء
= انا بطلع غضبي هنا بدل ما هحول العالم دا كله لغابه و هبقى خبر الموسم ريان النصراوي يقـ.تل والدته بذمتك مش خبر حلو
هز عمر راسه بقله حيله و اتكلم بتساؤل
= انا بس عايز اعرف ايه سبب الكره دا كله لخالتي دي امك حتى
اتأفف بضيق
= بقولك ايه اقفل على الموضوع دا بيجبلي ضيق تنفس
عمر بقله حيله
= عارف انت حلك ايه تتجوز
ريان بضحك أظهر وسامته اكتر
= هههههههههههه
تاني ؟!!!!!
مش كفايه كدا دا انا كل شهر تقريبا بتجوز
عمر بهدوء
= ريان انت عارف انا قصدي ايه تتجوز رسمي مش عرفي و تطلق بعد ما تتسلى ببنات الناس
ريان ببأبتسامه
= بتسلى !!!!!!
ايه يا عمر دا هم اللي بيتحايلوا و بعدين انا عشان بس متربي مش برضى امشي في الحـ.رام و بتجوز و بس كدا انما بقى حته الجواز الرسمي و اني اربط حياتي بواحده و اجيب عيال دي مش بتاعتي
كمل بحده
= مفيش اي واحده في الكون دا كله تستاهل تشيل اسم ريان النصراوي و تدخل اوضته و تشاركه حياته
عمر بتحدي
= بكره نشوف بس متبقاش تيجي بقى و تقولي حبيت
ريان ضحك بكل قوته و اتكلم بسخريه
= حبيت!!!!!!!
دي تبقى نكته الموسم انت شكلك شارب على الصبح و بدأت تخرف المهم دلوقتي عايزين نتفرغ لموضوع مجلس الشعب لازم انا اللي افوز باي وسيله
بقلمي يارا عبدالعزيز
عمر
= لسه قدامنا وقت على بدايه الانتخابات المهم دلوقتي الصفقات بتاعت الشركه و بعدين نبقى نشوف الانتخابات
اتحولت نظرات ريان للحده و اتكلم بفحيح
= معنديش اهم من الانتخابات لحد اما افوز يا عمر اركن كل حاجه على جنب و اتفرغ انت للموضوع دا تمام
عمر بخوف من تحوله
= امرك
حياة بدأت تفوق تدريجياً لاقيت كريم و ناديه و روان بيبصولها بغضب
بصتلهم بخوف شديد من نظراتهم و رجعت حطيت ايديها على بطنها و اتكلمت بدموع
= هو كويس صح ؟
كريم بصلها و اتكلم بغضب مفرط
= هيبقى كويس ازاي و انتي مـ.وتيه ؟!!!!
حياة بصتله و اتكلمت بخوف
= مو.ته ؟!!!!!
كريم راح عندها و ضـ.ربها بكل قوته بالقـ.لم على وشها
= ااه مو.تيه يا زبا.له انكشفت لعبتك و عرفنا انك بتاخدي حبوب اجها.ض و كل دا ليه عشان مش عايزة تكملي معايا
بتقـ.تلي طفل ملوش اي ذنب عشان مش عايزيني ؟!!!!
مكنتش عمري اتوقع ان كر.هك ليا هيوصلك لهنا
كمل كلامه و هو بيشدها.. من شعرها بغضب مفرط تحت نظرات الالم.. الشديد من حياة
= و الله ما هرحمك و هخـ.لص عليكي زي ما خـ.لصتي على ابني يا زبا.له
بقلمي يارا عبدالعزيز
دخل الممرضين و الدكتور على صوته
اتكلم الدكتور بغضب مفرط و هو بيبعد كريم عن حياة
= مينفعش اللي انت بتعمله دا المريضه تعبانه جدا
كريم و هو بيحاول يفلت من ايديه و بيتكلم بغضب و هو بيبص لحياة
= سابني سابني بقولك همـ.وتها زي ما مـ.وتت ابني
حياة بانهيار
= معملتش حاجه و الله أنا هقـ.تل ابني ليه دا حته مني انا معرفش اي حاجه عن اللي انت بتقولها
الدكتور بغضب مفرط
= هتمشي و لا اندهلك الامن يطردوك اطلع برا الاوضه
ناديه بجمود و هي بتبص لحياة
= يلا يا كريم متستاهلش تودي نفسك في داهيه عشانها يلا يا بني
خديت ناديه كريم و روان خرجت وراهم و هي بتبص للدكتور اللي بدالها نفس النظره و بتبتسم بشـ.ر
خرجوا من الاوضه
بقلمي يارا عبدالعزيز
الدكتور بص لحياة و اتكلم بخبث و هو بيدعي الاسف
= مدام حياة فيه حاجه لازم تعرفيها
حياة بصتله بانتباه في وسط دموعها
كمل الدكتور بأسف
= حضرتك مش هتقدري تحملي تاني او تخلفي اللي حصل دا اثر على موضوع الحمل عندك و اثر على الرحم
حياة بصتله بصدمه كبيره و اتكلمت ببكاء
= يعني انا عمري ما هبقى ام
هز الدكتور راسه باسف
حياة وقتها انهارت كليا و بدأت تصـ.رخ بكل قوتها لحد اما الممرضه اعطتها حقنه مهدئه و نامت
رجع كريم البيت مع ناديه و روان
روان بصيت لكريم اللي دخل قعد على الكنبه بحزن و ارهاق و عيونه مليانه بالدموع على ابنه
اتكلمت روان و هي بتدعي الحزن
= انا سمعت الدكتور و هو بيقول لحياه و احنا ماشين انها مش هتخلف تاني
كريم و ناديه بصولها بصدمه
ناديه بغضب
= يعني ايه بقيت ارض بور البنت دي مينفعش تفضل على زمتك ثانيه واحده تاني انت لازم تطلقها
كريم بدموع
= مش قادر اتكلم نتكلم في الموضوع دا بعدين انا داخل اوضتي
كان لسه هيدخل بس قاطعته فردوس اللي نزلت على كرسيها المتحرك بمساعدة البنت اللي وكلها كريم عشان تراعيها
فردوس بصتله و اتكلمت بغضب
= وديت بنتي فين يا كريم انا عايزه اشوفها
كريم بدموع و غضب
= بنتك مـ.وتت ابني في بطنها و هي دلوقتي في المستشفى بس متخافيش كويسه ابني انا اللي ما.ت
بقلمي يارا عبدالعزيز
فردوس بصتله بخوف كبير على حياة و اتكلمت برعب
= مستشفى مستشفى ايه انا عايزه اشوف بنتي
بقلمي يارا عبدالعزيز
كريم بص للبنت بهدوء
= وديها المستشفى تشوف بنتها و خليكي معاهم مع انك متستاهليش لا انتي و لا بنتك بس انا هعمل عشان صله الد.م اللي ما بينا
فردوس راحت المستشفى بمساعده نجلاء البنت اللي بتراعيها دخلت غرفه حياة اللي كانت نايمه بعمق بصتلها بحزن و دموع
= ساعديني يبنتي اروح جانبها على السرير هي محتاجه لحضني اكتر من اي حد
هزيت نجلاء راسها بهدوء و ساعدت فردوس تطلع على السرير قعدت جنب حياة و ملست على شعرها بحنان
و دموعها نازله من عيونها
نزلت دموعها على خد حياة بدأت حياة تفوق تدريجياً لاقيت فردوس قاعدة جانبها
قامت قعدت و بصتلها بدموع و دخلت جوا حضنها و فضلت تعيط بقوه
= ابني ما.ت و الدكتور قالي اني مش هخلف تاني يا ماما انا عمري ما هسمع كلمه ماما في حياتي لييه يا رب ليه انا عارفه اني غلطت لما زنـ.يت بس انا تعبت كفايه عليا عقاب بقى يا رب كفايه عليا ارحمني و خدني بقى انا مبقتش قادره
فردوس بدموع على حالتها
= اهدي اهدي يحبيبتى اهدي اللهم اني لا اسألك رد القضاء ولكني اسألك اللطف فيه يا رب تصبرنا الصبر من عندك يا رب
مر يومين و حياة كانت في اخر يوم ليها في المستشفى
كانت بتجهز عشان تخرج
بصيت لامها اللي كانت بتبصلها بحزن على حالتها
ادعيت الابتسامه عشان امها و راحت عندها و حطيت راسها على رجليها
= انا ميه فل و عشره و مش عايزة اي حاجه من الدنيا دي غير وجودك جانبي طول ما احنا مع بعض هنعدي كل مشاكل الدنيا دي كلها و بعدين الحمد لله ان ربنا اخترني لكل الابتلاءات دي عشان يكفر عن ذنوبي في الدنيا الحمد لله اروحله و انا نضيفه احسن
فردوس بحنان
= ربنا يبارك فيكي يحبيبتى و يعوضك بالخير كله و تعيشي حياتك كلها في سعاده
حياة بتنهيده
= يا رب يا ماما يلا بقى انتي عارفه اني مش بطيق المستشفى
فردوس ببأبتسامه
= اومال عايزه تبقي دكتوره ازاي
حياة بمرح
= اما يجي وقتها بقى نبقى نشوف و بعدين دخول المستشفى و انتي دكتورة يختلف جدا عن و انتي مريضه
فردوس
= معاكي حق ربنا ما يرجعنا ليها تاني
رجعوا البيت و اتفاجئوا بشنط هدومهم قدام بوابه العماره الخارجيه
بصيت حياة و فردوس باستغراب
خرجت ناديه و معاها كريم و روان
بقلمي يارا عبدالعزيز
ناديه بشـ.ر و حده
= مبقاش ليكوا عيش معانا في البيت دا
حياة بغضب
= انتي بتقولي ايه دا بيت ابويا
ناديه بغضب
= لا يحبيبتي دا بيت جوزي و هو بس اللي كان مدي لابوكي شقه فيه عشان اخوه بقى بس بعد اللي انتي عاملتيه مخلتيش اي قرابه ما بينا و دلوقتي خدي امك العاجزه.. دي و اطلعوا برا بيتي
فردوس بغضب
= حسبي الله ونعم الوكيل فيكي يا ناديه ربنا على الظالم
ناديه بغضب
= ربنا على الظالم !
ليه هو احنا اللي ظلامنكي هو انا اللي كنت اقتـ.لت حفيدك و هو لسه مجاش الدنيا و شوفي عشان ربنا مبيرضاش بالظلم خلى بنتك بقيت ارض بور و قالها انا هحرمك من نعمه الامومه العمر كله و اللي احنا عاملنه دا ما هو الا رد فعل بس لي اللي بنتك عاملته احمدي ربنا اننا اكتفنا بدا و مبلغناش عنها بتهمه قتـ.ل حفيدي
بقلمي يارا عبدالعزيز
حياة بغضب مفرط
= قولتلكوا ممـ..وتهوش
انا هقـ.تل ابني ليه الحركات دي بتاعتك انتي و مرات ابنك
روان بصتلها و اتكلمت بغضب
= حياااة الزمي....
حياة بمقاطعة و حده
= انتي تخر.سي خالص اوعي تفكري انها خلصت على كدا لا يحبيبتى دا فيه اللي فوق اللي اكبر مني و منك و من الكل هو اللي هياخد حقي منكم واحد واحد و بكره افكرك بس متبقيش وقتها تيجي تقوليلي سامحني لاني عمري ما هسامحك
كملت و هي بتبص لناديه
= متفكريش انك لما تطرديني انا و امي يبقى انتي كدا بتلوي دراعي لا يا مرات عمي ارض الله واسعه يلا يا ماما
مسكت الكرسي المتحرك بتاع فردوس و كانت لسه هتحركه و هي بتجر الشنط بتاعتهم و بتحاول تكون اقوى عشان امها
وقفتها ناديه و هي بتتكلم بحده
= استني
وقفت حياة و بصتلها
بصيت ناديه لكريم اللي بص لحياة و خد نفس عميق
كريم بهدوء
= انتي طا.لق يحياة
يُتبع....
يااااه اخيرا يا عم كريم دا احلى جمله ممكن تسمعها اي واحدة على زمتك
يعيني عليكي يحياة هتعيشي انتي و امك ازاي و انتوا ملكوش اي حد 🙂
يا ترى فعلا الموضوع انتهى هنا و لا لسه للحياة باقيه و امل
و ايه اللي هيحصل مع كريم و روان و ناديه هيفضلوا كدا و لا العداله الالهيه هتدخل و كل واحد هياخد جزاءه
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية امل الحياه الفصل الحادي عشر11بقلم…){kind=link}
تعليقات
إرسال تعليق
فضلا اترك تعليق من هنا