رواية الضحية الفصل الثالث عشر والرابع عشر 13-14بقلم الكاتبة أروى عادل (جديده وحصريه وكامله)

 رواية الضحية الفصل الثالث عشر والرابع عشر 13-14بقلم الكاتبة أروى عادل (جديده وحصريه وكامله)

رواية الضحية الفصل الثالث عشر والرابع عشر 13-14بقلم الكاتبة أروى عادل (جديده وحصريه وكامله)

#رواية_الضحية 

#الكاتبة_أروى_عادل 

#الفصل٠الثالث٠عشر

زين ٠٠ أكيد طبعآ ..طيب ياعمر غادة قالت لينا انك طلبتها للجواز . و عشان كده بابا منتظرك النهاردة عشان نتكلم فى تحضيرات الجواز و الحاجات دى

( هنا نظر عمر و حسام لبعض بأرتباك )

عمر ٠٠ طيب بس ماينفعش نأجل موضوع للأسبوع إللى جاى لان عندى كذا تصميم المفروض بينتهى الاسبوع ده

زين٠٠ بس الحاج مستنيك النهاردة وانت عارف انه يبحب الالتزام فى المواعيد .. و غادة قالت انك عايز تقابلو. و انا أديته ميعاد النهاردة قولت أكيد انك مش هيكون عندك مانع

عمر ٠٠ تمام خلاص يبقى ميعادنا النهاردة

زين ٠٠ تمام انا هبلغ الحاج

عمر٠٠ زين صح انا عايزك تمسك مع غادة ديكور 

فيلا طارق توفير فى الوقت عشان عايز اخلص من الشغل فى الفيلا

زين ٠٠ عمر بس انت عارف رأيه فى الشغل مع إللى اسمه طارق ده

حسام ٠٠ المفروض اننا محترفين فى شغلنا و المشاكل الشخصية مالهاش علاقة بالشغل

عمر ٠٠ بعدين انا مستغرب موقفك المفروض انا إللى أكون مدايق من الشغل مع طارق مش انت

زين ٠٠ أسمع انا مش هشتغل مع طارق مهما يحصل عن أذنكم

( ثم غادر فورآ)

عمر٠٠ مالوا زين ايه حكايته مع طارق

حسام٠٠ ولا حكاية ولا حاجة انت عارف زين بيحب بيكبر المواضيع 

عمر ٠٠ لأ انا عارف زين فى حاجة مش مفهومه من تصرفو

حسام٠٠ سيبك من زين دلوقتى.. هتعمل ايه فى ميعاد النهاردة مع أبو زين 

عمر٠٠ لسه مش عارف .. بس هحاول تأجيل الموضوع لحاد لما أشوف حل

حسام٠٠ بس بصراحه برافو لغادة البنت قدرت تورطك بمنتهى السهولة 

عمر٠٠ فعلآ طلعت أذكى مما اتخيلت بس عادى 

انا عمر الصاوى مافيش حد يقدر يجبرنى اعمل حاجة غصب عنى .. المهم انا هروح مشوار دلوقتى و نتقابل بالليل 

حسام ٠٠ مشوار ايه دلوقتى

عمر٠٠ رايح اقابل ريم 

حسام ٠٠ مين ريم دى

عمر٠٠ الدكتوره النفسيه لأروى و صاحبتها .. انا متهيألى دى الوحيدة إللى ممكن تعرف أروى فين

☆☆☆☆☆☆☆☆☆☆☆☆☆☆☆☆☆☆☆

فى إحدى الكافيهات 

عمر ٠٠ أنا متشكر انك قبلتى تقابلينى 

ريم٠٠ العفو على العموم انا عارفه حضرتك طلبت تقابلنى ليه

عمر ٠٠ طيب يبقى أسأل سؤالى على طول..فين أروى

ريم ٠٠ تصدقنى لو قولتلك انى معرفش

عمر٠٠ انا سمعتها وهى بتكلمك قبل ماتختفى قالتلك انك تيجى تخديها من المطعم

ريم٠٠ انا مش ناكره.. بس انا لم وصلت المطعم مالقتهاش حتى ساعتها سألت عليها طارق 

عمر ٠٠ يعنى هتكون فين..طيب هى متعودة انها تختفى كده فجأة

ريم ٠٠ لأ انا من ساعة لما عرفتها من سنتين تقريبآ

و دى أول مره تختفى فيها

عمر٠٠ انا قلقان عليها فى نفس الوقت عجز مش عارف اعمل ايه

ريم٠٠ أنا كمان قلقانة عليها و خايفه انها تكون عملت فى نفسها حاجه

عمر ٠٠( بخوف) تقصدى ايه . هى ممكن تأذى نفسها لا لا لا أروى متعملهاش 

ريم٠٠ لا تعملها لانها عملتها قبل كده و حاولت تنتحر

أكتر من مره

(هنا صرخ فيها برعب وقال)

عمر٠٠ انتى بتقولى إيه أروى مش ممكن تفكر تعمل كده لا استحاله. تنتحر لا مش ممكن 

ريم ٠٠ اهدى شويه يا أستاذ عمر انا بس بفكر معاك بصوت عالى . 

عمر٠٠ انا خلاص مش قادر افكر .. انا عارف انك عارفه كل حاجة عن أروى ممكن تقوليلى ايه السبب إللى وراه جواز أروى من طارق.. و ليه أروى مش قادرة تسيبو مع انها بتكرهو

ريم٠٠ أنا أسف بس انا دكتوره دى أسرار مريضه مقدرش ابوح بيها .. بس انا كصديقة لأروى بقولك أسأل قلبك هى أروى ممكن تكون البنت إللى بتجرى وراه الفلوس او البنت تتنازل عن كل إللى بيحبها بسهوله عشان راجل مهما كان.. أجواب عندك  انت أسأل قلبك

عند أذنك

( قالت ريم كلماتها ثم غادرة و تركت عمر فى دوامة لا يستطيع يخرج منها .. هو أول مره لا يستطيع يفهم ما يريد هل يثق فى قلبه الذى يهيم عشقآ بأروى 

أما يثق فى عقله الذى بأمره بالبعد عنها و الأنتقام منها 

☆☆☆☆☆☆☆☆☆☆☆☆☆☆☆☆☆☆☆☆

فى المساء منزل محمود الكيلانى 

فى المطبخ تقوم أشجان بتحضير الطعام العشاء

أروى ٠٠ ماما بتعملى ايه

أشجان ٠٠ بحضر العشا .. ايه إللى قومك من السرير

أروى٠٠ زهقت من القاعدة فى السرير.. تحبى اساعدك 

( هنا رن جرس الباب)

أشجان ٠٠ حمرى البطاطس لم أشوف مين على الباب 

(عندما فتحت الباب كانت أسراء و زوجها عادل 

و معاهم أبنتهم أروى )

أسراء ٠٠ ازيك ياماما وحشتينى

أشجان ٠٠ الحمدالله انا كويسه . ماقولتيش يعنى انك جاى النهاردة

أسراء ٠٠ بصراحة انتى وحشتينى قولت نيجى نسهر معاكم النهاردة كمان أنجى و زين جايين .. 

آمال فين بابا 

أشجان ٠٠ فى البلكونه.. 

عادل٠٠ طيب انا هروح أقعد مع عمى

( هنا خرجت أروى من المطبخ )

أسراء ٠٠أروى انتى هنا

أروى ٠٠ ايه ماكنتش عايزه تشوفيني هنا ولا ايه

أسراء ٠٠ ليه بتقولى كده .. 

أروى ٠٠ واضح الصدمة على وشك لما شوفينى

أسراء ٠٠ أنا بس أستغربت مش اكتر 

أشجان ٠٠ أسراء تعالى معايا نحضر العشا

أروى ٠٠ انا خلصت تحضير العشا .

(هنا جائت أنجى عندما دخلت و رأت أروى قالت)

أنجى ٠٠ أروى انتى هنا 

أروى ٠٠ هو فيه ايه كل حد يقولى أروى هو انتى هنا أه انا هنا ٠٠لان ده بيتى زى ماهو بيتكم ولا نسيتوا

أنجى٠٠ فى ايه انا بس أستغ......

( قطعت أروى عبارتها وقالت)

أروى ٠٠ عارفه استغربتى ما انتى مش أول واحد تستغرب بوجودى كأنى وباء مش المفروض اكون هنا 

أشجان ٠٠ أروى فى ايه مش كده . يلا تعالوا كلكم هنتعشا سوى زى زمان

أروى ٠٠ لا معلش يا ماما اتعشوا انتم انا ماليش نفس هدخل أرتاح جوه 

أسراء ٠٠ أروى عايزه اتكلم معاكى 

أروى ٠٠ اظن مافيش بينا أى الكلام

أسراء ٠٠ انتى بتتكلمى معايا ازاى كده أوعى تنسى انى أختك الكبيره

أروى٠٠ لا بجد فاجئتينى انتى لسه فاكره انى أختك 

أنجى ٠٠ هو فى ايه . وانتى بتتكلمى معانا كده ليه

أروى ٠٠ ( بسخرية) معلش اعتبرونى مجنونه 

( هنا تركت أسراء أبنتها مع أنجى و مسكت أسراء ذراع أروى و قالت )

أسراء ٠٠ تعالى معايا 

أروى٠٠ سيبى ايدى انا مش عايزه اتكلم مع حد

أنجى ٠٠ ممكن أفهم هو في ايه

( أسراء و أروى قالوا فى نفس واحد )

أسراء و أروى ٠٠ مالكيش دعوة انتى يا أنجى

( هنا سحبت أسراء أروى دخلت على غرفة أروى وهنا قالت اسراء)

أسراء ٠٠ أتفضلى انا قدامك قولي كل إللى فى نفسك .فيه. انا مستعدة أسمع 

أروى٠٠ و انا مش مستعدة اتكلم .. و خصوصآ معاكى

أسراء ٠٠ على فكره انا كنت عارفه انك هنا ماما اتصلت بيا وقالتلى

أورى ٠٠ طيب جيتى ليه

أسراء ٠٠ عشان وحشتينى كان نفسى أشوفك

أروى ٠٠ هههه هههه بجد ضحكتنى . و المفروض أنى أصدقك مش كده

أسراء ٠٠ لازم تصدقينى لان دى الحقيقة 

أروى٠٠ لأ مش دى الحقيقة ..الحقيقة إللى انا عايشه فيها . كل ده بسبب نزواتك ..

أسراء ٠٠ أنا عارف انى لخبطت حياتك

أروى ٠٠ انتى مش لخبطتى حياتى .انتى دمرتي حياتى و دمرتينى 

أسراء ٠٠ أنا أسفة صدقينى لو كنتى مكانى او كان وضعك زى وضعى يمكن كنتى ضعفتى زى ما انا ضعفت 

أروى ٠٠ تعرفى انا فى مكانك دلوقتى. متجوزه راجل و قلبى و عقلى. و كيانى كله مع راجل تانى بس انا ماضعفتش زيك

أسراء ٠٠ لأنك أقوى منى طول عمرك قوية 

و عارفه انتى عايزة ايه بتعرفى تسيطرى على نفسك عكسى بالظبط

أروى٠٠ مافيش حاجة بتفضل على حالها .. لا انا بقيت زى ما انا ولا انتى لسه زى ما انتى

أسراء ٠٠ عندك حق .. بس انا كنت عايزاكى تعرفى ليه انا محاولتش أشوفك طول السنتين اللى فاته 

وتعرفى انى عمرى ما نسيتك لا أقدر انسى أختى صاحبة الفضل عليا.. بس انا خوفت من موجهتك 

و مقدرش ابص فى عينك بعد إللى حصل . ده غير ان طارق هددنى لو حاولت أشوفك انه هيرفع قضية نسب عليا 

أروى ٠٠ انا مش مستغربه لانى متوقع من طارق أى حاجة 

( هنا طرقت أنجى الباب وقالت إن العشاء جاهز )

( اجتمع الجميع على المائده لتناول العشاء وهنا سأل محمود أنجى و قال)

محمود ٠٠ آمال جوزك فين يا أنجى

إنجى ٠٠ طلع عند باباه .

أشجان٠٠ في حاجة انا كنت سامعه زغاريد من شويه

أنجى ٠٠ أه بيتفقوا على جواز غادة 

( هنا بدأ الارتباك على أروى لانها فهمت مين العريس)

أسراء ٠٠ بجد أخيرآ وافقت تتجوز مين العريس بقى احنا تعرفوا

أروى ٠٠ عمر 

أسراء ٠٠ ( بأستغراب) عمر مين. عمر بتاعنا قصدى عمر إللى كان ...

( قطعت أروى عبارتها عندما رأت الارتباك واضح عليها)

أروى٠٠ أيوه هو عمر .. طيب انا شبعت هقوم أعمل شاى مين هيشرب معايا 

(قامت أروى قبل انا يلاحظ أحد دموعها التى خانتها و نزلت غصب عنها. لكن أشجان فهمت ما بها لذلك قالت)

أشجان ٠٠ كلنا هنشرب شاى .. انا كمان شبعت هقوم أعمل الشاى مع أروى

أسراء ٠٠ خدينى معاكى يا ماما

☆☆☆☆☆☆☆☆

عندما دخلوا المطبخ 

مسحت أروى دموعها بسرعة

أسراء ٠٠ حتى لو مسحتى دموعك مش هتقدرى تمسحى الوجع من قلبك

أشجان ٠٠ انتى لسه يابنتى بتحبى عمر

أروى٠٠ و الله غصب عنى 

أسراء ٠٠ أنا ممكن اروح أتكلم معاه

أروى ٠٠ أوعى يا أسراء انا و عمر خلاص مابقناش ننفع لبعض 

أشجان ٠٠ من قلبك الكلام ده

أورى ٠٠ أه من قلبى 

أسراء٠٠ و دموعك دى بسبب ايه

أروى٠٠ دموعى دى كانت أخر حاجة لعمر عندى . المهم دلوقتى انى كويسه ..يلا بينا انت عارفين بابا مابيحبش الشاى يتأخر بعد الاكل

( عندما خرجوا من المطبخ كان زين وصل )

أما زين عندما إتى و رأى أروى تبدلت ملامحه كان يبدو عليه الغضب و النفور من رؤيت أروى

لفت أنتباه كل الموجودين هجوم زين على أروى

الغير مبرر

زين ٠٠ مدام أروى خير حضرتك هنا ليه 

أروى٠٠ مش فاهمه تقصد ايه

زين ٠٠ انتى مش فى بيت جوزك ليه

أروى ٠٠ زى ما أنجى دلوقتى هنا انا بردو هنا

زين٠٠ أوعى تقارنى نفسك بمراتى

عادل ٠٠ فى ايه يا زين ايه الطريقة إللى بتتكلم بيها معها

زين٠٠ انا مش فاهم انتم أزاى تسمحوا ليها تيجى البيت ده تانى

أسراء٠٠ زين لو سمحت أروى أختى و البيت ده بيتها ليها فى زينا بالظبط

زين ٠٠ انتى بدفعى عنها نسيتى هى عملت ايه فيكى

أروى٠٠ هو وجودي هنا مدايقك فى حاجة

زين٠٠انتى وجودك زى عدمه مش فارق معايا فى حاجة

أروى٠٠ طيب تمام يبقى ياريت تتعامل كأنى مش موجوده . 

زين ٠٠ أنا مش عارف انتى ليكى عين .و.....

( هنا قطعت أروى عبارته لحظه وقالت)

أروى ٠٠ زين انا لحاد دلوقتى مش عايز أرد على أهاناتك احترام لبابا و عشان عامله خاطر لأختى

.عن أذنكم ( ثم غادرة إلى غرفتها)

زين ٠٠ غريبه انك بتتكلمى على الاحترام

محمود ٠٠ ( بعصبية) زين أظن كفايه كده .. أوعى تنسى انك بتتكلم مع بنتى مش واحده من الشارع

زين ٠٠ عمى انا اسف بس ......

( قطعت عبارته أشجان)

أشجان ٠٠ اسمعوا الكلام للكل الموجودين مهما حصل البيت ده بيت بناتى التلاته مفتوح ليهم فى أى وقت . و مافيش حد من حقه يتدخل بينهم 

زين ٠٠ تمام الرسالة وصلت .. انا ماشى

أنجى ٠٠ زين ماما ماتقصدش حاجة

زين ٠٠ أنجى هتيجى معايا و لا هتفضلى هنا

أنجى ٠٠ قصدك ايه

عادل ٠٠ انت كده بتكبر الموضوع 

محمود ٠٠ روحى يا أنجى مع جوزك .. و انت يا زين لينا كلام تانى مع بعض 

زين ٠٠ وانا تحت أمرك يا عمى فى ايه وقت

( بعد ما غادر زين و أنجى دخلت أسراء غرفة أروى و هى تحمل ابنتها أروى )

☆☆☆☆☆☆☆☆☆

أسراء ٠٠ قومى انا عارفه انك مش نايمة

أروى ٠٠ عايزه ايه يا أسراء 

أسراء ٠٠ أمسكى منى أروى

( هنا حملت أروى الطفلة ثم قالت)

أروى٠٠ انتى بجد سميتى بنتك أروى

أسراء ٠٠ أنا دورت على أغلى أسم على قلبى مالقتش

أغلى من أسمك عندى

أروى٠٠ ( بأبسامة) بصراحة ثبتينى . و أكلتى بعقلى حلاوة . 

أسراء ٠٠ طيب ايه رأيك انا بتكلم بجد

أروى ٠٠ عارفه . أسراء انا اسفه للاسلوب إللى كلمتك بيه .. 

أسراء ٠٠ ولا يهمك. ماتزعلش من زين انت عارفه طول عمره مدب فى كلامة

أروى ٠٠ انا مش عارفة هو ليه عمل معايا كده

أسراء ٠٠ أنا عارفه زين عمل كده ليه

أروى ٠٠ ليه 

أسراء ٠٠ عشان هو لسه بيحبك

#يتبع 

رأيكم

ما قصة حب زين لأروى

هل تم خطبت عمر و غادة

#رواية_الضحية 

#الكاتبة٠أروى٠عادل 

#الفصل٠الرابع٠عشر

أروى ٠٠ انا مش عارفه هو ايه زين عمل معايا كده

أسراء ٠٠ أنا بقى عارفه هو عمل كده ليه

أروى ٠٠ ليه

أسراء ٠٠ عشان هو لسه بيحبك 

أروى٠٠ واطى صوتك لحاد يسمعك. بعدين انتى أزاى فكرتى فيها كده

أسراء ٠٠ هى واضح مافيش سبب يخلى زين يتعامل معاكى كده غير انه غيران  او موجوع من الفراق

أروى ٠٠ لأ انتى غلطان 

أسراء ٠٠ تنكرى انه كان بيحبك

أروى ٠٠ ايوه بس الموضوع ده قديم أوى .. و انا كمان ساعتها اتكلمت مع زين و فهمتو انى بحب عمر و  كمان أنجى بتحبه و اتقفل الموضوع من وقتها 

أسراء ٠٠  اتقفل بالنسبالك انت لكن  بالنسبال زين لأ

أروى٠٠ معقوله لسه زين ... لا لا  كده كتير عليا

أسراء ٠٠ صح يمكن فيك مغناطيس يجذب جواز أخواتك ليكى فى الأول  طارق و بعدين زين

( هنا لاحظة أسراء تغير ملامح أروى إلى حزن و أسى)

أسراء ٠٠ أنا أسفة شكلى كلامى دايقك .. والله انا كنت بهزر ماكنتش أقصد حاجة

أروى ٠٠ عارفه انك ماتقصديش  بس ده مايمنعش ان كلامك حقيقى ٠٠ بس قوليلى انتى تعرفى منين موضوع زين انا فاكره ان انى مقولتش لحد غير روان على موضوع ده

أسراء ٠٠ عرفت من غادة 

أروى ٠٠  غادة طبعآ أى نصيبه بيكون أساسها غادة  تعرفى انها السبب فى الموضوع ده كله 

ان تخلى زين يتعلق بيا

أسراء ٠٠ ازاى يعنى هى السبب

أروى ٠٠ هى إللى فهمت زين انى بحبه .. مع انها كانت  عارفه و متأكده ان أنجى هى إللى بتحب زين

أسراء ٠٠ طيب هى هتعمل كده ليه

أروى ٠٠ عشان كانت عايزانى انشغل مع زين 

وأنسى  عمر   ساعتها عملت خطة عبيطة عشان توقعنى مع زين  بس الحمد الله ربنا كشفها قدامى 

أسراء ٠٠ عملت ايه يعنى

أروى ٠٠ لأ ده قصه طويله هحكيلك عليها بعدين

☆☆☆☆☆☆☆☆☆☆☆☆☆☆-☆☆☆

فى منزل أهل عمر ٠٠فى نفس الوقت

ليلى متعصبة من عمر لأنه قال لأبو غادة أنه لن يقوم بأى خطوه فى الأرتباط من غادة إلا بعد إتمام  زفاف شقيقتة روان بحسام بعد شهرين من الآن      

ليلى ٠٠ ممكن أعرف ايه إللى انت قولتوا لأهل غادة كنت على أقل عملت حتى خطوبه دلوقتى 

عمر ٠٠  ماما أسمعينى عشان مانتكلمش فى الموضوع ده تانى.. أنا مش هفكر فى الأنباط إلا بعد فرح روان 

ليلى ٠٠ ليه يا أبنى انا ماصدقت انك فكرت تتجوز 

روان ٠٠ ماما عندها حق يا عمر على أقل  كنت عملتوا خطوبة  انت ماشوفتش غادة كانت زعلانه ازاى لما عرفت انت أجلت كل حاجة لبعد فرحى

عمر ٠٠ خلاص بقى كلام فى الموضوع ده  بدل ما ألغى موضوع الخطوبة ده خالص

ليلى ٠٠ أنا عارفه انت بتعمل كده ليه...

لكن أقسم بالله ياعمر إللى فى دماغك ما هيحصل حتى لو هيكون أخر يوم فى عمرى

عمر ٠٠  قصدك ايه .و  ايه هو إللى فى دماغى 

ليلى ٠٠ أروى 

عمر٠٠ و ايه إللى  جاب سيرة أروى فى الموضوع ده

ليلى ٠٠ مش انت بتلف وراها و روحت اشتغلت مع جوزها

عمر٠٠ من قالك الموضوع

ليلى ٠٠ أنا عرفت و خلاص

عمر٠٠ ماما لو سمحتى قوليلى عرفتى من فين

روان ٠٠ غادة هى إللى قالتلى

عمر٠٠ ( بعصبية) غادة بردوا  انا مش عارف البنى أدمه دى  جنس ملتها ايه 

ليلى ٠٠ البنت قلقانه عليك  و خايفة أروى ترجع تضحك عليك من تانى

عمر٠٠ هو انا عيل صغير عشان أروى تضحك عليا

ليلى ٠٠ خلاص سيب الشغل مع جوزها 

عمر ٠٠ ماما انا مابحبش حد يتدخل فى شغولى

ليلى ٠٠ يا أبنى انا عايزه مصلحتك..  عشان خاطرى.  رايحنى  و ابعد عنها .. و انا كمان قولتها تبعد عنك

عمر ٠٠( بدهشه) قولتها ازاى يعنى.. انتى شوفتيها فين و امتى

ليلى ٠٠ فى أيه هو استجواب

عمر٠٠ بالله عليكى يا ماما ردى عليا شوفتى أروى فين و امتى

ليلى ٠٠ شوفتها  من يومين عند أبوها

عمر٠٠ ( بفرحة) يعنى هى هنا عند عمى محمود

ليلى٠٠( بأستغراب) أيوه هو فى ايه

عمر ٠٠ ( بالهفا) الحمدالله  طيب هى كويسه صح

ليلى ٠٠ أنا معرفش بس هى كنت تعبانه 

عمر٠٠ ( بخوف) تعبانه مالها 

ليلى ٠٠ معرفش و مسألتش 

عمر ٠٠ أنا هطلع أشوفها

( هنا مسكت ليلى عمر من ذراعه و قالت)

ليلى ٠٠ تعالى هنا انت اتجننت تطلع تشوف مين 

عمر ٠٠ بالله عليكى سبينى أروح أشوفها انا بقالى ٣ ايام و انا بدور عليها 

ليلى ٠٠ يا أبنى ارحمني بقى انت لسه بتفكر فيها 

عمر ٠٠ مش بأيدى صدقينى حولت انسها بس مش قادر

روان ٠٠ بس دى دلوقتى ست متجوزه 

عمر ٠٠ عارف .. و عارف كمان انها عايشه مع جوزها غصب عنها 

ليلى ٠٠ هى إللى قالتلك كده ٠٠ اكيد بتكدب عليك 

عمر٠٠ هى ماقالتش حاجة .. انا إللى شوفت بعينى

روان٠٠ فكر يا عمر ايه إللى هيخليها تعيش معاه غصب عنها .. انا كنت موجوده من سنتين لما وقفت قدام أبوها عمى محمود و قالتلو انها عايزه تتجوز طارق  صحيح يومها كان شكلها غريب و منهاره بس هى إللى كانت عايزه كده

عمر٠٠ انا متأكد ان فى سر فى الموضوع ده.  طيب فكرى يا ماما انتى إللى مربيه أروى على أيدك....وانتى يا روان أروى صاحبة عمرك.. قوليلى أروى هى البنت إللى ممكن تتخلى عن كل حاجة عشان الفلوس

ليلى ٠٠ يابنى الناس بتتغير و النفوس بردوا بتتغير. و أروى كمان اتغيرت و بعدين هى خلاص بقيت عل. ذمة راجل تانى يعنى الكلام ده كله مالهوش لازمة

روان٠٠ صح بس ده مايمنعش أن عمر عنده حق أروى مش البيت إللى ممكن تجرى وراه الفلوس

ليلى ٠٠ انتم جايين بعد سنتين تفكرى فى السبب إللى وراه جوزها من جوز أختها

عمر ٠٠ عندك حق المفروض أنى اكتر واحد كنت فاهم أروى و عارف انها عمرها ما تعمل كده بس للأسف الغضب و رغبة الانتقام منها كانت عميانى 

ليلى ٠٠ حتى لو ده صح فات الأوان يابنى هى دلوقتى ست متجوزه

عمر٠٠ عارف بس على الاقل من حقى اعرف هى ليه عملت كده فيا و فى نفسها فى أهلها

روان ٠٠ صح فى حاجة غريبه حصلت يوم إللى عمى محمود طرد أروى من البيت هى و طارق

عمر٠٠ حاجة زى ايه

روان ٠٠ أسراء كانت وقفه فى صف أروى و  كانت بدافع عنها بطريقه غريبه على طول كانت بتقول حرام عليكم ما تظلمهاش ساعتها انهارت و تعبت 

عمر ٠٠ غريبه مع انى أسراء اكتر واحده اضرت من تصرف أروى 

روان ٠٠ صح و عشان كده كلنا أستغربنا من تصرف أسراء لان المفروض انا أروى سرقت جوزها  

عمر ٠٠ أنا هطلع اتكلم مع أروى وكمان أسراء

ليلى ٠٠ تطلع فين و هتقول للناس ايه انا  جاى اشوف بنتكم  إللى هى على ذمة طارق

روان ٠٠ أنا إللى هطلع ٠ 

ليلى٠٠ هتقولي ليهم ايه

روان ٠٠ أنى جايه أطمن على أروى  مش حضرتك شوفتيها وهى تعبان

عمر ٠٠تمام روحى و خدى الموبايل معاكى

ليلى ٠٠ شكلكم انتم الاتنين اتجننتوا.. انا هشوف ابوكم يشوفلكم حل فيكم

(ثم غادرة روان إللى شقة عائلة أروى فى الدور إللى فوقهم فى نفس العماره) 

☆☆☆☆☆☆☆☆☆☆☆☆☆☆☆☆☆☆

فى منزل عائلة أروى فى نفس الوقت

طرقت روان الباب فتحت أشجان

روان ٠٠مساء الخير يا طنط أشجان 

أشجان ٠٠ مساء الفل يا حبيبتى اتفضلى

روان ٠٠ متشكره يا طنط ماما قالتى إن أروى هنا و هى تعبانه شويه قولت اجى أشوفها

أشجان ٠٠ والله فيكى الخير يابنتى .. تعالى ادخلى 

هى قاعده مع أسراء فى أوضتها

روان٠٠ طيب خليكى  يا طنط انا هدخلها 

أشجان ٠٠ ماشى يا حبيبتى و انا هعلمك عصير المانجه إللى انتى بتحبى

(ذهبت أشجان إلى المطبخ أما روان سمعت

توجعت إلى غرفة أروى و قبل أن تطرق الباب سمعت اسراء و هى تقول)

أسراء ٠٠ تعرفى يا أروى انا بتخيل لما أياد ابنى يكبر و يجى يسألني على ابوه إللى مكتوب على أسمة فى الشهادة الميلاد ساعتها ارد اقولوا ايه ..افرض فكر يروح لطارق طيب طارق ساعتها هيقولو ايه تفتكرى طارق هيقول .انه  مش هو ابوه 

تفتكرى هيقوله عادل هو اللى ابوه تفتكرى ابنى هيسمحنى لما يعرف انه كان نتيجة غلطة حصلت بينى و بين عادل 

أروى ٠٠ انا اوعدك طول ما انا عايشة ابنك مش هيعرف حاجة على موضوع ده و اذا كان على طارق ماتخفيش انا اضمنلك انه مش هيتكلم 

أسراء ٠٠ يعنى انتى هتفضلى لحد امتى عايشه مع طارق غصب عنك عشان مايفضحنيش .. طيب هتفضلى لأمتى تدفعى تمن غلطتى 

أروى٠٠ قولتلك خلاص انا راضيه  بنصيبى

  و خلاص  بقى بلاش نتكلم.......

( قطع عبارتها صوت أمها وهى تقول انتى واقفه كده ليه يا روان و هنا انتبه كل من أروى و أسراء إلى روان الذى تقف بحوار الباب فى حالة ذهول من كلامهم مرت لحظات والكل فى حالة من الصمت التام و هم ينظرون لبعضهم فقط وما كسره الصمت صوت أشجان و هى تقول )

أشجان ٠٠ هو فى ايه مالكم ساكتين ليه

أروى ٠٠ روان انتى هنا من أمتى 

روان ٠٠ من ساعة لما أختك كانت خايفه على ابنها انه يعرف مين أبوه الحقيقى

( كانت صدمة قويه لكل من أروى و أسراء و أشجان)

كيف لم ينتبهوا لوجود روان . كان الارتباك و الخوف من فضح سرهم مسيطر عليهم لذلك قالت أروى )

أروى ٠٠ أى كان إللى انتى سمعتى دى حاجة شخصية مش من حقك تعرفيها ولا أى حد تانى من حقوا يعرفها

روان ٠٠ شخصية . لازم تعرفى الحاجة الشخصية دى لما تكون خاصه بيكى انتى لوحدك بس .

طيب و أخويا إللى  احنا شوفنا  وهو  بيدمر قدام عنينا و احنا مش قادرين نعملوا حاجة .ده ماكنش عايز يرجع مصر تانى  كل ده بسببك . وفى الاخر تقوليلى حاجة شخصية .  طيب على أقل كنتى قولتلو بدل العذاب إللى هو فيه . انا مش عارف انتى جبتى قوة قلبك دى منين ٠٠ هو عمر ماصعبش عليكى.. 

( هنا مسكتها روان كتفيها وهى تهزها بقوة وتقول)

روان ٠٠ ساكت ليه ردى عليا .. عمر ماصعبش عليكى. مش عايزه تنطقى ولا مش عارفه تردى تقولى ايه.  اسمعى لو انتى هان عليكى عمر . انا لا ولازم عمر يعرف كل حاجة على الأقل يمكن النار إللى فى قلبه تبرد شوية

( قالت عبارتها ثم غادرت مسرعة وهنا قالت أسراء

وهى تصرخ)

أسراء ٠٠ أنا اتفضحت .. انا اتفضحت 

أشجان ٠٠ الحقي روان  يا أروى

( خرجت أروى تجرى وراه روان )

☆☆☆☆☆☆☆☆☆☆☆☆☆

على سلم العماره

لحقتها  أروى هى بتنادى عليها.. و على سلم العماره  مسكتها أروى من ذراعها ثم وقالت 

أروى ٠٠ انتى رايحه تعملى ايه . استنى هنا

روان ٠٠ أروى سيبى ايدى 

أروى٠٠ لأ مش سيباكى . روان عمر مش لازم يعرف حاجة عن الموضوع ده ولا أى  حد 

تانى  ده عرض و شرف اختى 

روان ٠٠ و أخويا مافكرتيش فيه . فى حبه ليكى إللى بقى عباره عن عذاب اظن من حقه يعرف على الأقل  انتى سيبتى ليه

أروى ٠٠ لأ مش من حقه . اسمعى زى ما انتى خايفه على اخوكى انا خايفه على أختى 

روان٠٠ اختك غلطت.. لازم تتحمل نتيجة غلطتها ..أنما عمر ذنبه ايه و انتى ذنبك ايه 

أروى٠٠( بعصبيه) ذنبى انها أختى  .. و انا مش ممكن أسمح لأى حد يمس شرفها بكلمة واحده انتى فاهمه

و انتى مش هتفتحى بوقك ولا بكلمة واحده 

روان ٠٠قولتى كل إللى عندك خلاص بقى ممكن تسيبى ايدى 

أروى ٠٠ مش قبل ما توعدينى انك مش هتقولى لحد

( هنا صرخت روان فى أروى لكى تتركها ثم دفعت روان أروى بعيد عنها و هنا انزلقت قدم أروى و وقعت من على السلالم و هنا صرخت روان و هى تجرى عليها أروى عندما رأت الدماء تخرج من خلف رأسها 

#يتبع 

رأيكم

هل سيعرف عمر الحقيقة زواج أروى 

كيف سوف يعرف طارق مكان أروى 

هل سيعرف عمر حقيقة مشاعر زين لأروى

ماذا ستفعل غادة لتفريق عمر عن أروى

تكملة الرواية من هنااااااا