رواية أنا و المغرورة الفصل الثالث عشر 13بقلم أروى عادل جديده وحصريه في مدونة قصر الروايات
رواية أنا و المغرورة الفصل الثالث عشر 13بقلم أروى عادل جديده وحصريه في مدونة قصر الروايات
#رواية_أنا_و_المغرورة
#الكاتبة_أروى_عادل
#الفصل_الثالث٠عشر
حامد. أنى هوريكى الكلب ده هيعمل فيكى ايه
( كان ينظر إليها نظره شهوانيه و هو يقترب منها و هى ترجع للخلف وعندما حاول لمس و جهها صفعتة بالكف على وجهة ثم دفعتوا و خرجت مسرعة من الأسطبل
☆☆☆☆☆☆☆☆☆☆☆☆☆☆☆☆☆☆
-----------فى غرفة جاسر-----

كانت أسيل تجلس و تفكر فيما حدث من حامد كانت أيضآ خائفه من ان يكرر فعلتو مره أخرى وهنا قررت ان تتحدث الى حد
☆☆☆☆☆☆☆☆☆☆☆☆☆☆☆☆☆
----------فى غرفة سميحة----------
أسيل٠ تيته كنت عايزه اتكلم معاكى
سميحة٠ خير يابتى
أسيل٠( بتوتر) فى حاجة حصلت النهاردة .. انا مش عارفه أتصرف ازاى فيها
( كان الكلام يخرج منها بصعوبة)
سميحة٠ خبر ايه يا أسيل جلجتينى ( قلقتينى)
أسيل٠ النهاردة و انا بربط أصيلة فى الأسطبل
( حكت كل ما حدث من حامد لسميحة وهنا صرخت سميحة من الصدمة و قالت)
سميحة٠ يا مرارى يا وجعة سودة عليكى يا سميحة احفادك هيقتلوا بعض .. جوليلى يابتى بالله عليكى انتى جولتى لجوزك حاجة
أسيل٠ لا يا تيته والله انا مقولتش لأى حد جيت اتكلم معاكى الاول
سميحة ٠ اسمعينى يابتى بالله عليكى متجولى لأى حد وأنى هجيبلك حقك لحد عنديكى
أسيل٠ حاضر يا تيتة
سميحة٠ ربنا يخليكى ليا و يحفظك من كل سوء
( هنا قبلت أسيل رأس سميحة و قالت)
أسيل٠ أنا أسفة ان عارفه انى كلامى دايقك بس حضرتك الوحيده فى البيت هنا إللى انا برتاح فى الكلام معاها
سميحة٠ لا يا حبيبتى انتى عملتى عين العجل( العقل) انك جيتى تحكى أمعايا
أسيل٠ طيب عن أذنك يا تيته
☆☆☆☆☆☆☆☆☆☆☆☆☆☆☆☆☆☆☆
---------فى غرفة جاسر-------فى المساء
شادية٠ ستى سميحة بتجولك تعالى اتعشى
أسيل٠ لا انا شبعانه
شادية ٠ بس انتى على فطورك من صباحية ربنا
أسيل٠ قولتلك مش جعانة .. بس أعمليلى كوبية قهوة عقبال ما اخد دش
☆☆☆☆☆☆☆☆☆☆☆☆☆☆☆☆☆
-------فى الصاله -----------
( يجلس على مائدة الطعام عمران و سميرة و سميحة)
عمران٠ مالك ياما سرحانه فى ايه
سميحة٠ مافيش ياولدى
جاسر٠ سلامو عليكم .
سميرة ٠ جاسر حبيبى حمدالله على السلامه
عمران٠ حمدالله على السلامه يا ولدى انت ماجولتش ليه انك جاى
جاسر٠ انا ماكنتش جاى لأن عندى شغل كتير بس اتصلوا عليا فى النيابة بخصوص قضية أسيل لازم تروح بكره النيابة
عمران٠ طيب تسيب شغلك و تيجى ليه كنت اتصلت بيا وانا بعت معاها ولد عمك
جاسر٠ ماينفعش دى بردوا مراتى
عمران٠ مراتك اول مره اسمعك تجولها
سميرة. سيبك من كلام ابوك و تعالى جانبى أكيد انت جعان
جاسر٠ لأ أكلت فى الطريق وانا جاى .. بس عايز انام
( هنا أنتبه جاسر لوجود سميحة التى كانت فى دنيا تانيه )
جاسر ٠ جده . جده .جده
سميحة ٠ أيوه يا ولدى حمدالله على السلامة
جاسر٠ انتى مالك يا جده
عمران . هى على الحالة دى من صباحية ربنا
جاسر ٠ انتى تعبانه
سميحة٠ لاه يا حبيبى أنى بس فكرى مشغول بحاجه أجدة
جاسر٠ ايه يا جده ليكون حب جديد
سميحة ٠ واه يا بوي شوفت ولدك و حديدته
يا عمران
جاسر ٠ سورى يا جده
سميحة ٠ اهو لسانه اتعوج زى مراتو بيجول سورى
جاسر ٠ صح آمال فين أسيل
سميرة ٠ فى أوضتها . انا بعتلها شادية عشان تيجى تتعشا لكنها بتقول شبعانه
جاسر٠ طيب انا داخل ارتاح
سميرة٠ روح يا حبيبى
☆☆☆☆☆☆☆☆☆☆☆☆☆☆☆☆☆☆
------ غرفة جاسر----------
( عندما دخل جاسر الغرفة لم يجد أسيل لكنه سمع صوت فى الحمام وعلم انها بداخل .. وهنا جلس على السرير منتظر خروجها وهو متشوق لرأيتها٠٠ اتسعت عين جاسر عند رأها وهى خارجه من الحمام ترتدى قميص نوم قصير اسود عارى الصدر يظهر جميع مفاتينها و مسكه الفوطة بتجفف شعرها .. و فجأه صرخت أسيل عندما رأت جاسر أمامها.. وهنا ركض جاسر أليها و حط أيده حول خصرها أيده الثانيه على فمها لكتم صراخها وقال)
جاسر٠ اخرسى هتفضحينا انا هشيل ايدى و أوعى تصرخى
( هزت رأسها بأعجاب ثم شال أيده من على فمها لكنه مازال أيده حول خصرها)
أسيل٠ انت قليل الأدب ازاى تدخل عليا و انا كدا
( كان جاسر ينظر إللى جسدها متجاهل كلامها)
أسيل٠( بخجل) انت بتبص فين جاسر
بعد أذنك متبصليش كدا . جاسر عيب على فكره
جاسر٠ تعرفى انك جميلة أوى
(أزدادت خجلآ و أحمر وجهها وهى تنظر على الارض قائله)
أسيل٠ بس بقى
جاسر٠ تعرفى شكلك كده ممكن يجننى
( هنا فلتت منه و أخذت البجامتها من على السرير دخلت الحمام مسرعه و هنا قال جاسر )
جاسر٠ على فكره انا هشيل باب الحمام ده خالص عشان بعد كده ما تلاقيش مكان تهربى منى فيه

(بعد ما خرجت أسيل من الحمام )
أسيل٠ حمدالله على السلامه
جاسر٠ الله يسلمك ..... أسيل كتفك عامل ايه
أسيل٠( بسخريه) ياااه لسه فاكر
جاسر ٠ ان كنت بطمن عليكى من ماما
أسيل٠ غربية مع أنى معايا تليفون و بيقول الو بردوا
جاسر ٠ من غير تريقه مش انتى إللى أهتمامى بيكى مدايقك
أسيل٠ و انت ما صدقت مش كده
جاسر ٠ تعرفى انت بجد محتاجه دكتور مجانين
أسيل٠ يعنى انا مجنونه صح
جاسر٠ بصراحه أه
أسيل ٠ ( هى بتضحك) اوكى .. وانا هوريك الجنان إللى على أصلو بيكون ازاى
( هنا مسكت المخدة لتضرب بها جاسر هو يركض فى الغرفة وهى وراه بالمخدة )
أسيل٠ عشان تقول عليا مجنونه تانى
جاسر٠ خلاص .. خلاص والله انا أسف
أسيل٠ مش هسيبك
( هنا مسك جاسر رجلو وقال)
جاسر٠ أه رجلى
أسيل٠ فى ايه مالها رجلك
جاسر ٠ تعبتنى فجأه
أسيل٠( بحوف) انا أسفة انا إللى خليتك تجرى مش عارفه ازاى نسيت ان رجلك وجعاك .. طيب تعالى أرتاح على السرير
( جلس جاسر و أسيل على السرير هو يضحك على سذاجتها)
أسيل٠ لسه رجلك و جعلك
( وهنا وضع جاسر رأسه على رجل أسيل
و هو يقول )
جاسر ٠( بضحك) كده أحسن
أسيل ٠انت بتضحك على ايه . جاسر انت بتكدب عليا و رجلك مش وجعاك صح
جاسر ٠ بصراحه صح
أسيل٠ جاسر لو سمحت قوم من على رجلى
جاسر ٠ لأ انا مرتاح كدا
( كان جاسر نائم على رجلها و ينظر إليها
و هنا قالت)
أسيل ٠( بخجل) جاسر انت بتبصلى كدا ليه
جاسر٠ تعرفى انك حلوه أوى وانتى مكسوفة و خدودك محمره
( هنا حطت أسيل يديها على عين جاسر من شدة الخجل )

جاسر٠ ممكن تشيلى أيدك عايزه أشوفك
أسيل٠ لأ
جاسر٠ وبعدين بقى ( هنا رن هاتف ) طيب ممكن أشوف مين بيرن عليا
أسيل٠ اشوفلك أنا ( هنا تغيرت ملامح أسيل عندما رأت هواية المتصل )
جاسر٠ مين
أسيل ٠ خد شوف بنفسك
( ثم بعدت رأسه من على رجلها وقالت )
أسيل٠ أنا عايزه انام
( استغرب جاسر من التغير أسيل لكنه عندما رأى أن نرمين هى من تتصل فهم سبب تغير أسيل)
جاسر٠ أسيل ممكن نتكلم شويه
أسيل٠ لا معلش انا عايزه انام دلوقتى
جاسر ٠ تعرفى انا لولا عارفك كويس كنت قولت انك غيرانه
( هنا قامت أسيل كانت متعصبه حين قالت)
أسيل٠ أنا غيرانه انت بتحلم و اغير من مين .. من واحده زى نرمين انت مجنون
جاسر٠ بس انا مقولتش انك غيرانه من نرمين
( شعرت أسيل بأحراج من اندفعها )
( هنا مسكها جاسر من ذراعيها و طبع قبله قوية على خدها ثم قال)

جاسر٠ تصبحى على خير
( وضعت يديها على خدها و مكان القبلة لم تتحرك كأنها مازالت لم بتستوعب ما حدث)
☆☆☆☆☆☆☆☆☆☆☆☆☆☆☆☆☆☆☆
---------فى صباح اليوم التالى-----------

( عندما فتحت عينيها كان جاسر محاوطها بذراعة هى تنظر إليها بأعجاب و عندما بدأ جاسر فى الاستيقاظ أغلقت أسيل عينيها مطصنعة النوم)
( أول ما جاسر فتح عينية رفع ذراعه من على أسيل ثم قال)
جاسر٠ أسيل. أسيل٠ أصحى
أسيل٠ نعم
جاسر٠ قومى فى ميعاد عندك فى النيابة النهاردة
أسيل٠ اه قولتلى عشان كده حضرتك جيت من القاهرة
جاسر٠ ملكة الاعتراض مش وقته خلاص الكلام ده احنا اتأخرنا البسى بسرعة
☆☆☆☆☆☆☆☆☆☆☆☆☆☆☆☆☆☆
--------فى النيابة ---------------
الظابط٠ مدام أسيل طابور العرض المجرمين قدامك فى حد من الخاطفين فيهم
أسيل٠ اه تانى واحد على اليمين و الخامس
الظابط٠ متاكده
أسيل٠ متأكدة
الظابط٠ اكتب يابنى . تم التعرف على المتهمين فى قضية اختطاف أسيل .............. ممكن تمضى
جاسر٠ الموضوع كده خلاص
الظابط٠ممكن تحتاج شهادتها فى المحكمة
جاسر٠ ممكن نمشى و لا فى حاجه تانى
الظابط ٠ لأ اتفضلوا
☆☆☆☆☆☆☆☆☆☆☆☆☆☆☆☆☆
-------فى السيارة-----------
جاسر٠ عايزه تروحى فين
أسيل٠ أنا
جاسر٠ هو فى غيرك هنا . قوليلى تحب تروحى السوق السياحى
أسيل٠ تانى حرمت
جاسر ٠ ماتخفيش المردى انا معاكى
أسيل٠ اوكى
جاسر٠ بس الأول نروح اى مطعم نفطر بصراحه انا جعان اوى
أسيل٠ وانا كمان
( بعد ما تناولوا طعام ذهبوا الى السوق السياحى و بعدين إلى معبد الكرنك كان يوم أكثر من رائع لقد استمتعوا باليوم .حتى جاء المساء فى كافيتريا
☆☆☆☆☆☆☆☆☆☆☆☆☆☆☆
-------كافيتريا-----------
جاسر٠ كان يوم حلوه جدآ انا أستمتعت بصراحه
أسيل٠ وانا كمان
جاسر ٠ تعرفى ان دى أول مره أروح فيها معبد الكرنك
أسيل٠ بتهزر صح
جاسر٠ واللهى بجد .. وانتى دى أول مره مش كده
أسيل٠ لأ تالت مره
جاسر٠ لاء واللهى . جيتى مع مين بقى
أسيل ٠ صحابى و مع ... ( سكتت فجأة عندما تذكرت أنها كانت تأتى مع والديها )
جاسر٠ سكتى ليه . كنتى بتجى مع صديق ولا حبيب
أسيل٠ أنا عمرى ما كان عندى حبيب
جاسر٠ انت عايزه تفهمينى واحده جميله زيك عمرها ما كان عندها حبيب مش معقوله
أسيل٠ دى حقيقه فعلآ
جاسر ٠ يعنى انا أول راجل فى حياتك
أسيل٠ تصدق أه
جاسر٠ مالك بتقوليها و انتى مدايقه
أسيل٠ لا واللهى أبدآ بس كنت حاطه شروط للراجل إللى هرتبط بيه ...اكتشفت دلوقتى انها طارت
جاسر ٠ وايه هى الشروط ست الحسن والجمال فى فارس احلامها.. قوليلى ممكن تكون موجوده فيا
( ضحكت وهى تقول)
أسيل٠ مش ممكن
جاسر ٠لا بجد عندى فضول أعرف
أسيل٠ ان الراجل إللى هيرتبط بيا لازم اكون انا أول
ست فى حياته زى ماهو هيكون أول راجل فى حياتى
جاسر٠ على فكره مش لازم تكونى أول ست فى حياة الراجل إللى هترتبطى بيه .. بس لازم تكونى انتى أخر ست فى حياته
أسيل٠ يمكن يكون كلامك صح . بس انا مؤمنه انا الإنسان بيحب مره واحده فى حياته . يعنى ازاى اكون بحب شخص إديلة كل مشاعرى بعدين أرجع أعيش نفس المشاعر شخص تانى
جاسر٠ يعنى كلامك معناه ان الانسان ماينفعش يحب مره تانى
أسيل٠ طبعآ لأ احنا بمقابل الحب الحقيقة مره واحده فى حياتنا
جاسر٠ لو حب للمره التانيه
أسيل ٠يبقى مابحبش فى المره الأوله
جاسر٠ طيب ايه رأيك انا أعرف واحد بيحب إتنين فى نفس الوقت
أسيل٠ ليه هو قلبه ده شقة للأيجار ..
( ضحكة جاسر على كلامها)
( فجأة و من غير مقدمات سألت أسيل جاسر)
أسيل٠ انت حبيت كام مره فى حياتك .. قصدى اكيد انت حبيت كتير فى حياتك
( شعرت أسيل بأحراج من طرح هذا السؤال بينما ضحكه جاسر بخبث على سؤالها )
جاسر ٠ ولا مره
أسيل٠ هتكدب من أولها
جاسر ٠ لا و اللهى بتكلم بجد
أسيل٠ و نرمين
جاسر٠ انا عمرى ما حبيت نرمين
أسيل٠ يا سلام انتو كنتوا مخطوبين
جاسر٠ اختيارى لنرمين كان بالعقل و شوفتها هتكون زوجه مناسبة ليا من كل النواحى عشان كده قررت ارتبط بيها
أسيل٠ طيب و الاتصالات إللى بينكم
جاسر٠ لأننا أصدقاء انا اعرف نرمين من و انا عندى ١٨ سنه يعنى من ١٠ سنين و انا بعتز بيها كصديقة
أسيل٠ صديقة بس
جاسر ٠ صديقه وبس .. اي استجواب تانى
أسيل٠( بأحراج) استجواب ايه انا سألت سؤال عادى
جاسر ٠ ( بخبث) انا عارف انه عادى .طيب يلا نمشى
أسيل٠ اوكى
☆☆☆☆☆☆☆☆☆☆☆☆☆☆☆☆☆☆☆☆
----------فى عزبة المطيرى----------
( انتهازت سميحة فرصة عدم و جود عمران و جاسر فى المنزل و ذهاب سميره للنوم و حكت سميحة لنعمات ما فعلوا حامد مع أسيل )
نعمات٠ دى كدابه ولدى مايعملش أكده دى بتفترى عليه
سميحة٠ وطى حسك( صوتك) أنى ما عايزاش فضايح
نعمات٠ كأنك مصدقة الحديد ده عاد
سميحة٠ البنيه هتكدب ليه
نعمات٠ واضح جوى انها بتعمل أجدة عشان تعمل مشكلة و ترجع على مصر .. لكن لأ أنى مش هسيبها ترمى بلاها على ولدى
سميحة ٠ جولتلك وطى حسك
نعمات٠ لا ياما انى مش هسكت لما اشوف المصراوية رايده ايه من ولدى
☆☆☆☆☆☆☆☆☆☆☆☆☆☆☆☆☆
-
---------فى السيارة --------فى نفس الوقت عند أسيل و جاسر
جاسر٠ خلاص وصلنا
أسيل٠ جاسر انا كنت عايزه أنزل القاهرة جدو وحشنى أوى
جاسر ٠ تحبى تنزل معايا بكره
أسيل٠ ياريت و ماتخفش أنا مش هدايقك فى حاجه انا هقعد عند جدو و انت راجع الأقصر تانى تيجى تاخدنى من عند جدو
و ارجع معاك
جاسر٠( بسخرية) ياسلام على أفكارك .. لو سمحتى بلاش تفكرى تانى .
أسيل٠ أنا بس مش عايز اشغلك بيا
جاسر ٠ انا كده كده كنت هخدك معايا القاهرة بس كنت مستنى لم أوضب الشقه الاول
أسيل٠ أحلف بالله
جاسر ٠(بضحك) بالله ملكة الاعتراض ممكن تنزلى بقى احنا وصلنا
أسيل ٠ انت مش نازل
جاسر ٠ لأ رايح اشوف هشام و مش هنتأخر
☆☆☆☆☆☆☆☆☆☆☆☆☆☆☆☆☆☆
----داخل المنزل-------عند نعمات و سميحة
نعمات٠ جولتلك انى مش هسكت
( و هنا دخلت أسيل .ركضت نعمات على أسيل أول ما شوفتها ومسكت ايدها و قالت بصوت عالى )
نعمات٠ تعالى أهنه يا وش المصايب
أسيل٠ فى ايه يا ست انتى سيبى ايدى
نعمات ٠ أنى خابراكى زين و خابر انتى عايزه اى من ولدى
أسيل٠ ابعدى ايدك عنى .. أبنك ده أنا كان ممكن أوديه فى ستين داهيه . احمدى ربنا انى لحد دلوقتى ساكته و ماتكلمتش
( وهنا جائت سميرة و سعاد على الصوت )
سعاد٠ فى ايه ياما
سميرة ٠ فى ايه صوتكم عالى ليه
سميحة ٠( بخوف) يا مرارى وطى حسكم لحد يسمعنا .. ربنا يشندل حالك يا نعمات
أسيل٠ عشان خاطرك انتى بس يا تيته انا مش هتكلم و هدخل أوضتى كمان
نعمات٠ واه تعالى أهنه انى مش هسيبك غير لما تجولى الحج أنك انتى بتفترى على حامد أن كل ده ملعوب منيكى
سميرة٠ تقصدى ايه بكلامك يا نعمات
نعمات٠ مرات ولدك بتجول انى حامد ابنى اتحرش بيها
سميرة ٠ يا نهار أسود لأ مش ممكن
نعمات٠ شوفتى انتى كمان مش مصدقه دى بت كداب وشها مكشوف و قليلة الربايه( التربيه) كمان
أسيل٠ لأ انتى ست قليلة الأدب و شكلك مابتفهميش بالذوق . اذا كنتى فاكره ان سكوتى ضعف منى تبقى ست هبلة انا لحد دلوقتي محترمه الموجودين. لكن اقسم بالله لو
( قطعتها نعمات)
نعمات٠ ايه هتضربنى
أسيل٠ اه
سعاد ٠ انتى اتجننتى تضربى مين ده انا إللى هسمح بيكى الأرض
( هنا حاولت سعاد تضرب أسيل لكن أسيل لويت ذراعها للخلف صرخت سعاد من الألم )
(و هنا جاء صوت جاسر و هو يقول)
جاسر٠ أسيل انتى بتعملى ايه
#يتبع
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق
فضلا اترك تعليق من هنا