رواية الضحية الفصل الخامس عشر والسادس عشر 15-16بقلم الكاتبة أروى عادل (جديده وحصريه وكامله)

 رواية الضحية الفصل الخامس عشر والسادس عشر 15-16بقلم الكاتبة أروى عادل (جديده وحصريه وكامله)

رواية الضحية الفصل الخامس عشر والسادس عشر 15-16بقلم الكاتبة أروى عادل (جديده وحصريه وكامله)

#رواية_الضحية 

#الكاتبة_أروى_عادل

#الفصل_الخامس٠عشر 

و هنا صرخت روان فى أروى لكى تتركها ثم دفعت روان أروى بعيد عنها و هنا انزلقت قدم أروى و وقعت من على السلالم كانت روان تصرخ و هى تركض اتجاه أروى  عندما رأت الدماء تخرج من خلف رأسها و لقد خرج كل سكان العماره على صوت صراخ روان أول من وصل إليهم كان عمر الذى نظره إلى أروى بذهول و هلع هو بيحاول يضغط بيديه على الجرح لوقف  الدماء  هنا خلعت ليلى حجابها لكى يقوم عمر بربط الجرح لوقف النزيف  بحجابها .. ثوانى و على صوت صراخ أشجان و أسراء عندما شاهدوا حالة أروى الغائبه عن الوعى هنا حملها عمر توجه  بها  إلى السيارة ثم ذهب بها الى اقرب مشفى دون أنتظار أى أحد .. مما جعل غادة مثل البركان على وشك الانفجار . عندما رأت خوف ورعب عمر على أروى

أما روان كانت فى حالة هلع و صدمة وبكاء بهستريا وهى تقول و تكرر كلماتها

روان ٠٠ والله ماكنش قصدى . و الله ماكنش قصدى 

( ثم ذهبوا جميعآ خلف عمر فى المستشفى)

☆☆☆☆☆☆☆☆☆☆☆☆☆☆☆☆☆☆

فى إحدى المستشفيات أستثمارى الخاصه

----------------------------------------

دخل عمر المستشفى وهو يحمل أروى و يصرخ فى الجميع لكى يقوموا بأسعاف أروى 

وهنا جاء المسعفون بالترولى لنقلها إلى إحدى الغرف فى المستشفى لفحصها

مره نصف ساعة و مازال أروى فى غرفة الفحص

هنا وصلوا معظم سكان العماره  للمستشفى للأطمئنان على صحة أورى 

أما عائلة أروى كانوا فى حالة هلع و خوف هنا قالت أشجان بصوت مخنوق من كثرة البكاء

أشجان ٠٠ عمر فين بنتى . هى فين هو انت مش بترد عليا ليه

ليلى ٠٠ اهدى يا أشجان مش كده 

أشجان ٠٠ طيب يطمنى بس و قولى مالها بنتى

عمر٠٠ لسه الدكتور معاها جوه 

محمود ٠٠ طيب همآ أتأخروا جوه كده ليه

( كان عمر يقول و هو  بيطمن نفسه )

عمر ٠٠ ان شاء الله خير .. ان شاء الله خير .. اكيد هى كويسه . ان شاء الله هتكون كويسة

هنا خرج الدكتور و  أسرعوا جميعآ إليه ليعرفوا كيف هى حالة أروى

عندها قال محمود 

عمر ٠٠ هى عامله ايه يا دكتور

دكتور٠٠ احنا قدرنا نوقف النزيف.. والحالة مستقرة حاليآ 

محمود ٠٠ طيب يا دكتور هو ايه إللى حصل

الدكتور ٠٠ واضح انها اتعرضت لضربه قويه على  دماغها عملت لها أرتجاج فى المخ و بعد الكدمات فى جسمها ٠٠ بس فى الضلعين متحركين من مكانهم 

أسراء٠٠ يعنى فى حاجة خطيرة على حياتها

الدكتور٠٠ لا مافيش خطر على حياتها ده لأنكم جبتوها بسرعة قبل ما تفقد كميه دم كبيره  ساعتها كان ممكن يكون فى خطر على حياتها

أشجان ٠٠ أنا عايزه أشوفها يا دكتور

دكتور ٠٠ هى لسه غايبه عن الوعى

عمر٠٠ ليه هى مش المفروض تكون فاقت

الدكتور ٠٠ الضربة أو  الخبطة فى الرأس ممكن ساعتها المريض بفقد الوعى لبعض الوقت 

عمر ٠٠( بخوف) تقصد انها فى غيبوبه

الدكتور ٠٠ مش بالظبط بس اظن انها ممكن تفضل كام يوم غايبة عن الوعى 

محمود ٠٠ يعنى ايه الكلام ده يعنى بنتى دخلت فى غيبوبة 

( هنا سقطت أشجان على الأرض مغشى عليها مما زاد الطين بله )

☆☆☆☆☆☆☆☆☆☆☆☆☆☆☆☆☆☆

بعد أسبوع  فى المستشفى

فى إحدى الغرف 

مازالت أروى على حالتها غائبة عن الوعى  

تجلس أشجان تقرأ القرآن الكريم بالقرب من أروى 

كما تجلس بجوارها ابنتيها أسراء و أنجى و معاهم

روان التى مازالت فى حاله لا يرثى لها 

هنا قالت أشجان

أشجان ٠٠ يلا قومى روحى يا أسراء لولادك 

أسراء ٠٠ حاضر يا ماما انا هروح بس عشان أياد تعبان . بس هاجى بكره

أشجان ٠٠ هو لسه تعبان .. الدكتور قال ايه

أسراء ٠٠ الدكتور قال لازم نستعجل فى عمل العملية

أنجى ٠٠ بس مش لسه صغير على عملية فى القلب

أسراء ٠٠ آه بس هنعمل ايه دى حكمت ربنا 

أشجان ٠٠ طيب خليكى مع ابنك ماتجيش المستشفى تانى و انا لو فى حاجة هتصل بيكى ..  وانتى كمان يا أنجى يلا قومى روحى كمان عشان إللى ببطنك شكلك تعبانه

أنجى ٠٠  أنا زين هيجى ياخدنى بعد شويه

( غادرة أسراء وبعد نصف ساعة جاء زين و غادة )

زين ٠٠ ايه الأخبار 

أنجى ٠٠ لسه زى ماهى 

غادة ٠٠ طيب الدكتور قال ايه

أنجى ٠٠ الدكتور مش عارف ايه السبب إللى مخليها لسه فى غيبوبة بيقول ممكن تكون حالة نفسيه

زين٠٠ طيب انزل أجيب عشا ليكم قبل ما أمشى 

أشجان ٠٠ لا يا حبيبي عمر نزل يجيب من شويه

غادة ٠٠ أيه ده هو عمر كان هنا

أشجان ٠٠ والله يا بنتى من يوم الحادثه هو ماسبناش ربنا يبارك فيه ويحميه

زين ٠٠ هو بردوا اللى دفع حساب المستشفى انا روحت الحسابات عرفت ان عمر دفع حساب المستشفى 

أشجان ٠٠ والله ما أعرف... ابقى أسألو

زين ٠٠  ياريت تعرفى هو دفع كام  عشان ادفعله المبلغ اللى دفعو

( هنا اتكلمت روان وقالت)

روان ٠٠ انت عامل فرق بينا 

زين ٠٠ ده أصول و عمر مش مسؤول يدفع مصاريف مستشفى لأروى 

روان ٠٠ متهيألى انت مكبر الموضوع . على عموم مش وقت الكلام ده 

أشجان ٠٠ عندك حق  مش وقت الكلام ده

روان ٠٠ طيب يلا يا طنط أشجان روحى معاهم. انا اللى هبات مع أروى النهاردة

أشجان ٠٠ لأ  انا مش .....

( قطعت عبارتها روان وقالت)

روان٠٠ اسمعينى يا طنط انتى تعبان و ضغطك عالى لازم ترتاحى كمان عمى محمود تعبان لازم تبقى جانب على أقل فترة الليل 

أنجى ٠٠ روان عندها حق يا ماما.. كمان وجودك فى المستشفى مش هيقدم ولا يأخر  كده كده أروى مش حاسه بحاجة

أشجان ٠٠ حاضر .. بس اسمعى يا روان خلى التليفون جانبك عشان اطمن عليها كل شوية 

( ثم غادروا و كانت غادة شدة غضبها  )

بعد نصف ساعة جاء حسام عمر وقال)

عمر٠٠ هى عامله ايه دلوقتى

روان ٠٠ ما انت كنت هنا من ساعة و عارف حالتها زى ما هى ما بتتغيرش

عمر٠٠ مش عايز تشاؤم بالله عليكى

حسام ٠٠ ان شاء هتقوم منها 

روان ٠٠ ازاى و الدكاترة نفسهم مش عارفين ليه هى مافقتش من الغيبوبة لحاد دلوقتى 

حسام ٠٠ يمكن يكون زى ما الدكتور قال انها حالة نفسيه

عمر٠٠ انا اتصلت بالدكتوره النفسيه بتاعتها و قولتلها على حالتها

روان ٠٠ انا السبب فى إللى هى فيه . بس انا ماكنتش أقصد انها تقع من على السلالم

عمر ٠٠ روان هو ايه إللى حصل يومها.. و ليه اتخنقتى مع أروى 

( هنا سكتت روان ثم قالت كاذبه)

روان٠٠ اتخنقنا على موضوع تافه بس هى رجلها اتزحلقت على السلم و وقعت

حسام ٠٠ ده قضاء و ربنا  ان شاء الله هتقوم منها بسلامة  

عمر ٠٠ ان شاء الله .. 

( نظر عمر إلى حسام وهنا فهم حسام ان عمر يريد أن يبقى مع أروى لوحدهم لذلك قال حسام )

حسام ٠٠ روان تعالى نشرب حاجه تحت فى كافيتريا المستشفى 

روان ٠٠ ماشى يلا بينا

( غادر حسام مع روان).

وهنا مسك عمر يد أروى ثم قبلها وقال

عمر ٠٠ أيه ناويه تفضلى على حالة دى كتير .. أروى بالله عليكى كفاية كده .. كده تمام أوى . أصحى بقى  

لو كان ده عقابك ليا فأنا بقولك خلاص انا مش قادر استحمل أرحمينى بقى . وهنا فرت دمعة هاربة من عينية تعلن عصيانها لقوته المزيفه 

☆☆☆☆☆☆☆☆☆☆☆☆☆☆☆☆☆☆☆

فى منزل عائلة غادة فى نفس الوقت

فى غرفة غادة

غادة تتجول فى غرفتها ذهابآ و أيابآ بعصبيه و غضب و تقوم برمى بعض الأشياء على الأرض وهى تصرخ وتقول

غادة ٠٠ حتى و انتى شبه ميته بردو مش عارفه

ابعد عمر عنك . انا بكرهك يا أروى  بكرهك

بعد تفكير قررت غادة الإتصال بطارق

( بداية المكالمة)

غادة ٠٠ الو طارق بيه

طارق ٠٠ مهندسه غادة لو سمحتى لو فى حاجة فى ديكور الفيلا بلاش نتكلم فيها دلوقتى لانى...

( قطعت عبارته وقالت)

غادة ٠٠ بس مش ده الموضوع إللى انا اتصلت على حضرتك بسببو.. انا اتصلت بخصوص  أروى

طارق ٠٠  و الله لسه انا معرفتش هى فين

غادة ٠٠ بس انا عارفه هى فين

( رد طارق بالهفا  )

طارق ٠٠ انتى بتتكلمى بجد .. طيب هى فين . 

غادة٠٠ قبل ما أقولك لازم توعدنى ان محدتش يعرف ان انا إللى قولتلك على مكانها

طارق ٠٠ مش فاهم ليه 

غادة ٠٠ حضرتك عارف ان عائلة أروى جيرانى لو عرفوا انى قولتلك مكانها هيزعلوا منى.. انا لولا حضرتك صعبت عليا وانت بدور عليها انا ماكنتش قولتلك على حاجة

طارق ٠٠ تمام .. بس افهم من كلامك انها عند أهلها

غادة ٠٠ لأ هى فى مستشفى 

طارق٠٠ ( بخوف) ليه هى مالها  ..

غادة ٠٠ هى وقعت من على السلالم تقريبآ دخلت فى غيبوبة 

طارق ٠٠ (بصراخ) ازاى حصل ده . أكيد أبوها عمل فيها حاجة

( هنا قالت كاذبة)

غادة ٠٠والله احنا سمعنا صوت زعيق لم طلعنا على الصوت لقينها وقعه على السلم .. بس منعرفش حصل ايه .

طارق ٠٠ أبعتيلى عنوان المستشفى حالآ

غادة ٠٠ حاضر هقفل و ابعتلك عنوان

( إنتهت المكالمة )

----------------

بعد ما إنتهتالمكالمة  قالت غادة بخبث

غاده٠٠ماشى يا عمر لما نشوف أزاى دلوقتى هتفضل جانبها فى المستشفى و جوزها موجود .. ولسه كمان لما طارق يعرف انك انت إللى وديتها المستشفى .

و كمان انتى إللى دفعت حساب المستشفى.  ورينى بقى أزاى هتكمل شغل مع طارق بعد كده

☆☆☆☆☆☆☆☆☆☆☆☆☆☆☆☆☆☆☆

فى المستشفى  داخل غرفة أروى

مازال عمر يجلس بجوار أروى عندما دخل حسام و روان مسرعان

عمر .. فى ايه بتجروا ليه كده

حسام ٠٠ يلا بسرعة من هنا طارق جاى

عمر ٠٠ طارق و عرف منين ان أروى هنا

حسام ٠٠ يلا أطلع من هنا بعد كده نبقى نعرف عرف من فين

عمر ٠٠ طيب روان خليكى جانبها مهما حصل اوعى تسيبها 

روان ٠٠ حاضر بس روح انت

( ثوانى بين خروج عمر و دخول طارق الغرفة )

عندما دخل طارق و رأى أروى بهذه الحالة ركض إليها و حاول هزها بقوة على أمل منه انها سوفه تستيقظ من غيبوبتها بعد هزها .. هنا أسرعت إليه روان و دفعتوا بعيد عن أروى وهى تقول

روان ٠٠ ابعد عنها متلمسهاش  

طارق ٠٠ انتى أزاى تمنعينى المسها 

روان ٠٠ أنت بتأذيها كده هى عندها أرتجاج فى المخ و انت بتهزها كده ايه عايز تموتها   

طارق ٠٠ أنا أموتها انتى بتقولى إيه.. انتى مجنونه 

روان ٠٠ أيه مستغرب من كلامى  ليه طب ما انتى موتها من زمان يوم ما حكمت عليها تتجوزك  غصب عنها

طارق ٠٠ طيب كويس ده معناه انكم رجعتوا تتكلموا مع بعض تانى لدرجة انها تحكيلك عن أسرار بيتها

روان ٠٠ انت بتسمى البيت  إللى عايشة فيه بالأجبار  ده بيتها

طارق ٠٠ والله كان نفسى اقعد معاكى اكتر من كده وافهمك موضوع انه بيتها أو مش بيتها بس للأسف دلوقتى انا عايز اقعد مع مراتى لوحدينا ممكن تتفضلى من هنا

روان ٠٠ وانا مستحيل أسيبها و خصوصآ و هى فى الحالة دى

طارق ٠٠ اسمعى يابت انتى  انا مش فايق للعب العيال ده  أتفضلى اطلعى بره

روان ٠٠قولتلك انا مش هسيبها غير لما تيجى

طنط أشجان  و عمى محمود  ده اخر كلام عندى

( استسلم طارق لعناد روان  . لا يريد أن يفتعل مشكلة و أروى بهذه الحالة 

☆☆☆☆☆☆☆☆☆☆☆☆☆☆☆☆☆☆

أما عمر ظل فى سيارة أمام المستشفى  .. و كان على تواصل مع روان ليعرف ماذا حدث مع طارق

وهنا قال عمر

--

عمر ٠٠ أنا هتجنن هو عرف منين انها هنا فى المستشفى 

حسام ٠٠ فعلا الموضوع غريبه

عمر٠٠ قولى مين يعرف ان إللى حصل مع أروى 

حسام ٠٠بعد الحادثه أكيد سكان العماره كلهم  

عمر ٠٠ طيب مين فيهم لى علاقه بطارق

حسام ٠٠ بحكم الشغل انت و أنا و غادة

عمر ٠٠ اكيد مش انا إللى هروح أقول لطارق 

مكان أروى ولا انت  يبقى مين

حسام ٠٠ غادة

عمر ٠٠ مافيش غيرها إللى ممكن تعمل كده.. بس أتأكد أقسم بالله ما يرحمها

------------

فى صباح اليوم التالى فى السيارة

حسام ٠٠ طيب انت راجل مجنون انا مالى  .تخلينى انام  فى العربية ده انا معملتهاش  وانا مراهق 

عمر٠٠ خلاص بقى متوجعش دماغى ما انا قولتلك من امبارح روح و سيبنى

حسام ٠٠ بصراحة  خوفت تعمل أي حركة مجنونة مع طارق 

عمر ٠٠ يعنى انا لو عايزه أعمل حاجة انت هتمنعنى 

هنا اتصلت روان

(بداية المكالمة)

روان ٠٠( بقلق) انت فين يا عمر

عمر ٠٠ أنا قدام المستشفى فى حاجة

روان ٠٠ فى مشكلة .. طارق مصمم ياخد أروى من المستشفى و عمى محمود و طنط أشجان بيزعقوا معاه

عمر ٠٠ أنا جاى 

(إنتهت المكالمة)

( نزل عمر من السيارة توجه مسرعآ داخل المستشفى

#يتبع 

رأيكم

هل سيعلم عمر ان غادة هى من قالت لطارق مكان أروى

هل سيعلم طارق بعلاقه عمر و أروى

هل ستخبر روان عمر بالحقيقة

هل تستيقظ أروى من الغيبوبة

#رواية_الضحية 

#الكاتبة_أروى_عادل

#الفصل_السادس٠عشر

نزل عمر مسرعآ من السيارة و توجه إلى داخل المستشفى و هنا لحق بيه حسام و قال

حسام  ٠٠ استنا هنا انت رايحه فين

عمر ٠٠ أنا مش هسيبه ياخدها من المستشفى  

حسام ٠٠ فى النهاية هو جوزها ده حقه أنما انت هتتكلم بصفتك ايه

 عمر ٠٠ انت عايزنى اسيبها ليه

حسام ٠٠  طبعآ لأ بس لازم تهدى تمسك أعصابك عشان تعرف تتصرف بالعقل

عمر ٠٠ هحاول 

(  عندما وصل عمر و حسام أمام غرفة التى بها أروى 

كان صوت شيجار محمود مع طارق عالى  تدخل رجال الأمن المستشفى لفض الاشتباك بينهم)

طارق ٠٠ أنا هوديكم فى ستين داهية انا متأكد ان انتم إللى عملتوا فيها كده

محمود ٠٠ احترم نفسك و اتكلم بأدب ده لو كنت تعرف حاجة عن الأدب 

رجل الأمن ٠٠ لو سمحتوا واطى صوتكم احنا هنا فى مستشفى ماينفعش إللى بتعملوا ده

طارق ٠٠ أنا قولت هاخد مراتى من هنا ماحدش يقدر يمنعنى

أشجان٠٠ تاخدها ازاى و هى بالحالة انت عايز تموتها 

طارق٠٠ انا بردوا  إللى عايز أموتها لا انتو  إللى كنتم عايزين تقتلوها 

محمود ٠٠ انت مجنون احنا هنقتل بنتنا

روان ٠٠ كفايه فضايح بقى المستشفى كلها بتتفرج علينا

طارق ٠٠ انتى تخرسى خالص انتى كمان

هنا جاءه صوت عمر هو يقول 

عمر٠٠ ( بصراخ) طارق الزم حدودك وانت بتكلم أختى

طارق ٠٠  عمر هى دى أختك .اه صح  دى اختك بس ده معناه انك كنت  تعرف  ان  أروى فى المستشفى  مقولتش ليا

عمر٠٠ هو المفروض  انا إللى اقول ليك مراتك فين

طارق ٠٠ عندك حق  بس فى حاجة كنت عايزه أعرفها انت بتعمل ايه هنا

حسام ٠٠ روان هى إللى اتصلت علينا  قالت فى مشكلة و احنا جينا نشوف فى ايه

محمود ٠٠ عمر انت تعرف البنى آدم ده من فين

عمر ٠٠ فى بينا شغل يا عمى محمود 

أشجان ٠٠ انت يا عمر تشتغل مع ده .. ده هو اللى كان السبب فى تدمير .....

( هنا قطع  عبارتها  حسام وقال )

حسام ٠٠ ممكن نتكلم بهدوء عشان نوصل لحل

طارق ٠٠ مافيش حل غير أنى أخد أروى من هنا. وانا هوديها لأحسن دكاترة أو أسافرها برةمصر

عمر ٠٠ بس أروى مش هتسيب المستشفى و هى بالحالة دى ده كلام الدكاترة مش كلامى 

طارق ٠٠ وانت بتتكلم بصفتك ايه ممكن تفهمنى 

( من غير ما تشعر ماذا فعلت قالت أشجان)

أشجان ٠٠ عمر ابن بنت عمى يعنى انا خالته و أروى بنت خالته يعنى من حقه يتدخل   

طارق ٠٠بنت خالته . يعنى ايه .. عمر انت قولتلى.انك انت و أروى متعرفوش بعض.. بس طلعتوا  تعرفوا بعض كويس ده انتو كمان قرايب 

عمر ٠٠ ده هيفرق معاك فى حاجة

طارق٠٠ اكيد على أقل أعرف انت و أروى  كدبتوا عليا ليه قولتوا انكم متعرفوش بعض 

عمر٠٠ بس انا مكدبتش أروى إللى انا كنت أعرفها كانت بنت الصغيره على أد حالها عايشه حياة بسيطه

لكن أروى هانم  مرات طارق بيه  إللى عايشه حياة الرفاهية و العز دى انا معرفهاش

طارق٠٠ بس انا مش مقتنع بردك 

عمر٠٠ براحتك انت حر تقتنع او متقتنعش براحتك

( هنا شعرت أشجان انها قالت  شئ ما كان يجب أن تنطق به عن معرفة عمر بأروى لذلك قالت لتنهى هذا الجدال)

أشجان ٠٠  انا مش فاهمة بنتى فى الحالة دى و انت بتفكر انها كنت تعرف عمر او لاء .. هو هيفرق بأيه ان كانت تعرفوا او  متعرفهوش و هى بالحالة دى 

روان ٠٠ عندك حق يا طنط أشجان 

( هنا جاءت إحدى الممريضات وقالت)

الممريضه ٠٠ المريضة إللى تابعكم بدأت تفوق

( بدؤوا جميعآ يركضون اتجاه غرفة التى بها أروى لكن الدكتور منعهم من الدخول ليفحص الحالة الاول بعد فحص أروى سمح الدكتور لهم بدخول على أن

لا يرهقوها)

داخل الغرفة 

عدة بضع لحظات حتى استوعبت أروى  ما حدث معاها و أين هى الآن لكن الذى لم تستوعب وجود عمر وطارق معآ و هنا ..لذلك قالت

أروى ٠٠ هو ايه إللى حصل

أشجان ٠٠ ( ببكاء) حمدالله على سلامتك يا حبيبتى

( ثم حضنت أشجان أبنتها و هى تقبلها على جبهتها

أم محمود اكتفى فقط بأبتسامة لأبنته وهى يقول

محمود ٠٠ الحمدالله  انك قومتى بالسلامة

أما روان اقتربت من أروى  و قبلتها من خديها و قالت بصوت واطى لا يسمعوا الا أروى 

رولان ٠٠ متخافيش . انا مقولتش لعمر حاجة أوعدك   ان سرك  فى بير متخافيش

حسام ٠٠ حمدالله على السلامه يا أروى.. 

أروى  ٠٠ الله يسلمك

( عمر كان ينظر لأروى بألم وهو يقف فى ركن أخر الغرفة وهو لا يستطيع يقترب منها أو حتى يسندها فى تعبها لانه ليس من حقه أن يكون بجوار حبيبته لذلك شعر عمر بعجز  و القهر . وهنا قرر عمر الأنسحاب بهدوء عندما أيقن انه لم يعد له مكان فى هذه الغرفة لذلك خرج  دون ملاحظة أحدى غير أروى التى

شعرت بحزن و الأسى وهى تتطلع أليه و تشعر بما يشعر بيه عمر.. 

ثم قالت لنفسها هذا ما توصلت إليه الايام أنه هو الراجل القرب إلى قلبى  يقف بعيد عنى لا يستطيع الأقتراب منى مثل أى غريب...أم طارق الراجل الذى أبغضو و اكره اقترابه منى . يقف بقرب منها كأنه أقرب الأقربون )

حسام ٠٠ طيب نستأذن احنا 

( ثم غادر هو روان  و كان عمر  ينتظرهم أمام  السيارة وهو يشعر بضيق فى صدره  )

عمر ٠٠ حسام خد المفتاح سوق انت

فى السيارة 

حسام ٠٠ عمر انت كويس

عمر ٠٠ مش عارف بس حاسس انى مخنوق

حسام ٠٠ أنا عارف ان الموضوع  صعب 

عمر ٠٠  أنا تعبت  وبفكر أسافر تانى

روان ٠٠ و هتسيب أروى  لوحدها 

عمر٠٠ هو انا معاها أصلآ عشان أسيبها

حسام ٠٠ بس السفر مش حل

عمر ٠٠ ( بعصبية ) طيب قولى ايه الحل 

أو انا بأيدى ايه اعملو . انا لأول مر احس أنى عاجز انى ماليش لازم فى حياة أروى.. يمكن لما أبعد اقدر انسى

حسام ٠٠ طيب ما انت كنت مسافر و بعيد قولى قدرت تنساها 

عمر٠٠ على الأقل ماكنتش شايفها قدامى وهى معاه..الله يسامحك يا أروى انتى إللى عملتى فينا كده

روان ٠٠ ماتظلمهاش ياعمر  ماحدش عارف ظروفها ايه 

عمر ٠٠ ماهى ده إللى انا عايز أعرفوا ظروفها كانت ايه لما وافقت على طارق . انا حاسس انه في حاجة انا مش عارفها و متأكد من كده بس ايه هى الحاجة دى... انا مش منجم ولا ساحر عشان اعرف لوحدى  هى فيها ايه 

وهى  كمان مش راضيه تقولى على حاجة 

( شعرت روان بذنب انها تعرف الحقيقة لكنها لا تستطيع أن تبوح بالسر أروى لعمر ألتزام بوعدها لصديقتها )

☆☆☆☆☆☆☆☆☆☆☆☆☆☆☆☆☆☆☆☆

فى مكتب شركة  الصاوى الهندسة المعمارية 

بعد ما وصل عمر روان المنزل ذهب إللى الشركة الهندسة

فى المكتب

حسام ٠٠ عمر انت مانمتش طول الليل كان المفروض تروح تنام

عمر ٠٠ لأ عادى انا متعود على كده

( هنا دخل زين هو يحمل ظرف و يقول)

زين ٠٠ اتفضل يا عمر

عمر ٠٠ أيه الظرف ده

زين ٠٠ دى الفلوسك إللى  انت دفعتها لحساب المستشفى 

عمر٠٠ يعنى ايه.. انت جايبهم  ليا ليه

زين ٠٠ انت مش ملزم تتدفع مصاريف علاج أروى ده حقق اتفضل

عمر ٠٠ وانت إللى ملزم تتدفع مصاريف علاجها

زين ٠٠ آه دى اخت مراتى ده واجبى

حسام٠٠ ايه الكلام ده يا زين انت كده بتعمل فرق بينا

عمر ٠٠ استنا انت يا حسام دلوقتي.. يعنى انت يا زين بقيت أقرب لأروى منى انا ..

زين ٠٠ دى الحقيقة انت  لازم تتقبلها . 

عمر٠٠ حقيقة ايه إللى بتتكلم عنها دى .. انت جاى تقولى انا  الكلام ده

زين٠٠ افهم يا عمر أروى ست متجوزه وانت مش ملزم بأى شئ أتجاها 

عمر٠٠ لما هى ست متجوزه و انت عارف الأصول كويس أوى كده .. بيقى ليه تسدد انت مصاريف المستشفى مش المفروض يكون جوزها إللى يسددها

زين ٠٠ و جوزها مش موجود دلوقتى 

عمر ٠٠ معلومات قديمة جوزها معاها فى المستشفى 

( شعر زين بخنقه من كلام عمر عن طارق لكنه سيطرة على نفسه عندما قال)

زين ٠٠ طيب كويس ان جوزها معاها نقدر دلوقتى  نفوق لشغلنا المتعطل بسبب الست أروى 

عمر٠٠ (صرخ بعصبية) زين انا لحد دلوقتى مش عايز  اتعصب عليك لأنى لو اتعصبت هتزعل منى أوى وانت عارف 

زين٠٠ هو فعلآ الحق بيزعل الايام دى

عمر ٠٠ حق ايه إللى انت بتتكلم عليه  ده

زين ٠٠ انت من يوم ما رجعت من السفر وانت بتجرى وراه أروى الهانم  شويه بسبب الفيلا بتاعت جوزها و شويه فى المستشفى 

و أهملت  شغلك اللى انت بقيت مستهتر بيه 

و انا شايل حمل مسؤوليه الشركة كلها فوق كتافى 

حسام ٠٠ زين  جرالك ايه .. وايه إللى بتقول ده عمر عمروا ما كان مستهتر فى شغلوا 

عمر٠٠ زين لازم تعرف ان الشركة دى انا اللى عملتها بتعبى و شقايا و غربت سنين و أسمى اللى انا حفرت فى الصخر عشان أعمله لنفسى.. لازم تعرف كمان ان اي حد بيجى الشركة دى بيجى عشان أسم  و سمعة 

عمر الصاوى 

زين٠٠ تقصد ايه بكلام يعنى احنا مالناش لازمه فى الشركة وحضرتك الكل فى الكل

عمر ٠٠ أنا ماقولتش كده بس لو انت عايز تفهم كده افهم انا معنديش مانع

حسام٠٠ فى ايه يا جماعة انتو هتتخنقوا

زين ٠٠ يعنى انت شايف كلام صاحبك

حسام ٠٠ زين انت إللى بدأت  بعدين كلنا عارفين عمر عمل ايه عشان الشركة دى تقف على رجليها  

زين ٠٠ ( بعصبية) طبيعى انت تدافع عنه طول عمركم وانتو الاتنين بطبلوا لبعض  

عمر٠٠ ( بصراخ ) زين انت عايز ايه من الاخر 

( رد زين من دون وعى او تفكير و بسرعة وقال)

زين٠٠ تبعد عن أروى 

( أستغرب عمر و حسام من رد زين 

أما زين لعنه زلة لسانة الذى كشفت ما بداخله

دون وعى لذلك قال )

زين ٠٠ عمر انا خايف عليك منها أروى مش ساهله

عمر ٠٠ زين ياريت تجى معايا سكه و دوغرى  

و تكلمنى راجل لراجل بلاش شغل لف و دوران ده. وتقول بصراحه كده ايه إللى فى دماغك

زين ٠٠ تمام بصراحة كده روحتك كل يوم المستشفى و أهتمامك الزايد  بأروى و خوفك عليها ماينفعش 

مهما كان دى ست متجوزه فى عصمت راجل ..كمان اوعى تنسى انك خاطب أختى

عمر ٠٠ تعرف يا زين احنا صحاب من واحنا  عندنا أربع سنين يعنى نعرف بعض من حوالى ٢٤ سنه 

زين ٠٠ أيه مناسبة الكلام ده دلوقتى

عمر٠٠ لان دى أول مره من يوم ما عرفنا بعض  احس انك بتكدب عليا ان نيتك مش سليمة أتجاهى 

زين ٠٠ كل ده عشان بتكلم فى الأصول و خايف عليك

عمر ٠٠ لأ متشكر... انا مايتخفش عليا و انت عارف كده كويس أذا كان على الأصول انا معملتش غير المفروض اي واحد فى مكانى كان هيعملو

هنا دخلت السكرتيرة وقالت 

السكرتيرة ٠٠ طارق بيه الهاشمى عايز يقابل حضرتك

عمر ٠٠ خلي يدخل ما هو يوم باين من أوله

حسام ٠٠ طيب هنخرج احنا  نسيبكم مع بعض

( خرج حسام و زين و دخل طارق)

عمر ٠٠ خير فى حاجة 

طارق ٠٠ أظن أن فى كلام  بينا لازم يخلص

عمر ٠٠( بسخريه) كلى أذان صاغية اتفضل

طارق ٠٠  اتفضل دى الفلوس إللى دفعتها لحساب المستشفى 

عمر ٠٠ هههه هو الكل النهاردة عايز يسدد حساب المستشفى .. على العموم تمام سدد الله عنكم فى حاجة تانى 

طارق٠٠ انا سألتك  سؤال فى المستشفى انت ليه كدبة قولتلى انك ماكنتش تعرف أروى 

عمر ٠٠ متهيألى  انا جوبت على السؤال ده 

طارق ٠٠ وانا مش مقتنع بأجابتك 

عمر ٠٠ براحتك تقتنع او ماتقتنعش دى حاجة ترجعلك 

طارق ٠٠ تمام  و انا هرجع أسأل السؤال بس بطريق مختلفة بس صدقنى من مصلحتك  تقول الحقيقة 

السؤال .فى ايه بينك وبين أروى

#يتبع

رأيكم 

ماذا سيحدث بين طارق وعمر  

هل سيكتشف عمر سر حب زين لأروى 

ماذا سيفعل عمر  مع غادة و طارق مع أروى.

تكملة الرواية من هناااااااا