رواية الضحية الفصل السابع عشر والثامن عشر 17-18بقلم الكاتبة أروى عادل (جديده وحصريه وكامله

 رواية الضحية الفصل السابع عشر والثامن عشر 17-18بقلم الكاتبة أروى عادل (جديده وحصريه وكامله

رواية الضحية الفصل السابع عشر والثامن عشر 17-18بقلم الكاتبة أروى عادل (جديده وحصريه وكامله)

#رواية_الضحية

#الكاتبة_أروى_عادل

#الفصل٠السابع٠عشر

طارق٠ ممكن  أعرف ايه إللى بينك بين أروى 

عمر ٠٠ انت جاى هنا عشان تسألنى ايه إللى بينى وبين مراتك

( هنا ضحكة عمر وقال)

عمر٠٠ تصدق كنت فاكرك ارجل من كده

( رد عمر أثاره غضب طارق  لذلك صاح طارق فى عمر ثم مسك هاتفه وقال)

طارق  ٠٠( بغضب) عمر الزم حدودك و اعرف انت بتكلم مين انا طارق الهاشمى يعنى انا بعلاقات ممكن اعمل    مكالمة واحد منى بالتليفون ده .اخليك ماتشوفش الشمس تانى

عمر ٠٠  انت بتهددينى بعلاقاتك .و  انك ممكن بمكالمة تليفون تضيعنى . اسمع بقى اذا كنت انت طارق الهاشمى انا عمر الصاوى .. انا بردوا ليا معارف و علاقات داخل وخارج مصر مع ناس انت متحلمش حتى تقف جانبهم.. بس انا مش هعمل زيك و أهددك بعلاقاتى  .. عارف ليه لانى راجل لما احب اخد حق بخدوا بنفسى و بدراعى  مش بعلاقات 

طارق ٠٠ أنت مغرور و غرورك ده هيضيعك لأنك مش عارف انت ورط نفسك فى ايه مع مين

عمر ٠٠ أعلى ما فى خيلك أركبة . و دلوقتى لوسمحت لو ماعندكش حاجة تانى تقولها ممكن تتفضل 

زين ٠٠ تمام  انا ماشى بس هنتقابل تانى  عن قريب

عمر ٠٠ ( بسخريه) و انا فى انتظارك    

☆☆☆☆☆☆☆☆☆☆☆☆☆☆☆☆☆☆☆

فى المساء  ف إحدى الكافيهات 

يجلس عمر وحسام على أحد الطاولات بعد ما حكى عمر لحسام  ما حدث بينها وبين طارق

حسام ٠٠ على فكره طارق مش ساهل ممكن يدايقنا فى شغلنا

عمر ٠٠ هو مايقدرش يعمل معايا حاجة  .. و بعدين انا  شغلى كل سليم مافيش فى غلطه  ماتخفش انت كله تمام

حسام ٠٠ طيب و أروى  . مافكرتش فيها ممكن يأذيها 

عمر ٠٠ هو ده إللى انا خايف منه 

حسام ٠٠ ماكنش ينفع تتحداه ياعمر .. 

و خصوصآ و أروى معاها

عمر ٠٠ ليه هى أروى خرجت من المستشفى

حسام ٠٠ النهاردة طارق  بعد ما خرج من مكتب عندك راح على المستشفى على طول... و صمم يطلعها من المستشفى  . و طبعآ محدش قدر يمنعو

عمر ٠٠( بعصبية) انت عرفت منين 

حسام ٠٠ من روان خالتك أشجان قالتلها 

عمر٠٠ حاسس انى عاجز مش عارف اعمل ايه . عمرى ما فكرت ان ممكن أروى تكون محتاجة مساعد وانا مش قادر اعملها حاجة .. بس اقسم بالله لو لمس شعره منها لأكون دبحو و إللى يحصل يحصل  

☆☆☆☆☆☆☆☆☆☆☆☆☆☆☆☆☆☆☆

فى فيلا طارق

طارق ٠٠ أنطقى أحسنلك و قوليلى ايه إللى بينك وبين عمر الصاوى

أروى ٠٠ كفايه حرام عليك انت بقالك اكتر من أربع ساعات وانت بتكرر نفس السؤال انا تعبت من الرد علي السؤال .. قولتلك مافيش حاجة بينا

طارق ٠٠ وانا مش مقتنع .. انا شوفتك و انتى فى المستشفى كنت بتبصى عليه أزاى 

أروى ٠٠  طالما بتشك فيا يبقى سيبنى أحسنلك

طارق ٠٠ أسيبك انتى اتجننتى انتى هتفضلى طول عمرك بتاعتى مراتى .. ممكن أسيبك فى حالة واحدة وانتى ميتة

أروى ٠٠ ياشيخ أرحمنى بقى لا عايز تسيبنى.. و فى نفس الوقت بتشك فيا .. حرام عليك بقى  اعتقنى لوجه الله  

طارق ٠٠ أنا لو كنت بشك فيكى فعلآ كنت زمانك ميته دلوقتى

أروى ٠٠ أمال انت عايز منى أيه

( هنا أقتربه طارق منها و قبض على معصمها بقوة وقال )

طارق ٠٠ يخدك المستشفى و يتكفل بمصاريف علاجك و كمان كل يوم كان بيزورك في المستشفى ده كل طبيعى و عادى

( قالت أروى بصراخ و هى متألمة من قبضت يده  )

أروى ٠٠ وانا مالى انا كنت فى غيبوبة.. روح أسألو هو .. ولا بس فالح تعمل عليا انا راجل 

( هنا فقد طارق السيطره على نفسه عندما تذكر كلام عمر ما زاد الطين بله كلام أروى لذلك صب لجام غضبة على أروى عندما قام   بصفعها على وجهها ثم شدها  من شعرها و هو يقول )

طارق ٠٠ أنا راجل غصب عنك و عنه انتى فاهمه

( كنت أروى تصرخ من الألم كما أنها  مازالت لم تشفى تمامآ من الحادث .. وهنا قالت أروى وهى تصرخ ).

أروى ٠٠ هو ده أخرك واللى تقدر عليه انك تستقوى  عليا أنا

( كلمات أروى جعلته مثل المجنون ثم أنهاله عليها طارق بالضرب حتى سقطت على الأرض مغشى عليها  

كانت تنزف من فمها و أنفها بغزارة و كدمات على وجهها .. كانت مثل الجثة بلا حركة ٠٠

رؤية أروى بهذه الحالة جعلت  طارق  مثل المجنون 

هنا لعنه نفسه الف مره لانه لم يستطيع السيطره على انفعاله امامها

حاول طارق يفوقها لكن دون جدوى .. هنا صرخ

و هو يحضن رأسها ويقول بصوت مهزوز مثل المجنون الذى فقد عقلو

طارق ٠٠( ببكاء) أروى قومى.... أروى يلا يا حبيبتى أروى ردى عليا ساكته ليه.....طيب اشتمينى يلا زعقى أصرخى...... طب حتى عيطى.......  طيب خلاص قومى وانا والله ما هسألك على ايه حاجة تانى يلا بقى قومى

أنا أسف حقك عليا يارب كانت ايدى اتقطعت قبل ما أمدها عليكى 

بعد ساعة بدأت أروى تفوق هنا مسح طارق دموعه

و قامة بأحتضانها  

كانت أروى ضعيف تشعر بألم شديد فى جميع أجزاء جسدها  ولا تقوى على حركة  .. و رغم ذلك دفعت طارق بعيد عنها و هى تصرخ فيه لكى يتركها لوحدها 

وما كان من طارق غير انه يستجيب لطلبها   

☆☆☆☆☆☆☆☆☆☆☆☆☆☆☆☆☆☆☆

بعد يومين فى إحدى المستشفيات الحكومية 

أسراء منهاره لان ابنها اياد محجوز فى المستشفى ولابد من إجراء عملية له بالقلب 

عادل ٠٠ أيه يا دكتور أياد عامل ايه دلوقتي 

دكتور٠٠ مكدبش عليك الحالة حرجه لازم أجراء العملية فى أسرع وقت ممكن

محمود ٠٠ هنا فى المستشفى حددوا ميعاد العمليه بعد شهر

دكتور ٠٠ للأسف ده نظام المستشفى لان فى أطفال كتيره فى قوائم الانتظار حالتهم  زى حالة  ابنكم  

أسراء ٠٠ طيب يا دكتور حضرتك تنصحنا بأيه

الدكتور ٠٠   لو تقدروا ياريت تشوف مستشفى  خاصة تعملوا فيها العمليه هيكون أحسن لأبنكم بس للأسف العمليه دى مكلفه كثير .. عند أذنكم 

عادل ٠٠ أنا عندى حتة أرض كلمت سمسار عليها وهو عرضها للبيع

أسراء ٠٠ عادل خد الدهب بتاعى و روح بيعوا 

أشجان ٠٠ وانا كمان خد دهبى

أنجى ٠٠ أنا هكلم زين اكيد هو مش هيرفوض يساعدكم

محمود٠٠ بدل من ده كله اطلب من طارق يدفع مصاريف علاج أياد ده مهما كان بردوا ابوه

( هنا تتطلع عادل لأسراء ثم قال)

عادل٠٠ عمى احنا مش عايزين منه حاجة انا هتصرف

محمود ٠٠ وانت ذنبك ايه تتكفل مصاريف علاج

ابن طارق 

أسراء ٠٠ كفاية بقى  انا مش عايزه حاجة من حد 

أنجى ٠٠ خلاص أهدى شويه  يا أسراء مش كده

هنا قررت أنجى الاتصال بأروى 

بدايه المكالمة

أنجى ٠٠ الو اخيرآ قررتى تفتحى تليفونك

أروى ٠٠ مين 

أنجى ٠٠ أنا أنجى  يا أروى

أروى ٠٠ غريبة انك بتتصلى بيا فى حاجه ماما وبابا كويسين 

أنجى ٠٠ كويسين بس اتصلت بيكى عشان  كنت عايزه أعرفك ان ابن جوزك فى المستشفى بين الحياة و الموت و المفروض يعمل عملية بس عادل و أسراء مش معاهم تكاليف العمليه

أورى ٠٠ تقصدى أياد 

أنجى ٠٠ هو جوزك عنده ولاد غيرو .. ياريت تقوليلوا يخلى عنده دم و يدفع مصاريف عملية أبنه

أروى ٠٠ طيب فاهمينى أياد ماله و عمليه ايه دى

و انتم فى ايه مستشفى

أنجى ٠٠  دى عملية قلب مفتوح احنا فى المستشفى ........  

أروى ٠٠   طيب انا جاى حالآ

( إنتهت المكالمة )

بعد انتهاء المكالمة ارتدت أروى ملابسها و وضعت بعد مساحيق التجميل على وجهها و ارتدت نظاره سوداء على عينيها ثم قامت بفرد شعرها على وجهها  لأخفاء اثر الكدمات الواضحة على وجهها بعد ضرب طارق لها

☆☆☆☆☆☆☆☆☆☆☆☆☆☆☆☆☆☆☆

فى نفس الوقت 

فى مكتب الصاوى الهندسة المعمارية 

حسام ٠٠ ماتهدى شويه تعبت اعصابى  رايح جاى فى ايه

عمر ٠٠ أنا خلاص عقلى هينفجر بقالى يومين وانا معرفش عنها حاجة 

حسام٠٠ طيب اتصل بيها أو أقولك خلى روان هى إللى تتصل بيها

عمر ٠٠ اتصلت عليها كتير تليفونها غير متاح.. حتى خالتى أشجان حاولت تتصل بيها. بردوا تليفونها مقفول

حسام ٠٠ طيب سألت العمال إللى شغالين فى الفيلا بتاعت طارق

عمر ٠٠ ماحدش شافها من ساعة ما تطلعت من المستشفى.. تفتكر ممكن يكون طارق عمل فيها حاجة

( هنا رن هاتف عمر)

بدايه المكالمة 

عمر ٠٠ الو يا روان

روان ٠٠ اروى فتحت تليفونها  انا كلمتها

( هنا  أخذ عمر نفس طويل)

عمر ٠٠ الحمدالله  طيب هى  كويسه مش كده

روان ٠٠ مش عارفه صوتها ماكنش عجبنى .

عمر٠٠  قلقتينى كده طيب هى فين دلوقتى

روان ٠٠ رايحه على المستشفى

عمر ٠٠ ( بخوف) ليه هى مالها

روان٠٠ لأ هى كويسه بس رايحه تشوف ابن أسراء محجوز هناك .. بس اتفقنا نتقابل النهاردة فى كافيتريا الساعة ٤

عمر ٠٠ طيب ابعتلى عنوان الكافيتريا 

روان ٠٠ حاضر

( إنتهت المكالمة)

حسام ٠٠ طيب الحمدالله انها بخير ..  قوليلى انت كنت عايز عنوان الكافيتريا ليه

عمر ٠٠ لازم اروح أشوف أروى  على أقل أعرف  طارق عمل فيها حاجة

حسام ٠٠ خلاص انا جاى معاك 

عمر ٠٠ ليه ان شآء الله  . حد قالك انى عيل مش هعرف امشى لوحدى

حسام ٠٠ لا بس حضرتك نسيت ان أختك خطيبتى 

وانا هروح اشوف خطيبتى  ولا عندك إعتراض 

عمر٠٠  لأ  بس أول ما نوصل الكافيتريا تاخد خطيبتك و ماشوفش وشكم  .تمام

☆☆☆☆☆☆☆☆☆☆☆☆☆☆☆☆☆☆☆☆

فى المستشفى 

قبل أن تذهب المشفى توجهت أروى الى محل للمشغولات الذهبية الذى ييتعامل مع طارق  لبيع  بعض من مجوهراتها التى أهداها إليها طارق ثم ذهبت الى   المستشفى  لكى تقوم بدفع مصاريف علاج ابن أختها  

أروى ٠٠ قوليلى أخبار أياد  ايه دلوقتى 

أشجان ٠٠ أروى انت جيتى يابنتى عامل ايه دلوقتي  

أروى ٠٠ انا كويسه يا ماما بس طمنينى عن حالة أياد 

أسراء ٠٠ ابنى هيموت منى يا أروى مش كده 

( أسرعت أروى و حضنت شقيقتها  و هى تقول)

أروى ٠٠ متقوليش كده ابنك هيعيش  ربنا مش هيضرك فيه أن شاء الله 

أسراء ٠٠ لأ  ربنا بيعقبنى على عملتو. ده عقاب ربنا ليا صح

( كان كل الموجودين ينظرون إلى أسراء بأستغراب على ما قالتو.. و هنا قالت أروى لشقيقتها وهى تهمس حتى لا يسمعها أحد )

أروى ٠٠ واطى صوتك و سيطرى على حزنك ماضيعيش كل حاجة عملنها فى لحظة ضعف 

أسراء ٠٠ بس ده ابنى حته منى بموت قدامى وانا مش قادره اعمل له حاجة

أشجان ٠٠ خلاص يا أسراء اهدى شوية ان شاء الله ابنك هيكون بخير

أروى ٠٠ انا جبت الفلوس  معايا .و هروح اتكلم مع الدكتور و ان شاء الله كل حاجة هتكون تمام

( جريت أسراء على أروى و حضنتها ثم قالت بصوت مسموع للكل)

أسراء ٠٠ انت طيبه اوى يا أروى  بعد كل إللى عملتو فيك . انتى جاى تساعدينى و تساعدى ابنى إللى كان سبب فى كل............

( قطعت أروى عبارتها بصرامة وقالت)

أروى ٠٠ أسراء اسكتى ولا كلمة تانى انتى فاهمة

( حطت أسراء ايدها على فمها وقالت)

أسراء٠٠ حاضر مش هنطق تانى بس أياد يبقى كويس 

( ثم غادرة أروى لتتحدث مع الطبيب)

وهنا قال محمود لأشجان

محمود ٠٠ أسراء كانت تقصد ايه بكلامها ده.

و ليه أروى اتعصبت مانعتها من الكلام

أشجان ٠٠ ( بأرتباك) أسراء متقصدش حاجة .بس هى زعلانه على ابنها و بتقول اي كلام

أنجى ٠٠ لا يا ماما لو أسراء بتقول أيه كلام ماكنش أروى اتعصبت عليها فى حاجة بينهم احنا مش فاهمينها 

أشجان ٠٠ (بعصبيه) بقولك ايه اسكتى ولا كلمة تانى  هو انا ناقصاكى انتى كمان 

أنجى ٠٠ فى ايه يا ماما انتى اتعصبتى عليا. ليه

☆☆☆☆☆☆☆☆☆☆☆☆☆☆

عندما تحدثت أروى مع الطبيب قررت نقل أياد إلى مشفى خاصه

تم نقل أياد بالسيارة إسعاف مجهزة لحالته إلى مشفى خاصة

☆☆☆☆☆☆☆☆☆☆☆☆☆☆☆☆☆☆☆

فى إحدى المستشفيات الخاصة 

بعد ما قامه الطبيب بفحص شامل لحالة أياد قال

لأروى و كان معاها عادل

أروى ٠٠ خير يا دكتور 

الدكتور ٠٠ انتى بتدرسى طب صح 

أروى ٠٠ ايوه انا أخر سنه إمتياز 

الدكتور٠٠ تمام يبقى اكيد هتفهمى كلامى كويس 

أروى ٠٠ فى ايه يا دكتور قلقتنى

الدكتور٠٠ الحالة متأخره أوى كان المفروض أجراء  العملية من أول ما عضلة القلب بدأت تضعف 

أروى ٠٠ عضلة القلب شغاله بالنسبة كام

الدكتور ٠٠ للأسف بمعدل  ٥ % ده خطر 

عادل ٠٠ ( بحزن) طيب و الحل يا دكتور

الدكتور ٠٠ أكيد الحل فى العمليه و حالآ .. بس لازم تعرفوا ان ممكن مايستحملش العمليه لانه لسه صغير . كمان انه ضعيف جسمنيآ .. 

أروى ٠٠ بس مافيش حل غير العمليه

الدكتور ٠٠ للأسف ماعندناش حل تانى .. لانه لو معملش العمليه مش هيعيش اكتر من أسبوع على الاجهزه . لكن لو عمل العمليه فى أمل انه يعيش 

أروى ٠٠ آمل فى انه يعيش بالنسبة كام يا دكتور

الدكتور ٠٠.    ٣٠%

أروى ٠٠ انا مقدرش اقرر حاجة فى الموضوع ده. ابوه و أمة هيقرروا مع بعض .. عادل روح اتكلم مع أسراء و قرروا هتعملوا العمليه ولا ايه

( ذهب عادل لكى يتحدث مع أسراء ليقرروا ماذا سيفعلون)

#يتبع

رايكم

هل سيفعل أياد العمليه ما ستكون نتيجتها

ماذا سيحدث عندما يعلم طارق ان أروى باعت مجوهراتها

ماذا سيحدث بينا عمر و أروى بعد القاء فى الكافيتريا 

شجعونى

#رواية_الضحية 

#الكاتبة_أروى_عادل

#الفصل٠الثامن٠عشر

أروى ٠٠ انا مقدرش اقرر حاجة فى الموضوع ده .. ابوه و امه هم إللى هيقرروا.. عادل ورح اتكلم ما أسراء و قرروا مع بعض هتعملوا العملية ولا ايه

( ذهب عادل إلى أسراء ليتحدث معاها .. و قرروا إجراء العملية  هنا طلبت أروى من الدكتور حضور العمليه )

بعد مرور  ٩ ساعات فى العمليات

خرج أياد من غرفة العمليات على العنايه المركزة

و معه أروى بعد ما حضرت العمليه

أسراء٠٠ أبنى عامل ايه يا أروى 

أروى ٠٠ العمليه تمام و الحمدالله 

عادل ٠٠ آمال ليه دخل العناية المركزة

أروى٠٠ لازم دخول العنايه بعد أجراء عمليه قلب مفتوح لان الفترة الجاى محتاجة رعاية خاصة

محمود ٠٠ يعنى أياد كده هيبقى كويس  يا أروى

( سكتت أروى لانها تعرف جيدآ ان الفترة إللى جاية أصعب من اجراء العملية لذلك قالت)

أروى ٠٠ ممكن تسألوا الدكتور اكيد هو فاهم أكتر منى

(ذهب عادل وسأل الدكتور عن حالة ابنه وهنا قال الدكتور) 

الدكتور ٠٠ نجاح العمليه مش بيتوقف على إجرائها فقط . لكن الفترة إللى جاية بتكون مهمه اكتر من العمليه نفسها . و الدكتوره أروى  عارفه كده كويس

(كلمات الدكتور كانت مثل الجبل على مسمع الجميع)

أسراء ٠٠ يارب أرحمنى . انا لسه هعيش فى القلق  و الرعب دة كتير

عادل ٠٠ اهدى يا أسراء احنا عملنا إللى علينا و إللى عايزوا ربنا هو إللى هيكون

أشجان ٠٠ عندك حق يابنى ربنا يحفظه ليكم

(هنا وصلت ليلى وقالت)

ليلى ٠٠ مساء الخير .. ايه الاخبار

محمود ٠٠ لسه خارج من العمليه الدكاتره بيقولوا لسه  بدرى لم يقرروا العمليه نجحت ولا لأ

ليلى ٠٠ ان شاء خير

أشجان ٠٠ والله فيكى الخير يا ليلى انك جيتى 

ليلى ٠٠ انتى مهما كان بنتى عمى يعنى اختى و عمرنا ما نقدر  نستغنا عن بعض مهما حصل

أشجان ٠٠ ده العشم بردوا

(هنا نظره محمود إلى أروى و قال)

محمود ٠٠ أروى ايه إللى فى وشك ده

أشجان ٠٠ صح ايه إللى بهدل وشك كده 

( تذكرت أروى انها قامت بغسل وجهها لحضور العمليه لذلك قالت بتوتر)

أروى ٠٠ وقعت  .. قصدى عملت حادثه

( شك محمود فى كلام ابنته لذلك قال)

محمود٠٠ أختارى وقعتى ولا عملتى حادثه 

( ردت بأحراج وهى تعرف ماذا يقصد ولدها)

أروى ٠٠( بأحراج) عملت حادثه

أشجان٠٠ ( بخوف) امتى و فين ده انتى لسه طالعه من المستشفى من يومين بس

أروى ٠٠ ده قدرى و الحمدالله على كل حال

محمود ٠٠ الحادثه دى كانت فين 

( بتوتر من سؤال محمود قالت أروى بأرتباك واضح)

أروى ٠٠  فى وسط البلد .. كنت سايقه العربية و حصل إللى حصل

محمود٠٠ غريبة انا شوفت عربيتك مركونه تحت مافيش حاجة لاحقتى تصلحيها  امتى

( توترت أكتر من كلمات ولدها وقالت بتأتأه )

أروى ٠٠ أه ماهو... العربية ماكنش فيها حاجة ...... قصدى كان فيها... بس حاجة بسيطة و اتصلحت بسرعة

محمود٠٠ مين إللى عمل فى وشك كده .. طارق مش كدة

أروى ٠٠ لأ يا بابا مش طارق

محمود ٠٠ طول عمرك فاشله فى الكدب 

أشجان ٠٠ أروى بصلى هو إللى عمل فيكى كده

أروى ٠٠ بابا ماما انتو مش شايفين انه مش وقت الكلام ده 

محمود ٠٠ آمال وقته أمتى لم يموتك المره جايه .. اذا كان عمل فيكى كده و انتى لسه خارجة من المستشفى. آمال فى العادى بيعمل معاكى ايه .. 

وليه انتى ساكته و بدفعى عنه

( سكتت أروى و هى تعلم أن ولدها عنده حق لذلك تطلعت أروى لأمها لانها لا تستطيع أن تجيب على أسئلة أبوها لذلك قالت اشجان) 

أشجان ٠٠ أستنا يا محمود لما نتأكد ان طارق هو إللى عمل فيها كده

محمود٠٠ ( بعصبية ) ان متأكد أنه هو و أكبر دليل على كلامى هو سكوت بنتك دلوقتي .. اسمعى خلاص انا أخدت قررى أروى انتى لازم تتطلقى من طارق 

أروى ٠٠ بس يا بابا انا مقدرش....

(قطع محمود عبارتها وقال ) 

محمود ٠٠ أيه هتعصينى تانى و تكسرى كلامى بسبب طارق

(نظرت أروى فى الأرض بأحراج لا تعرف ماذا تقول ) 

رغم الحالة إللى كانت فيها أسراء إللى انها كانت متابعة حديث أروى مع ولدها و هنا اقتربت أسراء من أروى و سحبتها من معصمها تحت مرأى ومسمع الكل سحبتها بعيد عنهم حتى لا يسمعهم أحد هنا قالت أروى  بألم

أروى ٠٠ أسراء حسبى ايدى . براحه

أسراء ٠٠ مالها ايدك ورينى كده

( هنا رأت أسراء كدمة زرقاء على معصمها) 

أسراء ٠٠ طارق بيضربك مش كده .. هو بيمد أيده عليكى من أمتى ..... ساكته ليه انطقى يا أروى

( لم ترد عليها أروى لكن اكتفت فقط بنظر الى شقيقتها و عينيها مليانه بدموع)

أسراء ٠٠ أطلقى منه يا أروى 

أروى ٠٠ انتى عارفه انه ماينفعش 

أسراء ٠٠ لأ ينفع انا مستعدة أتحمل نتيجة غلطتى 

أروى ٠٠ لو كنتى انتى لوحدك إللى هتتحملى النتيجة كنت قولتلك تمام انا هطلق .. بس للأسف دى سمعة و شرف العايلة كلة . لا انتى و لا انا هنقدر نتحمل الفضيحة  لو حد عرف الحقيقة  .. يبقى من مصلحة الكل ان الوضع يفضل كما هو عليه . يمكن ده قدرى 

و نصيبى من الدنيا

( كانت أسراء منهاره تمامآ ما زاد الأمر سوء كلام أروى مما جعل  شعور أسراء بالذنب اتجاه أروى يزداد يكاد يخنوقها)

أسراء ٠٠ آه ه ه ه  كلامك ده عامل زى السكينه الباردة على ركبتى و عماله تدبح فيا بكل قسوة بأسم الذنب

أنجى ٠٠ هو ايه إللى بيحصل هنا بالظبط

أروى ٠٠ مافيش  ده انا كنت بتكلم مع أسراء عادى يعنى 

أنجى٠٠ ( بأستغراب)  حقيقة ايه إللى متقدريش تطلقى من طارق عشانه 

أروى ٠٠ انتى سمعتى ايه بالظبط 

أنجى ٠٠ سمعت إللى يخلينى متأكده انكم انتم الاتنين مخبين عنى حاجة لها علاقة بجواز طارق من أروى 

أروى ٠٠ أنجى مافيش حاجة من إللى فى دماغك أسراء حاسه بالذنب عشان انا بس دفعت مصاريف علاج أياد

أنجى ٠٠ طيب ما ده طبيعى لان أياد ابن طارق

( هنا قالت أسراء و بدون مقدمات و هى تصرخ كأنها فقدة السيطرة على نفسها)

أسراء ٠٠ لأ  أياد مش أبن طارق أياد ابن عادل .ابن عادل 

( هنا حطت أروى يديها على فم أسراء لكى تمنعها من الكلام لكن بعد فوات الأوان لقد سمعوا كل كلام أسراء

كانت صدمة قويه مدمرة  هزت كيان الجميع 

هنا اقتربه محمود من أسراء بخطوات ثابته  ثم قال

محمود ٠٠ انتى ليه قولتى ان أياد مش أبن طارق

أسراء ٠٠ ( ببكاء ) انا أسفه يا بابا  انا غلط .. انا عارفه انك مش ممكن تسمحنى  .. بس انا تعبت ضميرى وجعنى على عملتو فى نفسى

و فى اختى 

أروى٠٠ ( بصراخ ) اسكتى يا أسراء  بس بقى 

محمود ٠٠( بصرامة) أروى اخرسى انتى .. 

(جلست أشجان على الأرض و هى تضع يديها على رأسها و تقول )

أشجان ٠٠ كفايه بقى  هتفضحونا

محمود ٠٠ هو لسه هيفضحونا احنا اتفضحنا خلاص

أنا معلم الأجيال إللى الناس كلها بتحلف بشرفى

بنتى تعمل كده  تخلف أبن فى الحرام

أسراء ٠٠ بابا انا.....

( قطع محمود عبارتها بصفعة قويه مدويه  و هنا اقتربت ليلى من محمود و هى تقول)

ليلى ٠٠ محمود ايه كان الموضوع ماينفعش تتكلموا فى هنا ولا ينفع إللى بتعملوا ده 

( حط محمود أيده على صدره وقال)

محمود ٠٠  أنا خلاص  مش هقدر أرفع عينى فى وسط الناس تانى 

أروى ٠٠ لأ يا بابا انت هتفضل طول عمرك رأسك مرفوع  انت  الأستاذ محمود الكيلانى إللى الناس كلها بتحلف بيحياتك 

و هنا بدء محمود فى العرق المفاجئ و ضيق النفس و التنهد بكثرة و ضربات القلب سريعة .. و هنا صرخت أروى  وقالت

أروى٠٠ دكتور بسرعة بابا .. نادوا الدكتور

إنجى٠٠ بابا ماله..  بابا ..

الدكتور ٠٠ فى ايه 

أروى ٠٠ بسرعة يا دكتور عنده  نوبة قلبيه

( تم نقل محمود لغرفة مجهزة لحالته بعد اكتر من ساعة خرج الدكتور من الغرفة)

أشجان ٠٠ محمود عامل ايه يا دكتور

الدكتور ٠٠ اهدوا ماتخفوش الحمدالله الحالة مستقرة . كويس ان النوبة جات و هو فى المستشفى 

احنا قدرنا نتعامل مع الحالةّ بسرعة

أروى ٠٠ الحمدالله طيب نقدر تشوفوا 

الدكتور٠٠ ممكن شخص واحد هو  إللى يدخل يشوفه بس ياريت من غير ما تسببوا ليه اي أرهاق

 أروى ٠٠ تمام يا دكتور .. ماما ادخلى حضرتك شوفيه

( بعد دخول أشجان لرؤية محمود 

هنا قامت ليلى بالاتصال بروان 

(بداية المكالمة )

ليلى ٠٠  الو روان 

روان ٠٠ ايوه يا ماما

ليلى ٠٠ روحتى البيت 

روان ٠٠ لأ لسة 

ليلى ٠٠ طيب هتتأخرى   

روان ٠٠ لأ  انا كنت المفروض اقابل أروى  بس هى اتأخرت عليا شكلها مش جاية

ليلى ٠٠ لأ هى اكيد مش هتيجى لأنها فى المستشفى 

روان ٠٠ ليه حصل حاجة جديدة

ليلى ٠٠ عمك محمود تعب فجأة جاتله نوبة قلبية

روان ٠٠ يا ساتر يا يا رب طيب هو عامل ايه دلوقتي 

ليلى ٠٠ الحمد الله  حالته مستقرة .. 

روان ٠٠ طيب يا ماما مش المفروض أكون واقفه مع البنات طنط أشجان 

ليلى٠٠ انا موجودة و  لو حابة تيجى المستشفى تعالى

روان٠٠ خلاص يا ماما انا جاية

( إنتهت المكالمة )

بعد انتهاء  المكالمة اتصلت روان بعمر و حكت له ماذا حدث و عمر قال انه هو ايضآ سوف يذهب إلى المستشفى 

نرجع للمستشفى

اخد عادل أسراء ذهب بها الى  العناية المركزة للرؤية طفلهم من خلف الزجاج

(وهنا جاء طارق الى المستشفى و هو متعصب وقال)

طارق ٠٠ المفروض اتصل عليكى كام مره عشان تردى

أروى ٠٠ انت عرفت منين انى هنا

طارق ٠٠ هو ده إللى مدايقك عرفت منين  و انا إللى بقالى أكتر من خمس ساعات بتصل عليكى و حضرتك مش بتردى

أروى ٠٠ طارق انت لسه  مأجر واحد يراقبنى 

طارق ٠٠ لأ انا بس كنت عايز اطمن عليكى 

أروى ٠٠ تطمن عليا بردوا . على عموم مش وقت الكلام ده دلوقتى  

طارق٠٠ صح.. ممكن يلا عشان تروحى معايا

أروى ٠٠ انت ايه مابتفهمش.. بابا تعبان و كمان أبن اأختى و الكل  هنا منهار من إللى حصل و انت عايزنى أمشى و أسيبهم 

طارق٠٠ انا ماليش فيه دلوقتى  هتمشى معايا 

أروى ٠٠  انا مش هسيب بابا بالحالة و أمشى

طارق٠٠ (بصراخ)  أروى ماتخلنيش أفقد السيطرة على نفسى تانى

أروى ٠٠ هتعمل ايه هتضربنى تانى اتفضل انا قدامك بس بردوا مش ماشية معاك قبل ما أطمن على بابا

طارق ٠٠ قدامك ساعة واحدة تطمنى على باباكى انا هستنيكى تحت فى كافيتريا المستشفى  

( ثم غادر دون أنتظار ردها..وهنا قالت انجى بعد

ما سمعت ما قالو طارق )

أنجى ٠٠ روحى مع جوزك يا أروى بدل ما يعملك مشكلة

أروى  ٠٠ ماتخفيش مش هيعمل حاجة

( وهنا خرجت أشجان من غرفة محمود بعد ما أطمئنوا على صحة محمود قالت أنجى )

أنجى ٠٠ أروى انا مصدومه من إللى عملتو أسراء ..

بس بردوا مش قادره افهم انتى ليه اتجوزتى طارق و انتى عارفه الحقيقة 

( هنا ردت أشجان بدل أروى وقالت)

أشجان٠٠ طارق كان عارفه انه مابيخلفش رغم كده متكلمش غير بعد ما أسراء ولدته أياد بعدها طلقها 

و مقابل انه يستر على أسراء و ما يرفعش قضية أثبات نسب .. طلب يتجوز أروى

أنجى ٠٠ يعنى انتى كنتى عارفه يا ماما طيب ليه ماحدش فيكم فكر يقولى ..  انا طول الفترة دى وانا بعامل أروى أسوء معامله. طيب كنتى فهمتينى. قولتيلى اي حاجة . أروى انا مكسوفة منك 

( هنا مسكت أروى  يدها وقالت)

أروى٠٠ انا إللى أختارت  ان ماحدش يعرف  ده كان أحسن للكل 

ليلى ٠٠ لأ  ماكنش أحسن للكل  انتى ظلمتى عمر معاكى  .. فهمنا انك قبلتى تكونى الضحية بس أبنى ذنبة ايه يتعذب معاكى 

أورى ٠٠ طنط ليلى انا أسفه بس صدقنى كان غصب عنى ماكنش عندى رفاهية الأختيار  . بس انا برجوكى ان عمر مايعرفش حاجة عن الموضوع ده

ليلى٠٠ ماتخفيش عمر مش هيعرف حاجة ده عشان خاطر أشجان 

( هنا وصل عمر و روان و حسام)

روان ٠٠سلامو عليكم

عمر ٠٠ عمى محمود عامل ايه

أشجان ٠٠ الحمدالله عدت على خير 

روان ٠٠ طيب و  أياد 

أنجى ٠٠ ربنا يتولاه برحمته

حسام ٠٠ ان شاء الله هيقوم منها بالسلامة 

( كانت أروى جالسه و وجهها للأرض حتى لا يرى عمر الإصابات إللى على وجهها لذلك قالت روان)

روان٠٠ مالك يا أروى ساكته ليه 

أروى ٠٠ قلقانه على بابا بس .. على عموم انا ماشيه

عمر ٠٠ رايحه فين 

أروى ٠٠ هروح 

عمر٠٠ أروى كنت عايزه اتكلم معاكى 

أروى ٠٠ مش وقته دلوقتى . طارق مستنى تحت فى الكافيتريا  عن أذنكم

( كانت على أستعداد المغادرة عندما أوقفها عمر وقال )

عمر٠٠ انتى بتخبى وشك منى ليه.. 

( هنا شهقت روان عندما رأت وجهها وقالت)

روان ٠٠ أيه إللى حصل لوشك

( وهنا وقف عمر امامها  بسرعة وقال)

عمر ٠٠ هو إللى عمل فيكى كده 

أروى٠٠ عمر  بلاش ...  

( قطع عمر عبارتها بصراخ وغضب وقال)

عمر ٠٠ انطقى هو إللى فيكى كده .. اقسم بالله  ما هسيبوا 

( ثم ركض عمر مسرعآ إلى الكافيتريا الذى بها طارق

و  الكل كانوا يصرخون على عمر وهم يركضون خلفه 

فى كافيتريا المستشفى 

كان طارق جالس يحتسى القهوة عندما سمع صراخ عمر عليه

#يتبع

رأيكم

ماذا سيفعل عمر مع طارق 

و ما سيكون رد فعل طارق 

ماذا ستفعل أروى مع جبروت طارق و جنان عمر

تكملة الرواية من هناااااااا