رواية أنا و المغرورة الفصل الثامن عشر 18بقلم أروى عادل جديده وحصريه في مدونة قصر الروايات
رواية أنا و المغرورة الفصل الثامن عشر 18بقلم أروى عادل جديده وحصريه في مدونة قصر الروايات
#رواية_أنا_و_المغرورة
#الكاتبة_أروى_عادل
#الفصل_الثامن٠عشر
دفعتها فى البسين
( ظلت نرمين تنظر إلي أسيل و هى تغرق عندما أتأكدت نرمين انها قطعت النفس بدأت تصرخ . وهنا جاء الجميع على صراخ نرمين و أولهم جاسر الذى قفزه فى المياة دون تفكير
و عندما أخرجها جاسر من الماء لم يكن بها نبض و بدء جاسر يعمل لها تنفس صناعى و هو يصرخ ويقول

جاسر٠ أسيل ردى عليا .. فوقى
بعد محاولات كثير بدأت أسيل تتنفس طبيعى و تستعيد وعيها و هنا عنقها جاسر وقال)
جاسر٠ ( بخوف و قلق) انتى كويسه
( هزت رأسها بأجاب)

عصام٠ الحمدالله. .. هاتها يا جاسر جوه الفيلا
جاسر ٠ لا معلش انا هخدها على بيت بس عايز ايه حاجة اغطيها بيها
( وهنا نظره جاسر لنرمين وقال)
جاسر ٠ ايه إللى حصل
نرمين٠ معرفش انا كنت واقفه مع أنجى و فجأة سمعت صوت قوى لما جيت لقيتها وقعه وقطع النفس .. مش كده يا أنجى
(لم ترد عليها أنجى بل ظلت فقط تنظر
ل نرمين بأستغراب مما قالت. ..لذلك قالت نرمين مره أخرى. )
نرمين٠ أنجى مش كده
أنجى٠( كاذبة) أه صح.. ده إللى حصل
( و هنا حمل جاسر )
عصام٠ رايح فين يا جاسر سيبها هنا ترتاح
جاسر٠ لأ انا همشى دلوقتي
نرمين٠ طيب و العقود انت عارف الصفقة دى مهمة قد ايه
جاسر٠ مش أهم من أسيل
أسيل٠( بتعب) انا كويسه يا جاسر كمل شغلك
جاسر٠ ششششش متكلميش أنتى تعبانه
( بعد ما غادر جاسر و أسيل )
عصام٠ نرمين انت ليكى أيد فى إللى حصل لمرات جاسر
نرمين٠ انت بتقول .. انا ماليش دعوة انا كنت مع أنجى و أسألها
عصام ٠ آمال وقعت ازاى
نرمين ٠ و انا هعرف منين
عصام٠ انا هعرف إللى حصل ده حصل ازاى
(قال جملته ثم غادر)
أنجى ٠ انتى اكيد اتجننتى
نرمين٠ هو انا عملت حاجة
أنجى٠ لا واللهى أمال كدبتى ليه و قولتى انى كنت معاكى
نرمين٠ خوفت مرات جاسر تستغل الموقف وتقول أنى حاولت أقتلها و انا ماكنتش اقصد انا كنت فاكرها بتعرف تعوم
أنجى ٠ يعنى انتى إللى رامتيها
نرمين ٠ أه بس كنت عايزه اتريق عليها ماكنتش اعرف انها مبتعرفش تعوم
أنجى ٠ ليه ماصرختيش اول ما وقعت فى البسين ليه استنيتى لما تقطع النفس بعد كده صرختى
نرمين ٠(كاذبة) كنت مصدومه
أنجى٠ اسمعى يا نرمين انا معاكى فى كل حاجة انما توصل انك تفكرى تقتليها لا معلش انا مش معاكى
نرمين ٠ انتى مش مصدقانى
أنجى٠ لأ بس بفهمك ..
☆☆☆☆☆☆☆☆☆☆☆☆☆☆☆☆☆☆☆
------فى السيارة جاسر-------
أسيل٠( بتعب) ده مش طريق البيت انت رايح فين
جاسر٠ المستشفى عشان أطمن عليكى
أسيل٠ جاسر مالهوش لازمه إللى بتعملو ده
و اطمن. انا كويسه
جاسر٠ تمام مافيش مشكلة لما أطمن أكتر
( كنت أسيل تعلم أن جاسر لن يغير رأيه لذلك صمتت )
بعد ما ذهبوا إللى المستشفى الدكتور طمن جاسر على أسيل ثم توجوا الى المنزل
☆☆☆☆☆☆☆☆☆☆☆☆☆☆☆☆☆☆☆
-------فى المنزل جاسر------فى المساء
جاسر ٠ عامله ايه دلوقتى
أسيل٠ الحمدالله احسن كتير
جاسر٠ الحمدالله.. طيب اتفضلى الاكل
أسيل٠ ايه الدلع ده
جاسر ٠ عدى الجمايل
أسيل٠ ماشى .. بس قولى هو انت بتعرف تطبخ
جاسر٠ يعنى بعرف أعمل كذا حاجه كده على قدى بحكم انى عايش لوحدى
أسيل ٠ كنت عايش لوحدك
جاسر٠ تمام كنت.. يا ملكة الاعتراض
أسيل٠ بطل تقولى ملكة الاعتراض
جاسر٠ لما تبطلى أعتراض.. ممكن تكلى بقى
أسيل٠ على فكره انا ناويه اتعلم الطبخ
جاسر٠ يعنى ربنا هيرحمنى من أكل بره
أسيل٠ انت هتشوف مواهب. ده انا هبهرك
جاسر٠ ياخوفى ٠
أسيل٠ أنا حاسه انك مش واثق فى قدراتى
جاسر٠( بسخريه) قدراتك شكلنا هنشوف ايام ما يعلم بيها غير ربنا
أسيل٠ اتريق بكره هتشوف
جاسر٠ ( بخبث)بقولك ما تسبينا من بكره و خلينا فى النهاردة
( كان جاسر ينظر إليها و مصوب عينه على شفتيها و كأنه على أهبة الاستعداد للانقضاض عليهم)

أسيل٠(بخجل) انت بتبصلى كده ليه
جاسر٠ تعرفى انك جميلة أوى
أسيل٠ ( محاولا للهروب) انا شبعت هقوم أشيل الأكل
( هنا أمسكها جاسر من يديها ثم قبلهم يديها وقال)
جاسر٠ خليكى
( هنا التقط شفتيها بقبله طويلة ناعمة و بشوق حتى اختلطت أنفاسهم ثم ابتعد جاسر قليلآ يجعلها تلتقط أنفاسها ثم رجعه يقبلها قبله قويه و بحراره
أطاحت بعقل أسيل التى بدأت تتجاوب معاه مما جعله يتعمق أكثر و يطلب المزيد حتى بدأ بلمس جسدها و هنا ابتعدت أسيل و قال جاسر وهو يلتقط أنفاسه بصعوبة ..)
جاسر٠ مالك بعدتى عنى ليه
أسيل٠(بخجل) ماينفعش .. كده عيب
جاسر٠( بضحكه) ياعبيطه انتى مراتى حلالى
أسيل٠ ( بتوتر) عارفه بس.....
( كان يتحدث معاها و يديه بداعب وجهها و خصلات من شعرها)
جاسر٠ بس ايه .. أسيل انا عايزك
أسيل٠ بص بقى.. بصراحة انا خايفه
( هنا مسكها جاسر من ذراعيها برفق وقال)
جاسر ٠ هتخافى و انا معاكى
( هزت أسيل رأسها بالنفى و هنا أقترب منها جاسر لكى يقبلها لكن أوقفتوا أسيل وقالت)
أسيل٠ أحلف
جاسر٠ هو وقته يا أسيل
أسيل٠ ماليش دعوة أحلف الأول
جاسر٠ طيب مش اعرف الأول أحلف على ايه
أسيل٠ اه سورى .. أحلف انك هتفضل تحبنى على طول
جاسر٠( بحب) أحببتك لدرحة أننى هنا و قلبى حيث أنتى ..و سأبقى أحبك مهما أختلفنا فمكانتك لا يملأها أحد غيرك ..و سأظل أحبك حتى النفس الأخير
أسيل ٠ بحبك يا جاسر
( وهنا التقط شفتيها بقبله بث إليها من خلالها كل مشاعرو من رغبة وشوق و حرمان مضى وقت هم يتبادلون القبلات حتى بدؤوا فى الاستمتاع بحبهم )
☆☆☆☆☆☆☆☆☆☆☆☆☆☆☆☆☆☆☆
--فى المكتب الهندسه----بعد مرور يومين--
نرمين ٠ جاسر فين
حاتم ٠ طيب قولى صباح الخير الأول
نرمين ٠ صباح الخير . جاسر فين يا حاتم بقالو يومين مابيردش على تليفونه ولا بيجى الشغل. أكيد انت عارف هو فين
حاتم٠ هو اتصل عليا من يومين وقال انه هياخد كام يوم أجازة
نرمين٠ أجازه ليه
حاتم٠ ماعرفش
نرمين٠ لأ انت عارف جاسر مابيخبيش عنك حاجه
حاتم٠ حتى لو عارف أكيد مش هقولك
نرمين٠ تمام انا هعرف
( اتصل حاتم بجاسر و حكى ما قالتو نرمين)
☆☆☆☆☆☆☆☆☆☆☆☆☆☆☆☆☆☆☆
----------فى منزل جاسر--------------
جاسر٠ أسيل لسه الفطار. انا جوعت
أسيل٠ فى ايه يا جاسر قولتلك انت كده بتوترنى
جاسر٠ هو انا اتكلمت
أسيل٠ خلاص سيبنى اعمل الفطار براحتى
جاسر٠ طيب . بالنسبال صوت اتكسير اللى فى المطبخ ده ايه نظامه
أسيل٠لا بس هى كل حاجة بتقع لوحدها فى المطبخ
جاسر٠ أه بتقع لوحدها . ليه عليها عفريت
أسيل٠ انا عارفه بقى . ممكن أروح اكمل فطار ولا هتفضل تتكلم
جاسر ٠ اتفضلى حضرتك
( بعد ما غابت نصف ساعة تانى جاءت هى تحمل صينية الفطار وهنا قال )
جاسر ٠ ايه ده
أسيل٠ الفطار
جاسر٠ أحلفى واللهى
أسيل٠ هتتريق من أولها
جاسر ٠ اتريق ايه بس... يعنى انتى بقالك ساعتين فى المطبخ بتعملى فطار و تقريبآ كسرتى نص المطبخ و كل ده على حبة سندويتشات جبنة و مربى و عصير
أسيل٠ لأ طبعآ .. فى كمان عندك سندويتشات بيض بالبسطرمة
جاسر٠ ( بسخريه) لا والله مش ممكن بيض بالبسطرمة ده إنجاز
أسيل٠( بسخط) انت بتتريق عليا. طيب واللهى كان فى مشروع بطاطس محمره بس للاسف فشل
جاسر٠ فشل ده احنا داخلين على ايام ما يعلم بيها غير ربنا.. آمال أيه بقى انا هبهرك
و بكره تشوف ..أدينى فرصتى
أسيل٠ بصراحه بقى الطبخ طلع حاجه صعبه أوى وانت لازمه تستحملنى لحد ما اتعلم
جاسر ٠ طبخ ايه بس ياحبيبتى انتى لسه شوفتى طبخ انتى لسه فى مرحلة السندويشات
أسيل٠ ده بدل ماتقولى تسلم ايدك
جاسر ٠ والله كان نفسى أقولك . بس على ايه..ده سندويتشات
أسيل٠ ( بيثقه)مش مهم مشوار الألف ميل يبدأ بخطوه
جاسر٠ هو لسه فى الف . ربنا يستر
أسيل٠ افطر و بطل كلام كتير
جاسر٠ حاضر
(أثناء تناول الطعام)
جاسر٠ تسلم ايدك يا حبيبتى سندويتشات الجبنة تحفة بصراحة.. ممكن أعرف مقاديرها
ايه
أسيل٠( بتحذير) كل و انت ساكت يا جاسر
جاسر٠ حاضر هكل .. طيب بقولك و تيجى ندخل نرتاح شويه فى أوضتنا
أسيل٠( بخجل) ايه يا جاسر هو ده وقته
( هو ينظر إليها برغبة)
جاسر٠ ياحبيبتى. ده مالهوش وقت
أسيل٠ بس بقى يا جاسر
جاسر٠ يعنى هو لا أكل ولا راحه
--------بعد مرور ساعتين--------
أسيل٠ أنا هقوم اعمل غدا تحب نتغدا ايه
جاسر٠ لأ و واثقه فى نفسك
أسيل٠ طبعآ ربنا يخلى لينا قنوات الطبخ
جاسر٠ تعرفى انا لو جرالى حاجه من أكلك هيبقى ذنبى فى رقبتك
أسيل٠ متخافش .. انا هبهرك
جاسر٠ ما بلاش الكلمة..انا شوفت أبهارك فى الفطار كان هيجلطنى
أسيل٠ افضل انت كده كسر معنوياتى . انا رايح على المطبخ
جاسر٠ استنى انا جاى معاكى اساعدك
( بصوت واطى) اذا كان على كام سندوتش كسرت نص المطبخ أمال فى الغدا هتولعى فيه
أسيل ٠ على فكره سمعتك
جاسر ٠ انا مقولتش حاجه
☆☆☆☆☆☆☆☆☆☆☆☆☆
--------فى المطبخ-----------

كان جاسر هو ما يقوم بطبخ و أسيل بتتفرج عليه
جاسر ٠انتى هتتفرجى عليا كتير
أسيل٠ سورى تحب اساعدك بأيه
جاسر٠ المفروض انتى إللى هتطبخى و انا إللى اساعدك
أسيل٠ ياحبيبى و انا و انت ايه مش واحد
جاسر٠ طيب طالما هو واحد ( انحدره نظرته إللى شفتيها)
أسيل٠ ( بخجل) جاسر بس٠
جاسر٠ هاخد بوسه واحده بس٠
أسيل ٠ واحد بس طيب أحلف
( و هنا قامة بالتقاط شفتيها بقبله طويل قويه بشغف ثم همسة لها قائلآ)
جاسر٠ هو لازم الغدا دلوقتى
أسيل٠ لا مش لازم
☆☆☆☆☆☆☆☆☆☆☆☆☆☆☆☆☆☆☆
-
--------فى النادى------------
تجلس نرمين و انجى و إية
نرمين٠ يعنى انتى متعرفيش حاجه عنها
إية ٠ لا احنا شدينا مع بعضنا شوية من ساعتها هى مابتكلمنيش . بس هاجر قالتى انها مختفية بقالها كام يوم
نرمين ٠ هى كمان
إية٠ ليه هو فى حد تانى مختفى
أنجى ٠ جاسر كمان ..
نرمين ٠ قوليلى يا إية هى أسيل أكيد كان ليها علاقات قبل جاسر
إية٠ لأ
نرمين٠ هى فى واحده مالهاش تجارب سابقه
إية٠ اه أسيل .. هى فاكره نفسها أحسن من أى حد و فوق الكل. ماكنش فى واحد مالى عينها ده حتى رامى اخو نوران كان هيتجنن عليها هى ولا فى دماغها
أنجى٠ ليه يعنى ان شاء الله
إية٠ هى أسيل كده ٠ عمرها ما حبت حد غير نفسها ولا حتى جاسر
نرمين ٠ ايه إللى مخليكى متاكده كده
إية ٠ أسيل نفسها هى إللى قالتلى
أنجى٠ امتى
إية ٠ قبل جوزها من جاسر انا أصلآ مصورها فيديو هى بتقول كده
نرمين ٠ الفيديو ده معاكى
إية٠ أه على تليفونى
نرمين ٠ ممكن أشوف
( كان الفيديو قديم لأسيل هى بتقول فيه عن جاسر)
م
حتوى الفيديو
نوران٠طيب يا أسيل ما ده طبيعى هو فى حكم جوزك
أسيل٠ ماتقوليش جوزى الكلمه دى بتعصبنى لولا الظروف و تعب جدو انا ماكنتش أوافق ابدآ على البنى أدم ده ..ده واحد همجى و متخلف يارب انتى اخلاص من الموضوع ده بقى
انتهى الفيديو
(بعد ما سمعت نرمين الفيديوقالت)
نرمين ٠ حلو أوى ده
أنجى ٠ بس الفيديو قبل جوازهم
نرمين٠ هو جاسر هيعرف منين اذا كان الفيديو قبل او بعد الجواز هو مكتوب عليه تاريخ مثلآ
إية٠ انتى هتعملى ايه بالفيديو ده
نرمين٠ كل خير ان شاء الله . أدينى بس الفيديو مالكيش دعوة انتى
إية٠ بس انا مش عايزه أذيها . أسيل بردوا
صاحبتى
نرمين٠( بتهديد) اسمعى اما هاخد الفيديو أو أروح لأسيل صاحبتك و قولها انك كنتى مشتركه معانا فى فيديو المطعم .. أمال مين قال لينا أزاى نعصب أسيل
إية٠( بخوف) بس انا ماكنتش أعرف انكم هتنشروا الفيديو
نرمين٠ ( بتهديد) خلاص نخلى أسيل هى إللى تقرر كنتى تعرفى ولا لأ
إية ٠ خلاص الفيديو أهو
☆☆☆☆☆☆☆☆☆☆☆☆☆☆☆☆☆☆☆
-----منزل جاسر بعد أسبوع ---

جاسر٠ بتعملى ايه
أسيل٠ كيك
جاسر٠ كيك مره واحده
أسيل٠ عشان تعرف انى مش حرماك من حاجه . انا هبهرم
جاسر٠ لأ بالله عليكى بلاش الكلمة دى
بتبقى و راها كارثة
أسيل ٠خليك واثق فيا
جاسر ٠ ربنا يستر
(هنا رن جرس الباب)
أسيل٠ ممكن تفتح
( طبع قبله على خدها ثم ذاهبة يفتح الباب و عندما فتح الباب كانت نرمين)
جاسر ٠ نرمين
نرمين٠ ايه مستغرب ليه هى دى أول مره أجى بيتك
جاسر ٠لأ بس الوضع دلوقتى مختلف
( وهنا جاء صوت أسيل و هى تقول مين يا جاسر)
نرمين٠ دى انا
أسيل٠ أنتى
#يتبع
ما سبب ذهاب نرمين لمنزل جاسر؟
ماذا ستفعل نرمين بالفيديو؟
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق
فضلا اترك تعليق من هنا