رواية الضحية الفصل التاسع عشر وعشرون 19-20بقلم الكاتبة أروى عادل (جديده وحصريه وكامله)

 رواية الضحية الفصل التاسع عشر وعشرون 19-20بقلم الكاتبة أروى عادل (جديده وحصريه وكامله)

رواية الضحية الفصل التاسع عشر وعشرون 19-20بقلم الكاتبة أروى عادل (جديده وحصريه وكامله)

#رواية_الضحية 

#الكاتبة٠أروى٠عادل 

#الفصل٠التاسع٠عشر

فى كافيتريا المستشفى 

كان طارق جالس يحتسى القهوة عندما سمع صراخ عمر عليه.. 

عمر ٠٠ ( بصراخ) طارق انت اتعديت حدودك و عملت أكبر غلطة فى حياتك يوم ما فكرت تمد ايدك عليها

طارق٠٠ ( ببرود مصتنع) عليها تقصد مين. اه تقصد مراتى مش كده . طيب ممكن أعرف انت بتتكلم بصفتك مين

( كان طارق بتصنع البرود و الهدوء أمام عمر )

( كاد عمر أن يهجم على طارق لولا حسام وقف أمام عمر ليمنعو من الهجوم على طارق )

عمر٠٠ اوعى من وشى يا حسام 

حسام ٠٠ عمر اهدى هو بيجرك للغلط

طارق ٠٠ بلاش جنان و خليك عاقل زى صاحبك

و اسمع كلامة 

عمر٠٠ انت لسه ماشوفتش جنان .. بعدين ايه البرود إللى انت فيه ده . ماتخليك راجل كده و وجهنى 

ولا انت اخرك تسترجل على واحدة ست

طارق ٠٠ تعرف انت ولا حاجة أخرك كلام . عشان كده انا مش هتعب نفسى فى الرد عليك 

و بدون أى مقدمات دفع عمر حسام بعيد عنه ثم لكمة طارق على وجهه 

طارق ٠٠ أنت اتجننت انا 

( قبل ما يكمل طارق عبارته كان عمر يلكمة للمره الثانيه مما جعلته بفقد اتزانه و يقع على  بعض الكرسى الموجود حول الطاولة 

وقف طارق بسرع و لكمة عمر.. لكن عمر رد له الكمة بسرعة البرق ثم مسك عمر ذراع طارق و قامة بضربه برأسه على وجهة عدة مرات حتى بدء طارق ينزف من أنفه .. لقد تدخل بعض الموجودين و أيضآ رجال الأمن المكان ...لفض الأشتباك بينهم .. لكن عمر كان مثل الثور الهائج الذى خرج عن السيطرة

وهنا وقفت أمامه ليلى وهى تصرخ عندما كان يسدد لكمة طارق كادت الكمة تصيب ليلى وهنا قالت ليلى 

ليلى ٠٠ أيه هتضربنى انا كمان

( هنا وقف عمر عن تسديد الكمات لطارق 

لكنه قال)

عمر ٠٠ ده مجرد أنذار ليك لو حاولت بس تلمسها المره الجايه انا هقتلك

( ثم غادر فورآ لكن قبل الخروج من المكان نظر إلى أروى التى كانت تقف تتطلع لكل ما حدث بدموع متحجرة و وجه شاحبآ كما كانت تشعر بالتوهان و الضياع والخوف على عمر. لانها تعلم جيدآ ان طارق لن يمرر ما حدث مرور الكرام

-------------------------------'

بعد فحص الطبيب لطارق قال انه يوجد كسر فى الأنف و بعض الكدمات 

☆☆☆☆☆☆☆☆☆☆☆☆☆☆☆☆☆☆☆

بعد مرور أسبوع فى المستشفى 

محمود ٠٠ دكتور انا عايز أخرج من المستشفى 

الدكتور ٠٠ أيه يا أستاذ محمود زهقت مننا

أشجان ٠٠ ابدآ و الله يا دكتور بس محمود مش أخد على الرقدة فى السرير

الدكتور ٠٠ على العموم خلاص انا هكتبلك على خروج النهارده . بس أهم حاجة نبعد عن الزعل و التوتر 

و ياريت بلاش الإرهاق 

أشجان٠٠ أن شاء الله يا دكتور

( بعد خروج الدكتور)

محمود ٠٠ مين دفع حساب المستشفى 

أشجان ٠٠ بصراحة انا دفعت من فلوس أروى إللى أخدتها منها يوم عمليه أياد

محمود ٠٠ ان شاء الله اول ما نطلع مش المستشفى نتصرف و نرجع الفلوس ليها

أشجان ٠٠ انت لسه زعلان من أروى 

محمود ٠٠ أنا زعلان من نفسى من ساعة ما عرفت السبب الحقيقة وراه جواز أروى من طارق و انا حاسس انى فشلت كأب أنى أفهم ألم بنتى كانت بتترجانى انى مظلمهاش.. بس انا مسمعتهاش و ظلمتها.. و رميتها من حياتنا و هى إللى ضحت بحياتها عشانا

أشجان ٠٠ و انت كانت هتعرف منين 

محمود ٠٠ المفروض كنت أعرف أن أروى مستحيل تعمل حاجة زى دى 

أشجان ٠٠ بلاش تشيل فوق طاقتك انت لسه تعبان و انت شايف الدكتور قال ايه

محمود ٠٠ المهم أياد أخباره ايه

أشجان ٠٠ والله ربنا يرحمه من عنده الحالة بتتدهور

محمود ٠٠ عارف ربنا يعفو عنه

☆☆☆☆☆☆☆☆☆☆☆☆☆☆☆☆☆☆☆☆

فى فيلا طارق

مره أسبوع وطارق رافض أروى تخرج من الفيلا و أخده منها مفاتيح السيارة.

و برغم لذلك لم يتحدث فيما حدث كأنه لم يحدث كما انه كان فى حالة من الهدوء تام لكن كانت أروى تعلم جيدآ أنه هذه الهدوء ما قبل العاصفة و ان طارق بيخطط لفعل شئ سيئ.. 

أروى ٠٠ أمل هو فى حد عندنا لانى اكنت سامعه صوت الجرس الباب

أمل٠٠ اه يا هانم ده كان شادي بيه و معاه راجل أول مره اشوفوا

أروى ٠٠ طيب هم فين دلوقتي 

أمل ٠٠ فى أوضة المكتب مع طارق بيه 

أروى ٠٠ طيب روحى انتى

( هنا أقتربت أروى من باب غرفة المكتب لكى تسمع حديث طارق و شادي و هنا سمعت

شادى ٠٠ انا مش معاك فى إللى انت عايز تعملو

طارق٠٠ مالكش دعوة انت خليك بعيد .. قولى اسمك سعيد من كده

سعيد ٠٠ اه خدامك سعيد يا باشا

شادى ٠٠ طارق راجع نفسك تانى الموضوع مش ساهل ده ممكن يموت فيها

طارق ٠٠ فى ستين داهية .. انا أهم حاجة عندى أرد

كرامتى . انا بقالى أسبوع مش قادر أبص فى عين مراتى بعد ما ضربنى قدامها 

شادي٠٠ تقوم تقتلوا

( هنا شهقت أروى هى تحط يديها على فمها حتى لايسمعها طارق وهنا قررت تسجيل فيديو لحديثهم )

طارق٠٠ من قال انى عايزه يموت .. انا عايزه عاجز 

مايقدرش يمسك القلم و يرسم تصميم تانى طول حياته لازم أيده إللى رفعها عليا تعجز مايقدرش يرفعها تانى 

سعيد ٠٠ شكلك محروق أوى من الشخص ده

ي

ا باشا 

طارق ٠٠ اسمع من غير كلام كتير تقدر تعمل إللى بقولك عليه .. 

سعيد ٠٠ عيب يا باشا انا بعون الله مافيش حاجة مقدرش عليها .. بس انا فهمت من كلامك انك مش عايزو ميت 

طارق ٠٠ لأ انا عايز أشوفوا مذلول قدامى .. يتمنى الموت . عايز أيده الاتنين يعجزوا 

سعيد ٠٠ كده فهمتك يا باشا يعنى الكلام على دراعه بس

طارق ٠٠ تمام بس انا عايز التنفيذ النهاردة قبل بكرة

سعيد ٠٠ طيب ممكن أعرف مين الحلو إللى عليه الكلام

طارق ٠٠ عمر عزت الصاوى .. وباقى التفصيل هتعرفها من شادى . بس انا عايز الموضوع بيان كأنها حادثه سرقه عادية بس عايزك تصور كل إللى حصل فيديو عايز أشوفوا وهو بيتعذب 

سعيد٠٠ أنت تأمر يا باشا كلامك كل ماشى

طارق ٠٠ اتفضل الشنطه دى فيها ١٥٠ الف و بعد التنفيذ ليك زيهم .

سعيد ٠٠ والله و من غير فلوس خالص احنا نخدم شادى باشا ببلاش كده .. ده خيرو علينا أه والله

( أخذ سعيد الفلوس ثم انصرف هنا أستخبت أروى حتى لا يراها احد 

كانت أروى مصدومة لم تتوقع أن يوصل الأمر إلى 

أيذاء تدمير عمر بهذه الطريقه البشاعة .. 

شعرت بوجع فى قلبها لا يحتمل من مجرد التفكير ان ممكن يحدث شئ سيئ لعمر 

لذلك قررت أن تذهب لعمر و تحكى له ما حدث مهما كان عواقب ذلك .. لكن كيف و طارق رافض خروجها من الفيلا لكنها لا تهتم بما يريده طارق لذلك خرجت دون علم طارق..توجهت مباشرتآ إللى مكتب الصاوى للهندسة المعمارية 

☆☆☆☆☆☆☆☆☆☆☆☆☆☆☆☆☆☆☆

مكتب الصاوى الهندسة المعمارية 

أروى ٠٠ لو سمحتى انا عايزه اقابل عمر هو موجود

السكرتيره ٠٠ ايوه يا فندم في ميعاد

أروى ٠٠ لأ مافيش بس انا عايزه أشوفو ضرورى ممكن تقوليلوا أروى عايزه تقابلك

السكرتيره ٠٠ أنا أسفه ماينفعش من غير ميعاد سابق

أروى٠٠ طيب هو ده مكتبه صح 

السكرتيرة٠٠ ايوه بس... انتى يا أنسه انتى بتعملى ايه ماينفعش كده يا أنسه

( دخلت أروى المكتب غصب عن السكرتيرة التى حاولت تمنعها عندما فتحت أروى الباب قالت )

أروى ٠٠ عمر انا عايزاك فى حاجة مهمه

عمر٠٠ ( بأستغراب) أروى فى ايه مالك

السكرتيرة٠٠ انا أسفه هى دخلت غصب عنى

عمر٠٠ لأ. ولا يهمك روحى انتى 

(

غادرة السكرتيرة )

أروى ٠٠( بتوتر) عمر .طارق ناوى انه.....

( قطع عبارتها هو يجلس على الكرسى امامها ويقول)

عمر٠٠ ششش اهدى شويه و خدى نفس و أشربى ميه بعدها اتكلمى

أروى ٠٠ أسمعنى بس يا عمر 

( مد أيده و أعطى لها كوب الماء وقال)

عمر٠٠ أشربى مية الأول 

( بعد ما شربت الماء)

أروى ٠٠ شربت ممكن اتكلم بقى

عمر٠٠ اتفضلى 

أروى ٠٠ طارق ناوى على أذيتك انت لازم تسافر تروح أي حته من بكره لا لا من النهاردة ياريت دلوقتى 

( هنا مسك عمر يدها برفق وقال)

عمر ٠٠ ماتخفيش عليا 

أروى ٠٠ عمر انت مش فاهم طارق أجر واحد عشان يأذيك و يعملك أعاقه فى دراعك

عمر٠٠ وانت بصدقى الكلام ده .. اكيد كان بيخوفك

أروى٠٠ لأ انت مش فاهم انا سمعتو هو بيتفق مع واحد اسمه سعيد عشان يدبروا حادثه ليك 

عمر٠٠ يا أروى أكيد انتى فهمتى غلط احنا مش عايشين فى غابة

أروى ٠٠ انا كنت عارفه انك هتقول كده عشان كده انا سجلت فيديو كل  إللى حصل اتفضل اسمع وشوف

( بعد ما سمع عمر تسجيل فيديو لم تتغير ملامحه بل ظل ثابت و مبتسم كما هو )

أروى٠٠ انت مبتسم ليه و كأنك بتسمع نكدة .. عمر رد عليا 

عمر٠٠ انتى عايزانى اعمل ايه خلاص هبقى اخد بالى

أروى ٠٠ تصدق انك بارد . انا مولع و هتجنن من خوفى عليك و انت ولا فى دماغك 

. يا أخى ايه البرود ده

عمر ٠٠ وحشتينى. وحشنى احساسك و انتى خايفه عليا . وحشنى نظرة الحب إللى فى عيونك دلوقتى. ..وحشنى لسانك الطويل. حتى وحشنى خدودك لما تحمر أول ما تسمع كلمة حلو منى

( أحمر وجه أروى عندما شعرت  بخجل )

أروى ٠٠ ( بخجل) عمر بس بقى.. انت فى ولا فى ايه.   أنا بقولك طارق عايز.......

( قطعت عبارتها عندما وضع أصبعة على فمها ثم قال)

عمر ٠٠شششششش ولا كلمة انسى كل حاجة دلوقتي وأفتكرى بس أن دى أول مره من أربع سنين 

( هنا اتفتح الباب فجأة )

غادة ٠٠ الله الله ده انا مصدقتش لما السكرتيرة قالتلى انك هنا

أروى ٠٠ انا كنت عايزه عمر

عمر٠٠ أستنى انتى يا أروى.. ممكن أعرف انتى أزاى تقتحمى عليا مكتبى بطريقه دى

غادة٠٠ هو كان المفروض أستأذن 

عمر ٠٠ أيوه المفروض تستأذنى 

غادة ٠٠ مقولتش الكلام ده ليه لأروى هانم لما أقتحمت عليك المكتب من شوية

عمر٠٠ أظن انا حر 

غادة ٠٠ عمر نسيت انى خطبتك

عمر ٠٠ خطيبتى ده فى البيت انما هنا مديرك وبس

غادة ٠٠ أنا مش مصدقه انك بتكلمنى أنا كده و عشان خاطر مين.   دى

عمر ٠٠ غادة لأخر مره هقولك ... 

( قطعت أروى عبارته عندما تذكرت عمر عندما عرض الزواج على غادة أمام عينيها وقالت) 

أروى ٠٠ عمر مالهوش لازمه الكلام ده.. هى عندها حق .كمان ماينفعش تكلم خطبتك بطريقة دى على العموم انا خلصت الكلام إللى جيت عشان اقول ليكى... عند أذنكم

عمر ٠٠ استنى يا أروى انا جاى أوصلك 

أروى ٠٠متشكره ٠٠ متتعبش نفسك انا عارفه السكة لوحدى . 

( هنا تحدثت غادة بصوت واطى لكى لا يسمعها عمر و قال لأروى)

غادة٠٠ مع السلامة ياريت الزيارة ما تكررش تانى

أروى ٠٠ ( بأبتسامة) أوعدك انها هتكرر كتير بااااى

( غادرتزززز أروى و هنا قال عمر)

عمر ٠٠ ممكن أعرف ايه إللى انتى عملتى مع أروى ده

غادة ٠٠ هى رجعت تضحك عليك من تانى

عمر٠٠ ( بصراخ) غادة الزمى حدودك معايا إللى اقسم بالله هتشوفى من وش تانى صدقينى هيدايقك 

غادة ٠٠ أنا مش قادرة أفهم انت ازاى مصدقها بعد إللى عملتوا فيك 

عمر٠٠ ياريت متتكلميش فى موضوع ده تانى احسنلك ياريت كمان مالكيش دعوة بأروى

غادة ٠٠ههههه انا كنت فاكراك أذكى من كده مش واحده زى أروى تقر  تضحك عليك مرتين

عمر ٠٠ غادة لو اتكلمتى عن أروى بطريق دى تانى انسى موضوع خطوبنا خالص

غادة ٠٠ معقول انت لسه بتحبها 

عمر ٠٠ أه لسه بحبها و هفضل لحد ما اموت و انا بحبها .. اذا كان عجبك 

غادة ٠٠ أنا مش عارفه هى بتعملكم ايه بتشدكم ليها أزاى الأول انت ياعمر وبعدين زين.   أخركم كان طارق

عمر٠٠ تقصدى ايه بزين.. زين ماله بأروى 

غادة ٠٠ هو زين كان مهوس بحبها

(هنا مسكها عمر من ذراعها بقوة وقال)

عمر ٠٠( بصراخ ) أخرسى انتى كدابه أنا عارف انت طول عمرك بتكريها 

غادة ٠٠ آه انا بكرها عشان هى بنى أدمة بوشين 

كلكم فكرينها الملاك البريئة حتى بعد ما خانت أختها و سرقت جوزها منها .. بردوا رجعت تانى تمثل دور البريئه انتم بردوا مصدقنها

عمر٠٠ غادة أسكتى ولا كلمة تانى انتى فاهمة 

غادة ٠٠ هو الحق بيزعل

عمر ٠٠ حق ايه إللى بتتكلمى عليه انت عايزانى اصدق ان فى حاجة بين أروى و زين

غادة ٠٠ ايوه تصدقنى ..لانى عندى الدليل 

عمر٠٠ دليل ايه ده

غادة ٠٠ جواب بخط ايد أروى .. مكتوب فيه رساله لزين بتقولو فيه أد ايه هى بتحب و مش قادره تستغنى عنه و انها من غيرو مش عايشة انه بتعتبرو هو أول حب فى حياتها 

عمر٠٠ انا مش مصدقك

غادة ٠٠ الجواب معايا فى الشنطه ثوانى و اروح اجيب الشنطة من مكتبى 

(.ذهبت غادة و رجعت و هى تحمل ورقة )

غادة ٠٠ اتفضل الجواب أهو أظن انت عارف و متأكد أن ده خط ايد أروى 

( كانت صدمة قويه هزت وجدان عمر انه فعلآ خط أروى و أسلوبها كمان فى الكتابه هنا لم يقوى عمر على الوقوف لذلك رماه نفسه على اقرب مقاعد 

#يتبع

رايكم 

ما سر وراه كتبت أروى هذه الرساله لزين

هل غادة ليها علاقه بالرسالة

هل ستنجح خطط طارق فى أيذاء عمر

ماذا سيفعل طارق عندما يعلم بخروج أروى دون معرفتوا

شجعونى

#رواية_الضحية 

#الكاتبة٠أروى٠عادل 

#الفصل٠العشرون

( كانت صدمة قويه هزت وجدان عمر انه فعلآ خط أروى و أسلوبها كمان فى الكتابه هنا لم يقوى على الوقوف لذلك رماه نفسه على الكرسى كان فى حالة لا يرثى لها  و هو ينظر إللى الورقه الذى بيده

غادة ٠٠ أظن انت كده صدقت كل كلمة قولتها . و شوفت بنفسك هى كاتبة ايه لزين لو عايز تتأكد أكتر أسأل زين هو مش هيقدر ينكر  .. 

( هنا دخل حسام عندما رأى عمر بهذه الحالة قال)

حسام ٠٠ هو فيه ايه . عمر مالك .. غادة ممكن تقوليلى انتى فى ايه

غادة٠٠ أسأل صاحبك عن أذنكم انا عندى شغل

( ثم غادرت)

حسام٠٠ عمر ماترد عليا فى ايه . فيها ايه الورقه إللى فى يدك دى

( ثم سحب حسام الورقه من أيد عمر بعد ما قرأه حسام الورقه قال )

حسام٠٠ معناه ايه اللى مكتوب فى الورقة ده

عمر ٠٠ معناه لتانى مره أروى تعلم عليا  ..  لتانى مره أحسن انى عبيط أوى من السهل يضحك عليه.. لكن لأ ..لأ يا أروى المردى لازم تدفعى تمن خيانتك ليا

حسام ٠٠ عمر أهدى كده و خلينا نفهم....أروى متعملش كده 

عمر٠٠ ( بغضب) لما هى متعملش كده آمال ايه الجواب ده

حسام٠٠ الجواب ده مش مكتوب أنه من أروى. 

عمر ٠٠ مش لازم تكتب فيه اسمها عشان أعرف أنها هى إللى كاتبة الجواب . ده خط ايدها  . و طريقتها فى الكتابة  ... ده حتى نفس الكلام إللى كانت بتقولو ليا بس الفرق انها شالت أسم عمر و حطت اسم زين

حسام ٠٠ والله يا عمر انا مش عارف أقولك ايه .. 

بس الموضوع ده قديم من قبل ما أروى تتجوز طارق

عمر٠٠ ( بأستغراب)  وانت عرفت منين انه قديم

مع ان الجواب من غير تاريخ. ..

( هنا أرتباك حسام لذلك قال عمر)

عمر٠٠شكلك بيقول انك تعرف حاجة عن الموضوع ده

حسام ٠٠ مش بالظبط بس 

عمر٠٠ بس ايه ما تتكلم على طول

حسام ٠٠ انت سافرت الكويت وانا سافرت بعدك بسنه   صح  و.....

عمر ٠٠ كمل ايه إللى حصل فى السنة دى قبل ما   أنت تسافر 

حسام٠٠ فى السنه دى كنت ملاحظ أهتمام زين بأروى بس الشهاده لله أروى ماكنتش فى دماغها حاجة كانت بتتعامل معه عادى . لحد ما انا اتكلمت مع زين و قالى انه معجب بأروى من زمان . بس هو ماكنش مبين 

و كان عامل خاطر ليك

عمر ٠٠ يعنى كان معجب و بيفكر فيها و هو عارف أنى بحبها و تقولى كان عامل خاطر ليا

.لأ بصراحه واضح انه كان عاملى خاطر 

حسام ٠٠ بس وقتها . زين كان فاكر انك انت و أروى سيبتوا بعض

عمر ٠٠ أيه كمان  حصل بعد كده

حسام ٠٠ معرفش انا سفرت بعدها عرفت ان زين خطب أنجى  قولت أكيد الحوار ده إنتهى

عمر ٠٠ لأ ما أنتهاش و انا إللى  كنت مستغرب تصروفات زين و ليه ماكنش عايز يشتغل مع طارق .. كمان ليه طلب منى ابعد عن أروى . اتارى زين بيه كان بيغير  على أروى هانم انا أخر من يعلم

حسام ٠٠ بس ده كله مش معناه ان أروى ليها علاقه بالموضوع  ده

عمر ٠٠ و انت بدافع عنها أوى كده ليه. ايه اوعى تطلع بتحبها انت كمان

حسام ٠٠ انت اتجننت ايه اللى بتقولوا ده .ازاى قدرت تقول عليا كده

( بصوت مهزوم متألم  من خذلان عدم الثقه قال)

عمر ٠٠ أنا خلاص مبقاش عندى ثقه فى حد

حسام ٠٠ أنا مش هعاتبك ولا هلومك دلوقتى على إللى انت قولتوا لانى عذرك  .. انا همشى دلوقتى عشان عندى شغل 

( قبل انا يغادر حسام قال عمر له)

عمر ٠٠ حسام ياريت متزعلش منى ..

حسام ٠٠  لأ  ولا يهمك  يا صاحبى 

☆☆☆☆☆☆☆☆☆☆☆☆☆☆☆☆☆☆☆

فى فيلا طارق

بعد ما ذهبت أروى من عند عمر ذهبت إلى المستشفى  لأطمئنان على صحة أياد و رؤية ولدها بعد ذلك رجعت على الفيلا

طارق ٠٠حمدالله على السلامة يا هانم .. ما لسه بدرى

أروى ٠٠ لو سمحت انا تعبانه و عايزه ارتاح ياريت تأجل أى خناقه لبعدين

طارق٠٠ على أقل ممكن أعرف الهانم كانت فين .. 

و ازاى خرجتى رغم أنى منعتك من الخروج

أروى ٠٠ روحت أطمن على بابا . وأظن مش من  حقك تمنعنى أشوف أهلى

طارق ٠٠ أنا شايف ان علاقتك بأهلك أتحسنت كتير

أروى ٠٠ دى حاجة مدايقك 

طارق ٠٠ ابدآ  بس مستغرب . ايه اتغير  إللى حصل فجأة  فى علاقتهم

أروى٠٠ انا عارفة انك مدايق لأنى اتصلحت مع أهلى  لأنك عايزنى أفضل وحيده و تحت رحمتك مش كده

طارق ٠٠ انتى فعلآ تحت رحمتى و طول ما انتى عايشه هتفضلى رقبتك فى ايدى 

أروى ٠٠  انت متعبتش من تهديدك ليا كل شويه كفايه بقى انت مزهقتش من الحياة إللى احنا عايشنها مع بعض انا خلاص زهقت و  جبت أخرى من العلاقة دى

طارق ٠٠ هو ايه إللى كفايه .. انتى عايزه ايه يا أروى

أروى ٠٠. بلاش نضحك على بعض انت فاهم انا عايزه  ايه كويس أوى 

طارق٠٠ عايزه تسبينى مش كده

أروى ٠٠ طارق لا انت و لا انا مبسوطين مع بعض بدل ما كل شويه نجرح و نهين  بعض. طيب ليه ما كل واحد فينا يروح لحاله 

( ضحك طارق بصوت عالى)

طارق ٠٠ ههه انتى جايه تضحكى عليا بكلمتين 

فاكرانى  عبيط و هتأثر بكلامك .. شكلك نسيتى انا ممكن أعمل ايه فى أختك و فى اسم و سمعة عايلتك

لم أرفع قضية أثبت نسب على أختك

أروى ..  انت ايه هتفضل تهددنى بموضوع ده لحاد امتى  

طارق ٠٠ لحاد ما تعقلى تتقبلى جوازنا  

أروى ٠٠  مش هيحصل و انا عمرى ما اعتبرتك جوزى وانت عارف

طارق٠٠ مش مهم ولا فارق معايا تفكيرك المهم انك مدام طارق الهاشمى دى حقيقه واقع برضاكى أو غصب عنك 

أروى ٠٠ طارق  طلقني 

طارق٠٠ على جثتى ٠٠ 

أروى ٠٠ انا بكرهك 

طارق ٠٠ وانا بعشقك 

أروى ٠٠ انت مجنون 

طارق٠٠ مجنون بحبك 

أروى ٠٠ حرام عليك اعتقنى لوجه الله 

طارق ٠٠ مش هيحصل  . انتى ملكى انا 

☆☆☆☆☆☆☆☆☆☆☆☆☆☆☆☆☆☆☆☆

بعد مرور يومين  فى المساء

فى إحدى النوادى الليله 

يجلس طارق مع شادى و أنضم إليهم سعيد

كان طارق يصرخ فى سعيد بغضب عارم و هو يقول

طارق ٠٠ انت بتقول أيه ازاى حصل كده

سعيد ٠٠ والله يا باشا هو ده إللى حصل .  انا كنت مخطط لكل حاجة بالمظبوط و  أختارت معايا كمان رجلين من إللى بيكلوا الزلط .. كنا مراقبينوا.. حصل إللى كنا عايزينوا .. كان ماشى بالعربيه فى شارع مقطوع  و أول ما قطعنا عليه الطريق وقف بالعربيه على طول من غير أي مقاومة .. حتى مكانش باين على وشه اي حاجه 

شادى ٠٠ يعنى مش باين على وشى اي حاجه

سعيد ٠٠ يعنى لا مؤاخذه  مكانش خايف ولا قلقان وكأن الحوار ده عادى كدة. لسه بقولوا طلع إللى. معاك راح مطلع المسدس  وضرب علينا نار  و كأنه هو إللى كان عامل لينا كمين مش احنا

طارق ٠٠ يعنى ايه ايه الكلام ده يعنى عمر  محصلش له حاجة  

سعيد ٠٠ يا باشا إللى اسمه عمر ده راجل مش سهل  ده بعد ما ثبتنا انا و رجالة  . سابنا نمشى عادى كده  بس  قالنا .. بلغوا سلامى لطارق بيه  

شادى ٠٠ يعنى كان عارف انك انت إللى بعتهم

طارق ٠٠ طيب عرف منين .و ليه مش بلغ البوليس

سعيد ٠٠ بوليس اسمع يا باشا انا ماليش دعوة بالحوار ده  انا ماشى

شادى ٠٠ انت اتكلمت مع حد فى الموضوع ده 

طارق ٠٠ أكيد لأ طبعآ 

شادى ٠٠ طيب عرف منين.. يمكن حد سمعنا و احنا بتكلم فى الفيلا  عندك

طارق٠٠ تقصد أروى سمعت و قالتلوا   

شادى ٠٠ أنا قولت ممكن مش أكيد  بعدين فى كمان امل كنت فى الفيلا 

( هنا غادر طارق بسرعة إلى الفيلا )

☆☆☆☆☆☆☆☆☆☆☆☆☆☆☆☆☆

فى فيلا طارق

طارق ٠٠( بصراخ) أمل أمل  أمل

( جائت أمل وهى تركض )

أمل ٠٠ فى ايه يا طارق بيه

طارق ٠٠ من يومين فى أوضتة المكتب كان معايا شادى  و سعيد . انتى سمعتى كلامنا يومها

أمل ٠٠ ليه يا طارق بيه هو حد قالك حاجة عنى

طارق ٠٠ ردى على أد السؤال وبس.

أمل ٠٠ لأ والله يا طارق بيه انا جبتلكم القهوة و مشيت على طول

طارق ٠٠ طيب  فى حد يومها كان قريب من أوضتة المكتب 

أمل ٠٠ مافيش . بس  أروى هانم يومها سألتنى مين معاك فى المكتب قولتها و بعدها روحت على المطبخ 

طارق ٠٠ طيب روحى انتى دلوقتى 

( ثم ذهب إلى غرفة أروى  و طرق الباب)

أروى ٠٠  فى ايه يا طارق انت مش عارف الساعة كام دلوقتى

طارق ٠٠ أفتحى الباب  بدل ما أكسرو

( فتحت أروى الباب ) 

أروى٠٠ نعم فى ايه 

طارق٠٠ انتى اللى روحتى قولتله

أروى ٠٠ قولت ايه و لمين  .. اه شكلك  سكران 

طارق ٠٠ انتى إللى روحتى حذرتى عمر 

أروى ٠٠  ( ببرود) حذرته من ايه

طارق ٠٠ أروى  بلاش تعملى فيها عبيطه هانم انتى فاهمه انا بتكلم على ايه  انتى سمعتى كلامى و روحتى قولتى لعمر صح

( هنا مسكت هاتفها و شغلت التسجيل إللى فيه الاتفاق على أيذاء عمر وقالت)

أروى ٠٠  تقصد الكلام إللى فى التسجيل ده

(اتصدمه طارق عندما سمع التسجيل وقال)

طارق ٠٠ انتى بتسجيلى ليا هى حصلت

أروى٠٠ اه حصلت  و هتحصل أكتر من كده لو فكرت تأذى عمر انت فاهم

( هنا مسكها طارق من ذراعيها بغضب   وقال)

طارق ٠٠  انتى ايه إللى بينك وبينه . انطقى  احسن اقسم بالله ما أخلص عليكى دلوقتى 

أروى ٠٠ بحبه  . ايوه انا بحب عمر ٠٠ بحبه من و انا لسه عيله صغيره .من قبل حتى ما أعرف يعنى ايه حب..  ياريت تكون أرتحت  بعد ما عرفت اللى بينى وبين عمر

طارق ٠٠ ياه انتى بقيتى بجحه أوى كده من أمتى 

أروى٠٠ فى مثل بيقول من جاور القوم أربعين يوم صار منهم و انا جاورتك سنتين كان لازم اتعلم منك 

طارق ٠٠  شكلى أتسهلت معاكى كتير .. 

أروى ٠٠ يعنى  هتعمل ايه هتضربنى زى كل مره

طارق ٠٠ لأ اضرب مبقاش يجيب معاكى نتيجة

بس انا عارف كويس أوى ايه إللى يجيب معاكى نتيجة

( وهنا اقترب منها طارق و سحبها من خصرها إليه )

طارق ٠٠ سنتين و انا مستحمل بعدك  نفورك منى كنت بقول حقك عشان الطريقه إللى اتجوزتك بيها 

لكن لحد هنا وبس انتى دلوقتى هتبقى مراتى قولآ 

و فعلآ

( كانت أروى بتحاول تفلت منه وهى تدفعوا بعيد عنها كانت لمساته تحرقها من الداخل كما أنها كانت بتحاول جاهدة توصل لأى شئ تدافع بيه عن نفسها  و أخيرآ وصلت إلى الفازة

ثم ضربت بيها طارق على رأسه ثم ركضت مسرعة إلى الحمام و قفلت الباب خلفها.وهنا صرخ بها طارق وقال

طارق ٠٠افتحى الباب يا أروى. المردى انا مش  هسيبك

أروى ٠٠ مش هفتح  لو حاولت تكسر الباب  هموت نفسى 

طارق ٠٠ خلاص مابقتش إكل من الكلام

( عندما قامه طارق بكسر الباب رأى أروى ماسكه مشرط فى يديها و مستعدة لقطع شرايينها وهنا وقالت)

أروى ٠٠ لو قربتلى انا هقطع شرايينى 

طارق ٠٠ سيبك من الجنان ده و أرمى البتاع ده من ايدك 

أورى ٠٠ أطلع بره الأول 

طارق ٠٠ ( بخوف) طيب طيب بس ابعدى المشرط  عن  ايدك

أروى ٠٠ اخرج الاول 

( هنا خرج طارق وهو يجر أذيال الخيبة وراه و هو يقول)

طارق ٠٠  أنا انتحملت منك كتير و صبرت عليكى أكتر بس خليكى فاكره ان دى أخر مره هخرج من الأوضة و قفاية يقمر عيش و من بكره هتتنقلى لأوضتى 

( ثم خرج فورآ من الغرفة)

☆☆☆☆☆☆☆☆☆☆☆☆☆☆☆☆☆☆☆

اليوم التالى 

أروى جبسه نفسها فى غرفتها خايفه من طارق من تهديدو

(وهنا رن هاتف أروى )

( بداية المكالمة )

(أسراء بصوت مبحوح من البكاء)

أسراء ٠٠ أروى خلاص  ربنا انتقملك منى. تقدرى دلوقتى  تعيشى حياتك زى ما انتى عايزه

أروى ٠٠ مالك انتى بتعيطى ليه .. وايه إللى انتى بتقولى ده

أسراء ٠٠ خلاص يا أروى طارق مبقاش يقدر يعملك حاجة انتى بقيتى حره

أروى٠٠ انا مش فاهمة  حاجة

#يتبع 

رايكم 

ماذا حدث مع أسراء

ماذا ستكون رد فعل أروى عندما يوجها عمر بالجواب

ماذا سيفعل طارق بعد ما علم بحب أروى لعمر 

تكملة الرواية من هناااااااا