رواية عشقت من اعتبروها اختي الفصل الثانى وعشرون 22بقلم جاسمين محمد (جديده وحصريه وكامله)

رواية عشقت من اعتبروها اختي الفصل الثانى وعشرون 22بقلم جاسمين محمد (جديده وحصريه وكامله)

رواية عشقت من اعتبروها اختي الفصل الثانى وعشرون 22بقلم جاسمين محمد (جديده وحصريه وكامله)

اولا انااااا اسفهههههه انا عارفه ان الروايه دي بوخت فيها اووي واخرت عليكم كذا مره بس والله الفتره دي عنيه والصداع مش سيبيني واهخلص الروايه دي ومش هنزل روايه جديده غير لم اخف ان شاءلله 

                       ♡ 22 ♡اللي قبل الاخير 

#عشقت_من_اعتبروها_اختي 

قدس بعدت عنه حبه وبعياط... امال ليه قولت كدت وقتها 

فهد بحزن... عشان حنان هانم لو عرفت اني بحبك كانت هتحرمني منك عشان مش عايزه تشوفني مبسوط 

قدس بصدمه... طيب ليه مش عايزه تشوفك مبسوط دانت ابنها 

فهد بوجع... مطلعتش ابنها 

قدس بصدمه.... نعمممم كيف ده 🌿🌿🌿🌿🌿🌿🌿

فهد... معرفش بس انا سمعتها في مره بتكلم حد في التلفون 

فلاش بااااك 

فهد كان طالع الشقه ولسه هيفتح الباب لاقي حنان بتتكلم في التلفون 

حنان.... الو ايو يامحروس ياخوي 

........ 

حنان... يعني هعمل اي طيب مهو انا متنيله مستحمله اللي اسمو فهد ده عشان الزفت جوزي كتبلوا من الورث وانا مستحيل اخليه هو او قدس دي ياخدو حاجه لازم كل حاجه ياخدها مروان ابني بس

............. 

حنان... عارف ياما نفسي اخلص منه بقا قال ابني قال بلا قرف هفضل امثل لحد ايمتا انه ابني انا زهقت 

.......... 

حنان... ماشي هستناك لحد ما تنزل من ليبيا ماشي سلام 

....... 

بااااااك 

فهد نزلت دمعه من عيونه وبحزن... انا مش عارفه ازاي وليه بتكرهني كدا هو انا كنت عملتلها اي دانا دايما حنين معاها وبعملها كل اللي بتطلبه 

قدس عيطت عليه وخدته في حضنها... هش اهدي انا جنبك وهفضل معاك بالله عليك كفايه انا مقدرش اشوفك كدا انا بقوه بيك يافهد 

فهد حضنها جامد وبعياط.... متبعديش عني ياقدس ارجوكي انا دلوقتي مليش غيرك 

قدس بعياط.... مقدرش ابعد عنك ياقلب قدس 

صفاء دخلت عليهم وحاولت تلطف الجو.... وه وه وه اي ده لا انا هبلغ بليس الاداب انا بيتي طاهر اه طاهر وهيفضل طول عمره طاهر 

قدس وفهد بعدو عن بعض وبصوا لبعض وانفجرو في الضحك علي اللي قالته صفاء 

صفاء بضحك.... ههههه ايو كدا اضحكوا وفككم من الدنيا ياعيال هي مره واحدها هنعيشها فعيشوها في فرح وقولوا للحزن فستين داهيه احنا مش عايزينك 

قدس... والله بجد مش عارفه من غيرك كنت عملت اي بجد يابخت اللي انتي في حياته 

صفاء.... يابختي بقلبك انتي ياقدس والله انتي ما في في قلبك ولا طيبتك ووجهت كلامها لفهد ورفعت صباعها في وشه... واد يافهد انت تاخد بالك منها وتحطها في عينك واياك تزعلها احسن ما اقفلك انا اه هقفلك وهزعلك تحافظ عليها وتحميها انت سامع

فهد بضحك رفع ايدو عند راسه زي التحيه بتاعت الظابط.... اؤمرك يافندم هتتنفذ اصلا من غير متقولي دي في عنيه وقلبي وروحي ونفسي ودنيتي وغمز لقدس وقدس وشها احمر من الكسوف وقامت جرت علي بر 

صفاء بضحك... ههههه هو انتي لسه بتتكسفي يابيضه وقعدت جنب فهد اللي انفجر من الضحك علي كلام صفاء 

فهد... بجد مع اني لسه عارفك بس بجد حبيتك اوووي هو انتي عايشه لوحدك هنا يعني عيالك فين

صفاء بحزن... عيالي

فهد.... هو انا قولت حاجه غلط انا اسف 

صفاء... لا يابني عادي عيالي يابني واحد اتجوز بر واستقر مع مراته والتاني اتخطف مني وهو صغير ولحد دلوقتي بدور عليه لسه 

فهد بحزن علي حالها.... ممكن صورته طيب يمكن اقدر اساعدك واخلي حد يعملك تحريات عليه ونعرف اذا كان لسه عايش او لا 

صفاء بفرحه... بجد يابني 

فهد... اه بحد 

صفاء... استنا اجبلك الصوره ولسه هتقوم قدس نادمت عليهم 

قدس... يالا يافهد انت وطنط صفاء عشان تفطرو

فهد بص لصفاء بصدمه... اوعي تقولي ان هي اللي عملت الاكل 

صفاء وهي بتكتم ضحكتها وهزت راسها باه 

فهد... يعني هيجيلنا تلبك معوي النهارده 

صفاء انفجرت في الضحك.... ههههه لا مش لدرجادي بس حاول متزعلهاش وتاكل الاكل حتي لو مش حلو كفايه انها بتحاول انها تعمل مش زي ناس بطنش ومش بتعمل ولا بتحاول 

فهد بتفهم... حاضر بجد قدس عندها حق يابخت اللي انتي في حياته 

صفاء... ربنا يخليك يابني ويسعدك 

فهد... يارب يلا نقوم نفطر 

صفاء... يلا 

................ 

عند حنان 

حنان... ها يارفعت عرفت مكانها 

رفعت... اه وفهد كمان وصلها 

حنان بصدمه... طيب والعمل 

رفعت بشر... كدا مقدمناش حل غير ان نخلص علي الاتنين وخلاص 

حنان بتفكير... امممم مع ان فهد مش عايزه يموت دلوقتي بس ماشي 

رفعت بضحك... ههههه طيب يالحلوه وهم جين في الطريق العربيه بتاعتهم هتعمل حدثه وتنفجر بيهم تمام 

حنان بضحك.... ههههههه تمام 

مروان بصدمه وهو واقف وره الباب الكبايه اللي كان مسكها وقعت اتكسرت 

حنان بصت بصدمه ورها لقت مروان 

مروان بصدمه... انتي ازاي كدا 

حنان بعصبيه... كدا كيف في اي 

مروان بعصبيه... يابجاحتك في ام تموت ابنها وتقولي في اي 

حنان بعصبيه... فهد مش ابني 

مروان بصدمه... نعمممم كيف ده كمان 

حنان بعصبيه... فهد بيكون من ابوك بس ابوك غلط زمان مع ام صحبه بعد ما مات وخطف منها ابنها وقتها 

فلاش بااااك 

حنان بحزن... ياااا يعني بعد كل السنين دي كلها وتخوني يامحمد 

محمد بحزن... صدقيني ياحنان والله مكنتش في وعي وقتها ومش عارف انا عملت كدا كيف 

حنان... مش مبرر للي عملتوا كيف مكنتش في وعيك وازاي تبقا حامل منك وتجيب عيل اشمعنا انا متجوزاك اربع سنين  ومحملتش لحد دلوقتي 

محمد بحزن... اهدي ياحبيبتي والله حقك عليا 

حنان بحزن... طلقني يامحمد انا اصلا مستحيل اقعد معاك بعد اللي حصل 

محمد بحزن... لا ياحنان انا مقدرش اعيش من غيرك 

حنان بحزن... بس انا مش هقدر استحمل ان العيب مني انا ومش قادره اجبلك العيل 

محمد... انا ممكن اخدو منها ويكون ابنك انتي بس متسبنيش 

حنان بخبث... بجد يامحمد بس كيف 

محمد بتوتر... ها مش عارف 

حنان بخبث... كدا كدا هو بالنسبه للناس وليها هو ابن حرام واكيد هي معهاش تقدر تصرف علي العيال الاتنين فا احنا هنسبلها ابن حوزها ونخطف ابنك ونسافر كام سنه ونرجع بيه وانا اربيه ويكون ابني انا 

محمد بحب... انا موافق المهم انك متسبنيش وتفضلي معايا 

حنان بخبث... انا بحبك اووي يامحمد اياك تخوني تاني عشان مستحيل اسامحك 

محمد... مقدرش حقك عليا 

باااااك 

حنان... بس يعني فهد ابن الوليه مرات صحبه وانا ربيته وكان عندو وقتها سنتين ونص وبعد مخطفنه من امه وربيته بعدها بخمس سنين انا حملت فيك وقتها بدات اتجاهلوا واهتم بيك انت وكنت عايزه اقوله الحقيقه وابعدو عني بس جدك الله لا يسامحه قالي ان عملت كدا هيخلي ابوك يرمي علي اليمين ويطلقني عشان انا اللي طلبت منه يخطفه من امه عشان اربيه المهم وافقت اربيه وكنت علي امل ان لم يكبر اعرفه الحقيقه بس اكتشفت من فتره ان جدك كاتب الورث ليكم انتو التلات انت وقدس وفهد فمش قدامي فرصه عشان اعملك مستقبل غير اني اتخلص منهم عشان كل حاجه تكون ليك 

مروان بصدمه... انتي مستحيل تكوني انسانه او انك ام انتي اي اي الجبروت ده انا مستحيل اساعدك تعملي اكدا انا لازم اروح انقذهم 

حنان مسكته من ايدو... ان خطيت عتبت البيت هتكون ولا ابني ولا اعرفك 

مروان... احسن انا بعد اللي عرفته ميشرفنيش انك تكوني امي اصلا وسابها ومسك تلفونه وقعد يرن علي فهد وطلع جري علي تحت 

.............. عند فهد 

قدس... مترد علي مروان دي تالت مره يرن 

فهد... فكك ده عيل رغاي واحنا اصلا مروحين يلا 

قدس... ماشي وبصت لصفاء وبحزن... هتوحشيني اووي 

صفاء... وانتي كمان ياحبيبتي اوعي تنسيني ابقا تعالي شوفيني 

قدس بعياط... مقدرش انساكي علطول هجيلك 

صفاء بعياط حضنتها... خلي بالك منها يابني 

فهد.... حاضر ياخالتي وبيبص لاقي تلفونه بيرن يلا ياقدس خلينا نشوف الزفت ده يلا سلام 

صفاء... سلام ياولاد ربنا يحفظكم يارب 

فهد وقدس... يارب وطلعوا ركبوا العربيه ومشي 

يتبعع..... 

#جاسمين_محمد

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا