رواية عشق الادهم الفصل الثانى 2بقلم ميفو السلطان( جديده وحصريه وكامله في مدونة قصر الروايات)

 رواية عشق الادهم الفصل الثانى 2بقلم ميفو السلطان( جديده وحصريه وكامله في مدونة قصر الروايات)

رواية عشق الادهم الفصل الثانى 2بقلم ميفو السلطان( جديده وحصريه وكامله في مدونة قصر الروايات)

البارت الثاني..قلم ميفو السلطان..

كنا قد تركنا ام عشق تاكل نفسها من كرهها وغلها لادهم فكانت تظنه لا يستحق ابنتها لتقوم وتاتي بتليفونها وتتكلم مع كامل ليرد عليها متلهفا... ايه يا طنط فيه جديد..

فهتفت بحقد.. لا مفيش زفت شوف بقه يا كامل شفلك صرفه للواد ده يخفي من سكتها خطط لحاجه انا مش قادره عليها.. انت شاب زيهم وتعرف كويس ايه اللي يوجعهم ويبعدو عن بعض البت قافشه. بنتي هبله وصغيره والواد ساحرلها وربنا.. البت بتتحول لو جبت سرته اتصرف وانا من ايدك دي لايدك دي.

فهتف ... طيب يا طنط طالما ادتيني الضوء الاخضر هفكر وامخمخ واتصرف وابعد الجربوع ده عنها.. عشق ست البنات لازم تنام في العز....ميفو ميفو

. لتهتف هيا...... ايدي في ايدك يا كامل يابني واللي تشاور عليه هعمله..

فهتف.... ماشي يا طنط سيبيني يومين كده واضبط الموضوع.. ليقفل معها وهيا تمني نفسها بزواجه ملوكي...

اما الاخر فظل يفكر كيف يبعدهم.. ماتنفعش الخيانه مش هيصدق فيها ولا هيا هتصدق فيه.. ماينفعش الفلوس بت فقر مالهاش في الفلوس.. امال يا كامل امال يا كامل لتلمع في راسه خطه ملوكي.عشان يوصل لازم الغرزه تبقي صح وساعتها بخ طار ادهم.... وظل يضحك ليذهب لتنفيذ خطته فرق بها بين الحبيبين...

في مكان اخر في شركه ادهم كان ادهم يجلس في عمله كان شخصا طيبا هادئا ليس له في المشاكل حنون يحبه الكل ويحترمه لطيبه أخلاقه وسمعته .دخل عليهم رجل الاعمال الذي كلمه قبل ذلك عن مشروعه وقال.. ازيك يا ادهم عامل ايه..

فهتف بخير يا باشمهندس عصام..

ليقول له.... هتخلص امتي  انا علي فكره مستنيك بس ماتروحش من ورايا وتديه لحد .

فرح ادهم بشده وقال . لا انا وعدتك َخلاص تقريبا  هيكون تحت ايديك..

هتف عصام.. تصدق يا ادهم ساعتها هتبقي شريكي في المشروع وهيفتح علينا ابواب خير من وسع.. عشان انت مجتهد ومحترم وانا بتأمل خير فيك.. 

سعد ادهم بشده وشعر ان ايامه القادمه خير كلها  ثم استاذن عصام وجلس ادهم يفكر وهو سعيد ثم تاتي علي باله محبوبته رفع الفون وتحدث... يا صباح القشطه يا قشطتي.. كانت هيا لم تفق بعد..

لتهمس صباح الخير يا قلبي.....ميفو ميفو

فهتف.... انت نايمه يا قلبي وانا اقول قلبه مسخس من صوتك ده ليه...

فقالت.. صباح الخير يا حبيبي لا مكسله اقوم اعمل ايه مانت مانعني من الشغل.

فهتف.... ليه متجوز دكر بط.. لا يا عمري انت تخلصي جامعتك وتقعدي هانم كده..

همست... ربنا يخليك ليا يا قلبي..

فهتف ....ويخليكي يا فرحه حياتي.. كنت بفرحك ان قريب مشروعي هيشوف النور..

فقفزت بسعاده ....بجد يا روحي بجد..

فهتف.... والله يا روح الروح ادعيلي..

فقالت.. يالهوي يا ادهم دانا مابسيبش فرض الا وادعيلك يا عمري... ظلا يتحدثان لبعض الوقت ليقفل ويعود لعمله وتنام. وهيا تتنهد  وتتخيل ايامها معه وسعادتها التي تحلم بها .

قامت عشق من نومها وصلت فرضها ودعت لزوجها بالخير والصلاح ولبست ونزلت لتشتري بعض الاشياء لتعود في المساء مشي وراءها كامل يعترض طريقها ويقترب َمنها ويقول.... ازيك يا عشق ايه الصدفه دي احلي صدفه في الدنيا..

فتاففت لتقول كامل... من فضلك ماتعمليش مشاكل.

فهتف مستنكرا... واعملك مشاكل ليه يا بنت الناس دانا بعزك اوي وانت مش عايزه تحسي..

فهتفت...من فضلك انا ست متجوزه ابعد عني..

ليضحك ويقول.... انت ماتجوزتيش يا عشق عشان ابعد... انا مش عارف انت ازاي كده يا بنت الناس انا بحبك ورايدك بحلال ربنا وطلباتك وطلبات والدتك من الالف لمليون وشبكه ماحدش جابها.. َماحدش هيحبك ادي.....ميفو ميفو

لتهتف بغضب ...انت اتجننت ايه ده فلوس ايه وزفت ايه انا مش بتاعه فلوس يبقي تحترم نفسك يا ريت بقه وتوريني عرض كتافك تعرف تحس يا اخي مش طيقاك انت ازاي كده وبقلك ابعد عني انا هتجوز ادهم واياك تتعرضلي تاني. يمين بالله لاكون مصرخه ولاَمه عليك الناس.. انت تحس علي دمك وابعد عني بقه دا ايه القرف ده وتركته ومشت وهيا غاضبه .

هتف ووقف امامها.... طب يمين علي يمينك مانت متجوزاه ولو انطبقت السما عالارض يا عشق اذا كنت مش هتتجوزيني يبقي لانا ولا هوا وابقي افتكري اوي ساعتها هتجيلي راكعه ارحمكو. وتركها وذهب والغل يملا قلبه

شعرت عشق بالخوف علي حبيببها فاحست ان كامل مجنون... فهتفت.. يا رب احفظلي حبيبي..

كان ادهم من بعيد قد اتي بعد انصراف كامل ليري كامل بعد ان انصرف ليذهب اليها وقلبه مشتعل اخذها من يدها عنوه وصعد بها شقته وما ان دخلا حتي صرخ بها.. انت  ناويه علي موتي صح اقتلك الواد ده عشان ترتاحي وتقف معاه كويس..

لتنفجر بالبكاء ولم تستطع الرد من تجنيه عليها

لتأتي والدته...... ايه يابني انت اتجننت بتزعق كده ليه.

هتف بعنف.. ماما من فضلك ماتتدخليش وقام واخذها من يدها ودخل حجرته وقفل الباب.. وظل ينظر اليها والغيره تنهش قلبه ومنظرها يوجعه.. اقترب وقال.. انت بطلي عياط بقه الله وكلميني..

لترفع نظرها والدموع تنزل من عينها وقامت .... انا عايزه اروح سيبني اروح.....ميفو ميفو

هتف بغضب.. لا والله تروحي معيطه دا اللي فاكراني هعمله.. ليغمض عينيه يحاول ان يسيطر عليها جلس بجوارها حاولت ان تقوم ليمسكها.. طب اهدي وقولي اهوه بتكلم بالراحه.. واقفه مع الزفت ده ليه...

كانت خائفه من ان تقول له شئ لتقول... انا ماوقفتش هو اللي وقفني يصبح وانا سيبته ومشيت.. اعمل ايه يعني..

هتف ساخطا ....بيصبح بتاع ايه عليكي..

صرخت فيه.... وانا مالي طيب الله وكانت تبكي بشده من شدها له وزعيقه معها..

ظل واقفا ينظر اليها بلا حيله يعلم انها لم تفعل شئ اقترب بهدوء ومسك يدها وقبلها لتسحبهم منه...

ليقول ....يا عشق انا بغير عليكي موت اعمل ايه ولما شفته ولعت..

ظلت صامته ودموعها تنزل..  طب هتفضلي ساكته كده وتوجعيلي قلبي..

هتفت.. عايزه اروح  سيبني امشي..

ابتسم علي طفوليتها ليقول.. وعايزه تمشي وتسيبيني والع كده مش تطفي النار اللي جوايا...لم ترد عليه.. طب عايزه تمشي ليه يا قلبي وتسيبيني....

هبت وقامت تقول بغيظ فهو سيصالحها ككل مره فقررت ان تذهب وتتركه.. انا عايزه اروح ممكن بقي تفتح الباب ده..

قام وعلم انها غاضبه شدها اليه.... طب القمر عايز يمشي زعلان كده ويسيبني اكل في نفسي.. رد عليا يا قلبي هتفضلي ساكته كده.. طب هصالحك طيب وانا مابصدق..

خجلت منه وردت..... تصالح ايه بعد ما شدتني في الشارع زي البقره وتزعقلي قدام والدتك انت فاكرني هبله هتصالح.. اوعي بقه عشان اروح..

هتف...طب والله مانت معتباها الا وانا مصالحك ونايل الرضا وفوقهم بوسه كمان..

قالت.... ماتحترم نفسك.. انت بتزعق ليه وانا مليش ذنب طيب وبكت مره اخري .

اقترب منها واحتضنها بحب.. والله ما ببقي حاسس بنفسي يا عمري بحس بالولعه شبططت في جتتي مابستحملش حد يقرب منك انت بتاعتي انا لحد اخر نفس.. ظلت صامته.. 

اقترب يشدها يحتضنها لتحاول ان تفلت منه فيقول. اهدي يا قمري مش هتطلعي من حضني ده وانت حتي مكشره.. ازال غطاء راسها وظل يقبل راسها ويتمتم بكلمات الحب والاعتذار حتي استكانت من حبها له لتقول ....حرام عليك يا ادهم انت بتبقي وحش وانت زعلان . انا بتوجع منك كده وماستحملش كده... 

شدد عليها و..قال.... انا اسف نفسي ادخلك ضلوعي بس اعمل ايه اخطفك واطفش بيكي يقولو الواد اتهبل.....ميفو ميفو

لتتململ من احضانه وتبتعد.. لا يا اخويا مش كل مره تزعقلي وتيجي تعمل كده وتصالحني انا هروح ومش هكلمك اسبوع بحاله..عشان تبقي تزعقلي كويس

شدها اليه.. واهون عليكي اسبوع بحاله دانا اموت..

لتقول.. اه عشان تبطل عصبيتك دي اوعي بقه كده مش كل مره..

شدد عليها اكتر وضحك ....يا بت يا هبله انت ما هتخرجي من حضني ابدا فاعقلي كده.. دانت حبيبي اللي بتمناه من الدنيا.. حته البت اللي هموت وتبقي بتاعتي تقوليلي سيبني اسبوع.. انا عارف انك هبله بس مش كده

خبطته في صدره ....هبله ايه طب اوعي بقه وروح شفلك العاقلين.. ماهو خلاص انت تقعد مع الحلوين في شركتك تهزر وانا هنا تزعقلي.

ضحك ويقول.. اقعد َمع الحلوين.. والله مافيه حلو وناعم غيرك يا قمري.. رفع وجهها وقال والله بحبك.. انت قلبي اللي عايشله حتي شوفي واخذ يدها ووضعه علي قلبه لتذوب فيه ابتسم وقد هامت فيه كان يعرف تأثيره عليها اقترب من وجهها وهمس ...هتفوقي والا اعمل ايه في نفسي.. لم تتحرك من َمكانها احتضنها بشده.. يا رب البت مسخسخه اروح فين صبرني يا رب اخدها بالحلال.. ظلا فتره فاحس انه لم يعد قادرا ليهمس ويقبل اذنها.. عشق انت هتفضلي كده.. 

همست بتوهان... هفضل ازاي.. 

قال ....مولعه فيا والله ههجم عليكي وهموت وابوسك يا بت انا جوزك..

لتتململ بين يديه.... بس بقه يا دومي عيب كده.

هتف...وانت لما تقليلي كده هكون خلاص  دا دومي دي بتسيب مفاصلي وانت قمر بين دراعي يا رب هعض في روحي كمان شويه... 

ضحكت وقال.... احسن عشان تبطل تزعقلي..

قال.... وانا لو بطلت ايه النظام هسحسح يا قلبي..

بعدته وتقول....اوعي ليه بقيت قليل الادب..

هتف ...انا قليل الادب.. دانت غلبانه دا لسه ألف به.. مشوار لحد الية.. يا لهوي هوصل هناك امتي يا عالم..

كانت تحاول ان تتركه ولكنه شدد عليها ليقول ....ايه خلاص مش زعلانه.. انا حبيبي طيب وساعات انا بجحش كده . بس حبيبي بيحبني.. مش كده يا حبيبي ورفع وجهها لتبتسم وتهز راسها خجلا .حملها يدور بها وهيا تضحك وقبل راسها .... طب ايه مش هتديني حاجه تبل ريقي كده قبل ماتمشي.. .

تصنعت الجديه وربطت شعرها وقالت... بس يا بابا قفلنا خلاص وهمت ان تمشي .

احتضنها من الخلف وقبل شعرها لتتنهد بقوه وفقال... هتوحشيني يا حته من قلبي.. وظلا هكذا فتره لا تتحرك ليهتف.. طب ايه هتفضلي في حضني كده وانا جتتي مش خالصه اتحرك يا وحش.. وداعب جسدها

شهقت ودفعته ورحلت وهو واقف يتمني اليوم ان تكون له وفي بيته.....ميفو ميفو...

عند كامل....تركها كامل وهو يغلي والحقد بداخله ليهتف بحنق.. بقي انا تفضلي عليا الجربوع الشحات ده ليه فيه ايه زياده ان ماكنت احرق قلبك عليه مابقاش كامل يا عشق يبقى ساعتها هتعرفي مين الدكر عن حق.. ورفع فونه وتحدث.. اهلا اهلا بالغالي.. ازيك يا كبير عايز اشوفك... لا يا عم مش عشان السهر والشرب لا عايزك وساعتها هضبطك واحلي سهر بس عايز اقعد معاك.. محتاج لدماغك السم دي الا انت استاذ وانا بحب الدماغ المتكلفه... لا مش عالتليفون لازم احكيلك وش لوش الكلام كتير وكبير.. وحلاوتك هتبقي عليوي اوي.. بس دماغك تضبطها كده وتصحصحلي.. طيب هقابلك بالليل ماشي نفس السهره اللي فاتت بس لوحدنا.. ماتتاخرش.. سلام يا غالي..لينهي المكالمه اهوه ده بقه اللي هيجيب مناخيرك الارض يا عشق ومابقاش كامل ان ماكنت اعرفك انا مين..

في المساء كانت عشق قد جهزت كيكه الشيكولاته التي يحبها ادهم ويعشقها لتذهب اليه...

هتفت امها.... راحه للمتعوس.. روحي ربنا ياخده عشان ارتاح ونرتاح كلنا..

لتستغفر عشق وتقول.... بعد الشر حرام عليكي انت ايه يا شيخه..

هتفت امها..... واخداله كمان طفح طب يا بنت اجلال..

هتفت عشق.. والله من خيره من كتر مابيجيب وشي بقي في الارض وانت مابتبطليش.. انت فاكره بكده هيزهق ويطفش والله لو عملتي ايه.. انا ماشيه يا رب ريحني..

فهتفت اجلال ....يريحك ويريحني وياخده يا بنت قلبي...

خرجت عشق والدموع في عينيها وقد تعبت مما يجري معها لتقف برهه تتنفس وتذهب لحبيبها تطرق الباب فتحت لها والدته فقبلتها وقالت ....ازيك يا ست الكل عامله ايه انهارده .. 

فربتت امه على كتفها وقالت.... في نعمه يا حبيبتي خشي تعالي.. ادهم جوا يا نن عيني ماعدش بينام قافل علي نفسه شغل في شغل خشي هوني عليه شويه... فاعطتها كيكه وقالت طب دوقي بقه عمايل ايديا..

فهتفت الام ....بحب تسلميلي يا غاليه يا مرات الغالي.. 

دخل هيا بهدوء لتجده منشغلا ومنهمك وظلت واقفه ووضعت مافي يدها عالكوميدينو وجلست عالسرير تنظر اليه بهيام ظلت فتره تنظر اليه كان منهمكا ليتنهد ويعتدل ويحاول ان يعدل جسمه  ليتفاجا بجميلته تنظر له بهيام ابتسم واتسعت ابتسامته وهتف... ودا من امتي ان شاءالله..

فضحكت.... من زمان يا قلبي وانت مش هنا خالص.

فقام واقترب منها ليلاحظ الكيكه فيبتسم..... لا وكمان عملالي كيكه ياقلبي دانت راضيه عني قوي..

وقفت وذهبت تقطع له قطعه وتقول.. طول عمري راضيه وهفضل راضيه يا نن عين وقلب عشق من جوا..

فاقترب واخذ يدها وظلت تاكله حتي انتهت مافي يدها فقبل يدها وقال ....تسلم ايدك اللي عايزه تتباس دي....

فابتسمت وقالت ....عامل ايه يا حبيبي فهتف بسعاده.... هانت يا قلبي هانت خلاص اخر تكات وابقي عديت..

قفزت فرحه وتدور وقالت.... وتبقي المهندس باشا ادهم .

خطفها وحملها يدور بها.. لا ساعتها هبقي جوز عشق هانم مش هستني سنتين يا قلب ادهم ساعتها هخطفك واتجوزك ويبقي حد يقفلي.....ميفو ميفو

فاحمرت وقالت..... انت مجنون والله..

فانزلها واحتضنها بشده يقول.... بيكي وعليكي.. سعات بقعد اقول عملت ايه في دنيتك يا ادهم تستحق عليه الحب ده كله..

وضعت يدها علي فمه تقول... عملتلي كل الحلو يا قلبي دانت الحلو اللي في حياتي دانت اللي عايشه عشانه انت سندي وضهري انت كل حاجه ماليا..

ظل يقبل يدها التي علي شفتيه يهتف بحب.... يا رب قرب الايام الا انا قلبي هيخرج من مكانه ونزع طرحتها واحتضنها ودفس وجهه في شعرها الذي يعشقه وظلا لفتره حتي انا حاسس اني مش قادر ابعد والله.. حبيبتي ومعايا وفي حضني.. كتير عليا.. لا ومسخسخه اعمل ايه بس كان يتكلم وهيا سرحانه في احضانه.. هتف ...يا عشق انت حلوه كده ليه وقلبي هيقف يا بت فوقي يخربيت كده انا سحت وربنا ليقرصها في وسطها 

لتنتفض وتقول... فيه ايه.. 

فهتف متنهدا.... فيه ولعه قايده ومش عارف اطفيها.. 

هتفت.... ولعه يا يا قلبي فين 

شاور علي قلبه..... جوا هنا.. شياط وربنا 

دفعته وخبطته  وقالت ....اجمد اواد عيب كده  انا همشي بقه يا قلبى وانت بقي ريح شويه فهتف.... اريح بناري دي  طب ماتخليكي شويه..

فرفعت يدها وقالت.... حكم القوي فتنهد بغلب لتبعث له قبلتها المعتاده في الهواء وتتركه مبتسما لفتره لا يفعل شئ يحس بسعاده طاغية لقرب نوله المراد ...

في مكان اخر ملئ بالمجون والموبقات نجد كامل جالسا علي نار ليدخل عليه احد الاشخاص... حمدالله عالسلامه يا باشا.. 

فهتف القادم.. لاانت طالما بتقولي باشا يبقي فيها حاجه كبيره..

فضحك كَامل وقال.... من جهه كبيره كبيره.. ولازم دماغك السم دي...

فهتف فتحي وكان يعمل امين شرطه.. كان قذرا َعدوم الاخلاق ويستغل ما بين يديه من سلطه لايذاء البشر.. فقال فتحي.. عنيا بس روقها الاول والطاسه تسخن وتلاقي معاك الحلو كله..

فاستدعي كامل الجرسون وطلب له مايريد من خمور ومايلزمه.. وهتف بص بقه يا كبير انا عندي بت داخله دماغي اوي...

فهتف فتحي ضاحكا شمال ولا يمين بس رسيني..

فهتف كامل بقهر.. يمين ويمين اوي وتنهد

اردف فتحي... ايه ده دا البرنس واقع لشوشته..

انفعل كامل.. واقع دانا واقع وسايح ومتنيل..

فهتف فتحي... طب هو حد يرفض كامل باشا عز ونغنغه.. 

فقال كَامل بغيظ.... بت فقر ووش فقر وبتحب جربوع وانا هنجلط عملت معاها كل حاجه..

فهتف فتحي... طب ماتروح لاهلها وزغلل عينهم هيخلوها توافق..

هنا قال كَامل.. يا عم امها معايا بس البت مكتوب كتابها وقافشه في الواد تقولش فلانتينو وهو حته جربوع ولا يسوي في سوق الرجاله..

ليقول فتحي... طب امها ساكته...

فهتف كَامل.. امها مَاخلتش حاجه ماعملتهاش عشان تبوظ الجوازه ولسه بنت الجزمه مههزئاني امبارح وقالتلي هلم عليك الخلق هموت من قهرتي..

اخذ فتحي كاسا وقال... اشرب بس ماعاش اللي يقهرك انت عايز ايه وانا اعمله اشدلك البت تجيلك راكعه

فهتف بسرعه.... انت عبيط يا فتحي بقلك عايزها وهتجوزها عايز تحبسهالي قبل ماخش بيها دنيا.. لا البت لا دا حته لوزايه مقشره ماتستحملش..

فصفق فتحي يبقي خلاص العين عالننوس ونحبسه والا اقلك ماهو لو حبسناه البت هتقف جنبه..

فهتف كَامل صح ماينفعش وحبسه هتلزق فيه اكتر ماهي الشرف هياكلها وهتقف جنب جوزها وقرف عليهم..

فقطب ذلك الشيطان قليلا ليقول... استني فيه حاجه في دماغي برتبلها اتقل كده وسيبني سيكه تركب بس ونقول براحتنا.. هيا الحته دي مافيهاش مزز والا ايه فنادي كامل لتحضر فتاتان يجلسا ويقضيا السهره َمعهم ليفعلا حرمات الله ويفكرا في أذيه خلقه.. بعد مده صفر فتحي وقال خلاص يا كبير لقيتها والبت هتجيلك وتتحايل عليك كَمان..

فقفز قلب كَامل وقال والنبي يا فتحي..

فهتف بس ساعتها حلاوتي كبيره..

فرد عليه كامل.. حلاوه ايه دانا هغرقك فلوس بس رسيني ايه القصه.....ميفو ميفو.

ليقول فتحي بفحيح.. بص يا سيدي البت دي لازم نذللها الواد ده جامد ونحط عليه ونفهمها ان الواد ده مستقبله خلاص ضاع ونلبسه المصيبه التمام ونتقل شويه ماشي تخش انت بقه بالتقيل كلو انك تقف جنبها ونحاول نفهمها اننا هنطلع الواد...

فهتف كامل.... ماهو لو لبس نصيبه هنطلعه ازاي..

فهتف فتحي.. يا عم اتقل انت مالك طلقك حامي كده.. احنا هنلبسه النصيبه ونخرجه منها بمعرفتي انا ليا سككي مالكش دعوه.. تقوم انت بقه رجل علي رجل كده ترحلها وتهددها مش هيا بتحب الننوس. يبقي خلاص تشرب بقه.. يا مستقبله يروح في داهيه يا تطلق منه وتتجوزك ونخرجه غير كده بخ الواد راح وتقعدتغني ظلمو انما لو لبس النصيبه كامله ماهعرفش اخرجه..

صمت كامل ليدور الكلام في دماغه.. وساعتها البت هتخليه هو اللي يطلقها وهيا اللي هتطلب الطلاق عشان تسيبه.. ايه يا واد الدماغ دي سم فعلا..

فضحك فتحي عيب عليك دول شويه عيال.. لعب يعني.. 

فهتف كامل.... لا وحياه ابوك لعب ايه انا عايز شغل شغل تقيل عايز احرق قلبها عليه وتجيلي راكعه.. عايز اعرفها انه مايسواش واني كل حاجه.. انا اه عايزها بس خلاص عايزها مزلوله اتمتع بيها وهيا كده..

ليقول فتحي.. بص بقه بس ما ينفعش اللي هنفذه يبقي من غير حد معانا من عندهم..

فقطب كامل وقال ازاي يعني..

فاردف ذلك الحقير.... يكون معانا عميل يا واد جاسوس...لازم حد من جواهم معانا..

فهتف كامل ....ما فيش الا امها معايا تالت ومتلت..

فسكت فتحي يشرب قليلا وقال.. والوليه دي ضمنها يعني ساعه الجد ماتكشش ويصعب عليها بنتها والواد وتخربلي الدنيا..

فقطب كامل جبينه وقال لا ما يتهياليش..

فرد عليه.. لا وحياه ابوك يتهيالكش ازاي لااااا دا احنا عايزين موافقه بختمها..

فهتف طب استني.. وفتح تليفونه وكلم اجلال واخبرها بالحكايه وقال اسمعي يا حاجه اجلالل دلوقتي انت نظامك ايه نخش بصدرنا وانت في ضهرنا والا ساعه الجد هتخلعي وتقوليلي بنت وحرام والنحنوح يصعب عليكي..

فهتفت اجلال بحقد لا يا كامل انا معاك دوس وافرم وهتلاقيني راشقه في ضهرك..

ليقول.. يعني اضغط بنزين يا  طنط اجلال واخد الضوء الاخضر انا هنفذ وساعتها ماتجيش تنحيلي علي بنتك.. فهتفت اجلال. ليه هو انت هتاذي البت..

فصرخ فيها.. انت اتجننتي هاذيها اذاي وانا عايزها لا العين عالمحروس هننفخه ونشيعه...

هتفتتت اجلال هتعمل ايه طيب فهمني..

فقال هحبسه ايه رايك..

فهتفت.... يا نهار اسود هتحبس الواد.. لا يا كامل انا اه بكرهه انما حبس وسجن ويضيع مستقبله خالص.. مش كده نعملها ازاي وانت فاكر ان البت هتسيبه دا هتلزق فيه اكتر..

فقال لا يا طنط هنخرجه بس هيا اللي هتطلب وهنعرفها ان في ايدنا نخرجه..

انتفخت اجلال وقالت يا دين النبي وساعتها تروح تخلعه ويبقي الدنيا تمام.. خلاص يا حبيبي تماما يا نن عين طنط (هتنفذ امتي..

فهتف اتقلي بقه بنمخمخ اهوه وكلها سيكه ويطير.بس بقلك اي طلب هتنفذيه مهما كان ....ميفو ميفو

ففرحت اجلال عيني انفذ وانفذ  بخت يطير مايرجع ... قفل معها والتفت لفتحي خلاص الوليه امها معانا تالت ومتلت دوس وافرم وكلنا وراك بس قلي بقه هنعملها ازاي دي وعايزنها مترقده صح عشان ماتجيش في النص والبت تفلت..

فضحك فتحي عيب عليك دانت معاك واحد كيفه يلبس قواضي.. البس واخرج ونجي هنا نلبس ونقلع فضحك معا وظلا تسامران وبدات خطتهما لتنفيذ مخططهما الشيطاني ليتواتي لشخصا حقير الفرصه لاذيه البشر باستغلال نفوذه واخر يقتل قلوبا ويفرق مابين المتألفين بكل دناءه وحقاره.. فالحب لا ياتي عافيه ولكنه الطمع وسؤء النفس.

تكملة الرواية من هنااااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا