رواية عهد الاسود الجزء الثاني الفصل الثاني والثلاثون 32بقلم زهرة الربيع (حصريه وجديده في مدونة قصر الروايات)
رواية عهد الاسود الجزء الثاني الفصل الثاني والثلاثون 32بقلم زهرة الربيع (حصريه وجديده في مدونة قصر الروايات)
#عهد_الأسود_الجزء_الثاني_32
اسد بص لها بزهول بعد اللي قالته وقال بغضب نعم يا نن عين خالتك تتجوزي ده ايه.. انتي فاكره نفسك عيله
نتالي بصتله بزهول من كلامه ووقفت وقالت.. انا عارفه انك تحت تاثير البنج دلوقتي ومش واعي بتقول ايه ...لولا كده كان بقالي تصرف تاني على كلامك واسلوبك ده.. انا ماشيه
ولسه هتمشي مسك ايدها بسرعه وقال.. طيب طيب انا اسف اندفعت اكيد مكانش قصدي ...هتكلم بهدوء اهو ...تتجوزي ازاي اذا كنتي عايزه تتجوزي ما اتجوزتيش كل العمر ده ليه
نتالي قعدت وقالت بهدوء... عادي يا اسد حابه اتفرغ لشغلي وأبني مستقبلي واعمل لنفسي كيان... الكيان اللي اتطلقنا علشان ابنيه...و جاك بيحبني من ايام ا الجامعه واتفاجئ لما اتجوزنا انا وانت بعد كده هو كمان اتجوز وعلاقته فشلت زينا كده بالظبط... عرض عليا الجواز تاني بس انا كنت برفض لاني لاني كنت مطلقه جديد ومش عايزه مشاعري تتلخبط بس من فتره وافقت بس كده
اسد غمض عينيه بغضب شديد وقال ...ومقلتليش ليه من الاول
نتالي استغرابت من طريقته وقالت...انا كنت بالفعل هقول لك اول ما جيت بس اتفاجأت بالي حصل مع البنات ومجاتش فرصه واديني بقولك اهوه فين المشكله بقى
اسد كان حاسس بوجع شديد في قلبه ومش عارف يقول لها ايه وقال ..طب وانا قصدي والبنات يعني
نتالي ابتسمت وقالت... انت والبنات في قلبي بس ده مش هيعطل حياتنا..و انت كمان تقدر تتجوز انت مبقتش صغير يا اسد عشان تضيع من عمرك اكتر من كده
اسد ابتسم بسخريه وهز راسه بياس شديد وقال ...اتجوز...لا وعلى ايه...كفايه انتي هتتجوزي الف مبروك يا نتالي
نتالي استغربت طريقته وقللت...انت زعلت ليه كده يا اسد.. ما انت من وقت ما اتطلقنا وانت عارف اننا هنتجوز وكل واحد هيبدا في حياه جديده بعيد عن بعض
اسد قال بزعيق... بس عدى كل السنين دي وانتي معملتهاش وانا كمان رفضت اعملها لما لقيتك مش راضيه تتجوزي لان كل ده خلاني افكر ان انتي عايزه .....
بس قطع كلامه واتنهد وسكت
نتالي ابتسمت وقالت... افتكرت ان انا وانت ممكن نرجع مش كده... طب قولي انت... ازاي يا اسد هو لو كان ينفع نرجع كنا اتطلقنا واتعذبنا العمر ده كله ليه... اسبابنا لسه موجوده...انت مستحيل تسيب هنا وتيجي معايا وانا يستحيل اسيب شغلي وحياتي الي اتعودت عليها هناك واجي اقعد هنا صعب عليا انا مش قادره استحمل الكام يوم دول
اسد بصلها بقوه في عينيها وقال... مش دي اسبابك الحقيقيه يا نتالي...اذا قولتي كده قدام الدنيا كلها مستحيل تخدعيني انا عارف انك قادره تستغني عن ده كله علشاني بس انتي مش عيزاني انا اقعد هنا
نتالي بعدت عيونها وقالت.... انا معنديش اسباب تانيه
اسد بصلها بسخريه وقال ....عهد مرات ضرغام يا نتالي فهمتك بدل المره مليون انها بقت زي اختي مش زي بقت اختي حرفيا انتي متوقعه ان انا ممكن اؤذي ضرغام وابص لمراته انتي شيفاني ايه يا نتالي
بقلم....زهرة الربيع
نتالي بصتله بدموع وقالت... شيفاك انسان بيحس وحب حياته الاول موجود قدام عينيه 24 ساعه... جايز عقلك بيقول الكلام اللي انت بتقوله ده ...لكن القلب عمرنا ما قدرنا نتحكم فيه للدرجه اللي تخليني اطمن...انت لو كنت وافقت تيجي معايا المانيا كنت اكدتلي ان كل كلامي غلط وكنت ضحيت علشانك يا اسد وحاولنا نلاقي حل
اسد قال بانفعال... كل كلامك غلط غلط والله غلط انا مستحيل افكر اخونك ولو بتفكيري وغير كده عهد مرات ضرغام خلصنا بقى ...انا رجعت هنا علشان بناتي يتربوا مع اهلهم وسط ضرغام واسامه مش علشان اي سبب تاني ...واتنهد وقال...انا تعبان دلوقتي يا نتالي مش قادره اتكلم خصوصا في الموضوع السخيف ده ومش قابل فيه نقاش اصلا...يا ريت تطلعي وتسيبيني ارتاح
نتالي لتنهدت وخرجت وهي بتمسح دموعها ورجعت بسرعه على اوضتها
بعد ما مشيت ضرغام بص لطيفها بحزن كان جاي يطمن على اسد وسمع اسم عهد وسمع كلامهم الاخير ...اتنهد ومرضيش يدخل دلوقتي ورجع على اوضته
في الاوضه عهد كانت بتنظف في السرير و بتغير المخدات بقى يبص لها وهو بيفتكر كلام نتالي وبيفكر يا ترى اسد فعلا لسه بيفكر فيها بس نفض الافكار دي من دماغه بسرعه وهو بيبتسم بسخريه من تفكير نتالي لانه بيثق جدا في اسد
اتنهد وقال ...عهد تعالي عايزك
عهد قالت وهي مشغوله...مش دلوقتي خالص علشان هدخل اصلي الاول
ضرغام ضحك جامد وقال... يا بت هتكلم معاكي كلام يخرب بيت دماغك
عهد ابتسمت وقالت... طب ما تتكلم وانا هنا اهو وسمعاك
ضرغام اتنهد وقال بابتسامه... عهد انا بحبك قوي ..انتي فرحتي الوحيد في الدنيا دي كلها ولا حبيت ولا هحب غيرك ولا بقيت اعرف اعيش من غيرك دقيقه حتى انتي كياني انتي انا يا عهد فهماني
عهد استغربت كلامو وسابت اللي في ايدها وقربت منه وقالت... مالك هو في حاجه ولا ايه
ضرغام اتنهد وشدها لحضن وقال... حبيت بس اقولك قد ايه بحبك عادي
عهد ابتسمت وقالت ...طيب يا سيدي شكر
ضرغام بصلها بدهشه وقال... شكرا يا عهد
عهد ابتسمت وقالت ...طيب هقولك ايه ما انت عارف اني مش بعرف اتكلم في الكلام ده... ماشي وانا كمان بحبك يعني
ضرغام ضحك وضمها لقلبه وباس جبينها وقال... انتي خليكي جنبي بس انا مش عايز اي حاجه تاني
في صباح يوم جديد على اذان الفجر ....صحيت وعد على صوت المنبه ودخلت تتوضا
غالب كان بيحاول يسكت المنبه جنبه ومش قادر نفخ بضيق شديد ورماه على الارض كسروا علشان يسكت
طلعت وعد من الحمام على صوت تكسير المنبه واتسعت عنيها بزهول من اللي عمله لان ده المنبه المفضل بتاعها جابتو اوضتو قبل ما تنام علشان تصحى لصلاة الفجر قربت منه وقالت بزعيق.... ايه اللي هببته ده .. المنبه ده بابا اشترهولي من ابتدائي الي كسرتو بسهوله كده
غالب قعد هو مش مستوعب اصلا عليه النوم جدا قال... منبه ايه يا حبيبتي
وعد بصتله بغضب وقالت ...كسرت المنبه ليه
غالب خد باله من اللي عمله لان دي طبيعته لما يجي يسكت المنبه قال بتوتر...اه نسيت افتكرته بتاعي والله هاجيب لك غيره واحسن منو كمان
وعد غمضت عينيها بغضب وقالت... يا رب صبرني بس... وراحت تصلي ووقفت على سجاده الصلاه
غالب قال بتوتر...اوعي تدعي عليا وانتي بتصلي
وعد بقت تصلي عادي ولا كانها سمعاه
و هو اتنهد وقال...ماشاء الله عليك من اول يوم كده
فارس كمان كان قام يصلي وقوم تاره معاه بالعافيه وبقى يصلي بيها اول ما اخلص صلاه ابتسم وقال شكلك يجنن بالحجاب
تاره ضحكت وقالت... بجد
فارس ابتسم وقال... اه والله
تاره قالت بتوتر... بس انا لسه مش جاهزه البسه انت مش هتجبرني البسه صح
فارس ضحك جامد وقال... دي حاجه بينك وبين ربك يا تاره انا اكيد هنبسط جدا لو لبستيه ...بس برده على راحتك
تاره تبتسمت وفارس قال بارتباك...تاره هو انتي كده خلاص مش عايزه تطلقي
تاره قعدت على السرير وقالت... والله مش عارفه لحد دلوقتي اديني بعمللك اختبار اذا نجحت تمام
فارس قرب منها بلهفه وقال... ان انشاء الله ناجح بامتياز انتي بس اكتبي لي اي اختبار وانا هحلو على طول
تاره ضحكه جامد وقربت منه وقالت...بس ده مش اختبار نظري.. ده اختبار عملي عايزه اشوف اذا هبقى مبسوطه معاك وهنقدر نتأقلم سوا ..هأقدر احبك زي ما بتحبني وكده يعني
فارس ابتسم بسعاده وشدها عليه بدون مقدمات بقت في حضنه وقال ...هنجح واجيب درجه نهائيه بكره تقولي فارس قال
تاره ضحكت جامد وحضنته هي كمان وبقوا يتكلموا مع بعض
بعد ساعات كان الجميع على الفطار الا نتالي كانت طلعت لاسد الفطار فوق علشان مش هيقدر ينزل ..وطبعا وعد عملت نفس الفكره مع غالب...وكمان روز ونديم منزلوش لانهم سهرو كتير سوا
ضرغام قال ....حد يطلع يصحي نديم ورز ..الساعه داخله على 11 ومصحيوش
اسامه قال وهو بياكل... ولا هيصحو سيبوهم
جبران قال ..يصحوا ازاي بقى...دول يعتبرو العرسان الوحيدين في البيت ده
تاره وفارس اتحرجوا شويه وضرغام قال بضيق...ينفع تخليك في حالك
مرتضى قال بغيظ من ليالي ....وهو قال ايه معاه حق هما الوحيدين اللي يتسمو عرسان
ليالي قالت بضيق... في ايه يا مرتضى طالبه معاك خناق على الصبح
مرتضى قال بضيق...وانا فتحت بوقي ولا انتي بتقولي شكل للبيع زي ابوكي
اسامه بصلو بزهول وقال... زي ابوكي
مرتضى قال بتوتر ...معلش يا عمي جات كده زله لسان والله
اسامه قال بتحذير ...طب خد بالك يا اخويا من لسانك بدل ما اكرهولك كر زي بكره الخيط
الكل ضحكو عليهم وكانو مبسوطين في جو عائلي وبيتكلموا ويهزروا سوا
ومر اسبوعين على نفس الحال كانت وعد مهتمه جدا بغالب وموجوده معاه ليل نهار وهو بيحاول يخليها تحبه ويلفت انتباهها حتى انه اول ما خف شويه بدا يصلي وبدا يقرا وياها قران لوقت طويل وكانوا كويسين جدا مع بعض حتى وعد مبسوطه بالقعده معاه ودايما بيضحكها ومش متضايقه منه زي الاول
نتالي كمان كانت ليل نهار مع اسد بتساعدوا وتقوموا وتاكلوا وتشربوا بس هو كان متضايق جدا من فكره انها اتخطبت لحد ثاني
كل اللي في البيت كانوا مبسوطين اخر انبساط سوا وحياتهم سعيده جدا
جبران فضل الاسبوعين دول عندهم في القصر وكان مستني صفوان يبعتله لان قعدتو طولت في القصر بس مكانش حتى بيرد عليه ولا راضي يفهمو اي حاجه عن خطته
بس كان هو وحنين علاقتهم جميله جدا مع بعض وبيقربو من بعض و اسامه كان بيراقبه ثانيه بثانيه ومصر على قعاده في القصر لحد ما يعرف حكايته وكان متعود عليه جدا وبينبسط من الكلام معاه واتعودو جدا على بعض عكس ضرغام الي كان مش طايق وجوده
في يوم صحيت روز من النوم تعبانه جدا وبتتالم من بطنها وكل شويه تجري على الحمام تتقيأ
نديم كان واقف معاها وقلقان عليها جدا وقال ...مش هينفع اسكت اكتر من كده اما لازم اجيبلك دكتور هنادي لماما
وفعلا نادي لشوق وقالها ... انتي خليكي معاها وانا هروح اجيب دكتور
شوق مسكت ايده وقالت بسعاده...لا ما تجيبش دكتور انا عارفه مالها
نديم قال بلهفه ....مالها اتسممت مش كده
شوق ابتسمت وضربته على راسه بخفه وقالت..اتسممت ايه يا اهبل...روز شكلها كده حامل... انا عملت كده لما كنت حامل بيك
نديم بصلها بذهول وقال... حامل ازاي
شوق بصتله بدهشه وقالت ...نعم يا حبيبي
نديم قال بتوتر وهمس ....لا قصدي يعني احم...انا هقولك..قبل ما انتو تعرفو كانت بتاخد حبوب...ومبقلناش مبطلينه غير 15 يوم
شوق ضحكت وقالت ....عادي بتحصل..انا هجيب لها شريط حمل ده بيبين من الايام الاولى
روز كانت سمعاهم و قالت بتعب... هو انا لو طلعت حامل هفضل تعبانه كده ولا ايه
نديم ضحك وقرب منها وقال... لا ان شاء الله مش هتبقي تعبانه ..يا رب تطلعي حامل وتجيبي لي ننه قمر زيك
شوق ضحكت وقالت... او تجيب عيل اهبل زيك عادي
بعد نص ساعه كانت شوق عماله تتزغرط هي وحنين وزفو الخبر للبيت كله ان روز حامل طبعا بعد ما عملت الاختبار واكد الحمل
اسامه حضن ابنه واسد حضن روز وكانوا مبسوطين جدا
نتالي وعهد ووعد والاولاد كلهم كانو مبسوطين جدا نديم قال لاسامه ...شوفت هبقى بابا زيك
اسامه ضحك وقال ...هتبقى بابا بس على بال ما تبقى زي محتاج قرن لقدام
الكل ضحكو وضرغام بارك له بعد شويه سابوهم يرتاحوا وكان كل واحد راح على اوضته
غالب كان رايح اوضتو بس اسد وقفو وقال...احم...غالب
غالب وقف باستغراب وقال...نعم يا عمي
اسد قال بضيق...انا ..انا يادوب قدرت اقف على رجلي واخرج من الاوضه... وبما اني بقيت بخير فانا..احم مديونلك بشكر على الي عملتو
غالب لسه هيرد بس اسد سبقو وقال..انا منستش الي انت عملتو..ومش هنساه...بس بردو شكرا انك اتبرعتلي وانقذتني وكمان رجعت وعد ...اي نعم انت حيوان وغلطت لما خطفتها من الاول بس بردو انبسطت لما فوقت لقتها قدامي
غالب اتنهد وقال..هو انا لحد دلوقتي مقدرتش احدد حضرتك بتشتم ولا بتشكر بس...انا مش مستني شكر ابدا انت عمي زي اسامه حتى لو مكنتش اخو ابويا بس انت غالي اوي عندو..وغالي عندي انا كمان..وانا كمان مديونلك باعتذار وادي راسك ابوسها
ولسه هيقرب اسد بعد وقال..لا يا خويا من غير بوس تشكر...علي العموم احنا عيله..وانا رغم كل ده شايف ان وعد مبسوطه معاك..بس لو جات في اي وقت شكت منك
غالب قال بسرعه وسعاده.. مش هيحصل وحيات عيونها القمر الي عمري ما حلفت بيهم وكدبت ما هأذيها ابدا ولا ازعلها
اسد ضحك وقال... ولو وانك بتعاكسها قدامي بس بلا يا ريت تعمل كده
اسد قال كده ومشي وغالب ابتسم بسعاده وحماس وراح اوضتو
وعد كانت بترتب في الاوضه ومبسوطه جدا ودخل غالب قال..اخبارك ايه
وعد ضحكت وقالت ...خضتني على فكره لما تدخل تقول السلام عليكم
غالب ابتسم وقال...انا قفلت الباب وعمل صوت بس انتي الي مبسوطه ذياده ومخدتيش بالك...طبعا حقك تفرحي اختك حامل
وعد بصتلو بسعاده وقالت... اه حامل مش مصدقه هبقى خاله
غالب قرب منها وقال..احم في شعور اجمل من انك تبقي خاله يعني مبتفكريش تبقي مامي مثلا
وعد اتسعت عينيها بزهول وبصت له وقالت... ايه...نعم يا حبيبي
غالب ضحك وقال...ياااه حبيبي طالعه سكر ولو انها تريقه...بس يعني ايه الي قولتو غريب ..احنا بقالنا كتير متجوزين يا وعد مش ناويه تديني فرصه بقى
وعد بعدت وقالت ...ده بعنيك
غالب اتنهد وقعد على السرير وقال بخبث... براحتك.. انتي واحده عارفه ربنا وعارفه الدين كويس وعارفه كمان ان حرام تمنعي جوزك من حاجه زي دي.. دي حقوقي خصوصا لو انا طلبتها ..عايزه تشيلي ذنب بقى براحتك
وعد ارتبكت لما قال كده وقربت منه وقالت... اكيد مش عايزه اشيل ذنب بس انت عارف ان انا مش جاهزه للموضوع ده كمان لسه ما سامحتكش على اللي عملته ممكن نستنى شويه
غالب ابتسم وقال..انا استناكي العمر كله
وعد ابتسمت بسعاده وقربت منه وباستو من خده برقه وقالت ...شكرا
غالب مصدقش نفسو لان دي اول مبادره منها شدها لحضنه وقال باجمل ابتسامه... انا اللي المفروض اقول شكرا
عند جبران كان بيتخانق مع حنين وقال... يا بنت الناس اسمعي الكلام... ابوكي مرتين يستنانا عند المحطه ومنروحش وبعدين في الجنان بتاعك ده
حنين قالت بعند... مش سايباك ومش رايحه اي مكان
جبران قال باستغراب...ما انا بقيت كويس اهوه ومحدش هيعملي حاجه ...وبعدين في اللزقه دي
حنين قالت بغضب ...انا لزقه يا جبران
جبران اتنهد وقال ...اه لزقه
حنين قالت بلامبالاه..ماشي شكرا
جبران اتنهد وقال...انتي عايزه ايه بالظبط
حنين بصت لعيونه وقالت... عايزه نتجوز اتجوزني بقى والله هبسطك اخر انبساط
جبران قرب منها و غمز وداس على شفته وقال ...طب ما تبسطيني دلوقتي انا هموت وانبسط حالا
حنين دفعتو وقالت بغضب ...جبران ...انا قصدي نبقى مبسوطين في حياتنا..مش كل انبساط يعني سفاله
جبران ضحك وقال.... اعوذ بالله من جعفر اللي بيطلع فجاه ...طب بصي بقىجواز مش هتجوز وانتي هترجعي لابوكي ورجلك فوق رقبتك و
ولسه هيكمل كلام جاتله رساله فتحها بسرعه وكان محتواها الشيء اللي ما كانش يتمنى يقراه ابدا ....العمليه اتحددت بكره هنخرج اسامه الثابت من القصر وانت تنفذ
جبران غمض عنيه بحزن وبص لاسامه وكان بيضحك مع نديم من بعيد ومبسوط قوي
اتنهد وبعت رساله وكتبله .....تمام انا جاهز
عند تاره كانت بتلعب رياضه في الاوضه ودخل فارس وحضنها فجاه ولف بيها وقال بابتسامه.... باركيلي يا قمري
تاره قالت بضحك فيه ايه
فارس سابها وقال بسعاده...في شركه فرنسيه اتبنت المشروع بتاعي انا مش مصدق
تاره حضنتو بقوه وصرخت بسعاده وقالت.... مبروك الف مبرووووك.. والله انت تستاهل
فارس بص لعيونها وقال... انا مش عايزه غير الوقت اللي استاهلك انتي فيه
تاره ابتسمت وقالت...انت تستاهل 10 زيي
فارس اتشجع وقال..احم..اذا كلامك ده حقيقي...يبقى ليه البعد
تاره اتوترت قوي وقالت ...مش ببعد ولا حاجه بس فرصه نتاكد من مشاعرنا
فارس ابتسم وقال... بالنسبالي متاكد... بس انتي لسه مش عايزاني صح
تاره سكتت وفارس اتنهد بخيبة امل وقال ... تمام على راحتك..براحتك خالص
ولسه هيبعد مسكت ايده وقالت بابتسامه.... مبقتش عايزه غيرك من الدنيا
بقلم.....زهرة الربيع
فارس اتسعت عينيه بذهول هو مش مصدق الكلمه اللي قالتها
عند غالب كان قاعد على السرير هو ووعد وبيتفرجوا على فيلم عن الحيوانات الأليفه على اللاب توب
غالب قال...هو معقوله يعني اكون قاعد مع مراتي وبنتفرج على حيونات يا وعد ما تجبيلنا فيلم رومانسي نسمعه انا وانتي ونطريها
وعد قالت بسرعه... رومانسي ايه اللي نسمعه استغفر الله العظيم
غالب ضحك وقال...يا بنتي هو انا بقولك فيلم قبيح.. بقول لك فيلم رومانسي يعلي الاحاسيس شويه
وعد نزلت عيونها بكسوف وقالت.... وبعدين بقى اسكت ما تقولش الكلام ده انا مش عارفه انت بتتكلم بسهوله كده ازاي
غالب ضحك وشدها لحضنه بقوه وقال... انتي لو تسمعي الكلام انفذ بسهوله مش اتكلم بسهوله
وعد ضربته في صدره وبصت في عيونه وقالت ...عايزه اسالك سؤال بيجي على بالي هو انت ازاي قدرت تستحمل كل ده ...يعني انا بسال نفسي ازاي قدرت توصل لهنا معايا اصلا عمري ما تخيلت ان ممكن اديك اي فرصه
غالب ابتسم وبص لعيونها وقال.... ده لانك حلم عمري كله يا وعد ...تخيلي لما يبقى ما عندكيش غير حلم واحد معقوله تفرطي فيه بسهوله طب اذا فرطتي فيه تعيشي ليه ...اهو انتي كنتي الحلم الوحيد ده وما كانش عندي حلم غيرك ولسه انت حلمي.... حلمي اوصل معاكي لدرجه تعشقيني قولت لك قبل كده هستني اليوم الي هتقوليلي فيه كانت اجمل حاجه حصلتلي اننا اتجوزنا
وعد نزلت عيونها بكسوف وقالت...بس انا مش ندمانه اننا اتجوزنا
غالب رفع وشها ليه وبص لعيونها وقال.. انا عايزك تحبي اليوم اللي اتجوزنا فيه وتحبيني تعشقيني تبصي في عيني وتقولي لي بحبك يا غالب...ولا اقولك بلاش تقوليها ممكن اموت وقتها
وعد قالت بسرعه ....بعيد الشر متقولش كده انا حسيت روحي اتسحبت مني لما كنت بتعمل العمليه قصاد بابا ...انت سألتني قبل كده لو بحس بحاجه تجاهك.. انا فعلا بحس بوجع شديد في قلبي لما تكون انت في خطر ...ودلوقتي بحس اني عايزه ابقى معاك على طول ومش بضحك من قلبي غير معاك
غالب ابتسم بسعاده وبقى يبص لها بعشق شديد وقال.... انا عايزك ليا وبس يا وعد ليه وبس ..وقرب من شفايفها وباسها برقه اتحولت لشغف وجنون اما داق طعم قربها وبقى يتمادى معاها
وعظ قالت بتوتر.... غالب احنا مش اتفقنا هنستنى
غالب فضل مكمل عادي وقال...سامحيني مش هقدر استنى اكتر مش قادر على بعدك اكتر من كده
وعد نزلت عيونها بكسوف وبصلها بسعاده انها مرفضتش وقال بارتباك ...بت يا وعد فيه موضوع هتعرفيه حالا ...بس عايزك هاديه... ها
وعد بصتلو باستغراب وقالت...مش فاهمه
قفل النور وقرب منها وقال..انا هشرحلك
واخيرا بقت مراتو قولا وفعلا
بعد وقت كانت نايمه في حضنه بتعب وضربته في صدره بغضب مصتنع وقالت... انت خدتني على اخواني على فكره احنا اتفقنا ان مش دلوقتي
غالب ضحك جامد وباس جبينها وقال... يا الف مبروك يا عروسه
وعد بصت له بغيظ ولسه هتقوم كانت متالمه جدا واتسعت عينيها لما شافت بقعة د،م على السرير بصتلو بصدمه وقالت ....ايه ده يا غالب
غالب ارتبك وقال ...ده سرير يا روحي
وعد بصتلو بصدمه وقالت بغضب اكبر ...طلعت روحك متعملش فيها اهبل .. ايه ده وووووو
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية عهد الاسود الجزء الثان…){kind=link}
تعليقات
إرسال تعليق
فضلا اترك تعليق من هنا