رواية عهد الاسود الجزء الثاني الفصل السادس والثلاثون 36الخاتمه بقلم زهرة الربيع (حصريه وجديده في مدونة قصر الروايات)
رواية عهد الاسود الجزء الثاني الفصل السادس والثلاثون 36الخاتمه بقلم زهرة الربيع (حصريه وجديده في مدونة قصر الروايات)
#عهد_الاسود_الجزء_الثاني_الخاتمه
#بقلم_زهرة_الربيع
مرت ايام وشهور بسعاده واستقرار على
البيت وكل من فيه
اسد ونتالي اتجوزوا في نفس يوم جواز مالك وحنين
وعد كانت مبسوطه جدا جدا مع غالب وفرحانه جدا بحبه اللي كل يوم بيزيد وابتدت تحبه وتغيرت حياتهم للأحسن وحتى غالب بقى فعلا الشخص المناسب ليها واللي بتتكناه طول عمرها
روز ونديم دول طبعا مشغولين جدا بالبيبي اللي جاييلهم وكانوا عايشين مع بعض في حب وراحه وكان نديم بيستحمل كل تقلباتها ومزاجتها اللي ذادت مع الحمل وهيه مكانتش ناقصه هبل اصلا..وحتى هي وقفت معاه لحد ما بدا شغل على المشروع بتاعه وحتى اسد كان بيساعده وواقف معاه
تاره اتعلقت جدا بفارس وبحبه ليها اللي ما لقيتهوش ابدا في اي حد كان حرفيا بيدمنها وبيعمل كل الي نفيها فيه وبياخدها الجامعه ويرجعها واوقات يستناها وكانوا مبسوطين جدا سوا
على جانب تاني كان صفوان اتحكم عليه بالسجن المؤبد او لمدى الحياه بعد ما عائله الثابت استخدمت كل نفوذها انها تكشف جرائمه شغل المشبوه كله حتى انو حاول الانت،حار مرتين وتم تنقاذه
بعد شهور كانوا في المستشفى..و كانت روز بتولد
كانو نديم واسد رايحين جايين هم الاثنين قصاد بعض بتوتروخوف
اسامه بصلهم بزهق وقال...يا ابني خيلتونا ارحموا اللي خلفونا هي بتولد مش بتن،تحر
نديم قال بخوف... انا خايف قوي يا بابا خايف قوي الدكتور مش راضي يخليني ادخل معاها
شوق قالت بحنيه... حبيبي اهدى مش كده والله ده سهله جدا ودلوقتي تطلع بالسلامه
اسامه قال بدهشه ...ما كنت تولد بدلها احسن من كده
اسد قال بغضب.... انت اطلع منها واحد وخايف على مراته اما غريب بجد
روز كانت بتصرخ جامد...و اسامه قال... طب شايف بتظيط زي ابوها ...اصلا هتولد قيصري ولسه هيدوها البنج..واحنا صحيناها من النوم عشان النهارده ميعاد ولادتها بتصرخ ليه ها ليه افتكرت انها بتولد
ضرغام ضحك وقال...بتعيش الجو يا اخي انت مالك متعقدهاش
مالك قعد وقال... عشان عيال طريه اصلا ايه اللي يجبها المستشفى..انا اعرف واحده خلفت ثلاث توائم في البيت اسد كده في نفسها ومن غير وجع الدماغ ده
حنين شهقت بخوف وقالت... يعني ايه يعني انت مش ناوي تجيبني اولد هنا في المستشفى
مالك ضحك وحط ايده على بطنها وقال...انتي هجيبلك المستشفى في البيت يا جميل
حنين ضحكت وضرغام قرب من اسد وقال..اهدى علشان بنتك التانيه متتوترش دي في شهورها الاولي
اسد اتنهد وقعد وحاول يهدى
غالب كان قاعد متوتر جدا وخايف وبص لوعد وقال ...يمكن مكانش لازم تيجي اصلا
وعد قالت بتوتر.... ما جيش ازاي دي اختي اللي بتولد
قال بخوف... ايوه بس انتي في شهورك الاولى والتوتر ده مش حلو عليكي... واكيد هتخافي
اسامه قال... اهو الحنين التاني انا عارف ايه اللي خلاكم تنفخوهم كلهم مره واحده بتنفخوا بلالين
شوق ضحكت وقالت...وراثه انا وعهد كنا نولد مع بعض زي كده
نتالي قالت وانا ولدت روز لما انتي ولدتي تاره
عهد قالت ..ايوه كانت اصعب ايام لما بنولد سوا ...هي فين تاره صحيح
فارس قال بارتباك... في الحمام من ساعه ما جت خافت جدا
اسامه قال.... هو مين هيولد قبل مين علشان انا قربت اولد منكم هنا
وعد ضحكت وقالت....انا مرتباهم...حنون هتولد الاول بعد روز عشان هي في السادس دلوقتي...و بعدها هتولد تاره علشان هي في الخامس..واخر حاجه هتولد وعد عشان هي في الثالث
شوق ضحكت وقالت... لا اخر واحده هتولد ليالي
اسامه بص لها بانتباه وسعاده وقال...ليالي هيه
سوق قالت بابتسامه ....ايوه امبارح كلمتني وقالت الحمد لله الحمد والشكر للله حامل في شهرها الاول
عهد حضنتها بقوه ..وضرغام واسد باركو لاسامه اللي وقف بسعاده لان ليالي طولت شويه وكان قلقان عليها وقال... اللهم لك الحمد والشكر جبرتني
مالك قال... يعني معنى كلامكم ده مش هنطلع من المستشفى محتاجين سريرين كده ونفضل هنا الكام شهر دول عادي
شوق ضحكت وقالت... الله اكبر عليك ربنا يكرمهم بس
اسد قال بغيظ... يكرمهم بس ...ولا واحده فيكم تفكر تعملها تاني مش ناقصه هي انا بولد معاهم
وعد ضحكت واخدت ابوها قعدته وشربته ميه وقعدت جمبه تهديه
وبعد شويه طلعوا روز وكانت كويسه جدا ودخلوا لها الاوضه بعد ما فاقت من البنج
و جابت ولد زي القمر كان اسد شايلو ومبسوط بيه جدا وقال الاسد الصغير وصل اهو هتسموه ايه يا ولاد
نديم قال بسعاده...هنسميه اسد ...هنلاقي احلى من الاسم ده فين بس
استمه اتسعت عنيه بزهول و قال... اسفخس عليك واطي عيل محاسن بجد
نديم قال... ليه بس يا بابا وحش الاسم
اسامه قال ...ياض الواد بيسمي على ابوه وانت مسمي على حماك
نديم ضحك وقال... لا ما انت مالك هيسمي عليك بقى ..مش هينفع يبقى كلهم اسامه في البيت
اسامه ضحك وقال... انا مش عايز حد يسمي عليا اصلا ...هو اسامه واحد في في البيت وكفايه عليه قوي
شوق ابتسمت وقالت.... هو اسامه واحد في الدنيا وكفايه على الدنيا قوي
مالك قال... سيدي يا سيدي
اسامه قال..طب عن اذنكم انا افسح المدام
وضحكو سوا بانبساط وسعاده
وبعد وقت كل واحد اخذ مراته وروحوا على البيت بسعاده وكان كل واحد في اوضته نديم مع روز شايل ابنهم وقال بابتسامه ....مبسوط ان ربنا قومك ليا بالسلامه اكثر مامبسوط بالولد
روز قالت بحب....ربنا يخليك ليا...و انا مبسوطه بحبك ليا ده اكتر من الدنيا كلها
نديم باس جبينها وقال... هنيمه فين
روز قالت ...جنبي هنا اهو
قلبي بذهول...جمبك... طب وانا
روز ضحكت وقالت... على السرير اللي هناك ده لحد ما هو يكبر شويه
نديم قال...بس احنا عملنالو اوضه
روز ضحكت وقالت...معقوله هينام لوحدو وهو صغير كده...محتاج يرضع وهيعيط...يلا حبيبي بقي
نديم اتنهد وقال...ماشي ..انا استاهل عشان اخلف اصلا...وكمان سميتو اسد مهو لازم هيطلع عيني
بقلم...زهرة الربيع
روز ضحكت بسعاده وبقم يتكلموا سوا وهم مبسوطين وببصوا للولد وبيتأملو كل تفصيله فيه بكل حب
عند فارس كان هو وتاره قاعدين بيختاروا هدوم من على النت للبيبي اللي لسه جاي
تاره قالت بابتسامه ...تفتكر هيكون ولد ولا بنت
فارس قال...وبعدين انا مش قولتلك ما تساليش الي يجيبه ربنا خير اوعي تروحي من ورايا وتسالي الدكتور
تاره ضحكت وقالت... لا والله مش هسال خليها مفاجاه حاجه حلوه لما نتفاجئ....بس كده هنضطر نشتري هدوم اولاد وهدوم بناتي
فارس قال بسعاده... مش مهم اشتري كل اللي نفسك فيه ...اصلا وشه جميل زي مامته وكسبت صفقه حلوه قوي وهدلعك
حطت اديها على خدوا بحنيه وقالت... انت طول عمرك مدلعني.... بحبك
اتنهد بارتياح وقال...انا بمووووت في الكلمه دي مكنتش متخيل اني ممكن اسمعها طول حياتي منك...فكتري منها كده يعني خليها اربع مرات في اليوم زي المسكن
تاره ضحكت وحضنتو وقالت انت بقيت دنية تاره كلها
في اوضه غالب كانوا بيصلوا سوا براحه
و بعد ما انتهوا ابتسم وقال.. حرما يا وعدي
وعد بصتلو بسعاده وقالت... دي امنيتي اننا نصلي في الحرم انا وانت
غالب قال بسرعع . هحققها لك في يوم بس تقومي لي بالسلامه وباذن الله يكون لنا عمره سوا
ابتسمت وحطت دماغها على صدره وقالت ...غالب انا مبسوطه اننا اتجوزنا.. كانت احسن حاجه حصلت في حياتي
غالب ابتسم بسعاده لان دي الجمله اللي قال لها انه متمني في يوم تقولهاله قال بابتسامه ...بجد يا وعد
وعد ابتسمت وقالت....وعد بتحبك بتحب كل اللي انت عملته علشانها ..حبيتك يا مجنون ووصلت للي عايزه حققت حلمك فعلا...صدق ربنا لما قال..ان الله مع الصابرين
غالب ابتسم بسعاده وقال... ربنا يعوضنا في بعض خير يا قمر حياتي
قالت بحزن..بس انا زعلانه منك..لاني لما جيت احكي لماما وماما عهد..انك مقربتش مني وابرأك قدامهم انت منعتني
غالب ضمها ليه وقال...ملوش لزوم صدقيني...انا مش عايزهم يزعلو يعني بباكي الحمد لله اخيرا بقى يعاملني زيهم وبيتكلم معايا ويهزر وانا مش عايز افكرو بالموضوع....كمان بابا يومها اداني علقه سخنه جدا ولو عرف انو كان تمثيل هيزعل انا عارفه
قالت بابتسامه...حبيت بس ابرأك قدامهم واخليهم يشوفوك زي ما انا شيفاك
قال بابتسامه...انا كل الي بتمناه ان انتي الي تشوفيني كويس..وتحبيني ميهمنيش حد تاني انا عملت كل ده علشان وعد وبس...وميهمنيش الا وعد وبس
ابتسمت وباستو من خده برقه وقالت...وانت فزت بقلب وعد وسكنت الروح يا غالب
بره كان الجميع اسد ومراته وضرغام ومراته واسامه ومراته قاعدين بيشربو قهوه ومبسوطين
اسامه و ضرغام كانو بيلعبو طاوله وزوجاتهم بيشجعو واسد كان بيشجع ضرغام ونتالي بتشجع اسامه
اسامه قال...يلا بلاش انا ..انا مش محاسن مش هتعرف تغلبني
ضرغام قال ...انا الضرغام برضو متغلبش بسهوله
كانو مبسوطين بجد وضرغام قال.. الحمد لله خلصنا من اول ولاده
اسامه قال ..انا ببقى مبسوط قوي كل ما نخلص انجاز ونركنه
ضرغام ضحك ..واسد قال انا بقى ببقى مبسوط قوي لما الاوض دول بيبقوا متقفلين كده وفي هدوء انا بحس ان الاولاد مبسوطين ومرتاحين وما فيش مشاكل ببقى مرتاح نفسيا
في اللحظه دي سمعوا صراخ شديد من اوضه حنين
اسامه بص له بذهول وقال... يا بومه الله يخرب بيتك يا اسد
كلهم جريو واسد قال.... انا عملت ايه هو ابنك اللي بتاع مشاكل
راحو على اوضة حنين وكانت بتصرخ جامد وقالت بزعيق... رد يا مالك بكلمك مين دي اللي في الصوره
مالك بلع ريقه بابرتباك وقال... يا حبيبتي اهدي انت ما ينفعش تتعصبي هتولدي كده في شهرك السادس
قالت بغضب...انا بكلمك رد عليا ... بقول لك مين دي
مالك قال بسرعه... عميله والله عميله
حنين قالت بغضب...لا والله عميله حاطط صورها بالبكيني عندك
اسامه اتنهد من ورا الباب وقال... في ايه تاني يا مالك هو كل يوم حوار
مالك فتح وقال ...الحمد لله انكم جيتو هدي المجنونه دي بقى هتولد وهي واقفه والله يا حنين لولا انك حامل كنت رزعتك علقه علشان الفضايح دي كل يوم
شوق قال... في ايه يا حبيبتي تاني
حنين قالت ببكا...شوفي يا ماما شوفي الصور اللي في تليفونه
شوق شهقت بزهول وقالت.... يا مصبتي ..ايه اللي انت عامله ده يا ولا صحيح ابن الوز تعبان
اسامه ضحك ومالك قال...تعبان ازاي بس يا شوسو والله دي عميله ...عميله يا ناس ابطل اشتغل
اسامه بص لصوره كده شويه وقال بمعاكسه....طب ما واضح انها عميله اهي وعامله العمايل
شوق ض بتو برجلها وقالت ...نخف ها...بدل ما تنزل تبات تحت مع ابنك
اسامه ضحك وقال....يا حبيبتي دي بجد عميله والله انا اللي بعتها له ومتصوره كده لان العرض على هدوم بحر وهيه هتعرض بس كده والله
حنين قالت بارتباك.... بجد ولا بتغطي عليه ..طب احلف
اسامه ابتسم وقال... وحياه شوشو ..في اغلى من كده
يلا يا مالك يا ابني صالح مراتك ..وانتي يا حنين...بلاش الغيره دي يا بنتي وااله مالك بيحبك انتي وبس
واخذ شوقه وباس ايدها بحنيه وقال... انا جبت لك طقمين من دول علشان اتأكد من الجوده.. تعالي نقيسهم
شوق ضحكت بخفه ومشيت معاه
واسد اخذ نتالي ومشي وهما مبسوطين وبص لاوض بناتو بسعاده واتنهد بارتياح وقال..اللهم لك الحمد جبرتني
نتالي حضنتو وقالت بابتسامه...انت احسن اب
بصلها وابتسم وقال..وانتي اجمل زوجه..واروعه ونس...باس كف ايدها ومشيو على اوضتهم بسعاده
اما مالك قفل اوضتهم وقال..عاجبك الفضايح دي
قربت منو بدلال وقالت...بغير عليك..اوي
مالك شدها من وسطها وقال...بس انتي شكاكه اوي..وانا بحبك اوي..وعايز اتصالح اوي اوي ولا انتي رايك ايه
ابتسمت وقالت..مهو انا حامل لو مكنتش حامل كنت صالحتك
ابتسم وشالها وقال...اصالحك انا لحد ما تولدي
ضحكت جامد ومشي بيها ناحية سريرهم بس هيه قالت بتفكير..هيه البت دي اتبعتتلك صورها..ولا لبست كده قدامك وانت صورتها
مالك ضحك بشده وقال...انا لولا جنانك ده معرفش اعيش اقسم بالله ...بعشقك
نامت على صدره وقالت..ماشي بتوهني بس اولد وهنزل معاك الشركه وهتبقى تحت عيني واشوفك انا يا ابن اسامه ان ما شغلتك في العبايات والجلاليب مبقاش حنين
مالك ضحك وضمها لقلبه وبقى يهزر معاها ويغيظها ويستمتع بجنانها الي بيموت فيه
عند ضرغام اخد عهد وطلع بيها في الجنينه وقعدها وقعد جنبها على مرجيحه صغيره وهي في حضنه وبيبصوا للبيت بسعاده شديده
ضرغام قال بابتسامه...حاسه بايه بعد العمر ده كله يا عهد
عهد قالت بابتسامه ...حاسه زي اول يوم حبيتك نفس الحب ما بيتغيرش نفس السعاده بس دلوقتي بقى عندنا اولاد ومبسوطه ان العمر ده كان معاك انت مش مع اي حد تاني يا ضرغام
ضرغام ابتسم وباس جيبينها بسعاده وقال وانا مبسوط ان ربنا حلى ايامي بيكي مبسوط اني بعتلي ذريه منك انتي بالذات ولو يكرمني بعمر قد العمر عايزه معاكي
وعد سندت راسها على كتفه وقالت انا مش عايزه غيرك عايزه افضل عهدك انت طول العمر
ضرغام قال بحب..انتي عهدي واغلى العهود..انتي اجمل ما فيا وملكة حياتي❤❤
.............تمت بحمد الله..................
🧡🧡🧡🧡🧡🧡🧡🧡🧡🧡🧡🧡🧡🧡🧡
ايا عهدا تمسكت به🧡وذادني قدرا بين الوجود
يا وردة فاح عطرها🧡فانحنت لها كل الورود
كوني كوكبي وسكني🧡يا عهدي ويا اغلى العهود
ستشربي عشقا لا ينتهي🧡وتسكني قلبامحبا ودود
هذا عهد اسدا عاشقا🧡وما اعظم عهد الأسود
بقلم...زهرة الربيع
🧡🧡🧡🧡🧡🧡🧡🧡🧡🧡🧡🧡🧡🧡🧡
كنتم مع عهد الاسود الجزء الثاني...بقلم زهرة الربيع...قمراتي بشكركم ومش لاقيه كلام واصفلكم جمال تقديركم وحلاوة كلامكم وحماسكم للروايه شكرا يا قمراتي عجبتني كل تعليقاتكم الجميله بقراها طول الوقت..بالنسبه للي بيسألو عن سلسلة الروايه الروايه هتنتهي هنا جزئين وبس مفيش جزء تالت انا اصلا مكنتش هكتب جزء تاني بس لما انتو طلبتو كتبتو❤ حاليا هنقرأ سوا من بكره على الصفحه اسكربتات وقصص قصيره حصريه هتخلص كل اسبوع زي قبل الروايه لحد ما ننزل بروايه طويله قويه وقصه مختلفه زي دي قريبا ان شاء الله🌹اتمنى اعرف رأيكم في النهايه وزهرتكم تحييكم ودمتم في امان الله مع من تحبون 🌹❤
لمتابعة الروايه الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية عهد الاسود الج…){kind=link}
تعليقات
إرسال تعليق
فضلا اترك تعليق من هنا