رواية أنا و المغرورة الفصل الخامس 5بقلم أروى عادل جديده وحصريه في مدونة قصر الروايات

رواية أنا و المغرورة الفصل الخامس 5بقلم أروى عادل جديده وحصريه في مدونة قصر الروايات 

رواية أنا و المغرورة الفصل الخامس 5بقلم أروى عادل جديده وحصريه في مدونة قصر الروايات 

#رواية_انا_و_المغرورة

#الكاتبة_أروى_عادل 

#الفصل_الخامس 

( فجأه عندما اقتربت أسيل ونظرت إللى الجرح لم تسطيع تحمل بشعة الجراح لذلك سقطت على الأرض مغشيآ عليها ركضت الممرضه إليها بتحاول أفاقتها هى مازالت على الأرض 

بينما جاسر كان ينظر هو لا يقوه على الحركة بسبب أصاباته . وهنا قالت الممرضه)

الممرضه ٠ انا هطلع بره اشوف حد يشيلها معايا نحطها على الكنبة

( خرجت الممرضة ثم رجعت بعدها و معاها عمران وسميرة و فؤاد٠ )

فؤاد٠ أسيل مالها ايه إللى حصل

جاسر ٠ وقعت فجأه 

( وهنا حملها عمران و وضعها على الكنبة بعد دقائق أفقت أسيل هى مسكه رأسها 

وعندما و رأت الجميع ينظرون إليها فقالت)

أسيل٠ هو فى ايه

فؤاد٠(بحب) انت كويس ياحبيبتى

(ثم حضنها و قبلها) 

أسيل٠ ماتخفش يا جدو انا تمام 

سميرة٠ آمال ايه إللى حصل 

جاسر ٠ ( بسخريه) شكلها مستحملتش تشوف شكل الجرح

أسيل٠ البركة فيك مش انت إللى صممت اكون موجوده

جاسر٠ وانتى لسانك كان فين ماتقولى انك بتخافى .ايه حتى دى مستكبره تقوليها

أسيل٠ اتكلم معايا بطريقه ألطف من كدا

جاسر٠ و الله هى دى طريقتى اذا كان عاجبك

أسيل٠ لا مش عجبنى

جاسر٠ خلاص بسيط مش عاجبك أمشى

أسيل٠ بجد ثانك يو  ليكى لانى فعلآ لازم امشى لانى مش قادرة أقعد هنا ثانيه تانى  .

يلا يا جدو

( وهنا صاح بهم عمران وهو يقول)

عمران ٠ هو مافيش احترام لينا خالص بتتخنقوا مع بعض و احنا موجودين ولا كأنه لينا عازه

أسيل٠ قول لأبنك

فؤاد ٠ أسيل أسكتى ولا كلمه تانى

أسيل٠ أنا همشى و أريحكم منى خالص 

جاسر ٠ يكون أحسن 

( خرجت أسيل و هى متعصبه و بعدها خرج فؤاد بعد ما اعتذر عن تصرف أسيل )

سميرة٠ عمران انا متهيألى أننا اتسرعنا فى موضوع الجواز ده

عمران٠ ليه بتقولى كدا

سميرة٠ اذا كان قبل الجواز و بيعملوا فى بعض كدا و امال بعد الجواز هيقتلوا بعض

عمران ٠٠ واللهى ما انا خابر يا سميرة 

( دى كانت آخر زياره لأسيل قبل الزواج)

☆☆☆☆☆☆☆☆☆☆☆☆☆☆☆☆☆☆☆☆

بعد مرور عشر خرج  جاسر من المستشفى

--------

و بعد مرور اسبوع اخر ابتدا جاسر فى فترة العلاج الطبيعى و دى كانت المرحله الأصعب حتى أنها كانت أصعب من الإصابة نفسها 

كان جاسر يجد صعوبة فى التمارين الخاصة بالحالته وفى بعض الأحيان كان ينتبة اليأس و رغبه فى الاستسلام لكن أصرار جاسر على أنه يرجع يوقف على قدمه من جديد جعلته يبذل قصارى جهده حتى يرجع اقوى من الاول 

•فعلآ بعد مرور شهر و نصف من العلاج الطبيعى وبسبب الأراده القويه الجاسر 

قدر جاسر إستبدال الكرسى المتحرك بالعكاز الطبى



☆☆☆☆☆☆☆☆☆☆☆☆☆☆☆☆☆☆

----لقد مره ثلاثه شهور منذه وقوع الحادث --------------

و الآن حان موعد الزفاف

(المكان {فى صعيد مصر} المناسبة فرح جاسر عمران المطيرى كبير أعيان الصعيد 

من عادات وتقاليد الأعراس فى الصعيد

و خصوصآ عند الاعيان ..هى تجهيزات للزفاف قبل قبل الموعد المحدد بأسبوعين 

هو ذبح الذبائح .و أقامة الولائم الطعام لجميع اهل البلد ..ايضآ تجهيز المخبوزات. و ايضآ تعليق الأنوار و الزينه. و أطلاق الأعيرة النارية. الرقص بالعصا على انغام المداحين المزمار البلدى

☆☆☆☆☆☆☆☆☆☆☆☆☆☆☆☆☆☆☆☆

-------فى دوار عمران المطيرى--‐--------

أصدقاء أسيل مجتمعون حواليها يساعدها فى ارتداء فستان الزفاف بينما أسيل كانت تبكى دون توقف حتى قالت هاجر)

هاجر٠ كفايه بقى يا أسيل انتى متعبتيش 

أسيل٠ يعنى مستكتره عليا اعيط على حالى انا أسيل المرشدى اتجوز بطريقه دى لأ كمان اعمل فرحى فى الصعيد

نوران٠ و أيه يعنى و واللهى  أفراح الصعيد طلعت حلوه أوى و كيوت كمان

أسيل٠ انتى فايقة و بتتريقى كمان

نوران ٠ واللهى بتكلم بجد فعلآ الفرح حلو أوى ده غير الناس شالينا من على الأرض شيل من ساعة ما وصلنا 

أيه٠ انا مش عارفه انتى عايزه ايه تانى يا مفتريه

أسيل ٠ عايزاكى انتى بالذات تسكتى خالص

( وهنا داخلت المرأه المسئولة عن وضح مساحيق التجميل ( الميك أب) و تجهيز أسيل)

☆☆☆☆☆☆☆☆☆☆☆☆☆☆☆☆☆☆

من عادات الصعيد فى الأعراس النساء فى مكان والرجال فى مكان اخر

وقت الفرح 

((بدأت مراسم الزواج كانت أجواء الفرح والسرور تعم على الجميع .بدأ جميع الأهل و الأقارب بتهنئة أسيل ثم. 



بدأ الاحتفال و الغناء والرقص و أطلاق الزغاريد من بعض النساء حتى أصدقاء أسيل بدؤوا هم ايضآ يرقصون و يندمجون مع الأجواء الفرح 

بينما أسيل كانت تجلس مثل الحجر و كأنها ليس لها علاقه بما يحدث و هنا جاءت سميرة وقالت))

سميرة ٠ يلا يا عروسه عشان تطلعى أوضتك 

هاجر٠ ايه ده الفرح خلص 

سميرة ٠ لا بس العروسه هتطلع دلوقتى

نوران ٠ يعنى العروسه و العريس هيسيبوا الفرح شغال و يمشوا

سميرة٠ لا العروسه بس انما العريس بيفضل شويه مع الرجاله

هاجر٠ طيب هى هتقعد لوحدها فى أوضتها 

طيب متخليها معانا يا طنط

(هنا اتكلمت مرات عم جاسر نعمات)

نعمات ٠ واه انتى بتجولى ايه تعقد وين دى لازم تطلع دلوك أوضتها دى عاداتنا

سميرة ٠ يلا يا أسيل

( طلعت أسيل معاها سميرة و نعمات)

☆☆☆☆☆☆☆☆☆☆☆☆☆☆☆☆☆☆☆

-----------فى غرفة العروسين---------

نعمات٠ بجولك ايه يا سميرة ياختى هى مرت والدك ضاربة بوزها شبرين ليه 

سميرة٠هى عروسه اكيد مخضوضه انتى فاهمه بقى 

( ثم نظرت سميرة الى أسيل و قالت)

سميرة ٠ دى أوضتك يا أسيل و حمام عندك فى الأوضة دى الأوضة الوحيده إللى فى الدور الأراضى عملنها مخصوص عشان جاسر مش يقدر يطلع السلالم على رجله.. اه كمان انا هبعتلك العشا دلوقتى عايزه حاجه تانى

( اكتفى أسيل بهز رأسها بالنفى )

نعمات٠ واه هى العروسه خرسه ولا كلاته

ده كسوف

س

ميرة ٠ ( بسخريه) اه هى بتتكسف.. و يلا بينا يا نعمات بطلى كلام

( خرجت سميره و نعمات بينما جلست أسيل تفكر كيف تستطيع انت تعيش شهر كامل فى هذا المكان .. و كسر شردوها صوت طرق الباب فتحت أسيل قال)

أسيل٠ نعم . انتى مين

شادية٠ أنى خدمتك شاديه بشتغل أهنه و جايبلك العشا ( كانت تحمل صينية عليها كل ما لذ و طاب)

أسيل٠ اه ادخلى ... ايه كل ده

شادية٠ عشا عرايس بجى .. عايزاش حاجة منى تانى يا ست

أسيل٠ اه أعمليلى فنجان قهوة 

شاديه ٠ وااه يابوي قهوة لليلة دخلتك .مايصحش يا ست

أسيل٠انتى هتعرفينى إللى يصح واللى مايصحش .. روحى اعملى إللى قولتلك عليه بسرعة

شادية ٠ حاضر يا ست

( بعد نصف ساعة جاءت شاديه بفنجان القهوة)

شاديه٠ اتفضلى القهوة يا ست

أسيل٠ اسمى أسيل مش ست

( هنا دخل جاسر يستند على عكازه)

جاسر٠ بتعملى ايه هنا يا شاديه

شادية ٠ كنت بجيب القوة لست و طالعه طوالى

( خرجت شادية)

جاسر ٠ فى عروسه تطلب قهوة لليلة دخلتها

أسيل ٠ مش أنا طلبت يبقى في

( قالت جملتها  ثم جلست على حافة السرير تشرب تليفونها

بينما جلس جاسر  على الجانب الآخر من الفراش ز هو ينظر لأسيل بأستغراب و بعد ما إنتهت أسيل من قهوتها قال)

جاسر٠ خلصتى قهوتك

أسيل٠ انت شايف ايه

جاسر٠ اه .. طيب ياريت متجوبيش على سؤالى بسؤال . ولم أسألك تردى على طول

أسيل٠( بسخريه) و أيه كمان ( كانت تطصنع الهدوء) 

جاسر٠ لأ كفايه عليكى كده النهاردة .. و دلوقتى انا عايز اتعشا

أسيل٠ طيب ما تتعشا هو انا ماسكك

جاسر٠( بسخريه) لو حضرتك أتشرفتى عليا و تجيبى صينية الاكل جانبى هنا

أسيل ٠ الصينية تقيله مش هقدر أشيلها

جاسر٠ ( بعصبية) هاتى الصينية هنا لو سمحتى

أسيل٠  قولتلك الصينيه تقيل ايه مابتسمعش  

( هنا قام جاسر بصعوبة من على الفراش 

وهو  يستند على عكازه ثم  أقترب من أسيل أمسكها من ذراعيها بقوة وقال )

جاسر٠ لو كنتى عايزه تعيشى معايا بالسلام

و هدوء و تحافظى على كرامتك مش عايز اسمع منك غير نعم و حاضر فاهمه 

أسيل٠( بوجع) أي أي.. سيب ايدى انت اتجننت بقولك سيب أيدى احسنلك

جاسر٠ مش هسيب أيدك ورينى هتعملى ايه

( وهنا دفعتوا أسيل بعيد عنها كاد أن يقع لكنه أستند فى النهاية بعكازه قبل أن يقع

مما جعله ذلك  يشعر بغضب و الدماء تغلى فى عروقه وهنا قال)

جاسر٠ انتى ايه إللى عملتى ده 

أسيل٠ إللى عملتو كان رد إللى انت عملتو

جاسر . يبقى انتى إللى أخترتى

أسيل٠ تقصد ايه

( كان كل ما بيقترب منها خطوه و هى ترجع للخلف )

جاسر٠(و هو يقترب منها) إللى انتى عملتى دلوقتى هتدفعى تمنه غالى 

أسيل٠ ( هى ترجع للخلف) انا حظرتك و قولتلك تسيب ايدى 

جاسر٠ انا قولتلك تجيبى صينية الاكل لحد عندى

أسيل٠( بتوتر) و انا قولتلك مش جيبها انا مش خدامة عندك

جاسر ٠( بتحذير) ده أخر كلام عندك

هنا اصطدم ظهرها بالحائط خلفها 

هنا أصبحت أسيل الحائط خلفها و جاسر امامها لذلك قالت بحوف

أسيل٠ لو سمحت ماينفعش كدا .. ابعد عنى انا بحذرك .. أبعد ياجاسر

( اقترب جاسر منها حتى أصبح لا يفصل بينهم غير أنشأت بسيطه . وهنا صرخت هى مغمضة عينيها  و قالت)

أسيل ٠ خلاص خلاص هشيل الصينية بس ابعد عنى

( هنا ابتعده جاسر هو يبتسم معلنآ انتصاره)

☆☆☆☆☆☆☆☆☆☆☆☆☆☆☆☆☆☆☆ 

--------اليوم التالى الصباحية-------

استيقظ جاسر على صوت الزغاريد ثم نظره بنصف عين بدى على وجه علامة أستفهام عندما رأى أسيل مازالت تجلس على الكرسى بفستان الزفاف بتقلب فى هاتفها )

جاسر٠ انتى قاعدة كده ليه.....

اسيل٠ أمال هقعد فين يعنى 

جاسر٠ بردوا بتردى السؤال بسؤال

( جاء صوت طرق على الباب)

جاسر٠ غيرى هدومك بسرعه مش عايز فضايح

( دخلت أسيل الحمام لتغير ملابسها بينما فتح جاسر الباب كانت شاديه تحمل صينية الفطار و معاها سميرة و نعمات و جدة جاسر سميحه وبنتها فاتن وبنات عم جاسر سعاد و رحاب جاءوا جميعآ لتهنئة العروسين ثم قالت جدة جاسر سميحه)

سميحه ٠صباحيه مباركة يا جاسر. واه آومال وين عروستنا

جاسر٠ فى الحمام يا جده

نعمات ٠ حطى صينية الوكل أهنه  و روحى انتى يا شادية

سميرة ما تنادى على أسيل يا جاسر   الجماعة عايزين يباركولها 

(خبط جاسر على الباب الحمام ليستعجل أسيل بعدها خرجت أسيل ..



كانت ترتدى فستان أبيض رقيق مع رفع شعرها لأعلى كانت جميله مثل الملائكة و بملامحها الناعمه الرقيقة رغم أنها لم تضع اي من مساحيق التجميل فقط قامت بغسل وجهها..و كان الجميع ينظر إليها بأعجاب حتى جاسر كأنه يرأها لأول مره ..ثم

بدء جاسر يعرفها بالجميع)

فاتن٠ ماشاء الله زى البدر فى لليلة تمامة

سميحة٠ صباحية مباركه يا عروسه ونبى يا جاسر مرت مليحه قوى

أسيل٠ ميرسى يا تيته 

سميحه ٠ واه ايه مرسيم ده

جاسر٠ دى بتقولك شكرآ ياتيته قصدى شكرآ يا جده

( هنا ضحكوا بنات عم جاسر) 

سميحه٠ تعالى يابتى خدى 

( و هنآ اعطتها سميحة مبلغ من المال)

أسيل٠ ايه فلوس دى

سميرة٠ دى نقوطك 

أسيل٠ يعنى ايه

جاسر٠ خديها يا أسيل

أسيل٠ بس انا مش محتاجة اخد فلوس من حد

ضحكوا  بنتت عم جاسر للمرة الثانيه على اسيل)

جاسر ٠ معلش يا جده هى متعرفش حاجة  عن عاداتنا هنا 

فاتن٠ انتى يابتى مش أحداكما بتجيبوا هدية للعروسه  احنا  يجى عندينا بندى العروسه  فلوس 

أسيل٠ اه  اوكى فهمت يعنى الفلوس بدل الهدية صح

( هنا ضحكت سعاد و رحاب على أسيل)

جاسر٠ ايوه كده صح ممكن كفايه بقى الآن الموضوع ده أخد وقت كبير

نعمات٠ و ده نقوطى ليكى 

فاتن ٠ و انا كمان

أسيل٠ ثانك يو 

نعمات٠ واه و أيه اليو ده يجى

سعاد٠ دى بتقولك شكرآ . ياما 

سميرة ٠ هنسيبكم دلوقتى عشان تفطروا بعدين أبقى هات مراتك على المندرة الضيوف.. ستات العايلة كلهم جايين النهارده يباركوا للعروسه

( بعد خروجهم جلس جاسر على السرير)

جاسر٠ ايه المسخرة إللى انتى عملتيها دلوقتى

أسر٠ ايه هى بقى المسخرة إللى هنا عملتها

جاسر٠ انتى هتستعبطى هو فى حد مايعرفش يعنى ايه نقوط

أسيل٠ اه فيه انا معرفش

جاسر٠ ليه حضرتك مش عايشه فى مصر

أسيل٠ تقدر تقول كده انا فعلآ ماكنتش عايشه فى مصر 

جاسر٠ ( بسخريه) امال كنتى عايشه فين على قمر

أسيل ٠ لاء هو أصلآ مش بالشكل .لو بشكل انا فعلآ المفروض اكون عايشه على القمر

( ابتسم جاسر من ردها وهو يقول )

جاسر ٠ مغرورة .. المهم  هاتى صينية الفطار هنا

( جابت أسيل الصينية من غير ولا كلمه 

هى لا تريد ان يحدث ما حدث أمس بينما ابتسم جاسر وقال)



جاسر٠ كويس يقيتى بتتعلمى من أخطائك

أسيل٠ كلمة تانى هشيل الصينية من قدامك

جاسر٠ طيب ما تورينى هتشيلها ازاى

اسيل٠ طيب هتشوف

( اقتربت أسيل كادت تمسك الصينية و هنا أمسكها جاسر )

أسيل٠ أيدى سيب أيدى 

( هنا جاء صوت طرق على الباب )

جاسر٠ حظك حلو ( ترك ايدها)

أسيل٠ ( فتحت الباب) نعم

شاديه ٠ الست سميرة هتجولك الضيوف وصلوا

أسيل٠ أوكى

شاديه ٠ اجولها ايه يعنى

جاسر ٠ قوليلها جايه( نظره إللى اسيل)

ياريت تعدلى لسانك وانتى بتتكلمى مع الناس هنا و خلى ثقافتك الانجليزيه على أدك . دلوقتى تعالى افطرى 

أسيل٠ مش عايزه 

جاسر٠ براحتك

☆☆☆☆☆☆☆☆☆☆☆☆☆☆☆☆☆☆

عدد كبير من النساء جاؤوا لتهنئة على الزواج

من عادات الصعيد انا العروسه تطلع الضيوف بالصينية كبيره عليها الشربات و الحلويات كمان هى إللى بتقوم بواجب الضيافة كل حد يأخذ من المشروبات إللى على الصينية يترك مكانها مبلغ من المال دى اسم النقوطه للعروسه

نعمات٠ سميرة انتى مش شايفه العبايه إللى لبسها مرت والدك قصير كيف. الحريم إللى بره ما هيصدقوا يتكلموا علينا ده حتى سايبه رأسها عريانه

سميرة٠ عدى اليوم يا نعمات وبعدين احنا كلنا ستات فى بعض و الفستان مش قصير ولا حاجه

نعمات٠ براحتكم انا مالى. 

سميرة ٠ تعالى يا أسيل

أسيل٠ خير

نعمات٠ امسكى الصينية طلعيها للضيوف 

أسيل٠ نعم انتى عايزانى اشيل كل دى

سميرة ٠ لازم تشيلها انتى العروسه

فاتن٠ بس هى تجيل عليها صوح

نعمات٠ واه ما انتى خابره ان العروسه لازمآ تطلع بيها للحريم إللى بره

سميرة٠ أسيل أنا مش عايزاكى تعملى ايه تصرف غبى قدام الستات إللى بره

( طلعت أسيل بالصينية كانت تمشى بخطوات بطيئة 

لكن فجأه حين

#يتبع 

♤ماذا حدث لأسيل أمام الضيوف

♤ماذا ستفعل أسيل مع العائله جاسر

♤هل هيقدر جاسر الصمود أمام عناد أسيل

تكملة الرواية من هنااااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا