رواية أنا و المغرورة الفصل السادس 6بقلم أروى عادل جديده وحصريه في مدونة قصر الروايات
رواية أنا و المغرورة الفصل السادس 6بقلم أروى عادل جديده وحصريه في مدونة قصر الروايات
#رواية_أنا_و_المغرورة
#الكاتبة_أروى_عادل
#الفصل_السادس
طلعت أسيل بالصينية و كانت تمشى بخطوات بطيئة لكن فجأه قامت بعض النساء بأطلاق
الزغاريد هنا أتخضت أسيل وقعت من أيدها الصينية على الأرض
هنا فاتن قالت)
فاتن٠ واه خرعتوا البنيه .. انتى زينة يابتى
أسيل٠ تمام
فاتن٠ يعنى انتى كويسه
أسيل٠ أنا تمام . أم سورى ياجماعة
نعمات ٠ يعنى تغلطى كمان مش عاجبك
رحاب٠ لا ياما دى بتجولك سورى يعنى أسفه
نعمات٠ يعنى هى لازم تعوج لسانها ماتجول أسفه طوالى
سميحه٠ خلاص حصل خير . بت يا شاديه
تعالى لمى الحاجات دى من على الأرض وهاتى غير للضيوف
سميرة٠ معلش يا جماعة هى بس أتخضت من الزغاريد يعنى هى مش اخده على كدا
إحدى السيدات ٠ لا يهمك ياخيتى . بس مشاء الله تبارك الرحمان مرت والدك فلقت قمر
سميرة ٠ تسلمى . تعالى أقعدى يا أسيل
( جلست أسيل بينما كانت جميع النساء ينظرون إليها ثم يتهامسون فيما بينهم ..بينما كانت اسيل تراقب ما يحدث بصمت .
هى تدعى ان تنتهى هذه الأجواء بسرعة لانها شارفت على الإنفجار .. انها هى أسيل المرشدى تجلس مثل الدمية أمام هولاء النساء الذين جاءوا يتفرجوا علها أحد السلع المعروضه فى الأسواق)
سميحة ٠ ساكته ليه يابتى
أسيل٠ معلش مصدعه شويه
سميحه٠ كلها حبة و الحريم يرحلوا
(بعد ساعة غادروا الضيوف و قالت سميحه)
سميحة ٠ روحى أرتاحى يابنيتى
نعمات٠ ٠واه ياما هى عملت حاجة عشان ترتاح ده حتى الصينية الحزينه معرفتش تشيلها
ز
ى الخلج
أسيل٠ طنط نعمات هو انا مدايقكى فى حاجة
نعمات٠ واه و أنى هدايق منك ليه بجى
أسيل٠ واللهى مش عارفة بس حاسة
( قطعتها سميرة )
سميرة ٠ روحى على أوضتك يا أسيل
أسيل٠ اوكى ( ثم نظرت إلى نعمات وقالت)
طنط نعمات ممكن تقولى لشادية تجيبلى القهوة على أوضتى( ثم غادرة دون انتظار ردها)
نعمات٠ عجبك قلة حيا مرت والدك يا سميرة
سميرة ٠ حقك عليا انا
فاتن٠ ما انتى يا نعمات إللى حاطه البنية فى دماغك
نعمات٠ ٠ واه ما انى هحطها فى دماغى ليه يعنى كل ده من شان معجبتنيش المسخرة إللى حوصلت جدام الحريم
فاتن ٠ البنية انخرعت و الحاجة وقعت غصب عنيها خلاص يعنى هنعلقوا ليها المشنقه
سميحة ٠ خلاص قفلى خشمك انتى و هى دلوك
جاسر٠ فى ايه مالكم
فاتن٠ مافيش يا ولدى
نعمات٠ لاه فيه و جول لمرتك اننا مش شغالين عنديها
جاسر٠ هى لاحقت تعمل مشاكل
فاتن٠ لاه انت خابر نعمات زيت هى إللى مكبره الحكايه
سميرة٠ روح انت يا جاسر ارتاح شويه
جاسر٠ طيب عن أذنكم
☆☆☆☆☆☆☆☆☆☆☆☆☆☆☆☆☆☆
--------------فى غرفة جاسر-------------
(كانت أسيل تجلس على السرير عندما دخل جاسر وقال)
جاسر٠ عملتى ايه خليتى مرات عمى هتجنن كدا
أسيل٠( بسخريه) ولا حاجة حتى أسألها
جاسر٠ طيب اسمعينى كويس طول ما انتى موجوده هنا لازم تحترمى كل فرد فى البيت ده الصغير قبل الكبير مفهوم
( لم ترد عليه أسيل)
جاسر٠ انا مش بكلمك
أسيل٠ ايه ده انت بتكلمنى أنا
جاسر ٠( بغضب)بلاش تستفزينى أحسنلك
أسيل٠ اوكى هحترم الصغير قبل الكبير لو حد غلط فيا اسكت و احط رأسى فى الأرض
و اقولو ربنا يسامحك( بعصبية) مش كدا
جاسر٠ مع انك بتتريقى بس ده إللى انا عاوزه فعلآ
اسيل٠ مش هيحصل و اى حد هيدايقنى هيلاقى عندى الرد مش هيعجبه
جاسر٠ ساعتها هتشوفى انا هعمل فيكى ايه
اسيل٠( ببرود و سخرية) تمام ساعتها نبقى نشوف
☆☆☆☆☆☆☆☆☆☆☆☆☆☆☆☆
--------بعد مرور اسبوعين----غرفة جاسر
(بعد مرور اسبوعين من الزواج أسيل لما تخرج من غرفتها الا عندما تأتى النساء لتهنئها بالزواج .. الوضع بين جاسر و أسيل لما يتغير
شادية ٠ صباح الخير يا ست
أسيل ٠ آمال فين الفطار
شاديه٠ ستى سميرة جالتى انكم تيجوا تفطروا أمعاهم بره
أسيل٠ ايشمعنا يعنى
جاسر ٠ روحى يا شادية و احنا جايين وراكى
أسيل٠ مش فاهمة ايشمعنا النهاردة عايزنا نفطر معاهم
جاسر٠ مش النهاردة بس ده على طول. خلاص يا برنسيسه اسبوعين الفرح خلصوا
أسيل٠ يعنى ايه
جاسر٠ يعنى من النهاردة حضرتك زى أى ست بيت تجهزى الاكل لجوزك و تشوفى شغل البيت من كنس و مسح غسل يعنى الحاجات إللى بتعملها الستات البيوت
أسيل٠ انت بتتكلم جد ولا بتقول كدا عشان تدايقنى و خلاص
جاسر٠ للأسف بتكلم بجد
أسيل٠ انت عايزنى انا اعمل الحاجات دى
جاسر٠ و ماتعمليش الحاجات دى ليه انتى مش ست
أسيل٠( بصوت عالى) لا انت اكيد اتجننت
( هنا أمسكها جاسر من شعرها وقال)
جاسر٠ صوتك مايعلاش قدامى تانى
و تختارى الفاظك وانتى بتكلمينى فاهمة
أسيل٠ سيب شعرى يا مجنون
جاسر ٠ بردوا بتغلطى تانى
أسيل٠ ابعد عنى بقى
( هنا تركها جاسر من شدة الألم بعد ما قامت بضربوا برجليها على ركبتة المصابة وخرجت تركض من الغرفة .)
☆☆☆☆☆☆☆☆☆☆☆☆☆☆☆☆
--------الكل مجتمعون على مائدة الطعام-----
سميرة٠ آمال فين جاسر
أسيل٠ جاى ورايا
فاتن٠ طيب تعالى افطرى
أسيل٠ لا ماليش نفس ممكن يا شاديه تعمليلى قهوة
سميحه٠ واه هتشربى قهوة من غير وكل
شادية ٠ هى كدا على طول يا ستى
سميحة٠ ليه كدا يابتى تعالى كلى لجمه ألاول
أسيل٠ أنا متعوده اشرب قهوة الأول معلش بليز يا شاديه اعمليلى قهوة
فاتن٠ سيبها براحتها ياما .. روحى اعمل الجهوة يا شادية
( هنا جاء جاسر يستند على عكازه يمشى ببطئ وضح علية الألم)
عمران٠ مالك يا جاسر
جاسر٠( و هو ينظر لأسيل) رجلى تعبانى شويه النهاردة
سميرة ٠ تعالى أقعد أرتاح
( جلس جاسر جانب أسيل و هنا همسه جاسر لأسيل بصوت غير مسموع قائلا )
جاسر٠ إللى عملتيه مش هيعدى بالساهل
أسيل٠ هتعمل ايه يعنى مش انت إللى بدئت استحمل
( ثم تكلم جاسر بصوت عالى وقال)
جاسر٠ من النهاردة أسيل هتعمل معاكم شغل البيت
سميرة ٠ خلاص و شادية هتعرفها على كل حاجة فى البيت
(أسيل كانت تنظر الجاسر بغضب ثم قالت)
أسيل٠ بس انا مابعرفش اعمل اي حاجه
جاسر ٠ و أيه يعنى تتعلمى
أسيل٠ بس أنا مش محتاجة اتعلم
جاسر ٠ (بسخريه) لأ ماهو هنا مش قصر جدو الباشا انتى تأمرى و الخدامين عليهم السمع و الطاعة . ..لأ فوقي بقى سيبك بقى من حياة الدلع و الرفاهيه
( ادايقت أسيل من كلام جاسر)
أسيل٠ واللهى انا مغشتكش ولا ضحكت عليك انت اتجوزتنى انت عارف انا مين و بنت فياريت فلاش السخريه إللى فى الكلامك ابقى حاسب نفسك انك وافقت تتجوزنى من الأول..
( ثم وقفت وقالت) عن أذنكم انا داخل أوضتى
ق
الت ما قالته ثم انصرفت
سميحة ٠ ليه كده يا ولدى
عمران٠ ماكنش ليه لازوم الحديد ده يا ولدى
جاسر٠ يعنى عجبكم طريقتها المستفزة
سميحة ٠ استهدى بالله يا والدى وروح راضى مرتك
سميرة٠ يراضيها ليه هو حد قالها تزعل بعدين جاسر ماقلش حاجه غلط
سميحة انتى من دلوك هتعملى فيها حما
يا سميرة
( هنا جأت شاديه وقالت )
شاديه ٠ سيدى جاسر دكتور هشام وصل
جاسر٠ طيب انا جاى . عن أذنكم
( دكتور هشام صديق جاسر ايضآ دكتور العلاج الطبيعى لجاسر)
☆☆☆☆☆☆☆☆☆☆☆☆☆☆☆☆☆☆
-
-------فى جنينة الدوار-------------
تجلس سميحة فى انتظار
أسيل٠ خير يا تيته شادية قالتلى انك عايزانى
سميحة ٠ تعالى أجعدى جانبى أهنه ٠٠ جوليلى لساتك زعلان
أسيل٠ لا يا تيته انا اتعودت عادى
سميحة٠ جاسر ماكنش يقصد يزعلك بس يمكن كان مدايق من حاجه
أسيل٠ أنا هى حاجه إللى مدايقها يا تيته
سميحة ٠ لاه كيف بتجولى أجده عاد هو فى حد يزعلك من حلوه دى كلاتها
أسيل ٠ عشان دى الحقيقه جاسر اتجوزنى عشان ينتقم منى
سميحة ٠ لاه ماتجوليش أجده اذا كان على الحادثه ده قضاء ربنا . ولا رد لقضاء الله
أسيل٠ انتى عارفه أنى أنا إللى خبطوا بالعربية
سميحة ٠ ايوه خابره و مؤمنه بقضاء ربنا
و خابر كمان ان لكل حاجة سبب
أسيل٠ تعرفى انتى قلبك الطيب والكلامك الحلو بيفكرنى بجدو
سميحة ٠ طيب ايه رأيك تشربى من يدى احلى كوبية قهوة على سبرتايه
اسيل٠ ياريت يا تيته
( بعد الانتهاء من عمل القهوة)
سيمحه٠ اتفضلى و جوليلى رأيك ايه
عندما أرتشفت أسيل من القهوة
أسيل٠ تحفه بجد تسلم ايدك. ممكن تعلمينى اعملها ازاى
سميحة ٠ من عينى
( هنا جاء جاسر و معاه دكتور هشام)
جاسر ٠ مساء الخير يا جده
سميحه٠ مساء الهنا تعالوا اشربوا قهوه
هشام ٠ ياريت يا جده انا وحشنى القهوة بتاعتك أوى
سميحة ٠ أسيل تعرفى تجيبى كوبيتين من جوا بسرعة
أسيل ٠ حاضر يا تيته
هشام٠ مين القمر دى
جاسر ٠ بتلم نفسك
هشام ٠ ايه ده هى دى مراتك . طول عمرك محظوظ
جاسر٠ كلمة تانى و هطردك من هنا فاهم
سميحة ٠ ماتجعدوا واجفين ليه
( جاءت أسيل ثم جلست جانب سميحة وقالت)
أسيل٠ الكوبيات يا تيته
( هنا مد هشام ايدى لأسيل قائلآ)
هشام٠ أهلا انا دكتور هشام
أسيل٠ اه اهلا بيك
( نظر جاسر لأيد أسيل و هى فى ايد هشام بغضب)
جاسر٠ هشام يلا انت مش كنت مروح
هشام ٠ طيب اشرب القهوة الأول
جاسر٠ انت مش كنت مستعجل
هشام ٠ حد يطول يشرب قهوه و حواليه الخضار والوجه الحسن
جاسر٠( بعصبية) هشام انت اتجننت
هشام ٠ فى ايه انا اقصد الجده انت فهمت ايه على العموم انا ماشى من غير ما تتعصب عليا
جاسر ٠ احسن يلا مع السلامه
سميحة ٠ مالك متعصب ليه يا ولدى
جاسر٠ مش متعصب ولا حاجه ( ثم نظره إلى أسيل) لوسمحتى الستات هنا ما بتسلمش على الرجاله بأديها .
أسيل٠ سورى انا ماكنتش أعرف بس المفروض تقول الكلام لصاحبك هو إللى سلم عليا
جاسر٠ هو انتى ماينفعش تقولى حاضر
أسيل٠ حاضر
( اتعصب جاسر وقال)
جاسر٠ مستفزة
( ثم غادر بينما ضحكت سميحة على ما حدث)
أسيل٠ ممكن اعرف انتى بتضحكى على ايه يا تيته
سميحة٠ انتى مش واخده بالك
أسيل٠ من ايه
سميحة ٠ جاسر بيغير عليكى
أسيل٠ و نبى يا تيته انتى عثل
سميحة ٠ مش عجبك كلامى طيب بكره تجولى سميحة جالت
☆☆☆☆☆☆☆☆☆☆☆☆☆☆☆☆☆☆
---------فى غرفة جاسر-------بعد يومين
كانت أسيل نايمه على الكنبة
جاسر٠ ممكن تيجى تنامى على السرير
أسيل٠ لا انا مرتاحه كده
جاسر ٠ براحتك. تصبح على خير
( استيقظ جاسر الساعة ٤ صباحآ لكى يشرب و عندما وقع نظرو على أسيل رأها مازالت مستيقظه )

جاسر انت لسه صاحيه
اسيل٠ مش جايلى نوم
جاسر٠ ليه فى حاجه
أسيل٠ لا انا عندى مشكله فى النوم
جاسر٠ اه انا لاحظت انك مش بتنامى كتير
انا مشوفتكيش ولا مره نايمه
أسيل٠ اه بس متعوده على كدا
جاسر٠ ازاى متعوده هو انتى خارقه لطبيعه اى انسان محتاج ينام
أسيل٠ اعمل ايه انا كدا ... نام انتى
جاسر ٠ طيب . براحتك
☆☆☆☆☆☆☆☆☆☆☆☆☆☆☆☆☆☆
-----فى صباح اليوم التالى ------
دخلت سمير على جاسر الغرفة مندفعه
سميرة ٠جاسر أصحى جاسر
هنا استيقظ جاسر بفزع
جاسر٠ فى ايه ياماما
سميرة ٠ قوم شوف مراتك بتعمل
جاسر٠ عملت ايه بس تانى
سميره ٠ بص من الشباك و انت تعرف
( نظر جاسر من الشباك فكانت الصدمة عندما رأى أسيل
#يتبع
توقعاتكم
لماذا فعلت أسيل
ما الجديد بين أسيل و جاسر
هل حب جاسر أسيل
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق
فضلا اترك تعليق من هنا