رواية الاميرة و المغترب الفصل الثمانون80الجزء الثاني بقلم آلاء إسماعيل البشري جديده وحصريه
رواية الاميرة و المغترب الفصل الثمانون80الجزء الثاني بقلم آلاء إسماعيل البشري جديده وحصريه
بارت 80🔥 تابع
اتمنيت لو اقدر أقول للدنيا كلها ان ايهاب المنصور قدر أخيرا يقضي على ياسين المنشاوي اللي كان الكل فاكره أسطورة
-ما تخافش يا ابن عمتي ...اديني حققتلك امنيتك ...و الدنيا كلها عرفت 🙄🙂
التفت ايهاب خلفه بصدمة: ياسيييين !! 😱
ياسين بإبتسامة: بشحمه و لحمه
إيهاب بضياع : انت ...ازاااي !!! انا .. انا دفنتك بايديا !! لاااا
مستحييييل ! 😱
نظر الى القبر و هو يقول بتلعثم: اومال ...اومال مين اللي ...🤔😱😧
اقترب منه ياسين و هو يقول بهدوء : طب كنت على الأقل عملت حاجة وحدة عدلة في حياتك الوا'طية دي و قريت فاتحة على روح الراجل اللي انت دفنته ب ايدك ده!! ولا انت ما بتعرفش تعمل غير بلاوي!! 🙄
ايهاب: لا مش ممكن تكون حي بجد !! انت أكيد عفريته
انا وعدت ابوي ...انت مش هتنتصر عليا أبدا لاااا 😳
ياسين بمزاح : اه على سيرة ابوك... على اساس وعدته ما تكررش موضوع الإعتراف و التباهي ده ! بس نقول إيه ؟ الطبع غلاب!
تماما زي ما حصل معاك يوم حادثة البير 🙄😁 مع فرق بسيط يوميها كانت عيلتنا بس اللي موجودة
بس النهاردة كل حبايبك اللي بيدوروا عليك هنا 😁
في تلك اللحظة خرج من خلف الجدار كل من حسام و يوسف و خالد و من ورائهم البوليس الكندي وعناصر من الانتربول و المخابرات المصرية و مبعوثين عن مجلس الأمن و اخرين عن محكمة العدل الدولية بسبب اشتراكه مع عصا"بات اع"ضاء عالمية
حسام : لما كنا في القصر نسيت اعرفك علينا بشكل كويس
: الملازم اول حسام المنشاوي :ضابط مخابرات ..
و ده يبقى خالك العقيد: يوسف المنشاوي ..
في القصر
كانت سحر تبحث في حقيبة فاتن بضياع
-مش فاهمة راحوا فين بس !!
-هوما ايه ؟؟ 🙄
قالها فاتن و هي تدخل بهدوء
سحر بغضب : الحاجات اللي انتي اخذتيها يا ماما 😤
فاتن بهدوء : رجعتها مكانها ..كان معاكي حق ... انا مش حقيرة للدرجة دي ...مش هتوصل بيا اخذ حاجة من بيت الراجل و هو مي"ت ..مش كفاية ابن عمته الوا'طي !! 🙄
سحر بتعجب: بجد !!
فاتن بلامبالاة : ايوة .. مالك مستغربة !! اهي شنطتي فتشي فيها براحتك 🙄
سحر بإستسلام : طيب يا ماما ... يالا الراجل مستنينا برة هجيب شنطتي انا كمان مفيش وقت
و همست في سرها ربنا يهديكي بس و يكون بجد زي ما قلتي
في المدافن
ايهاب بضياع -لا ...أكيد دي مزحة باي"خة ! 😳
حسام : بصراحة انت دوختني يا راجل ... بقالي اكثر من خمس سنين مستني لحظة الإعتراف دي ... من لما عرفت أن الخا"ين اللي بيطلع أسرارنا و بندور عليه يبقى ابن عمتي .. انا طلبت أمسك القضية دي بنفسي عشان اقدر أسلمك بإيدي لحبل الم"شنقة المشكلة كنت حويط لدرجة الخب"ث
نظر ياسين الى حسام بعبث : مش كنا اتراهننا يا حسام ! قلتلك ايه ؟؟ كنت متأكد انه مش هيقدر يقاوم طبعه المغرور و لا هيبطل عادته الباي"خة اللي هتوديه في داهية
حسام : معاك حق ...انت كسبت الرهان يا ابن عمي 😁
نظر ياسين الى خالد و حسام ثم نظر اليه أكمل بمزاح :يا راجل ده انت حتى اتحرقت بسبب العادة دي !! معقولة الندبة دي كلها ما فكرتكش انك لما تعمل حاجة تبقى تقفل بوقك الكبير ده ؟ 🙄😂
ايهاب بجنون: لاااا ...انا مستحيل اخسر مستحييييل 😱!! انت ازاي ...هو ايه اللي ... لا انت لازم تموووت يا ياسين .. لاااازم ...انا مستحيل يتقبض عليا ! انا اذكى منك ...قدرت افلت منهم طول السنين دي كلها! ايوة اعترف ان انا الاذكى ؟
تقدم نحوه احد ضباط الانتربول و معه ضابط مصري:
لقد تم ترجمة اعترافك فلا تحاول المقاومة...نحن ايضا ننتظر دليلا فقط على متاجرتك بالاع"ضاء البشرية و قد سجل اعترافك لدى مجلس الأمن و محكمة العدل ... الان و قد اعترفت فستكون محاكمتك مزدوجة ...هيا القوا القبض عليه !!
ابتعد ايهاب للخلف و لم يجد مهربا سوى الحائط
نظر حوله برعب فقال : لالا... أفضل اني امو"ت على انكم تقبضوا عليا
حسام-ما تخافش يا ابن عمتي انت هتموت طبعا. ... و لولا إن المو"ت وحدة كنت مو"تت كذا مرة لان بلاويك ملهاش عد
-جريمة قت"ل ثلاثية مدبرة لكل من خالك و مراته و الطيار
- التعاون مع عملاء اجانب و تهر".يب معلومات إستراتيجية و امنية برة البلد
-جر"يمة سرقة اع"ضاء بشرية و المتا"جرة بيها
-تدبير محاولة ق"تل ياسين المنشاوي
و دلوقت هتمشي معانا من سكات عشان نتكلم في تفاصيل الجرايم دي كلها.... يالا امسكوه
لم يكن امامه اي مهرب فعددهم كان كبيرا جدا و يحيطون به من كل الجهات .
توجه الجميع الى سياراتهم و انطلقوا و بقي خالد مع ياسين بجانب المقابر
في جناح أميرة
تستلقي بحزن و هي تفكر في كل ما حدث
-كان عارف ان عنده عم و بيتواصل معاه من زمان!...يعني كان عارف ان الوا'طي ايهاب ده هيفكر يعمل حاجة ...ده مش بعيد ..يكون هو ...!!
فكرت قليلا ثم قالت بصدمة: معقولة هو اللي دبر مو"ته؟
-ليه لأ !! أكيد عملوله خطة حق"يرة هو و اللي اسمه دانيال !
مش عمه قال ان ابوه كان شاكك فيه طول السنين دي !!
يبقى كان عارف أنه هيحاول يق"تله ....بس مش هيعملها بنفسه لأنه القانون مش هيسمح له يورثه لو اثبت ان هو اللي وراء مو"ته .. عشان كدة كان محتاج دانيال !
بكت بحرقة و هي تقول : كنت بتحارب كل المصائب دي لوحدك ! و مع كدة بتضحك و عمرك ما اشتكيت 😭 .. كنت عارف انك ممكن تسيبني...عشان كدة طلبت مني اكون قوية ! 😭😭...
مسحت عينيها و نظرت الى الفراغ قائلة بضياع :
انا مش قادرة أصدق لحد دلوقت كل اللي عدى عليا ده !! انا ...انا حاسة إني ضايعة... إن كل ده كابوس! يا ترى هأصحى منه امتى !
ولا يكونش اتكتب عليا اعيش مع الضياع ده طول عمري !!
عند خالد و ياسين
خالد : ياااااه !!! ده انا حاسس نفسي كنت باتفرج على مشهد في فيلم من افلام الجوسسة الامريكية يا راجل !
ياسين : الحمد لله اتوفقنا ...كان معاها حق ام أحمد لما قالتلي الناس اللي زي ايهاب بتحب تتباهى بإنجازاتها و حبه أنه يظهر احسن منك هيخليه يجيلك لحد عندك حتى و انت مي"ت و يعترفلك...ساعتها انا افتكرت فورا حادثة البير ...لما خليته اعترفتلي من غير ما يعرف ان كل اهالي الولاد موجودين و بقى موقفه ز"بالة قدام الكل ساعتها
خالد بضحك : تقصد أنه طول عمره مهزأ كدة ؟ 🤔😂
فأردف ياسين : كنت متأكد ان خطتها هتنجح مكانش عندي شك فيها ...كانت مسألة وقت بس
-طب يالا بينا يا خوي و اهو تحكيلي في السكة حكاية عمك و ابنه ضابط المخا"برات ده
-لا استنى لحظة ...
-استنى ايه مش الوا'طي اتقبض عليه !!
-انت مش ناسي حاجة ؟؟
خالد بتساؤل : لا...هأنسى ايه مثلا ؟؟
-احنا في المدافن...مش هأمشي قبل ما اقرأ فاتحة على روح المرحوم مدثر
اطرق خالد بإحراج : معاك حق الوا'طي و المفاجآت نستني مدثر ...ربنا يرحمك يا اخوي
قرآ الفاتحة على روحه الطاهرة ثم انطلقا
في القصر
فاطمة بذعر -انتي بتقولي ايه يا سلوى !! بنتي مالها !! ما تخبيش علياااا
سلوى -يا فاطمة صبرك عليا افهمك ..هو بس ...
-لااااا بنتي 😭!! انا عايزة اشوف بنتي !! 😱 😭
دخلت أم أحمد على صوتها العالي و صراخها
-خير يا ست فاطمة ايه الحكاية !! يا خبر و مال وشك اتخطف كدة !! 😕
فاطمة بذعر :بنتي يا ست ام أحمد !! بنتي الصغيرة ! 😰
أم أحمد: استهدي بالله و اقعدي و قوليلي فيه ايه كفى الله الشر !
في تلك اللحظة دخل رجب
-خير يا فاطمة كنت سامع صوتك من برة في أي !!!
فاطمة بصدمة: الحق يا رجب !! مرات اخوك بتقول ان بنتي اتحر"قت !! 😱انا عايزة اروح لبنتي يا رجب !! 😭
رجب بصدمة: ايه الكلام ده !
اخذ الهاتف و أتصل ثانية : الو ...ايوة يا سلوى هو ايه الموضوع
سلوى بتلعثم : و الله يا رجب انا اسفة ...بس البنت اصرت تساعدني في المطبخ ...و طاسة الزيت وقعت على وشها و صدرها
-بتقولي بنتي اتحر"قت!!! و انتي كنتي فين؟؟؟
سلوى بخوف: و الله قلتلها مش محتاجة مساعدة هي اللي قالت انها تعرف تحمر بطاطس و متعودة تساعد امها انا مالي! 😰
-طب هي عاملة ايه دلوقت 😥
-احنا اخذناها عالمستشفى و عملنا اللازم ما تقلقش-
- ما اقلقش ازاي البنت زمانها مرعوبة ..طب خلاص اقفلي و قوليلها ان احنا جايين
اقفل الخط و توجه الى فاطمة المنهارة و الى جانبها أم أحمد تحاول تهدئتها : لمي هدومك يا فاطمة .. احنا هنسافر النهاردة ...
نظر الى أم أحمد و قال : ست ام أحمد أميرة دلوقت في بيت جوزها المرحوم و خلصت من الوا'طي و عدت ازمتها على خير ...احنا هنسيبها في امانتك ...بنتنا الصغيرة محتاجنا و أكيد واخذينها لمستشفى حكومي و استخسروا فيها ثمن العلاج
اخوي و اعرفه... انا لازم الحق بنتي حالا ده حرق في الوش يعني مستقبلها كدة هيضيع
ام أحمد : ربنا يسترها معاها ...تسافروا بالسلامة و ما تقلقش على اميرة ...دي بنتي برضو و هأشيلها في عينيا الإثنين .
رجب: تسلمي يا ست يا طيبة ..يالا انا هاتصل بخالد عشان يشوفلنا حكاية الطيارة
كان الموكب في الطريق من المدافن إلى قسم الشرطة لإستكمال اجراءات تسليمه و نقله الى مصر
وصلوا الى احد المنعطفات و كان طريقا تغطيه اشجار كثيفة و لا يرى ما بعد المنعطف
فجأة و دون سابق انذار داهمت الموكب خمس سيارات بطريقة ما سدت الطريق على كل السيارات ما عدا السيارة التي كانت تُقل ايهاب التي واصلت سيرها من بينهم و انعطفت يمينا عكس الطريق الذي كانوا سيسلكونه
توقف الباقون ليحدث اشتباك و تبادل اطلاق نار قصد اعطاء الفرصة للسيارة بالابتعاد ...
كان الرجال ملثمين لا يرى منهم شيئا كما انهم مدججون بالسلاح
في سيارة ايهاب
ما إن ظهرت السيارات الخمسة حتى اخرج ذلك الراكب بجانب ايهاب مسدسين و وضعهما في رأسي السائق و من بجانبه و هو يقول
انعطف بسرعة ثم توقف على أول اشارة...هيا و الا فجر"ت رأسيكما في آن واحد
انطلق السائق بغضب و هو يقول : ايها الخائن !
-اخرس و قد بسرعة !!
بقي ايهاب ينظر بترقب و يقول
-من انت ...لماذا تنقذني ؟؟
لم يتكلم الرجل بل بقي مركزا نظره على الرجلين في الأمام و يديه تركزان على الزنادين
توقف السائق ثم قال الرجل
الان اخرجا. ...لا ننوي قت"لكما ...كل مانريده هو الرجل
خرج الرجلين بذعر فوجدا اخرين يحملان سلا"حهما و يشهرانه في وجهيهما
اخذا منهما سلا"حيهما و اصفادهما و كبلاهما مع باب سيارتهما ثم أخرج الثالث ايهاب من السيارة و وضعاه في سيارة اخرى كانت تنتظرهما و انطلقوا بسرعة
ما إن وصلا المنعطف الثاني بعد حوالي كيلومتر حتى اعطيا الاشارة الى اصدقائهما بوقف الاشتباك و الانسحاب بإطلاق ألعاب نارية عاليا في السماء
توقف الجميع و اتسحبت السيارات الخمسة و لحقت بها كل السيارات الاخرى و قد اطلقوا نداء الاستغاثة من اجل الدعم
لكن دهشتهم كانت كبيرة و خيبتهم اكبر !!
ما إن وصلوا المنعطف الثاني حتى وجدوا السيارات الستة فارغة و مركونة بجانب الطريق و معها الاسلحة
خرج حسام و يوسف من السيارة ليجدا الطريق الرئيسي يعج بالناس و كانت مظاهرات سلمية متكونة من رجال و نساء و اطفال و الزحام يملأ المكان
حسام بغضب: فلت من ايدينا الوا'طي !! 😤
نظر الضابط الكندي حوله و ضرب رجله بضيق و هو يقول : اللعنة
نظر الى صديقه: استغلوا فرصة المظاهرات و انسلوا بين الجموع ...سيستغرق ايجادهم ساعات وسط هذا الحشد الهائل
فتش الاخر السيارات و هو يقول بغضب -كيف نجدهم أصلا !؟ لقد كانوا مسلحين وملثمين و الان قد وضعوا الاقنعة و الاسلحة!! اووووف !!! لقد هربوا الحقي"ر 😡
في تلك اللحظة وصلت الضابط الكندي رسالة نصية من مجهول
-الرجل يخص الزعيم لوي لا داعي للبحث عنه
في سيارة خالد :
خالد : بس انت من غير عربية ما قلتليش جيت ازاي ؟؟
-اتفقت مع حسام يوصلني المدافن قبل ما يجولكم ...كنت متأكد ان ايهاب هيجيلي فورا بعد ما عمي يظهر سبقته و استخبيت هنا
-طب ايه حكاية عمك دي !!
كان ياسين سيتكلم حين رن هاتف خالد
-ده حماك !!
ياسين بقلق : طب رد بسرعة !
-الو ايوة يا عم رجب !! طب اهدى عشان افهم بتقول بنتك مالها ؟؟ يا ساتر يعني وضعها بالخطورة دي !! طب ما تقلقش انا هاتصرف حالا ...حاضر يا عمي ..
كان ياسين على اعصابه و بمجرد ان اقفل خالد الخط حتى هرع اليه ياسين بقلق شديد : في أي خالد ! أميرة مالها!! 😱
-يا ساااتر !! و مالك اتخطف لونك كدة...مش أميرة ...دي بنته التانية
ياسين بقلق : طب انطق في أي ..سيبت ركبي مالها بنته التانية ؟
-بيقول اتحر"قت و زمانها مرعوبة و لازم يرجعوا مصر حالا
فكر ياسين. قليلا ثم قال : طب ابعثهم على الطيارة الخاصة
خالد : بعثت الطيارة الخاصة لمونتريال توصل عيلة خالتها
-طب يالا مستني ايه ؟ هتروح تاخذ له اذن بالطيران و استعجله أول ما يرجع هيسافر مصر
خالد : يالا هآخذك على القصر عشان ألحق المطار
اوقفه ياسين مسرعا : قصر ايه انت اتجننت!!
خالد بتعجب: أومال رايح فين ؟ ما الوا'طي اتمسك و اللعبة اتكشفت خلاص !! طبيعي ترجع لمراتك اللي قلبها مقهور دي ! خصوصا ان القصر هيفضى عليها بين يوم و ليلة ؟؟
-لا يا خالد ...أميرة لسة تحت تأثير الصدمة ومتأكد انها لو شافتني دلوقت هتتصدم اكثر .. ما اقدرش اخاطر بكدة!
خالد بدهشة: ياسلام !! اومال ناوي على ايه يا ناصح!!
-أنا هأرجع بيت الجبل تاني على الأقل لأسبوع لحد ما تمهد لي أم أحمد الطريق
خالد بضياع :أنا مش فاهم ايه اللي بتهببه ده بس حاضر... تحت امرك...يا رب بس ترسى على خير !
ياسين : يا رب يا خالد
أدار خالد السياسة و توجه نحو بيت الجبل
خالد : طيب يا سيدي هنروح بيت الجبل و هات احكيلي ايه حكاية عم...
رن هاتفه ثانية فقال خالد بضيق: يا دي القفلة! هو عمك ده منهم ولا ايه !! كل ما تجي سيرته تجي حاجة تقاطعنا !!
ياسين بضحك : رد على تلفونك الاول
اخرج هاتفه و هو يقول لياسين بينما ينعطف للطريق الجبلي : ربنا يجعل كلامنا خفيف عليهم !دي إيلينا
-ألو خالد
-نعم إيلينا ما الأمر
-اتصلت بك لاخبرك بأن اولغا مرتبطة بحدث مهم في ألمانيا
و علينا ان نسافر غدا او بعد غد على الأكثر ..هل تستطيع ان تتدبر لنا تذكرتي عودة الى ألمانيا ؟
-حسنا إيلينا .. بالتأكيد
اقفل هانفه و هو يقول : هو اي اللي بيحصل ده !! هو النهاردة اليوم العالمي للسفر ولا ايه ؟!
ضحك ياسين قائلا : ايش معنى
خالد بتذمر: إيلينا كمان بتقول لازم تسافر بكرة او بعده 😏
-طب يالا توصلني عشان تلحق مشاويرك
-حاضر ...هاا يا سيدي ...
رن هاتفه للمرة الثالثة فقال و هو يرتجف: لالا انا كدة اتأكدت أنه منهم !! بسم الله الرحمن الرحيم! اول ما جبت سيرته يرن !!
-مين اللي رن ؟؟
-ده هو بيتصل!! انا اخذت رقمه قبل شوية !
ياسين بضحك : قصدك عمي ! طب رد عليه أكيد حاجة ضرورية ...ولا اقولك ! هات أرد انا
-الو ..ايوة يا عمي انا ياسين ...بتقول ايه ؟؟ ازاي !! طيب يا عمي نتكلم بعدين
اقفل الخط فسأله خالد بتوجس : خير !!! حصل ايه ؟!
-بيقول ناس مسلحين اعترضوا طريق الموكب و خطفوا الوا'طي
-يا خبر !! يعني بعد كل التعب ده يهرب ؟!!
فكر قليلا ثم ضرب جبهته : ده معناه إنك انت و أميرة ف خطر !!
ياسين بهدوء: لا ما تخافش..مش هيقدر يعمل حاجة ..
خالد بتوجس: ليه ؟؟ 🤔 اي اللي يخليك متأكد ؟
ياسين : لإن اللي خطفه يبقى الزعيم
خالد : قلت الزعيم !!!
-أيوة ...ماهو الوا'طي أصلا عنده حساب مع الزعيم لسة ما خلصش ...و الزعيم مش بيسيب حساباته مفتوحة أبدا 😁
خالد بفرحة: اهو كدة طمنتني ...طب بقولك ايه !!
ياسين : ايه؟
وضع خالد هاتفه على وضع الطيران و قال قربنا نوصل طريق الجبل بس زيادة تأكد اديني طفيت الزفت
دلوقت هتحكيلي كل حاجة عن عمك و ابنه
ياسين : حاضر يا فضولي ..🙄😂
كانت سما تدور في الشقة بقلق لا تعلم ماذا تفعل و ايهاب لا يرد على هاتفه
-و بعدين بقى !! راح فين ده !!
رن هاتفها فنفخت بضيق و ردت بغضب
-عايز ايه تاااااني !!! انت مش بتزهق !!!
-لا يا سما ...بالراحة مش كدة! انتي ناسية انك بتكلمي ابوكي ؟
-انا ما يشرفنيش تكون ابوي و قلتلك مش عايزة اي حاجة تربطني بيك ما بتفهمش!! 😡
-و انا ما طلبتش غير نصيبي و خليت لك الارتباط يا سمسم ...ها قلتي ايه ؟؟
سما بغضب : قلت لو كنت واقفة فوق جبل فلوس و طلبت مني دولار واحد منها مش هأديك.. وصلت دلوقت !!!
أقفلت الخط في وجهه فإبتسم بشر قائلا
-وصلت يا سمسم ...أهو كدة هأبقى عملت اللي عليا و عداني العيب 🙄😁ومش هتزعلي من اللي هاعمله فيكي
اقفلت سما الخط بتذمر و هي تقول : مش ناقصني غيرك !! مش كفاية الوا'طي اللي اسمه حسام ده و ابوه أخذوا مننا كل حاجة!! يا عالم هيعرف ايهاب يتصرف في الحكاية دي ولا هنفضل كدة زي المتشردين
تحسست رائحتها فقالت : من لما جيت كندا ما عرفتش اخذ حمام براحتي 😓 يعععع ريحتي مقر"فة. ...
ثم نظرت حولها بتقزز و قالت : و لا الشقة الز"بالة دي !🤮
تذكرت أميرة فجزت على أسنانها و قالت بغضب و كره دفين :انتي السبب ف كل ده يا أميرة !!يا رب تموتي يا گلبة😤
كانت تهم بتغيير ملابسها حين رن هاتفها
-ألو انا السيد كارسون المحامي
-ألو ... أجل سيد كارسون !؟
- هل انت سما المصري زوجة السيد إيهاب؟
سما بتوجس: نعم أنا سما المصري ماذا هناك ؟؟
-سيدتي يؤسفني أن اخبرك بأنه قد تم إلقاء القبض على زوجك
سما بصدمة: ماذا تقول !! ألقي القبض على إيهاب !!! كيف ذلك !!!
-لا اعلم التفاصيل بالضبط كل ما أعرفه هو أنه في ورطة حقيقية
سما بخوف: حسنا .. شكرا لأنك اعلمتني بذلك ..طلب يومك
أقفلت الخط و هي تفكر بسرعة ثم اتصلت
سما بهلع -ألو ...أيوة يا ماما الحقيني! حصلت مصيبة 😰
-خير يا سما اهدي و قوليلي مالك يا حبيبتي 😱
-ضاعت مننا كل حاجة يا ماما 😭 ...طلع عنده عم و هو اللي ورث كل حاجة و طلعنا احنا بايدينا فاضيين
عبير بصدمة: انتي بتقولي ايه ؟ طلع منين عمه ده!
-مش مهم طلع منين ...المهم اننا جينا كندا على الفاضي مش بس كدة ! 😭😭
عبير بشك : مالك يا سما .. ايه اللي حصل كمان
-ايهاب اتقبض عليه ياماما و انا مش عارفة اعمل ايه و لا اروح فين ! 😭😭
عبير : ايه الكلام ده ! انتي هترجعي مصر حالا فاهمة!!
سما ببكاء: ازاي ! انا ممعيش فلوس و كنا حاجزين ذهاب بس من غير عودة 😭
عبير بتفكير : اسمعي انا هأبعثلك رصيد على حسابك بشرط تاخذي اول طيارة و ترجعي...ملكيش دعوة بالبلاوي اللي هو عاملها ...هو الراجل خليه يتحمل المسؤولية لوحده
سما :حاضر يا ماما 😰😭
في مقر الزعيم لوي
كان الزعيم في حديقته الشاسعة بإنتظار وصول ضيفه
كانت الحديقة أغرب من الخيال فهي تضم كما هائلا من النباتات و الأشجار النادرة و الغريبة من حول العالم و كذا بعض الحيوانات و الحشرات
يتوسطها حوض ماء يشبه المسبح لكنه مغلق بغطاء زجاجي قابل للتحكم به عن طريق جهاز تحكم
يرتدي الزعيم معطفا جلديا و قفازات مطاطية و يضع نظارات واقية بينما يمسك بيده مقصا للتقليم وهو يقلم شجرة صغيرة تفوق طوله بقليل
في تلك اللحظة دخل جايكوب و هو يقول له : وصل ضيفنا أبي الزعيم
ابتسم الزعيم و قال بحماس: عظيم ! هل استقبلته كما يجب!
-كما أمرت ابي الزعيم ..
-ماذا تنتظر !! احضره على الفور
خرج جايكوب و قال الزعيم لشجرته : ستبدأ الحفلة بعد قليل 😁ارجو أن تستمتعي بالعرض يا حلوتي 😉
يتبع بقلمي آلاء إسماعيل البشري 🔥🥰
الجاي ناااار ،😁😁
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق
فضلا اترك تعليق من هنا