رواية الاميرة و المغترب الفصل التاسع والثمانون 89بقلم آلاء إسماعيل البشري جديده وحصريه
رواية الاميرة و المغترب الفصل التاسع والثمانون 89بقلم آلاء إسماعيل البشري جديده وحصريه
بارت 89 🔥 الجزء الاول
كان صالح و عائلته سيركبون الطائرة و فاتن تشعر بالسعادة لنجاح خطتها حين ناداهم احدهم من بعيد بصوت عال :انت ..يا سيد !!! توقفوااااا
توقف صالح بتساؤل و شعرت فاتن بالد"م يتجمد في عروقها لوهلة لكنها حاولت ألا تظهر قلقها
اقترب الضابط فورا منهم قائلا : سيدي لقد اكتشفنا أن حمولتكم تتعدى الوزن المسموح به لذا عليكم دفع رسوم اضافية ..
تنهدت فاتن براحة بينما قال صالح : حسنا ...كم المبلغ ؟!
الضابط : 60 دولارا ...يمكنك الدفع هناك
عاد صالح مسرعا الى البوابة و دفع المبلغ المطلوب ثم عاد ليلتحق بهم
في الطائرة
فاتن تجلس في مقعدها، تشعر بالارتياح لأنها نجحت في تمرير اللوحات و البيضة دون أن يكتشف أمرها أحد.
فلاش
خرجت فاتن مسرعة و هي تهمس فاتن لازم أكون ذكية و ما اسيبش أي أثر.
اشترت لوحتين زيتيتين من امام احدى المكتبات حيث يعرض أحد الرسامين الهواة اعماله للبيع مقابل بضع دولارات و كانتا توافقان مقاييس اللوحتين اللتان اخذتهما ثم اشترت دبين محشوين و عادت سريعا
بدأت في العمل على خطتها فقامت بنزع اللوحات و تثبيت تلك المسروقة على الأطر و من ثمة اعادة تغليفها باللوحات العادية بطريقة تجعلها تبدو كأنها مجرد لوحات رسمت في المنزل ثم فتحت احدى الدببة المحشوة بحذر و وضعت البيضة داخلها و احاطتها بالصوف من كل الجهات، و خاطت الفتحة بعناية.
عودة من الفلاش
همست فاتن بفرحة: انتي بجد عبقرية يا فاتن ..هتبقي غنية و مش هتحتاجي لحد بعد كدة 😁
انقضى اليوم الثاني بدون أي تغيير و هاهو صباح اليوم الثالث ينبلج على أبطالنا
وصل صالح و عائلته الى منزلهم و كان الوقت متاخرا جدا فقد استغرقت الرحلة اثنا عشرة ساعة و كانت الساعة تشير الى منتصف الليل ...فور وصولهم دخلت فاتن الى غرفتها و هي تحمل الدب و اللوحات
اغلقت الباب خلفها و فورا قامت بإخراج التحفة و اللوحات و إخفاءهم في مكان آمن و هي تفكر في كيفية بيعهم في اقرب وقت .
في المستشفى
خرج الطبيب من الغرفة بعد ان تفحص كل مؤشراته و سرعان ما توجهت نحوه أميرة المتعبة بقلق
-دكتور ما الاخبار !؟
الطبيب بإبتسامة -تهانينا سيدة أميرة لقد عدت مرحلة الخطر على السيد و وضعه مستقر تماما تستطيع نقله الى غرفة عادية بعد قليل لنأمل فقط أن يستفيق من غيبوبته سريعا
غادر الطبيب و تجلس مجدداً، هذه المرة بوجه مليء بالأمل والامتنان و هي تقول : الحمد لله يا رب ...الحمد لله
وصل خالد و هو يحمل الطعام رفقة أم أحمد
خالد : طمنيني الدكتور قال اي ؟؟
أميرة بأمل : بيقول عدى مرحلة الخطر و وضعه مستقر
هينقلوه على غرفة عادية بعد شوية ☺️
تهلل وجه ام أحمد بفرحة: الحمد لله يا ما انت كريم يا رب
تنهد خالد براحة: الحمد لله...اهو كدة ما لكيش حجة
نظرت إليه أميرة بتوجس فناولها الأكل بقوة قائلا : هتاكلي مش عايز اي اعتراض. ..انتي امانة ياسين مش عايزه لما يصحى يهزقني بسببك...خذي يالا
ابتسمت بحزن قائلة : متشكرة اوي على وقفتكم معاي ..مش عارفة من غيركم كنت عملت اي 😌
أم أحمد : احنا اهلك... و هو ده دور الأهل: يقفوا في ظهر يعض في الازمات مش كدة؟!
اخفضت أميرة رأسها بإحراج : انا آسفة بجد على كل اللي حصل مني ارجوكي تسامحيني يا ماما ... جرحي مكانش مخليني اشوف الحقيقة كاملة ...كبريائي عمى على عينيا 😓
ربتت أم أحمد على يدها بحب قائلة ؛ ما تقوليش كدة يا بنتي
كلنا بنغلط. ..المهم ننسى الماضي و نركز على بكرة
نظرت أميرة الى غرفة ياسين بينما تنقله ممرضتان فوقفت مسرعة و هي تنظر اليه بلهفة
بينما قال خالد بعبث : أهم حاجة دلوقت ان ياسين يخف و بعدها هنعملكم أحلى فرح خلينا نخلص من أم نكدكم بقى عشان نعرف احنا كمان نتجوز
ابتسمت كل من أم أحمد و أميرة على مزاحه و قالت أم أحمد : و انت ما اتجوزتش ليه حد كان ماسكك ؟؟
خالد بحزن: معقولة كان يجيلي قلب أفرح و صاحبي قلبه مكسور؟!
اطرقت أميرة بحزن حين تذكرت انها السبب فغمزته ام اأحمد بمعنى: يخربيتك خربت الدنيا 😤
ثم قالت في محاولة منها لتغيير الموضوع : الا من حق اتصلت بسحر تسأل وصلوا ولا لأ يا ابني ؟؟
خالد : هي اتصلت بيا اول ما وصلوا البيت
أميرة بتذكر: الا من حق هو بابا و ماما ما عرفوش بالخبر؟!
أم أحمد : لا و الله ما قلناش.. خفنا على وضع والدتك ما هي بتقلق على كل حاجة.
أميرة : معاكي حق .. هأبقى اكلمهم انا ....بقالي يومين ما اتكلمتش معاهم زمانها قلقت عليا
نظرت الى خالد و قالت برجاء: و النبي لو رحت الدار تجيبلي شاحن التلفون بتاعي لأنه خلص شحن
خالد : طيب انا اصلا رايح دلوقت ..نظر الى أم خالد و قال : مش عايزة توصيني حاجة ؟
في تلك اللحظة رن هاتفه و كان منذر
أم أحمد : لا يا ابني بالسلامة انت دلوقت ..
و انتي يا بنتي كلي لك لقمة تصلب طولك
اميرة : لا انا هروح اوضة ياسين زمانهم خلصوا
غادر خالد و هو يجيب: الو ايوة يا منذر
منذر: اخبار البيه اي يا خالد
خالد : و الله لسة زي ماهو المهم أنه عدى مرحلة الخطر
-الحمد لله ...انا كنت جايبلك الاخبار اللي طلبتها
خالد : و الله ؟! هات يا سيدي!! إدوارد لقى ايه ؟
منذر: بيقول ان الگلب دانيال كان بيشتغل في أي حاجة طول الفترة اللي فاتت لحد ما قدر يجمع مبلغ التذكرة و الظاهر كان متعاون مع واحد اسمه رودريغو من رجالته المخلصين اللي فضلوا هنا ..ساعده عشان يدخل البلد بأسم مستعار و جواز سفر مزور...و اول ما الزعيم اكتشف الملعوب بعث مين يصفيه فورا بس لحقوه متأخر
خالد: طبعا ماهو الزعيم مش بيرضى حكمه ينزل الارض مهما كان مين اللي خالفه...
منذر يالا اهو غار في داهية ربنا يحر"قه مطرح ما راح
خالد : المهم يا منذر انا كنت عاوزك في خدمة تانية و النبي اصلي انشغلت مع ياسين و ما عرفتش اتصرف فيها
منذر : اؤمرني يا اخوي
في مصر
كانت فاطمة تحضر الفطار حين خرج رجب مسرعا و هو يعدل ملابسه
-خير يا رجب رايح فين عالصبح ؟
-عندي مشوار مهم ..
-طب مش هتفطر؟
-لا يا فاطمة مستعجل ..
-يا خوي كل لك بيضتين ترم عظمك ...مستعجل اي يعني معندكش دقيقتين تقعد فيهم زي الناس ؟
نظر الى ساعته و قال بإستسلام : حاضر يا ستي ..عشان بس تعبتي نفسك و حضرتي كل ده هأكل بيضتين 😊
جلس قبالتها و تناول بيضة فسألته
-الا من حق ؟ هو اللي أتصل امبارح لما كنت طالع برة صالح جوز اختي ولا انا سمعت غلط؟؟
رجب بهدوء: ايوة هو
فاطمة بتعجب: غريبة ! اي اللي فكره بيك؟
فكر رجب قليلا ثم قال :اه انا نسيت اقولك ... أصله إتصل يقول ان بنته ولدت ..
فاطمة بفرحة ؛ و الله !! 😍
اكمل رجب بينما يشرب الشاي بسرعة : لو عايزة تروحي تزوريها معنديش مانع بدر زي ابني و مش ناسي وقفته معايا
ثم ما لبثت ان تذكرت شيئا فقالت بتعجب : بس لحقت تولد ازاي مش هي لسة شهرين على التاسع ؟!
رجب و هو يقوم : ايوة حصلت مشكلة و اضطروا يولدوها بدري و حطوا الولاد في الحضانة
فاطمة بفرحة: ولاد !!
-ايوة ...ولدين ...يالا بالإذن بقى
قالها رجب و هو يخرج
فتهلل وجه فاطمة بفرحة و قالت : الحمد لله عقبال بنتي يا رب ! 🥰
ثم أكملت بتفكر: بس غريبة يعني ما اتصلتش فاتن ليه و قالت لي هي عالخبر !! يتصل صالح برجب ليه ؟! 😕.الله !! هي اي الحكاية بالضبط 🤔😕
فكرت قليلا ثم قالت : اووف رجب خرج و انا معنديش رصيد و لا الواتس اللي بيقولوا عليه ده ! 😏
لقيتها !! انا معاي رقم بدر هاتصل بيه يمكن يكون معاها ☺️
في تلك اللحظة خرجت ندى من غرفتها :صباح الخير يا ماما
ندى!!!صباح النور يا روحي ..هاتيلي تلفوني و علبة الدوا الزرقا من اوضتي و تعالي تفطري عشان تروحي مدرستك
غرفة ياسين في المستشفى
جلست أميرة بجانبه بينما ينام بعمق
امسكت يده بحزن قائلة
-هتصحى امتى بقى يا روحي ...الدكتور بيقول خلاص عديت مرحلة الخطر
وضعت يدها على يده بحب: مش فاضل غير تصحى و ترجع لمراتك حبيبتك ...
انا اهو ..جنبك انا رجعتلك يا روحي و ندمت اني مشيت أصلا 😮💨
انا فعلا كنت غبية لما فكرت احرمك مني عشان اعاقبك ..اتاريني كنت بأعاقب نفسي 😔
ارجوك أنا مسامحاك بس بلاش تعمل فيا كدة تاني 😓
وضعت رأسها على يده بتعب و يدها على قلبه بحذر و أكملت بحزن: بعد كدة لو فكرت تعملها تاني و ثالث و رابع و توجع قلبي بدل المرة ألف انا هسامحك و مش هأبعد عنك تاني 😓
انهمرت دموعها بينما تهمس بخفوت
لو فعلا بتعشقني زي ما قلتلي ليلتها ارجعلي و ما تفجعش قلبي...انا حياتي بقت مرتبطة بيك و قلبي بينبض بإسمك من يوميها يا روحي اصحى بقى ارجوووك كفاااية وجع لقلبي اكثر من كدة 😭
يعني فوق شوقي ليك عايزني اتحمل ذنب انك ضحيت بحياتك عشان تنقذني ! طب ليه ؟؟ ما كنت تسيبني اموووت انا المرة دي !! يعني هي حياتي كانت اغلى من حياتك... ولا كانت تساوي حاجة من غيرك 😭
مصمم توجعلي قلبي بدل المرة اثنين ليه يا ياسيييين 😭
اصحى يا حبيبي كفااااية بقى انا و الله العظيم اتعلمت الدرس و اتربيت على ايدك و حرمت ابعد 😭
فوق بقى أميرتك جنبك و هتفضل معاك لآخر يوم في عمرها
ارجوك يا روحي انا حاسة اني مخنووووقة من غيرك 😭
مش عايز تصحى... طب خذني معاك ما تسيبنيش اتعذب كدة😭
مسحت دموعها بإبتسامة منكسرة و قالت بأمل
-لا. .. لا يا ياسين ...عارفة ان لينا حياة مع بعض لسة ...قلبي بيقولي كدة 🥲 ..قلبي بيقولي انك مستحيل تمشي و تسيب حبيبتك . .عشان خاطري قوم بقى !!🥺
انت بس قوم و انا اوعدك اني هاعوضك عن كل لحظة حرمتك فيها مني ..😓😭🥺
-احلفي !! 😟
رفعت أميرة رأسها بدهشة ممتزجة بفرحة
-ياسييييين !! 😳😍
كانت حنان في المستشفى تساعدها هنادي على تغيير ملابسها حين دخل بدر و هو يطرق الباب : اقدر ادخل يا ماما
-ايوة يا ابني خلاص خلصنا تعال. .
دخل بدر و هو يقول بحب: خالتك عايزة تباركلك ☺️
امسكت هاتفه بفرحة : صباح الخير يا خالتي 🥰
-صباح النور يا روح خالتك ..لسة رجب قايل لي حالا عالخبر .ألف ألف مبرووك يا حبيبتي يتربوا في عزكم ان شاء الله 🥰
-ربنا يبارك فيكي يا خالتي عقبال أميرة ☺️
تذكرت فاطمة حال ابنتها فتنهدت بحزن: يا رب ينصلح الحال بينها و بين جوزها الاول 😌
حنان بإحراج : ان شاء الله يا خالتي ..
فاطمة :سميتوهم اي يا حنان
حنان :سامي و سيف 🥰
-الهي ربنا يجعلهم ذرية صالحة و يسعدهم و يحميهم من كل شر يا رب
حنان بحب : يا رب يا خالتي 🥰...
-هابقى أحاول أجيلك بكرة انتي عارفة عمك رجب بيحب بدر قد اي
-تسلمي يا خالتي و اهو بالمرة تشوفي ماما 🥰
فاطمة بتعجب: و انا هلاقي مامتك فين!؟
-ماهي ماما و بابا و سحر جوم مصر امبارح و أكيد هيجو النهاردة عندنا ☺️
فاطمة بدهشة: طيب يا بنتي أكيد هنبقى نتقابل !
اقفلت الخط و هي تهمس بتعجب: جات من كندا و وصلت و انا معنديش خبر !! و صالح بيتصل برجب و بيطلع و هو بيهمس !! هو اي اللي بيحصل بالضبط 🤔!!
في منزل فاتن :
خرجت فاتن و هي تقول بتذمر: اوووف اي القر"ف ده
البيت كله غبرة ...هأنظفه ازاي ده كله !! 🤮
دخلت سحر و هي تحمل أكياسا
فاتن بتعجب: كنتي فين عالصبح ؟؟
سحر : رحت مع بابا جبت حاجات للبيت اكل و خزين
نظرت فاتن خلفها و قالت بضجر: طب هو فين؟ 😏
سحر ببرود : مش عارفة ...قال عنده مشوار اول مهم
-مشوار اي ده اول ما وصل !! هو ليه اي هنا أصلا !! 🤔
سحر بلامبالاة : مش عارفة ...يالا خلينا نلبس عشان نروح عند حنان ..
فاتن : نروح اي اومال هو مش جاي معانا؟!
سحر : لا قال خذوا تاكسي و انا هالحقكم اول ما اخلص مشاويري
فاتن : و بعدين معاه بقى !! هو مش هيجيبها لبر ولا أي !! لااااا بقى كدة كثيييير 😤
سحر ببرود : شوفي انتي عملتي اي يخليه يزعل منك و يخاصمك
فاتن : عملت اي يعني 🤨 ؟؟ مش كفاية متحملة العيشة القر"ف اللي معيشهالي !! 😏
سحر بحدة : ده مش مبرر عشان تخونيه 😤
ابتلعت فاتن ريقها بصعوبة و قالت : اخونه! جبتي منين الكلام ده ! 😥
سحر بضيق : موجود في الواتس بتاعك....ادعي ربنا ما يكونش بابا كمان شافهم و ده سبب خنقته طول المدة دي 😔
فاتن : انتي ...انتي بتقولي اي 😰
سحر :بابا ما يستاهلش منك كدة ..ما يستاهلش تقابلي كل تضحياته عشانك بالخيانة ..
قالتها بإنكسار و هي تدخل غرفتها ثم أكملت و هي تمسح دموعها هألبس و اطلع أدور على تاكسي و استناكي برة 😭
في المستشفى
فتح ياسين عينيه ببطء و نظر إلى أميرة بابتسامة ضعيفة.
و هو يهمس بصوت خافت: لو كنت أعرف إن ده هيحصل كنت رميت نفسي قدام الميترو من تاني يوم
ابتسمت أميرة و دمعت عيناها من الفرح و هي تقول : و ليك حيل تهزر كمان ! حرام عليك انا كنت هموووت من خوفي عليك
ياسين بتعب و هو يحاول رفع يده ليمسك بيدها أنا آسف اني قلقتك كدة
أميرة بفرحة عارمة و دموع غزيرة : آسف اي بس انت اللي بتتاسف بعد كل الي حصلك !! المهم انك بخير 🥰 ..يالا انا هأنادي ام أحمد 🥰 دي هتفرح اوي
أمسك يدها بتعب و هو يهمس بشوق:خليكي ...ما تمشيش
انحنت أميرة و قبلته على جبينه بلطف و هي تقول :عمري ما همشي تاني ...انا معاك يا روحي 😊
نظر إليها بعينين متعبتين لكن مليئتين بالحب : حياتي من غيرك كانت ظلمة ...انتي النور لحياتي صدقيني ...من غيرك مكنتش عايش
تبتسم وتدمع عيناها مرة أخرى بفرح: هسس ما تتعبش نفسك انت لسة تعبان ...انسى كل حاجة المهم نركز على شفاك دلوقت
في تلك اللحظة دخلت أم احمد و تفاجأت برؤيته مستيقظا
-ياسين !!! الحمد لله على سلامتك يا حبيبي 🥰
-الله يسلمك يا ماما
أم أحمد : الحمد لله ربنا استجاب دعواتنا كلنا و دعوة الغلبانة اللي كانت هتمو"ت نفسها عليك دي
نظر الى أميرة بحب فقالت ام أحمد : اما اروح أفرح خالد و بالمرة أقول للدكتور ☺️
12
بعد مدة وصلت كل من فاتن و سحر الى المستشفى بعد ان استغرقت فاتن طول الرحلة و هي تفكر فيما قالته سحر ثم تعود و تنفض تلك الافكار من رأسها قائلة
-لا مستحيل يكون عرف و الا مكانش اتحمل يفضل معاي ...كان اما هيتهور و يعملي حاجة او كان يطلقني بالثلاثة ...و كلام سحر معناه أكيد انها مش هتقوله عاللي شافته ...خليكي انتي بس هادية و ما تخليش حد يحس بإنك متوترة
دخلتا الى جناح الولادة و سألتا عن غرفتها و توجهتا إليها و كل منهما في واد
كان بدر يساعدها على الأكل بعد ان اوصل والدته الى المنزل للتحضير لإستقبالها كما طلب بدر منها و من ثمة الحضور الى المستشفى في موكب كبير من اجل مرافقتها الى المنزل
كان يحضر لهذه المفاجأة منذ يومين و ينتظر اللحظة التي ترى فيها ذلك الحفل بفارغ الصبر
حنان : خلاص انا شبعت
بدر : شبعتي اي و ده تسميه اكل !!
-يوووه يا بدر 😔!! انت عايزني اثخن و ابقى زي الجاموسة؟ ما انا في الحمل كنت باسمع كلامك و بآكل غصب عني عشان خاطر الولاد و صحتهم 😌
وضع بدر لقمة اخرى في فمها رغم تذمرها قائلا بحزم : و دلوقت هتاكلي غصب عشان ترضعيهم ...انتي ناسية انهم اتولدوا قبل معاهم و محتاجين لبنك انتي ؟
حنان بضيق : ايوة كدة اقعد كل شوية تجيبلي حجة لحد ما ابقى زي الفقمة و تبطل تحبني 🥺
وضع الصحن و الملعقة من يديه ثم احتضنها و هو يقبل وجنتها بحب قائلا : معقولة أبطل أحب بنتي !! ده انتي شمسي اللي بتشرق و بتنورلي يومي ...و قمري اللي بيضويلي لياليا !
نظر الى عينيها بهيام و اكمل : انتي النفس اللي انا باتنفسه
عارفة يوم ما ابطل احبك ده معناه اي ؟؟
اومأت برأسها بتوهان فأكمل و هو ينظر الى شفاهها بشغف
-معناه اني بطلت اتنفس
-بعد الشر عنك حب.....
ابتلع كلمتها في قبلة شغوفة لم يخرجه منها الا طرق الباب
فابتعد عنها بتوتر و هو يقول : احم ..ادخل
عدلت طرحتها و هي تضحك على ولهه بها الذي لا ينتهي
وفي تلك اللحظة دخلت فاتن و من خلفها سحر المبتسمة على مضض و هي تحاول ألا تظهر ضيقها من والدتها و حزنها على ابيها كي لا تفسد فرحة اختها
-لولولولووووووووووووويييييي ....🥰🥰
اطلقت فاتن زغروطة عالية و هي تدخل إليها فاتحة يديها: ألف ألف مبروووووك يا حبيبتي يتربوا في عزكم يا بنتي🥰
قبل أن تصل إليها وقف بدر امامها كالجبل و هو يقول : بالراحة عليها يا مرات عمي ما تنسيش انها عاملة عملية
رمقته فاتن بنظرات غريبة و هي تقول : هو انت هتخاف على بنتي اكثر مني ! 🤨 ياختي الناس تقول حمد لله على السلامة الاول ! 😏
شعرت حنان بالتوتر فورا فهي تعلم أن والدتها لا تحب بدر و لا اي أحد من عائلة صالح بشكل عام
-ماما ... حمد لله على السلامة ☺️
ابعدته فاتن و اقتربت من ابنتها تعانقها
-وحشتيني اوي يا ماما 🥰
-و انتي كمان يا روحي .. ألف مبروووووك يا أم الولاد 😊
-الله يبارك فيكي ..
ما لبثت ان رأت سحر خلفها فقالت بلهفة: سحورة حبيبتي ازيك
إقتربت منها سحر و سلمت عليها بحذر و هي تقول : الحمد لله يا حبيبتي الف مبروك ربنا يحفظهم و يحميهم
-يا رب يا سحر ..عقبالك يا حبيبتي ☺️
ابتسمت سحر بخجل من بدر الواقف فقال : طب اسيبكم انا بقى هاتصل بالحج على ما تكوني جهزتي يا حنان
اومأت له حنان بلطف ايجابا
خرج بدر و قالت فاتن بتساؤل : تجهزي ل ايه ؟!
-الدكتور بيقول أقدر اطلع النهاردة ☺️
فاتن بتساؤل : طب و ولادك ؟!
حنان : الولاد هيفضلوا في الحضانة لحد ما يكتمل نموهم
فاتن بدهشة: هتسيبي ولادك هنا و تمشي؟؟
حنان بتعجب: ايه المشكلة ما هوما بيراعوهم هنا و انا هأبقى اجي اديهم الرضعة او ابعثها مع بدر كل يوم ☺️
كانت فاتن ستتكلم لكن دخول هنادي قاطع كلامهم
هنادي: أهلا و سهلا يا فاتن . ..حمد لله على السلامة
إقتربت لتسلم عليها لتسلم عليها هذه الأخيرة بتصنع
-الله يسلمك يا هنادي .. مبروك عليكم 🙄
هنادي بفرحة ؛ مبروك علينا كلنا يا فاتن 🥰
ثم نظرت الى سحر التي إقتربت منها لتسلم عليها و هي تقول : ازيك يا مرات عمي ..الف مبروك يتربوا في عزكم
هنادي: الحمد لله يا بنتي ربنا يبارك فيكي عقبالك يا رب
نظرت فاتن الى سحر و قالت بفرحة : مش هنشوف الولاد بقى يا سحر؟
اومأت إليها سحر بإبتسامة مصطنعة : حاضر يالا بينا
قالت هنادي: هتكملوا لآخر الطرقة يا سحر و بعدين تلفوا يمين الحضانة هناك هوما التوأم االوحيد هناك 😊
خرجت فاتن و سحر و نظرت هنادي الى حنان و قالت بحب : يالا يا بنتي هو انتي لسة ما جهزتيش؟؟
حنان بسعادة:شنطتي جاهزة ألبس هدومي بسرعة بس على ما بدر يوصل ☺️
دخل بدر بحماس : انا هنا و الكل وصل و مستنيينك تحت
هنادي بإسراع : يالا خلصنا ..خذي البسي بسرعة
البستها عباءتها و عدلت طرحتها بسرعة ثم البستها معطفا شتويا دافئا و قالت : كدة احنا جاهزبن يالا يا بدر 😀
حمل بدر حقيبتها بفرحة و قال : يالا بينا يمة ☺️
-على فين !! 🙄
قالتها فاتن بنبرة غريبة و هي تقف في الباب و تمسكه
بدر بتوجس: هيكون على فين يعني 🤨 على بيتها طبعا يا مرات عمي 😕
فاتن بحدة : حنان مش هتروح معاك لأي مكان يا بدر.. بنتي هتجي معاي بيتي و معاها ورقة طلاقها 🙄
يتبع
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق
فضلا اترك تعليق من هنا