رواية الضحية الفصل التاسع والعاشر 9-10بقلم الكاتبة أروى عادل (جديده وحصريه وكامله)

رواية الضحية الفصل التاسع والعاشر 9-10بقلم الكاتبة أروى عادل (جديده وحصريه وكامله)

رواية الضحية الفصل التاسع والعاشر 9-10بقلم الكاتبة أروى عادل (جديده وحصريه وكامله)

#رواية_الضحية

#الكاتبة_أروى_عادل 

#الفصل_التاسع

حسام ٠٠ أكيد دى غادة . على فكره يا عمر هى لسه ماتجوزتش 

(قال كلمتة ثم توجه إلى الباب عندما فتح الباب قال)

حسام ٠٠ اتفضلى يا غادة عمر مستنيكى 

( ثم غادر و ترك عمر و غادة لوحدهم)

غادة ٠٠ أزيك ياعمر

عمر ٠٠  تمام  الحمدالله.  وانتى

غادة ٠٠  ماشى الحال

عمر.. طيب نتكلم فى الشغل عايزك تكونى مسؤوله ديكور الفيلا طارق الهاشمي . 

غادة ٠٠ غريبة 

عمر ٠٠ هو ايه إللى غريب فى كلامى

غادة ٠٠ هو مش طارق ده جوز أروى بردوا

عمر ٠٠  انتى متابعة بقى 

غادة ٠٠( بسخريه )  أكيد ما انت عارف انا كنت بعز أروى أد إيه 

عمر ٠٠ أه واضح  .. طيب فين المشكله .

غادة ٠٠ عايز تفهمنى ان أروى دلوقتى مش فارقه معاك

عمر ..هى فعلآ مش فارقه معايا . أروى كانت ماضى و راح لحاله .. غير كدا  انا راجل عملى مابدخلش حياتى الشخصية فى شغلى .. ياريت تكونى فهمتى 

غادة ٠٠ أكيد  فاهمه  انت نسيت انا اكتر واحده كنت فاهماك

( كانت غادة سعيدة بكلام عمر عن أروى

انها أصبحت  من ماضى .. لان عمر كان حب غادة الأول و الأخير )

☆☆☆☆☆☆☆☆☆☆☆☆☆☆☆☆☆☆

فى جنينة الفيلا 

تجلس أروى و ريم  يتناولون الإفطار هنا أنضم إليهم طارق و قال

طارق ٠٠ أنا شايفك حالتك أحسن النهاردة 

أروى  ٠٠ الحمدالله 

طارق ٠٠ طيب ممكن أعرف كان مالك

ريم ٠٠ مش مهم كان مالها المهم انها دلوقتى كويسه

أروى ٠٠ رجعت ليه من الشغل 

طارق ٠٠ عمر اتصل بيا عايزنى اقابل مهندسة الديكور

أورى ٠٠ همآ جايين دلوقتى 

طارق ٠٠ زمانهم على وصول

أروى ٠٠ طيب انا هطلع أوضتى عايزه ارتاح شويه

( كانت عايز تهرب من مقابلة عمر لكن ريم مسكتها من أيدها  وقالت بصوت واطى لا يسمعوا غير أروى

ريم ٠٠ احنا اتفقنا على ايه مش لازم تخافى منه 

( هنا جاء عمر مع غادة بعد ألقاء التحية قالت غادة)

غادة ٠٠ أزيك يا أروى عاملة ايه

( كانت أروى مستغربه من وجود غادة 

و خصوصآ مع عمر هى تعلم مقدار حب غادة لعمر )

طارق ٠٠ايه ده انتم تعرفوا بعد 

غادة ٠٠ طبعآ أحنا كلنا كنا جيران فى نفس العمارة

طارق ٠٠ كلنا تقصدى أيه بكلكم

( كانت تقصد عمر كمان لذلك ردت أروى قبل غادة و قالت)

أروى ٠٠ تقصد أهلى و أهلها .كمان غادة أخت زين

( فهمت غادة ان طارق لا يعرف شئ عن قصة عمر و أروى لذلك ضحكت بخبث وقالت)

غادة ٠٠ آه  بالظبط  كده 

طارق ٠٠ أنا بردوا قولت الشكل ده مش غريب عليا 

غادة ٠٠ ما احنا اتقابلنا قبل كده لما كنا متجوز أسراء

عمر ٠٠ ياريت نتكلم فى الشغل هيكون أحسن

ريم ٠٠ طيب أستأذن أنا دلوقتى 

أروى ٠٠ رايحه فين انتى مش قولتى هتقضى اليوم مع بعض 

ريم ٠٠ معلش افتكرت انى عندى شغل يلا باى

( قبل أن تغادر ريم همست لأروى وقالت انتى قويه ثم غادرة وهنا قال عمر)

عمر ٠٠ طيب أنا رايح أتابع  الشغل و انتى يأ غادة شوفى مدام أروى تحب ستايل الفيلا على اى طراز

طارق ٠٠ حبيبتى عايزه حاجة  انا رايح على الشركة 

( لا يعلم عمر لماذا شعر عمر بغصه فى صدره عندما سمع طارق يناديها بحبيبتى و كأنها هذا الكلمة كانت من حقه هو فقط حتى أروى شعرت انها غير مرتاحه عندما ناداها طارق بحبيبته أمام عمر لذلك ردت عليه بصوت يكاد يكون مسموع رد روتينى  وقالت)

أروى ٠٠ لأ شكرآ

( وهنا غادر عمر  هو ينظر إلى أروى  بغضب ثم غادر طارق وهنا قالت غادة بسخريه  و بدون مقدمات)

غادة ٠٠  يعنى جوزك مايعرفش إللى بينك وبين عمر

أروى ٠٠ قصدك إللى كان بينى و بين عمر 

غادة ٠٠ هتفرق 

أروى ٠٠ طبعآ و كتير كمان  .. أظن انتى عارفه الفرق كويس

غادة ٠٠ عايزه تفهمينى  ان شغل عمر فى الفيلا بتاعت جوزك دى مجرد صدفه.. ان عمر بعد النجاح ده كلها يرجع من بره مصر  مخصوص عشان يهتم  بتعديلات فى الفيلا جوزك 

أروى ٠٠ والله أجابة السؤال ده مش عندى ممكن تسألى عمر بنفسك .. ده لو تقدرى

غادة ٠٠ لسه زى ما انتى واثقة فى نفسك لحاد الغرور

أروى ٠٠ وانتى بردو لسه زى ما انتى فضوليه و بتجرى واره إللى مش ليكى 

غادة ٠٠ ومين قالك ان عمر مش ليا .. عمر بتاعى انا  خلاص بقى معايا  و أوعدك قريب أوى هتفرحى بينا

( ردت أروى ببرود مصتنع عكس ما يدور داخلها و قالت)

أورى ٠٠ تمام ربنا يهنيكم  ببعض . بس  فى الاخر  دى حاجه ماتخصنيش . 

غادة ٠٠ تصدقى يا أروى  عجبانى طريقتك  . و انتى عاملة نفسك ان عمر مش فارق معاكى 

أروى ٠٠ اوكى أولآ  انا اسمى مدام أروى ثانيآ ياريت ماتنسيش انتى هنا ليه . متخلنيش أضطر  أشتكى لمديرك .و اقوله انك مش شايفه شغلك كويس

غادة ٠٠ تمام حقك..  بس قوليلى لو جوزك عرف انك أنتى و عمر كنتم بتحبوا بعض  .. كان هيبقى عندك نفس الثقة دى فى كلامك

أروى ٠٠ أفهم من كلامك انك بتهددينى 

غادة ٠٠( بسخريه)  أنا  أبدآ دى انتى حبيبتى . أكيد فهمتينى غلط

أروى ٠٠ طيب أسمعينى كويس انا معنديش حاجة اتكسف منها . لا انا كنت بجرى وراه هو بيحب غيرى ولا عملت المستحيل عشان ألفت نظره ولا حاولت انتحر عشانه . 

( كانت أروى تقصد غادة بهذا الكلام لان كل هذه الأفعال لقد فعلتها غادة فى الماضى لذلك غضبت غادة من كلمات أروى وقالت)

غادة ٠٠ صح انا  عملت كل إللى انتى قولتى عليه بس عملت كل ده لانى بحب عمر .. عمر إللى انتى أتخليتى عنه عشان الفلوس زى ماتخليتى عن أهلك  و خونتى أختك و اتجوزتى جوزها

(كان كلمات غادة مثل الخنجر الذى غرسه فى قلب أروى لقد ألمها كلام حقآ لذلك لم ترد عليها .و هى تعلم جيدآ ان الجميع يفكر فيها بنفس الطريقة هى بالنسبالهم مش اكتر من واحده خائنه  

غادة ٠٠ شايفاكى سكتى الحقيقة بتوجع مش كدة

أروى ٠٠ صح و أخيرآ اتفقنا على حاجة واحده احنا الاتنين وهى ان الحقيقة بتوجع . و خصوصآ لما تتقال من الشخص إللى كله غلط .. على عموم  انا عايزه تصميم ديكور الفيلا كلاسيكي على الطراز الحديث  ..و ياريت  تشاورينى في ايه تصميم للديكور قبل ما تبدأى فيه

غادة ٠٠ بس عمر قالى انى مسؤوله عن الديكور مسؤولية كامله 

أروى ٠٠ ان ماليش دعوة بعمر قالك ايه فى النهاية انا صاحبت الفيلا و الرأي الأول  و الأخير  ليا أنا ..أوكى 

( ثم غادرة أروى دون أنتظار ردها)

☆☆☆☆☆☆☆

كان عمر ينظر إليهم  من بعيد كان يبدو عليهم انهم ليسوا على وفاق لذلك قال لغادة بعد ما غادرت  أروى)

 عمر ٠٠ كنتم بتتكلموا فى ايه

غادة ٠٠ أكيد فى الشغل

عمر ٠٠ غادة لو سمحتى  من غير لف ودوران . كان باين عليكم اوى انكم كنتم بتتخنقوا 

غادة ٠٠  بصراحة كنت عايزه أتأكد من حاجة

و خلاص  أتأكدت منها

عمر ٠٠ أيه هى الحاجة دى 

غادة ٠٠ أن مافيش حاجة بينكم .. و خلاص  بعد ما اتكلمت مع أروى أتأكدت ان مستحيل يكون فى أى حاجة بينكم

( رد عمر بفضول قوى)

عمر ٠٠ هى إللى قالتلك كده

( ردت كاذبه)

غادة ٠٠ أه  أروى قالتلى و أكدت على كده كمان 

  ( كما قالت غادة كاذبة) كمان قالتلى انك لو أخر راجل فى العالم أستحال تكون معاك

( وهنا تذكر ما حدث أمس بينه و بين أروى  عندما قالت أروى له أن لم يتوقف عن  لمساته لها سوف تقوم بقتل نفسها . لهذه الدرجة هى تبغضة. و تكره لمساته لها .لهذا الحد هى تكره ولا تريده ..ما أكده احساسه كلام غادة الكاذب عن أروى مما جرح كبرياء عمر كراجل مما زاد بغضه لأروى و زاده رغبه في الانتقام منها )

عمر ٠٠  ( بعصبية )  انا قولتلك قبل كدا أنى مابدخلش أمورى الشخصيه فى الشغل 

غادة ٠٠ أه بس 

( قطع عبارتها)

عمر ٠٠ مافيش بس ياريت مايتكررش انك تفتحى حوارات خاصه ما الزبائن .. ده أخر تنبيه ليكى مفهوم

( استغربة غادة من رد فعل عمر الغير مبرر بالنسبالها ثم قالت)

غاده ٠٠ مفهوم طبعآ . انا بعتذر

عمر ٠٠ياريت تروحى تشوفى شغلك

غادة ٠٠ بالنسبال الشغل مدام أروى طلبت منى انى أشاورها فى كل تصميمات الديكور الفيلا . و حضرتك قولتلى ان ليه المسؤولية الديكور  كاملة.. لما قولتلها الكلام ده اتعصبت عليا و قالتلى أن كلامك مش مهم و كلامها هى إللى هيمشى

عمر ٠٠ هى قالت كده تمام ..شوفى شغلك انتى و انا هشوف الحوار ده

( كلام غادة كان كفيله بأنه يجعل عمر على وشك  الانفجار من الغضب لدرجة انه توجه مباشرة إلى غرفة أروى دون مراعاة اى شئ . و عندما طرق الباب فتحت أروى الباب و بدون مقدمات قام بدخول و قفل الباب خلفوا و مسكها من ذراعها و قال)

عمر ٠٠ انتى فاكر نفسك مين لازم تعرفى انك ولا حاجة أنك واحده خا.......

( قطعت أروى عبارته  بعصبيه و قالت )

أروى ٠٠ واحده خاينه مش ده إللى كنت عايز تقوله  أيوه انا واحده خاينة . اتخليت عنك و عن أهلى و جريت وراه الفلوس.  كفايه كده ولا تحب تضيف حاجة تانى

عمر  ٠٠ انتى أزاى قادره تتقبلى نفسك وانتى بالحقاره دى  .. انا ازاى ماكنتش شايفك على حقيقتك

( كان عمر يتحدث و هو يشتد قبضة يده على ذراع أروى  حتى كادت تصرخ من شدة الألم  )

أروى ٠٠ عمر انا قولتلك قبل كده و هقولك تانى انت عايز منى أيه

عمر ٠٠ و انا بردو قولتلك قبل كدا و هقولك تانى عايز حقى فيكى

أروى٠٠  إللى انتى بتفكر فيه مستحيل يحصل 

( هنا افتكر كلام غادة  ثم قال)

عمر٠٠ مافيش حاجة اسمها مستحيل مع عمر الصاوى و عشان إللى انا عايزه هخدوا دلوقتى منك

أروى ٠٠ عمر فوق إللى انتى بتفكر تعملوا ده أسمه أغتصاب ممكن تروح فى ستين داهية

عمر ٠٠ ( ببرود قال) و اذا نجرب  .ان دخلت فى علاقات كتير قبل كده مع ستات عدد شعر راسك .. بس مجربتش الاغتصاب 

أروى ٠٠ انت قليل الأدب 

( كانت أروى سوف تقوم بصفعة لكن عمر مسك يدها بقوى  حتى كادت يدها تنكسر ثم قال)

عمر ٠٠ اقسم بالله لو ايدك كانت لمست وشى انا كنت قتلتك فيها 

أروى ٠٠ ( ببكاء ) يلا اعملها و خلصنى  .. يلا مستنى ايه . يلا لو بتكرهينى زى ما بتقول ريحنى و أقتلنى

ايه مش قادر تعملها عشان تعرف انك جبان 

( هنا  قبضة  عمر يديه  على عنقها حاول خنقها بينما أروى استسلمت له تمامآ لكن قلبه خانه و ضعف أمامها للمره الثانيه فبتعد عنها ليجعلها تلتقط أنفاسها هى تقول بصوت مخنوق ضعيف)

أروى ٠٠ ابعد عنى يا عمر عشان تعيش بسلام انا زى اللعنه بتأذى كل إللى بيحبها 

عمر ٠٠  صح فى دى عندك حق انتى لعنه صابتنى مش عارف اخلص منها .. بس كده كفاية من النهاردة انتى بره حياتى و تفكيرى 

أروى ٠٠ كده هيكون أحسن ليك و ليا

( عندما توجه لباب الغرفة للخروج  كانت المفجأه عندما 

#يتبع

الكاتبة/ أروى عادل 

كل عام وانتم بخير عيد أضحى مبارك عليكم

رايكم 

من الذى جاء عند خروج عمر

هل عمر سوف يبتعد عن أروى ولا سوف يواصل انتقامه

لماذا ستفعل غادة لكى تحصل على عمر

شجعونى

( ثم توجه إلى الدلاب

#رواية_الضحية

#الكاتبة_أروى_عادل

#الفصل_العاشر

أروى ٠٠ كده هيكون أحسن ليك و ليا 

(عندما توجه عمر لباب الغرفة للخروج كانت المفجأه عندما سمع صوت طارق يطرق باب الغرفة يستأذن للدخول عندها نظر عمر لها وقال )

عمر٠٠ غريبة جوزك بستأذن عشان يدخل أوضة نومكم 

أروى ٠٠ بالله عليك مش عايز فضايح 

عمر ٠٠ يعنى أعمل ايه 

أروى ٠٠ أستخبه فى الدولاب

عمر ٠٠ انت أكيد اتجننتى 

أروى ٠٠ عمر عشان خاطر اي حاجة حلوه كانت بينا

( هنا استجاب عمر له واستخبة فى الدولاب و عندما فتحت الباب لطارق)

طارق ٠٠ كل ده وقت عشان تفتحى الباب

أورى ٠٠ كنت فى الحمام .. ايه خير عايز حاجة

طارق ٠٠ عندى عشا عمل النهاردة  و انتى هتكونى معايا . و مش عايز أى أعذار زى كل مره 

أروى٠٠ حاضر 

طارق ٠٠ غريبة اول مره توافقى من غير خناق ولا وجع قلب

أروى ٠٠( بتوتر ) خلاص يا طارق مش وقت الكلام ده

طارق ٠٠ مش فاهم يعنى ايه مش وقت الكلام ده 

( كل إللى أروى كانت بتفكر فى أزاى تخلى طارق يخرج من الغرفة فورآ لذلك قالت)

أروى ٠٠ خلاص يا طارق كل انتى عايزه انا هعمل بس مش دلوقتى 

( أستغرب طارق من أروى .. أخيرآ انها سوف تفعل. ما يريده لذلك حط أيده على وجهها بحب وقال)

طارق ٠٠ بجد يا أروى هتعملى كل إللى انا عايزه

( عندما حط طارق أيده على وجهها أتنفضت أروى بعيده عنها وقالت بعفويه وكأنها نسيت وجود عمر فى الدولاب)

أروى ٠٠( بعصبية) طارق انتى اتجننت 

( قبل أن تكمل عبارتها تذكرت عمر و انه اكيد يستمع اليهم)

طارق٠٠ اتجننت كل ده عشان لمستك انتى مراتى المفروض ده حقى إللى انتى حرمانى منه 

أروى ٠٠ خلاص مش وقت الكلام ده

طارق ٠٠ يعنى ايه مش وقت أمال وقته امتى بقالنا سنتين متجوزين لسه مش قادرة تنسى الطريقه إللى اتجوزتك بيها كل ده عشان أهلك و أختك إللى .....

( قطعت عبارته قبل أن يكملها و بعصبية وقالت)

أروى ٠٠ أسكت يا طارق بقى 

طارق ٠٠ مش هسكت كفاية انا صبرت عليكى كتير مافيش راجل يستحمل ابعد و الجفا ده كل.. سنتين و انا مستحمل عقابك و كرهك ليا . انا خلاص جبت أخرى  منك

( كان كل هم أروى ان عمر لا يسمع ما يقولو طارق لذلك صرخت فى طارق و قالت)

أروى ٠٠ اخرس بقى كفايه . حرام عليك أسكت 

( هنا جريت أروى على مكتبها و اخذت علبة الحبوب المهدئ اخدت حباية مهدئ وهنا أخذه طارق علبة المهدئ و رماها على الأرض قال طارق بعصبية)

طارق ٠٠ كفايه مهدئات بقى .. انتى مش شايفه شكلك بقى ازاى من القرف إللى. بتخديه ده

( بصوت مهزوم متألم قالت ) 

أروى ٠٠ أطلع بره يا طارق 

طارق ٠٠ أنا همشى . بس هتروحى العشا معايا النهاردة .بعد كدا أحنا لازم نتكلم لان الحياة ده ماتنفعش لازم يكون ليها أخر

( ثم غادر طارق )

أما عمر لقد أستمع إلى كل ما حدث لكنه لم يستوعب 

ما قالو طارق .. و هنا شعر عمر انه فى دوامة لا يستطيع يخرج منها . والكثير من الأسئلة التي تدور فى رأسه .. وهنا نظره إلى أروى و قال )

عمر ٠٠ أنا محتاج أفهم.

أروى ٠٠ سبنى دلوقتى ياعمر 

عمر٠٠ أفهم الأول انا خلاص رأسى هتنفجر من التفكير . طيب لما انتى بتكرهى طارق اتجوزتى ليه

..و ازاى أنتم متجوزين من سنتين و مافيش بينكم علاقه زوج و زوجة... و ايه الطريقة إللى اتجوزك بيها إللى انتى مس قادر تنسيها .. ما تردى عليا ساكته ليه . 

( هنا بدأت أروى فى البكاء هى تتوسل إليه ان يتركها و شأنها لكن عمر صرخ فيها وقال )

عمر ٠٠ بطلى عياط و ردى عليا 

( هنا استجمعت أروى ماتبقى من قوتها و قالت )

أروى ٠٠ مش من حقك و لا من حق اى حد يعرف حاجة عن حياتى الخاصة 

عمر ٠٠ تمام ده حقك طبعآ . بس انا هعرف يا أروى بريضاكى او غصب عنك

(قال عمر جملتة ثم غادر الغرفة و الفيلا بسرعة )

☆☆☆☆☆☆☆☆☆☆☆☆☆☆☆☆☆☆☆

كان عمر يقود سيارتة بسرعة جنونية و هو يفكر فى حديث طارق و الف سؤال برأسه لأول مره يشعر عمر انه عجز عن التفكير السليم .. لذلك كان يريد أن يتحدث مع أحد يثق فيه لذلك توجه للمكتب لتحدث مع حسام

☆☆☆☆☆☆☆☆☆☆☆☆☆☆☆☆☆

فى مكتب الصاوى الهندسة 

فى مكتب عمر

---------------------------

يجلس عمر و حسام بعد ما حكى عمر لحسام الكلام إللى سمعوا من طارق و أورى قال عمر

عمر ٠٠ أنا خلاص هتجنن .. سنتين وانا مابفكرش غير ازاى انتقم منها ازاى أوجعها زى ما وجعتنى.. لكن دلوقتى انا مش فاهم حاجة 

حسام ٠٠ هى فعلآ حاجة تحير لم هى بتكره و رافضه علاقتها معاه . ليه وافقت تتجوزه من الأول ده حتى اتجوزته غصبآ عن إهلها .. مش بس كده .دى خسرت أهلها عشانه و تخلت عنك انت كمان. فى حاجة مش مفهومه فى الموضوع ده

عمر ٠٠ بس ايه هى الحاجة دى .. انا لازم أعرف قبل ما اتجنن أفقد أعصابى

حسام ٠٠ عمر انت لسه بتحبها 

عمر ٠٠ انا كنت فاكر الحب إللى فى قلبى لأروى مات من زمان .. بس للأسف طلعت بكدب على نفسى 

انا لسه بحبها ..برغم كل إللى عملتوا فيا قلبى لسه متمسك بحبها 

حسام٠٠يبقى روح وتكلم معاها و قولها على فى قلبك

و افهم منها هى عملت كده ليه

عمر ٠٠ انا عارف أروى كويس أوى . مش هتتكلم .. عشان كده لازم أخليها تتكلم غصب عنها 

حسام ٠٠ يعنى هتعمل ايه 

عمر ٠٠ أروى مش هتتكلم غير لو ضغط عليها و أعصبها 

حسام ٠٠ فهمنى براحه كده انت عايز تعمل ايه

عمر ٠٠ هخليها تحس انى انا و غادة مرتبطين الغيره هتجننها و هتخليها تتكلم .. أنا متأكد انها هتتكلم

حسام ٠٠ و أيه إللى يخليك متأكد انه هتغير لما ترتبط بغادة

عمر ٠٠ انت ماشوفتش النهاردة شكلها كان عامل أزاى لما شافتنى انا غادة مع بعض 

حسام ٠٠ طيب و غادة افرض ماصدقت و لزقت فيك .. 

عمر ٠٠ مش مهم انا بعد ما اعرف سر أروى .. أخلع منها بشياكه . دلوقتى هتصل بيها

حسام ٠٠ هتتصل بيها ليه 

عمر ٠٠ دلوقتى هتسمعى

( مسك الهاتف و أتصل بغادة التى ردت من أول رنه)

أبدأ المكالمه 

عمر ٠٠ الو غادة

غادة ٠٠ مهندس عمر خير

عمر ٠٠ مهندس عمر يبقى انتى زعلانه منى

غادة ٠٠ ليه هو انت عملت حاجة تزعل

عمر ٠٠ بصراحة أه .. انا عارف انى كلمتك بطريقه من لطيفه .. و على العموم انا أسفه 

غادة ٠٠ أنا مش مصدقه نفسى عمر بيتأسف منى معقوله . انا كده مش عايزه حاجة من الدنيا تانى

عمر ٠٠ يعنى قبلتى اعتذارى

غادة ٠٠ طبعآ انا أساسآ مابعرفش أزعل منك عمر انت  مش فاهم  انت بالنسبالى ايه

عمر ٠٠ فاهم .. بس للأسف بعد فوات الأوان 

غادة ٠٠ مافيش حاجة أسمها فوات الأوان. لانى 

لسه بحبك ياعمر

عمر٠٠ انا مش عارف أقولك ايه . بس انا مش هقدر أوعدك بحاجة دلوقتى.. انا اتوجعت من الحب لدرجة انى فقد أيمانى بالحب

غادة ٠٠ أنا مش عايز منك أى وعد بس خلينا نجرب .

ليه لأ سيب نفسك ليا وانا هخليك تحبنى تنسى أوجاعك كلها 

عمر ٠٠ وانا موافق .. أيه رأيك نتعشا مع بعض النهاردة

غادة ٠٠ طبعآ موافقه

( كانت غادة فى هذه اللحظه دى أسعد فتاة على وجه الأرض و أخيرآ وافق عمر ان يعطى فرصه لحبها)

عمر ٠٠ طيب انا هبعتلك عنوان المطعم و نتقابل هناك . اتفقنا

غادة٠٠ ( بفرحه) طبعآ اتفقنا 

عمر ٠٠ اوكى باى

انتهت المكالمة 

حسام ٠٠ افهم ايه علاقة العشا فى حوار أروى

عمر ٠٠ افهمك النهاردة طارق عنده عشا عمل فى نفس المطعم و أروى معاه

حسام ٠٠ تمام كده فهمت . بس لازم تعرف ان غادة مش ساهله ولا هى البنت الغبيه إللى هتقبل تكون الطعم إللى تصطاد بيه أروى

عمر ٠٠ عارف عشان كده مردتش أديها أمل . قولتها نجرب بعد شويه هقولها انى مقدرتش أحبها

حسام ٠٠ بس انت كده بتلعب بمشاعر البنت

عمر ٠٠ هههه انت طيب أوى على فكره 

حسام ٠٠ قصدك ايه يعنى 

عمر ٠٠ غادة عارفه كويس اوى انى لسه عندى مشاعر أتجاه أروى انى بكدب عليها وان المكالمة دى كلها فيك( وهميه)

حسام ٠٠ لأ معلش فاهمنى

عمر ٠٠ النهاردة و انا خارج من أوضة أروى شوفت غادة و هى مستخبية و هى شافتنى و انا طالع من عند أروى و أكيد سمعتنا و احنا بنتكلم انا و أروى 

حسام ٠٠ معقوله . طيب هى تحط نفسها فى موقف زى ده ليه .

عمر ٠٠ مش عارف .. يمكن بتفكر لما تقضى وقت انا وهى ممكن أحبها 

حسام ٠٠ ممكن . بس انا لو منك اقلق غادة بنت ذكيه و مش ساهله

عمر ٠٠ عارف متوقع منها أيه حاجة . بس انا المهم عندى دلوقتى أعرف سر أروى و مش فارق معايا حاجة تانى 

☆☆☆☆☆☆☆☆☆☆☆☆☆☆☆☆☆☆

فى أحدى المطاعم و النوادى الليليه على النيل

-------------------☆☆☆☆----------------

يجلس شادى مع زوجته صافى على أحدى الطاولات وبعد ربع ساعة أنضم إليهم طارق و أروى

صافى ٠٠ قوليلى يا أروى هربانه فين بقالك مدة

( رد طارق قبل أروى وقال )

طارق ٠٠ (بسخرية) ده طبع أروى بصراحة وهى كمان شاطره فيه بتعرف تهرب كويس أوى

(نظرت إليها أروى بتحذير لكنها لم ترد علية )

صافى ٠٠ مالك بتتكلم كدا يا طارق

شادى ٠٠ اكيد طارق بيهزر

طارق ٠٠ المهم هتشربوا حاجة الأول ولا نطلب الأكل على طول

أروى ٠٠ ايه انت مش هتستنا ضيوفك . مش ده عشاء عمل بردوا 

طارق ٠٠ لأ العشا العمل اتلغى 

أروى ٠٠ ماقولتش ليا ليه

طارق ٠٠ قولت فرصه نسهر مع بعض

صافى ٠٠ صح يا أروى احنا بقالنا زمان ما سهرناش مع بعض

( هنا جاء عمر برفقة غادة عندما رأهم طارق قال)

طارق ٠٠ عمر انت بتعمل ايه هنا

عمر ٠٠ ده مطعم يعنى هكون بعمل ايه

طارق٠٠ اه صح سورى . بس انا أول مره اشوفك هنا

عمر٠٠ اه فعلآ ده أول مره أجى هنا

طارق٠٠ طيب اتفضلوا معانا نتعشا كلنا سوى

عمر٠٠ لأ خليكم براحتكم . مش عايز أدايقكم 

طارق ٠٠ أيه الكلام إللى بتقولوا ده انت تشرفنا 

عمر ٠٠ اوكى يلا يا غادة 

( عندما إنضم عمر و غادة كانت أروى ترسل رسالة عبر الهاتف الجوال الى ريم تدعوها للأنضمام للعشاء وتحكى انها غير مرتاحه عن أفعال طارق الليلة

كانت غير منتبها بما يحدث حولها أو بوجود عمر و غادة و هنا قال طارق)

طارق ٠٠أروى .أروى انتى مش سامعه المهندسه غادة

بتسلم عليك

أروى ٠٠ غادة مين.....

( قطعت أروى عبارتها عندما رأت عمر يجلس بجوار غادة مرت دقيقة و أروى تنظر إليهم دون أن تنطق بكلمة و كأنها بتستوعب وجودهم معآ على نفس الطاولة ...كمان أنها تستوعب أيضآ وجود عمر برفقة غادة .. وهنا قالت غادة بخبث بعد ما فهمت ما يدور فى عقل أروى )

غادة ٠٠ مالك يا أروى انتى مش مبسوطه انك شوفتينا 

( قالت أروى كاذبة)

أروى ٠٠ لا إبدآ انتى ليه بتقولى كده انا مبسوطه جدآ و خصوصآ انك مع المهندس عمر

طارق ٠٠ أه صح يا عمر انت و المهندسه غادة مع بعض من أمتى 

( هنا ردت غادة بسرعة)

غادة ٠٠ من زمان أوى ممكن تقول من و احنا أطفال لان انا و عمر بنحب بعض من واحنا أطفال 

( كانت تتحدث و هى تنظر لأروى )

صافى ٠٠ رومانسى أروى أن حب الطفولة يفضل عايش معاكم لحاد ما تكبروا .. اه صح أكيد أنتم كنتم جيران ولا أقارب

غادة ٠٠ لا كنا جيران

طارق ٠٠بس ثوانى هو انتى و أروى مش كنتم جيران 

غادة ٠٠ اه احنا كنا جيران 

طارق ٠٠ طيب أزاى انتى و عمر كمان كنتم جيران 

و أروى متعرفش عمر

( هنا حدث ما كانت تريده غادة بينما التوتر و الارتباك كان واضح على أروى أما عمر.......

#يتبع 

الكاتبة/ أروى عادل 

رأيكم 

ما الذي تخطط له غادة 

هل سيعرف طارق ان أروى تعرف عمر قبل سابق 

بماذا سينتهى العشاء الذى كان مثل الكابوس لأروى 

شجعونى

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا