روايه وادي الثعابين الفصل التاسع والعاشر بقلم ابراهيم الابيض( جديده وحصريه وكامله لمدونة قصر الروايات )

روايه وادي الثعابين الفصل التاسع والعاشر بقلم ابراهيم الابيض( جديده وحصريه وكامله لمدونة قصر الروايات )

روايه وادي الثعابين الفصل التاسع والعاشر بقلم ابراهيم الابيض( جديده وحصريه وكامله لمدونة قصر الروايات )

__________________________صلي علي حبيبك النبي عليه افضل الصلاه والسلام 

__________________________

 البلد كلها فرحانه عشان ال حصل في ارض غفران .

والزرع ال مات .

غرام ..عايزاك تفتح مخك معايا 

. عشان ال جاي عاوز  ذكاء .

ومكر وخفه .

النهارده .هتزود الدبح.

عجلين اوتلاته .

وانا نازله الصوان بنفسي 

.. ومعايا كام راجل للحراسه .

والباقي هيبقي معاك

.عاوزه البلد كلها تبات فرحانه

.وغفران يبات حزين..

لازم يدوق من نفس الكاس.

ويحس ان الكل فرحان فيه

فواز ...تمام 

غرام .. في نفس الوقت 

هتجهز عربات تنقل كل البهايم

 ال في مزرعه غفران لمزعتي 

مش عاوزه طلقه تضرب 

..رجالته تتغفل وتتكتف. 

.وياريت ميكنش في قتل من اساسه 

فواز ..تمام 

غرام ..جهز نفسك ورجالتك . وعرفني اول باول

                 (المشهد )

غرام تكلم المحاميه 

غرام ... مأمور المركز 

المحاميه ..ماله 

غرام .. تروحي تزوريه في المركز وتعديله شيك بربع مليون جنيه .

.وتقوليه تقي هانم بتصبح عليك 

المحاميه .. حاضر. بس مش كتير 

.كدا هيطمع 

.ودول مبيشبعوش 

غرام ..هحتاجه كتير الفتره ال جايه ..

وتفهميه ان مش مطلوب منه غير انه يعمل نفسه مش شايف 

..وكله بالقانون

 ..تبلغيه بكدا 

المحاميه .. تمام 

.            (. المشهد)

غرام .داخل الصوان .محاطه برجال الحراسه بالبنادق الاليه..

البلد كلها موجوده

 . كله بياكل .وفرحان .ويدعوا لها 

.وهيا مبتسمه.وسعيده .

وتنظر ..لتجد حسنين

.يدخل الصوان بحراسته ..

فتنظر له بغضب 

وتتذكر ليله اغتصابها 

وانفاسها التي كادت ان تنقطع تحت راحه يده

 .وتوسلاتها المكتومه  له ان يرحمها

 وضربه لها علي راسها

 حتي فقدت الوعي وسكوته عند  مقتل والدها 

.ودفنهم في القبر . وهو يردم عليهم  التراب 

وتقترب منه 

غرام ..اهلا وسهلا  

.ايه النور دا 

حسنين.اهلا بيكي يا هانم

(إبراهيم الابيض تقرأ وكأنك تري)

: انا قولت اجي اعتذر عن الطريقه ال دخلنا بيها  الفيلا .

غرام . وهيا مبتسمه ابتسامه مصنعه

  ولايهمك ان شاء الله تبقي معرفه خير

وتنظر الي فواز . اشاره له ليبدأ عمليه السطو علي المزرعه.

غرام ..اتفضل يا حسنين بيه 

حسنين.. شكرا ياهانم . 

وهو ينظر ال عينيها 

.وهي تبادله نظرات الاعجاب 

حسنين ..شكرا يا هانم  

استاذن انا .

غرام ...لا لا تستأذن ايه

 .انت تيجي معايا الفيلا تاخد واجبك 

.مينفعش تمشي كدا عالطول

 .احنا بردوا نفهم في الأصول...اتفضل 

وتشير له بطريق الخروج من الصوان الي الفيلا .ليتقدمها هو ورجاله

.وتتبعه غرام برجالها ..ويدخلوا الفيلا 

ويجلسوا .في مقابل بعضهما .

 تبدوا علي حسنين نظرات الاعجاب من فرط جمالها 

.وهيا تبادله النظرات والابتسامه .

غرام .. تحب تشرب ايه ولا نتعشي سوا 

حسنين ..شكرا يا هانم .ل

و لازم يبقي اي قهوه مزبوط 

غرام ...تأمر بالقهوه 

حسنين..انا حاسس اني شوفتك قبل كدا 

غرام ..انت بتنسي ولا ايه 

.مش كنت عندي في الفيلا انت والحج 

حسنين..لا اقصد قبل كدا .. حاسس اني اعرفك من زمان 

غرام ..وهيا مبتسمه بدلع 

وانا كمان حاسه اني اعرفك من زمان 

وتاتي الخادمه بالقهوه

غرام اتفضل .

حسنين . اكيد انتي ارمله

 .اصل مفيش حد يطلق ويسيب الجمال دا كله 

غرام ..وهي تضحك .

ارمله ومعايا فهد ابني لسه بيبي

حسنين..ربنا يخلهولك 

ويضع فنجان القهوه بعد ان نفذ 

استاذن .انا يا هانم .

غرام .. الزياره دي متتحسبش لينا قعده مع بعض 

حسنين.اكيد وهو ينظر في عينيها. 

ويغادر الفيلا .

وقد وهو مبتسم وقد تعلق قلبه بها .

.           تاني يوم الصبح 

عبده .يدخل علي ابوه مذعورا 

عبده .... الحق يابا 

غفران .. في ايه يا وش المصايب

عبده . البهايم اتسرقت .

غفران ..اتسرقت ازاااي .وفين الرجاله 

عبده .متكتفين 

غفران ...يا نهار اسود .

قدامي 

ويذهب غفران الي المزرعه ويستجوب احد 

رجال الحراسه 

غفران ..ايه ال حصل

+++  رجاله مكممه 

.ضربونا علي راسنا محسناش بحاجه 

..قومنا ملقناش البهايم 

غفران ...عشان انتوا نسوان مش رجاله

ويخرج مسدسه . ويطلق عليه رصاصه في راسه يرديه قتيلا

ويذهب الي الآخر...

غفران ...ها ... محدش قدر يعرف حد فيهم .

++ وهو يرتعش من الخوف..لا 

ويطلق غفران عليه رصاصه في راسه ويسقط  قتيلا

ويمشي غفران . كالمجنون.. حتي ان عبده ابنه يخاف ان يكلمه حتي لا يقتله هو الآخر

غفران .. يكلم عبده الذي يتصبب عرقا من الخوف 

..شوف لو اي حد قدر يعرف هما مين .ولا شاف وش حد فيهم ..

عبده .. حاضر.

.                    المشهد 

فواز .يدخل الفيلا صباحا 

.غرام جالسه في توتر

فواز ..صباح الخير يا هانم

غرام ..صباح النور طمني 

فواز ..كله تمام زي نا امرتي بالضبط 

غرام ..في حد مات 

فواز ..لا غفلناهم وسيبتاهنم مكتفين .

غرام . تمام 

فواز ..افرض حد من عند غفران وشاف البهايم هنعمل ايه 

غرام ..هيا البهايم بتتشابهه يا فواز .. كلها زي بعضها ..دي تبع وزاره الزراعه. والاوراق موجوده متقلقش 

فواز ..تمام 

غرام .. ضاعف الحراسه علي المزرعه

 .وصحصحوا كويس اوي . 

غفران خسر كل فلوسه 

..ومش بعيد يعمل اي حاجه عشان يغطي نفسه 

فواز ..متقلقيش يا هانم 

-----------------------------

          بعد ٣ ايام غرام

فواز يدخل الفيلا 

فواز .. اؤمري يا هانم 

غرام .. تيجي معايا ومعاك رجلين رايحين مشوار 

فواز ..  خير فين يا هانم 

غرام .. هتعرف لما نوصل 

عبده يدخل علي ابوه

 .وهو جالس مع حسنين

عبده ...تقي البحيري جايه تزورنا يابا .

غفران .. مين تقي البحيري دي 

حسنين..ال روحنالها الفيلا اول البلد 

غفران ..ااااه . ودي عاوزه ايه دي........ خليها تدخل .

وتدخل غرام .

السلام عليكم 

غفران .وعايكم السلام .اتفضلي 

حسنين.ينظر له بنظرات اعجاب .ومبتسم 

غرام .وهي مبتسمه 

..ازيك يا استاذ حسنين 

حسنين..وهو شارد في النظر بعينها ... كويس

غفران ..ينظر له باستغراب .

غفران ..خير ..ايه سبب الزياره 

غرام ...برد زيارتك يا حج ..مش دي الاصول بردوا 

غفران ..اااه .هيا دي

غرام ..وجايه اعرض عليك مصلحه

غفران .. مصلحه ايه 

غرام ...انت عارف اني بعمل مزارع 

.لانواع كتير. طيور وحيوانات 

..

وكنت محتاجه  ارض اعمل عليها المشاريع دي

غفران ...ومين قالك ان الحج غفران بيبع أرضه

غرام .. حاشي لله ياحج 

انا جايه اعرض عليك تشاركني .. انت بالارض.وانا بالامكانيات  

واهو عشان نبقي في حمايتك

 .انت صيتك وهيبتك مسمعه في الصعيد كله 

وتنظر الي حسنين .وتبتسم ..

ولا ايه رايك يا استاذ حسنين

حسنين ..وقد سكر من جمالها ..انا موافق 

غفران ..موافق علي ايه

 .. حسنين يبلع ريقه ويسكت ..

غفران ...افكر  . وارد عليكي 

غرام ..براحتك يا حج ..وانا في الانتظار .

استاذن انا ..

حسنين....مااااا لسه بدري 

غفران .وهو ينظر له باستغراب 

نورتي ..

غرام ..  البيت منور بصحابه 

السلام عليكم 

وتمشي غرام .. وحسنين ينظر اليها بكل اعجاب .

غفران ..مالك يا زفت

  ..متلخبط ليه.

.وايه موافق دي وانا قاعد 

..هو انا مش مالي عينك

 . ومالك هتاكل البت بعنيك 

حسنين ..معلش يابا نسيت نفسي 

غفران ..يتك نيله

 وانت طالع طفس زي ابوك

واد يا حسنين.انت اخرتك علي إيد مره .

ويتركه غفران ويمشي

            المشهد

بعد مرور يومين.حسنين يدخل    علي ابوه حجرته .

يراه مهموما 

.. مسند برأسه علي يديه ولا يتحرك . 

حسنين ..هون علي نفسك يا بوي . مقدر ومكتوب 

غفران .. هموت واعرف مين ال بيفحت ورايا 

..قسما عظما لاكل كبده بسناني 

حسنين .. اعدائك كتير يا بوي . ياما خربت بيوت ناس

 . وياما قتلت 

ونهبت

غفران ..متحسن ملافظك يا بني ادم انت .

انا مش نقصك . امشي غور من قدامي 

حسنين..بقولك ايه يابوي ايه رايك في مشاركه تقي البحيري 

..انا بقول توافق

 . فلوس الزرع ال مات 

.لازم ترجع .

 والمزرعة اتسرقت 

.والخزنه اتسرقت .

.محلتناش غير الارض..

 ومش هنبيعها 

.احنا لو مشركنهاش 

.هنضر نبيع الارض ..

 والبلد كلها هتغنيها .

غفران باع أرضه.

غفران ..الله يحرقك .انت يااد.. مبتفهمش .

 امشي غور من هنا 

حسنين..يابوي مفيش حل تاني 

غفران .. (ينفخ من شده الغيظ ) 

غفران ..ماشي يا فالح .

حسنين..هروح ابلغها انك وافقت ..

غفران ..اتفضل غور 

.هتموت انت وتروح عندها .

 احنا في مصايب وانت بتبص للحريم

روايه

#وادي_الثعابين

#Part_10

بقلم ابراهيم الابيض 

--------------------------------------------صلي علي شفعيك وحبيك النبي عليه افضل الصلاه والسلام

________________________

             ( المشهد)

فواز يدخل علي غرام في بهو الفيلا .

.وهي تجلس كالقمر

.في كامل زينتها 

فواز .. حسنين ابن غفران عاوز يقبلك 

غرام .. خليه يخش 

حسنين ..وهو ينظر لها

 بكل انبهار

 ..صباح الخير 

غرام ..صباح النور 

..اتفضل وهي مبتسمه

غرام ..نفطر سوا .ولا تحب تشرب ايه. 

حسنين .. شكرا يا هانم .

هشرب قهوه مزبوط.

(وتامر له بالقهوه )

حسنين .. احنا موافقين علي الشراكه ..

غرام ... ان شاء الله تبقي فتحه خير علينا 

انا هبعت المحاميه.للمحامي بتاعكم يخلصوا الورق .

حسنين..تمام ربنا يبارك ان شاء الله 

حسنين ..(يتلعثم في الكلام )انا صممت اجي ابلغك عشان

 ..كنت عاوز اشوفك 

غرام .. تضحك.

.وانا كنت مستنياك 

حسنين..بفرح ..انا شايف انك صغيره .

.وزي القمر .

. وحرام تقعدي كدا 

.من غير جواز

غرام ... تبتسم بكثوف. 

انا بالنسبه ليا معنديش مانع .بس هو  فين العريس 

حسنين. يرد سريعا ..انا ........

 وبتلعثم.انا.رايدك 

..وعاوز اجوزك

غرام ..بدلع . طيب اديني وقت افكر ..

حسنين..براحتك .. وينهي اخر رشفه في قهوته 

...استاذن انا 

غرام .مع السلامه 

حسنين..اناهاجي كمان يومين تكوني فكرتي 

...مش اكتر 

..انا مقدرش اتحمل اكتر من كدا

غرام .تضحك .ان شاء الله

ويذهب حسنين وهو يكاد يطير فرحا

__________________________

إبراهيم الابيض تقرأ وكأنك تري

__________________________

غرام تجلس بمفردها في

 حجرتها

وتبكي وتتحدث الي نفسها .

-------- مالك ياغرام انتي فرحانه ليه كدا

 .انتي نسيتي ال عمله فيكي

 وفي ابوكي واخوكي 

.. خلاص قلبك حن 

من كلمتين حلوين

+++ وهي تبكي ... كان الحب

 الوحيد في حياتي 

كنت اتمني حتي يبصلي

 .كان بيبقي اسعد يوم لو ندهه باسمي 

..لما كنت ببص في عنيه 

.كنت بنسي الدنيا كلها

. كنت اتمني اعيش خدامته 

وتحت رجليه..

 بس نصيبي في الدنيا العذاب..

 جالي 

راكع بس في وقت مقدرش احن ليه

------- اجمدي ياغرام .لو كان غلط

 في حقك لوحدك كان ممكن

 تسامحيه

 . لازم تدوسي علي قلبك وتاخدي بتار ابوكي واخوكي .

+++++ عارفه انكتب عليا العذاب 

.لازم اقتل الانسان الوحيد ال حبيته

وابو ابني

 بس معرفش ايدي هتطاوعني .ولا لا 

مين ال هيقدر علي التاني

 قلبي ولا عقلي .

انهي نار هتحرققني نار حبه.

ولا نار انتقامي .

وتبكي بصوت عالي 

اعيش ازاي من غير حبايب

. دا الجنه من غير ناس ما تداس

يارب ..خدني وريحني 

وتنفجر في البكاء

           ( المشهد)

صباحا غرام تجلس مع المحاميه

غرام...هتروحي للمحامي بتاع غفران 

وتديله مليون جنيه.وتتفقي معاه العقود بتاعه الشراكه تبقي عقود بيع وشرا من  غفران ليا ..

المحاميه ..الارض بملايين ودا محامي وفاهم 

 . مش هيرضي بالمليون اكيد هيطلب نسبه

غرام. ..اديلوا ال هو عاوزه .

.غفران بيثق فيه جداا 

...وتفهميه بعد البيع 

.يسافر علي اي دوله ويسيب مصر كلها

المحاميه .. تمام 

اول ما العقود تخلص تبلغيني عشان اشوف غفران وهو بيبصم عليهم بعيني.

المحاميه .. حاضر

------------------------------

                ( المشهد) 

حسنين يجلس مع ابوه 

حسنين..يابا انا لاقيت حل يطلعنا من كل ال احنا فيه 

غفران .. حل ايه 

حسنين..اقولك .بس تسمعني للاخر ..

المزارع ال هتتبني علي ارضنا هتبقي بتاعتنا .

غفران ...ازاي 

حسنين.. اجوز تقي 

غفران ..اممم

حسنين ومالها كله هيبقي بتاعي .ملهاش حد .

. والخير عندها كتير .

.نقدر نسدد ديونا .

ونزبط حالنا 

غفران ... ااه .. وهيا هتوافق 

حسنين.. طبعا هتوافق 

.هو انا شويه 

غفران ... حتي لو وافقت .

انت نسيت اخوك لسه دمه مبردش في تربته

 تجوز.ازاي 

حسنين..يابوي الحي ابقي من الميت..

وبعدين دي ارمله 

.مش بنت بنوت عاوزه فرح .

.يعني ممكن نكتب الكتاب.في قعده 

.ولا فرح ولا يحزنون.. 

ايه رايك 

غفران .. لما توافق الاول يا فالح .

.واديني ماشي وراك نل نشوف اخرتها

حسنين.. يبتسم

 حسنين يقترب منها مبتسما 

حسنين ..صباح الورد 

غرام ..مبتسمه صباح النور 

حسنين...  خير يا ست البنات نقول الف مبروك

غرام ..تبتسم وتتظر بخجل الي الارض ..

حسنين ..السكوت علامه الرضا 

بكره ان شاء الله اجيب الحج ونيجي نقرا الفاتحه..

ونكتب عقود الشراكه بالمره 

وتبقي الفرحه فرحتين 

غرام ..ومستعجل ليه كدا 

حسنين... انا نفسي كتب الكتاب يبقي دلوقتي.

وينظر لها بشوق

 حسنين..علي بركه الله

استاذن .انا ياست البنات 

غرام ..مع السلامه 

----------------------------

وتمشي غرام في ممر ملحق بالفيلا .

.وفي اخره حجره بباب حديدي

 ..وتتجهه ناحيه الباب 

. وتجلس علي كرسي 

.وتكلم من بالداخل 

غرام.... المكان الوحيد ال بحس بيه بالامان وانا جنبك ..

انت الوحيد ال حسيت بيا وبضعفي

 .واستحملت الجوع 

.عشان متأذتيش 

مع انك مكنتش تعرفني  

قلبك فيه رحمه 

.مش موجوده عند قلوب ناس كتير ..

مكنش ممكن اسيبك . 

انت القلب الوحيد النضيف ال قابلته في حياتي 

.بعد ابويا واخويا..

قلب بيحبني عشان نفسي ..

مش عشان مصلحه 

جبتك تعيش جنبي .

 واحس جنبك بالأمان

عارفه.انك وحيد

قريب هجيبلك ال يونسك .

ومش هوصيك .

عايزاك تتسلي عليه براحتك خالص 

( ويخرج من داخل القضبان الحديديه .صوت زمجره وحش 

..ويظهر الذئب.الذي قابلته في المغاره .

. ويقترب من الباب بجانب غرام

 .وينام باسط زراعيه.بجانبها .)

غرام ..  وتمد يديها خلال القضبان.

.وتمسح علي راسه 

ويلعق يديها

.كانه حيوان اليف 

وتبتسم له غرام 

..وتمشي عائده الي فيلتها من خلال الممر .

-------------------

 ويقابلها فواز .علي اخر الممر

غرام ..بلغ المحاميه الصبح .

اني عاوزه الممر كله يتراقب بالكاميرات .

فواز .حاضر يا هانم 

غرام .وابقي حط للديب اكل خفيف متقلش عليه اليومين دول

عشان في ضيوف هيزوره 

فواز .. تمام يا هانم يا الف مرحب

وتتركه غرام وتمشي الي غرفتها

تكملة الرواية من هنااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا