رواية خفايا القلوب الفصل الرابع عشر 14بقلم نور محمد جديده وحصريه فى مدونة قصر الروايات
رواية خفايا القلوب الفصل الرابع عشر 14بقلم نور محمد جديده وحصريه فى مدونة قصر الروايات
#البارت_الرابع_عشر
(خـفـايـا_القـلـوب❤)
عنيها وسعت بصدمه وزهول ودموعها نزلت بغزاره وبدون توقف من الوجع وهي بتشوف نفس الفديو اللي بعته يوسف لحمدي اخوها يوم مادخل غرفتها ودمرها وقعت على الارض بنهيار وعدم تصديق وفي الوقت ده خرج يوسف من الحمام
اول ماشاف حالتها دي جرى عليها بخوف وقال:جميله مالك ياقلبي انت كويسه؟
جميله بصتله بدموع وجمود ويوسف بص في ايدها على فونه بصدمه بعد مافهم حالتها وقال بتوتر وخوف:جميله انا انا هفهمك كل حاجه بس اسمعيني الاول انا...
قاطعته جميله بغضب ودموع وقالت بصوت منبوح من الوجع:طلقني يايوسف....
يوسف بعد عنها شويه وقال بصدمه: اييه انتي بتقولي ايه؟!!
مسحت جميله دموعها بوجع وقال: بقولك طلقني يايوسف وحالا كمان انا مستحيل افضل هنا معاك دقيقه كمان بعد اللي شوفته
يوسف حس ان سكينه اخترقت قلبه بقوه ودموعه لمعت في عنيه وقال بصعوبه: جميله اسمعيني انا هفهمك ياقلبي كل حاجه و
بس جميله قاطعته بغضب وحده وقالت بدموع: مـش عـاوزه اسـمـع مـنـك حـاجـه كـفـايـه اللي عملته فـيـا انا عـشـت اسـبـوع كـامـل وانا مـيـتـه بسـبـبـك وبـدون زنـب كـمـان انا حبيتك اوي تقدر تـقـولـي ليه عمـلـت فـيـا كـده لـيـه؟؟
يوسف قرب منها بهدووء لانها كانت منهاره اوي وقال بقلق: طيب اهدي ارجوكي وانا انا هقولك كل حاجه بس اهدي ياقلبي
جميله بدموع ووجع: مفيش فايده من كلامك معايا يايوسف اللي عملته فيا بشع اوي وانا مهما كان السبب ايه مش هقدر اسامحك انا قلبي بينز*ف بسببك والمشهد اللي شفته في الفديو ده بيمر كل دقيقه قدام عنيا كل مااشوفك قدامي حس بيا بقى وطلقني علاقتنا ببعض ادمـ'ـرت خلاص
يوسف نزلت دموعه بدون توقف وقرب منها مسك ايدها برجاء وضعف وقال: لا لا ابوس ايدك متقوليش كده ياجميله انا همـ'ــوت بدونك والله همـ'ـوت بدونك عاقبيني بأي شئ في الدنيا انا موافق بدون تردد كمان بس بلاش تبعدي عندي
جميله بصتله بوجع رهيب وصعب عليها حالته قدامها بس تمالكت نفسها وهي بتتزكر ايه اللي عمله فيها وسحبت ايدها منه بعنف وقالت بحده: ابعد عني ومتقربش مني تاني انا بعد اللي شوفته ده بقيت بقرف منك ومن لمستك ليا انا همشي من هنا وهنتظر ورقه طلاقي توصل عندي بكره الصبح تمام
خلصت جملتها بغضب وحده وتوجهت للباب الخروج بس يوسف جري عليها مثل الطفل الصغير ومسك ايد بقوه وخوف وقال: متمشيش خليكي معايا انا مش هقدر اعيش بدونك عاقبيني وانا راضي بأي شئ بس متحرمنيش منك
جميله نزلت دموعها غصب عنها بضعف قدامه ويوسف ابتسم بأمل لانه حس انه صعب عليها بس جميله فاجئته لما سحبت ايدها منه بقوه وفتحت الباب وقالت بوجع: انا همشي وزي ماقولت ورقتي توصلي احسن بازوق يابن عمي بدل مانتعب بعض في المحاكم
يوسف بصلها بوجع وحزن كبير وجميله خرجت وسابته انهار على الارض وهو مش قادر بينطق حتي من الصدمه والألم
وجميله وصلت لمنزلها وهي بتحاول تتحكم في دموعها بس بدون فايده مقدرتش تمنع دموعها وقلبها موجوع اوي بسببه دقيقه وفتحت لها زهره الباب اول ماشافتها بالحاله دي حضنتها بقلق
وقالت بخوف:مالك ياحبيبتي انتي كويسه وشك بقى لونه اصفر وبتعيطي كده ليه؟
جميله انهارت في حضن امها بقوه وخرج حمدي من غرفته على صوت بكائها وقرب بقلق وقال بصدمه:جميله انتي كويسه مالك ياقلبي بتعيطي ليه؟
جميله بصتله بعتاب وسكتت وحمدي قلق من شكلها المدمر قدامه وقال بحده:في ايه ياجميله انا مش بكلمك ردي عليا حصل معاكي ايه طمنيني بقى؟
جميله تجاهلته تماما و بصت لامها بتعب وقالت:انا عاوزه ادخل انام شويه ياماما تعبانه اوي عن ازنك
زهره هزت رأسها بعدم فهم بس ومحبتش تضغط عليها وحمدي بص في اثرها بصدمه من تجاهلها ليه وضم ايده بغضب وقال:اكيد حصل حاجه بينها وبين يوسف انا هروح اشوفه فورا
زهره بقلق:ماشي يابني بس ارجوك بدون مشاكل كفايه اللي حصل لغايه دلوقتي ياحمدي
رد حمدي بطاعه:حاضر ياماما عن ازنك
خرج حمدي من البيت بسرعه ودخل بيت عمه لقى المكان هادي جدا فتوجه لغرفه يوسف بسرعه وفتح الباب بغضب وهنا انصدم بشده
لما لقى يوسف نايم على الارض وهو حاضن نفسه مثل الجنين وبيعيط بقوه وحالتها تقطع القلب بجد
حمدي قلبه وجعه على حالته الصعبه قدامه وقرب منه بحزن وقال:يوسف انت كويس؟
يوسف سمعه وبصله بلهفه وقال:جميله رجعت تاني علشاني مش كده
حمدي بصله بشفقه وقرب منه قعد قدامه في مستواه وقال بحزن:حصل ايه احكيلي حصل ايه بينك وبينها يايوسف
يوسف نزلت دموعه زي اللهب وحضن حمدي بقوه ووجع وقال:خسرتها ياحمدي خسرتها للابد جميله سابتني ومش هترجعلي تاني انا هموت بدونها صدقني هموت بدونها انا بحبها اوي اوي
حمدي صعب عليه حالته اوي فطبطب عليه بحنيه وقال:طيب استهدي بالله كده واحكيلي حصل ايه؟
يوسف بعد عنه بلهفه ودموع ومسك ايده بترجي وقال:رجعها ليا تاني ياحمدي وانا مستعد اسامحك انسي كل حاجه حصلت علشانها ابوس ايدك قولها تسامحني وانا هعملها أي حاجه هي عاوزها بس ترجعلي تاني ارجوك
حمدي حاول يهديه شويه وهو بيقول بهدووء:حاضر هقولها والله بس اهدى وفهمني اللي حصل بقى
يوسف بنهيار وندم كبير:شافته شافت الفديو وعرفت اللي حصل ليلتها وقالتي انها بقت تقرف مني وعاوزاني اطلقها
وبص لحمدي بوجع ودموع وكمل:بس انا مستحيل اطلقها جميله روحي ولو بعدت عني هموت ساعدني ياحمدي وانا هنسى كل حاجه وهنرجع اخوات وصحاب زي زمان بس اقنعها تسامحني وانا تحت امرك والله.. ها موافق مش كده موافق صح
حمدي غصب عنه نزلت دموعه بقوه وشفقه على حاله يوسف قدامه وقاله ببسمه حزن:موافق يايوسف خلاص اهدي وانا هساعدك وجميله هترجعلك تاني تمام بس انت اهدي كفايه كده
يوسف بصله بلهفه ممزوجه بفرحه كبيره وامل وقال:بجد احلف كده بجد هتساعدني وجميله هترجعلي تاني قول وحيات جميله كده
حمدي ابتسمله بطمئنان وحزن وقال:والله اهكلمها وهحاول اقنعها كمان بس سيبها دلوقتي علشان هي موجوعه اوي ومحتاجه تهدي شويه الاول
يوسف بحزن:حاضر بس باليل كده هترجع هنا تاني علشان مش هقدر انام وهي زعلانه وبعيده عن حضني
وقف حمدي وبصله بسخريه وحزن وقال: طموح اوي.. ادعي وان شاء الله خير عن ازنك بقى هروح اكلمها
يوسف بلهفه وخوف:طيب ممكن اجي معاك والنبي علشان وحشتني
ضحك حمدي عليه بخفوت وقال:لا خليك انت هنا احسن تزيد والطين بله وانا لو وافقه هجيبها بنفسي ليك تمام
يوسف سمعه ووقف بسرعه وقال:يارب توافق انا هنزل اصلي في الجامع وهدعي انها توافق وباذن الله ربنا هيقبل مني
حمدي ابتسمله بدعم وقال:اللهم امين يارب ياله انا همشي دلوقتي سلام
يوسف ببسمه:سلام وشكرا اوي
حمدي بصله ببسمه وهو مش مصدق ان يوسف بيحب اخته جميله الحب ده كله حس باراحه تجاهه وتأكد ان جميله هتعيش معاه سعيده جدا بس دلوقتي لازم يلاقي طريقه بقدر يقتعها انها تسامح يوسف تاني
وعلى الجهه الاخرى في منزل ابو زيد
كان قاعد بغضب رهيب وقدامه اولاده الاتنين مجبسين وامهم بتعيط عليهم
سميحه بدموع:ياولادي اللي اتكسروا بدون زنب بسببك يابو زيد كله منك انا كام مره قولتك تبعد عنهم احنا مش قد عيله الزهيري وانت مش بتسمع مني
ابو زيد بضيق:ماكفايه بقى ياوليه اسكتي انا فيا اللي مكفيني بس وحيات شنبي ده مهسيبهم وحق ولادي هاخده منهم هما الاتنين وبكره تشوفي انا هعمل ايه
سمحيه بلطم:يالهووي ناوي على ايه تاني يابو زيد كفايه اللي حصل لولادك بسبب كرهك ده ليهم ارحمنا بقى واتهد
ابو زيد بغضب:مش ههدى ياسميحه قبل مااخد حقي وكل حاجه ملكهم كمان وقريب هاخد اللي عاوزه وهتشوفي ده بعينك
سميحه بصت تجاهه بقلق من القادم وهي بتدعي ربنا يحفظ ولادها من شر ابوهم اللي هيضيعهم بدون زنب من غيرته وحقده على ولاد الزهيري
اما حمدي فرجع لمنزله تاني وتوجه لغرفه جميله وخبط الباب واول ماسمع صوتها دخل ولقى عماد قدامها بيهديها وهي بتعيط
فقرب منهم حمدي بحزن وقال:جميله انتي كويسه
جميله بصتله بعتاب ودموع ومردتش عليه فقرب منها حمدي وقعد قدامها ومسك ايدها وقال:انا عارف انك موجوعه اوي وقلبك مجروح بس ده كله بسببي ياجميله انا السبب حبيت وغلطت والكل دفع التمن معايا بدون زنب
نزلت دموعه قدامها بوجع وكمل:انا ضعفت وياريتني موت قبل مااضعف كده زمان بس والله ماكنت متوقع ابدا انها تعمل كده والله انا اكتر واحد قلبي اتحرق عليها ياجميله ويوسف صحيح غلط بس من وجعه على اخته وانا لو كنت مكانه كنت عملت اكتر من كده لانك روحي ياجميله ارجوكي لو عاوزه تزعلي بجد ازعلي مني انا بس يوسف بيحبك انا روحت وشوفت حالته دلوقتي كانت تصعب على الكافر صدقيني
جميله سمعته ودموعها نزلت بغزاره وقالت بألم:يوسف بيحبني هه يوسف بيحبني انا هو اللي بيحب حد بجد ياابيه يقدر يدمره كده حتي لو كان السبب ايه طيب انت غلط مع هند بس كان برضاها عماد حكالي الحكايه كلها بس انا يوسف دمرني بدون زنب او وعي حتي صعب صعب اوي اقدر اسامحك بعد اللي شوفته مش هقدر طول عمري انسى اللي عمله فيا
انهاره في البكاء قدامهم وعماد بصلها بقله حيله ومقدرش يستحمل اكتر من كده وطلع من الغرفه بوجع حمدي قرب وحضنها بدموع وقال بألم:حقك عليا انا حقك على قلبي انا ياجميله كله بسببي كله بسببي انا ياقلبي
بكت بقوه في حضنه وهي موجوعه اوي وقلبها بينزف بقوه
ومر اسبوع كامل على نفس الحال وجميله فضلت محبوسه جوه غرفتها وزهره امها عرفت كل حاجه وكانت بتحاول معاها ديما بس بدون فايده حتي حمدي كمان حاول معاها كتير بس كانت النتيجه ديما الرفض ويوسف كان كل يوم يروح بيت عمه ويعتزر لها على امل انها تقدر تسامحه بس جميله كانت رافضه انها تقابله من الاساس
وفي يوم خرجت جميله من غرفتها بدموع زي العاده ولقت العيله كلها متجمعه وحتي مرات عمها موجوده فقربت منهم بتعب وارهاق وقالت:عامله ايه يامرات عمي
عايده بصتلها بفرحه وسعاده وكلهم كانوا فرحانين انها طلعت من غرفتها وردت عليها وقالت:الحمد لله على كل حال يابنتي انتي عامله ايه دلوقتي
ابتسمت جميله بتعب وحزن وقالت:الحمد لله بخير يامرات عمي بس ممكن اعرف منك مكان يوسف فين دلوقتي
الكل انصدم منها بشده وحمدي وقف وقال بسرعه:انتي عاوزه يوسف هو في محله دلوقتي انا هنزل انادي عليه فورا خليكي انتي هنا مرتاحه ياقلبي
جميله ببسمه تعب:لا انا هنزل بنفسي اشوفه خليك انت هنا يابيه شكرا
حمدي وباقي العيله محبوش يضغطوا عليها وسبوها تخرج لوحدها وجواهم سعاده كبيره لانها اخيرا طلبت تشوف يوسف وممكن عاوزه تقابله علشان ترجعله تاني اخيرا
اما يوسف فكان قاعد على مكتبه في المحل بتاعه وشكله اتغير 180درجه خلال الاسبوع ده من الحزن وألم الفراق عيونه بقت دبلانه وحولها هالات سوده كتير من قله النوم والتعب ولحيته بقت كبيره بشكل مبالغ فيه من الحزن
تهند ومسك صوره جميله اللي قدامه بشتياق وحب وقال:وحشتني والله وحشتيني اوي ياجميله وهموت واشوفك حتي لو مره وحده مر اسبوع كامل وانا مش قادر حتي المح طيفك قدامي يارب ساعدني وتقدر تسامحني انا حياتي ادمرت بدونها يارب
دموعه سبقته ونزلت بغزاره وحضن صورتها بقوه وهو بيتخيلها موجوده في حضنه فعلا وفجأه انصدم بشده لما لقى قدامه.....
يتبع...
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق
فضلا اترك تعليق من هنا