رواية عيب الشوم الفصل التاسع عشر 19بقلم مريم احمد (جديده وحصريه فى مدونة قصر الروايات)

رواية عيب الشوم الفصل التاسع عشر 19بقلم مريم احمد (جديده وحصريه فى مدونة قصر الروايات)

رواية عيب الشوم الفصل التاسع عشر 19بقلم مريم احمد (جديده وحصريه فى مدونة قصر الروايات)

19

اتكلمت همس بتهديد و هي بتقول

همس .....قبل م تفكري تسلطي صحابك عليا عشان يعايروني اني من الصعيد افتطري كويس مين هي همس يا ساره

بصتلها ساره بصدمه من انها اكتشفت خطتها 

و هيا الي قالت لـ ساره بدهشه و عدم تصديق

هيا....انتي الي قولتلهم يتكلموا مع همس كدا!!!

هزت ساره راسها و قالت بكذب 

ساره...لا يا هيا انا معرفش اصلا هما ليه عملوا كدا ولا ليه قالوا كدا انا اكيد مش هكون متفقه معاهم و انا لحد الصبح كنت مبسوطه ان همس رجعت اكيد اكيد مقولتلهمش حاجه يعني

سكتت هيا بشك و هي مضايقه جدا من ساره و همس الي قالت بلا مبالاه

همس....انا حذرتك يا ساره لو فكرتي بس مجرد تفكير انك تضايقيني تاني انا مش قادره اقولك انا ممكن تبقى ردة فعلي عامله ازاي...مفهوم..؟؟؟

فضلت ساره بصالها و ساكته و همس الي بصت لـ هيا و قالتلها

همس....يلا يا هيا عشان نلحق نوصل

هزت هيا راسها و ركبوا العربيه و مشيوا 

و ساره الي قالت بغيظ و غل

ساره...ماشي يا همس

.....استغفر الله العظيم و اتوب اليه عدد خلقه و رضا نفسه و زنة عرشه و مداد كلماته

في المطعم

كانت أيلا مضايقه جدا جدا من همس و قالت لـ نجلاء بغضب

أيلا...انتي ازاي تسكتي و متتكلميش

ردت عليها نجلاء بلا مبالاه و هي بتقول

نجلاء... عايزاني اعملك ايه يعني

صرخت أيلا ف وشها بغضب و هي بتقول

أيلا....كنتي المفروض تردي عليها مش تسيبيها تهزق فيا كدا

بصت نجلاء حواليها لاقت الناس كلها انتبهت ليهم بسبب صوت أيلا العالي

بصت لـ أيلا بغضب و قالتلها

نجلاء...لا يا حبيبتي م انا مش انتي عشان تزعقيلي و تعلي صوتك عليا زي م ساره بتفضل تزعقلك 

اضايقت أيلا منها جدا و قالتلها

أيلا...قصدك ايه

نجلاء...قصدي اني مش مهزأه زيك 

قالت كلامها و قامت مشيت و سابت أيلا شايطه من كتر الغضب

......سبحان الله و بحمده سبحان الله العظيم عدد خلقه و رضا نفسه و زنة عرشه و مداد كلماته

كانت همس و هيا وصلوا 

قالت همس بارتياح

همس....كويس اننا جينا بدري احسن مكنش عندي استعداد لـ زعيق مالك ابدا

بصتلها هيا بضيق و قالتلها باستغراب

هيا...انا معرفش انتي بتخافي منه اوي كدا ليه و بتخافي انه يتعصب

ردت عليها همس بسخريه و قالتلها

همس....معلش اصلك مشوفتيش زعيقه لما بيتعصب بيبقا صوته عالي ازاي 

هيا... و انتي ازاي اصلا تخليه يعلي صوته عليكي

همس...اعمل ايه يعني يا هيا م انا برضو مكنش ينفع اكسر كلمته مثلا و اروح معاكي عند ماما و هو قالي مخرجش من البيت ولا كان ينفع اتعصب عليه و ازعق زي م كنت بزعقله...كل دا غلط و اي حد هقوله اني كنت بتعصب و ازعق هيقولي اني مكنش ينفع اعلي صوتي عليه كدا و ردة فعل طبيعيه جدا انك لما تلاقي حد بيزعقلك تزعقيله صح ولا ايه و انا بصراحه من ساعة م بطلت ازعق و اتعصب هو مبقاش بيزعقلي 

هزت هيا راسها باقتناع و قالت

هيا...كنت فاكراه بيزعقلك كدا و خلاص و عشان كدا اضايقت. انك ساكته

ردت عليها همس بسخريه و هي بتقول 

همس...للدرجادي شايفاني مهزأه و بلا كرامه عشان اسيبه يزعقلي و اسكت 

هيا...اكيد مقصدش يعني انك مهزأه و بلا كرامه انا بس اضايقت عشانك

هزت همس راسها بابتسامه 

جت ورد و رهف و ورد الي قالتلهم

ورد...جينا نقعد معاكوا

ابتسمت هيا و قالتلها

هيا...تعالوا نعمل فشار و عصير 

رحبوا جدا بالفكره و قاموا دخلوا المطبخ

اللهم صل و سلم و بارك على سيدنا محمد و على اله و صحبه و سلم تسليما كثيرا عدد خلقه و رضا نفسه و زنة عرشه و مداد كلماته

كانت همس ف الجنينه بتفتكر الي امها عملته انهارده و هي زعلانه جدا حست بحد قعد على الكرسي الي جمبها بصت لاقيته مالك الي قالها

مالك...ايه يا همس سرحانه ف ايه

هزت راسها يمين و شمال و قالتله

همس...ولا حاجه

مالك...عملتي ايه انهارده لما روحتي لمامتك

ابتسمت همس بحزن و قالتله

همس...هعمل ايه يعني 

مالك...ايوا يعني اتكلمتي معاها هي كلمتك كدا يعني

هزت راسها يمين و شمال و قالتله

همس...لا جت حضنتني و فضلت تقولي وحشتيني يا هيا و عامله ايه يا هيا روحت قولتلها اني همس قامت تجاهلتني و راحت لـ هيا و ولا حتى قالتلي عامله ايه 

زعل مالك جدا عشانها و اضايق من رانيا جدا 

مالك...و بعدين؟

همس...خدت هيا و مشيت و فضلت انا قاعده شايفه نظرات الشفقه من كل الي موجودين 

زعل مالك جدا بس قالها

مالك...مقدرش اقولك متروحيلهاش تاني لأنها امك و واجب عليكي تروحيلها و تبريها 

هزت همس راسها و قالته

همس...اهو بعمل الي عليا عشان ربنا

استغفر الله العظيم و اتوب اليه عدد خلقه و رضا نفسه و زنة عرشه و مداد كلماته

عدى خمس شهور كانت همس اشتغلت ف شركتها و كانت في خلال الاربع شهور الي بدأت فيهم شغلها حققت نجاح كبير جدا و طبعا كان مالك و هيا بيدعموها و يشجعوها انها تثبت نجاحها للكل و تحقق حلمها

كانت ف مكتبها بتشتغل لاقت الباب بيخبط

همس...اتفضل

اتفتح الباب و دخلت السكيرتيره الي قالتلها باحترام

رجا...هيا هانم بره و عايزه تقابل حضرتك

قالتلها همس بسرعه

همس...دخليها طبعا انتي بتستأذني يا رجا

هزت رجا راسها و خرجت معداش ثواني و دخلت هيا الي قالت بابتسامه

هيا...تؤامتي الشاطره الي عماله توقع ف شركات الناس و هتوقع شركة اختها و شركة جوزها قريب 

ضحكت همس و قالتلها

همس...اومال انتي فاكراني عبيطه يا بت ولا ايه 

ضحكت هيا و قالتلها

هيا...ايوا ايوا 

همس...جيتي ليه

اتصدمت هيا من سؤال همس و قالتلها بابتسامه و دهشه

هيا...قصدك اقوم امشي يعني ولا ايه

قالتلها همس بسرعه قبل م تزعل منها

همس...لا انا مقصدش انا بسأل بس

هزت هيا راسها و قالتلها بتهديد

هيا...لا متتكسفيش قولي لو عايزاني اقوم امشي

قالتلها همس بنفاذ صبر

همس...م تخلصي يا هيا و تقولي في ايه

هيا...ايه دا ايه دا انتي بتزعقيلي ولا ايه

ابتسمت همس و قالتلها

همس...لا دا انتي كدا تقومي تمشي بجد بقى

ضحكت هيا و قالت لـ همس

هيا...هروح لماما انهارده قولت اقولك عشان تيجي معايا

اتنهدت همس بحزن و قالتلها

همس...اجي معاكي عشان تتجاهل وجودي و تاخدك و تمشي ولا كأني موجوده و افضل انا بقى قاعده شايفه نظرات الشفقه من جدو و الخدم صح

زعلت هيا عشانها و قالت

هيا...انا مش عارفه هي ليه بتعمل كدا بجد بس الاكيد انها هيجي وقت و تندم انها عاملتك كدا و ترجع تعاملك كزيس تاني

هزت همس راسها بنفي و قالتلها

همس...لا لا انا مش فارقه مع ماما اصلا يا هيا و مش هتندم اصلا 

ضحكت و قالت

همس...اصلا ساعات بيجي ف بالي هل لو مثلا جالها تليفون و قالها بنتك همس ما.تت هل هتتأثر و تزعل ولا لا

حست هيا بقبضه ف قلبها و قالت

هيا...ايه الي انتي بتقوله دا بس يا همس ماما بتحبك 

هزت همس راسها بعدم اهتمام و هيا الي قالتلها

هيا...هتيجي معايا ماشي

همس...هكلم مالك استأذنه الاول

هزت هيا راسها بالموافقه و همس خدت التليفون و رنت على مالك الي معداش ثواني و رد عليها

مالك...ايه يا ماسه عامله ايه

همس...الحمدلله كويسه

مالك...اخبار الشركه ايه

ابتسمت همس بفخر و قالتله

همس...مش محتاجه اقولك اخبار نجاح الشركه نازله ف كل مكان

ضحك مالك و قالها

مالك...ايوا يا ستي 

ابتسمت همس و قالتله

همس...كنت عايزه اطلب منك طلب

مالك...طلباتك اوامر 

ابتسمت و قالتله

همس...طيب هروح لـ ماما ماشي

سكت شويه بضيق لأنه عارف انها كل مره بتروح هناك بترجع و هي حزينه بس ف النهايه دي امها و هو ميقدرش يقولها لأ متروحلهاش 

مالك...ماشي بس السـ...

قاطعته و هي بتقول

همس...الساعه تمانيه تكوني ف البيت خلاص حفظنا

ابتسم مالك بس قالها بتهديد عشان يضايقها

مالك... ايه حفظنا دي خير انتي مضايقه ولا حاجه

خافت انه يرفض انها تروح و قالتله بسرعه

همس...لا لا خالص انا هضايق برضو اكيد لا

مالك...اه اصلي بحسب انك اضايقتي 

همس...لا لا لو اضايقت خقولك اني اضايقت

ابتسم و قالها

مالك...ماشي كلمي عمي مرتضى بقى عرفيه عشان ميقلقش عليكي انت و اختك لما يلاقيكوا اتأخرتوا عن معاد رجعكوا

همس...حاضر

و قفلت المكالمه

هيا...ايه وافق

هزت همس راسها و قالتلها

همس ...ايوا

ابتسمت هيا و مره واحده ضحكت 

و همس الي استغربت و قالتلها

همس...في ايه يا مجنونه انتي

قالتلها هيا و. هي عينيهت مدمعه من كتر الضحك

هيا...افتكرت السكيرتيره بتاعتك لما روحت قولتلها عايزه اقابل همس هانم 

كملت بتوضيح و هي بتضحك

هيا...خافت و بصت للمكتب بتاعك 

ابتسمت همس و قالتلها

همس...عشان الفستان شبه فستاني و افتكرت انا 

ضحكت هيا و قالتلها

هيا...ايوا

...سبحان الله و بحمده سبحان الله العظيم عدد خلقه و رضا نفسه و زنة عرشه و مداد كلماته

بعد ساعه كانت همس خلصت شغلها و كانت ف الطريق. هي و هيا لـ بيت جدها

كانت همس ساكته طول الطريق و هيا الي قالتلها

هيا.. بصي مهما قالت متهتميش ولا تزعلي و افضلي مصره انك تكلميها و انها تكلمك ماشي

هزت همس راسها و قالتلها

همس...ماشي

و وصلوا و نزلوا من العربيه 

اتنهدت همس و دخلت البيت 

سلموا على جدهم و سمعوا صوت امهم و هي بتقول بفرحه

رانيا...هيا انتي جيتي يا روحي و لاقوها خارجه من اوضة المكتبه بس اول م شافت ان همس موجوده اتبدلت ملامحها للضيق 

حاولت همس متهتمش و فضلت تقول لنفسها ان دا العادي و انها كدا كدا كانت هتعمل كدا 

ابتسمت هيا و راحت لأمها و هي بتقولها

هيا...اه يا حبيبتي انتي عامله ايه 

حضنتها رانيا بفرحه و قالتلها

رانيا...وحشتيني جدا يا روح مامي 

ابتسمتلها هيا و قالتلها

هيا...و انتي كمان يا حبيبتي 

و بصت لـ همس بمعنى تعالي سلمي عليها

راحت همس و هي بتتمنى ان امها تعاملها كويس 

ابتسمت و قالتلها

همس...ازيك يا ماما

هزت رانيا راسها بضيق و متكلمتش بس بصت لـ هيا و قالتلها بفرحه

رانيا....فرحانه اوي بوجودك يا حبيبة مامي

فهمت همس ان امها اضايقت انها قالتلها يا ماما 

قالت همس ...لو حضرتك مضايقه من كلمة ماما انا ممكن اقولك رانيا هانم عادي

بصتلها رانيا و متكلمتش و عادل الي قال

عادل...ايه الكلام الي بتقوليه دا بس يا بنتي 

همس...عادي يا جدو انا مش زعلانه يعني المهم ان مـامـ... احم المهم ان رانيا هانم متبقاش مضايقه 

هزت رانيا راسها و قالتلها بتكبر

رانيا...اه ياريت تقوليلي رانيا هانم 

كملت و هي بتبص لـ هيا و بتبتسم بحب و بتقول

رانيا...لأني بصراحه مبحبش اسمع كلمة ماما دي من حد غير بنتي 

اتصدمت هيا من كلام امها و همس الي حست ان قلبها وجعها من كلمة امها لدرجة انها حست انها هتمـ ـوت من كتر حزنها 

و عادل الي اتعصب و قال بغضب

عادل...ايه الهبل الي بتقوليه دا يا رانيا

قالتله همس بسرعه

همس...لا لا هي مقالتش حاجه عادي انا اصلا ضيفه هنا كلها ساعتين و همشي 

اتنهدت رانيا بضيق و قالت

رانيا...ساعتين..؟؟؟

و كأنها مستكتراهم 

ابتسمت همس و قالتلها

همس...لا لو هكون مضايقه حضرتك انا ممكن امشي عادي

سكتت رانيا و كأنها بتقولها ايوا امشي 

ف ابتسمت همس و قالت لجدها

همس...هبقى اجي اقعد معاك وقت تاني 

و كانت هتمشي بس وقفت لما هيا قالت

هيا...استني يا همس انا جايه معاكي

قالت رانيا بغضب

رانيا...راجه فين انا لحقت اقعد معاكي عشان تمشي

هيا....مش هسيب اختي تمشي لوحدها استحاله

قالت رانيا بضيق

رانيا...ما تسيبيها هي صغيره

همس...خليكي يا هيا انا فعلا مش صغيره 

هيا...يعني ايه يعني

اتعصبت رانيا جدا و قالتلها

رانيا...م خلاص يا هيا م قالت هتبقى تيجي وقت تاني مش كفايه اني هستحمل حرقة الدم دي تاني كمان انتي مش عايزه تقعدي معايا شويه

حست همس بكسره بس قالت بقوه مصطنعه 

همس...لا سوري اني مخدش بالي اني ممكن اكون هضايق حضرتك

بصت لـ جدها و قالت

همس...هبقى اكلمك ف التليفون و تيجيلنا ماشي

زعقتلها رانيا و هي بتقول بغضب لدرجة ان الخدم كلهم اتجمعوا على الصوت

رانيا...هــو في اييييييه مــش كــفــايه خـدتي هـيـا مـنـي و خلتيني مشوفهاش غير كل فتره كمان عايزه تاخدي ابويا انتي ايه معندكيش دم ...؟؟؟؟؟؟؟؟؟؟؟؟

بصت همس حواليها لاقت كلهم بيبصولها بشفقه عليها و في منهم الي حطت ايدها على بوقها بصدمه من كلام رانيا لـ بنتها 

دمعت عينيها و اتكلمت و هي بتقول

همس...هو حضرتك عايزه ايه مني عايزه تعذليني عنكوا ليه هو. انا مش من العيله..!!!!

قالتلها رانيا بتأكيد

رانيا....ااه مش من العيله و ياريت بقى تخلي عندك شوية دم و متورناش وشك دا تاني سامعه

نزلت دموع همس بكسره و حزن و هيا الي زعقت للخدم الي كانوا مصدومين من رانيا و قالت

هيا....واقفين عندكوا بتعملوا ايييه كل واحده تشوف شغلها

كملت رانيا كلامها بكل قسوه و هي مش مهتميه لقلب بنتها الي كسرته مليون حته بكلمها و قالت

رانيا...فكرك يعني لما تلبسي نفس لبس هيا و نفس لون الطرحه و تعمليلي فيها دور التؤام بقى انك كدا هتخليني احبك مثلا 

مردتش همس بس كان صوت شهقات عياطها الي كانت بتحاول متبينوش هو الي كان بيتكلم و هيا الي قالت لأمها

هيا...انا الي قولتلها تلبس نفس الدريس يا ماما عشان هي تؤامتي و كل التؤام بيلبسوا نفس اللبس انتي الي مش مقتنعه بـ دا ولا مقتنعه انتي قد ايه بتموتيها بكلامك دا

ابتسمت رانيا بسخريه و قالتلها

رانيا...مماتتش يعني يا هيا م هي واقفه قدامي اهيه دا انا حتى قولتلها تخلي عندها دم و تغور من هنا و هي برضو فضلت موجوده هو الي زيها بيحسوا اصلا 

مستحملتش همس تسمع كلام اكتر من كدا و مشيت فورا و هيا الي قالتلها

هيا...لا يا همس استني انا جايه معاكي

و جت تمشي بس رانيا مسكت ايدها و قالتلها

رانيا...رايحه فين يا هيا اياكي تروحيلها سيبيها بقى تغور من حياتنا

بعدت هيا ايد امها و قالتلها

هيا...سيبيني 

و خرجت لـ همس بسرعه و هي بتنادي عليها

بص عادل لـ رانيا و قالها

عادل...انتي استحاله تكوني بني ادمه طبيعيه

كانت لسه رانيا هترد عليه بس سمعت صوت فرامل عربيه و حد اتخبط كأن حصل حادثه 

اتنفضت برعب لما سمعت صوت صريخ خرجت بسرعه هي و عادل يشوفوا في ايه و لاقت واحده منهم واقعه على الارض و وشها كله مليان د.م و التانيه قاعده جمبها بتعيط و بتحاول تستنجد بأي حد عشان يساعدهم و يوديهم المستشفى

صرخت رانيا برعب و خوف على و هي بتقول

رانيا...هيا...بنتي ...!!!! ووووو

يتبعععععع

استغفر الله العلي العظيم الذي لا اله الا هو الحي القيوم و اتوب اليه عدد خلقه و رضا نفسه و زنة عرشه و مداد كلماته

تفتكروا مين الي عمل حادثه همس ولا هيا 🫣💙

تفاعلوا بقى يا حلوين و شكرا ليكوا 🤎🦋"

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا