رواية وعد فى العتمة الفصل التاسع عشر 19-20-21بقلم اسماعيل موسى جديده وحصريه فى مدونة قصر الروايات
رواية وعد فى العتمة الفصل التاسع عشر 19-20-21بقلم اسماعيل موسى جديده وحصريه فى مدونة قصر الروايات
#وعد_فى_العتمه
_همس دكتور محمد إسماعيل بلكنة احسها معاذ مزخرفه، اعتقد ان كل حاجه بقت واضحه واحنا عارفين هنعمل ايه كويس يا دكتور معاذ؟ لازم نخرج عونى من المشفى بأى طريقه من أجل حياته ثم لمس ياقة قميصه الأزرق المكوى بطرف يده، هنتحرك دلوقتى.
استقلا سيارة أجره نحو المشفى وكانت فريدة فى انتظارهم هناك بعد أن سبقتهم بسيارتها
عرف معاذ دكتور محمد إسماعيل على فريدة والذى لم يتمكن من اخفاء اعجابه بها.
انا هخرجه على مسؤوليتك الخاصه يا انسة فريدة؟
يكون فى علمك اى حاجه يعملها المجنون دة انا مش مسؤل عنها
ولاحظ معاذ تغير فى نيرة صوت مدير المشفى فاخذه على جانب
فيه يا دكتور انا حاسس انك متغير شويه تجاه عونى؟
اسمع يا معاذ يا ابنى، عونى من بداية اليوم وهو قالب المستشفى صراخ بأصوات مرعبه
وكل إلى طالع عليه هيقتلونى، هيقتلونى مش عايز اخرج
كأنه كان عارف انه هيخرج من المشفى النهرده رغم انى انا مدير المستشفى عرفت كده من نص ساعه بس
ثم إنه تهجم على الحارس وكان هيموته
فكر معاذ ان رد دفاعى من الكيان إلى مسيطر على عونى لانه اكيد قراء أفكاره
اتفق معاذ ان يذهب بمفرده للتحدث مع عونى لاقناعه
عندما بلغ الغرفه وجد عونى مختباء فى الركن بجسد مرتعش
رفع عينين متوسلتين نحو معاذ، انا مش عايز اخرج من المشفى، لو خرجت هيقتلنى
رفع معاذ يده، دى الطريقه الوحيده لانقاذك يا عونى، انت فاضلك ايام قليله والكيان هيقتلك
مش عايز اخرج من هنا، قالها عونى بصعوبه كأن احد يمسك لسانه كى لا يتكلم، ثم توقف لسانه عن الحديث لكن عينيه المتوسله ظلت معلقه بوجه معاذ، واحكم قبضته على عامود السرير
مش عايز تخرج ليه يا عونى؟ خاطبه دكتور محمد إسماعيل وهو يدخل الغرفه وعلى وجهه ابتسامه طيبه
انت مين؟ همس عونى بنبره محشرجه وعايز ايه؟
دا دكتور محمد اسماعيل يا عونى هيساعدنا فى علاجك
__وانتى مين؟
تصعب معاذ، دى فريدة اختك يا عونى
__انا، انا معرفش حد بالشكل والمواصفات دى، انتو مجرمين
قتله، سفاحين وارتفع صراخه انقذنى يا معاذ متخليهموش ياخدونى من هنا
انا اتفقت معاه لو خرجت من هنا هيقتلنى
___اتفقت مع الشر يا عونى؟
بعت دينك وعقلك ومنطقك مع كيان وسخ شرير
ملكش دعوه، صرخ عونى بصوت صاخب، ابعدو عنى
اخرج دكتور محمد إسماعيل حقنة ترايليبتال من جيب بنطاله وغمز لمعاذ ان يمسك عونى، كافح عونى بجسده النحيل ضعيف القدره قبل أن يحقن فى وريده
ثم حقنه دكتور محمد إسماعيل بحقنة ديازيبام وسرى مفعول المنوم فى عروقه
كات وجهه شاحب عندما تم نقله هكذا لاحظ معاذ
نقل عونى لشقة اخته فريدة، اتفضلو همسة فريدة بصوت خاجل فور دخولهم الشقه
اوضة النوم هناك، اسقطت تحية التى كانت فى المطبخ الطبق من يدها ثم حركة كرسيها المتحرك بسرعه نحو غرفتها وشغلت القرأن بصوت خافت وصكت على نفسها الباب
هى الست دى اتجننت ولا ايه يا فريدة؟ خاطبها معاك وهو يضع عونى على سريره
سيبك منها يا معاذ، دى ست عجوزه وفيها إلى مكفيها
هنعمل ايه دلوقتى يا دكتور محمد؟
لازم ننتظر وقت افاقته، انا حقنته بمهديء قوى قدام اكتر من خمس ساعات علشان يفوق
هرجع شقتى اجيب شوية حجات وارجع، انا شايف انكم تريطوه لحد ما ارجع
عونى ممكن يكون خطير جدا دلوقتى وأفعاله من متوقعه
وكمان هتسمعو كلام كتير منه بيشككم فى نفسكم وفيه
دا رد فعل الكيان خلو عندكم لا مبلاه ربنا يفوقنى واقدر اساعده قبل ما يضيع
ظلت فريدة فى غرفة عونى جلست على طرف السرير تحدق بوجهه بينما اخذ معاذ تعسيله على الكنبه
معاذ يا ابنى؟
فيه ايه يا حجه تحيه؟
همست تحيه وهى تنظر لغرفة عونى المغلقه، ممكن تيجى تصلى معايا المغرب فى غرفتى؟
يوه انا تنهد معاذ بغضب هو انا فى ايه ولا ايه؟، ثمانا مش محرم ليكى ولا ابنك ولا حتى قريبك مينفعش اصلى معاكى
طيب، همست تحيه بنبره متوسله تعالى صلى المغرب فى غرفتى وانا هصلى على الكرسى بعيد عنك ، ارجوك يا ابنى نفذ كلامى
توضاء معاذ وصلى المغرب فى غرفة تحيه ومع صلاته استيقظ عونى بصراخ
فكونى انا لازم ارجع المستشفى!!
اهدى يا عونى ارجوك اهدى همست فريده والدموع تغمر عينيها
انتى مين؟ ابعدى عنى، ابعدى عنى
اقتحم معاذ الغرفه، اهدى يا عونى من فضلك؟
معاذ انا بحذرك انقلنى المستشفى ارجوك انا بموت
هيقتلنى
عونى انت دكتور نفسى وعارف أن إلى بيحصل معاك من تأثير الكيان إلى احكم سيطرته عليك
متسمحش للتهياؤات تفسد خطتنا
ابتسم عونى السنهورى ابتسامه لامباليه ساخره ولمعت عيونه السوداء الذكيه
ولعلى سيجارة يا دكتور معاذ بعد اذنك!
اخرج معاذ لفافة تبغ وناولها لعونى ثم اشعلها له بين يديه المكبلتين
سحب عونى سحبة مديده وتنهد
__انا عارف حاجه واحده يا دكتور معاذ، انك بتحب فريده
لكن فريدة مش بتحبك
نهق معاذ داخله وهمس بدأنا فى شغل الاعيب بتاعتك
مفيش واحده بتحب واحد ممكن تسمح انه يتعرض للأذى بسببها
عاجباك يا دكتور معاذ؟ صوب عونى عيون ضاحكه تجاه فريدة
مقدرش انكر انها تيجر وتعجب لكن عالم الستات دا غريب يا معاذ، غريب اووى
اذا أحببت امرأه بشدة اركض بعيد عنها بكل قوتك ولا تسمح لها بالاقتراب منك
الستات زى الشمعه واحنا الفراشات لو قربنا منها بنشتعل ونموت، خليك بعيد واتفرج عليها بتولع بهدوء وسكينه وقبل ما تبقى رماد وتصبح عدم طفيها، لا يقتل المرآه سوى فضولها ولا يسحق الرجل الا تعلقه.
مبسوطه يا فريدة؟ خرجتينى من المشفى علشان حبيب القلب؟ وثبت عونى نظرة تجاه الباب
كل ما يحدث سوف يحدث حتى الأمور السيئه منه
دكتور معاذ ممكن تسيبلى علبة السجاير جنب السرير؟
اصل انا لازم اكون متكيف طالما هسمحلكم تعملو إلى عايزين تعملوه
معاذ؟ انت اغبى دكتور نفسى فى العالم
عارف يا معاذ؟ انت كنت اشطر دكتور فى وقتى، انا رفضت الدكتوراة من الجامعه، وابحاثى لفت العالم كله
تثأب عونى وفرك عيونه، الديازيبام ده مش مخلينى قادر اتمالك أعصابى
شاطر دكتور محمد ده مش بيضيع وقت خالص، داخل التقيل على طول
الا هو فين مش شايفه؟
همس معاذ راح شقته وارجع تانى علشان جلسة التحضير
برقت عيون عونى، تعاون مخجل مش كده ولا ايه يا فريدة؟
فريدة؟ انا معجب بيكى، هى جات على انا يعنى
ثم احس عونى بهزة عصفت بكل كيانه، صلى يامعاذ، صلى انك متمتش خلال الأسبوع إلى جاى، اصطك فم عونى
قيد لسانه وشرد لبعيد فى متاهات لا يعرفها احد غيره
ترك عقب السيجاره ليسقط على الأرض ورقد على الشرير
#وعد_فى_العتمه
20
__لقد حاولت باستماتة أكثر من مره ان اكون انسان جيد
_وماذا فعلت؟
لازلت احاول
كان عونى راقد على السرير عندما وصل دكتور محمد إسماعيل
همس عونى اصحيه يا دكتور محمد؟
سيبه يا دكتور معاذ هو هيفوق لوحده، لم تمضى سوى خمسة دقائق واستيقظ عونى، شعر ان نار تحرق جسده
فتح عونى عينين ضعيفتين، حملق بالحضور، معاذ، فريده دكتور محمد
إنها النهايه، همس بصوت خافت وتناول سيجارة اشعلها له معاذ
منذ حضوره ومعاذ يراقب عونى ولم يلحظ عليه اى سلوك شائب حتى الآن سوى بعض الكلمات غير المفهومه التى يتشدق بها، خلاف ذلك يبدو عونى طبيعى بصوره منطقيه لا جدال فيها
احنا هنبدأ دلوقتى يا دكتور معاذ، قال دكتور محمد إسماعيل بنبره آمره
ازاى نبداء دلوقتى يا دكتور محمد؟ مش لازم نلاحظ اى سلوك للكيان علشان ندخل!؟
عونى طبيعى جدا، اعتقد دا مش الوقت الملائم لجلسة طرد
الأرواح
انت متفهمش الاعيب الكيانات يا دكتور معاذ، الكيان هو الى بيصورلنا ان عونى طبيعى علشان يأخر جلسة الطرد
سيبه يا معاذ خليه يعمل شغله، قال عونى بنبره ساخره
انت دورك انتهى خلاص يا معاذ ، دا بينى انا وهو
قال دكتور محمد، لو كنت فاكر انك هتنتصر تبقى غلطان، انا مش ممكن اسمحلك تاخد روح تانيه بريئه، حركاتك دى تعملها على شخص ميعرفكش، انا حافظك وفاهمك
ثم راح دكتور محمد يتمتم بصوت خافت أكثر من دقيقه
قبل أن يصطك زجاج النافذه بقوه
وصل!! همس دكتور محمد وهو ينظر إلى معاذ، مهما حصل يا من معاذ متحاولش تتدخل
الكيان هيتلاعب بعقلك خليك ثابت وانتى يا انسه فريده من فضلك ممكن تنتظرى بره؟
ثم بتردد همس لو مش هتقدر تقاوم يا دكتور معاذ استنى بره انت كمان
لا انا هفضل معاك يمكن تحتاج حاجه
رفع عونى السنهورى يده وعلى وجهه ابتسامه ساخره
احقنى بالبتيانوم يا دكتور محمد خلينى ابقى سهل عليك علشان تعرف تخلص ولا انت نسيت أصول اللعبه؟
برقت عينى دكتور محمد إسماعيل واكتست ملامحه بالغضب
انا هخرجك غصب عنك
طيب ما تقراء قرأن كده يمكن اتحرق؟ ولا انت مش حافظ؟
حافظ لكن مش هتجرنى للعبتك
انت اسمك شريخ صح؟ معاذ بلغنى بكده
انت إلى اسمك شريخ وعونى السنهورى مش هتخلص منه بسهوله
امسكه يا معاذ هحقنه بمهديء
قبض معاذ على يد عونى وحقن فى وريده بالمهديء، ارتخت اعصابه راح يصدر أصوات غريبه ويتحدث بلغه غير معروفه
انت هتنفذ إلى أأمرك بيه يا شريخ
هتخرج من جسد دكتور عونى، هترجع لأرض الظلام
همس عونى بصوت ضعيف انت إلى هترجع لأرض الظلام ولازم تتعاقب على أفعالك
كتفه يا معاذ بالحبل!! احكم معاذ تقييد عونى بالحبل وشل حركته نزع دكتور محمد إسماعيل ملابس عونى ودهنه بدهان اسود ذو رائحه نفاذه جعلت الغرفه كريهه وقذرة
ثم اخرج قلم فليومستر وكتب على معدة عونى نقوش وطلاسم غريبه جعلته يصرخ من الوجع
اصرخ يا شريخ اصرخ، انا من زمان منتظر اللحظه دى، كم روح بريئه وقعت فى براثنك اللعينه
كان عونى يصيح بصوت مرتفع جدا، صراخ مؤلم قاسى
تحيه فى غرفتها تستعيذ بالله من الشيطان والغرفه مغلقه من الداخل
كان عونى يستعيد وعيه ويحدق بمعاذ بنظره متوسله والدموع تنهمر من عينيه
كان شريط حياته يمر امامه ببطيء كل الذكريات التعيسه التى كان يحاول نسيانها هاجمته بقوه وعصفت بكيانه
تحول لون جلد معدته للاسود وراحت تنتفخ ولاحظ معاذ ان عونى يعانى بشده من الألم
عونى بيموت يا دكتور محمد همس معاذ برعب
احنا قربنا نخلص خلاص متضعفش دلوقتى يا معاذ
الكيان هيخرج من جسم عونى وكان فى صوته بحه غريبه
ارتفع صوت اذان العشاء من مسجد قريب جعل دكتور محمد يجفل
ترك كل ما فى يده وقال بنبره غاضبه هنكمل بعد ما اصلى العشاء يا ملعون
وترك الغرفه وخرج
#وعد_فى_العتمه
21
قال عونى بنبرة مشروخة، ما تاخدنى اصلى معاك يمكن اتحرق؟
ولا انت مش ناوى تصلى وخارج ورا السنيورة؟
كانت فريده قد غادرت الشقه للتو ولا يعلم احد بتركها للشقه لأن الغرفه كانت مغلقه ولم يلحظ معاذ ذلك الا بعد مغادرة الدكتور محمد إسماعيل
وكان عونى فى غرفته يصرخ ويصدر أصوات غريبه وينخر ويشتم بأشنع الألفاظ
خرجت تحيه من غرفتها على الكرسى المتحرك اقتربت من معاذ الذى يدخن سيجاره، معاذ يا ابنى متنساش تصلى العشا!!
حاضر يا تحيه هصلى بعد شويه
لا يا معاذ اتوضاء دلوقتى وصلى علشان اطمن عليك لأنى لازم ادخل غرفتى
وشعر معاذ انه يعيش فى وسط كله جنان، حتى جلسات طرد الأرواح التى تورط بها لم يكن معتقد بها من الأساس
وان كل من حوله يقوم بحركات غير مفهومه
رغم ذلك نهض وتوضاء وصلى العشاء، بعدها دون كلام دخلت تحيه غرفتها واغلقت الباب على نفسها
الست دى اتجننت خلاص همس معاذ بسخريه
ثم رن هاتف معاذ وتوقعها فريده لكنه كان رقم غريب
مين؟ سأل معاذ بتوجس؟
انا عوض يا دكتور معاذ، عوض حارس المقابر
خير يا عوض؟
والدى اتوفى امبارح يا دكتور معاذ همس عوض بحزن
صحينا الصبح لقيناه ميت
ربنا يتولاه برحمته يا عوض، هى الدفنه امتى علشان احضرها؟
مش دى المشكله يا دكتور معاذ!!
امال فيه ايه يا عوض
والدى كتب ورقه قبل موته لقيناها تحت السرير
بيطلب فيها انك انت تغسله
اغسله؟ بس انا معرفش اغسل!؟
ارجوك يا دكتور معاذ، دى كانت وصية والدى الوحيده
ثم يكفى انك تكون حاضر الغسل وهيكون فيه ناس غيرك
صمت معاذ دقيقه وكان يفكر بغضب، حاضر يا عوض انا هغير هدومى واجى عندك
ترك معاذ شقة فريده وقصد شقته بدل ملابسه ووقف امام المرآه ووجد ان كلمة انت التالى! مكتوبه بخط عريض احمر
قلم روج
لكن عونى لم يحاول ان يشغل باله وقصد منزل عوض الحارس من فورة
كان هناك صراخ ولطم وبكاء، افسح عوض الطريق للدكتور معاذ الذى قراء عن الغسل أثناء طريقه
ووقف يساعد الشخص الآخر الذى تولى الغسل
كان وجه والد عوض شاحب، تشعر انه مختنق او ان الرجل تعرض للخنق
عاين معاذ رقبته ولم يجد أثر لأى خدوش، وعندما تعرى الجسد لاحظ وجود علامات تعذيب تشبه تلك التى رأها فى جسد عونى
الكيان هو السبب، والد عوض كان عايز يعرفنى ان إلى هحصله بسبب الكيان
تحركت الدفنه وشارك معاذ فى حمل الكفن إلى المقابر وصلت الدفنه المقابر وبحثت عيون معاذ عن مقابر العائله
لكن عوض قرر دفن والده فى المقبره الملعونه التى دخلها معاذ فى الليله المشؤمه
ولم يكن هناك وقت للجدل والنقاش انتهت مراسم الدفن
وقراء معاذ الفاتحه لروح الميت
واسى معاذ عوض المنهار وعرض عليه المساعده
لكن عوض كان فى حالة شديده من الحزن حتى انه لم يسمع كلام معاذ
عندما عاد معاذ لشقة فريده وجد الدكتور محمد إسماعيل وفريده يقفون امام غرفة تحيه، يطرقون الباب بقوه
فيه ايه سأل معاذ بنبره مستفسرة؟
تحيه يا سيدى، نقلت عونى فل غرفتها ورافضه تفتح الباب
خاطبه دكتور محمد إسماعيل بنبره غاضبه
صرخ معاذ، افتحى يا تحيه؟
مش هفتح الباب، سيبوه عندى
احنا هنزر يا تحيه افتحى الباب
تحرك كرسى تحيه قرب الباب، خليهم يمشو وانا هفتح الباب يا معاذ
هتدخل لوحدك
ايه التهريج ده؟ صرخ دكتور محمد إسماعيل وضرب الياب بقدمه بقوه
الست دى ممكن تكون قتلت عونى جوه، انا مش سامع صوته؟
وبعد محاولات كثيره، لم ترضخ خلالها تحيه لفتح الباب
ابتعد دكتور محمد إسماعيل وفريدة
ودخل معاذ بمفرده الغرفه
اغلقت تحيه الباب بسرعه خلفه وحمته بجسدها
كان عونى قرب السرير متكوم على نفسه بجسد مرتعش، يسمع القرأن الذى تشغله تحيه بأستمرار
والدموع تهمل من عيونه بلا توقف
تعليقات
إرسال تعليق
فضلا اترك تعليق من هنا