رواية أمل الحياه الجزء 2 (عشق التميم) الفصل السابع 7بقلم يارا عبد العزيز حصريه وجديده في مدونة قصر الروايات
رواية أمل الحياه الجزء 2 (عشق التميم) الفصل السابع 7بقلم يارا عبد العزيز حصريه وجديده في مدونة قصر الروايات
الفصل السابع
تميم بصلها بصدمه كبيره و رن على الرقم اللي بعت و بمجرد ما سمع الرد اتكلم بكل الغضب اللي في العالم
= انت ازاي تتجرأ و تعمل كدا و الله العظيم ما هرحمك يا ابن الـ******* و اختي انا هاخدها و لو مفكر ان بالقسيمه اللي انت باعتها دي كدا خلاص هتلوي دراعي و تاخد اختي تبقى غلطان
بصله كل الموجودين و راحوا عنده
اتكلم اسر بسخريه
= و الله ما في اسعد مني دلوقتي ياريتني شايفك بس ملحوقه هنشوف بعض كتير يا ابو نسب و متقلقش على اختك مع جوزها مش مع حد غريب
قال كلامه و قفل المكالمه ، خد ريان الفون من تميم و بص للقسيمه و هو بيكور ايديه بغضب
مستناش يتكلم و خرج بسرعه البرق من القصر متجاهل تساؤلات حياة اللي مش فاهمه حاجه و مش فاهمه مين دا
تميم كان لسه هيخرج وراه بس حياة وقفته و اتكلمت بلهفه
= تميم لاقيتوا اختك فين يا تميم قول و برد نا.ري يبني
تميم بحزن و هو بيقـ.بل رأسها
= وعد مني هجيبها معايا و انا جاي و هتبات في حضنك انهاردة
بقلمي يارا عبدالعزيز
قال كلامه و خرج بسرعه من القصر ورا ريان هو و فارس في عربيه و ريان في عربيه لوحده و وراهم تلت عربيات حراسه
متجهين ناحيه الصعيد
وصلوا فيلا الجابري في سوهاج
دخلوا التلاته و معاهم الحراسه
كان قاعد روان و اشجان و عاصم في الريسبشن
اتكلم ريان بفحيح و هو بيروح ناحيه عاصم
= ابنك فين فريده حبيبتي انتي فين متخافيش انا جيت اخدك انزلي يحبيبتى
عاصم بصلهم بخوف شديد و اتكلم بقوه منافيه للخوف اللي جواه من ريان و ولاده
= هي وكاله من غير بواب
ريان راح عنده و مسكه من لايقه الجلابيه بتاعته
= ابنك خد بنتي و راح فين و الله العظيم ما يكفيني انت و ابنك و سوهاج كلها لو بنتي مظهرتش دلوقتي
عاصم بلع ما في جوفه بخوف شديد و اتكلم بصوت مرتعش
= معرفش فين اسر بقاله اسبوع مبيجيش البيت و منعرفش عنه حاجه
ريان طلع مسد.سه و صوبه ناحيه دماغ عاصم
= ابنك فين يا عاصم خد بنتي فين انطققق
عاصم اتكلم بخوف شديد
= انا و الله ما كنت اعرف باللي هيعمله هو فاجئنا بيه و انا معرفش هو فين
بصله ريان بغضب و نزل مسد سه من راسه و خرج من القصر
و معاه تميم و فارس
فارس بخوف و غضب
= هنعمل ايه يا بابا اكيد مش هنسيبها معاه
تميم بغضب مفرط
= على جثـ.تي تفضل معاه ساعه واحده كمان ابن الـ**** انا هعرف اخاد حقي منه كويس
اتكلم ريان بغضب مفرط
= ما بس انت و هو دا انا اقلب سوهاج كلها منطقه منطقه و اوصله حتى لو كان فين
كان لسه هيركب عربيته بس وقفته روان تحت نظرات الاستغراب من تميم و فارس
اتكلمت روان بصوت عالي نسبيا و هي بتبص وراها بخوف
= ريان استنى
ريان وقف و هو بيتأفف بضيق و في نفس الوقت بيبص لفارس و تميم اللي واقفين مستغربين هي عارفه ريان منين
اتكلمت روان بخوف
= انا عارفه حد اكيد عارف اسر دلوقتي فين صابر دراعه اليمين غفير هنا هقولك على بيته هو اكيد عارف انا واثقه لان كل حاجه بيعملها اسر بيوليه هو امرها لانه بيثق فيه
ريان بصلها باستغراب روان ادته العنوان و طلع بسرعه على صابر و هد.ده لحد اما عرف منه مكان اسر
طلعوا كلهم على المكان
فريده كانت قاعده في الاوضه بتعيط و كان وشها شاحب جدا
دخل اسر و هو بيبصلها بحزن
قعد جانبها ، بعدت بخوف شديد تحت نظرات الغضب منه
حاول يتحكم في غضبه و اتكلم بحنان
= الخدم هنا بيقولوا انك ماكلتيش حاجه من ساعه ما جيتي هنا انتي كدا هتتعبي و اصلا باين عليكي التعب
فريده بدموع
= انت فعلا يهمك امري لو مش عايزيني اتعب طلقني و خليني اروح لاهلي و ملكش دعوه بي ابيه وقتها انا هاكل و هبقى مبسوطة
اسر بحده
= انا عايز افهم انتي بتكرهني كدا ليه انا عملتلك ايه دا انا صابر عليكي مع اني عايزاك من ساعه ما شوفتك و مش عايز اقرب منك غصبن عنك دا انا اتنازلت عن حقي في اللي اخوكي عامله فيا و اتجوزتك و كل دا عشانك انا اتعاملت معاكي وحش من ساعه ما جيتي شوفتي مني اي حاجه وحشه عشان تكر.هني كدا ما تنطقي
فريده ببكاء و خوف
= انا بخاف منك مش بحس معاك بالأمان و دا طبيعي انت جبتني هنا ليه مش عشان تنـ.تقم من اخويا و خطفتني عايزيني ازاي اشوفك كويس بالله عليك عايزه اروح لاهلي انا تعبانه و الله ارحمني و ابعد عني انا مش عايزاك افهم بقى
بقلمي يارا عبدالعزيز
اسر بغضب
= مش هسيبك حتى لو فضلت مستنايكي عمري كله انا مستغرب نفسي من كل تصرفاتي معاكي بس كل اللي انا اعرفه اني مش عايزاك تبعدي عني و انتي دلوقتي مراتي و الاولى انك تبقي معايا انا مش معاهم
كانت لسه هتتكلم بس قاطعها صوت ريان اللي كان برا
بصيت للباب بفرحه كبيره و كانت لسه هتطلع بس اسر منعها و هو بيمسك ايديها بقوه
دخل ريان و معاه فارس و تميم الاوضه
اتكلم ريان بغضب مفرط و هو بيروح عند اسر
= ابعد عنها
اسر بغضب
= دي مراتي و انت ملكش اي حق تبعدني عنها
ريان بسخريه عكس اللي جواه من غضب مفرط
= و الله مراتك طب سيب ايديها كدا و كلمني راجل لراجل
قال كلامه و شد فريده من ايديه ، فريده بمجرد ما ريان شدها دخلت جوا حضنه و فضلت تبكي بقوه و خوف شديد و هي ماسكه فيه بقوه و كأنها لاقيت ملجأها و امانها
ربط على شعرها و اتكلم بحنان
= متخافيش يحبيبتى احنا معاكي و هتمشي معانا
فريده بشهقات و هي لسه ماسكه في ريان
= انا خايفه اوي يا بابا متسبنيش
تميم بص لأسر بغضب مفرط من الحاله اللي فيها اخته
راح عند اسر و بدأ يضر.به بكل قوته
ريان بعده عنه و اتكلم بغضب
= ميستاهلش تضيع مستقبلك عشانه سيبه و انا هعرف اتصرف معاه
تميم بعد بصعوبه عن اسر اللي كان بينهج من تعبه و مركز بنظره على فريده اللي واقفه في حضن فارس و بتبصله بدموع
تميم بغضب مفرط
= عملت فيها ايه يكـ.لب مخليها تخاف كدا انطقق عملت في اختي ايه
اسر بحده= اختك تبقى مراتي و اعمل فيها اللي انا عايزاه و يلا برااا بيتي وجودكم غير مرحب بيه مع السلامه
ريان ببرود
= ما هو احنا هنمشي فعلا هنمشي كلنا و معانا فريده بعد ما ترمي عليها يمين الطلاق دلوقتي
اسر ببأبتسامه سخريه= بتحلم بنتك هتفضل لاخر نفس فيا على زمتي و مربوطه بيا عايز تمـ.وتني مـ.وتني انا قدامك اهو اعمل كل اللي انت عايزاه بس طلاق مش هطلقها و لا هحررها مني مهما عملت
همست فريده و هي في حضن فارس بخوف
= ابيه هو بيقول ايه
فارس بحنان= متخافيش يحبيبتى انتي هتروحي معانا و هنطلقك منه سيبك من الهبل اللي بيقوله دا
ريان بحده
= طب ما احلم و ايه اللي فيها ريان النصراوي مفيش حلم ليه مبيتحققش ما بالك بقى لو الموضوع يخص بنتي و انا بقى مش هرفع عليك السلا.ح و اقولك طلقها عشان الطلاق تحت التهديد باطل و انا عايز بنتي تخلص منك نهائيا بينا المحاكم بقى و من حظك و الله لو عقلت أو المحكمه تحكم بالطلاق عشان بنتي لو مطلقتش هتبقى ارمله
اتكلم ريان و هو بيبص لاسر بغضب
= فريده حبيبتي ادخلي غيري هدومك في الحمام و البسي الينفورم اللي انتي جايه بيه و هاتي شنطة المدرسه و تعالي يحبيبتى عشان نرجع القصر
بقلمي يارا عبدالعزيز
اسر بصله و اتكلم بغضب و هو بيهز راسه بالنفي
= بقولك مراتي يعني دا بيتها انا مش هسمحلها تيجي معاك
بص ريان لرجلته اللي مسكوا اسر و ضـ.ربوه بقوه لحد اما وقع على الأرض و هو بيبصلها بضعف و من جواه شعور قوي مش عايزاها تمشي
اتكلم ريان بحنان
= يلا يحبيبتي
هزيت راسها بهدوء و هي بتبص لاسر اللي كان شكله صعبان عليها جدا ، دخلت الحمام تغير هدومها و خرجت
اتكلمت بهدوء و احترام و هي مركزه بنظرها على اسر اللي كان واقع على الأرض و عينيه بتقفل بضعف
= انا جاهزه يا بابا
نزلت دموعها بتلقائية على شكله مسحتها بسرعه قبل ما حد يلاحظ و مشيت معاهم و هي مركزه بنظرها عليه
بص لطيفها و اتكلم بضعف
= فريده
ركبت في العربيه مع ريان
اتكلمت بتوتر و هي بتتجنب تبصله و خايفه من رد فعله
= بابا هو كدا ممكن يمـ.وت اصل انتوا ضر.بتوه كتير اوي و كمان سبناه يعني لو محدش لحقه دلوقتي ممكن يحصله حاجه
رفع حاجبه بأستغراب و اتكلم بهدوء منافي تماما للغضب اللي جواه منها بس مكنش عايز يخوفها
= انتي خايفه عليه!
اتمنى اكون فهمت غلط يا فريده
اتكلمت بتوتر و صوت مرتعش
= بابا انا بس......
قاطعها و هو بيوقف العربيه ، خدها في حضنه بسرعه و ربط على ضهرها بحنان
= انتي خايفه كدا ليه يبنتي هو انا عمري اتعصبت عليكي حبيبتى انا ابوكي لو فيه اي حاجه انتي عايزه تقوليها قولي من غير ما تخافي
فضلت تعيط جوا حضنه و اتكلمت بشهقات
= انا فعلا خايفه عليه و مش عارفه ليه و الله بابا انا مشفتش منه اي حاجه وحشه من ساعه ما خدني انا عايزاه يطلقني و يبعد عني بس من غير ما يتأ.ذي ممكن يا بابا
ربط على ضهرها بحنان و اتكلم بهدوء
= و هو لما خطفك مأذ.كيش يفريده!
لو سمع الكلام و طلقك من غير عناد أنا هسيبه لكن مستحيل اسيبك على زمته حتى لو اضطريت امـ.وته
حاولي تهدي و متخافيش انتي دلوقتي معانا
خرجت من حضنه و خديت نفس عميق و مسحت دموعها
نزل فارس و تميم من العربيه بقلق
اتكلم تميم بقلق
= بابا انتوا كويسين وقفتوا ليه
ريان بهدوء = هنتحرك دلوقتي يلا
طلعوا بالعربيات و وراهم عربيات الحراسه و فريده رجعت راسها للخلف و كل تفكيرها في شكل اسر و يا ترى حد لحقه و لا لأ
قاطعها صوت ريان و هو بيكلم حياة
= ايوا يحبيبى فريده معايا و راجعين اهدي بقى و بطلي عياط ساعه بالظبط و هنكون عندك
حياة سمعته و هي حاسه ان روحها رجعتلها ، خديت نفسها اللي كان مسحوب منها من ساعه اختفاء فريده
ابتسمت بفرحه كبيره و دموع
= نعيمه اعملي كل الاكل اللي فريده بتحبه و انا هطلع بسرعه اطلعلها هدوم مريحه تلبسها يحبيبتى يبنتي اكيد تعبانه بسرعه ينعيمه
حنين بصتلها بفرحه و اتكلمت و هي بتحضنها
= حمد لله على سلامتها يحياة
فردوس بفرحه = الحمد لله يا رب
دخل عاصم الڤيلا بتاعت اسر و معاه الدكتور
اسر حاول يقوم و كان لسه هيخرج من الڤيلا بس وقفه عاصم و هو بيتكلم بغضب
= انت رايح فين لازم الدكتور يشوفك انت وشك مشلفط خالص و مش هتقدر تمشي على رجلك حتى
اعمل متابعه لصفحه الكاتبه يارا عبدالعزيز عشان يوصلك كل جديد بينزل عندها قبل اي حد
اسر تجاهله و خرج بسرعه ، خد عربيته و طلع على القاهره تحت نظرات الغضب من عاصم
وصل ريان القصر و حياة كانت واقفه على باب القصر و هي بتبص على البوابه كل دقيقه و منتظره دخولهم بفارغ الصبر
وصلت عربيه ريان و خرجت منها فريده اللي كان وشها شاحب و باينه عليها الخوف و الارهاق
جريت عليها حياة و حضنتها بقوه و هي بتعيط
= يحبيبتى انتي كويسه يروحي ايه اللي حصلك يحبيبتى
طلعتها من حضنها و قبـ.لت كل انش من وجهها بلهفه و فرحه
= حاسه بي ايه يحبيبتي حد عملك حاجه
وشك شاحب اوي و خاسه مكنتيش بتاكلي اكيد انا قولت لنعيمه تعملك كل الاكل اللي بتحبيه انتي كويسه صح
ريان ببأبتسامه
= كويسه يحياة و الله سبيها بقى عشان تدخل و ترتاح
فريده بصيت لحياه بدموع ، و حياة بصتلها بحزن و اتكلمت بحنان
= تعالي يحبيبتى على اوضتك و هم هيطلعوا الاكل تعالي يروحي انا هاجي معاكي
هزيت فريده راسها بلهفه لانها كانت محتاجه حياة جدا و طلعت معاها خديت البرنس اللي كان على السرير و دخلت الحمام تاخد شاور و خرجت و هي بتبص لحياة و عينيها منتفخة من العياط
حياة بحنان و هي بتفتحلها ايديها
= تعالي يعين ماما
فريده جريت عليها و حضنتها بقوه و فضلت تعيط و مفيش في دماغها غير شكل اسر و الخوف بينهش في قلبها
حياة ربطت على ضهرها بحنان
= ايه يحبيبتي مالك احكيلي يروحي ايه اللي حصلك بالظبط و بتعيطي ليه
فريده بدأت تحكيلها كل حاجه و هي بتعيط
حياة اتكلمت بصدمه كبيره و همس
= اتجوزتوا!
فريده بشهقات= ايوا يا ماما يعني هو دلوقتي بقى جوزي و الله يا ماما عملت كدا من خوفي على ابيه تميم و الله يا ماما
حياة بحنان عكس اللي جواها من خوف و غضب من اسر
= اهدي يحبيبتى ابوكي مش هيسيبه و هيطلقك المهم دلوقتي هو حصل ما بينكم حاجه هااا يفريده لو حاجه حصلت قولي مش حرام يحبيبتى دا جوزك بس عشان بس نبقى عاملين حسابنا
فريده هزيت راسها بالنفي و بخجل مفرط ، اتنهدت حياة براحه كبيره و اتكلمت بحنان
= طب اهدي و بطلي عياط كل حاجه هتتحل يلا انا هنام معاكي انهاردة بس كلي الاول عشان انتي باين ماكلتيش من ساعتها
هزيت فريده راسها بالايجاب و بدأت تاكل بصعوبه و مفيش في دماغها غير اسر كلت عشان حياة متزعلش و تخاف عليها
اتكلمت فريده بهدوء
= ماما انا كويسه روحي انتي لبابا هو زعلان انا عارفه بس مش عايز يبين خليكي معاه انا عارفه انه مش بيعرف ينام من غيرك
ابتسمت حياة و اتكلمت بحنان
= كبرتي يفريده لا يحبيبتي انا هنام انهاردة معاكي عشان....
فريده بمقاطعة
= و الله أنا كويسه و لو لاقيت نفسي محتاجكي هاجي اناديلك على طول
هزيت حياة راسها بهدوء و خرجت
طلعت الجناح ملاقتش ريان كانت لسه هتخرج تشوفه لاقته داخل الجناح
جريت عليه بسرعه و اتكلمت ببأبتسامه
= كويس انكم رجعتوا فريده انا مبسوطة أوي بجد بس الولد دا لازم يطلقها يا ريان انا مستحيل اسمح لبنتي تبقى مع واحد زيه
هز ريان راسه بهدوء و فجأة ضمها لحضنه و اتكلم بحنان
= محتاجك اوي يحياة حاسس اني تعبان و مهزوم
كانت لسه هتتكلم بس قاطعها و هو بيد.فن وشه في عنقها و بيقـ.بلها بلهفه و عشق
اتكلمت بهمس و هو بتسند براسها على كتفه
= مالك يحبيبي
تجاهلها و هو لسه بيـ.قبل كتفها ، شالها بحنان و وضعها على السرير و هو ما زال يقـ.بلها ليأخذها معاه الى عالمهم الخاص بهم
في غرفه تميم
رحيل كانت قاعدة بتعيط على السرير
خرج تميم من الحمام و هو لافف منشفه حول خصره
بمجرد ما رحيل شافته اتكلمت بشهقات
= تميم طلقني دلوقتي دا الاحسن للكل طلقني عشان ارجع عند اهلي لو رجعت اسر هيسيب فريده و يطلقها هو عمل كل دا عشان ينتقم منك و يردهالك انا مستعده اوافق على جوازي منه و اتنازل لعمي عن كل فلوسي مقابل انه يطلقها و هو هيوافق
اتنهد بغضب و قعد على السرير و فرد رجليه و غمض عينيه و سند براسه على السرير و هو بيرجعها للخلف
اتكلمت بحده
= تميم انا بكلمك على فكره!
تميم ببرود عكس اللي جواه من غضب مفرط من كلامها
= كلامك ملوش غير معنى واحد عندي انك عايزه تطلقي عشان مش عايزة تبقي معايا و عايزه تتجوزيه قولي اللي جواكي احسن عشان نبقى على وضوح مع بعض
بصتله بصدمه كبيره و اتكلمت بدموع
= و الله لأ انا فعلا خايفه على فريده و مش عايزاها على زمته اللي مرضتهوش على نفسي انا اكيد مش هرضاه عليها و خصوصاً انها دلوقتي مراته بسببي انا بقولك الحل اللي هينقذها و الله مش قصدي اللي انت فهمته دا خالص
ابتسم بسخريه و اتكلم ببرود
= لا متتعبيش نفسك فيه طرق كتير اوي غير اللي انتي بتقوليه
اتكلمت بحده و غضب من بروده
= هو انت ليه مش مصدقاني و ليه بتتكلم معايا كدا يعني هو انا اللي كنت قولتله يخطفها و لا كان قصدي كل اللي حصل لو سمحت انا فيا اللي مكفيني بطل تزودها عليا بطريقتك دي
فتح عينيه و اتكلم بحده
= تقريبا انا اللي خليتك تاخدي عليا كتير و بقيتي بتعلي صوتك مع اني محذرك بس تمام اوريكي تميم اللي انتي لسه مشفتيش منه اي حاجه
اتكلمت بدموع و الم..
= تميم انت ايه اللي غيرك كدا دا مامتك اللي كانت خايفه على فريده اكتر حد فيكم محطتش عليا اللوم كدا زيك و لا اتعاملت معايا كدا لو مش طايقني خالص كدا طلقني و.....
قاطعها و هو بيتكلم بغضب مفرط
= عايزيني اعملك ايه اخدك بالحضن و كل اللي حصل في اختي دا بسببك و بسببي لو مفكره اني هفضلك على اختي و اقولك معلش فداكي تبقي مليون غلطانه انا معنديش اغلى من عايلتي في حياتي انا بحبهم اكتر من نفسي الشخص اللي انا حاميتك منه انتي الغريبه اللي معرفكيش عشان مرمكيش في نا.ره دلوقتي اختي اللي اصغر منك اللي لسه في المدرسه بقيت على زمته و حتى لو هتطلق منه كفايه الاسبوع اللي عاشته معاه و الله اعلم ايه اللي حصلها فيه كل اما افتكر شكلها و هي في حضن بابا و بترتعش احس اني مخنوق و جوايا حزن الدنيا كله و كل اللي حصل معاها دا بسببي ياريتني ما اتجوزتك و لا عرفتك من يوم ما دخلتي حياتي و انا مبيحصليش غير المصايب
كانت بتبصله بالم.. شديد و حاسه بكتله على قلبها من كلامه
هزيت راسها بالايجاب و اتكلمت بدموع و صوت متحشرج
= صح انت صح و انا دلوقتي هخلصك مني و هرجعلهم....
قاطعها و هو بيتكلم بغضب مفرط و صوت خلاها تتنفض بخوف
= و هو رجوعك ليهم هينسيها اللي عاشته رجوعك هيرجعها تاني اللي لسه مفيش اي حد في حياتها هيحولها من لقب متجوزه أو مطلقه ما تنطقييييي
قال كلامه و دخل اوضه الملابس ، لبس هدومه و خرج من الاوضه تحت نظرات الالم الشديد منها
بمجرد ما خرج فضلت تعيط بقوه
كان سامع صوت شهقاتها من ورا الباب و هو حاسس بالم و غضب من نفسه
مشي بسرعه و طلع بعربيته برا القصر
مليكه كانت سامعه كلامهم و بمجرد ما شافت تميم خارج من الاوضه استخبيت
فارس كان طالع و شافها و هي واقفه قدام اوضتهم
اتكلم بحده
= بتعملي ايه!
مليكه بهدوء = تميم زعق لرحيل اوي و قاعدة بتعيط جوا انا هدخل اشوفها
فارس بحده و غيره = و انتي مالك واحد و مراته و لا ااه عايزه تدخلي عشان تشمتي فيها صح مبسوطة انتي طبعاً عشان زعقلها اكيد قلبك طاير دلوقتي
حاطه تميم في دماغك ليه يا مليكه دا واحد متجوز و أنتي كمان متجوزه
بصتله بصدمه من كلامه و اتكلمت بحده
= هو انت بتقول ايه معلش!
انت مفكر اني بفكر في تميم و مستنياه يطلق مراته و يبعد عنها و انا على زمتك ياااه لدرجه دي انا وحشه عندك عرفت يفارس انا بكرهك ليه و هفضل لاخر عمري اكرهك لانك عمرك ما فهمتني و ديما بتكون قاسي معايا و انا بجد عبيطه لما صدقت انك ممكن تتغير انت عمرك ما هتتغير
اتكلم فارس بحده و هو مستني منها رد تطمنه بيه
= و كنتي واقفه بتتصنتي عليهم ليه ادام اللي في دماغي غلط
مليكه بدموع
= انا كنت طالعه و لما سمعت صوته العالي وقفت من خوفي عليها عشان كانت بتعيط و لما تميم خرج انا مرضتش احرجه فاستخبيت
قالت كلامها و دخلت الاوضه بتاعتهم ، بصلها بغضب من نفسه و هو بيضـ.رب ايديه في الحيط اللي وراه
في غرفه فريده
قامت من مكانها و قعدت على التسريحه ، بدات تحط المرطب على جسد.ها و هي بتفكر في اسر بخوف
دخل القصر من السور الخلفي مستغل غياب الحارس عنه دخل و هو بيستخبى في وسط الأشجار و طلع من على السلم الخشب الموجود جنب البلكونات و هو بيدور بعينه في كل بلكونه لحد اما لاقها قاعدة على كرسي التسريحه
دخل البلكونه و سند بايديه على الحيطه و هو بيحاول ميظهرش نفسه في المرايا
بصلها بحب و اشتياق و هو بيدقق مع كل تفصيله فيها
لاحظت بحركه في البلكونه ، بصيت وراها بخوف شديد و قامت راحت ناحيه البلكونه و كانت لسه هتقفلها بس فجأة لاقيت اللي بيدخلها جوا الاوضه و بيحاصرها ما بينه هو و الحيطه
بصتله فريده بخوف و هي بتبص على شكله المرهق و اتكلمت بصدمه
= اسر
مرر ايديه على وشها برقه و هو بينهج بتعب
= يعيون اسر تعرفي في الكام ساعه اللي فاتوا دول وحشتني اوي
اتكلمت بخوف = انت لازم تمشي دلوقتي لو بابا أو حد من اخواتي شافك هنا هيمـ.توك المره دي ارجوك امشي فيه مستشفى مش بعيده عن هنا هتلاقيها على الطريق روح و خلي حد يشوف جرو.حك دي انت شكلك تعبان اوي
اتكلم اسر بحنان و هو بيحاوط خصرها
= انتي عايزيني يفريده صح
انا شوفت الخوف في عينيكي عليا و انتي ماشيه مكنتيش فرحانه انك هتمشي معاهم اد ما كنت شايف الخوف عليا صح و حتى دلوقتي خايفه عليا برضوا
اتجنبت النظر ليه و اتكلمت بحده
= اكيد مش اللي في دماغك انا بس متعودتش اشوف حد تعبان و مزعلش عليه مش اكتر
اتكلم اسر بخبث
= و هو ايه اللي جيه في دماغي بقى هاا
زقته بعيد عنها بغضب
= امشي لو ممشتش هنادي على بابا و مش هيطلع عليك نهار
اتأوه بالم شديد و هو بيمسك صدره و حس بدوار فظيع
كان هيقع بس سند بايديه على الحيطه اللي خلف فريده
بصتله بخوف و هي بتمسكه
= انت كويس
هز راسه بالنفي و هو بيسند عليها ، سند براسه على كتفها و اتكلم بارهاق
= لا انا دايخ و حاسس ان نفسي بيقل خليكي سنداني كدا هيغمى عليا
حطيت ايديها على شعره من الخلف و اتكلمت بخوف
= طب تعال تعال اقعد استريح
سقط على السرير و هو لسه محاوط خصرها لتسقط معاه عليه ، اتكلم ببأبتسامه و ارهاق شديد و هو بيبص لملامحها عن قرب و بيحرك ايديه على وشها
= كل اللي عاملته في حياتي انتي بطلعيه عليا بس عارفه حتى لو ابوكي مـ.وتني مش هطلقك امـ.وت و انتي مكتوبه على اسمي احسن بكتير متخافيش يفريده انا مش جاي هنا عشان اخدك انتي بس وحشتني و انا اتعودت على وجودك معايا
بصتله بخجل و حاولت تبعد بس معرفتش بسبب انه ماسكها بكل ما فيه من قوه
اتكلمت بخوف
= اسر انت لازم تمشي
همس بتعب
= مش قادر مش قادر اتحرك جسمي كله متـ.كسر ابوكي و اخواتك خدوني على خوانه و ضر.بوني بس كله فدا عيونك
كانت لسه هتتكلم بس قاطعها خبط على الباب
خافت بشده لما سمعت صوت فارس و هو بيتكلم بحنان
= ديدا حبيبتي انتي صاحيه
بصيت لاسر اللي كان بيبصلها بحب بخوف شديد و
يُتبع.....
محدش مرتاح من ولاد النصراوي يا ترى كل واحد فيهم حدوته هترسى على ايه و تفتكروا كلام تميم لرحيل صح و حقه فعلا يقول كدا و لا كان قاسي
لمتابعة باقى الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الأول هناااااااااا
الرواية كامله الجزء الثاني هناااااااااا
مجمع الروايات الكامله اضغط هناااااااا
 الفصل السابع 7بقلم يارا عبد العزيز حصريه وجديده في مدونة قصر الروايات رواية أمل الحياه الجزء 2 (عش…){kind=link}
تعليقات
إرسال تعليق
فضلا اترك تعليق من هنا