رواية وعد فى العتمة الفصل الخامس وعشرون25-26-27بقلم اسماعيل موسى جديده وحصريه فى مدونة قصر الروايات
رواية وعد فى العتمة الفصل الخامس وعشرون25-26-27-28بقلم اسماعيل موسى جديده وحصريه فى مدونة قصر الروايات
#وعد_فى_العتمه
كان باب الشقه مفتوح عندما وصل محمد إسماعيل، رغم ذلك تردد فى الدخول، انتابته لحظة شك جعلته يرتعش
سمع صوت والدته، كان واضح وحاد مع الرجل الذى دخل معها، تذوق محمد إسماعيل النبرة التى اوحشته من عمر فات
يا روحى انا مقدرش أرفض ليكى طلب ولمح محمد إسماعيل الرجل يحاوط خصر والدته
اثبت مكانك يا كلب! صرخ محمد إسماعيل وهو يشهر سلاحه
وانتى؟ عمرى ما تخيلت انك ممكن تعملى كده، يا ريتك كنتى موتى ولا شوفتش بعينى انتى بتعملى ايه؟
انت مش فاهم حاجه يا محمد، عايزانى افهم ايه؟ ومشى تجاه داغو، انت الكلب إلى كنت فى الليله اياها، انا فاكرك كويس، سكينك على رقبة والدتى، همسك الخسيس أجرى يلا
انا استنيت اللحظه دى كتير اووى، يا اما انتى يا اما هو اختارى؟
برقت عينى محمد إسماعيل من الغضب وسمع همس داخل عقله، انا وصلتك للحقيقه الى كنت بتدور عليها خليك راجل ودافع عن شرفك
يا ابنى متضيعش مستقبلك، ادينى فرصه اتكلم
اسكتى انتى، انا ميشرفنيش انك تكونى والدتى
انا عملت كل ده عشانك يا محمد، علشان أحميك، بلاش النظره دى فى عنيك
صرخ محمد إسماعيل قلتلك اسكتى مش عايز اسمع صوتك
ودوى الصوت داخل عقله مره اخرى، انتقم لشرفك مستنى ايه؟ انت جبان؟ جبان!؟
صوب محمد إسماعيل الطبنجه على رأس داغو انت لازم تموت الف مره مش مره واحده وضغط على الزناد
دوى صوت الرصاصه وجانب رأس داغو، محمد إسماعيل غير معتاد على إطلاق الرصاص
لازم تموت صرخ محمد إسماعيل وقبل ان يطلق الرصاصه الثانيه تلقى ضربه على مؤخرة رأسه، هاجمه سرنجه من الخلف
ترنح محمد إسماعيل وفقد توازنه وأشهر سرنجه سلاحه
ارمى سلاحك يلا انت والا هموتك
رفع محمد إسماعيل يده
ايوه كده همس سرنجه كنت عارف انك عيل سيس وأخرك حتة جاتوة ولم يتمكن سرنجه من مواصلة سخريته الطلقه التى خرجت من مسدس محمد إسماعيل اخترقت رأسه وطوحته على الأرض
انطلقت صرخه من والدة محمد إسماعيل، صرخة هلع، انت عملت ايه؟
انت ايه إلى جابك هنا؟ مكنتش عايزاك تيجى هنا
تضلع وجه محمد إسماعيل سحقته الصدمه، انتى مش ممكن تكونى امى،؟ مفيش ام تقول لأبنها كده
سيب سلاحك وامشى من هنا، انا مصدقت لقيتك يا امى، ليه بتعملى كده، ليه، ترنح محمد إسماعيل وسقطت الطبنجه من ايده
امسكتها المرأه بيدها، امشى من هنا، وصل محمد إسماعيل باب الشقه بالعافيه تحت همس المرأه انا مش امك، استدار محمد إسماعيل وقبل ان ينطق بكلمه قبض داغو على الطبنجه وأطلق رصاصات سريعه قتلته على الفور.
كان العار يسير مع معاذ بعد أن ترك المقابر، الخزى من تركه عوض خلف ظهره يموت داخل القبر
رن هاتف معاذ وواصل صداعه ولم يتحرك معاذ للرد
شوف مين بيتصل عليك يا معاذ همست فريده وهى توقف سيارة أجرة
مش عايز اكلم حد يا فريدة
رد يا معاذ ممكن تكون مكالمه مهمه من محمد إسماعيل
اخرج معاذ الهاتف من جيب بنطاله
فيه ايه يا ريهام؟
كان مكبر الصوت شغال
انا فين يا معاذ؟ سايب المستشفى بقالك كام يوم ولا على بالك
فتحت فريدة فمها، مين ريهام دى يا معاذ؟
ريهام ممرضه فى المستشفى يا فريده انتى قابلتيها قبل كده
وبتكلم كده ليه اصلا
طلب معاذ من فريده الصمت وسأل، فيه حاجه حصلت يا ريهام فى المستشفى؟
همست ريهام بخجل لا يا دكتور لكن اشتقنا لوجودك
ايه بتقول ايه البنت دى يا معاذ؟
بنت مين يا أموره انتى احترمى نفسك صرخت ريهام مدافعه عن نفسها
نزلنى هنا صرخت فريده فى سائق السياره
وسمع معاذ همس داخل اذنه، اذا تمردت عليك أنثى استبدلها بغيرها، العمر قصير ومفيش وقت تضيعه
اسكت صرخ معاذ وهو يمسك رأسه، اخرج من عقلى
كان الخط انقطع من الجهه الأخرى ونزل معاذ يركض خلف فريدة فى الشارع
الساعه كانت حدود الحادية عشر صباحآ، اختفت فريده بين الحشود ومعاك يمسح الشارع بيده
لمح طيف يسير بين الناس، مجرد ظل قاتم يعرفه معاذ وراة من قبل
ركض معاذ خلف الظل بكل سرعته ازاح الناس بعيد عن طريقه ركض حتى وصل الظل وعندما وضع يده فوق ظهره
استدارت فتاه بعيون مستنكره
انت بتعمل ايه؟ انت متحرش؟ اعتذر معاذ انا اسف، افتكرتك شخص اعرفه
كان بعض الناس تجمع حولهم لكن الفتاه رفضت تصعيد الموقف
تركت معاذ المصدوم وقصدت سيارتها المرسيدس السوداء المركونه على جانب الطريق وعلى وجهها ابتسامه ساخره وقادت السياره منطلقه لبعيد.
احس عونى بالضعف داخل غرفة تحيه، جعل يهمس انا حاسس انى ضعيف، قوتى بتتحسب منى!!
فيه ايه يا ابنى مالك؟ انت كنت كويس؟
عونى ___حاسس ان الكيان قلص قوتى اكيد فيه حاجه كبيره حصلت وانا معرفهاش
محمد إسماعيل كان قريب اوى يبعده عنى لكنه رحل من غير سبب، كنت خلاص حاسس انه هيسبنى لكنه توقف فجأه
مع كل خساره بتزداد قوة الكيان
صداع غتت هيفرنق دماغى يا تحيه
همست تحية سلامتك يا ابنى، سلامتك
انت ليه مقلتش لمعاذ انك كنت تعرف مدحت؟ ليه خبيت عليه وعلى دكتور محمد اسماهيل انك تعرفه وامك زرته قبل موته
همس عونى بضعف وهو يرقد على الأرض، عايزانى اقول انى هربت من المستشفى علشان أزور شخص معرفهوش واحذره انه هيقتل خطيبته؟
مين هيصدقنى يا تحيه؟
انا صدقتك يا عونى، صدقتك، اول ما نطقت وقلت ان بنتى ملبوسه كلامك وقع فى قلبى وصدقتك
مفيش فايده يا تحيه، انا اسف، محمد إسماعيل مش هيرجع تانى، مش هيرجع تانى، انتى وحيده طول عمرك هتعيشى معذبه همس عونى وهو يغلق عينيه.
#وعد_فى_العتمه
اختفت فريدة، لم يجدها معاذ بين الماره وكان قد استعاد وعيه الفكرى جزئيآ
هى ريهام بتكلمنى بالطريقه دى ازاى!؟
ريهام عمرها ما رفعت الكلفه بينى وبينها، ورغم التيه والوجع والضياع اطلق ابتسامه، فريدة بتغير علي؟ معقول ده؟
منذ صغرى وانا على قناعه من عدم قدرتى على نيل إعجاب ضفدع
__ اخرج عونى هاتفه الذى كان بيده اصلا وطلب ريهام
استغرق ردها بعض الوقت وكان صوتها ناعس
ريهام انتى ازاى بتكلمينى بالطريقه دى وتحرجينى قدام فريده؟
انا اسفة يا دكتور والله لسه صاحيه من النوم صوتى بيبقا غريب او ما اصحى من النوم تحسه صوت راجل
لا، انا اقصد المكامله إلى قبل دى
صمتت ريهام، نظرت لهاتفها أكثر من مره، دكتور معاذ انا كنت نايمه، مكلمتش حضرتك
بصى فى التليفون كويس يا ريهام؟
والله يا دكتور معاذ كنت نايمه وبعدين أدى المكالمات اهى وارسلت له اسكرين شوت
بلع معاذ ريقه، حملق فى اخر مكالمه وكان رقم ريهام
لكنه يعرف ان كما أن ريهام قادره على ارتكاب الحماقات فأنها لا تكذب ابدا
خلاص يا ريهام حصل خير دا كان سوء تفاهم
ثم لعن فى سره، دا الكيان يتلاعب بيا
اتصل بفريده عشرين مره ولم تعره أدنى اهتمام، انثى مجروحه لن ترد على المهاتفات
هاتف دكتور محمد إسماعيل ولم يتلقى رد أيضآ
لم يجده أمامه سوى الشقه وعونى، ستأخذ فريده وقتها من الزعل ثم تفهم ان كل ما حدث لعبة كبيره
عندما دلف إلى الداخل استقبلته تحيه،
ازيك يا تحيه؟
الحمد لله يا ابنى تمام
فيه حاجه حصلت جديده؟ كان يقصد الكيان
لا كل حاجه هاديه وعونى نايم
دكتور محمد مظهرش يا تحيه؟
لا يا ابنى، عونى بيقول ان محمد إسماعيل مش هيظهر تانى
مش هيظهر ازاى؟
معرفش هو قال كده
وجد معاذ نفسه بحاجه الى فنجان قهوه وسيجاره، ترك هاتفه وقصد المطبخ، صنع فنجان قهوه وجلس يدخن سيجاره
بعد نصف دقيقه رن هاتفه، كان رقم غريب
فتح معاذ الهاتف مين؟
سمع حشرجه وازيز مرعب
مين؟ / تذكر معاذ البدايات عندما كان الكيان يتصل به
انا عوض يا دكتور معاذ بقا كده تسيبنى فى المقبره وتهرب؟
مستحيل صرخ معاذ، انت الكيان، انت شريخ؟
انا عوض يا دكتور، عوض
لم يتفهم معاذ الأمر، انت شريخ
والله انا عوض ولسه جوه المقبره
تنهد معاذ بقلق؟ انا سبتك والكيان مسيطر عليك!
انا ضربته يا دكتور، ضربته، ألكيان مصاب
كاد معاذ ان يضحك، ضربته ازاى.
هو انت متعرفش سا دكتور معاذ
اعرف ايه يا عوض؟
لما الكيان يتجسد فى اى شكل تقدر تقتله ولو قدرت تصييه او تضربه جسمه بيتأثر
تقصد ايه يا عوض؟
اقصد ان الكيان دلوقتى مصاب، ضعيف ونقدر نخلص عليه
انا اعرفه اكتر منك
يعنى، غمغم معاذ لو قدرنا نخلى الكيان يتشكل نقدر نقتله؟
ايوه يا دكتور بالضبط كده
لازم نجبره يتشكل
ودا مش ممكن يحصل إلى داخل القبر او وفكر معاذ، لما يتشكل على جسم عونى او اى شخص تانى
أضعف شخص فى الديره ألكيان هيروح عليه يادكتور معاذ
الشخص الى مش متحصن
ادينى عنوان الشقه وانا هجيلك فورا
انتهت المحادثه ووجد معاذ عونى يخرج مترنح من غرفته
دكتور محمد مات، انا شفته بيموت
عونى كفايه هزار من فضلك انا مش ناقص!؟
بقلك شفته يا معاذ، انا بحس بكل حاجه يعملها لما يكون حاضر على
طيب هو فين دلوقتى؟
موجود هنا؟
صمت عونى دقيقه طويله كالدهر، ايوه موجود يا معاذ
فين يا عونى؟
وراك يا معاذ
تنهد معاذ برعب ورايا؟
لم يتمكن من الالتفاف منعه الخوف والرعب ان ينظر خلفه
همست تحيه بسم الله الرحمن الرحيم
وحركت الكرسى المتحرك بسرعه نحو غرفتها قاصده الراديو الذى توقف فجأه
وضعت يدها تضبط القناه الاذاعيه على القرأن الكريم
طار المذياع فى الهواء وسقط على الأرض تحطم لألف قطعه
يارب صاحت تحيه انقذنا منه، مش هقدر استحمل وجوده تانى
#وعد_فى_العتمه
قبل الأخيرة
__مش ممكن ياعونى، انت غلطان، انت غلطان، استجمع معاذ كل شجاعتة، ما تبقى منها استدار بصراخ انت غلطا_ن
لم يرى شيء، لم يسمح له الكيان برؤيتة
__غريبة همس عونى بسخرية، اول مرة اشوفه خايف للدرجة دى، لدرجة انه خايف يظهر
___ لا غريبة ولا حاجه يا دكتور عونى، هو فعلآ خايف
دوى صوت مرعب داخل الشقه، كأنها قصفت بقنبلة موجهه، تطاير التراب واندلع حريق فى غرفة تحية
__كانت المرة الأولى التى يرى فيها عونى الكيان بمثل هذا التخبط، تخلى الكيان عن فرض سيطرته ولجأ لاستخدام القوة
انبطح عونى على الأرض وتبعه معاذ بعد تطاير اثاث المنزل
كل ما يحدث فى الخيال فهو حقيقه
كل ما يحدث داخل عقلك يمكنه ان يصيبك
رفع عونى يده بصعوبه ولوح لمعاذ، اشارة يفهمها الأطباء النفسيين عندما يواجهو حالة انفصام فى الشخصيه
رفع معاذ صوته هو دا آخر إلى عندك؟
كنت فاكرك أقوى يا شريخ، أكثر ذكاء، عوض قضى على قوتك، انت مجرد كيان عادى
حل صمت رهيب اتبعته قهقهة طويله ساخره
قوم افتح الباب يا معاذ!!
لم تمضى سوى لحظه وسمع طرق على باب الشقه
فتح معاذ باب الشقه والضحكات تملاء الغرف والرواق
فيه ايه؟ صرخت فريدة لما لاحظت هلعهم وخوفهم
أشار معاذ تجاه عونى، شريخ هنا
بتقول ايه؟ همت فريده بالهرب، عندما وصلت الباب المفتوح صك الباب بقوة
مفيش شخص هيخرج من هنا حى
ارتمت فريدة فى حضن معاذ بخوف، كأنها تحتمى به من اخطار العالم
متخفيش همش معاذ بعطف مش هيقدر يعمل اى حاجه
شريخ اخرج من هنا، انت ملكش مكان، خطتك انكشفت مبقاش فيه أسرار!!
تحول صوت شريخ لصوت والدة معاذ تبكى وتصرخ ثم صوت خطيبة عونى
ثم مدحت
ثم خطيبته، ثم اخرين الكل يصرخ ويطلب النجدة
صخب حل بالشقه كأنها حانة سكارى، ثم صوت محمد إسماعيل الذى كان أكثر وضوح ومرقت صورته وهو مقتول امام عيونهم
صرخ صوت شريخ الكل تجمع هنا، الحفلة اكتملت!!
لسه واحد، صرخ عوض وهو يقتحم باب الشقه، نسيتنى انا يا شريخ
تعليقات
إرسال تعليق
فضلا اترك تعليق من هنا