رواية قلب نذار الفصل الثانى 2بقلم زهرة الربيع حصريه وجديده في مدونة قصر الروايات
رواية قلب نذار الفصل الثانى 2بقلم زهرة الربيع حصريه وجديده في مدونة قصر الروايات
2_شدها بكل قوتو بقت بين اديه في اخر لحظه بعد ما كانت هتخبطها
ريم مسكت فيه جامد وهيه بتترعش ونذار شدها عليه جامد وغمض عنيه وهو بياخد نفسو من الخضه بس خد بالو من الي حصل دفعها بقوه وقال بغضب...انتي حيوا،نه..كنت هموت بسبك...حد يمشي في نص الطريق كده
ريم بصتلو بغضب ودموع ولسه هتمشي مسك ايدها بقوه وقال..انا مش بكلمك..اقفي هنا رايحه فين
ريم بصتلو بقوه وغضب وقالت..وانت مالك...مالك بيا..سبني في حالي جاي ورايا ليه
ولسه هتمشي تاني شدها من ايدها بقوه وقال...يلا هنرجع البيت انا مش فاضي اقعد احايل فيكي يلا
ريم بصتلو بدهشه وقالت..بيت ايه ده..بيت ايه انت بتقول ايه..انت مش من شويه مشتني وقولت انك بتنتقم لاخوك واني محلمش ابقى مراتك وبصتلو بدموع وقالت...جاي ورايا ليه..متقولش ان ضميرك تعبك لان اشك يكون عندك ضمير اصلا
نذار بصلها بسخريه وقال..معاكي حق...معنديش ضمير وعمره ما هيبقى عندي طالما بتعامل معاكي ..لاني متعود تكون المعامله بالمثل...وانا مش جاي اخدك معايا علشان ندمان او ضميري تعبني لا قدر الله ..انا جيت لان امي شفقانه عليكي ومش عيزاكي تباتي في الشارع...انجري معايا من سكات
ريم قالت بغضب شديد.. لا شكرا ليك ولامك يا حبيب امك..انا لو هموت في الشوارع مش هرجع معاك ريح نفسك
نذار قال بغضب..وانا قولت هتيجي معايا انتي لسه على ذمتي وشرفك الي مش هامك ابدا يهمني انا..لولا اني شفتهم بياخدوكي ومشيت وراهم كان زمانهم باسطينك جوه وبصلها باستحقار وقال..لو اني متأكد انك مكنتيش هتمانعي
ريم كانت هتنفجر من الغضب ورفعت ايدها ولسه هتضربو مسك دراعها وشالها فجأه بغضب وقال...احلى حاجه فيكي خيالك واسع.. واخدها على العرييه ورماها جواها بغضب وقال...تخرسي خالص مش عايز اسمع اي صوت فاهمه
وركب وطلع بالعربيه وهيه كانت بتبكي طول الطريق ونذار متجاهلها تماما
بعد شويه وصلو الفيلا وسحبها من ايدها واتوجهه بيها ناحية اوضه مركونه في الجنينه
ريم كانت بتبكي وتعبانه جدا من كتر البكا وفتح الباب ودفعها جواها وقال...باتي هنا...لحد ما اشوفيلك مكان تروحي عليه
ريم بصتلو بدموع وبصت للمكان كان قديم ومتكسر وحتى الخدم مش بيقعدوهم فيه لانو محتاج صيانه مفيش فيه سرير وفيه ميه على كل الارض جايه من التربه قالت ببكا..مش عايزه افضل هنا..سبنا امشي انا هتصرف
ابتسم بسخريه وقال..لا واضح انك هتعرفي تتصرفي باماره اني جايبك من عند اتنين جرابيع من شويه ..اتخمدي هنا واحمدي ربك
نذار خرج وسابها وبقت تبكي جامد بانهيار وهيه بتفتكر الوقت الي كان بيقولها فيه انها اغلى حد عندو وانو بيعشقها ..كانت تشوف الحب في عيونه...ازاي طلع كل ده كدب بقت جامد لحد ما نامت على الارض
في صباح يوم جديد في مكان راقي جدا في احد البلاد الاجنبيه فاق من النوم على صوت تليفونه شاب في العشرينات مسك التليفون وقال بنوم الو اذيك يا نذار
نذار قال بحماس صباح العسل يا صلاح بقولك ايه عملتلك مفاجأه هتطيرك من السعاده بعتلك فيديو شوفو حالا ومن غير شكر
قال كده وقفل وصلاح استغرب جدا وفتح الفديو واتصدم لما شاف ريم بفستان الفرح وواقفه قدام كل الناس منهاره بالعياط..ونذار قال ببرود..زي ما سمعتي انا ميشرفنيش ان واحده زيك تبقى علي زمتي..ومش عايز اشوف وشك..ولعلمك مش هطلق هخليكي كده لا متجوزه ولا مطلقه
صلاح اتسعت عنيه بزهول وهو شايفها بتبكي وبتترجاه وبتقول..طب انا عملت ايه طب زعلتك في حاجه انت..انت مش قولتلي انك بتحبني و
بي قاطعها لما جرها من ايدها قدام كل الناس ورماها على الرصيف وقال...امثالك ميدخلوش الاماكن دي يا قذره يا وسخه
صلاح حط ايده على راسو بصدمه وبعتلو وكتب ...كلمني فيديو ..حالا..حااالا يا نذار
وفتح الاب واتصل على اخوه
نذارر كان في اوضو مبسوط وفخور بالي عملو وصلاح قال بغضب..انت ايه الي هببتو ده..ريم..ريم الي في الفديو انت اتجوزتها
نذار قال..مش جواز حقيقي انا كنت باخدلك حقك منها ورمتها زي الزباله يوم فرحها ورديت لها الي عملتو فيك..هيه فاكره انها ممكن تلعب بيك وتيجي يوم الفرح تهرب واسكتلها..اذا كنت انت سكت وسافرت ومش راضي حتى تتكلم في الموضوع فانا لا مش هعدهالها
صلاح ضرب على وشو بغضب وقال باندفاع .يخرييتك..انا السبب في كل الي حصل انا..انا مقدرتش اتكلم علشان انا الي غلطت
نذار بصلو بزهول وقال انت بتقول ايه
صلاح اتنهد وقال..ايوه يا نذار..قبل الفرح بيوم كنت عامل حفله لصحابي في شقتي وجات فيها بنت وبقت تجرجرني.. غوتني جامد ومقدرتش اقاوم بس طلعت سا،فله واتفاجأت بيها يوم الفرح بعتت لريم فيديو لينا سوا ..كنت خلاص جهزت والمعازيم بره وبعتتلي انا كمان وقالتلي انها بعت لها الفديو وان ريم مش هتيجي انا علشان كده كنت مصدوم في الفرح..حاولت اصالحها بعدها او اكلمها بس مقبلتش تسمعني ابدا خصوصا ان..ان البنت الي كانت نعابا تبقى جودي
نذار كان بيسمعه بصدمه شديده وقال...جودي..جودي مين..اوعي اتكون جودي اختها الي من ابوها..هيه صح
صلاح نزل راسة بحرج وقال..هيه...هيه ديما تقولي انها بتحبني بس انا كنت متأكد انها بتعمل كده علشان بتغير منها
نذار حط ايده على راسو وهو هيتجنن من الصدمه بقى يلف في الاوضه وقال..الله يخربيتك..ليه محكتليش كده من الاول هربت زي الجبان واحنا فاكرينك مجروح..انا سألتك سألتك كتير..ليه كنت بتقولي مش عارف ليه مجاتش الفرح ليييه ...يا انهار اسود انا دمرتها دمرتها قولتلها كلام ميتقالش انا كمان جرحتها واكتر ما انت عملت الله يخرب بيتك يا صلاح
صلاح كان منزل راسو بحرج وقال...انا مقولتش لاني كنت محرج ومش عايزكم تعرفو حاجه زي دي ..وانا مكنتش اعرف انك هتعمل كده يا نذار المهم انا قولتلك على الي حصل راضيها وطلقها وخلصنا
نذار قال بغضب...اخرس مش عايز اسمع صوتك..ده حتى اهلها قاطعوها اما فكرت تتجوزني احنا خسرناها كل حاجه حتى اهلها
قال كده وقفل الاب ونزل جري على الاوضه الي في الجنينه
اول ما فتح الباب اتفاجأ بريم نايمه على الارض و الاوضه كانت متلجه والشبابيك بتاعتها قديمه والباب كمان وفيه ميه على الارض دخل وهو بيبصلها بدموع وقعد جمبها على ركبو وبقى يبصلها بدموع وافتكر في مره قلها ليه مجاتش فرحها قالتلو انها مش عايزه تتكلم في الموضوع ده...بتتخنق لما بتتكلم فيه...وهو بغبائو افتكرها بتتهرب منو قرب عليها علشان يشلها بس اتفاجأ انها حرارتها عاليه جدا فال..يا خبر...ريم..ريم كلميني ردي عليا
بقلم....... زهرة الربيع
ريم فتحت عيونها بتعب وبصتلو بتوهان ورجعت غمضتهم تاني نظره سريعه تايهه جدا بس قدرت تنزل دموعه شالها بسرعه وقلبو بيضرب من الخوف وطلع بيها جري على الفيلا
وهو داخل امه وقفت باستغراب وهو قال بزعيق..اطلبي الدكتوره يا ماما..حالا لو سمحتي
واخدها وطلع على اوضتو وقفل الشبابيك والبلكون وغطاها كانت بتترجف من البرد وبتهلوس
نذار قعد جمبها بدموع ومسك ايدها بقى يفركها جامد وبيقول بدموع..حقك عليا انا اسف اسف يا ريم اسف ياحببتي
ريم كانت بتبصلو كل شويه بتوهان وبتهلوس وبترتجف
نذار قرب منها وبقى يحاول يدفيها وهيه حست بدفي شويه وبقت تمسك في دراعو واديها بتتترجف وبتقول بهلوسه..انا..انا بحبك يا نذار..بحبك ..متسبنيش
نذار نزلت دموعه وبقى يقربها ليه بقوه وقال...مش هسيبك ابدا مش هتبعدي عني يا ريم انا معاكي يا قلبي... وحس بشعور جميل جدا وهيه بين اديه لدرجه انو مكانش عايز يبعد ابدا
بعد شويه دخلت امه مع الدكتوره وكانت بتقول بخوف..اتفضلي يا دكتوره هيه هنا
ونذار قام بسرعه وقال..اتفضلي يا دكتوره..حرارتها عاليه قوي وبترتعش شوفيها ارجوكي
بعد شويه الدكتوره كتبت لها على خافص للحراره وحقن وجهزت حقنه وقالت..الحقن عضل ممكن تساعدني
نذار ارتبك شويه وريم كانت شبه سمعاهم بقت تهز راسها بالرفض بضعف ومش قادره تتكلم
نذار قال..اه..اه طبعا وشدها عليه بقت في حضنو ورفع هدومها شويه والدكتوره بقت تديها الحقنه وريم كانت بتضربو بايدها براحه جدا لانها مش قادره تتحرك واتالمت ومسكت فيه وقالت بصوت ضعيف وبكا...ااااه يا سا،فل يا حيو،ان...
الدكتوره رفعت حواجبها بدهشه وقالت..واضح ان المدام بتعزك
نذار ابتسم بحرج وقال...احم...جدا
الدكتوره كتبت الروشته ونزلت مع والدتو وهو فضل جمب ريم الي نامت اول ما اخدت الحقنه كان هينام معاها بس خد بالو ان هدومها متلجه من الرطوبه الي في الارض اتنهد وطلع قميص من قمصانو ولبسهولها وهو بيحاول يتمالك نفسو قدام جمالها المهلك وغطاها كويس وشدها لحضنه ونام
بعد ساعات فاقت ريم وحست بحد جمبها لقت نذار ماسك فيها بقوه بانت الدهشه على ملامحها بس افتكرت كل الي حصل زي احلام ووافكار متلخبطه افتكرت وهو بيجري بيها بلهفه وخوف وهو بيحاول يدفيها بس بان الغضب على ملامحها لما افتكرت الي عملو فيها في الفرح والكلام الي قالو دفعته وقالت...انت...انت يا اخ ووووو
تكملة الرواية من هنااااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق
فضلا اترك تعليق من هنا