رواية عشق طاغي الفصل الثانى 2للكاتبة حنان حسن (حصريه وجديده وكامله في مدونة قصر الروايات)
رواية عشق طاغي الفصل الثانى 2للكاتبة حنان حسن (حصريه وجديده وكامله في مدونة قصر الروايات)
الجزء الثاني ..عشق طاغي للكاتبة حنان
عشق طاغي الجزء الثاني
الساحر سخرلنا عفريت من&حرف .. وعاشق للمليطة وكان كل همة انة يعمل شهر عسل معايا ان...
الساحر سخرلنا عفريت من&حرف .. وعاشق للمليطة
وكان كل همة انة يعمل شهر عسل معايا انا وصابرين
في وقت واحد
والغريبة ان صابرين بنت عمي كانت موافقة وحابة الموضوع اوي
لكن انا رفضت...اني انفذ رغبتهم
ويظهر عشان عارضتهم صابرين عاقبتني...
واخدت شنطتي وفلوسي وسابتني في الشارع وهربت
بصراحة ..هو دا الظن الي جه في دماغي
لما صابرين سابتني لوحدي باليل في البلد الغريب الي نزلنا فيه
و راحت تشحن الموبيلات ومرجعتش بعدها
لكن ساعتها الي هداني شوية
هو اني شوفت شخص جاي من بعيد
في الاول افتكرتها صابرين هي الي جاية عليا بعدما شحنت الموبيلات
لكن لما الشخص قرب اكتر
اكتشفت ان الشخص دا (راجل)
مش بنت
واتصدمت لما لقيت عينة بتلمع وبيعرج
لان دي مواصفات العفريت (طاغي) الي صابرين قالتلي عليها
فا اترعبت وبقيت في قمة الهلع
وخصوصا انه كان بيقرب عليا وكان واضح انه جاي و قاصدني انا
ساعتها فضلت اتحقق منه وانا بقول لنفسي
ياتري دا الزبون ولا...
دا العفريت الي صابرين قالتلي علية؟
واول ما الشاب قرب مني
استبعدت ان يكون دا العفريت لانة كان لابس نظارة
ومعتقدش ان في عفريت بيلبس نظارة
واكتشفت كمان ان انعكاس الضوء علي النظارة هو الي كان مخليها بتلمع من بعيد
يعني عنيه نفسها مكنتش بتلمع
وبالنسبة للعرج الي في رجلة فا اي شخص ممكن يعرج عادي
المهم...
لما الشاب قرب عليا
لقيتة بيشخط فيا
وبيقولي..
انتي مبترديش عليا لية ؟
دا انا بقالي يجي نصف ساعة برن عليكي
في اللحظة دي
شكيت ان الشاب الي بيكلمني دا يكون الزبون اياه
واكيد صابرين اديتلة رقمي
فا رديت بنبرة حادة
وقلتلة...موبيلي فاصل شحن
وصابرين اخدتة وراحت تشحنة ولسة مجتش
فا رد عليا وهو بيعمل اتصال علي موبيلة
وقالي..يا بنتي بلاش تحوري
الموبيل بتاعك بيرن في ايدي اهوه
وبسرعة فتح السماعة الخارجية للموبيل
وسمعت رنين الموبيل فعلا
واثناء ما كان الرنين شغال
لقيتة بيقولي..
ازاي بتقولي ان موبيلك فاصل شحن؟ وموبيلك بيرن؟
وشخط فيا تاني
وقالي...
لو مش عايزة تشتغلي قولي مش هشتغل..
لكن متكدبيش عليا لانك كده هتخليني اقل منك واهزقك
في اللحظة دي
كنت عايزة اصرخ في وشة
واردله الاهانة
لكن ... الي وقفني هو صوت حريمي كا صادر من موبيل الشاب الي كان بيهزقني حالا
وسمعت صوت واحدة ست من خلال موبيلة بتقول ...الوووه
فا لقيت الشاب بيشاورلي
وبيقولي لحظة واحدة
وبعدها رد علي موبيلة
وكان واضح انه اتصدم لما لقي الرقم الي كان فاكره رقمي انا بيرد علية
وبعد ما كان بيتخانق معايا
نقل الخناقة مع الست الي بيكلمها علي موبيلة
وفضل يسالها
ويقولها ...
كلام اية الي سمعتية عننا يا بتاعة انتي
وازاي تصرفي نظر عن الشغل معانا و ترجعي في نفس العربية تاني بدون ما تعرفيني ؟
وفضل يسمع لها شوية
وفي الاخر
شخط فيها وقالها...
عموما براحتك احنا اصلا مكنش ينفع اننا نشغل حد زيك معانا
يلا في ستين...سلامة
وبعدما انتهي من المكالمة
لقيت الشاب بيبصلي باسف
وقالي...بصراحة مش عارف اقولك ايه؟
ولا اعتذرلك ازاي
علي سؤ الفهم الي حصل من شوية ده
فا بصيتلة بدهشة
وسالتة...
وقلتلة..ممكن افهم حضرتك كنت بتزعقلي لية؟
فا رد بادب
وقالي...حاضر هفهمك
اصلنا المفروض اننا كنا طالبين جليسة عشان تراعي واحدة ست كبيرة عندنا
المهم
الجليسة اتصلت بيا وقالتلي انها جاهزة للشغل و موافقة انها تيجي وتراعي الحالة الي عندنا
فا اتفقت معاها علي كل حاجة وحتي معترضتش علي الراتب الكبير الي طلبتة
وركبت من بلدها وجت فعلا لغاية هنا
وكمان اتصلت عليا وعرفتني انها وصلت بالفعل
وطلبت مني اني ابعتلها حد يجي ياخدها
فا جيت بنفسي عشان اجيبها
وطول الطريق برن عليها وهي مش بترد عليا
اتاريها غيرت رايها في اخر لحظة ورجعت تاني مع التاكسي الي وصلها لغاية هنا
ولما شوفتك واقفة ومعاكي شنط سفر... افتكرتك هي
ومش عايزة تردي علي مكالماتي
عشان كده اتعصبت عليكي
وبجد انا اسف
فا رديت عليه
وقلتلة...خلاص محصلش حاجة
فا بص الشاب علي الشنط الي معايا تاني
وقالي...
هو انتي جاية لمين هنا؟
لما سمعت سؤالة اتلخبطت
ومبقتش عارفة اقولة ايه
و مكنش ينفع اقولة ان انا وبنت عمي كنا جايين نعا&شر راجل ثري لمدة اسبوع
المهم
رديت بعد تفكير
وقلتلة... احنا كنا جايين انا وبنت عمي عشان نمرض راجل مسن
ساكن هنا...
لكن محصلش نصيب
فا سالني تاني
وقالي
يعني ايه محصلش نصيب؟
فا اتلجلجت في الكلام شوية
وبعدها قلتلة
اصلة...اصلة.. طلع نصاب
وخلانا نيجي انا وبنت عمي لغاية هنا بعدما وعدنا انه يوفر لينا شغل براتب كويس
لكن للاسف لما جينا وحاولنا نتصل عليه لقيناه قفل الموبيل بتاعة
وعمل فينا
زي ما عملت الجليسة بتاعتكم بالظبط
فا رد الشاب بتأثر
وقالي..امال فين بنت عمك ؟
فا رديت
وقلتلة ..راحت تشحن
اصلنا انا وهي كنا محتاجين
نتصل با اوبر عشان نركب اي مواصلة للمحطة ترجعنا القاهرة
لكن اكتشفنا ان موبيلاتنا فصلوا شحن
فا اخدتهم بنت عمي تشحنهم
بس المشكلة انها سابتني بقالها اربع ساعات
وللاسف من ساعتها مرجعتش
فا بصلي الشاب بدهشة
وسالني
وقالي...يعني انتي واقفة مكانك كده بقالك اربع ساعات؟
فا هزيت راسي
وقلتلة...ايوه دا الي حصل للاسف
فا خرج الشاب موبيلة
واتصل علي شخص ما
ولقيتة بيقولة
هات حد من الامن وتعالي عند فيلا ٨b
فا وقفت ابصلة
وانا مش فاهمة هو بيطلبلي الامن لية ؟
وبعد شوية
لقيت عربية صغيرة شبيهة بالتوكتوك لكن علي نظيف
المهم
العربية جت وقفت جنبنا
وخرج منها اتنين لابسين لبس الامن المسؤال عن المكان
فا شرح لهم الشاب
قصة بنت عمي الي تايهة في المكان
وقالهم اول ما تعثروا عليها
هاتوها علي فيلا فارس بيه
في اللحظة دي
اتدخلت في الكلام
وقلتلة ..لية بتقولهم يجيبوا صابرين علي الفيلا
متخليهم يجبوها علي هنا
مكان منا واقفة
فا رد الشاب
وقالي...
لا مهو مش هينفع تقفي تنتظري في الشارع اكتر من كده
انتي هتيجي تنتظريها في الفيلا عندنا
واهو بالمرة تاخدي شاور وتريحي شوية من عناء السفر
في اللحظة دي
حاولت ارفض ضيافتة
لكن الشاب قاطعني
وقالي...
متقلقيش الفيلا فيها مراتي ومامتها واهلها كلهم...
فا هزيت راسي بالموافقة
وقلتله..ماشي هاجي معاك
اصل بصراحة عرض الضيافة الي عرضة عليا الشاب جه في وقتة
لاني فعلا كنت مرهقة وتعبانة وهدومي كانت متربة بتراب السفر
وكنت محتاجة فعلا اني اخد حمام دافي
واكل اكلة سخنة
المهم ..
مد اسلام ايده ليا عشان يصافحني ويعرفني بنفسة
وقالي..
انا اسلام
فا اتحرجت منه ومديت ايدي له وصافحتة
وقلتلة...وانا مي
فا رحب بيا وقالي
اهلا بيكي يا مي
اتفضلي الفيلا قريبة من هنا
ومتقلقيش علي الشنط
انا هقول للامن يوصلوها علي الفيلا
وفعلا روحت معاه علي الفيلا بتاعتهم
وبمجرد ما شوفت الفيلا
من جوه انذهلت
اصلي اول مره كنت اشوف فيلا في الحقيقة بالفخامة دي
الفيلا فعلا كانت فخمة وشيك جدا ...وكان واضح ان اصحابها ناس اثرياء جدا
بمجرد ما دخلنا جوه الفيلا
اخدني اسلام علي ريسيبشن كبير وفخم..
وقالي
اتفضلي اقعدي هنا
علي ما اجيب مراتي واجي
فا ابتسمت بخجل
وقلتلة...اتفضل
وبعدما اسلام مشي من ادامي
فضلت ابص حواليا
وفي اللحظة قدرت اتفحص الريسبشن بحرية..
واول حاجة لفتت نظري هي صورة كبيرة متعلقة في الرسيبشن..
وكانت صورة لفارس راكب حصان
و الفارس كان اسمر و فيه شبة كبير اوي من الممثل الهندي شاروخان ....
واسم شاروخان خلاني افتكرت كلام صابرين عن الزبون بتاعها
فا اخدني الفضول اني اقرب من الصورة
واشوف ان كان فعلا دا الممثل ولا شخص يشبهلة
وبسرعة روحت وقفت ادام الصورة عشان اتحقق منها
لكن للاسف ملحقتش اتحقق من حاجة
لاني في اللحظة دي
سمعت صوت راجل واقف ورايا
وكان بيسألني
وبيقولي...اتأخرتي لية
فا التفت للخلف بسرعة
عشان اشوف مين دا الي بيقولي اتأخرتي ليه؟
وفي اللحظة دي
اتفاجئت ادامي بالفارس الي في الصورة
(شبيه شاروخان)
واتفاجئت كمان انه كان ماسك عكاز في ايدة
وواضح ان رجلة فيها مشكلة يعني ...بيعرج
بصراحة لحظتها بطني وجعتني من شدة الرعب
وفضلت متنحالة
وانا بفكر بيني وبين نفسي
وقولت ..يظهر ان الزبون لما لقي صابرين فشلت انها توصلني لغاية عنده ..قال يستدرجني بطريقتة
المهم
بصتلة بغضب
وقلتلة..
هو انت الي بعتلي فارس عشان يجيبني ؟
فا رد
وقالي...
ايوه انا الي بعتة يجيبك
في اللحظة دي اتأكدت من ظنوني
فا سالتة عن صابرين بسخرية
وقلتلة.. امال الهانم فين؟
فا شاور لي علي فوق
وقالي..في اوضتها فوق
فا قلتلة..طب ممكن تندهلها
عشان عايزاها
فا برق عنية
وقالي..
هو انتي عايزاها هي الي تنزلك وتجيلك لغاية عندك ؟
وفجاءة لقيتة صرخ فيا
وقالي ...
روحي يا انسة مع
الشغالة وهي هتوريكي اوضتها فين
وفي اللحظة دي
لقيت الشغالة اتنفضت من صوت زعيقة .. وبقت عاملة زي الي لمست سلك عريان
وفضلت تزق فيا وتقولي فوتي ادامي بسرعة
وبالفعل طلعت معاها من سكات
وانا معتقدة اني طالعة لصابرين بنت عمي
لكن لما طلعت مع الشغالة ودخلت الاوضة اياها
ملقتش صابرين في الاوضة
واتفاجئت بواحدة ست في الثلاثنيات من عمرها
لكن باين عليها من نظراتها انها حربوقة... وبتغير من هدومها
ودا عرفتة من نظراتها ليا الي كانت بتفصصني من فوقي لتحتي
المهم..
بمجرد ما دخلنا انا والشغالة عليها
لقيت الشغالة بتسالها
وبتقولها
فين الست الكبيرة؟
فا ردت بقرف
وقالتلها..في الحمام
عايزاها لية؟
فا شاورت الشغالة عليا
وقالتلها
اسلام بية جاب الجليسة الجديدة
وفارس بية قالي خديها طلعيها عند الهانم الكبيرة
في اللحظة دي بس فهمت
سؤ الفهم الي حصل
وعرفت بالبديهة كده
انهم اعتقدوا اني انا الجليسة الي كانوا بينتظروها
فا حاولت اوضحلهم اللخبطة الي حاصلة
لكن الست الحربوقة قاطعتني
وقالتلي...
انتي يا حلوة متعودة تروحي شغلك وانتي حاطة كل الروج دا علي شفايفك كده
فا بصتلها بتعجب
لانها كانت حاطة مكياج اوفر
وجاية عايزة تنتقدني
المهم...
قلتلها...روج ايه ؟
انا مش حاطة مكياج خالص
فا نادت علي الشغالة
وقالتلها...هاتي يا بت منديل وامسحيلها الهباب الي علي وشها دا وخليها تشوف الروج علي المنديل
يمكن تتكسف من كدبها
فا قربت مني الشغالة بالمنديل الي في ايديها وفضلت تدعك في شفايفي
لدرجة انها وجعتني
وبعدها راحتلها الشغالة بالمنديل
وقالتلها...يظهر انها مش حاطة حاجة علي وشها فعلا
لان المنديل نظيف
في اللحظة دي
قلت ادايقها زي ما دايقتني
ووجعتني
فا ابتسمت ببرود
وقلتلها...الروج دا للبنات الوحشة
لكن الي حلاوتها رباني هتحط روج لية؟
في اللحظة دي
ردت عليا الست الحربوقة
بغيظ
وقالتلي..
يلا يا شاطرة اتكلي علي الله من هنا
احنا خلاص جيبنا جليسة تانية
وكنت فعلا هخرج
واسيب الاوضة والفيلا كلها
لكن..سمعت صوت جاي من اخر الاوضة
بيقولي
استني يا شاطرة
فا بصيت ناحية الصوت
ولقيتها ست كبيرة
فا عرفت ان هي دي الهانم الي عايزينلها جليسة
المهم
فضلت الست الكبيرة
تطبطب عليا
وتقولي...
متزعليش منها يا امورة
اصل البت الي ادامك دي تبقي بنت سلفتي ..
وللاسف طالعة لامها
و طول عمرها بتغير من البنات الحلوة
بعدما سمعت
الكلمتين الي قالتهم الست الكبيرة
بصيت علي الحربوقة عشان اشوف رد فعلها
لقيتها اخدت موبيلها وطرحتها
واتوجهت لباب الاوضة عشان تخرج في صمت
لكن نظراتها الي بتطق شرار من عنيها كانت بتقولي
وحياة امك لاستناكي بره
وبعدما بقينا انا والست الكبيرة لوحدنا
اقتربت منها واتأسفت علي الموقف الي حصل
وقلتلها...انا عايزة اقول لحضرتك اني كده كده كنت همشي و .....
وقبل ما اكمل كلامي
لقيتها بتزعقلي
وبتقولي...
يعني ايه تمشي
انتي عايزة بنت صفية تقول ان كلمتها مشيت عليا
وفي لحظة غضبها وانفعالها
مسكت الموبيل
وقالتلي ..
انا بقي هقول لجوزها عشان تحرم تتعدي حدودها
واتصلت برقم في موبيلها
وشوية و لقيتها بتكلم جوزها
و بتقولة..
اطلعلي يا اسلام...
وفي اللخظة دي
عرفت ان الست الحربوقة دي تبقي زوجة اسلام
وبالفعل في لحظات وصل اسلام لغرفة الست الكبيرة
وطبعا اتفاجئ بيا عندها
لكن معلقش
المهم...
طلبت الهانم الكبيرة من اسلام يقعد عشان تقولة علي الي عملتة زوجتة
لكن اسلام اعتذرلها
وقالها..
ياريت حضرتك تأجلي الموضوع الي عايزاني فيه
لغاية ما اروح اقابل الظابط الي عايزني تحت واجي
فا ردت الهانم
وقالتلة...والضابط عايزك ليه
فا رد اسلام بتوتر
وقالها...الجيران لقوا جثة لفتاة في العشرينات...وواضح ان الموضوع فيه شبهة جنائية لانهم لقوا
جثتها عريانة
فا الست الكبيرة سالتة تاني
وقالتلة...برودوا مفهمتش رجال الشرطة عايزينك انت لية
فا رد اسلام
وقالها...اصلهم لقوا الجثة جنب المشتل بتاعي
عشان كده رجال البوليس طالبين يتكلموا معايا
وبالفعل نزل اسلام يشوف ايه موضوع الجثة الي لقوها جنب المشتل بتاعة
في اللحظة دي
معرفش ليه قلبي اتقبض واترعبت
وخوفت لا تكون ...الجثة الي لقوها دي لصابرين بنت عمي
يلهوي ..دا لو طلعت صابرين
بنت عمي
تبقي كارثة وفضيحة بجلاجل
وكان لازم اتأكد بنفسي
عشان كده نزلت اجري ورا اسلام
واثناء ما كنت نازلة بجري
وبنادي علي اسلام
خبطت غصب عني في شخص كان طالع وانا نازلة
ولما اتحققت من الشخص دا
لقيتة الشاب شبيه شاروخان
الي قابلتة اول ما دخلت الفيلا
ولحظتها لقيتة بيبصلي بصة غريبة اوي
لكن انا عملت نفسي اني مخدتش بالي
وسيبتة وخرجت من باب الفيلا
ولحسن الحظ اني لحقت اسلام قبل ما يمشي
فا جريت علي اسلام
وقلتلة...
من فضلك خدني معاك عشان انا قلقانة علي بنت عمي
وفعلا اخدني اسلام
وروحنا لمكان الجثة
وبالرغم من ان الجثة كانت متغطية بورق جرايد
لكن بمجرد ما شوفت الجثة في الارض
شعرت بدوخة ورجليا مكنتش قادرة تشيلني
لكن قاومت وقلت لازم اتأكد ان كانت دي جثة صابرين ولا لا
وانتهزت فرصة ان الضابط بيرفع الجرنال من علي وجه الجثة واقتربت اكتر عشان اتحقق منها
وبمجرد ما شوفت الجثة اتاكدت انها.......
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية عشق طاغي الفصل الثانى 2للكاتبة حنان حسن (حص…){kind=link}
تعليقات
إرسال تعليق
فضلا اترك تعليق من هنا