رواية عشق طاغي الفصل الثالث 3للكاتبة حنان حسن (حصريه وجديده وكامله في مدونة قصر الروايات)
رواية عشق طاغي الفصل الثالث 3للكاتبة حنان حسن (حصريه وجديده وكامله في مدونة قصر الروايات)
الجزء الثالث..عشق طاغي للكاتبة..حنان حسن
عشق طاغي الجزء الثالث للكاتبة...حنان حسن جثة بنت عمي العريانة.. هتكون سبب في فضيحتي انا.. وهي لان ظهور الجثة في المكان دا هيكشف...
عشق طاغي
الجزء الثالث
للكاتبة...حنان حسن
جثة بنت عمي العريانة..
هتكون سبب في فضيحتي انا.. وهي
لان ظهور الجثة في المكان دا هيكشف حقيقة الشغلانة الشمال الي كنا مسافرين عشانها
هي دي الافكار السوداء
الي خطرت علي بالي
لما اعتقدت ان الجثة الي لقوها ..هي جثة صابرين بنت عمي
عشان كده روحت بسرعة مع اسلام عشان اتعرف علي هوية الجثة
وبالفعل روحت للمكان الي كانوا محتفظين فيه بالجثة
واول ما الضابط رفع الغطاء
عن وجهها
شوفتها كويس واتحققت منها
ولحظتها لقيتني بتنفس بارتياح وبحمد ربنا
لان الجثة مطلعتش جثة صابرين
وبسرعة بصيت لاسلام
وقلتلة...الجثة دي مش جثة بنت عمي
لكن اسلام مردش عليا
و اخدت بالي انة انزعج اول ما شاف الجثة
لدرجة ان الضابط اخد باله من انزعاجه وسالة
وقاله...انت تعرف صاحبة الجثة دي
فا رد اسلام باسف
وقالة...ايوه اعرف هي مين
لكن ...معرفهاش معرفة شخصية
فا اتعدل الضابط في وقفتة
وسالة تاني
وقالة...لا بالراحة كده وفهمني الفزورة الي انت قولتها دلوقتي دي
يعني ايه تعرفها لكن متعرفهاش؟
في اللحظة دي
خرج اسلام موبيلة من جيبة وبدء يوضح اجابتة المتناقضة للضابط
وقالة...احنا من فترة عملنا طلب علي ابليكشن علي النت وطلبنا جليسة لامراة مسنة
وفعلا تواصلت معايا جليسة
فيها كل الشروط الي انا حنا طالبينها
وساعتها بعتتلنا بيانتها وصورتها كانت من ضمن البيانات
وبسرعة قرب اسلام موبيلة من الضابط
وقالة...هي دي الصورة الي بعتتها
وهي دي البيانات بتاعتها
فا رد الضابط وهو بيتأمل في صورة صاحبة الجثة
وقاله...هي اشتغلت عندكم اد ايه...واخر مره شوفتها كانت امتي
فا رد اسلام
وقالة...للاسف هي مشتغلتش عندنا ولا يوم...
لانها مجتش في المعاد الي اتفقت معانا علية ولا جت الفيلا من اصلة
فارد الضابط
علي اسلام
وقالة...يعني دي كل علاقتك بالقتيلة ؟.. متأكد انك عمرك ما شوفتها ولا اتعاملت معاها في الحقيقة ؟
فا رد اسلام بثقة
وقال...متاكد طبعا
فا اكتفي الضابط بالاسألة الي كان بيوجهها لاسلام لغاية كده
واتجه ناحيةالشهود الاخرين
في اللحظة دي
انا كنت واقفة مزهولة
وبسال نفسي
اكتر من سؤال
اولا..هي الجليسة لحقت تتق&تل امتي؟
دا انا لسة سامعة صوتها لما كانت بتتكلم مع اسلام في الموبيل
وبعدين ليه اسلام مجبش سيرة المكالمة الي تمت بينة وبينها للضابط ؟
ولما هي كانت لسة هنا في المكان ومسافرتش ليه قالت لاسلام انها رجعت بالتاكسي تاني
ولية فضلت في المكان
وياتري مين الي قتلها ؟
وقتلها لية؟
كل الاسألة دي كنت بتدور في دماغي
وانا واقفة ببص علي الجثة
وساعتها القلق علي صابرين بدء يتسرب لقلبي
المهم..
اثناء ما كنت شاردة بذهني
سمعت صوت اسلام
الي كان بينادي عليا
وبيقولي...
ايه يا مي انتي مش سامعاني ولا ايه؟
فا انتبتهلة
وقلتلة
انت بتكلمني ؟
فا رد اسلام
وقالي...كنت بقولك ارحمي نفسك من المناظر دي و يلا نرجع علي الفيلا
فا رديت
وقلتلة...
قبل ما نرجع علي الفيلا
عايزة احكيلك عن سؤ الفهم الي حصل مع الجماعة هناك
وبالفعل سردت لاسلام السبب الي خلاهم يفهموا اني انا الجليسة الجديدة...
وقولتلة كمان
علي اصرار الهانم الكبيرة والحاحها علي اني اشتغل عندها
وكنت فاكره ان اسلام
هيتدايق من سؤ الفهم الي حصل
لكن الغريبة انة بعدما سمع كلامي للاخر
رد ببرود
وقالي...
خلاص خليكي مع الهانم الكبيرة... واشتغلي عندها ومتزعليهاش
فا بصتلة بتعجب
وقلتلة..اشتغل عندها ازاي يعني؟
فا رد اسلام
وقالي...اسمعي يا مي
انتي جيتي هنا.. انتي وبنت عمك
عشان كنتي محتاجة شغل
وادي الشغل اتوفر اهوه
وبراتب كبير و مغري كمان
فا ايه المانع انك تقبلي بوظيفة الجليسة؟
بعدما سمعت اقتراح اسلام
رديت بدهشة
وقلتلة..ايوه بس هشتغل هنا ازاي وانا مش معايا اوراق تثبت هويتي
الناس هنا اكيد هيطلبوا مني بطاقة شخصية... او ..اي اوراق تعرفهم انا مين
فا رد اسلام
وقالي..
اولا هما كلهم فاهمين دلوقتي ان انتي الجليسة الجديدة بالفعل
ويا ستي لو علي البطاقة...
فا سهلة
انا هقدر اتصرف في الموضوع دا
لان انا مدير اعمال فارس
وانا الي بعين الموظفين هنا
ولو سالوني عن موضوع اثبات الهوية بتاعك
هقولهم اني شوفت بطاقتك الشخصية بعيني
ومعايا صورة منها كمان
دا غير اني هعملك راتب كبير
فا ابتسمت
وقلتلة
بجد شكرا علي الثقة دي يا اسلام
فا ابتسم اسلام
وهو بيبصلي
وقالي...لا شكر علي واجب
ومن النهاردة انتي مسؤلة مني
زي نادية اختي بالظبط
وشوية كده هجيبلك موبيل جديد وخط واسجلك فيه رقمي
في اللحظة دي
افتكرت زوجة اسلام الحربوقة
فا رديت بسرعة
وقلتلة ..
لا بالله عليك...
مش عايزة موبيلات ولا خطوط
انا بس كل الي عايزاه منك هو انك تساعدني اني الاقي صابرين بنت عمي
فا رد اسلام
و قالي...
انا فعلا كلمت ناس هنا
وطلبت منهم يبحثوا عنها
فا شكرتة لتاني مره
وبعدها...
شاورتلة علي الفيلا
وقلتلة...انا كده اتاخرت علي الشغل ولازم اطلع
وبالفعل...دخلت علي الفيلا وكنت هطلع علي غرفة الست الكبيرة
لكن الشغالة وقفتني
وقالتلي..
ان الطبيب لسة خارج من عند الست الكبيرة
وطلب مننا اننا نسيبها ترتاح بعد الحقنة الي خدتها
ودلوقتي تعالي عشان تتعشي و اعرفك مكان الغرفة الي هتنامي فيها
فا رديت عليها وانا بفرك في عيني
وقلتلها...لا انا مش عايزة اكل انا بس محتاجة اني انام
فا قالتلي ..براحتك
تعالي بقي اوريكي غرفتك
الي انا حطيتلك شنطك فيها
وفعلا...روحت مع الشغالة علي الغرفة الي هنام فيها
وبمجرد ما الشغالة سابتني وخرجت
حطيت راسي علي المخدة
وبمجرد ما غمضت عنيا روحت في النوم
ومحستش بالدنيا
لكن يظهر اني مكنش ليا نصيب اني انعم بالنوم لغاية الصبح
لاني قلقت من النوم لما شعرت بحركة مش طبيعية
وكأن في شخص معايا في السرير...وبيتحرش بيا
فا انتفضت من السرير بسرعة
ولما حاولت افتح عيني عشان اتأكد ان كنت بحلم ولا دا بيحصل حقيقي
مشوفتش اي حاجة
لان الدنيا كانت ضلمة
فا ناديت وانا برتجف
وقلت...
مين الي في الاوضة؟
في اللحظة دي
سمعت صوت غريب
زي ما يكون صوت راجل مخنوق
والكلام بيطلع منه بالعافية
ولقيتة بيقولي...
متخافيش يا مي
انا ..(طاغي )
افتحي بوقك عشان تبلعي الثعبان
في اللحظة دي
انتابتني حالة من الهلع
وصرخت صرخة واحدة فقط
للاسف
لان قبل ما انفجر بالصراخ
اتفاجئت بشيئ بيدخل في بوقي
وبعدها بثواني
حسيت بحاجة زي القماش اتحطت علي وجهي
وبمجرد ما شعرت بملمس القماشة علي وجهي
غيبت عن الدنيا ...
ومعرفش ان كنت فقدت الوعي ولا روحت في النوم
لكن...
لما صحيت الصبح اتفاجئت بكارثة........؟
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية عشق طاغي الفصل الثالث 3للكاتبة حنان حسن (…){kind=link}
تعليقات
إرسال تعليق
فضلا اترك تعليق من هنا