رواية مجنونه اسرت قلبي الفصل الخامس 5الاخير بقلم زهرة الربيع حصريه وجديده في مدونة قصر الروايات
رواية مجنونه اسرت قلبي الفصل الخامس 5الاخير بقلم زهرة الربيع حصريه وجديده في مدونة قصر الروايات
5_والأخير
اتفاجأ برقيه بتلم هدومها في شنطه استغرب وقال ...بتعملي ايه يا رقيه
رقيه قالت بضيق..زي ما انت شايف ماشيه هاخد يومين عند طنط سعاد صاحبه ماما
فريد وقف باستغراب وقال ..انتي بتقولي ايه تروحي عند ست منعرفهاش ليه ما عندكيش اهل
رقيه ابتسمت بسخريه وقالت. لا ما عنديش اهل ..لو كان عندي مكنتش اضطريت اتجوزتك ولا اضطريت افضل هنا وانت بتخطب وبتجهز لجوازك عليا قدام عيوني.. مش هستنى احضر فرحك الليله كمان مش هقدر
فريد بصلها بدموع وقرب منها وقال... انا عارف انها صعبه عليكي بس ارجوكي ما ينفعش تمشي
رفيه قالت بدموع..ارجوك يا فريد قدر موقفي زي ما انا مقدره موقفك ..مش هقدر اشوفك وانت بتتجوزها وقاعدين مع بعض في الكوشه مش هقدر استحمل الحاجات دي كلها ..ونزلت دموعها وهي بتلم هدومها بقهر
فريد اتجمعت الدموع في عنيه وشدها بقوه وبقى يضمها بكل قوته وقال انا مقدر اللي انتي فيه وفعلا كان المفروص تمشي من اول الموضوع لحد اخره .. بس مش هقدر استغنى عنك ابدا مش عارف هاعيش اليومين دول ازاي
رقيه بعدت عنه وقالت ..عندك عروستك هتنسيك الدنيا و شدت شنطتها ولسه هتمشي مسك ايدها وقال...هترجعيلي تاني يا رقيه مش كده علشان خاطري
رقيه قالت بدموع ..اطمن يا ابن عمي..هرجع لاني معنديش مكان اروحه...واكيد مش هفضل عند الناس اكتر ... قالت كده ومشيت بدموع ورفضت حتى انه يوصلها
فريد بقى يبص لطيفها وهيه بتبعد وكانت دموعه بتنزل بحسره ولسه راجع البيت شاف رنا واخوها بيتخانقو جامد من بعيد اتقدم عليهم
محمد كان بيقول بغضب ...انتي وعدتيني انها هتكون ليا مش هتمشيها
بقلم.....زهرة الربيع
رنا قالت بارتباك.. اسكت لحد يسمعك في ايه ما انا قولتلك هي ملهاش مكان غير هنا وهترجع
محمد قال بغضب.. ايوه بس انا خايف ترفض ترجع
رنا قالت بضيق...ده ايه الغباء ده بقواك معندهاش مكان تروحه ..وبعدين كده احسن اول ما انا اتجوز هطفشها واطلقها منو وهتبقى ليك .. فاهدى كده ومتبوظليش خطتي صدقت ما وصلت ليوم الفرح ..انا طلعت عيني وقلبي كان هيوقف لما روحت معاه نعمل فحص صحي علشان كتب الكتاب وصدقت ما جبت ورقه الصحه من غير ما ياخد باله لو عرف الي مخبياه كنت روحت فيها انا سبتها عند والدتو هنا لان بابا وماما زيو ومش اازم يعرفو لحد بعد الفرح وانبي يا محمد
محمد هدي شويه وقال.. هما يومين بعد الفرح لو رقيه ما رجعتش هخربها عليكي يا رنا..ولسه هيمشي اتفاجأو بفريد قدامهم
ارتبكو جدا ورنا قالت بخوف..فريد ..فيه حاجه يا حبيبي
فريد كان سمع كلامهم ومستغرب جدا مفهمش اي حاجه وما كانش في اي كلمه واضحه غير انها جابت ورقه الصحه وخبتها علشان ميشوفهاش حس بحاجه غريبه بس مرضيش يتكلم قال..ابدا جيت اقولك الاتليه جاب الفستان بتاعك ولا لسه
رنا اتنهدت بارتياح وقالت...خلاص كلمتهم وزمانه على وصول
فريد ابتسم وقال..طيب عن اذنك
وطلع عند والدتو بسرعه وقال...ماما ..عايز فحص الصحه بتاع رنا لو سمحتي
امه قالت باستغراب ليه ..مش المأذون هيجي بالليل
فريد قال بسرعه..انا عايزها دلوقتي ضروري يا ما لو سمحتي
امه استغربت ودخلت جابتها واديتهالو وهو شدها من ايدها بسرعه وفتحها واللي توقعه لقاه وكانت كل التحاليل نظيفه..ومفيش اي حاجه هي قالتلو عليها هيه والدكتوره والقلب سليم اتسعت عينيه بصدمه
و انزل لها بيها جري وقال بغضب رهيب... ايه ده.. ايه ده يا هانم
رنا ارتبكت وبقت تبص للعمال اللي كانوا بيبصولها وقالت بخوف.. انا ..انا هفهمك خلينا ندخل جوه
قال بزعيق وندخل جوه ليه وبص للناس وقال..اتفضلو وفلوسكم هتوصلكم احنا لغينا الفرح
رنا بقت تبكي وقالت...لا..لا وانبي يا فريد انا عملت كل ده لاني بحبك والله بحبك يا فريد..مش عايزه واحده غيري تاخدك مني ارجوك اسمعني.. اسمعني الاول
فريد زقها بغضب وقال... انا اللي غلطان اللي اتعاملت معاكي بطيبه قلب ورحمه انتي متستاهلهمش .. قلت ما ازعلش واحده تعبانه وممكن تروح فيها بسببي استغليتي طيبه قلبي دي في انك تبعديني عن مراتي اللي بحبها ومحبتش غيرها طول عمري
رنا قالت بغضب..لا لا يا فريد انت ليا انا انا اللي بحبك مش هي دي رمت نفسها من البلكونه علشان مش عايزاك
فريد قال بغضب شديد... رمت نفسها من البلكونه بسبب جوازي منك...لاني اتجاهلتها وهتجوز عليها كانت بتعمل كل ده لانها بتحبني لو خسرتها مش هرحمك يا رنا مش هرحمك
وجري زي ماهو بلبس البيت بسرعه رهيبه وقف اول تاكسي وطلع على محطه القطر
رقيه كانت مستنيه القطر يجي ودموعها بنتنزل بحزن شديد وهيه بتفتكر كل لحظه معاه وقد ايه كان مهتم بيها وبحبها
ابتسمت بسخريه من نفسها لانها افتكرت انو حبها وهيه وسط افكارها عدى من جمبها بياع غزل البنات لسه هتشتري منو لانها بتحبو قوي بس افتكرت اما كان كل ما يجي يجيب لها منه ويأكلهولها بايده
قالت بدموع خلاص يا رقيه اوعي تحبي حاجه من الماضي ابدا من هنا ورايح ليه مش هتفكري فيه ولا تاكلي اي حاجه تفكرك بيه
بس اتفاجات لما لقت حد بيمد عليها غزل البنات التفتتلو بس اتصدمت بشده لما لقيته فريد وكان بينهج من كتر ما جري وقال...كويس اني لحقتو قبل ما يمشي
رقيه بصتلو بزهول وقالت.. هو ايه
فريد قال بابتسامه جميله بياع غزل البنات
رقيه قالت بدموع ..عايز ايه ..عايز تدعيني على فرحك ولا حاجه
فريد ابتسم وقرب منها وقال.. عايز اضمك لقلبي قدام كل الناس دي... لو هتبقى اخر دقيقه في عمري... اسف قوي اني زعلتك وزعلت نفسي على حاجه مش مستاهله ..وعلشان واحده متستاهلش كل ده
رقيه قالت باستغراب..انا مش فاهمه حاجه..ايه اللي غير رايك يعني
فريد اتنهد وقال..انا..انا من شهرين كنت داخل عندكم الجامعه ولقيت رنا دايخه ووديتها المستشفى..ولما فحصوها قالولي ان عندها القلب وانها المفروض متزعلش ابدا ..انا افتكرت الدكتوره غلطان بس رنا اكدتلي انها فعلا تعبانه وانها كشفت قبل كده...حاولت ارضيها بكل الطرق علشان مرضها .. بس فاجأتني لما هبه بنفسها طلبتني للجواز مقدرتش ارفض طلبها ولا ازعلها وخفت تحصلها حاجه .. سامحيني انا وعدتها اني مش هقول لحد
رقيه اتسعت عنيعا بصدمه وقالت...يعني رنا تعبانه عندها القلب
فريد ابتسم بسخريه وقال... الحمد لله لا ...النهارده سمعتها بتتخانق مع اخوها لان الباشا زعل انك مشيتي روحت قريت ورقه الصحه بتاعتها لقيتها سليمه ولما واجهتها ما انكرتش.. انا اللي غبي اني صدقتها كان لازم اخدها على دكتور ثاني كان لازم افهم الحكايه سامحيني انا ...
بس رقيه قاطعتو لما ضمته بكل قوتها قدام كل الناس وقالت... انا مش مصدقه الحمد لله يا ربي...يعني انت مبتحبهاش ..صح
فريد ضمها لقلبه وقال..بطلي عبط يا بت ..ما انا طول عمري بقولك ما بحبش غيرك ولا هحب انتي قلبي يا رقيه
رقيه ابتسمت بسعاده وبقت تضمه بقوه وهو قال ...كده هنروح في داهيه
رقيه ضحكت جامد وبعدت عنه وقالت.. يعني خلاص يا فريد هنعيش انا وانت وبس..مش هتقولي هاتجوز تاني
فريد ابتسم وقال...لا تانيه ولا تالته ولا اي واحده ..مش عايز من الدنيا دي غيرك
رقيه ابتسمت بحب وقالت وانا مش هسيبك ابدا انا بعشقك يا فريد بحبك اويييي
فريد ابتسم بسعاده وقال..اخيرا نطقتيها ..انا مكنتش فاكر اني هسمعها ابدا
رقيه قالت بدموع...من هنا ورايح هتسمعها كتير قوي وهفضل جمبك ومش هسيبك ثانيه
فريد مسك ايدها بقوه وابتسم وقال..ولا انا هسيب ايدك ابدا يا عمري واجمل حاجه عدت في حياتي كلها ربنا ما يحرمناش من بعض ابدا ويبعد عننا اي حاجه تفرقنا❤
كنتم مع اسكربت🌹 أسرت قلبي 🌹 بقلم زهرة الربيع زهرتكم تحيكم ودمتم في امان الله مع من تحبون❤
جمعه مباركه يا صديقاتي🥰
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق
فضلا اترك تعليق من هنا