رواية نصيب القمر الفصل الخامس 5 الأخير بقلم زهرة الربيع (حصريه وجديده في مدونة قصر الروايات)

رواية نصيب القمر الفصل الخامس 5الاخير بقلم زهرة الربيع (حصريه وجديده في مدونة قصر الروايات)

رواية نصيب القمر الفصل الخامس 5الاخير بقلم زهرة الربيع (حصريه وجديده في مدونة قصر الروايات)

#نصيب_القمر_5_والاخير

هو ده يا باشا اللي خاطف بنت مراتي واخدها معاه بالاجبار 

قمر خافت واستخبت ورا طه بخوف وهو حط ايده على دماغها وحضنها ليه وقال ما تخافيش انا جنبك 

الظابط قال.. استنى انت يا سيد حمزه وبص لطه وقال...سمعت اللي قالو بيقول انك خاطف البنت ده صحيح 

طه قال بثقه.. اهيه قدامك يا باشا وتقدر تسألها 

حمزه بص لقمر بنظره مرعبه علشان تخاف بس طه مسك ايدها وقال.. انا معاكي 

قمر ابتسمت بسعاده وقالت بقوه... لا يا حضرت الظابط  انا اللي مشيت معاه طه  جوزي 

حمزه كان هيجنن وبصلها بزهول وقال بغضب ايه جوزك  جوزك ازاي يا بنت الكلب 

ولسه هيتهجم عليها الظابط وقف قصاده وطه وقف قدام قمر وطلع الورقه اللي ادهاله الماذون وراها للظابط وقال ده الاثبات حضرتك دي ورقه مبدئيا لحد القسيمه ما تجهز 

الضابط  اتاكد من صحة الورقه ومشي وحمزه بص لطه بغضب وقال...انا هعرف احاسبك ازاي وقمر  هترجع لي هترجعلي ..وهشغلها وهعيشها زي ما انا كنت عايز بس بعد ما تترمل وحسرها عليك 

وبص لقمر وقال...وهيه عارفه ان الكلمه اللي بقولها بنفذها 

قمر اترعبت من الكلام اللي قاله وهو سابهم ومشي  

كانت هتمشي وراه بس طه مسك ايدها وقال رايحه فين 

قمر قالت بدموع ..سيبني يا طه خليني احصله انا خايفه عليك انت ما لكش ذنب تحصل لك حاجه بسببي ده مجرم وممكن يقتلك 

طه شدها عليه وقال هو بيبص لعيونها ...بس انا خلاص اتقتلت ومفيش رصاصه ممكن تعمل فيا زي اللي عملتو   عيونك 

قمر ابتسمت بدموع وهزت راسها بيأس وقالت...ده  وقتو يا طه 

طه ابتسم وقال انا ماعرفش امتى بقى وقته ..وامتى اتعلقت بيكي كده مبسوط قوي بوجودك معايا.. احنا الاتنين عشنا في وحده وغربه..والظاهر ربنا اراد يجمعنا علشان نكمل بعض ونسند بعض ..انا عايزك جمبي ومحتاجلك قوي يا قمر..ممكن تقبلي بيا وأمرك لله 

قمر ضحكت بخفه وقالت..بس  انا خايفه عليك 

طه  حط ايده على شفايفها وقال وانا خايف من اليوم الي متكونيش جنبي فيه.. عايزك جنبي ونفسي استقر زي الخلق واحب واتحب واهم حاجه اتحب واخده بالك 

قمر ضحكت برقه ونزلت عيونها بكسوف وقالت.. ما تخافش انت كده كده تتحب 

طه  ابتسم بسعاده وشدها لحضنه وقال... بجد والله..طب يلا نرجع البيت بقى بدل ما احبك هنا قدام الناس وشكلنا يبقى مش حلو 

قمر ضحكت جامد على حركاته ومسك ايدها وروحو سوا 

عدت الايام بينهم ايام جميله جدا اتعودوا فيها جدا على بعض وكانوا بيخرجوا سوا ويتفسحوا 

طه  كان بيروح الشغل وبياخدها معاه في العربيه ما بيامنش يسيبها لوحدها ابدا ...وقمر كانت تفضل معاه طول اليوم و ما كانتش تبقى تعبانه ابدا كانت تبقى مبسوطه جدا وهي معاه 

في يوم كانوا قاعدين سوا وطه قال بحزن ..بقالنا اكتر من شهر ومش عارفين نلاقي اي شقه ايجار بسعر كويس ومناسب نقعد فيها بدل ماحنا قاعدين هنا في اللوكندا 

قالت بابتسامه ومالها يا حبيبي ما احنا تمام اهوه 

ابتسم بحزن وقال..حلو ازاي بس واحنا كل اكلنا من بره وشربنا من بره والمكان غالي وضيق ومش مناسب ابدا 

قمر  حطت راسها على صدره و قالت..بس انا  مرتاحه ومبسوطه لانك جمبي  يا طه مش عيزاك زعلان بقى 

طه ابتسم رفع وشها ليه وقال ...انا مش زعلان عليا انا كل الي مزعلني اني مش عارف اوفرلك حياه مريحه ابدا..اكيد كنتي تتمني ترتاحي بدل الشحططه دي ..مش كفايه اني باخدك معايا كل يوم في العربيه وتفضلي فيها طول النهار..كل حاجه مش مظبوطه 

قمر بصت لعيونه وحطت ايدها على خده وقالت... بس انت معايا وانا متمنتش اكتر من كده صدقني 

طه ابتسم  وشدها ليه وقال... بجد يا بت 

ابتسمت بكسوف وهزت راسها بايوه 

طه قال بمشاكسه.. طب امال لو مبسوطه معايا ليه مش راضيه تحني ..ها 

قمر  نزلت عيونها بكسوف وقالت ...مش اتفقنا تستني عليا شويه 

طه شدها بقوه وحاوط واسطه بايديها وقال.. ايوه يعني لامتى 

قمر  قالت برقه وكسوف ...هو مش انا ببو،،سك كل يوم 

طه ضحك جامد وقال... ايوه يعني هفضل عايش على البوس ولا ايه هنعدي لليفل اللي بعده امتى ده انا  لو بلعب في ريال مدريد كان زمان اتقدمت شويه 

قمر ضحكت وقالت.. عايز ايه يعني..طيب ممكن علشان خاطرك نذود حاجه 

طه عض على شفته قال ..طيب هزود حاجه..ووشوشها  في ودنها بكلمات بان تاثيرها على وشها اللي احمر بشده. 

قمر  ضربته في صدر وقالت بذهول... يسافل لا طبعا 

طه ضحك وبص لعيونها وقال.. فيه ايه مش قولتي هنذود..وبعدين يا بت  انا عجبك قوي..و الموضوع كله هيعجبك.. بس سيبيلي نفسك ..وميل عليها جامد 

وقمر عضت على شفتها بخجل واستسلمت بين ايديه وللمساته الرقيقه  وقربه اللي بيحرك مشاعرها بشده ولسه هيكمل الباب خبط 

نفخ بضيق وهو بيشد هدومه لفوق بغضب و قال اشق هدومي يا ناس 

قمر ضحكت جامد وهي بتقفل زراير  هدومها وقالت روح شوف مين 

طه قال بغيظ... محدش خبط علينا من سنة الفين..جايبن دلوقتي يخبطو حاجه تجنن انا معمولي عمل على ضهر نمله حامل في الحرام.. 

ضحكت جامد وقالت اشمعنا يعني 

بقى يقفل زراير قميصه وقال..اهلها قتلوها وادفن معاها 

قمر بقت تضحك وهو راح يفتح بغيظ 

فتح الباب  واتفاجأ بست كبيره في السن  ال 50 بطله راقيه جدا  بصتلو باستغراب وقالت.. هي مش دي اوضه قمر عبد الرزاق 

طه استغرب وقال اه هيه يا هانم.. اتفضلي مين حضرتك 

قالت ..انا شهيره صديقه لوالدتها كانت سابتلي جواب على بيتي ..هي موجوده 

طه اتجمد مكانه لما فهم انها هي دي الست اللي كانت قمر  عايزه تروح لها وكانت مسافره... بلع ريقه بارتباك وخوف لحسن تاخد قمر معاها وقال.. اه..اه  موجوده اتفضلي

بقلم...زهرة الربيع

دخلت وقمر بصت لها باستغراب وقالت..اهلا  مين حضرتك 

شهيره  نزلت دموعها وقالت.. يا حبيبتي يا بنتي نسخه من امك الله يرحمها تعالي في حضني يا قمر.. انا شهيره صديقه مامتك 

قمر جريت عليها حضنتها بفرحه وقالت ..ازيك يا طنط  .ماما كانت بتحبك قوي كانت ديما تحكي عنك 

شهيره قالت بابتسامه. وانا بحبها قوي الله يرحمها ..دي امك انقذت حياتي عمري  ما هنسى انها عملت عمليه خطيره علشان تنقذني 

قمر استغربت وقالت عمليه ..عمليه ايه 

قالت بدموع..قبل ما مامتك تتوفى بكام سنه  انا تعبت جدا وقالولي عايزين يزرعولي فص كبد..وما حدش قبل يتبرع لي ..بس والدتك وافقت ومن غير اي فلوس كمان كانت بتحبني كاني اختها ده انا ما صدقتش لما عرفت انك جيتيلي..طردت  كل الخدم اللي عندي لانهم مكلمونيش في التليفون وقالوا لي وبقالي كتير بدور عليكي 

قمر ابتسمت وقالت شكرا يا طنط ..وبصت لفريد بابتسامه وقالت ربنا بيكون ليه حكمه في اللي بيحصل بسبب سفرك انا كسبت كتير 

فريد ابتسم وعيونه اتملت دموع ..و كان خايف جدا يفقدها 

وفعلا شهيره قالت ..يلا بينا يا حبيبتي من انهارده هتبقي زي بنتي بالظبط تعالي معايا يا قمر وما تخافيش من جوز امك الواطي انا اول ما عرفت الحكايه اللي كتبتيهالي في الجواب اتصلت عليه وراضيته بمبلغ محترم وعمره ما هيتعرضلك.

قمر اتنهدت  بارتاح وقالت شكرا شكرا.. ده انا ممكن ابقى خدامه ليكي طول العمر 

شهيره قالت بسرعه.. اوعي تقولي كده يا حبيبتي انتي بنتي يلا يا حبيبتي تعالي معايا 

قمر قالت  بسرعه طيب اجيب الهدوم ..و 

بس قطعت كلامها ووقفت مكانها و قالت... انا مش هينفع اجي معاكي انا اسفه ..انا متجوزه جوزي معايا خلاص مبقتش محتاجه مكان اقعد فيه هو معايا ومكفيني وزياده شكرا 

طه ابتسم بدموع وفكر في حالتهم وانهم لسه قاعدين في اوتيل وممكن في اي وقت ميبقاش معاهم تمنه اتنهد وقال.. تقدري تروحي معاها يا قمر احنا اتجوزنا علشان اخلي بالي عليكي لحد ما تلاقيها ..كده نقدر نطلق و 

بس قمر قالت بسرعه.. انت بتقول ايه انا لايمكن  اخسرك ..وبصت لشهيره وقالت...شكرا قوي على اللي عملتيه معانا حضرتك عملتيلنا  خدمه كبيره قوي بانك بعدتي حمزه عننا ..بس انا مش هقدر اجي معاكي انا ما اقدرش استغنى عن جوزي 

شهيره  ابتسمت بسعاده وقالت.. شبه امك في كل حاجه حتى في اخلاصها بس امك للاسف اخلصت للشخص الغلط...اتمني تكوني انتي اخترتي صح يا حبيبتي 

قمر قالت...طه اختبار ربنا ليا مش اختياري ..وهو اجمل انسان ممكن تشوفيه 

شهيره ابتسمت وقالت..كده تمام..خالص انا عندي شقه صغنونه كده محندقه على القد جنب الفيلا ممكن تيجي انتي وجوزك  وتفضلي معاه هناك  و تبقوا تحت عيني وجنبي  

طه قال بسرعه...لا طبعا انا ما اقبلش كده 

شهيره قالت...انت مش هتعيش بلاش  انا هشغلك معايا اي شغلانه هناك انت شاب في اول عمرك اكيد هلاقي لك شغل كويس 

ابتسموا بسعاده هما الاثنين و قمر قالت بحماس طه  بيشتغل عنده عربيه وبيشتغل عليها بيودي حاجات ويقدر يساعدك في اكثر من حاجه 

شهيره قالت بسرعه ...ده كده  ممتاز جدا يبقى انت هتشتغل معايا على عربيتك وفي النهار قمر هتفضل معايا هستناكم في العربيه 

شهيره نزلت وطه جري على قمر حضنها بقوه وقال انا ممكن انسى اسمي ومش هنسى انك موافقتيش تروحي علشاني 

قمر بصت لعيونه بدموع وقالت.. وانا ممكن انسى اسمي ومنساش وقفتك معايا من اولها لاخرها قد ايه ربنا لطيف بعباده قد ايه بيحبني.. لو كنت لقيتها من اول يوم يستحيل كنت فضلت معاك ولا حبيتك كده 

طه بص لعيونها وقال..بجد يا قمر بتحبيني 

قمر قالت ..بعشقك عشق يا طه.. بحبك من جوه قلبي ربنا يخليك ليا 

طه باس جبينها بسعاده وقال.. ويخليكي ليا يا قلبي ما يحرمنيش منك في اي يوم...وكمل بمشاكسه وقال..مكتوب لنا نعمل دخلتنا في حته تانيه 

علشان تصدقيني لما قولتلك فيه عمل..والنمله اكيد مدفونه في الأوتيل ده 

قمر ضحكت وضربته في صدره و قالت..مش وقت جنانك ده ويلا الست مستنيانا تحت 

طه ابتسم وبص لعيونها وقال انا هعمل كل اللي اقدر عليه علشان اخلي السعاده متفارقكش يوم واحد 

قمر قالت بابتسامه انت مش محتاج تعمل حاجه ..انت سكنت قلبي من اول ما شوفتك من اول يوم وانت مفرحني ومهون عليا..خليك جمبي وهبقى اسعد واحده في الدنيا يا اجمل نصيب 

طه ابتسم وشدها لحضنه وقال ..انا ديما جمبك يا قمري  اللي سكن اجمل ليالي عمري ونورها وبحمد ربنا انو خلاني نصيب القمر❤🥰 

كنتم مع اسكربت🌹 نصيب القمر🌹 بقلم زهرة الربيع زهرتكم تحيكم ودمتم في امان الله مع من تحبون❤

لمتابعة  الروايه الجديده زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا