رواية أأستحق هذا العڈاب الفصل السابع 7بقلم ميفو السلطان( حصريه وجديده في مدونة قصر الروايات)

رواية أأستحق هذا العڈاب الفصل السادس 6بقلم ميفو السلطان( حصريه وجديده في مدونة قصر الروايات) 

رواية أأستحق هذا العڈاب الفصل السادس 6بقلم ميفو السلطان( حصريه وجديده في مدونة قصر الروايات) 

#أأستحق_هذا_العذاب 

البارت السابع...اقتربت قمر من جبل لتجده محني راسه رفع عيونه الدامعه اندفعت اليه وهتفت .....ايه فيه ايه ....نظر اليها دامعا مسكت وجهه..... ايه يا جلبي فيه ايه .

تنهد وهتف .....اجول ايه ،،لله الامر من قبل ومن بعد. 

هتفت ......امك بخير .

هتف بحزن.....،،ايوه الحمد لله .

هتفت بلهفه ....،طب ايه متحصرنيش .

قال بقهر ... ..التجاره اللي كت بتاجر بيها اتحرجت في المحل اللي كت مشارك فيه وراح عليا كل حاجه .

هوي قلبها رعبا ....وظلت مشلوله ...خفق قلبها وهتفت .،ايه التجاره كلها كلها ماعتش حاجه واصل.

هتف .،لاه ماعتش ماعارفش ليه اكده لله الامر .

ظلت ساهمه تفكر .،طب وبعدين يا جبل هعمل ايه انت خابر ابوي ماهيسكتش واني.

اندفع ومسك يدها ......،هعافر تاني والله امي عندها دهبات هاخدهم وهعمل بيهم تاني وماهسكت وهنحت في الصخر عشان اجبلك اللي تريديه بس اجفي جاري جمر اني عاشجك اموت لو سيبتيني .

تنهدت ،،،اسيب ايه بس اني ماجدرش اسيبك بتجول ايه انت .

ابتسم بحنان .....،،صوح والنبي ماهتسيبنيش وانت بيجيلك عرسان ياما اني خابر .

تنهدت فهيا اصبحت في ضغط رهيب ......،هتفت واني هستني يا جبل انت ماجدرش ابعد عنك دجيجه اني اموت فيها ..قبل يدها واني عهد عليا لاكون ليكي كيف ماتحبي ..ظلت جالسه معه تبثه من حنانها رغم حزنها فهيا ظنت انه قريبا سينعدل حاله الا ان لله حكمه في ذلك...

دخل عليها ابيها فهتف غاضبا ..بت سليم كلمني عايز يجي يتجدم .

هوي قلبها وهتفت بقهر ...ماعايزاش دلوك هو كل حبه عريس .

هتف غاضبا.......،انت لازمن دلوك تجوليلي مابتوافجيش علي سليم ليه هاه فيه ايه  يتعيب .

هتفت .،يا ابوي ما رايدهوش ماتهملني لحالي .

هتف ،،بصي اني ماجادرش اجوله لاه بس انت تجعدي معاه وتجوليله لاه اني تعبت .

هتفت ....لزومه ايه طيب ماتجول من بره بره .

هتف..... لاه تاجي منك اني خزيان دا كل وشي .

هتفت .،طب سيبني بس ليا شهر امتحانات والله يحلها .،

مر الشهر وجبل يوعدها انه بعد الامتحانات سياتي هو وامه بعد ان اخذ الدهب عل الله يصلح ما بين يديه ليمر الشهر وتنتهي امتحاناتها ويتصل بها جبل ....هتفت .،جبل اني نجحت ومجموع كويس اني هجدم في المعهد بتاع السكرتاريه او المحاسبه اللي ياخدني فيهم .

هتف بحزن .،مبروك يا جلبي .

هتفت هيا ،،،مالك فيك ايه صوتك موجوع .

هتف ....ماخابرش اجول ايه ماليش عين انطج .

هتفت.... فيه ايه .

هتف ،،فلوس الدهبات خسرتها .

هنا سقط قلبها .،ايه بتجول ايه يا مري دا مافيش غيرهم انت بتجول ايه هنعمل ايه دلوك .

هتف.... ماخابرش ماخابرش حاسس اني هموت محصور .

تنهدت وصمتت لم تجد ما تقوله فصرخ ....بس يمين الله ماهجف اني اني هتصرف شالله ابيع ارضي واعملك اللي تريديه .

هتفت .،تبيع ارضك وبعدين نخسرها برضك .،جبل اني اني..... 

هتف .،اصحك تجولي حاجه عفشه بالله عليكي مامتحمل وجع جمر اني بنام احلم بحضنك بالله ماتجهرنيش ..

تنهدت وهمست ،،طب هنعمل ايه .

هتف.... اصبري معايا مش انت بتحبيني يا جلبي. اصبري .

تنهدت .،ابويا مابيسكتش .

صرخ .،انت بتحبيبني يبقي تجفيله فاهمه ..

تنهدت وهتفت .،ربك يفرجها يا جبل وقفلت الخط واجهشت بالبكاء 

دخلت عليها منال .،.....مالك يا جمر .

هتفت .،تعبت يا منال تعبت متمزعه مابين جلبي وعيشه الدنيا اني ليا حج افرح واشتري واتهني ،،بس برضك عايزه الحب والعشج .

تنهدت منال .،بصي يا جلبي شوفي ،،،اني بحب اخوكي واخوكي بيحبني بس الحال ضاج خالص بعد ما حملت رايده حاجات ماعرفش اجبها وهجيب عيل ماعرفش اجبله .،مش معني اكده اني حرنانه عل عيشه اخوكي لاه اني بحبه واستحمل ،،بس انت بره يبقي من الاول اختاري اللي يراضيكي الحب مع الحوجه بيوجع .وتركتها وذهبت ظلت جالسه تفكر في كلامها .

،،مر اليوم فدخل عليها ابيها جومي سليم بره .

تنهدت .......تعبانه يا ابوي هملني .

هتف ،،انت عايزه تموتيني محصورصوح انت بتجهريني ليه عايزه ايه الناس كلت وشي وبقو يتغمزو عليكي ان فيه حاجه عيب .

هبت ،،ايه عيب اكده عيب . 

هتف .....امال مابتوافجيش ليه بتكبري اللي زيك جابو عيال .جومي جابلي الراجل ،

نهضت وقامت ودخلت علي سليم ابتسم لها سعيدا واقترب .،ازيك يا ست للبنات.... 

هتفت ،،كيفك يا سليم .

هتف ،،شوفتك خلتني بخير .

تنهد فجلست وجلس بجوارها فهتف..... جمر اني رايدك اجبلك الدنيا ليه مش موافجه اني بحبك ،،بصي انت ليه مش جابله شوفي يرضيكي ايه يا جمر .،تنهدت فقام واتي بعلبه كبيره واعطاها لها افتحي .

فتحت العلبه شهقت ففيها كفوف دهب واساور كثيره .،هتف .،دول هديه ليكي والشبكه هابقي اد اكده عشر مرات وهكتبلك مليون جنيه مهر ومليون مؤخر والشوار هيبقي كله من البندر وعايزه دار لحالك هجبلك دار عايزه اكتبها ليكي هكتب بس توافجي... جمر اني عايزك ليا اخدمك بعيوني .

تنهدت بغلب .،هنا قام واخرج شيكا وهتف ،،اهه شيك قبل حتي ماتوافجي اهوه مهرك او خديه اي حاجه تحت يدك .،كانت تشعر بالقهر فامامها راحه الدنيا وفي الجهه المقابله امامها عشق الدنيا .،كانت الاغراءات كثيره وتعثر جبل مره تلو الاخري قد اصابها بالياس .

هتف سليم عندما وجدها ساهمه ،،شوفي هاخدك لبنان شهر عسل ولو عايزه نروح كل سنه نروح ونسافر في اي حته  هتبقي هانم الكل يخدمك هتكملي علامك واعملك مكتب محاسبه هتبقي جمر هانم لانك هانم انت تتجلي بالدهب يمين الله عايزه دار في البندر هعملك اني اساسا مش هعيش اهنه عندنا مصانع هناك  .تنهدت وجلست لا تنطق فقام وهتف ،،بصي فكري ولو حتي مش عايزه دلوك اني مش هاخد الدهبات ولا الشيك علي امل انك تكوني ليا يا بت الناس هاه.قام ونظر اليها ،،هتعيشي ملكه جمر منور قي السما ..

قام وتركها .

جلست هيا ساهمه في يدها علبه الدهب والشيك ودخل ابيها وجلس هو ايضا يغرز كلامه فيها وهيا صغيره لا تعرف من الدنيا الكثير وحال اخيها وزوجته لا يسر ...

اتي الليل وهيا وصلت من التخبط مداه صدح تليفونها فوجدته جبل ،،احست بالوجع ظلت تنظر الي الرنه ولكن لم تفتح كان يرن ويرن وهيا متجمده لا تفتح وما ان انتهي احست بقلبها يان جلست تبكي لا تعلم ماذا تفعل نار القلب ونار الفقر  مقهوره  قررت ان تتجه لربها لعله ينير حياتها ...ذهبت لتصلي علها تري ما يريحها 

واذا بها تحلم بدنيا جميله حلمت قمر بنفسها تلبس فستانا جميلا من اللون الازرق السماوي يلمع  وتزينت بكل الزينات وبها جناحين كالملاك وحولها الكثير  من الانوار ليتغير ويتلبسها فستان زفاف ولا اروع يلمع ببريق الذهب والفراشات حولها من كل ناحيه وضوء كالشمس يغشاها وهيا تشع سعاده وجدت ممرا مضاء من الجانبين منثور عليه لاالئ تلمع ..تدخل من باب قصر وتقف في وسط مكان يشع نورا والدنيا تدور بسعاده لتصل الي شجره كبيره خط عليها شجره العشاق شجره الجمر وتعلو هيا وتعلو والسماء تنير بمصابيح ملونه والشجره يختلف زينتها وهيا تتزين مع تلك الشجره لتظهر اخيرا في بهو قصر كبير تحوم حولها الفراشات وتحس انها دخلت الجنه قصر كانت تامر وتطاع  لتجد نفسها اخيرا مع شخص لا يظهر  ملامحه لتسمع صوتا مالوفا ..هيجيلك يوم وتنسعدي يا قمر .،كان الحلم رائعا ظلت تتامل القصر وحفظت ملامحه وشعرت انه بيتها   والكل يقف ينظر اليها سعيدا كانها ملكه متوجه كانت تشعر بسعاده طاغيه في الحلم وهناك يد تمسك يدها تحاوطها لم تعلم لمن تلك اليد نظرت اليه فكان ضبابيا ولكن هناك دبله سوداء في يده ابتسمت وتلمستها بحنان فاذا به يقول هتنسعدي يا جلبي معايا بس اصبري....    خفق قلبها فهمست وجبل هينسعد برضك ..لينقشع الضباب ويظهر جبل يلبس حله رائعه ويقف بعيدا بين الناس ..كان سعيدا ابتسمت هينسعد هو كمان ليدير راسه ويبتسم لها ويهز راسه بسعاده لتعلم انه سينسعد ايضا ....

استيقظت في الصباح سعيده بذلك الحلم ظنت انه رؤيه من الله ..وانها يجب ان تختار سليم وتترك جبل..همست بوجع .. اني شفته هينسعد برضك جايز احنامالناش جدر مع بعض وربنا بعتلي رؤيه ..ربنا يبعتلي الحلم ده شعرت بوخذه في قلبها .،هتفت .،عارفه اني هنوجع وهو كمان بس اعمل ايه ماجدرش اعيش اكده اني صبرت كتير بحبه وبعشجه بس العشج مع الفجر صعب جوي وهو ماعادش حيلته حاجه هصبر علي ايه وربنا بعتلي الحلم ده يوديني في طريج الخير  اني حاسه ان اخرتي خير يا رب خف وجعي ووجعه بس هو صغير وهينسي ايوه والرجاله لما بتجابل حد تاني بتنسي .

رن تليفونها مره اخري فهو جبل شعرت بوجع ينهش قلبها الا انها لم ترد ارادت ان تستجمع قوتها حتي ترد عليه ذهبت لتقابله علي ذلك الجسر الذي شهد حبهم..وما ان راها حتي اندفع  بقهر وغلب .،اكده يا جلبي اكده سبوع كت هتجنن عليكي جدرتي تبعدي اني كت هموت حالي في بعدك .

تنهدت وابتعدت وجلست فرجف قلبه .،ايه مالك يا جلب جبل .

هتفت .،اجعد يا جبل نتكلم .

جلس .....بصي اني بكره مخطط في فسحه ليكي وليا بس ايه ماعايزش وشك ده يزعل هنخرج ونتفسح ماتحمليش هم حاجه هتتعدل والله اني مخطط لحاجات ياما وربنا بيوجع ويعدل .

تنهدت وجع ...اجعد واسمعني .

رجف قلبه ..ايه فيه ايه .

هتفت ..جبل اني اظن ماجصرتش معاك واستنيتك بدل المره عشره بس اني ماعت اجدر ابوي ماجدراش اجف جدامه وعايز يجوزني واني خلاص كفايه اكده .

تجمد هو واحس بقلبه يتمزق  .....،كفايه كفايه ايه... جمر اصحك تجولي حاجه تموتيني فيها 

قامت ولم تنظر اليه .....من فضلك يا جبل اني ماعتش جادره اكمل ،

احس بقلبه سيخرج من مكانه ،،ايه ماعتيش بتجولي ايه انت اتخبلتي انت بتاعتي. 

هتفت بقهر....،جبل ارجوك ماعتش منه عازه اني هنخطب خلاص. 

جحظت عيناه واندفع يحتضنها صارخا.....،لاه لاه انت ماهتملنيش انت روحي اموت يا جلبي والله اموت ... تسيبيني  يا جمر تسيبي جبل روحك ..جمر ابوس يدك اانت روحي تموتيني اكده .

ابعدته وهتفت بقهر .،بدل مانموت مع بعض جبل خلاص ماعتش ينفع انت حاولت واني حاولت وخلاص ،

هنا نزلت دموعه واقترب ،،هونت عليكي يا جلبي تبعدي عن جبل عايزه تموتيني صوح ،،اخرج من جيبه سكين فشهقت .،خدي دي بيدك اغرزيها فيا اني اهون عليا اني اموت ،،كانت دموعه تنهمر بعنف وهيا تشهق بقوه والوجع اصبح لا يحتمل .

صرخت .،بطل بتجول ايه انت اعجل  اكده خلاص يابن الناس شوف حياتك واني هشوف حياتي احنا خلاص ماهننفعش لبعض .وخلاص اني وافجت علي سليم ،

نظر اليها وانشل مكانه .،ايه وافجتي .،يعني اللي داير ده صوح واني ماصدجتش كان صوح ..جابلك دهبات ومهر وشبكه جابلك اكفوف وهتبقي هانم في البندر ده اللي رمتيني عشانه يا جمر .

هتفت.... .،بطل بقه وعيش حياتك وسيبني اعيش .

صرخ .....والعشج اللي بيناتنا كان ايه كدب اعيش حياتي ازاي مانت حياتي اعيشها ليه ومع مين ..ده كان كدب .

هتفت بقهر .،لا مش كدب بس مش كفايه هيموت في الفقر ابوس يدك ارحمني انا جلبي هيقف. 

هتف ،.....اني اللي ارحمك اني اللي هوجف جلبك امال انت بتعملي ايه دلوك ليا سنه بمحط عشان بلفلف في الشوارع عشانك مابجبش لروحي حاجه واجول لاه وفر لحبيبك اصل لازمن يبقي هانم ويتعامل معامله الهوانم ..اقترب منها ودموعه تتساقط مسك يدها ،،..داني جعدت سبوع عيان مارحت لحكيم واجيب دوا عشان اكمل فلوس التجاره جولت اموت ولا جرش ينجص عشان حبيبي اجبله الحلو كله ...داني ماعتش عارف اخد نفسي .. شوفي سامعه بيصرخ ازاي بصيلي جادره تبعدي عن جلبي جادره طب لو جدرتي اني هعمل ايه جولي اني بتمزع يا جلبي ماتسيبنيش ابوس يدك هعملك الحلو كله والله هعمل هموت حالي عشانك بصي اصبري حبه كمان هبيع الدار والارض..هروح اجعد عند خال امي وابيع الدار والاض كلو عشانك مايهمنيش والله هبيع ابيع عمري  عشانك والله هبيع حالي  بس ماتسيبنيش .

كانت تبكي بقهر .،هتفت .،كفايه بقه انا اتجرا فتحتي خلاص ،،اشوفك بخير ربنا يوفجك ويسهلك حالك  وتركته تجري وتنتحب وهو يقف كالمجنون هيا سابتني هملتني ليندفع ويكلبش فيها  بقهر ،...لاه لاه روحي هتروح ابوس يدك لاه ماتسيبنيش يا جمر جبل هيموت والله روحي بتطلع يمين الله كان يبكي وبدا ينتفض من وجعه ...ما ما تسيبيش جبل جبل عاشج وجلبه انشج ماعارفش اخد نفسي يمين الله ،،

ابتعدت وصرخت ..جولتلك خلاص خلصت اني مش ليك ولا هكون ليك عيش حياتك وسيبني اعيش وتركته هاربه تنتخب ...

ليقف هو لفتره لم يعد يحتمل ليقع ارضا ويصرخ ......لااااااه جلبي لاااااه لااااااه ظل يصرخ ويصرخ ويشهق بصوت وصل عنان السماء ونياط القلب قد تمزقت عن اخرها جلس وتكور علي نفسه لعل قلبه يصمت  ليتهالك ويسقط علي وجهه ويلمس خده مكان جلوسها فقلبه انشق ببعد حبيبه ..

جدرت تسيبني جدرت ازاي داني بتنفسها امال ايه العشج فين راح راح والا ماكنش عشج صرخ ماكنش ماكانش  اااه جلبي هموت يا رب ايه ده داني عملت عشانها كتير روحي بتنسحب نفسي في حبيبي ..اعمل ايه اعمل ايه داني بنام احلم بيها في حضني داني مابشوفش غيرها داني عاشج مهبول بيها جمر جمري رحتي فين يا واخده حته من جلبي اهون عليكي اهون يا عمري ..عاشجك يمين الله جلبي بيتمزع ....اروح فين بوجعي ااااااه ظل يملس مكان قدميها وينتحب بقهر ظل جالسا ينتحب ،،ليجلس ويسهم ....لاه مامصدجش هيا هتعاود ايوه هتعاود خلاص اني هستني هيا ماهتجدرش اصلا تبعد عني ايوه دا حبيبي بيعشجني حد ينفع يعيش من غير روحه ...مسح دموعه ..اهدي اكده حبيبك راجع هروح ابيع الارض وعلي طول ارجع تاني اتاجر ماهسكتش هموت حالي ليها دا حبيبي لازمن يعيش هانم وعهد عليا لاموت حالي عشانها ...قام وهو يمني نفسه انها ستعود.(قلبي جعني يا منيل 😭😭😭)

رجعت هيا البيت فوجدت والدها يجلس فقال .،ايه يا جلبي سليم باعتلك حاجات بصي فساتين واساور وشنط وباعتلك عشرين الف تصرفي وتجيبي مصروف يدك .. ..جلست هيا تنظر لما اتي به لم تحس بالسعاده ولكن الحلم كان واضحا .،هو ده حلمك يا قمر خلاص ادعيله ربنا يوفقه ويوفقك .قامت وجلست تصلي وتبكي وتدعي له ..يا رب اسعده يا رب خف وجعه عهد عليا لادعيلك في كل صلا تنسعد وتنجبر وتلاجي خير الدنيا .

مرت الايام وبدا سليم يتردد عليهم واشاع في النجع انه سيخطب قمر والكلام يصل الي جبل ولا يصدقه يوهم نفسه انها ستكون له وانها لن تقدر علي بعده ولكن هيهات فالدنيا ساقت ورب العباد ادار الساقيه لتدور وتخلع القلوب .

لياتي يوم كانت ذاهبه مع سليم الي البندر ودخلا محل الدهب وقف سليم ينتقي لها اكفوف دهب وهيا صامته لتتجمد فقد وجدت جبل يدخل ويقف بعيد ينظر اليها وسليم يمسك يدها ويقبلها وكلما نظرت الي جبل تجد عيونه متحجره وعلي وجهه تعبير غريب ..اقترب هو ووقف بجوارها يبين انه يختار شيئا وهيا احست انها ستموت من قربه مد يده ومسك يدها من الخلف وشبك يده فيها ... فتشنجت واحست انها ستموت  كانت تبتلع ريقها بصعوبه .

فهتف سليم.... مالك يا جلبي ،

هنا تركها جبل فشهقت وهتفت .....هاه مافيش مافيش .

اقترب جبل ......،ازيك يا سليم مبروك مش تجول ،

هتف سليم ،،،جبل انت اهنه ماخدتش بالي الله يبارك فيك عجبالك. 

ضحك هو ،،،لا عجبالي ايه كان زمان دلوك خلاص ماعتش ينفع .

هتف... ليه .....حبيبتك مالها .

هتف بنبره بارده جعلتها تتجمد .،ماتت حبيبتي ماتت يا سليم الله يرحمها . تجمدت قمر وشعرت بقلبها يتمزع ارادت ان تصرخ وترتمي في احضانه .

شعر سليم بالاسي ،،اسف يا جبل والله ماكت اعرف .

هتف جبل .....لا  عادي اللي مات واندفن خلاص هنزعل ليه  هيا اصلا ماكنتش بتحس كت خاينه العشره وعويله .. بس اجول ايه يلا كلو راح كلو عند ربنا. 

هتف سليم ،،بلاها دي منها لله ..بكره تحب وتنحب 

اقترب جبل ووقف وراء قمر ..بكره احب ،،،علي جولك بكره الاجي حبيب ينصان مش غدار .حبيب بيعرف جيمه الجلب مش عويل وناجص .،بكره جبل هينسعد والعويل هيجيله يوم يااخد منه فرحه .،بدعي من جلبي ياخد فرحه ويخلع جلبه وينتش دنيته ويعيش السواد عن حج ..اما اني فجايلي دنيا متوكد اني هفرح بعد ما الجرف خرج من حياتي. اني نضفت يا سليم وهياجي يوم اشوف الكسره والحسره في عيون اللي ساب وغدر بدعي عليها ربنا يحط عليها حزن الدنيا وفوج الحزن نتشه جلب وخلعته علي حبيب تشوفها في اعز حبيب. لا تفرح ولا تكسب تعيش ايامها بكي وبس تفتكر اللي غدرت بيه وتتمني تراب رجليه هيجي يوم تتحسر. بدعي يكون ليلها حنضل وايامها مر وعيشتها سواد ... اني مستني وهفرح وهشمت ايوه مستني اليوم اللي اشوفها تحت رجلي  بصالي من تحت واني واجف ابص والشماته تريح جلبي ..هيجي يوم يا سليم الدنيا دواره الفلوس مابتعليش نفوس  واصل للي مفكر انها بتعلي ...اللي بيعلي العشج بس العشج ليه ناسه الناس الصاينه العشره الصاينه الجلب الناس اللي تستحج واستدار وهيا تقف تشعر بالموت وخلعه القلب ارادت ان تذهب وراءه وتحتضته ارادت ان تعيد الزمن وتعيد الحبيب ولكن فات الاوان وقدر الله ما حدث لسبب لا نعلمه اهو لخير ام ماذا . فرب العباد لا يفعل للانسان الا الخير .

عاد جبل الي بيته والحقد يشع من عينيه .،بقي واجفه تشتري دهبات وفرحانه واجفه تنجي وهتبقي هانم ،،ماشي يا جمر وحج حرجه جلبي لاخد حجي منك تالت ومتلت ربنا ينتجملي منك واشوف فيكي يوم وهياجي هياجي يوم الجبل اللي ما هينهز ابدا ويجف شامخ يدعس ايامك وسنينك اللي جايه جاي دنيا ليا وسواد ليكي جاي ايامي وعيشه ميف الجبر ليكي دعوه المظلوم بتجوب السما واتي بدعي عليكي بدعي من جلبي وحرجه ما مسامح ولا هسامح واموت علي جلبي اكده جافل عليه وحاطط حجر عشجي ليكي كان نار بتشعللني دلوك نار بتهري جلبي نفسي احرجك واحرج دنيتك..ناري دي ماهتبردش الا ماشوفك والعه في دنيتك ماعارفلش تكفيها .،تار الحبل علي الجمر جدر يا رب احرجها واحرج جلبها ماتعرف تتنفس تعيش ميته ماحد يهوب ناحيتها ولا يبرظ جلبها .،السواد ينحط بالكوم ..يا رب علي جد عشجي حط الكره في جلبي عشان لما يحي اليوم واجابلها اشوفها ولا انهز جايلك يوم اسود يا جمر جاي ربك يمهل ولا يهمل ...جاي يا جمر وليكي يوم ،،

يا حزني يامه  اني تعبت ...عاللي جااااي ..دا مش مرار طافح ..زفتون يا عيال ...منك لله يحمدان انت وسليم وجمر معاكم ...هتعلقو والا اقوم اطفش من هنا 😭😭😭😭😡😡😡😡😡😡

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا