رواية عصفور يقع في حب صقر الفصل الثامن 8بقلم شيماءطارق (حصريه وجديده في مدونة قصر الروايات)

رواية عصفور يقع في حب صقر الفصل الثامن 8بقلم شيماءطارق (حصريه وجديده في مدونة قصر الروايات)

رواية عصفور يقع في حب صقر الفصل الثامن 8بقلم شيماءطارق (حصريه وجديده في مدونة قصر الروايات)

✍_شيماء طارق  Part.8

♥️عصفور يقع في حب صقر♥️

       بسم الله الرحمن الرحيم 

      ___________________

مضى شهران و قلب تعمل لدى الأستاذ احمد و قد غادرت دار الرعاية و قامت بتأجير شقة صغيرة قريبة من المكتب و أشترت أثاثا بسيطا لكنها كانت تشعر بالسعادة لأنها أخيرا أصبح لها بيتا خاصا و قد كانت تعمل طوال اليوم و تعود في المساء لتستذكر للدراسات العليا و تنام و هي متعبة للغاية , و كان العمل ممتعا بالنسبة لها فقد اكتسبت خبرة جيدة و كان الجميع يعاملونها بلطف شديد و بالرغم من محاولات زميلها السابق في الجامعه المستمرة للتقرب منها إلا أنها كانت تصده بأسلوب مهذب , فقد كان قلبها مشغولا بحبيبها الذي كانت تتمنى لقائه من جديد …………………………………….

دخل محمد مكتبه ليأخذ بعض الأوراق فلاحظ مي المحامية التي ألتحقت بالعمل معه مؤخرا تنظر اليه بإعجاب فبادلها النظرات و قال لها:

محمد:مي ؟

مي:نعم يا مستر محمد؟

محمد:أنت مرتاحه في الشغل معانا؟

مي:أوي أوي

محمد:طيب خدي الاوراق ده أقريها واكتبيلي بيها تقرير

مي و وجهها مكسو بحمرة الخجل:حاضر

محمد بصوت منخفض و هو يخرج من المكتب: فرسه وعايزه خيال قمر والله قمر

صقر يغلق هاتفه بعد أن أنهى مكالمة هامة ليجد محمد يقف أمامه و هو يبتسم بشكل غريب:

صقر:اللي واخد عقلك يا استاذ محمد

محمد:هه؟؟؟

صقر:لاااااااااااااا ده الموضوع كبير أوي أحكيلي بسرعة

محمد:شكلي بحب يا صقر

صقر وهو يضحك:لا مش ممكن انت؟؟؟؟؟؟

محمد:ليه يعني ؟

صقر:لا أبدا بس أنت بتحب كل يومين واحده

محمد:لا المره ده غير كل مره

صقر باهتمام: بجد ولا زي قعدتك خايفه اصدقك ؟

محمد:أيوة المره دي بجد

صقر بفضول: مين هي اللي امها داعيه عليها؟

محمد: ماشي هعديها لك مي

محمد:مي مين؟

محمد:المحامية الجديدة

صقر:بنت الأستاذ ابراهيم مدير الحسابات؟

محمد:ايوة

صقر:ده صغنونة اوي عليك يا حمو

محمد:ما برائتها ده اللي شدتني ليها وكمان انت شايفني عجوز ولا ايه

صقر: لا يا عم ده انت ابو الشباب طيب ربنا يوفقك , فاتحت مامتك؟

محمد:لسه , تفتكر هتوافق؟

صقر:أيه يا ابني !! البنت كويسه جدا

محمد:ما أنا عارف

صقر:أنت قول لطنط مياده و سيب الباقي عليا

محمد:أدعيلي يا صقر

صقر:يا رب أدخلك قفص الزوجية بأيدي واقفل عليك واخلص منك بقى

محمد وهو يضحك:ياااااااااا رب

دولت و هي تجلس مع مياده في حديقة النادي:

دولت:بتفكر في ايه؟

مياده:لا أبدا بس محمد مش عاجبني اليومين دول

دولت:خير ماله؟

مياده:سرحان كده و مش معايا

دولت:يمكن تعبان و لا حاجه؟

مياده:لا ده شكله بيحب

دولت:طيب و فيها ايه؟

مياده:خايفة تكون واحده من اللي بيعرفهم و يتعلق بيهم

دولت:لا متخافيش محمد عاقل

مياده:ربنا يستر

كان صقر يقود سيارته متجها الى منزله و كان يستمع الى موسيقى هادئة و عندما توقف في شارع مزدحم لاحظ سيارة أجرة بجواره تجلس بداخلها شابة تتحدث في الهاتف و تضع نظارة شمسية فشعر صقر بالارتباك الشديد ….. هل يحلم ….. أم أنه يراها أمامه ؟؟؟؟؟؟؟؟؟؟؟

صارت السياره من امامي ذهب صقر الى هذه السياره الاجره التي وقفت امام بناء قديم ونزلت منها قلب توجهت الى شقتها نزل صقر من سيارته وتوجه الى الحارس وساله عن قلب

حارس العقار:أيوة يا بيه ساكنه هنا من يجي شهرين كده

صقر:هي ساكنة مع والدتها؟

حارس العقار:لا ده وحدانية مفيش حد بيزورها كانها مقطوعه من شجرة

صقر و هو يضع مبلغا من المال في يد الرجل:طيب متشكر أوي يا حج

حارس العقار:هو فيه حاجه يا بيه؟

صقر:كل خير ان شاء الله

أوت دولت الى فراشها مبكرا كعادتها و لكنه أستيقظت على صوت صقر يوقظها قائلا:

صقر:ماما … ماما …. أصحي

كاريمان:خير يا صقر بتصحيني ليه؟

صقر:مش هتصدقي لقيت مين؟

دولت و قد أحس قلبها :قلب !!!!!!!!!!!!!!

قلب:أيوة يا ماما لقيتها أخيرا

قلب:ها و قالتلك ايه؟

صقر:بصراحة أنا مكلمتهاش

دولت:ليه بس كده؟

صقر:متقلقيش أنا عرفت هي ساكن فين

دولت:طيب كويس و هتعمل ايه؟

صقر:مش أنا اللي هعمل

  دولت:أمال مين ؟؟؟؟؟؟؟؟؟؟؟؟

نظر لها باسل و هو يبتسم ………………………………………….. ……………….

أستيقظت قلب من نومها و أرتدت بنطالا لونه أسود و قميصا أزرق و تركت شعرها الأسود منسدلا على ظهرها و وضعت قليلا من أحمر الشفاه الفاتح اللون ثم تناولت كوبا من الشاي وغادرت لتلحق بعملها ……….. وصلت قلب  الى مقر عملها و دخلت الى مكتبها الصغير و بدأت تترجم أحدى القصص التي كانت تدور حول قصة رومانسية حزينة ….. تأثرت بها قلب للغاية و شعرت بالحزن من أجل البطلة ………………………………………….. ………………………….

وصلت مياده في موعدها الذي حددته دولت للقائهما في النادي و فور أن تقابلا بادرتها دولت قائلة:

دولت:عايزاكي في مشوار مهم

مياده:صباح الخير أولا … فهميني بأه ايه اللي حصل بالضبط

دولت:صقر عرف طريق قلب  و عايزني أروح أقابلها و انا بصراحة محرجة أروح لوحدي خصوصا أنها مشيت من عندي زعلانة

مياده:طيب يلا بينا نروحلها

دولت:بصي أيه رأيك ناخدلها معانا هدية؟

مياده:أيوه طبعا

انطلقت الأختان لتبتاعا هدية لقلب التي كانت على وشك الوصول إلى منزلها بعد أن أشترت طعام الغداء لتقوم بإعداد وجبة خفيفة ثم تبدأ في المذاكرة فهي تريد الإنتهاء من دراستها سريعا لتقوم بالتحضير لرسالة الدكتوراة الخاصة بها ………………………………………….. ….

توقفت سيارة دولت أمام العقار الذي تعيش  فيه قلب و نزلت كلا من دولت ومياده و دخلا الى المصعد الكهربائي و ضغطا زر الدور الثالث و وجدا شقة قلب فوقفتا تنظران أحدهما الى الأخرى ثم ضغطت مياده على جرس الباب الخارجي و سمعتا وقع أقدام تقترب ……………………..

أنهت قلب طعامها ثم دخلت لتغتسل و تصلي و أعدت كوبا من الشاي و جلست لتحتسيه و هي تقرأ أحد الكتب الهامة و كانت ترتدي بنطالا رياضي أبيض اللون و قميصا أحمر و جوربا أبيض و سمعت قلب رنين الجرس فقامت لترى من الطارق ……. نظرت قلب من العين السحرية للباب فتفاجأت بما رأت و توقفت عن التنفس و شعرت بالاضطراب الشديد…….. هل يريدون مقابلتي ؟؟؟ هل مازالوا يذكرونني؟؟؟ 

فتحت قلب الباب وهي تشعر بالخجل :

مياده:السلام عليكم

قلب:و عليكم السلام

دولت:مش هتقوليلنا اتفضلوا؟

قلب:أتفضلوا طبعا

دولت وهي تنظر الى قلب:ما شاء الله زي القمر

قلب و هي تحاول التأكد مما فهمته:هو حضرتك …….

مياده:ايوة يا قلب الحمد لله بقت بتشوف

قلب و هي تحتضن قلب:ألف حمدلله على سلامتك 

دولت:الله يسلمك, كده برده يا قلب تسيبينا؟

قلب:معلش و الله غصب عني

دولت:احنا عرفنا اللي حصل وكل حاجه كانت لازما ترجع لاصلها

قلب بزعل وحزن:مفيش حاجه خالص بس كان لازم امشي

دولت: سبت صقر ومشيتي ليه يا قلب  ؟؟؟

قلب:ماله صقر بيه ؟

دولت:مفكرتيش تسألي عليه؟

قلب:يا رب يكون مبسوط مع لي لي

دولت:لي لي ايه؟؟؟؟

قلب:مش هما اتجوزوا؟

دولت و قد فهمت :ا يا قلب صقر ساب لي لي بعد اللي عملته معاكي

قلب:ايه؟؟؟؟

دولت:و فضل يدور عليكي من يوميها

قلب:يدور عليا انا؟

دولت:صقر بيحبك يا قلب

قلب:انا مش مصدقه اللي بسمعه

مياده:بيحبك يا قلب بيحبك حب حقيقي

قلب:بس ده عمري ما قالي حاجه

دولت:كان مش متأكد من مشاعره ناحيتك

قلب شعرت أنها تحلم أيمكن أن يحبها صقر أيصبح حلمها حقيقة ………..

كان صقر يجلس في انتظار مكالمة هاتفية من والدته حتى يعرف ما الذي جرى مع قلب ؟ وظل يفكر؟

هل أرتبطت بشخص آخر خلال تلك المدة ؟

هل سترفض حبه ……؟

أحس  صقر بأنه لا يستطيع الأنتظار فقرر الاتصال بوالدته ليطمئن ؟

لم يعد يطيق الإنتظار…؟

كاريمان وهي تشرب العصير الذي قدمته لها قلب سمعت رنين هاتفها فنظرت الى الرقم قائلة:

دولت وهي تضحك:ده صقر 

مياده:تلاقيه عايز يطمن

دولت: ايه يا قلب اريح قلب الولد ولا ايه ؟

قلب ابتسمت بخجل و لم تستطع الكلام

دولت أجابت:ألو

صقر:ايوه يا ماما

دولت:مش اتفقنا أن أنا اللي هتصل بيك

صقر:أصلك طولتي أوي وحضرتك عارفه ان انا قلقان وعايزه اطمن

دولت:طيب

صقر:ها ايه الأخبار؟

دولت و هي تحاول إغاظته:أخبار ايه؟

صقر:ماما

دولت تضحك:كله تمام

دولت:بجد

دولت:حتى خد كلمها بنفسك

وجدت قلب هاتف دولت في يدها و صقر ينتظر التحدث اليها فشعرت بالخجل لكنها قالت بصوت رقيق:

قلب:الو

صقر:ياااااااااااه أخيرا لقيتك

قلب:أزيك؟

صقر:بقيت كويس لما عرفت مكانك ولقيتك

قلب بخجل:طيب الحمد لله

صقر:لازم نتقابل و نتكلم ضروري انا عايزه اشوفك

قلب:بس……….

صقر:مفيش بس لازم اشوفك لازم ان هو نوضح كل حاجه

قلب:مش عارفه

صقر:أرجوكي يا قلبي محتاج أتكلم معاكي

قلب وقلبها الذي رق عندما سمعت كلمه قلبي من حبيبها:زي ما تحب

صقر:هعدي عليكي نتعشى سوا انهارده

قلب تبتسم:اوك

تابع........♥️

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا