رواية عصفور يقع في حب صقر الفصل التاسع 9الاخير بقلم شيماءطارق (حصريه وجديده في مدونة قصر الروايات)

رواية عصفور يقع في حب صقر الفصل التاسع 9الاخير بقلم شيماءطارق (حصريه وجديده في مدونة قصر الروايات)

رواية عصفور يقع في حب صقر الفصل التاسع 9الاخيربقلم شيماءطارق (حصريه وجديده في مدونة قصر الروايات)

_شيماء طارق  Part.9

♥️عصفور يقع في حب صقر♥️

       بسم الله الرحمن الرحيم 

      ___________________

دخلت قلب الى المطعم الراقي الذي ينتظرها فيه صقر و كانت ترتدي فستانا ازرق و تركت شعرها منسدلا و وضعت ملمع للشفاة و كانت تشعر بالسعادة ممزوجة بالخجل فها هي ستقابل حبيبها

و أرتسمت على شفتيها ابتسامة رقيقة عندما وجدت صقر يجلس على أحدى الطاولات و عندما رآها وقف ليستقبلها و هو يبتسم ابتسامة مليئة بالعتاب 

اقتربت قلب ببطء من صقر الذ اقترب منها و عيناه مليئتان بالحب:

صقر:أعمل فيكي ايه حرام عليكي جننتيني؟

قلب بخجل:أزيك يا صقر؟

صقر:يااااااااه هو اسمي حلو كده , تعرفي ده أول مره تندهيلي باسمي

قلب:بجد؟

صقر:تعالي اقعدي الأول

جلست قلب في الكرسي المقابل لصقر و وضعت يدها برقة أسفل ذقنها و ظلت صامته تتابعه بعينيها

صقر:ليه؟

قلب:ليه ايه؟

صقر:ليه هربتي مني؟

قلب:انا هربت من الموقف اللي اتحطيت فيه

صقر:أرجوكي سامحيني عن اللي حصل يوميها

قلب:انت ملكش ذنب , أنا اللي حظي كده

صقر:صدقيني كل ده هيتغير يا قلبي 

قلب محاوله انها تغير مجرى الموضوع:أنا أتعينت في الكلية

صقر ابتسامه:ألف مبروك يا دكتور

قلب و هي تضحك:الله يبارك فيك

صقر:لو تعرفي بحب ضحكتك قد ايه !!

قلب بكسوف:للدرجه ده؟

صقر:أنا بحبك يا قلبي … حبيتك من لحظة ما فتحت الباب لقيت أجمل بنت واقفة بتبصلي و عينيها كلها طيبة و قلق و خوف … بحبك لما بتتكلمي … بتضحكي … حتى و انتي دموعك بتنزل … ساعات كنت بغير من محمد و بيبقى نفسي أخبيكي منه … بس كنت بقول يمكن تكوني معجبه بيه

تعرفي يوم حفلة عيد ميلاد ماما لما نزلتي من السلالم أتأكدت أنك هتكوني مراتي في يوم من الأيام

قلب:أنا أكيد بحلم

صقر:انا عايزك تحلمي علطول و أنا هحققلك كل أحلامك

قلب:تعرف اول مره شوفتك فيها حسيت أني غرقت جوه عينيك … بجد … مكنتش حاسه بأي حاجه غير أنك بتبصلي … بس قلت يمكن خفت منك عشان كان أول مره أتقدم لوظيفة

صقر:و امتى حسيتي انك بتحبيني؟

قلب و وجهها يحمر خجلا:يوم ما كنت بتلعب بلاي استيشن مع محمد كنت ببصلك و أنا قلبي بيدق جامد و ساعتها عرفت ان هو ده الحب

صقر:أنا عايز آخدك و أطير بيكي بعيد

قلب ضاحكة:هتوديني فين؟

صقر بشوق بالغ:على أقرب مأذون

قلب :مش بسرعة كده

صقر:ايه؟؟؟؟؟؟؟؟؟؟؟ بقالي سنة بدور عليكي و تقوليلي بسرعة !!!!!!!!

قلب:أصلي بحضر للماجستير و كمان بشتغل فلو ممكن تاجلها شويه

صقر:الشغل انسيه خالص و الماجستير بعد الجواز أعمليه براحتك

قلب:بس أنا عايزة أشتغل

صقر:ليه بس تتعبي نفسك أحنا نتجوز و مش هتحتاجي أي حاجه

قلب… صمتت وهي تفكر … هل زواجها بهذه السرعة صوابا ام 

قلب:على فكرة انا مش هآجي الشغل تاني عشان هتجوز من انسان بيحبني و بحبه ….. عقبال شريف ان شاء الله ……………………..

ظل احمد ينظر اليها و هو يفكر هل ما تقوله حقيقي أم انها ستتزوج من ابنه رغما عنه؟؟؟؟؟؟؟؟

شريف كان يجلس في غرفته يحاول استيعاب ما عرضه عليه احمد صديقه بالأمس و تذكر ما دار بينهما:

احمد:بص بقى يا معلم انت تكتبلها ورقة عرفي

شريف:ايه اللي بتقوله ده عرفي؟

احمد:أمال هتخلي أبوك يقاطعك

شريف:و فيها أيه أتجوزها و نعيش مع بعض

احمد و هو يطلق ضحكة شريرة:يا سلااااااااااااام و الفلوس و العربية و العز اللي انت عايش فيه

و لا عايز تشتغل و تقبض 500 جنيه وتاكل عيش و جبنه

شريف مفكرا:لا بس انا هحاول اقنع بابا

احمد:اسمع كلامي ابوك عنيد و ممكن يودي هاله في ستين داهيه لو حس أنه ممكن توافق تتجوزك غصب عنه

شريف:معقول؟؟؟؟؟؟

أحمد:أنت متعرفش أبوك ولا ايه؟ ابوك واصل يا ابني و البنت غلبانة هتفرح بيك هتعيشها عيشه عمرها ما تحلم بيها و هتحس انها معملتش حاجه غلط لما تتجوزوا عرفي

شريف:انت دماغك ده ايه؟ ده انت شيطان

احمد:و لا شيطان ولا حاجه انا بس الدنيا علمتني كتير

شريف:بس هاله لا يمكن توافق

احمد:ما انت هتعلقها بيك في الأول و بعدين هتعمل اللي أنت عايزه

شريف:يا سلام !!!!

احمد:ايه يا معلم ده انت معلق نص بنات البلد هتغلب في ست هاله بتاعتك ده

شريف:لا مش هغلب بس ………..

احمد:يلا يا ابني اعمل اللي قولتلك عليه و ابقي ادعيلي

شريف:يخربيت دماغك

احمد:عشان بس تعرف

شريف ظل طوال الليل يفكر فيما عرضه عليه احمد لكنه كان يشك أن توافق قلب لكنه قرر المحاولة .

ذهبت قلب الى بيتها و هي تشعر أنها حره فلأول مرة تقرر مصيرها دون أن ترغمها ظروفها على الصمت و أعدت طعام الغداء و جلست تتناوله في صمت و سمعت رنين هاتفها:

قلب:الو

صقر:الو يا حبيبتي

قلب:ازيك يا صقر؟

صقر:بحبك يا قلبي 

قلب كانت تخجل من صقر لذلك غيرت مجرى الموضوع:و ازي طنط دولت؟

صقر مزاح:بتحبك برده

قلب تضحك بخجل:اخبارك ايه؟

صقر:انت معزومة عالغدا معانا بكره ان شاء الله

قلب:حاضر أن شاءالله 

صقر:عشان نحدد كل معاد الفرح

قلب:انت مستعجل اوي كده ليه ياصقر؟

صقر:يعني مش عارفه؟

قلب:انا ما اعرفش حاجه, على فكرة انا سيبت الشغل انهارده

صقر:برافو عليكي ياقلبي صقر انتي ركزي في دراستك وفيا و بسسسسسسسسسس

قلب بخجل:حاضر

صقر:هعدي عليكي بكره عالساعه 3 تكوني واقفة تحت

قلب:حاضر 3 بالثانيه هكون تحت

صقر:باي دلوقت عشان عندي اجتماع هكلمك بالليل أطمن عليكي 

قلب:سلام 

صقر: سلام حاف كده

قلبي:باي و مع السلامة

صقر:ماشي يا قلبي باي ليكي يوم وهتقع تحت ايدي

قلب بكسوف : بس بقى باي

سمعت قلب طرقات على الباب فقامت لترى من الذي يزورها في هذا الوقت نظرت من العين السحرية فرأت أمامها مفاجأة …………………………

نظرت قلب من خلف الباب لتجد شريف يقف أمامها فأحست بالغضب منه لجرأته على زيارتها في المنزل فقالت له دون أن تفتح:

قلب:عايز أية يا شريف؟

شريف:من فضلك أفتحي يا قلب 

قلب:أنت عارف أني عايشه لوحدي

شريف:طيب خلاص هستناكي تحت

قلب:عايز تقول ايه ؟ أظن باباك قال كل حاجه

شريف:بابا !! قالك ايه؟

قلب:أرجوك أمشي و أنسى انك كنت تعرفني

شريف:لو مفتحتيش أنا هعلي صوتي

قلب بخوف:لا لا أرجوك عشان الجيران ….. طيب أنزل و أنا هجيلك تحت

شريف:قدامك عشر دقايق

تبعته بعيناها حتى نزل و ظلت ترتعش من الخوف ….. ما الذي يحدث ….. كيف ستتصرف الآن؟

صقركان مستلقي على فراشه يفكر في قلب و يتخيلها في فستان الزفاف و كان يبتسم و سمع رنين هاتفه فأجاب بفرح شديد:

شريف:لسه كنت بفكر فيكي

قلب و هي تبكي :صقر 

صقر:مالك يا قلب بتعيطي ليه؟

قلب:ممكن تجيلي ؟

صقر:خمس دقايق هكون عندك بس قوليلي مالك

قلب:تعالى بسرعة لو سمحت

سمع صقر صوت طرقات شديده على الباب و صوت قلب تصرخ من الخوف فأغلق الهاتف و هرع لنجدتها …………………………………………

محمد يجلس في منزل مي و هو سعيد لأنه قرر خطبتها و قد استقبله والداها بترحاب شديد:

محمد:طلباتك يا عمي؟

الأب:أهم حاجه تراعي ربنا في مي و تحطها في عينيك

محمد و هو ينظر الى مي:متخافش يا عمي

الأم:طلباتنا يا ابني اللي تقدر عليه

محمد:خلاص كده مفيش مشاكل تحبوا نعمل الخطوبة امتى؟

الأب:شوفوا المعاد اللي تتفقوا عليه انت و مي

خرج الأب والام تاركين العروسان وحدهما و كان كلاهما يشعر بالخجل:

محمد:مبروك يا مي

مي:الله يبارك فيك

محمد:يناسبك يوم ايه عشان نعمل الخطوبة؟

مي:ممكن كمان أسبوعين عشان أحضر نفسي

محمد:زي ما تحبي , أنا فرحان أوي

مي و هي تبتسم :و أنا كمان

محمد:تعرفي أنا عمري ما فكرت أخطب أي بنت قبل كده

مي:أبدا أبدا

محمد و هو يرقق صوته ليقلدها:أبدا أبدا

مي وهي تضحك:و ايه اللي أتغير المره ده؟

محمد:لقيت بنت رقيقة شدتني من غير ما تعمل زي البنات اللي عرفتهم طول حياتي … أتعلقت بيها بعد مدة قصيرة … و قررت اتجوزها

مي:و أفرض كنت موافقتش؟

محمد:يا سلام ليه يعني ده أنا حتى عريس لقطة

مي: يا لهوي على الغرور بس ما فيش مشكله ربنا يخليك ليا

محمد مغازلا اياها:أموت انا بقولك ايه ما ………….

توقف محمد عن الكلام ليجيب على هاتفه:

محمد:ألو يا صقر

ايه؟

طيب انت فين دلوقت؟

أنا جاي حالا

مي:خير يا محمد؟

محمد:مش عارف يا مي , صقر كلمني وقالي تعالالي على القسم

مي:ان شاء الله هير ابقى طمني

محمد:اول ما أعرف أي حاجه هكلمك ان شاء الله

غادر محمد و هو يشعر بالقلق على صقر….. ما الذي حدث ؟؟؟؟؟؟

جلست قلب تبكي في حديقة القصر و بجوارها كلا من دولت ومياده يحاولان تهدئتها :

دولت:خلاص يا قلب الحمد لله أنها جت على قد كده

مياده:فعلا يا قلب الحمد لله

قلب و هي لا تستطيع التوقف عن البكاء:ده طول عمره محترم معايا و هو اللي جابلي الشغل في مكتب باباه ………..

دولت:أهوه خد جزاءه و أتعمله محضر

قلب:أنا نفسي أعرف أزاي يفكر فيا كده …. أنا نزلت كلمته تحت زي ما طلب مني و لقيته بيقولي انه عايز يتجوزني عرفي …. فطبع هزقته و طلعت شقتي طلع ورايا و مصمم يدخل …. فخفت و كلمت صقر …. و بعد شويه سمعتهم بيتخانقوا و الجيران اتصلوا بالبوليس …. وخلاص سمعتي بقت زي الزفت في العمارة ……………………

دولت:بصي يا قلب انتي ملكيش قعاد لوحدك تاني , انت تيجي تعيشي هنا مع دولت و صقر يجي عندي لغاية ما تتجوزوا

دولت:و أحنا هنرتب للفرح بسرعة صقر مش ناقصه حاجه

قلب:مش عارفه من غيركم كنت هعمل ايه؟؟؟؟؟؟؟؟؟؟

دولت وهي تحتضنها:متقوليش كده يا قلب احنا أهلك دلوقتي

قلب قد بدأت تهدأ

في هذا الوقت دخل صقر ومحمد

صقر:ربنا يخليكوا ليا

أبتسمت قلب بخجل……… جاءهما صوت محمد:

محمد:أيه هنستناكوا كتير؟؟؟؟؟؟؟

صقر:أنت مش ممكن

محمد:أصلي بصراحة غيران منكم

قلب:عقبالك يا محمد

محمد:فاضل أسبوعين بحالهم يا لولو

قلب:يا ابني هانت اصبر

محمد:أديني صابر و يلا بقى المعازيم زهقوا

نزل العروسان و عزفت الفرقة الموسيقية أغنية

{ودوني على بيت حبيبي }

وكانت مناسبة لفخامو القصر و جمال العرسين و بدأ الحفل الذي أستمر حتى الساعات حتى 12:00 منتصف الليل من صباح اليوم التالي و بعدها صعد العروسان الى غرفتهما ليرتاحا قليلا ثم يسافران ليقضيان شهر العسل في امريكا , و فور دخولهما الغرفة حتى نظر صقر الى قلب:

قلب بخجل:بتبصلي كده ليه؟ صقر:عايز أتأكد أني مش بحلم وانت هنا معايا وبين ايديا وخلاص بقيتي ملكي

قلب:كل ده و حلم؟

صقر بحب:الحمد لله أننا أتجمعنا على خير

قلب:الحمد لله

صقر:يلا بقى أرتاحي شوية عشان هنسافر كمان ساعتين إن شاء الله

قلب:حاضر

أبدلت قلب ملابسها و أرتدت فستانا طويلا الزهري اللون بينما أرتدى باسل شورتا أسود و قميصا أبيض و نزلا ليودعا دولت قبل سفرهما:

صقر:ماما انت نمتي؟

دولت و هي تفتح عيناها :لا يا حبيبي مستنيه أسلم عليكم

قلب:حضرتك تعبتي أوي امبارح

دولت:لا ابدا يا حبيبتي , خلوا بالكم من نفسكم

قلب:متقلقيش أول ما نوصل هنتصل بيكي

دولت:تروحوا و ترجعوا بالسلامة إن شاء الله

سافر العروسان الى العاصمة واشنطن و قضوا شهرا مر كأنه يومان و شعرت قلب أنها تعشق زوجها الحنون و الذي عوضها الله به عما قاسته في حياتها وكانت تشكر الله في كل صلاة على نعمه العديده التي أنعمها عليها ….. و كانت تشعر بوالدتها سعيدة لأجلها فقد رأتها في أحلامها كثيرا تبتسم لها

كان صقر يراقب قلب و هي تقوم بتصوير الاماكن التي يزورها و هو يشعر أنه يحبها حبا لم يعرفه من قبل فهي حب عمره و أحس بمعنى أن تحب شخصا حبا حقيقيا و عرف سر أرتباط والداه أحدهما بالآخر فقد كانا عاشقان مثله هو و زوجته قلب …………………

هذا الحب الذي نسجه القدر  

من نبض قلب صافية كالنهر  

إلى صقرٍ قويٍّ كالريح في الفجر  

قلبي فيك يا صقرُ وجد أمانًا  

فوق الجبال بين جناحيك طيرٌ  

وفي السماء رسمنا حلمًا ليس له آخر  

فلتكن أيّامنا شمسًا لا تغيب  

وفي كل فجر، ولادة حبٍّ جديد  

بين قلبٍ نبضه لا يتوقف، وصقرٍ جناحه لا ينكسر.

          "تمت بحمده الله "

لمتابعة  الرواية الجديدة زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا