رواية مأساة حورية البارت الرابع عشر 14بقلم فريدة احمد (حصريه وجديده في مدونة قصر الروايات)

رواية مأساة حورية البارت الرابع عشر 14بقلم فريدة احمد (حصريه وجديده في مدونة قصر الروايات)

رواية مأساة حورية البارت الرابع عشر 14بقلم فريدة احمد (حصريه وجديده في مدونة قصر الروايات)

كان امجد بيضر،،ب رشا بغل وكلهم بيحاولو يخلصوها من ايدو لكن مش عارفين لان غضبه منها كان عاميه 

و مسبهاش غير لما كسر، لها دراعها وهو متعمد زي ما عملت في ابنها 

رشا كانت حاسة ان روحها بتطلع من شدة الالم 

وطت قدرية عليها تقومها وهي بتزعق في ابنها وبتقول... ايييه. ايييه يا امجد. كانت هتمو،، ت في ايدك. لييه كده يابني.. عملت ايه هي يعني ل كل ده 

امجد بغضب.... بتكـ سر للواد دراعه و بتسألي عملت ايه. كنت استناها لما تمو، تهه.. دي بنت كلب جاااحدة 

كان الولد ماسك في حورية جامد وهو بيترعش بخوف من المنظر اللي شايفه 

حورية ضمته ليها جامد وهي بتقوله بحنية.. متخافش ياحبيبي

اما هنا اللي كانت واقفة بخوف جمب كريم وهي مصدومة من اللي حصل في رشا  

بصت ل كريم وقالت بخفوت .... كريم

كريم بصلها 

هنا...... طلقني 

كريم بتعجب .... نعم

هنا بخوف.... انا مش مستغنية عن عمري. مش هستني لما تعمل فيا كده. زي ما اخواتك بيعملو في مرتاتهم. طلقني ياكريم 

كريم... انتي هبلة يابت. وانا عمري ضر، بتك

هنا... لا بس دايما بتزعقلي.. ااه. ايوا. افتكرت. انت في مرة ضر، بتني بالقلم 

كريم باستغراب... امتا ده

هنا... من سنة تقريبا.. لما كنت عاوزة اخرج مع صحابي وانت رفضت 

كريم مكانش فاكر اصلا لكن قال .... وانا ساعتها رفضت ليه 

هنا... كان بليل والوقت كان متاخر

كريم.... وبعدين 

 هنا.... انت وقتها مرضيتش تخليني اخرج. وانا  قولتلك هخرج سواء برضاك او غصب عنك.. 

 ‏

 ‏كملت وهي بتبصله بغيظ.... روحت انت رزعتني قلم انا مش ناسياه

كريم....كان قلم واحد ولا اكتر؟ 

هنا.... لا كان واحد بس مش شدته كنت حاسه اني اتحولت

كريم.... برغم اني مش فاكر  بس احمدي ربنا انه كان قلم لانك باللي حكتيه ده كنتي محتاجة كسر رقبتك. 

كمل وقال... دا انا علي كده طلعت طيب والله

هنا لسه هتتكلم 

قاطعها لما قال... انتي عندك جامعة النهاردة ولا اجازة 

هنا..... لا اجازة

كريم... طب اطلعي ذاكريلك كلمتين ينفعوكي ولا نامي المهم متنزليش من الشقة 

هنا.... طب هروح اقعد مع ماما شوية الاول ممکـن

كريم ... قولت اطلعي 

هنا... ياكريم. 

كريم بحدة.... سمعتي

هنا نفخت بضيق وغيظ منو وراحت طلعت شقتها 

.......... 

تاني يوم 

محمد نزل من شقته قابل امه في وشه واللي اول ما شافته قالت بغصب.... هي مراتك مش ناوية تتعدل وتبطل دلع بقا وتنزل تشوف شغل البيت ولا ايه. انا بقيلي فترة سايباها علي راحتها و مش عاوزة اتكلم. لكن هتسوق فيها. لا الخال ده مايعجبنيش

وقبل ما محمد يرد كملت وقالت.... اديك شايف اللي حصل ل رشا مش هتعرف تعمل حاجة من دراعها. 

وبأمر.... يلا خلي السنيورة مراتك تنزل تشوف البيت محتاج ايه وتعمله 

محمد.... ملكيش دعوة ب حورية ياما شوفي حد غيرها.. بنتك فين. البت سمر فين 

قدرية... في اوضتها. عاوزها ليه. 

مردش محمد ونادي لاخته اللي خرجت بسرعة من اوضتها وهي بتقول.... نعم 

محمد..... شوفي اللي حورية ورشا كانو بيعملو في البيت واعمليه انتي يلا

سمر هزت راسها بطاعة وقالت... حاضر  

وابتدت ترتب البيت وهي متضايقة 

اما قدرية بصتله وقالت بضيق.... يعني ايه خلاص ركبت مراتك علينا 

محمد..... مش هقولك تاني ياما. طلعي حورية من دماغك 

هي بتعمل حاجتها في شقتها ومش مجبرة تعملك. عندك بنتك اهي.. هي مش صغيرة 

واتجه للباب وخرج

وقدرية كانت بتقول في نفسها بتوعد... ماشي يابن بطني 

وكملت بغل.

.. ان ما خليتك ترميها لكلاب الشوارع بنت سهام مبقاش قدرية 

شوية وحورية نزلت واللي اتجاهلت قدرية تماما كانها مش موجودة وخرجت 

فتحت بوابة الكبيرة واللي المفروض بتقفل علي بيتهم وبيت عمهم اللي يعتبر في نفس المكان لكن البيتين منعزلين عن بعض 

حورية اتفاجأت ب عاصم في وشها داخل واللي كان واضح جدا عليه انو كان سهران برا ولسه راجع 

عاصم بحب.... حورية. ازيك

حورية.... كويسة 

وراحت تمشي علطول

لكن عاصم مسك ايدها وقال.... انتي وحشتيني ياحور.  

ورفع ايده علي شعرها وهو بيبصلها بحب وقرب عليها وهو مغيب لانه كان شارب كتير ومكانش فايق اوي وبيقول... وحشتيني اوي

حورية شدت ايدها منو وبعدت عنه و بغضب... وحش لما يلهفك

وبتحذير.... عاصم. ابعد عني احسلك انا مش نقصاك 

وسابته ومشيت بغضب

لكن عاصم فضل واقف يبص علي اثرها بشرود وهو بيقول بإصرار..... هتكوني ليا في الاخر ياحورية كده كده. صدقيني هعمل المستحيل علشان ارجعك ليا تاني ياحبيبتي 

............... 

تاني يوم

جرس الباب ضرب 

راحت قدرية تفتح الباب لاقت مندوب قدامها ومعاه اكياس كتير 

: مساء الخير

قدرية باستغراب... مساء الخير

: الاولدر ده باسم 

ولسه هيكمل قدرية قاطعته وقالت..  لا اكيد غلطت في العنوان احنا مطلبناش حاجة 

في اللحظة دي نزلت حورية من علي السلم وقربت ليهم وهي بتقول.... انا اللي طالبة ياحماتي 

واخدت الاولدر من المندوب وحاسبت عليه 

قدرية كانت بتبص بزهول  للاكياس الكتير  واللي كان واضح جدا انهم  براندات غالية 

اخدتهم حورية  بعد مابصتلها بلامبالاه من صدمتها وطلعت 

قبلت رشا اللي كانت نازلة من علي السلم 

بصت لدراعها المتجبس بشماته و قالت بشفقة مصتنعة .. سلامتك. تعيشي وتاخدي غيرها. وبعدين دي حاجة بسيطة. 

وكملت طلوع وهي بتقول ببرود... عاوزاكي بقا تجمدي للجاي لاني شكلي قربت اكشف المستور

هي طلعت ورشا نزلت وهي جواها خوف شديد من اللي ممكن تعمله حورية

قربت وقعدت جمب قدرية وهي تايهة

قدرية.... عاملة ايه النهاردة

رشا بصتلها وقالت بضيق... هكون عاملة ايه دراعي زي ماانتي شايفة. 

كملت بغل وحرقة ... منه لله ابنك. حسبي الله ونعم الوكيل. ربنا يجازيـ.. 

قاطعتها قدرية بغضب وقالت.... اااخرسسييي قطع لسانك 

بتحسبني علي ابني وبتدعي عليه في وشي. دا انا اقطعلك لسانك يابنت المهبوشة انتي 

رشا.... وهو اللي عملو فيا ده شوية بيضر، بني قدامكو ويكسرلي دراعي 

قدرية.... تستاهلي وعنده حق. وهو في واحدة تعمل في ابنها كده. ايه يابت الجحود ده 

رشا... انا اكيد مكنتش اقصد دا كان غصب عني. هو انا بردو هبقي قاصدة اعمل كده في ابني

قدرية.... عارفة.. بس انتي بردو مش حنينة علي عيالك يا رشا وبتضر، بيهم كتير ومعاملتك قاسية معاهم. بشوف ده كله وبداري عليكي ومبرضاش اقول لامجد علشان عارفة لو مسكك مش هيرحمك واديكي شوفتي عمل فيكي ايه 

رشا بصت لقدرية وشردت و هي من جواها مرعوبة وهي بتفكر في ان لما امجد يعرف بخيا،، نتها هيعمل فيها ايه،، وهي بتقول في نفسها برعب. ده كسرلي دراعي بمجرد ماعرف اني السبب في اللي حصل للواد.. امال لما يعرف اني بخو،، نه. دا اكيد هيد،، بحني من غير تفكير.. انا لازم 

اتصرف قبل مابنت الكلب دي تكشفني.. 

انتبهت لقدرية اللي بتقول.... في واحدة تعمل اللي عملتيه ده 

رشا بخوف.. عملت ايه

ولانها مكنتش مركزة معاها افتكرت ان قدرية عرفت باللي بينها هي ومحمد 

لكن اتنهدت براحة لما قدرية قالت .. يعني تبقي متسببة في اللي حصل لابنك وفي الاخر تطلعي تنامي ولا يهمك ولا شوفتك حتي قلقانة علي الواد.. 

شاورت علي فوق وقالت... دي اللي ماتتسمي كانت قلقانه عليه اكتر منك وفضلت سهرانة مستنية ومطلتش تنام زيك لحد ما اتطمنت علي الواد 

رشا بحقد.... وانتي صدقتيها. دي حركات محن بتعملها 

قدرية... عارفة. بس اهي عرفت تكسبهم وبينت قدامهم انها الحنينة اللي قلقانة علي الواد اكتر من امه. كنتي عاوزة جوزك بقا لما يشوفها كده يعمل ايه يحب علي راسك. طبيعي اللي عمله.. شايف مرات اخوه قلبها علي ابنه اكتر من امه.

رشا بصوت واطي قالت بغل... ربنا ياخدها ولا يبتليها بمصيبة. لو عليا اقـ تلها واشرب من دمها

...... 

بعد شوية.

طلعت رشا خبطت علي حورية اللي اول ما فتحت ليها الباب بصتلها بسخرية و قالت خير

رشا بهدوء.... ممكن ادخل. عاوزة اتكلم معاكي 

حورية.... وهو في بيني وبينك كلام

رشا بمسكنة..... ارجوكي ياحورية

........ 

في الجامعة 

خرجت هنا بعد نا خلصت محاضراتها واتجهت ل سمر اللي كانت واقفة مع صحابها وقالت.... يلا ياسمر مش هتروحي 

سمر.... لا انا فضل شوية مع صحابي 

واحدة من اللي واقفين... متخليكي معانا شوية ياهنا. هتروحي من دلوقتي 

هنا.... مادام خلصت محاضرات هفضل في الجامعة اعمل ايه 

: تفكي عن نفسك شوية هو ايه لازم من البيت للجامعة ومن الجامعة للبيت..

افتكرت وقالت... ااه بقا. ولا علشان انتي متجوزة 

يابختك عندك حق..الا قوليلي ياهنا هو الجواز حلو

هنا.... امم جميل.. حلو اوي عقبالك

واحدة تانية.... انا لو منها مش هاجي الجامعة اصلا

وضحكت 

: صح بس الواحد يلاقي فين واحد زي كريم. انا لو مكانش واحد مز و زي كريم مش هتجوز.. بقولك ايه يا هنا متسلفيلنا كريم 

هنا بغيظ... اتملي ياحيو، انة.

ضحكت البنت وقالت.... بصراحة بنحسدك عليه 

سمر.... علي ايه. دا كريم اخويا معندوش تفاهم وممشيها زي الالف

صاحبتها.... بس بيحبها ودي كفاية 

سمر.... بصراحة اه هو بيموت فيها

............ 

عند حورية

بعد مابصت بصت ل رشا لثواني دخلت وسابت الباب مفتوح 

وقعدت علي الكنبة ببرود وقالت

رشا دخلت وقفت قدامها بخزي وقالت بترجي.... انا ممكن اعملك اي حاجة تطلبيها مني بس متفضحنيش . ارجوكي. انتي مش هتستفادي حاجة لما تعملي كده..وانا مش هقرب من جوزك تاني صدقيني. انا ندمانة علي اللي عملته 

دموعها نزلت وقالت.... لو امجد عرف هيقتـ لني.. طب حتي علشان خاطر عيالي هتستفادي ايه لما تبوظي سمعتهم. انتي اكيد مش هيهون عليكي العيال. مش كدا 

كانت رشا بتترجاها متفضحها، ش وهي خايفة جدا بتحاول تصعب علي حورية بأي طريقة

لكن حورية ردت وقالت بسخرية.... دلوقتي مرعوبة وخايفة افضحك!!! 

كملت بغضب... وليه مكنتيش خايفة وانتي بتعملي علاقة في الحرام مع جوزي.. ليه ساعتها مخوفتيش من ربنا.. دلوقتي يهمك عيالك. ومفكرتيش انتي فيهم ليه وفي سمعتهم.... انتي واحدة و،، سخة يارشا. انتي لا يهمك ولادك ولا بتخافي ربنا.. انتي بس خايفة امجد يقـ تلك لما يعرف. بس انا فعلا هفرجو علي الفيديو. لازم اعرفو قذا، رتك. 

رشا برعب.... لا ياحورية ابوس ايدك هيقتلـ. ني

حورية.... دا علي اساس متستاهليش المو.. ت.. انتي تستاهلي تمو، تي الف مرة. اللي زيك حلال فيهم الحر، ق 

رشا بدموع... ا انا توبت صدقيني. وخلاص مش هيبقي في بيني انا ومحمد اي حاجة بعد كده

ابتسمت حورية بسخرية وقالت... علي اساس يفرقلي هتكملو في وسا،، ختكم ولا لا 

رشا بترجي ...طب  ارجوكي متفضحنيش. انا مستعدة اعملك اي حاجة.اي حاجة تطلبيها مني. هعملها بس ماتفضحنيش ياحورية علشان خاطر عيالي. 

حورية بصتلها وقالت بتجبر.... انزلي بوسي رجلي

رشا بصدمة...اييه 

.... 

عند سمر اللي خرجت من الجامعة وراحت مكان متعودة تروحو من فترة

وقفت قدام شقة وضغطت علي جرس الباب ليفتح لها شاب في العشرينات واللي بمجرد ماشافته اترمت في حضنه وهي بتقول... وحشتني. وحشتني اوي يا علي 

قفل الباب وهو بيقول... يخر.بيت جنانك. مش خايفة حد يشوفك

سمر.... لما بشوفك بنسي الدنيا. كنت واحشني اعمل ايه 

بصلها بوقاحة وقال.... دانتي اللي وحشاني يا فرسة

وفي لحظة كان مال عليها شالها وهو بيضغط علي شفته وبيقول.... نفسي فيكي يابت

سمر بدلع وهي محاوطة رقبته... علطول كده مش نقعد الاول نشوف هناكل ايه نشرب ايه 

وهو بيدخل بيها وبيرميها علي السرير قال... هناكل وهنشرب بس بعدين 

وقرب منها وو

يتبع..... 

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا