رواية أأستحق هذا العڈاب الفصل السادس عشر 16بقلم ميفو السلطان( حصريه وجديده في مدونة قصر الروايات)

رواية أأستحق هذا العڈاب الفصل السادس عشر 16بقلم ميفو السلطان( حصريه وجديده في مدونة قصر الروايات)

رواية أأستحق هذا العڈاب الفصل السادس عشر 16بقلم ميفو السلطان( حصريه وجديده في مدونة قصر الروايات)

#أأستحق_هذا_العڈاب 

#حكايات_mevo 

كانت قمر تلمس وجهه وعيونها تفيض بالمشاعر .،فتح جبل عيونه مره واحده ونظر بعيونها ..انتفضت وحاولت ان تبتعد كلبش فيها بقوه .كانت ترتجف وهو في حاله هياج من فرط مشاعره ومما فعلت ظلا ينظران الي بعضهما وقلوبهم تصرخ ..كان ينهج بشده فعيونها قمر التي خلعت قلبه .

همست  بقهر ...،ماتمدش ايدك عليا سيبني  .بعد اوعي فيه ايه .

عاد لنفسه علي الفور  ...هتف ساخرا ،،،فيه ايه...دا فيه وفيه وفيه ...ايه انت ....ابتسم بسخريه وهو قريب منها وهيا احست انها ستموت ...هتف بخبث ...عاجبك اني صوح ..دا طلع بحج وحجيجي وجمر عينها لساتها عالجبل ...بتملسي عليا واني نايم... حاسس ببطني جلبت للدرجادي بجيتي رخيصه يا بت حمدان  .

تجمدت مكانها وقد انشق قلبها فصرخت..... بعد بعد .

ضحك وهتف.... ابعد هو اني كت جربت والا حسست ...واحده وبتحسس علي راجل غريب ايه اللي بقيتي فيه ده ... يا مري الا الحاج عرفان عارف انك بتحسسي عالرجاله يا جمر .اكلمه دلوك واجوله الهانم اللي انت عايزها بتحسس عليا .

تجمدت ،،،تكلم عرفان. 

هتف ضاحكا ....ايوه الراجل اللي عايز يتجوزك... الشايب ...جولت هتاخديه ليه صوح ... ضحك ....عشان الفلوس واضح ...هتاخديه ليه يعني ...وعشان اكده مش مكفيكي وجايه تحسسي عليا..ايه هتتجوزيه وتدوري تجيبي جدع يكفيكي يا بت حمدان ..

صرخت... بعد منك لله بعد انت بقيت شيطان .

هتف بسعاده ..لاه ابعد ايه دا ماعتش بعد واصل ... الا اني من فرحتي هنهبل ...داني هجرب واجرب مالهانم واجعه وبتحسس عليا ..رايداني جوي اكده مجهوره جوي اكده انت بقيتي اكده ازاي جرف انت جرف ....كان يتحسس جسد ها وها تشعر انها ستموت قهرا .

انتفضت وابتعدت ،،انا بكرهك بكرهك يا جبل وبكره اليوم اللي شفتك فيه... انت ايه مابتحسش عايز ايه منك لله... ماتنسي بقه انا تعبت منك. 

قام واتجه اليها فصرخت ....كفايه بقه حرام .

نظر اليها بشماته ،،كفايه كفايه ايه دانت جيايلي علي طبج من دهب .،الهانم بتملس وتبوس ...لساتك عاشجه جبل والا دي رغبه ماعتش عشج مانت مابتعرفيش تعشجي .،ايه رغبه صوح فتحت عيوني لجيتك واملاني بعيونك ...عايزاني يا جمر نفسك فيا بتتحسري علي حالك ...مانت هتاخدي الشايب تعملي بيه ايه... ماهيكفكيش فرسه زيك عايزه جدع .

ضحك عاليا.... يا فرحك يا جبل .،اقترب وشدها فصرخت ..بس الجدع اللي بتملسي عليه ده جرفان من شكلك ولا هيكون ليكي. هتنكوي بالنار وانت هتموتي عليه ...شدها واحتضنها... حسي بيا اكده وحسي بجتتي خلي نارك تجيد جواتك بس اخرتها لوحدك من غير ونيس ...فرشتك فاضيه بتحرج جتتك وتنكوي عاللي كان يوم هيسعدك وهيهننك.... بس انت صنف نجس مابيطمرش ،،موتي في جربي يا جمر واني بقه من اهنه ورايح هحسسك بيا واموتك جدامي الف مره .

دفعته ونظرت اليه بقهر .،عارف يا جبل .،بتمني دلوك من جلبي وبدعيها ربنا ياخدني عشان الوجع طفح وزاد .

واستدارت مقهوره تشعر انها ستموت فهو عرف تاثيره عليها.

اندفع يشدها ...وجع ايه انت بتتوجعي وركنها وظل يتاملها ..كان يشعر بالانتشاء والسعاده انه مازال يؤثر فيها كان قلبه يحترق قبل ذلك ولكن الان خفقات قلبه تصرخ انها ممكن ان تكن له شيئا يسعده ويسعد غروره ..همس بصيلي بصيلي بصي ووريني عيونك فتحت لجيتهم نار تكوي الجلب  .

لم تعد تحتمل دفعته ...ونظرت اليه بعيون ميته من الوجع فصرخ ...بتكتمي نظرات صوح مفكراني مش حاسس صوح .

نظر( لاه بتكدبي ايوه بتكدب اني هعرفك انت ازاي حاسه هعرفك .

مرت عده ايام ولم ياتي العمل وارتاحت هيا من عدم وجوده وكانت مضايقات صديقه امير وتجاوزاته تزداد... اتي يوما كانت تدخل لتجد هرج ومرج كان الكل يقف فتجمدت حين وجدت جبل يقف محتضنا تلك الفتاه  والكل يبارك ويهني فقد اعلنا خطبتهما شعرت بنار داخلها استدارت مسرعه للخارج تشعر بقهر دخلت الحمام ...ايه ايه هتموتي يا بت حمدان هتموتي عليه جلبك هيموت..صرخت بقهر .. ماهواش جبل ماهواش ..ده واحد تاني بيكرهك اكرهيه زي مابيكرهك جلبك بيتعصر ليه يا بت حمدان اااه جلبي انهري وجع مش كفايه اكده ،.هتبقي في حضنه ومعاه وتتهني ببيته هتفرح بيه وانا الجهر واكلني هو اني استحج كل ده بالجوي .،يا رب ماتخليهوش يشمت فيا ده مش جبل ماهواش ماهتحملش شماته منه ..مسحت دموعها عادت الي الداخل والكل يقف تقدمت ببرود وهتفت ..مبروك يا جبل بيه عجبال الفرح الكبير والفرحه الكبيره .

شعر ببعض الغضب ولكنه ..ضحك عاليا ..اه طبعا هشوفها ابقي ساعتها تعالي باركي .واستدار واخذ الفتاه ورحلا .علمت ان الخطبه بعد يومين ..مر اليوم وعاد هو واستدعاها..قائلا ..تعالي معايا ونزل بها وهيا تشعر بالغلب لم تعد تحتمل ما يفعله بها .

فهتفت ..احنا راحين فين .

قال.... شغل شغل هديكي عليه فلوس بزياده ..نظرت اليه ولم تتكلم  وصلا الي محل كبير قطبت جبينها فكان محل مجوهرات فاخر .

هتف امرا.... انزلي ..

نزلت ودخلت معه .....،جلس هو وجلست منكمشه بجواره وهو منتفخا وواضعا  قدم علي قدم ،،اقترب الرجل ..،جبتلك احسن تشكيله زي ما جولت يا جبل بيه بعت جبتهم من مصر .،

نظر اليها واشار للعلب وهتف ..نجي اللي يعجبك .

نظرت اليه قاطبه .،انجي ... اني انجي .

هتف مبتسما بلين... ايوه ..نجي يا جمر اللي يعجبك  .

هتفت بدهشه وقلبها يرجف .. ..ليه انجي ليه .

هتف مبتسما ابتسامه ساحره فرجف قلبها ... ..نجي بس وهعرفك نجي حاجه تخش الجلب ...مش كتي بتجولي نفسك في اللالماظ اهه جدامك نجي والله هشتري اللي هتنجيه .

نظرت اليه ببلاهه لم تعلم ماذا تفعل مدت يدها تتفحض العلب كانت علب تشع نورها دمعت عيناها لم تعلم  ماذا يريد .،تنهدت واختارت خاتما رقيقا وراقيا .،

ابتسم وهتف .....،عجبك ده يا جمر ..هزت راسها ..هتف ،،طب اختاري حاجه لرجبتك برضك عايز حاجه حلوه .

هتفت بلين .،ليا اني لرجتي يا جبل ..

هتف بسعاده ....ايوه نجي بس ..،

تنهدت واختارت بقيه الطقم ابتسمت وظلت تتلمسهم بحنان احست انها عادت فتاه السادسه عشر  وحبيبها يلبي طلباتها .

نظر اليها وعيونها التي تلمع فهتف ....خلصتي ..هزت راسها فقام وهتف ..تمام اكده هاخد دول .

علمت هيا الرقم فشهقت ونظرت اليه ضحك وقال ..دي حاجه جليله جوي بالنسبالي..

خرج من المحل وعاد بها الي المكتب  ...رجف قلبها 

ابتسم ودخل وهيا وراءه ..دخل المكتب وفرد الطقم امامها ..حلو يا جمر .

ابتسمت وهتفت بلين...،،ايوه حلو جوي ..

اتجه الي الباب وقفله واستدار وركن عليه .

فارتعبت ،،ايه فيه ايه بتجفله ليه .

تحولت نظراته الي سخريه وشماته فجه ...ضحك ..لاه بس حبيت بس اتسلي شويه .

نظرت اليه مرعوبه وهو يقترب ساخرا قالت .. .... تتسلي تتسلي ازاي بعد بتجرب ليه اتخبلت .

ضحك وركنها عالحائط ..كت عايزك تباركيلي وعيونك في عيوني .عايز اشوف فرحتك ليا... مش فرحانه برضك اني هكون لواحده تانيه .رجف قلبها فهتف بشماته.....نجيتي شبكه غيرك يا جمر الف مبروك .

احست بذبحه بقلبها مسك يدها وشدها ومسك الخاتم ووضعه فيها احست انها ستموت ،،،ظل يتامل يدها والخاتم فيه فادارها واحتضنها من الخلف وهيا ترتجف وتنهج من هول ما هيا فيه ... .رفع يدها امام عيونها وهيا تنتفض بقهر وجسدها ينغزها ...

هتف بشماته....ملي عينك يا جمر باللي عمره ما هيدخل يدك ..ملي عينك بالالماظ اللي اتمنتيه وبقي لغيرك. ملي عينك يا بت حمدان .. عاجبك بصي واتملي ... نجيتي واتبسطي لمستي الالماظ يا جمر. دخل صباعك حسيتي بيه حسي بيه بالجوي .خاتم جبل.. حسيتي بخاتم جبل يا جمر..كان يتلنس يدها ويدير الخاتم في اصبعها ...حلو صوح ...

ليديرها بعنف فشهقت عندما مد يده نزعه بقسوه . احست بالقهر والالم  فضحك ..خاتم جبل عمره ماهيبقي في يدك يا جمر اتحسري وبصي جايب لحبيبتي ايه. عارفه ده تمنه كام عارفه بعيلتك كلها ماتجدرش تهوب ناحيته. اتملي باللي نجتيه وهتلبسه غيرك هانم .لو كتي صبرتي عليا كت جبتلك الحلو كله بس انت تستحجي يتحط في يدك سلك حديد مصدي يا بت حمدان .

سالت دموعها فهتف .،بتبكي دلوك فاكره لما وجفت جدامك ببكي فاكره يا بت حمدان وجولتلك اصبري هجبلك الحلو..فاكره واني راكع تحت رجليكي فاكره ... جولتيلي الله يسهلك حالك ،

انتفض بعنف ومسك يديها الاثنين ورفعهم وشدها بقوه ...وهيا تنهج وتنتفض ودموعها تسيل ....بس اني ماهجولكيش الله يسهلك حالك ابدا .لاني ماريدش حالك ينعدل .كل دجيجه هوريكي جبل بقي ايه. جبل بقي عالي معاه فلوس بالكوم. فلوس ماهعرفش اصرفها سيبتيني عشان الفلوس اهه معايا وفوج ده هاخد هانم مش جربوعه سمعتها في الارض... هانم يا جمر وانت هتجعدي تتحصري علي حالك وتجولي يا ريتني ماسيبته. حسيستي عليا جبل سابج من جهرتك ودلوك هتشوفيني مع غيرك .عامل فرح يتحاكي بيه البلد ...جايبلها الحلو كله ومكلف ماني ماهخليش حبيبتي نفسها في حاجه اللي طلبته واللي ماطلبتوش هتاجي هناك. وهتشوفي وهيا نازله جمر في يدي هعملها بيت وعيله هتبقي ست الناس وفوج ده هكتبلها الجصر باسمها عشان تستاهل لا هي عويله ولا غداره كل اللي هيخش هيجول بيت مين ده... هعملها صوره بالحجم الطبيعي في داخله القصر...فصرخت وتشنجت فصورتها في حلمها كانت تتصدر ذلك القصر وضعت يدها علي قلبها تشعر انها ماتت امامه .

هتف ....ايوه هعملها وهعيش عمري اعمل ... دبلتها في يدي واجيب منها عيال كتير هحب فيها واديها جلبي وحالي ومالي. ما اللي تجف جاري اديها عيوني اما انت بقه ..هتفضلي محصوره وانت مع الشايب بتاعك. 

شعرت بالالم يمزقها فصدحت ضحكته ..،يا جمالو وهو موجوع اكده مسك يدها ووضعها علي قلبه شفتي شفتي جلبي بيدج فرحان كيف ،،يااااه حاسس بسعاده غير عاديه ،،،حسيتي بايه لما شفتيها في يدي هاه .،اتخيلتيها في حضني صوح اتخيلتي بيتي هيبقي بيتها اتخيلتي اني معاها راجل لمره وانت مع الشايب بتاعك ..لمس شفتيها .،شفايفها هتكون بين شفايفي تخيلتي ده واني بلمسها هانم في حضني متخيله .

كانت تنتفض وتغرز اظافرها في ذراعه يحس بها كان سعيدا انها تحس به وهذا يرضي غروره ان من تركته مازالت تحس به .،اقترب وهمس .،هتتجوزي ازاي وانت هتموتي عليا يا بت حمدان هاه جولي هتعمليها ازاي هتباتي في فرشه واحد وانت عايزه واحد تاني وهو مبسوط مع ست تانيه ،اهو ده العذاب اللي يشرح الجلب .،

اتعذبي يا بت حمدان حاسس بصوابعك من جهرك بتغرز في لحمي وجعك شفا ليا . ....هوريكي اللي انت ما هتاخدهوش واندفع اليها ينهال عليها بشغف  وهيا ترتجف من هول كلامه وغل قلبه ..وما ان انتهي دفعها بقرف ....ها حاسه بشفا يفي هاه حاسه بجتتي جولي لو رايده اخدك في الدرا ماهجولش لاه عالرخص ..بس في النور لاه ولا عمره هيكون اني احط واحده زيك علي اسمي .اتعذبي اني هعيش مع حد تاني اتعذبي بالجوي وعيونك بتشع جهر.

هنا استعادت نفسها ودخل الغل قلبها فهو زاد وفاض وكال لها من الهم كفوف .،انتفضت لكرامتها وقلبها الذي يأن وجعا .انتفضت قمر لسنين عاشتهم قهرا ومع ذلك لم تشتكي ...انتفضت لايام دعت له فيها وتمنت له الخير ومع ذلك لم ياتي منه اي خير ...انتفضت اخيرا لفقدانها قلب ظنت ان به لو حتي بارقه خير فامامها ابشع مخلوق ممكن ان تراه في حياتها. حبيبها مات واندفن واتي مكانه شيطان يغرز كل سوءه بداخلها ...اتستحق كل هذا العذاب لا والله لا تستحق .انتفضت رفضا لعذاب كتب عليها كمدا وقهرا .انتفضت ترفض الجبل وغل الجبل ...وكما دخل الغل قلبه دخل ايضا الغل قلبها فقمر زهدت الدنيا ولكنه غرز كل هموم الدنيا فيها لتنتفض وتقرر ان ترد له الكيل اضعاف.فشر الانثي وكيدها اذا اخرجته يطيح بعنفوان اي رجل .كيد الانثي المدبوحه يعادل هشيم يقضي علي كل متجبر . فليست قمر من يقال لها هكذا فلتري يا جبل ان للخصومه نهايه وان الفجر في الخصومه نهايته ابشع مايكون .....

  نظرت اليه والبلاده عادت اليها عادت قمر التي رفضت الدنيا والان ترفض الجبل وبشاعته ....صدحت ضحكتها وشع وجهها بسعاده كانت تبدو كاميره تتكلم تنظر اليه كانه لم يكن عادت لنفسها وثارت لكرامتها وهتفت بابتسامه تشع راحه ........،اتعذب ...مين جمر ...بس يا غلبان سنينك ..العذاب راح يا جبل...خلاص عليا اكده  وزي مانت هتعيش مع حد تاني اني برضك هعيش مع حد تاني بس انت مفكر اني هفكر فيك ..انت عايش تفكر فيا وبس شاغل نفسك بيا وبس حتي لو بتكرهني لسه جوا حياتك بنحر جواتك يا جبل النحر شغال والجلب بيغلي .جمر انت مانستهاش جمر انغرزت جواتك بتموتك وعشان بموتك ونفسك فيا وماطولتش بتطلع كل العفاشه عليا .جمر بتاكل جتتك ومن جهرتك بتجول وانت الجنون عايشه والهم بياكل جلبك ....بتجولي هتعيش . هيا فين العيشه دي عيشتك دي عيشه ..ضحكت ... لا و واخد وتاعب حالك وصارف ومكلف وجايبلي حته سلكه فاكرني هزعل وانجهر ..فلوس ايه يابو فلوس ...داني لو رايده دلوك اتعبي فلوس ودهبات اوريك لو رايده اجيب جدع يشرح اشاور بس يجي زاحف ..ماتوعي لحالك يا جدع وتشوف واجف جدام مين داني الجمر اللي ماحد يطولها .واللي يطولني بكيفي .

. اني بقه هجولك الناهيه ..اني هعيش وهعيش وهعيش  مع العجوز الشايب . اقتربت والتصقت به وعيونه جاحظه وانفاسه تشق قلبه كالسكاكين .هتجوز عرفان ..الشااااايب ...بس شايب ايه ولا اجدعها جدع ..اللي فرشته هخليها نار تاخد العجل اللي كان هياخده الجدع واتحرم عليه وماطالهوش .. عرفان هياخده ...عرفان الشايب .

تخيل اكده ..رفعت يدها ومسكت وجهه بيدها ...وبدات انفاسه تتصاعد بجنون ...تخيل جمر لما تحب تتغندر لراجل هتبقي شكلها ايه. لما البس وابين حالي هاه اهننه هيبقي شكلها ايه...ابين حالي لراجلي حتي لو شايب تخيل  هيبقي شكله ايه. اني افور اجدعها راجل. لو ميت اصحيه عنيه تبرج من بصته ليا ،،

جاي تجولي فرشتك .،ماتروح تجيب ان شالله تتمرغ مع اي ست اني مالي ..جاي وتاعب حالك وموديني انجي واختار.... ضحكت اختار ايه حبه سلوك ادعسها برجلي.. لتكون فاكر ان عرفان شحات والا ناجص فلوس حتي لو ناجص فلوس هفرح بيه ...فيه ناس معاها فلوس بس ناجصه ربايه ..استدارت ومسكت الخواتم بتجولي البس دول ولا عمري هلبسهم.. ليه كت عايزاهم والا هيفرحوني .

مسكت يده ،،خد يا شاطر شويه السلوك فرح بيهم حد تاني .تصدج مبسوطه جوي باللي حاصل يمين الله ..فعلا سبحان الله كان لازمن يجرالي اللي جرالي اللي انت ماهتعرفوش ولا عمرك هتوعي بيه عارف ليه...سبحان الله عشان لما ياجي يوم اللي زيك يجف يتبجح بالمجايب والشرا يكوني في عيوني تراب اه والله تراب سلوك مصديه تعيص يدي ..

خبطت علي صدره ليرتد قليلا شعر انه مشلول ...هتفت بتعالي ....،ماحدش جالك ان جمر الدنيا تحت رجليها..ماوصلكش من ضمن اللي وصل والا هو العفش بس اللي وصل والتعيب... ماحدش جالك ان جالي كبرات ورفضت جالي فلوس ورفضت جالي اكفوف دهب ورفضت جالي جدعان ورفضت ...،لاه ماحدش جال او لو جال ماهيعديش علي بالك .،اني سيبت الدنيا من زمان .،بس دلوك بكيفي هرجعلها بس مين اللي هيرجعهالي يابن العزايزه..

نظرت اليه بسخريه ودارت حوله تلمسه وتدور مين يابن العزايزه كان كانه سيصاب بذبحه ...لتدفعه بقرف ...عارف مين الراجل الشايب اللي بتجول عليه ده ....

اندفع ومسك يدها يعتصرها نظرت اليه بشماته وغل ...ضحكت ..ايه جت تجهرني ردت في جلبك و انغرزت ....جت تكيدني مت من جواك ..حاساك بتغلي وكاتم من الجهر ماجادرش تنطج ...جمر بتجولك  اتمني اخش دنيه عرفان.. يديني من الحنيه اكفوف الحنيه اللي ماتت في جلبك وشايفاك جثه بتتحلل جدامي ...

يا مري ايه غلك ده عايش ازاي صعبان عليا يمين الله .،اني اه سيبتك بس سيبتك زمان والدنيا كان المفروض تمشي بس وجفت عندك وغلك طاح وفاح ...عايش بس تفكر في جمر ودي لوحدها عذاب يابن العزايزه... بتجولي هفرح واتجوز  ...

اقتربت ..نظرت في عيونه....خبطت علي صدره ... مبروك يا جبل الف بركه وجريب جوي هتباركلي وتاجي كمان في الصباحيه لم راجل يتهني بيا واخليه يجضي ليله تاخد العجل .ليله جمر ماهياش زي اي حد الكل كان بيتمي بس ليلتها.. فاكر يا جبل كت زمان بتجول ايه فاكر كت بتجول اليوم اللي هاخدك فيه كني خدت العالم ليلتك ماهياش ليله ليلتك دنيا .واني بجولهالك ليلتي هتبقي دنيا لعرفان وعرفان وبس...

مسكت يده .،اليد دي يد جدع صوح بس ماهتفرحش جتتي ولا تفورها يد عرفان علي جتتي هتفورني وادور واخليه ماينساش عمره مين جمر وليله جمر ودنيه جمر ،،روح افرح بخطيبتك يحلالك دنيتك .،اقتربت منه اكثر وشبت قليلا وهمست بجوار اذنه .،وسيب جمر للي هتحليله دنيته وجتتها هتنور فرشته واستدارت 

وهو يقف عيونه جاحظه من كلامها ويتخيلها بين يدي ذلك الشايب ليدور مهتاحا ويذيل المكتب ويشعر بقهر ،،لاه لاه مامتخيلهاش مامتخيلهاش يا مري البت رصتهملي صوح جيت اجهرها حرجت جلبي .ليها ساعه نازله حرج موتت جلبي وخلعت روحي ..يا مري فرشت ايه اللي هتنور يا مري جتتك مامتخيلهاش لحد تاني ..رزع عالمكتب بعنف ..واندفع يصرخ ..بدات دموعه تنزل وركن عالحائط يبكي بحرقه ....انت هتموت هتموت يا جبل...خلاص انت اتجننت ..كيف ماجالت انت مش عايش انت هتموت وهيا مغروزه جواتك .اعمل ايه مامتخيلهااش هموث ..منك لله يا بعيده ...لاه مامتحملش .. اني هروح اموتها جمر بت حمدان ...ليه ده كله ..مكتوبالي تجهرني مافيش رحمه واصل البت شبعت جواله وتفور وتجهر علي ايامي اني هنهبل مامتخيلهاش هتلبسي لمين يا بت الجزمه للشايب ده يا مراري جلبي.هتلبسي وتبيني ايه جتتك ماتتبينش لحد واصل ...كان يصرخ بحرقه ..يا حرجه جلبك يابن العزايزه ...جلبي  هيجف يمين الله ..كان ينهج بشده ...،بس لاه اني متوكد انها حاسه بحاجه ماني مش جبله لاه اني حاسس يمين الله لاجهرك يا جمر . انت حاسه بيا ايوه وشايف عيونك رايداني اني لساتي بحس لساتي ..خبط علي قلبه ..اهنه لسه فيه جمر ليه ومتوكد ان جواتك ليا كتير ..ماشي انت اللي طلبتيها واستدار يخطط لقهرها .

(اقعد يا حزين بقه ماشبعتش حزن 😁😁😁).

خرجت قمر مسرعه وركبت تامسي وانهارت تبكي بقهر ..يا رب ليه اكده ليه منك لله منك لله انت بقيت شيطان وعادت لبيتها وقضت يوما كالذبح علي قلبها .

تحددت ميعاد الخطبه وتم دعوه كل من بالفرح .،اتي اليوم وخرج جبل وهيا تتجلد وتري تخطيطاته والصيت الذي ذاع والتحضيرات التي خلعت قلبها .،اقترب ونظر اليها باحتقار .،انت معزومه في الخطوبه بس هتيجي شكل الشحاتين اكده ،،عموما تعالي ماهخرجكيش حتي تاكلي لجمه يا غلبانه وخدي لعيلتك تفرحيهم ..تعالي شوفي الهانم وهيا لابسه ومنوره بيتي ماهو بيتي ماهيخشوش الجرابيع واصل وتركها ضاحكا .

احست بنار داخلها ...لم تحتمل عادت لبيتها كان ابيها وباسم بالخارج ظلت تصرخ وتكسر فيما حولها بقهر ...وقفت تنهج ...والغل يدور انهارا بداخلها ...،هتفت بغل .... وماله يا جبل مش جهرتني اني بقه هخليك تتلفت حوالك .....مش جمر يا جبل اللي يتجالها اكده وتسكت ...اني كت بدعيلك وسيباك تعمل ما بدالك بس انت غلك طاح يابن الناس والفجر في الخصومه فيه اللي افجر منه وربنا يكفيك شر كيد المره لما تحب تكيد اللي جدامها من جهرتها.،اني هغرز غرزتي صوح وان كان عالجهر فيه كوم جهر جايلك يابن العزايزه .عنيك هتخرج من مكانها وجتتك هتتكلبش وصدرك هينطبج علي بعضه ..داني جواتك لسه بنحر والجهره مكلبشه اني بقه هخليها كبشه تمزع جتتك ...ليك فوجه ..داني جمر يابن العزايزه ...واستدارت واندفعت لدولابها ....وقفت امامه تنظر بداخل الدولاب واتسعت عيونها بشماته  ....هتفت بغل ...سبحان الله كان هيبقي في يدك ليك لوحدك ...  بس دلوك هيبقي لغيرك ولخلج الله ولامه لا اله الا الله عشان بس احرج جلبك . الحلم اللي عمرك ماهتطوله يا جبل انت حلمت واني حلمت ..حلمي حرجتهولي واني بقه هحرجلك جلبك مش حلمك .

كان هو يقف علي نار ينتظر ان تراه ونادين في يده كان يفعل كل ما حلم بها معها تزين القصر كما كانت تتمني ....مستنيكي علي نار اشوف دخلتك افرح بيها يا جمر وقف شامتا ليمر الوقت ويقف هو عيونه عالباب واذا بقلبه توقف مره واحده وعيونه جحظت من الوجع فامامه قمر تنظر اليها وابتسامه النصر علي شفتيها فمسك قلبه فهذا كثير عليه فترنح  من هول ما راه واحس ان قلبه انتزع نزعا عندما ...و...

بااااس الشلاحات ياسطااااا. ان ماكت اقهرك يا حلوف .👊👊👊👊

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا