رواية أأستحق هذا العڈاب الفصل التاسع عشر 19بقلم ميفو السلطان( حصريه وجديده في مدونة قصر الروايات)

رواية أأستحق هذا العڈاب الفصل التاسع عشر 19بقلم ميفو السلطان( حصريه وجديده في مدونة قصر الروايات)

رواية أأستحق هذا العڈاب الفصل التاسع عشر 19بقلم ميفو السلطان( حصريه وجديده في مدونة قصر الروايات)

#أأستحق_هذا_العڈاب 

#حكايات_mevo 

البارت التاسع عشر......اخذ امير قمر واندفع بها بالعربه فهتفت ...انت واخدني فين .

ابتسم وقال .،مستعجله علي ايه هتعرفي كل حاجه وهتنبسطي وتتراضي بس اصبري .

تنهدت وصمتت الي ان وقفا امام عماره فقال،،يلا انزلي .

قطبت جبينها..... .،انزل فين احنا فين .

قال ..هجبلك الفلوس يا قمر مش عايزه الفلوس .

تنهدت وابتسمت ونزلت معه وصعدا معا ...اقترب من احد الابواب المغلقة واخرج مفاتيحه وفتح الباب وهتف...خشي .

شعرت بالرهبه .،هاه اخش .،لاه اني هجف اهنه .

قال.... .،عيب كده الناس تقول ايه خشي يا بنتي مالك مرعوبه كده هعملك ايه هاكلك ،،ماتخافيش علي فكره جبل عارف كل حاجه .صفحه حكايات ميفو. 

رجف قلبها...... .،جبل عارف اني اهنه معاك .

هتف ضاحكا ...،،طبعا خشي خشي ..تنهدت ودخلت. 

فقال.... اقعدي يا قمر اجبلك حاجه تشربيها .

قالت ..مالوش لزوم جول هتديني الفلوس ميته ..

اقترب واعطاها عصيرا .،اشربي طيب .،جلس امامها .،بصي يا قمر انت من اول ماشفتك وانت دخلت دماغي وعيني بصراحه ما راحتش من عليكي .

خجلت هيا......،ايه يا امير بيه مايصحش كلامك ده .

قال.... .،لا مايصحش ايه احنا هنلعب عالكشوف ...قطبت جبينها فهتف .،انا هديكي الفلوس الميت الف دلوقتي .

هبت اليه ملهوفه ...والنبي صوح هتديتي طب كتر خيرك ده جميل مش هنساهولك .

ضحك وقال .،لا جميل ايه عموما ممكن يبقي فيه جمايل بعدين ماهو ماورناش حاجه وانا قاعد كام شهر ماهزهقش منك .

نظرت اليه لم تفهم شيء فقال ....،،بصي بقه انا كلمت جبل وقولت اديكي الفلوس بطريقه تانيه طالما هو مش راضي ..

قالت .،طريقه تانيه كيف ده .

قال ..مانا بقولك قاعد شهور هنا لوحدي في الشقه الفاضيه وعايز ونس .

قطبت جبينها .،ونس مش فاهمه.

تأفف .،ايه يا قمر انت المفروض شغاله وفاهمه .

هتفت بدهشه....،،شغاله شغاله ايه انت بتجول ايه .

قال .....،وماله اجبهالك وش انا عايزك .

نظرت اليه نظره بلهاء فقال .،الميت الف قدامهم نترافق للشهور الجايه وتبسطيني .

احست ان قلبها سيقف نظرت اليه بذعر ..بتجول ايه.

قال ..بقول ميت الف مقابل تعيشي معايا فيها ايه دي جديده .

فصرخت بحرقه ....انت انخبلت انت بتجول ايه ده. 

قال .....،فيه ايه جديده عليكي مش عاجبك الميه ازود يعني والا ايه جايلك اكتر .

صرخت .،انت واحد ماتعرفش ربنا بقي بتعرض عليا فلوس يا زباله عشان انام معاك .

قال غاضبا .،فيه ايه يا روح امك ماتتلمي بدل ما افلقك نصين .فيه ايه هو جديد مانت بتتحضني بفلوس واحده شمال هو جديد.

احست بقلبها سينشق ..اني بتحضن بفلوس اني شمال .

هتف .،مالك محسساني انك خضره الشريفه كده والكل عارف وجبل قال بدل المره الف انك شمال ومفضوحه .

تراجعت وترنحت....،،جبل جال جبل جالك اني شمال وبتحضن جبل جدر يجولهالك ورضي.. جالك بتحضن بفلوس . 

هتف كاذبا....ايوه قال وقال كتير كمان ولو عايزك هيديكي فلوس بس هو عشان لسه خاطب انت قدامه في اي وقت يشاورلك بفلوس انا لا ليه ...،اااه بقه دانت كت عايزه جبل ايه عاجبك والا عشان صعيدي زيك .،بس عموما هو عارف يا ستي انك هنا نخلص مع بعض وينط مكاني وهخليه يتوصي بالفلوس هو بس غشيم شويه ..

نزلت دموعها ...جايبني ليك للدرجادي ان ماعتش فارجه معاه للدرجادي اني رخيصه جوي ماعتش نخوه مافيش شرف حتي.يشاورلي بالفلوس اروحله لو عايز .. داني صعيديه زيه بلاش حرمه من خلج الله يا جلبي اللي بيتمزع اااه ليه يا رب ايه السواد والهوان ده .

اقترب امير واحتضنها .....،هديكي ماتزعليش .

صرخت وابتعدت وترنحت وهيا تشعر بدوار ،،ابعد يا واطي ابعد يا زباله هيا مين اللي هتديها.. يا مري هيا حصلت يا حزنك يا جمر ايه اللي انت فيه ده جايبلي زباله يا جبل تحضني .

هنا انفعل امير وصفعها فسال الدم من فمها ..انا زباله يا زباله يا كناسه الشوارع. فيه ايه يا بت ان ما كناش عارفين حالك الوسخ وركوبك عربيات مع الرجاله هتيجي عندي وتعملي شريفه وبديكي فلوس ايه مش هكيفك يا روح امك زي العجوز ما كيفك اللي ركبتي معاه اداكي كام انطقي .

كانت تتراجع وتهز راسها ودموعها تنزل وبدات تشهق.... ايه الكابوس ده دا كابوس اه كابوس ...اصحي يا جمر اصحي لاه مش حجيجي ماينفعش يكون ...بدات تترنح فقد وضع لها في العصر مخدر .،فترنحت.

اندفع يمسكها فدفعته فوقعت لتسقط ارضا وتنغرز جسدها في حافه المنضده فصرخت من الالم .. اقترب وحملها ..وهيا تبعده ولكن قواها خارت فهتف ..طب نخليها بقه ببلاش طالما انت بتقلي ادبك .

كانت قد بدات تتوه وجسمها يسيب ولا تقوي علي رفع يدها وتترنح يمينا وسارا ليريحها علي الفراش ويخلع قميصه .،انت ليلتك مش معديه اقترب بهدوء وفتح بلوزتها .

كانت تبكي ولا تقوي علي الكلام وتحس به يلمسها فرد شعرها وهيا قد بدات تتغيب عن الدنيا وتعلم ان تلك النهايه وان حياتها ستقف عند تلك اللحظه .

عند جبل ما ان راهم اندفع وركب عربته وذهب وراءهم .،وجدها تنزل معه فهتف..... نهار اسود راحه فين دي يا مري هيا حصلت يا جمر .

نزلت وصعدت ظل جالسا لفتره يشعر بنار في جوفه .،دي اخرتها بقيتي بتروحي شجج يا مراري ..طب اني هموت والله هموت .،لاه ماهموتش اني هجتلها هيا سودت حياتي دي تتجتل .

قام ونزل مسرعا وصعد الي البيت ظل يخبط علي الباب بجنون كان امير يقترب من قمر فسمع خبطا فتافف وقام وقفل الباب وقام وفتح الباب وعندما راه جبل في تلك الحاله فصرخ بهياج كالمجنون .... انت خدتها خدت البت ..لا لا ماخدتهاش لاه ...هيا فين الفاجره هيا فين واندفع يبحث في الحجرات دخل فانشل مكانه كانت ناءمه وبلوزتها مفتوحه فاندفع اليها دي اخرتها يا فاجره ومسكها من شعرها فلم تتحرك كانت نائمه قطب جبينه اقترب امير ..وشد يده.

انت اتجننت سيبها واطلع بره انت ازاي تتهجم علينا كده ..

كان جبل ينظر اليها وعيونه جاحظه وقلبه سينشق .. .،هيا ...هيا عامله ليه اكده فيه ايه وانت ازاي تعمل اكده .

شده امير للخارج وخرج .....،فيه ايه مش قولتلي شمال مالك انت. جبل من فضلك انا مابحبش حد يدخل في حياتي .

صرخ جبل .،انت مخبول انت عايز تاخد البت هيا مالها ميته والا مالها مسكه من ملابسه انطج عملت ايه .

هتف امير متاففا.... لا واخده بس مهديء وخلاص بقه هتعمل قصه علي بت ماتسواش .

هتف مذهولا ..انت مخدر البت اللي جوا دي يا امير نهارك طين. 

فهتف امير .،مالك انت اخدر وانيل الله انا هراضيها بالفلوس مش انت قولت انها شمال انا قولتلها هراضيها وقولتلها انك عارف وانك اللي قولتلي عليها شمال وبتتحضن بفلوس وعارف انك واخدها عشان الفلوس .هاه لسه حاجه تانيه واتفضل بقه نكدت عليا الله ينكد عليك .

وقف جبل مشلولا ..ايه جولتلها ايه ..احس بقلبه سينفلق ..هنا هجم عليه جبل .،بقا انا عارف انك هتجبها اهنه ليه جرني ومركب جرون منك لله دي اخرتها بتجولها ايه انت زمانها جالت ايه .

هتف امير ،،انا وقعت في وسط جوز مخابيل انت مهبول وهيا كت عامله زي المدبوحه لما قولتلها انك عارف .انتو فيه ايه بالضبط 

صرخ فيه....فيه فيه فيه سواد فيه حزن وبيتحط عليا بالكوم كني ناجص حاطيط ....ايه منك لله تخدر البت وتاخدها في الحرام .

صرخ .،امال عايزني اخدها في الحلال انت عقلك فيه حاجه ويلا بقه قبل ماتتهبب تفوق انا هديلها الميت الف وقولتلها .

صرخ جبل.... انت واحد واطي .

هتف امير.... لا بقه انت تلم نفسك وتطلع بره احسنلك .

قال جبل بحرقه .... الم نفسي دانت ليلتك سوده وهجم عليه فدفعه امير ليقع ارضا واندفع الي الحجره وقفل عليه وهجم علي قمر.

شعر جبل بالهياح ..افتح يا واطي يمين الله لاطلع روحك افتح لو لمستها هنتش جلبك من جواك ..ظل يضرب الباب الي ان انفتح ووجد امير مستلقيا علي قمر... فهاج واندفع يضرب فيه ظل يضربه بقوه كأنه جن وقربها من ذلك الحقر اماته .

صرخ ....بقي اني جولتلك تاخدها... اني كت عارف انك هتجبها اهنه ..اني جولتلك بتتحضن بفلوس يا فاجر ..يا مري هموت البت هتجول ايه ...يا ريتني ماجولت ولا نطجت مين اللي شمال يا زباله ...ظل يضربه اني ماجصدتش اجولك يا واطي كت محروج ..

هلك امير بين يديه وغاب عن وعيه ووقف جبل يلهث وقلبه يحترق 

اندفع احتضن قمر بقوه ،،لاه لاه ماكنش هياخدك لاه جلبي بينحرج ماعتش جادر ماعتش .اعمل ايه لا اني هتجن خلاص اني ماعتش نافع انت بتاعتي ماتروحيش لحد بتاعتي وبس .

ظل يحتضنها بقوه ويملس علي جسدها بحنان دمعت عيناه،،ليه عملتي فينا اكده كت اصبري كت هجبلك فلوس كتير والله كت هجيب كت هجبلك نجمه من السما ...نزلت دمعه من عينه .،اغمض عينه واحتضنها وركن عالفراش يهديء قلبه ..طب ايه هعمل ايه مافيش في دماغي حاجه والزباله يقولها اني عارف ..نهار اسود هتجول ايه... ايه الجرف ده...حتي لو بكرهها ماهفرطش في شرفها اكده .داني احطها في العين والنني كت هنهبل عليها لاه هيا مش اكده هيا اه بتاعه فلوس بس مش اكده اني بوجعها بكلام واغش بس جوايا مش اكده مش اكده ... جمر مش اكده جمري استحاله تفرط في حالها ..كلبش فيها..ايوه هيا لساتها بشوكها ايوه والا اموت حالي .اني بكرهها ايوه بس ماهصدجش ماهصدجش .

ظل ساهما يراقبها تلمس شفتها المصابه .،بكرهها اني بكرهها ..

نزلت دموعه ..لاه مش جادر اكرهها اعمل ايه يا سنيني السوده .نفسي اموت نفسي .

قفل بلوزتها وحملها بهدوء ونزل بها الي عربته واندفع بها الي بيته صعد واراحها وظل جالسا يفكر ماذا يفعل كانت تفكيره مشلولا .

بدات هيا تفتح عيونها ظلت ساهمه لا تعرف اين هيا ثم تذكرت اخر لقطه فصرخت برعب وهبت .

فاندفع ومسكها... اهدي اهدي مافيش حاجه ..

ظلت تنتفض وتنظر الي جسدها وتصرخ ظلت تصرخ اندفع واحتضنها .....والله اهدي ماحصلش حاجه اني لحجتك والله ماحد لمسك اهدي يا جلبي ......

سمعت كلمته فكلبشت فيه ..كانت ترتجف في احضانه وكلما تذكرت قرب ذلك الحقير منها تصرخ وتان وهو يكلبش فيها عن اخره ..خلاص والله خلاص انت اهه معايا ماحدش جه جارك انت سليمه مالمسكيش الواطي ده ..استكانت ولكنها كانت تنتفض وهو لا يتركها ظل يمسد عليها.... اهدي يا جلبي والله انت زينه ...ظل يهدهدها الي ان استكانت تماما ونامت مره اخري بين احضانه من رعبها وما حدث لها .

اما هو فركن واخذها في احضانه وظل يمسد علي جسدها وهيا تنتفض بشده ..اني عايش سواد ماحدش عاشه ....

مر الوقت ورن تليفونها ..قام فوجد انه ابيها فنادي الخادمه وقال لها ان ترد عليه وتقول انها في اجتماع وسوف تتاخر فامتثلت له.

مر الوقت وفتحت عيونها مره اخري كان هو قد احضر لها كوبا من الليمون تشربه مد يده اليها ظلت تنظر الي يده الممدود لم تمد يدها قامت بهدوء كانت تترنح فمسكها .

ابتعدت عالفور كان قربه يكوي قلبها تشعر انه لعنه في حياتها لن تتخلص منها رفعت عيونها تنظر اليه تتفرس فيه كيف لم تعرفه جيدا كيف تخلي عنها بهذه البساطه اليس له شرف . اشرفها عنده في الحضيض .

كانت تنظر اليه نظرات مبهمه فصرخ بحرقه .،،بتبصيلي ليه اكده اني ماعملتش حاجه .

رفعت حاجبيها وابتسمت ثم انفجرت ضاحكه وهو ينظر اليها بذهول ..هل جنت ماذا بها.. هزت راسها بياس واستدارت فوقف امامها .،راحه فين انت تعبانه .

هتفت بجمود ..راحه بيتي يا جبل بيه .

كانت نبرتها خاليه من اي شعور. ابتلع ريقه بصعوبه وبداخله يتمزق استدارت ليندفع يقف امامها قائلا بلهفه .،اني ضربته خلصت عليه ضرب .

ابتسمت ..واكملت طريقها فوقف مره اخري امامها ..ايه ماهتجوليش حاجه جولي ايه حوصل انت ايه اللي طلعك معاه طيب .ماتسيبنيش اكده انطجي جلبي انهري يا شيخه .

رجعت تنظر اليه فصرخ .....انت مخبوله بتبصيلي ليه اكده .

قالت ببلاده ... ..وعايزني ابصلك ازاي يا بيه .

انفعل غاضبا......اني مش بيه..مش طين علي ايامي السوده . اني جبل انطجي طلعتي معاه ليه .

هتفت ..عشان كت مفكره انه هيديني الفلوس .

ابتلع ريقه ... ايه يديكي الفلوس .

ضحكت ..ايه مش قالك انه هيديني الفلوس وانت عارف اني راحه. 

هتف بقهر وارتباك نهش قلبه ... اني عارف اني عارف انك راحه معاه.

قالت بقرف ... .،انت ازاي اكده هو انت كت اكده جبل سابج والا دي حاجه جديده .

صرخ.... فيه ايه .

قالت ... .،الجرون يا جبل كات موجوده والا طلعتلك في الغربه .

مسكها بعنف ... اخرسي انت بتجولي ايه .

ابتسمت .،اخرس ..ايوه هخرس صحيح هكلم اموات ليه .

وقف امامها ،،بجولك اني ماجولتش له حاجه ولا عرفت انك راحه من اساسه .

نظرت اليه.... ليه ماجولتش ليه اني شمال . هو اني رخيصه عندك اكده .

بهت وتراجع وابتلع ريقه .....،اكملت ...ها دي كمان كدب يابن الناس ماجولتش اني بتحضن بفلوس وبتاخد بفلوس ماجولتش .ماجولتش انك لو شاورتيلي بفلوس هجيلك ...،يا تري جولت ايه تاني علي بت بلدك يا صعيدي يا شريف... جول يا حزني دا حتي لو كت شفتني كت استرني ماتعرفش الستر. هو الفجر في الخصومه اكده للدرجادي ماكتش اعرفك ..انت ازاي اكده جالك جلب يا جبل تجوله عليا اكده جالك جلب .جالك جلب تخليه يديني فلوس وينام معايا .،الناس جالت وكلو جال بس انت تجول لا و تبعت كمان اللي ينام معايا بفلوس يا حزني الاسود. 

صرخ بحرقه يشعر بالقرف ....ماحصلش .

هتفت بقهر... هو ايه بالضبط اللي ماحصلش عرفني انهي وساخه فيهم .انك جولت اني شمال والا انك بعته للبت الشمال ينام بفلوس .عايزني ارافقه ست شهور رضيتها عادي .. جول هو الاتنين حزن يابن العزايزه .،عارف كت زمان اجعد ابص للسما وادعيلك اه والله بدعيلك يسعدك وريح جلبك بس اكتشفت ان سعادتك في موتي انت نفسك تتشفي فيا جلبك ماليان غل يابن الناس ماجادراش اتصور حد عايش بالغل ده ..من اهنه لحد ما ربنا ياخد انفاسي ماهسامحك واصل. 

صرخ بوجع ... .،انت اللي هتسامحيني انت .

ابتسمت ،،ايه عشان سيبتك زمان .،انت مش واخد بالك من حاجه ..كان عندي ستاشر سنه. بتحاسب عيله يا راجل يا كبير ومع ذلك ..خدت وشبعت اخدان. خدت جهر واني بقه كفايه عليا جوي جهر اكده منك ومن غيرك .،خلصت ماهعيش عمري كله في الوحل ده .

اسمع يابن الناس اني هسيب الشغل جدامك شهر بالضبط وماهتلاجيني جدامك وساعه ماخرج ماشفش وشك تاني في حياتي عارف لو بشحت اكده ومالاجياش لجمه ماهجعدش لحظه معاك لو مصاريني بتتمزع اكده من الحوجه ماهجعدش معاك ..اني صبرت ،علي كل حاجه الا حرجه الشرف يا صعيدي .واستدارت تترنح وهو يقف يشعر بقلبه يتمزع فهو لم يقل ذلك .

كانت تترنح وظهرها يؤلمها ..مسكت ظهرها بصعوبه ولكنها وقعت عالباب ليندفع ويحتضنها ..ويمسكها ..انت تعبانه مسكها فتالمت ..

قال ايه بيوجعك جولي .

كان حنونا بزياده دمعت عيونها ماذا تفعل في غلبها احست انه مجذوب بشخصين يتحول بشكل عجيب .

همست بضعف ..سيبني امشي .

هتف ،.لاه ماهتمشيش موجوعه اكده ومسكها وذهب بها الي الكنبه واراحها كان ظهرها متورما به غرزه من دفع امير لها . اندفع واحضر علبه المراهم والمطهرات وجلس خلفها ..مسك طرف بلوزتها فتشنجت ..همس اهدي هعملها .

هتفت بوجع ..لاه هعملها اني ومسكت المرهم وهمت ان تضع علي جسدها فتاوهت فاي حركه تؤلمها تنهد واخذ المرهم وبدا يدهن لها بهدوء.وهيا تتأوه وقلبه سيخرج من مكانه يشعر بحرق اقترب اكثر وهمس بلين ومراضيه خلعت قلبها .. ..جمر اني ماجولتش ليه حاجه .لم تنطق . تنهد والله ماكت اعرف ولا جولت اني مافرطش فيكي واصل .

خفق قلبها ..علمت انه تحول ..كان قلبها يؤلمها فهو ما ان يتحول لا تستطيع ان تصده .كان لمساته حانيه بشكل هالك فهمس ..تتخيلي اجول اكده تتخيلي ابعته يعمل الحزن ده ليه ماعنديش شرف يمين الله ماجولت ولا اعرف وهنفصل عنه وماهدخلوش الشركه تاني .

تنهدت ..همس... طب جولي اي حاجه ماتسكتيش اكده .ادارها احنت راسها ..بصيلي وجولي انك مصدجاني .نزلت دمعه من عيونها ..مد يده ومسح دمعتها فهمس... بالله بصيلي اني هتجن اني مش جرني ولا ديوس اني كت هموته بيدي . مسك ذقنها ورفع وجهها فاخفضت عيونها ..همس بصيلي وجولي ماعتش جادر يا جمر عيشتي بقت سوده ..بقيت مجذوب .

هتفت ..اني همشي يا جبل همشي من حياتك خالص انسي يا جبل لما اكون مش جدامك غلك هيروح وهتعيش ماحدش بيعيش مغلول .

قامت ..فتاوهت فمسكها ..اجعدي ريحي اجعدي ماتروحيش عادي .

ابتسمت ..برضه ..عادي مفيش فايده .

هتف ..لا والله ماجصدت حاجه ..طب بصي هحضرلك وكل اجعدي ريحي انت انت تعبانه شويه بس مسك يدها برجاء ارادها ان تبقي معه ..فقام .،بصي اني اتعلمت اعمل حاجات حلوه والله هتعجبك فقام مسرعا احست بالغلب احست انه مش طبيعي وعلمت انه سيتحول ويؤلمها ...اقترب وحملها فشهقت ..قال..ماني هحضر الوكل وماهسيبكيش عايزك معايا ونزل بها تنهدت وركنت علي صدره سمعت دقات قلبه ذهب للمطبخ واجلسها برويه ..واحضر لها مشروبا ..وبدا يعمل اكل وهيا تراقبه كان يحضر اشياء ويسكب معظم ما يحضره كان مرتبكا مهزوزا وبدا يتكلم ..عارفه اني بعرف اعمل مكرونه بيضه حلوه جوي وفراخ ..انت بتحبي اللحمه اني عارف مابتحبيش الفراخ جوي  اهه بعملك وجللت الفلفل الاسمر مابتحبهوش انتي ..بيضايجك اني عارف انت تعبانه هعملك وكل تاكلي صوابعك وراه عارفه يا جمر اتعلمت حاجات كتير اطبخها هبقي اعلمهالك .. واندفع يثرثر باريحيه كانه عاد طفلا يتكلم مع امه ..كانهم يعيشون معا وهو يتكلم وعلي وجهه ابتسامه الجبل القديم  نظرت الي يديه فلم تجد الدبله ..قطبت جبينها تسألت هو فين دبلته خافت ان تساله لانه سيتحول عليها .،سهمت فيه وابتسمت بحنان تخيلت نفسها معه في القصر وهو يحضر لها طعاما هامت به غصبا عنها .هو اني عيشتي كت هتبقي حلوه اكده واجف يخطف العجل . 

انهي ما بيده ونظر اليها خفق قلبه فهيا ساهمه وعلي وجهها ابتسامه هائمه في عالم اخر تشع نورا والعشق يصدح من عيونها .

اشاح بوجهه واكمل ثرثره لم يعلم ماذا يقول من الاساس كل تفكيره في تلك النظره التي خلعت قلبه ..هيا  ..هيا بتبصلي ليه اكده اني جلبي ما متحمل ..عيونها خاسسها والله اعمل ايه ماعارفش انطج محصور البت عيونها هيمانه فيا ..انت هتنهبل يا جبل بتبصيلي ليه اكده اني عجلي هيخف ..ايه يا جبل انت بتوهم نفسك بايه انت هتتجنن . طب ادور واسالها ..نهر نفسه انت عبيط هتجولها ايه هتوطي نفسك ..مش جادر عايز ابص تاني اشوف عينها اللي خلعت جلبي ..سهم وابتسم ..كنا هنبقي اكده اعملها الحلو كلو وسهم في دنيا اخري .

ومن دون قصد مسك الحله فانتفض واوقع كل شيء لتنتفض هيا وتعود لنفسها ورات يده محمره ..لتقوم وتتحامل علي نفسها وتهتف بلهفه خلعت قلبه ..ايه انحرجت ..اني ماكتش عايزه طين حرجت نفسك ..اندفعت مسكت يده تتفحصها ...ولهفتها في عيونها احس ان هذا كثير .

شدته تحت المياه كانت ملتصقه به وهو تناسي وجعه وتاه في قربها وهيا تمسد علي يده بحنان تحت الماء ..اكده يا جبل حمره جوي ليه اكده وكل ايه بس مش تحاسب ....حاسس بايه بتحرجك جول بالله ونظرت اليه بحنان .

همس بوجع ..بتوجعني بس دا النار شابطه في جلبي .

كان ياكلها بعينيه .

همست ....طب طب نروح لدكتور طيب .

همس ..لاه ماعايزش خلاص هتروح بس تفضل تحت الميه وخلاص كان يريد قربها خاف ان يفعل اي شيء او يبدي حركه تخرج من حنانها معه فهيا نادرا ماتظهر حنانها من الاساس ..تنهدت وظلت تمسكها كانت اصلا متعبه بزياده وتتحامل علي تعبها لتركن براسها علي كتفه فهيا مازالت تشعر بدوار ...خفق قلبه ..وتصاعدت دقات صدره ...لم يتحمل ان يقف مشلولا .مد يده الاخري حول وسطها وسندها ضمها بحنان . واسند وجهها علي شعرها. 

كانت المياه تنساب ومشاعرهم انسابت وعاد كل الي نفسه جبل القمر..وقمر النجع .. عاد وشع المكان حنانا صوره عاشق لو رسمت سيصدح العشق منها ..بدا يمسد كتفها بحنان وهيا راكنه علي صدره وهو راسه مائله علي راسها

احست ان قربهم اصبح زياده وانها تساهلت كثيرا ماذا سيقول عليها انها تتساهل في لمساته كيف يقربها بعد كل ذلك ..ابتعدت فجاه وركنت علي منضده المطبخ وهمست ..عايزه اروح .

هتف بلهفه ....،ليه فجاه اكده انت دايخه اقترب واحتضنها.

فهتفت بلمحه من الغضب.... .،يدك يا جبل بيه معلش تعبانه مش فاضيه ابقي شمال .

اغمض عيونه فهيا اخرجته من تلك الحاله الحالمه وقلبه انشق فهتف بعنف ..ارحميني اني ماجولتش.. ماجولتش ليه حاجه ماجولتش يمين الله ماجولت ..

هتفت بوجع ....انت ليه بتكدب هعمل ايه ماني ماشيه وكل واحد هيروح في طريج ماعاد يفرج مين جال ومين ماجال .

صرخ .....بس اني ماجولتش .وهتروحي فين علي ايامي الطين .

تنهدت ..ماعادتش تفرج اي حاجه يا جبل بيه خلصت اكده ..واستدارت تتسند الحائط تهرب من ذلك القصر الذي ينهش داخلها قررت بداخلها اشياء واشياء وقررت ان تمضي حياتها بلا وجع يكفي هذا .

نزلت هيا وامر السائق ان يذهب بها وظل جالسا يفكر في كلامها ويشعر بنار انها تعتقد انه جعل ذلك الحقير يذهب إليها .،داني مامتحملش انها تفكر فيا اكده منك لله يا امير اشوفك محروج يمين الله لاطلع روحك بيدي ..مسك قلبه وتذكر وقته معها ابتسم ..كات عيونها رايجه وجمر جوي .هيا كت بتبصلي اكده ليه يكونش يكونش ..انتفض ..لاه لاه انت عايز تخلع جلبك يكونش ايه لساتها حاجه جواتها ليا داني ممكن انهبل ...تنهد انت ايه جله الكرامه دي حتي لو جواتها مالك فرحان فرحه الاهبل اكده .ركن وسهم يفكر في نظرتها .....ايوه افرح اني مهبول بيها يا رب يكون جواتها حاجه .انت جلبك ماعاد متحمل يا جبل . نظرتها بتجول وفاكر لما ملست علي وشي عيونها بتجول ..يمكن جواتها حاحه يمكن ...مسك قلبها يا رب يبقي هموت والله ...انت لازم تلاجي حل للجهر ده .البت هتمشي بعد شهر يا مري هتخرح بره حياتك يا حزين .. عايزها هموت عليها اني خلاص عيشتي ماعتش فيها الا جمر وسوادها ....خلاص يا جبل كت جدامك هتهبلك كت هتموت عليها وماحد يلمسها ماتكدبش علي حالك يابن الناس عايزها وهتموت عليها بس جواتك كاره وجودها في حياتك ..انت جواتك بيغلي ومانسيتهاش وبتتجنن عليها مش جادر تخرجها من حياتك ، هتفضل تكدب وتعذب حالك لميته البت مغروزه جواك بلا بعد بلا طين روحك كت هتطلع انهارده .دانت كت زي الاهبل لما بصتلك ...سهم قليلا ....هيا اكيد رغبه ...ايوه مش ممكن يكون حب انت حبك راح زمان. انما رغبتك فيها هتجننك وتموت جواتك ،يبقي خلاص خدها واشبع رغبتك فيها حاجه ماطولتهاش كت هتموت لو كان خدها ...خدها وزغلل عنيها بالفلوس هيا محتاجه فلوس واه ابعدها عن الشايب ده ..جلس هتاخدها كيف ماهترضاش ماهياش شمال يا جبل انت حاسس من جواتك انها مش اكده انت بتبرر لنفسك عشان تكرهها ايوه مش ممكن تكون ..فكر يا جبل ازاي تاخدها ولما تنتهي رغبتك ترميها وتديها فلوس زياده ايوه خلاص اكده.انت ممسوس لما تاخدها وتبقي معاك هتنسي وترتاح ...فكر بقه هتخليها بتاعتك ازاي فكر ... احس براحه داخليه انه قرر ان ياخذها ويجد طريقه يدخلها حياته وتكون له لتلمع في عيونه فكره جعلته سعيدا وتلبسته حاله من الراحه واحس انها بدايه النهايه لتلك القصه .

مرت عده ايام وهيا لم تاتي وهو علي نار يشعر بمراجل كان قد فض شراكته مع امير وطرده خارج الشركه رغم محاولات صديقه الاخر الا انه رفض رفضا باتا وانتظر ان تعود لكي يخبرها ما اراده منها .

عادت قمر بعد اسبوع استدعاها مسرعا دخلت عليه هتف مندفعا ومسك يدها بحنان ...،،سبوع يا جمر تاخدي وتبعدي سبوع .

هتفت ببرود وشدت يدها .... كت تعبانه ولو عايز تخصم اخصم اللي تحبه يا جبل بيه .

هتف بحنيه...جبل يا جمر اني جبل وبس .

ابتسمت بسخريه ..ودا من ميته يا جبل بيه ..مش اني الجربوعه جباضه الارواح .

هتف ..لاه والله دانت جمر عالاخر دا كان كلام من جهرتي .رفعت حاجبيها ..فهتف والله جمر تاخدي العجل بجمالك .،اغمضت عيونها بوجع..جمالي  ....

هتف مندفعا ...،اني فضيت الشركه مع امير .قطبت جبينها .والله فضيتها وخسرت كتير جوي وشريكي التاني اتحايل كتير ماوافجتش اني ماجعدتوش لحظه ..والله لو تعرفي خسرت كد ايه ...بس ماهامنيش والله شفتي اهه طردته .

هتفت .،وتخسر ليه وتطرده عشان ايه .

اندفع وشدها ..عشان ايه ..عشان وطاكي وزباله .عشان كداب وحرجلي جلبي .عشان كان هيمسك بسوء واني كت هشج جلبه نصين .انت مامصدجاش ليه طيب والله ماجولت يمين الله واهه مشيته وطردته عشانك .

رجف قلبها ..عشاني ...

مسد علي يدها ..عشانك وبس .،انت متخيله لما لجيتك نايمه مجتوله وهو مخدرك كت هنجن اني صعيدي وانتي حرمتي .

رجف قلبها ..حرمتك .

ابتسم ..ايوه حرمتي ماهتحملش عليكي حاجه ..جمر اني ماجولتش والله  ليا سبوع هموت والله انك مفكره فيا اكده .

هتفت بوجع .،تفرج عندك افكر والا مافكر .

ابتعدت فلينه اصبح بزياده .

اندفع ومسكها .،تفرج ..تفرج دنيا بحالها عيونك كت بتبصيلي كني واغش دي موتتني وحسستني اني مش راجل في نظرك واني لو اكده اموت ..نظرتك ليا مهما كان اللي بينا توجعني جوي ،،اني راجل يا جمر وصعيدي لساتي جبل بتاع زمان اللي بيخاف عليكي من النسمه .

هزت راسها لا تصدق تحوله احست ان به شيء غريب صمتت ولم تتكلم ...

ابتسم...عموما اني خلاص هفرحك وقررت اني هديكي الفلوس ..

نظرت اليه باستغراب فاندفع ومسكها وشدها اليه وهتف ماجعلها تنتفض وتشعر بالوجع عندما قال ..

هو مايعرفش يكملها لازم يليطها علي ايامه الطين .

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا