رواية حبها مختوم في قلبي الفصل الأول 1بقلم سوارا (جديدة وحصريه في مدونة قصر الروايات)

 رواية حبها مختوم في قلبي الفصل الأول 1بقلم سوارا (جديدة وحصريه  في مدونة قصر الروايات)

رواية حبها مختوم في قلبي الفصل الأول 1بقلم سوارا (جديدة وحصريه  في مدونة قصر الروايات)

: ازاي يا ابويا الاقي نفسي متجوز بدون علمي؟؟؟

..وكاتب مؤخر مستحيل لو اشتغلت عمري كله اجمعه لو طلقتها!!

طه بهدوء : عشان اتأكد انك مش هتطلقها عشان مش هتلاقي احسن منها!!

عدي وهو بيمسح دموعه اللي نزلت غصب عنه : يا ابويا حرام عليك اللي بتعمله فيا ده كله!!

طه بجمود : انا ابوك وادرى بمصلحتك

عدي بعصبيه : مصلحتي مصلحتي فين هي من ده كله؟؟؟... ارجع الاقي نفسي متجوز!!... ارجع الاقيك كاتب الشركات اللي تعبان فيها انا 10 سنين لعمتي وولادها!!

طه وهو بيلف وشه الناحيه التانيه : عمتك جوزها ما..ت وملهاش غيري يصرف عليها وعلى عيالها 

عدي ببكاء وهو بيشوح بايديه : وعشان كده تروح هوووب شايل تعب ابنك 10 سنين وتكتبه كله لاختك!! 

طه بحده : وايه هيفيد الكلام الموضوع خلص ومش هيتغير حاجه والشركات بتاعتي أساساً 

عدي بدموع : بتاعتك ايه؟.. يا ابويا انت لما اديتهوملي كانوا مصفرين على الحديده خالص .. ضحكت  عليا بأوراق مزوره انك نقلتهم باسمي وخليتني اوقع أن الشركات باسمي عشان أرضى اشتغل معاك.. بعد ما سبت الشركه اللي كنت شغال فيها موظف!! 

طه بجمود : انت بتعيط ليه دلوقتي ؟ 

عدي بعصبيه : عشان عارف اني هلاقي مصايب اكبر من دي لسه!! 

طه ببرود : عمتك عملت حاد..ثه بسيارتك وخافت فنزلت منها وهر..بت والشرطه لما جات صادرت السياره ومطلوب القبض عليك لأنها باسمك!! 

عدي بيبص عليه بصدمه وبيضحك بقوه وبيخرج من البيت 

بصيت عليه بشفقه من حاله وانا مصدومه في ابوه هوا في اب يعمل كده في ابنه؟؟؟ 

طه بابتسامه : اطلعي على اوضتكم ارتاحي يا بنتي جوزك شويه ويرجع متخافيش

اومأت له وطلعت على اوضته بعد ما اخدتها الخدامه وحطت شنطتها  قعدت على السرير بخوف من رده فعله لما يرجع وهي بتفتكر بدايه الحكايه 

حسين وهو يلتقط الفاظه الاخيره وبجواره صديقه طه 

: يا بنتي انا مش هطمن عليكي لوحدك في الدنيا دي ارجوكي وقعي على الأوراق دي 

كيان ببكاء : مستحيل يا بابا انت عايزني اتجوز واحد بدون علمه؟؟؟ 

طه باستعجال : هو كاتبلي توكيل بكل حاجه وانا وكيله وهجوزكم وهقوله دلوقتي وقعي بسرعه

حسين وهو بيشهق : وقعي ارجوكي يا بنتي خليني امو*ت وانا مطمن عليكي 

كيان بتأخد الأوراق بسرعه وبتوقع عليهم 

كيان بدموع : وقعت عليهم شايف شايف ارتاحت؟؟..دلوقتي حط الأوكسجين 

حسين بيحط ايده على شعرها وبيملس عليه وبيغمض عينيه للأبد

كيان بصدمه : بااااااااااباااااااا!! 

كيان ببكاء : الله يرحمك يا بابا انت اللي اضطريتني اعمل كده في واحد طلع هوا نفسه شايل هم الدنيا اللي عليه وزياده!!

فجأه بتلاقي الباب بينفتح بقوه بتبص بتلاقيه هوا ووشه ميوحيش بالخير وعيونه حمراء من العصبيه 

عدي بعصبيه وهو بيقفل الباب : ده النااااااااقص!! 

وبيبص عليها بشده : لو حد خبط ولا قالك عايز عدي قوليله مش موجود!! 

كيان اومأت له بخوف ودخل ورزع الباب وراه بقوه دخل من هنا والباب خبط بقوه من هنا 

كيان بتفتح الباب بتلاقيه طه ومعاه بنت على قدها بتعيط وشابين 

طه بعصبيه : كيان فين جوزك؟؟؟ 

كيان بخوف : مش موجود خرج ومجاش!! 

طه بشك : بس الخدامه قالتلي انه رجع من شويه!! 

كيان بخوف : اه رجع خد ورق بسرعه ومشي بس الكلام ده من ربع ساعه!! 

واحد من الشابين مؤيد : يبقى راح على الشركه!!...يلا على الشركه مش هنسيبو ازايييي يسجن امي قليل الاصل!!.. ابن الكلب!! 

طه بيبص على الشاب بصدمه والشاب بيبص عليه بقوه وبيسكت وبينزلوا

كيان بصدمه وهي بتقفل الباب : اييييييه العيله دي!! 

لسه مقفلتهوش كويس بيلاقيه بيخبط بقوه تاني 

كيان وهي بتفتحه نص فتحه : خير ان شاء الله في ايه تاني؟؟؟ 

الشاب بعصبيه : انتي كدابه يا **** احنا لقينا عربيته التانيه راكنه تحت والخدامه قالت إنه مخرجش تاني 

كيان بتشهق بصدمه من اسلوبه : احترم نفسك كده وحسن الفاظك دي!!

الشاب بعصبيه : مش محسنها ويلا ابعدي من وشي وافتحي الباب كله احسن ما اديلك حته قلـ*ـمين على وشك 

كيان بعصبيه : قولتلللللك مش موجود يا.. 

ملحقتش تكمل كلامها لأنه دفعها بقوه وكانت هتقع بس لقيت حد مسكها قبل ما تقع!! 

بتبص بتلاقيه عدي كيان بهمس : عدي!! 

عدي بيبصلها بابتسامه وهي بين ايديه وبيهمس لها : حقك عليا انا...بعدين بيحول نظره و بيبص على الشاب بعصبيه

عدي بعصبيه وهو بيتقدم نحوه : انت ازاي تتجرى تمد ايدك عليها أو تخلي ايدك بس تقرب منها !! 

وبيقعدوا يضا..ربوا الاتنين مع بعض والباقي بيحاول يفكوهم بس غضب عدي كان كبير اوي ما بعدش الا لما خلاه مش قادر يسند طوله 

عدي بعصبيه : دي مجرد قرصه ودن ليك عشان تتجرى تروح ناحيتها تاني!! 

طه بعصبيه وهو بيضر..ب بعصايته الأرض : عدي انت ازاي تدخل عمتك السجـ*ـن؟؟.. وازاي  تتجرى تضر..ب ابن عمتك بالشكل ده؟!! 

عدي بهدوء وهو بيتمالك اعصابه : اولا انا ما دخلتهاش انا لما روحت كنت ناوي ادفع كفاله وخلاص بس لقيت الحاد*ثه اللي هي عملتها تسببت في وفا*ه أشخاص وهي كانت سايقه بسرعه عاليه وكنت هتسجن انا بس الحمد لله لقيت الادله والشهود اللي يثبتوا انها اللي سايقه مش انا!! 

اما بالنسبة للشحط ده هوا اللي بدا وقرب من حاجه تخصني وطالما انها مسؤوليتي انا من واجبي احميها واجيبلها حقها!! 

طه بعصبيه وهو بيحط ايده على راسه : اييييييه اديتهم الادله اللي بتثبت عليها !!.. انت غبي انت غبي هي مرا وانت راجل مكنش لازم تخليها تتحبس بدالك!! 

كيان بتشهق بصدمه وهي بتبص على عدي بحزن

عدي بصدمه : ابويا انت كنت عارف وعايزني اتسجن؟!! 

طه : ايوووووه عمتك ملهاش غيرنا وانت الراجل!! 

عدي بعصبيه وهو بيمسح دموعه : لا لحد هنا وكفايه.. انا كنت بستحمل كل تصرفاتك يا ابويا بس انت شوفت ده باني مأمور اني اعمله بس انا تاني مش هستحمل حاجه انا هأخد بعضي وهمشي من هنا!! 

طه بعصبيه وهو بيمسكه : وانا مش هسيبك تمشي قبل ما تتسـ*ـجن وتخرج عمتك!! 

عدي بيبصله بصدمه وبيبص على كيان : جهزي حاجاتك وحاجاتي في شنطه بسرعه!! 

كيان بتومئ له وبتجهز الحاجات بسرعه 

عدي بيأخد الشنطه بأيد وماشي بسرعه وكيان بتجري وراه عشان تلحقه ووراه ابوه وولاد عمته 

طه بعصبيه وهو بيرفع سبابته : عدي لو خرجت من هنا بدون ما تخرج عمتك تعرف ان ملكش رجعه وانسى أن ليك اب!!.. والبطاقات وحساباتك كلها هوقفهم!!.. يتبع 

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا