رواية ورد الجنايني الفصل الاول1 بقلم الكاتبه مشيره محمد( حصريه وجديده على مدونة قصر الروايات)

 رواية ورد الجنايني الفصل الاول1 بقلم الكاتبه مشيره محمد( حصريه وجديده على مدونة قصر الروايات)

رواية ورد الجنايني الفصل الاول1 بقلم الكاتبه مشيره محمد( حصريه وجديده على مدونة قصر الروايات)

#البارت_الاول

تعرف لو الحديت ده طلع برات الاوضه دى انى هعمل فيك ايه؟؟ 

الدكتور. انا قولت اللى شوفته ياحج ودى اسرار مرضى وصدقنى اسرار المرضى مش بتطلع بره. 

عبد القادر. مش بخوطرك تطلع ولا لاه لانى قادر ادفنك حى مكانك لو الخبر ديه حد شمه او عرف بيه ادينى بقولك

وقد اعذر من انذر عاد. 

،،،،،،،،،،،،،،،،،،،،،،،،،،،،،، 

_تعالو نبدا حكايتنا اللى بتثبتلنا ان فى كتير قلوب قاسيه زى الحجر ، قلوب ماتعرفش الحنيه، ولا الحب، ولا الرحمه حتى لاقرب الناس ليهم، ناس لسه لحد دلوقتى بتحمل البنت اى اغلاط يعملها الراجل حتى لو هى ملهاش ذنب فيها بس علشان هى بنت تتحمل بقا، 

(بنت كل ذنبها انها بنت) 

الحج عبدالقادر كبير عيلته ومعدود من كبار البلد اتجوز جوهر وهى عندها 18 سنه يعنى عمر تانى و خلف منها بنت واحده بس وبعدها ماخلفتش تانى وطبعا ماحدش دور لان السبب من وجهة نظرهم معروف الست!!! 

الست هى السبب. 

بقلمى_مشيره_محمد 

عبدالعال اخوه عبدالقادر. قولنالك مرتك بقت ارض بور ومافهاش فايده ولازمن تغير عتبتك يا عبقادر  لجل ما تحيبلك عيل يورثك ويخلد اسمك من بعدك. 

عبالقادر. والله ياعبعال يا خوى انى خايف يكون العيب عندى وتبقى فضيحه عاد لكن دلوك اهو الكل متوكد ان جوهر هى السبب افرض انى اتجوزت وماخلفتش من التانيه عيبقى شكلى ايه قدام اهل البلد عاد. 

عبدالعال. قدم انت المشيئه بس واتوكل عالله وانى شايفلك عروسه زينه قوى بت من عيله كبيره تليق بيك مش زى الجوازه الاولانيه وخواتها كلهم خلفتهم صبيان، قولت ايه عاد 

عبدالقادر. هقول ايه خلاص نروحو نطلبوها السبوع الجاى عالبركه. 

فى بيت عبد القادر. 

ورد بتشتغل فى البيت زيها زى اى خدامه مش صاحبة بيت وده بامر ابوها علشان من وجهة نظره ان ده مقامها انها خدامه وبس ووجودها كمان شؤم بالبيت،و طبعا غير ان خلفة البنات دى تجيب العار.

بقلمى_مشيره_محمد 

مش كفايه ما بتشلش اسم ابوها زى الولد. 

عبد القادر. بتهببى ايه عنديكى يابت انتى وامك فين عاد

ورد. امى جوه فى المطبخ وانى كت رايحه الزريبه زى ماطلبت منى

عبد القادر. طيب غورى من وشى وهمى وبطلى لكاعه

ورد بصتله بحزن. حاضر يا ابوى

عبد القادر نده لجوهر. جوهر انتى يامره انتى. 

جوهر. انى اهه يا اخوى جيت عايز حاجه اعملهالك. 

عبد القادر بكل جعرفه وحده. 

اعملى حسابك عالسبوع الجاى هتاجى معايا. 

جوهر. وماله ياخوى بس هنروحو على وين؟ 

عبد القادر خبط بعصايته فى الارض وهو بيستعد انه يمشى بعد ما يرمى كلامه. 

هخطب ولازمن تبقى معاى و تجهزى زياره زينه ندخلو بيها عالعروسه وناسها. 

رغم الحاله اللى فيها جوهر من الم وحزن الا انها وبعزم مافيها زغرطت مره  ورا التانيه زغروطه ممزوجه بدموع الذل والقهر اللى عيشاه مع واحد زى ده واللى لسه هتعيشه. 

لولولولوى.... لولوى....لولولولوى. 

عبدالقادر بصلها وسابها ومشى بدون اى اهتمام للنار اللى ولعها فى جوهر وقلبها. 

تمت الخطوبه واتحدد  معاد الفرح و عمل عبد القادر فرح اتحاكت بيه البلد ولا كانه شاب صغير مش داخل على الاربعين سنه وعنده بنت داخله على 17 سنه . 

جوهر. وه يا ورد لساتك بخلجات دى همى غيرى والبسى حاجه زينه خلينا نروحوا نجيبو العروسه مع الناس الخلق كتيره بره همى امال.

 بقلمى_مشيره_محمد 

ورد اتعصبت من برود امها واللى بتعمله. يامه يامه حرام عليكى عاد اللى بتعمليه فى روحك وفيا ديه لميتى هتفضلى ساكته اكده كفياكى ذل ومهانه بقا انا عايزه اعرف انتى ليه ساكته على اكده وراضيه ليه  على روحك اكده انتى فيكى ايه، ناقصك ايه انتى عن باقى الحريم لجل ما تهمليه يجيبلك دره. 

حتى انى يامه من وقت ما وعيت عالدنيا وانى ما حسيتش دقيقه واحده انى بنى ادمه ديه بيخاف على البيهمه اكتر منى وانتى شايفه وساكته بردك طيب ليه. 

جوهر. بكسره. لاجل انى بقيت ارض بور يا بتى .. وعينى مكسوره قدامه وقدام ناسه وانى ماجدراش اجيبله الواد اللى يشيل اسمه كتى عايزانى اعمل ايه وانى حتى ماليش اهل اروحلهم واقولهم غيتونى.. اروح لمين وانى بطولى وانتى فى رقبتى وكله بيقول يله نفسى. 

ورد. فى يدك يامه... فى يدك تقولى لاه.. فى يدك تطلقى ونهج من اهنه ارض الله واسعة. 

انى عندى اجوع ولا انى اتهان بالمنظر ديه.. يامه دانى اقل من الخدامه فى دارى. 

جوهر اتمالكت نفسها وقالت. مالوش عازه الحديت ديه دلوك همى يلا غيرى خلجاتك قوام خلينا نلحجو الزفه. 

ورد بقوه وعناد. ماريحاش انى مش رايحه ايتها مكان عايزه تروحى انتى اتوكلى على الله. 

دخل عبدالقادر وسمع كلام ورد اللى اتفزعت لما سمعت صوته وانكمشت ورا امها بخوف ورعب. ومين قالك انك هتاجى من الاساس كانك عده روحك من الناس اللى ليهم قيمه لو كتى واد كان زمانى شادد ظهرى  ومتقوى وواخدك امعاى  مش حتة ابنته تجيب العار وتطاطى الراس. 

ورد اللى عمرها ما اتكلمت نطقت من نارها وقالت.  واه يا ابوى معناته انى حتى لو كت واد كت هتتجوز على امى؟ يعنى جوازك ده مش لاجل الواد ولا عشان انى بت ولا علشان العار اللى ماخبراش هياجى من وين

لكن عشان هى فراغة عين وبس؟ 

جوهر فى اللحظه دى لطمت على وشها ونطقت الشهاده على ورد وجريت على عبدالقادر واترمت تحت رجله تبوس فيها. 

جوهر. احب على رجلك.. احب على رجلك ما تعكر مزاجك ولا تخرب ليلتك دى بت هبله ابوس على رجلك باخوى. 

عبد القادر رفصها برجله بعزم مافيه وقرب من ورد ومسكها من شعرها ونزل ضرب فيها بالاقلام وهو بيشتمها ويسبها لحد ما غابت عن وعيها ووقعت على الارص وقام اخد عبايته وعصايته وبص لجوهر وبامر. وراى خلينا نروح نجيبوا العروسه همى ولا تحبى تقعدى جارها عشان ادفنهالك حيه قدام عينك

جوهر بقلة حيله. لاه لاه حاضر جايه وراك اهه. 

وبسرعه جابت مايه وفوقت ورد. فوقى ياضى عينى ليه بس اكده ليه تشترى عداوته هى ناقصه يابتى

فوقى الله برضى عنيكى ليعاود ويطين عيشتنا. 

ورد بتفوق وببتوجع من الضرب وقالت. روحى يامه روحى مالكيش صالح بيا روحى. 

وبعد ماجوهر وعبدالقادر مشيو وسابو ورد فى الحاله دى.

الباب خبط اتحاملت ورد على نفسها وراحت تفتح وكانت غرام صاحبتها. 

يامرى يا ورد مين عمل فيكى اكده وايه الدم ديه. 

ورد بقهر. هيكون مين يعنى. 

غرام. ليه ياحزينه عميلتى ايه بس دانتى لا بتهشى ولا بتنشى قومى

قومى معاي عالوحده نشوفى التعويره اللى وشك دى والدم اللى من راسك ديه من وين، يلا خلينا نروحوا قبل لا ياجو 

ورد. ايه عرفك انى اهنه

غرام.شيفاهم ماشين من قدام الدار وانتى له خمنت انك ما روحتيش معاهم وجيت والحمد لله انى جيت لاجل ما الحقك قومى معايا

ورد من الوجع راحت معاها الوحده من غير ما تعترض. 

غرام. حد يلحقنا يا خلق حد يغيتنا ياناس الحقنا يا دكتور الله يخليك. 

الدكتور .ايه ده مين عمل فيها كدا 

غرام الحقنا الاول وبعدين حقق امعانا عاااد

الدكتور نده ممرضه.اسنديها كويس ودخلوها اوضه الكشف بسرعه و هاتى الاسعافات اللازمه بسرعه يلا. بقلمى_مشيره_محمد 

الدكتور ابتدى يسعف ورد ويطهر الجروح اللى فى وشها وهو بيتأملها ومعجب اوى بجمالها بس فاق لنفسه  لما اتالمت ورد من الوجع

وقال لغرام. لازم تبلغى عن اللي عمل فيها كدا دا شروع فى قتل والجرح اللى فى راسها ده كمان ده عاوز علاج اكتر من 21 يوم 

ورد بسرعه وخوف. لاه لاه انى زينه وبعدين انى وقعت لحالى وبصت لغرام. همى ياغرام همى خلينى نرجعوا. 

غرام سنداتها وقبل ما تخرج كان الدكتور حصلهم وقال. على فكره انتى محتاجه ترتاحى لان الجرح كبير ونصيحه منى اللى عمل فيكى كدا مهما كان مين لازم يتعاقب. 

ورد بحزن. ياريته كان ينفع يا دكتور

غرام حضنتها  واتكلمت بغيظ وكانها بتقول للدكتور اهوه انا قولت اسمه بلغ عنه انت. ابوها... ابوها يادكتور. 

ورد بلهفه. لاه لاه يا دكتور... 

الدكتور اتاملها تانى باعجاب وقال. احمد اسمى احمد

ورد. لاه يادكتور احمد انى زى ما جولتلك اتزحلجت ووقعت لحالى همى يا غرام. 

احمد فضل متابعهم لحد ما اختفوا عن عينه وهو سارح فى الجمال الصعيدى الربانى اللى دخل دماغه بالشكل ده.

اتخض لما سمع الممرضه احسنلك يا دكتور احمد بلاها البت دى ابوها شرانى ويتفاتله بلاد دى حتى بته بتهون عليه يبقى مش هيطبطب عالغريب 

احمد. قصدك ايه وبعدين انا بعمل شغلى والمفروض ان  كنت بلغت بس رأفتا بيها سكت وبعدين انت واقفه بترغى وسايبه شغلك ليه اتفضلى على شغلك. 

فى بيت عبد القادر ناس كتير وهيصه من اهل العروسه. 

غرام. يادى الواقعه الطين شكلهم، رجعوا قبل منينا انتى لازمن تتدارى  

المره دى ممكن يجتلك. 

ورد داخله عالبيت بقلب جامد. روحى انتى ياغرام كتر خيرك ومتخافبيش علي هو لهيان فى عروسته. 

غرام. يابت انتى بلاها عناد وكبر راس عاد بكفياكى اللى انتى فيه

وامشى جدامى خلينى اسربك لجوى 

ورد ضحكت. هتسربينى كيف البسه اياك الله يحظك يا غرام ضحكتينى. 

جوهر كانت فى اوضة ورد وبتلطم. 

يا مرى يا مرى البت راحت وين يا لهوى لتكون عملت اللى فى راسها وهجت يالهوى يا لهوى. 

عنيه جت على الشباك لمحت ورد وغرام جريت بسرعه وحدفتلها ملس من بتوعها. 

غرام. حلو قوى امك بتفكر زين اهه البسى يلا ودارى خلقتك دى وادخلى على جوه وابوس يدك بلاها فتحت صدر عالفاضى انتى مافكيشى كف واحد كمانى عدى الليله على خير. 

ورد. طيب يا غرام طيب روحى انتى بقا عوجتى بسببى روحى ياخيتى. 

ورد دخلت وسط الناس على جوه ولحسن حظها ابوها كان ملتهى مع الضيوف. 

جوهر بلهفه. نور عينى عامله كيف دلوك حقك علي انى هملتك ربنا عالفترى بس قوليلى كتى وين انتى وغرام. 

ورد خلعت الملس وكشفت شعرها وشاورت على الجرح. 

كنت بلحق دمى اللى اتصفى يامه 

وراسى اللى اتفتحت وهملتونى  كنى كلبه ولا بهينه عنديكم

جوهر. بقهر. ما تبقيش انتى والزمن وابوكى على يا بتى انى مشيت خوف عليكى خوف لياذيكى يابتى وانتى خابره زين انه ممكن يعملها

ورد بحده. اماااه روحى لضيوف جوزك وهملينى لحالى ولا اقولك انى 

سيبالك الدار كلاتها وهروح للبهايم اهى الاقل بتحس بصحابها.. 

طلعت ورد وفجاه خبطت فى حاجه. ااه ما تفتح ياهباب البرك انت ايه طور وطلجينه عالخلق. 

دخل الراجل وهو بيبص وراه على ورد وهو بيقول. مين سليطة اللسان دى اباااى بس مهره جامحه ومحتاجه خيال يا بوووى. 

عبد القادر شايفه من بعيد واستغرب وقفته. مالك ماهر واقف عنديك اكده ليه كنك مكسوف ولا ايه

دى دار اختك يا ابو نسب يعنى دارك. 

ماهر. عشت يا ابو نسب يلا هنتوكلوا احنا عاد ونهملوك لعروستك الف مبروك يا واد عمى. 

فات شهر على جوازة عبدالقادر الجوازه اللى بسببها ورد كرهته اكتر واكتر واصبح حقدها عليها اكتر واكتر. 

دريه بكبر لجوهر. جهزتى الوكل ولا لساتك بتتمرقعى يمين وشمال. 

جوهر. ما تعدلى كلامك امال مين دى اللى تتمرقع. 

دريه. وتسميه بايه لما الظهر جرب يأذن وانتى لساتك رايحه وجايه فى الدار من غير لازمه غير انها مرقعه وجلع حريم. 

جوهر. اللهم طولك يا روح انتى بتحربى على ايه انتى عايزه ايه ، بدال الرط والمريسه دى ورينا 

شطارتك وادخلى اعملى لقمه لجوزك اللى من يوم مادخلتى الدار ماداجش لقمه من يدك ولا غسلتيله جلبيه. 

دريه. كانك نسيتى روحك ونسيتى انى مين وبت مين ونسيتى كمانى ان ديه مقامك تخدمى وبس وانى اتخدم، انت ارض بور ياجوهر ولوكان فيكى خير ماكان رماكى واتجوز عليكى ، وانى بنبهك اهه يا جوهر وبوعيكى لتانى مره انتى اهنه مش اكتر من خدامه ومش بس انتى لاه انتى وبتك كمانى وتخدمو بلقمتكم كمانى. 

ورد دخلت فى الوقت ده. مين دى اللى خدامه يا مره انتى يا خطافة الرجاله ياعايبه، امى ست الدار دى واوعاكى انتى تنسى انك اهنه ماعون وبس بوى جابك اهنه لجل الواد مش عشان سواد عيونك ولا عشان عاشقك يا نور عينى يعنى  تعملى حسابك انك لو ماجبتيش الواد هتاجيكى عليكى دره ياقلبى زى ماجيتى انتى على ست الدار. 

بقلمى_مشيره_محمد 

فى الوحده الصحيه للبلد. 

احمد لصاحبه هانى. حتة بنت يا هانى تحسها ملاك نازله من السما، انت عارف لو بايدى كنت بلغت عن ابوها ده. 

هانى. احمد يا جناينى لم نفسك هنا مش زى مصر هنا يقتلوك من غير ما يرفلهم جفن وانت بنفسك اهو بتقول على اللى ابوها عامله فيها واهى بنته انت بقا هيعمل منك شاورما يافالح فلم نفسك احسن. 

احمد. يابنى انا بتكلم معاك انت بفضفض.

وبعدين متخافيش انا عايز انتقل من هنا فى اسرع وقت فاكيد مش عايز اعمل مشاكل وانت كمان حاول 

تظبط امورك فى الوحده الصحيه اللى انت فيها عشان ننتقل من هنا سوا زى ما اتنفينا سوا ههه.

بس عارف يا هانى انا بجد مضايق انى سكت على حاجه زى دى 

هانى. بنت مين دى او من عيلة مين

احمد. تقريبا اسمه عبد القادر الحناوى

هانى. يا نهارك اسود يا احمد دا راجل شرانى دى صيته جايب للقريه اللي انا فيها والبلاد اللى جنبها والكل بيعمله الف حساب. 

احمد. وانت عارف برضو ان ده ما يهمنيش وانا سكت بس لان دى كانت رغبة بنته غير كدا انا كنت وديته فى داهيه دا راجل متوحش 

هانى. لم نفسك ياابن الجناينى فتحة الصدر دى مش هتنفع بلاش تلعب فى عداد عمرك. 

فى بيت عبد القادر. 

دريه. فى ايه ياماهر كل يوم والتانى ناططلى اهنه ليه الحب ولع فى الدره ولا ايه، ولا هو ابعد حبه تزيد محبه ياقلب اختك

ماهر. اكده يادريه مكنش العشم يابت ابوى ، معيزانيش اجيكى دارك ولا ايه

دريه. ماهر يا خوى اللى ربى خير ماللى اشترى وانى مش مرتاحه للراحه والجايه اكده عالفاضى فى ايه رسينى

ماهر بهيام. مش عالفاضى ولا حاجه

وبصراحة ربنا اكده انى هتجنن على بت جوزك من وقت ما خبطت فيا ليلة فرحك وهى دخلت دماغى  اصلها حلوه جوى جوى. 

دريه. وه وه عايز تتجوز خدامه يا ماهر. 

ماهر. خدامة ايه هنكدبو الكدبه ونصدقوها ولا ايه  وبعدين لاه جواز ايه انتى تعرفى عنى انى بتاع جواز بردك، انى بس بنور عليكي فى مجى اهنه لجل مش كل ما اجيكى تعملى هوليله اكده. 

دريه بخبث. قولتى بقاااا بس خد بالك لو عبقادر شم خبر انك بتشاغل بته هيجتلك وانى وقتها هقول ما عرفاش حاجه. 

ماهر. ما تنجيش فيها انتى بس وقوليلى وينها. 

دريه. هتكون وين يعنى فى الزريبه يا فى المطبخ. 

عبدالقادر  دخل. يامراحب يا ايو نسب الدار منوره. 

ماهر . بوجودك ي جوز اختى، انى كت جاى اشوف دريه وكمانى قولت اتوكد انك معزوم فى فرح الهلايله . 

عبدالقادر. لهو انت محتاج سبب تاجى فيه اهنه ياماهر وعمتا انى ايوه معزوم كلاتنا هنروحو ده واجب عاد والهلايله اصحاب واجب. 

فات اسبوع كمان ودريه مابتسبش فرصه الا لما تهين فيها ورد وهى متطمنه ان ورد عمرها ما هتشتكى لعبدالقادر. 

دريه. وينك يا زفته يلى اسمك ورد

وينك. 

ورد بحده زفت على راسك وقص لسانك وقطع خبرك يابعيده. 

دريه. وه بتشتمينى ياقليلة الربايه بتشتنى مرت ابوكى

ورد بغل. وجطعك بسنانى طول ما بتغلطى ولسانك اطول منك 

دريه بكيد. عشنا وشوفنا الخدامين

وهما يناطحوا اسيادهم انجرى غيرى فرشة السرير ونضفى الاوضه زين

ورد اتجننت واتعصبت. بتجولى لمين اكده يا قدم الشوم انتى ياخرابة البيوت ياخطافت الرجاله.

بقلمى_مشيره_محمد 

عبد القادر دخل فى اللحظه دى  ومسكها من طرحتها .ولما هى قدم الشوم يبقى انتى ايه يا خلفت العار انتى

دريه مثلت العياط. سيبها ياسى عبقادر انى اتعودت منها على اكده

مهاش اول مره يعنى سيبها هى بتك بردك

ورد .صوح انك مره شايبه وكدابه كمانى

عبد القادر. سحب العصايه بتاعته وبقى يضرب فى ورد زى الطور الهايج ويقول.كمانى مش عامله اعتبار لوقفتى يابنت الرفدى.

جوهر جت تجرى على صوت ورد وهى بتصوت وباحساس ام بسرعه حضنت ورد واخدت كل الضرب على جسمها لحد ما اغمى عليها .

ورد .امه.امه يالهوى يالهوى موتها ياظالم موت امى ليه اااااه يا ماااااه

دريه قربت تشوفها لقيت فيها الروح فقالت .بطلى محن يابت انتى امك اهه كيف القرد وفيها الروح وبصت لعبد القادر.تعال يا اخوى شيلها ندخلها جوا ينوبك ثوب.

عبدالقادر. سبيها ياكش تروح فى داهيه هى وبتها ونخلصوا عاد.

ورد بعزم مافيها زفت دريه .ابعدى عنها ابعدى بقولك.

عبدالقادر نزل ضرب تانى فى ورد.

مافيش فايده لساتك قليلة ربايه طيب انا هعملك كيف تتحدتى وياه يا حزينه.

عبدالقادر نزل ضرب فيهم وكأنه مغيب او ليه عندهم طار.

ولا فرق معاه بنته ولا مراته اللى غايبه عن الوعيى اللى كان ممكن تكون ميته دلوقتى .

عدى كام يوم على اللى حصل وجوهر نايمه فى السرير من الضرب

اللى انضربته وورد هلكانه ما بين امها اللى نايمه فى السرير وبين شغل البيت وطلبات دريه اللى ما بتخلصش وخدمة المواشي وكانها خدامه بأجر. 

دريه بدلع. لهونت ياسى عبقادر مش هناخد جوهر وورد الليله. 

عبدالقادر كان بيظبط العمامه وبيجهز. لاه ما عيجيوش البت من الاساس لابتروح ولا بتاجى، امها اديكى شايفه متدشمله كيف  ولو ما بطتلطيش رط ههملك انتى التانيه واروح لحالى. 

دريه. لاه لاه اهه ادينى جاهزه من بدرى يلا ياخوى. 

عند جوهر. نعيما يامه حموم الهنا يلا عاد لاجل ماتاكلى وتاخدى دواكى ياغاليه. 

جوهر. يراضيكى يابتى ويرضى عنيكى يابت بطنى

بس انا ماجيليشى نفس للوكل انى عايزه انام دماغى تجيله جوى بس ماهينش عليا انام وتفضلى لحالك 

ورد. دماغك تقيله من البرشام الدكتوره جالتلى هينيمك لجل ماتحسيش بايتوها وجع لحد لما تخفى وتقومى بالسلامه. 

جوهر. طيب بقولك ايه انى هاكل بس بشرط. 

ورد شرط ايه ديه 

جوهر. تعمليلى كوباية بن تقيله خلينى افوق امعاكى اكده لجل ما تبقيش لحالك. 

ورد. بن ايه يامه اللى عايزاه لاه وكمانى يعنى هى اول مره اكون لحالى؟ كلى بس انتى لقمه وانى كمانى هنام والصباح رباح ابقى اكمل شغلى. 

جوهر. ياريتك تعملى اكده انتى وتنامى، اهو انتى شافيه الدنيا اسكت هوس كيف.. البلد كلاتها فى دوار الهلايله. 

ورد. حاضر يامه هنام ماتجلجيش انتى هوكلك واتسبح وانام 

بعد وقت ورده اتاكدت ان جوهر نامت فقامت تكمل شغلها اللى دوريه امرتها بيه واللى عارفه ان محدش هيعمله غيرها وكفايه عليها شغل يوم بيومه فهى مش هتآجل شغل وهتتقى شر ابوها ومراته. 

راحت لزريبة المواشى وبداﭢ شغلها. 

ورد بتكلم روحها. استعنا عالشقا بالله.

والله انا لو كنت اوجريه كان زمانى حدايه فلوس كد راس دريه، 

يلا ربنا يخرجنا منها على خير. 

ومره واحده حست بحد وراها وقبل ما تعرف مين كتم نفسها بمنديل غابت عن وعيها وراحت فى دنيا تانيه. 

الفجر اذن وجوهر فاقت مالقيتش ورد. 

جوهر. عينى عليكى يابتى الناس لساتها نايمه وانتى من الفجر بتجرى على الشقا كنك خدامه مش صاحبة مال وده ملكك عاد، اما اقوم اشوفها وعااله اقدر اعمل حاجه معاها. 

فى جنب متخبى جنب زريبة المواشى ورد ابتدت تفوق وهى حاسه بوجع شديد وبتأن وجوهر دخلت الزريبه ما لقتهاش ندهت عليها  ما رضتش حست بقبضة فى قلبها لما سمعت صوت انات جايه من بره الزريبه، قربت بخوف وحذر...... شافت ورد عالارض غرقانه فى د&مها وهدومها متقطعه

لطمت خدها ورجليها خانتها وقعت جنب بنتها. 

جوهر بانهيار. يا مرى يا مرى ايه اللى صابك يابت بت يا ورد قوم قومى يافضيحتى قومى. 

ورد بالم. امه الحقينى حرامى دخل اهنه كتم نفسى وغميت الحقينى

جوهر ضمت بنتها لصدرها وفضلت تنوح وتبكى على مصير بنتها اللى اخره القتل على ايد ابوها.

خدتها  بسرعه دخلتها الاوضه وورد فاقت ولسه مش مستوعبه اللى حصل وجوهر كل لحظه والتانيه تبصلها بحزن وورد كمان حاسه باللى حصلها. 

ورد ووشها فى الارض. امه

جوهر. ايوه يا ورد. 

ورد. ان الاوان يامه نهج من اهنه ولا انتى خلاص رميتى طوبتى وهتسبينى لجوزك يقتـ لنى؟ 

جوهر بكسره وعياط. لاه يا ورد ما حدش هيمسك بس قبل لا نخرج من اهنه نعرفوا مين واد الحرام اللى قدر يدخل دار عبدالقادر الشرقاوى

ويهتك عرضه. 

ورد بتعصيب وعياط وانى لسه هستنى يامه لما اعرف مين لاه انا ههج من اهننه وارض الله واسعه، وجوزك عداوته كتير جوى وسيد من حابب يأذيه. 

جوهر بخضه. طيب اسكتى وتعالى اهنه قوام ادارى تحت اللحاف ونامى شكلهم جم. 

تانى يوم جوهر فى البيت ندهتلها دريه يشماته. يعنى وعياكى بقيتى زينه اهه ولا من الاساس ماكنش فيكى حاجه وبتتجلعى. 

جوهر بضيق. صبحنا وصبح الملك لله، هو انتى كنتى عميتى ومشيفاش اللى جوزك عملوا فيا انى وبتى، روحى شوفيلك حاجه تعمليها وابعدى عنى مش نقصاكى عاد. 

دريه. لاه شايفه بس مهياش اول مره يعنى وتلاقى جتتك نحست من الضرب عشان لو ماكنش على كيفك كنتى هجيتى من زمان ونفدتى بجلدك انتى وبتك. 

جوهر. بعينك يا دريه ديه بيتى وبيت بتى ومش ههمله لحد واصل وبتى ملكيش صالح بيها سبيها فى حالها. 

دريه بكيد. لاه يادرتى المال والدار

ليا انى وولدى وبس انى ام الواد 

ولما يحضر الواد البت مايبقلهاش عازه. 

جوهر اتصمدت من كلام دريه ورغم انها كانت عارفه ان حملها متوقغ لكنها كانت بتعشمه انه ما يحصلش

وبعد ما كانت متردده انها تمشى هى وورد وتسيب كل حاجه لدريه

وكانت مطمنه ان ورد ما بتهمهوش ومش هيسعى لجوازها بس دلوقتى وجودها هنا خلاص ملهوش لازمه هى بس هتستنى الوقت المناسب علشان تضمن تخرج من البلد بامان وكمان تعرف تتصرف فى فلوس علشان تاخدها معاها للمجهول اللى مستنيها 

عدى شهر على الحادثه وجوهر مش لاقيه فرصه تخرج بيها من البيت ويوم بعد يوم ورد بتنطفى وحالها اتبدل . 

وجوهر كانت على قد ما بتقدر ما تخرجش ورد علشان تتجنب صدامها مع دريه وعبد القادر وده كان مجنن دريه وهتموت وتعرف ليه ورد مختفيه والشغل كله شيلاه جوهر. 

دريه بكيد. ورد فينها يا اجوهر عايزه اشيعها تجيبلى حاجه من السوق. 

جوهر. ورد تعبانه ووفرى طلباتك لما ننزلوا السوق نوبه واحده

بقلمى_مشيره_محمد 

عبدالقادر طلع وبحده. وهى ماتروحش ليه على رجليها نجش الحنه انجرى نادمى عليها تاجى تشوف طلبات دريه. 

دريه بتمثيل. انى بس نفسى راحت للحركنش قولت تجيبلى هى قوام لجل الواد مايبقاش نفسه فى حاجه 

انت خابر الوحم عاد.

عبدالقادر. انتى تؤمر امر اطلبى واتمنى يام الولد. 

وانتى لساتك واقفه عندك ليه انجرى ابعتيلى بتك جوام

ورد طلعت لوحدها لما سمعت الكلام. نعم يابوى 

عبدالقادر. انجرى شوفى مرت ابوكى عايزه ايه ومن اليوم ورايح ولحدت ماتولد توبقى تحت رجليها وشغلتك بس هى طلباتها وراحتها فاهمه ولا لاه. 

ورد اتحركت ببطىء. حاضر هدخل اجيب طرحتى واروح اجيب اللى انتوا عايزينو. 

وقبل ما تختفى من قدامهم اغمى عليها وغابت عن الوعى. 

#يتبع

تكملة الرواية من هنااااااا