روايةحب ضد الجميع الفصل الاول1 بقلم زهرة الربيع جديده وحصريه في مدونة قصر الروايات
روايةحب ضد الجميع الفصل الاول1 بقلم زهرة الربيع جديده وحصريه في مدونة قصر الروايات
عايز اكشف
بس انا دكتورة نسا يا راشد بيه
ايوه ما انا بحس بنفس الاعراض يعني حاسس بدوخه ونفسي بتغم عليا وطلع على السرير وقال..ودافع مستعجل يلا شوفي شغلك بقى
ضحكت وقالت...بس شغلي مش هيناسبك..انزل وبطل لعب يا راشد انا عندي مرضى مستنيني بلاش حركاتك دي
راشد بصلها بابتسامه وقال...يعني انا كمان مريض والله قلبي واجعني من ساعة ما فتحتي العياده دي مش عارف اتلم عليكي اسبوع انهارده وانا مش بشوفك من مؤتمر لمؤتمر ولما رجعتي رجعتي للعياده كده حرام
ابتسمت وقالت...بطل بكش علشان ده حتت اسبوع مش سبع سنين يعني...وبصتلو باهتمام وقالت...المهم..بخصوص ريناد...
بس قاطعها وقال ...اطمني وحطي في بطنك بطيخه صيفي والله وصلتها لحد باب الفيله بنفسي ومرضتش ابعتها مع السواق بس طبعا مكانش ينفع ادخل معاها
بقلم..زهرة الربيع
ابتسمت ومسكت ايده وقالت...يعني اكيد انت بنفسك وصلتها مش كده
راشد قال وبعدين يا نور يا حببتي يعني هكدب عليكي..اوعي تكوني انتي كمان بتفكري زي بباكي
نور قالت بسرعه ابدا يا راشد والله ...بس انت عارف انا بقلق علشان مشاكل اهلنا سوا من وقت ما انا اتجوزتك ابويا قاطعني ورافض دخولي البيت وكان رافض تماما ان ريناد تزورني هو معتقد ان انت وبباك ممكن تأذوها علشان المشاكل القديمه .وخصوصا لما بباك اترشح قصادو بقى حاسس انو منسيش القديم..ودي اول مره يسمحلها تزورني بعد جوازي منك وعلشان كده كنت مصره انك انت بنفسك الي تروحها لاني مش بثق غير فيك
راشد قال بسخريه...بس ابوكي فاكر اني مش بحبك..واني اتجوزتك علشان انتقم منو فيكي
نور قالت بدموع...بابا مش قادر يصدق اننا بنحب ببعض...كان نفسي يفهمنيي ويعرف قد ايه بحبك
راشد مسك ايدها وقال بحنيه كل ده هياخد وقت ويعدي واكيد بباكي هيجيله يوم ويجي هو كمان يزورك زي ما بعت ريناد كده ..متقلقيش...ويلا بقى قومي معايا عازمك على الغدا يا اجمل دكتوره
نور ضحكت وقالت..بقولك معايا شغل وبعدين يعني
راشد ضحك وقال..كده...طب ايه رأيك بقى انا هطلع استأذنلك المرضى مريض مريض لما اشوف حجتك ايه
نور قالت بضحك ...يا مجنون اعقل متفضحناش
قال بابتسامه..المجنون ده اتجنن بيكي من زمان يا نور القلب انتي
نور ابتسمت وقالت..طب خليني اطمن على ريناد و
بس قاطعها لما قال مش هيحصل وهتطلعي معايا يلا بطلي عك اول ما نوصل البيت هطلبهالك وتكلميها يالا خلصي الي قدامك على ما استأذن المرضى نصايه كده وارجعك
راشد طلع ونور قالت والله مجنون
ولسه بتلم حاجتها جالها تليفون من بباها ابتسمت بسعاده وردت وقالت..الو يا بابا
ابوها قال بغضب..اختك فيييين..مرجعتش لحد دلوقتي بقالك ساعه قولتي هتبعتيها. اختك لو حصلها حاجه هولع في عيلة جوزك كلها حتى لو انتي معاهم
بقلم....زهرة الربيع
نور اتسعت عنيها بزهول وقالت..بابا بس راشد ..رجعها و
قاطعها وقال بغضب رهيب...رجعها فين البنت لسه موصلتش انتو هتستعبطو
نور خافت وقالت....يا بابا اهدى راشد قال ...بس قطعت كلامها لما شافت تليفون راشد وكانت جيالو مسجات كتير بتظهر على الشاشه وكانت من تليفون اختها قفلت مع ابوها من غير ما ترد عليه وفتحت التليفون ولقت اخر رساله مكتوب فيها تمام يا باشا البنت بقت معانا
نور اتجمدت مكانها بصدمه وفي الوقت ده دخل راشد واتصدم لما لقاها ماسكه التليفون ...قرب وخطفو منها بسرعه ووووو
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق
فضلا اترك تعليق من هنا