سكريبت الحقيقه الكامله الفصل الثالث 3الاخير بقلم ک: ونس "رُقية"( حصريه وجديده على مدونة قصر الروايات)

سكريبت الحقيقه الكامله الفصل الثالث 3الاخير بقلم ک: ونس "رُقية"( حصريه وجديده على مدونة قصر الروايات)

سكريبت الحقيقه الكامله الفصل الثالث 3بقلم ک: ونس "رُقية"( حصريه وجديده على مدونة قصر الروايات)

قابلت ام هيثم ف مره وانا راجعه من عند الدكتورة وكنت مبسوطه ان خلاص الحمدلله ربنا اتم شفائي 

&ايه دااا عامله ايه يا حنين؟ 

: الحمدلله بخير وانتي عامله ايه يا طنط 

&الحمدلله يعني لا شفنالك عيل ولا جوز ولا انتي ولا اخواتك! 

ياما قولت ل هيثم بلاش يقول لناس على سبب الفركشه 

هيوقف حال اخواتك البنات 

اهو انتي حالك وقف بحكم افعالك هما ذنبهم ايه!! 

فاللحظة دي حسيت نفسي بركان وكان في قمة ثورانه 

رديت بكل عصبية وزعيق 

: انتو اتجننتوا انتو لسه مصدقين نفسكم انا مكنتش حامل ولا نيله،  انا كنت مريضة كانسر. 

لو ابنك كان كلف خاطره ساعه يروح يسأل الدكتوره ويفهم منها اني مكنتش قليلة ادب ولا تربيه واني كنت مريضه،  لكن هوا استسهل بالبعد وافتكر نفسه انه مفيش انصح منه لما سابني و كمان شكك فيا وف سمعتي وياريت سمعتي لوحدي دا خاض ف اعراض وشرف بيت كامل 

تعرفي!!  انا لو  بيني وبين مسامحتكم  دخولكم الجنه، والله ما مسامحه مش هسامح اي حد اتكلم 

انا خصيمتكم كلكم يوم القيامه 

رجعت اهدى من العصبيه والزعيق وكانت الناس اتلمت 

ردت امه تاني

واتكلمت بتتريقه &هو اي واحده بتطلع حامل هتقول مريضه يا حبيبتي كل واحد عارف نفسه وتربيته 

الحمدلله ان ربنا نجدنا منكم 

: وانتو اللي زيكم يعرف ربنا 

ماشي طيب وربنا منا سيباكي غير فالقسم 

روحت القسم عملتلها محضر 

وروحت البيت 

كتبت ف جروبات  على الفيسبوك تبع البلد بتاعتنا

كتبت 

: السلام عليكم ورحمة الله وبركاته 

انا حنين بنت عندها 24سنه 

منهم 4سنين معاناه من المرض والناس 

انا الحمدلله ربنا ابتلاني ب كانسر فالرحم 

قبل جوازي بشهر اكتشفناه ولكن للاسف اتعرف عن طريق اختبار الحمل لان نفس الهرمون بتاع الحمل بيتفرز بشكل كبير لما يبقى فيه كانسر لان الخلايا بتتكاثر بشكل مبالغ فيه 

طبعا بدون وعي من البيئه المحيطه 

اتقالي عني اني حامل 

سمعت عن نفسي اوحش الكلام 

سمعت عن اهلي كلام لا يرضاه حد على نفسه او على حد من عرضه 

كانت الناس بتغتاب فيا بأفظع الكلام وانا بين الحياه والموت بين جلسات كيماوي وبين جلسات اشعاع وبين وجودي ف عنايه مركزه 

حالتي الصحيه والنفسيه مكنتش سمحالي ابرر شكلي ومنظري قدام حد 

كان الاهم اعالج نفسي 

شكرا لكل حد تفهم طبيعة مرضي 

ولا سامح الله ولا عفا عن حد ظلمني 

ودي صور التحاليل والتشخيصات ومواعيد الجلسات 

كتبت البوست ونمت 

مش عارفه نمت كام ساعه اقصد كام يوم 

نمت من يوم الحد صحيت يوم الاربع 

كأني بقالي زمن مانمتش 

صحيت لقيت المحضر اللي عملته ف ام اللي كان خطيبي راح المحكمه واتحكم عليها ب سنه 

مش عارفه بصراحه اسم القضيه كان ايه بس انا طلبت من المحامي انه يحاول يجبلي حقي ولو 1٪ من حقي فالدنيا لحد ما اخد حقي فالاخره 

بقت عيلتهم كلها جاتلي عشان اتنازل عن المحضر وانا بماطل فالموضوع 

احساس انك تشوف حقك بيترد احساس جميل 

اتعرض عليا اعتذارات 

وفلوس 

حتى عرضو عليا ان اللي كان خطيبي يطلق ويتجوزني 

: نعممم،  تكونش فاكر اني عملت كلوا دا عشان اتجوزك انت مبقتش فارق 

مع ان الاولى بالحبس هوا انت 

بعد شهر اتنازلت عشان صعبت عليا 

واتقدملي مستشار المحكمة 

وكان نعم الزوج 

كان اسم و وواجهه و شخص وحاجه تشرف بجد 

وكُنا اسعد زوجين 

وكمان اخواتي البنات الاتنين اتجوزو جوازات تشرف 

بنفتكر الايام دي بنضحك 

ياه على الايام،  لو حد حكالي انها هتعدي مكنتش صدقت 

لو حد قالي اني لما افتكرها هضحك لما افتكرها مكنتش صدقت 

حاجات كتيره بتحصلنا مبنعرفش فين الخير ولا الترتيبات اللي ربنا كاتبهالنا 

يعني لولا ان حصل معايا كدا عمري مكنت هتعالج من الكانسر 

وكنت هختار زوج مش مناسب وكانت ف ابسط المشاكل هيحصل طلاق 

أحياناً فالابتلاء بتتخلق حياة

تمت 

ک: ونس "رُقيه"

لمتابعة الروايه الجديدة زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا