روايةلؤلؤة الباشا الفصل الخامس 5بقلم زهرة الربيع (جديده وحصريه فى مدونة قصر الروايات)

روايةلؤلؤة الباشا بنت السايس الفصل الخامس 5بقلم زهرة الربيع (جديده وحصريه فى مدونة قصر الروايات)

رواية بنت السايس الفصل الخامس 5بقلم زهرة الربيع (جديده وحصريه فى مدونة قصر الروايات)

،5 ,الأخير هديه للقمرات اللي طلبوه

جاسر دخل وراها وقعد على السرير جنبها وقال... لؤلؤه ...اهدي ارجوكي مفيش حاجه تستاهل دموعك

 لؤلؤه كانت حاسه بوجع شديد في قلبها قعدت واترمت بين اديه وبقت بتبكي  بشده 

جاسر ضمها لقلبه بكل قوته وبقى  بيحاول يهديها 

لؤلؤ فضلت شويه لحد ما هديت ولسه هتبعد  بس كان حاضنها بقوه ومش راضي يسيبها

 حمحمت وقالت بكسوف...جاسر.. ممكن تسيبني 

جاسر ابتسم وقال ...اه لو اقدر اسيبك 

لؤلؤ ابتسمت وقال ....جاسر لو سمحت 

جاسر اتنهد وقال ....يا بت خليكي انتي تعبانه ومحتاجه تفضفضي ..فضفضي يا اختي فضفضي.

لؤلؤ دفعته بخفه وبعدت عنه وقالت... وبعدين يا جاسر انت ما بتصدق

جاسر  ابتسم وبص لعيونها ومسح دموعها من على خدها وقال بذمتك اللؤلؤ ده يستاهل ينزل على المعفن اللي تحت ده انا مش عارف عقلك فين

لؤاؤ ضحكه وقالت... حاسه اني مليش لازمه يا جاسر معقوله يفرط فيه بسهوله دي عشان الفلوس 

جاسر ابتسم وقال .. في ناس كتيره بتفرط في اغلى ما عندها علشان الفلوس...بس عارفه بجد ولد معفن انتي تسوى كنوز الدنيا... ده انتي اللؤلؤ ..وايه ممكن يكون اغلى من كده 

بقلم.....زهرة الربيع

لؤلؤ بصت له وابتسمت وقالت...شكرا بجد

جاسر  ابتسم وقال ...انا اللي المفروض اشكرك وقرب منها اكتر وقال...هموت واشكرك

 لؤلؤ قالت بهمس....احنا قولنا ايه

جاسر  قال بسرعه ...قلنا ايه

لؤلؤ  قالت ...مش قلنا هنبعد

 قرب منها  اكتر وقال... ونبعد ليه

لؤلؤ قالت بهمس ورقه...جاسر..

جاسر بلع ريقه بالعافبه وقال....يخربيت جاسر...وقرب منها وباسها بقوه وشغف  في لحظه طالت بينهم كان سعيد جدا بيها..وفضل مكمل بس فاقت لنفسها وقالت بسرعه... لا يا جاسر...احنا هنتطلق ما ينفعش نعمل كده... انت وعدتني

جاسر  غمض عنيه وحاول يهدى وبعد وقال ...معاكي حق... انا اسف ما اعرفش ازاي ضعفت كده ..خلاص مش هقربلك بس...بس ممكن تباتي جمبي زي امبارح

اصلا بكره هنروح لبابا ودي اخر ليله لينا سوا

لؤلؤ  ابتسمت وهزت راسها بالموافقه

وجاسر حضنها

ولؤلؤ قالت بهمس... على فكره هتوحشني

جاسر  ابتسم وقال... انا مش لاقي كلمه توصف اشتياقي ليكي وانتي بين ايديا مش عارف هيبقى ايه احساسي لما تبعدي... خايف ما اجربه حتى

لؤلؤ  ابتسمت وقالت.... هتبقى تسال عني 

جاسر قال بوجع.... لا ...اخاف يوم اسال اسمع خبر  ميعجبنيش

لؤلؤ ابتسمت بحزن  ونامت للصبح واول ماقامو الصبح راحوا يتكلمو مع الباشا

اول ما وصلو باب القصر لؤلؤ بصت لجاسر بدموع كأنها بتودعه وهو بصلها بابتسامه وقال ..جاهزه

 هزت راسها وقالت ..اكيد جاهزه 

ودخلوا وطلبوا يقابلو الباشا

الباشا نزل وقال بغضب.... انتوا ايه اللي جابكم هنا تاني

 لؤلؤه قالت بسرعه... انا اللي جايه لحضرتك عايز افهمك على موضوع لو سمحت بس تديني 10 دقائق من وقتك اكلمك علشان خاطر بابا الله يرحمه

 عباس اتنهد وقال ....الله يرحمه كان احسن راجل اشتغل عندي..كان سند وصديق... بس يا ريتو عرف يربي

 وقعد وقال  ..اتفضلي اتكلمي

لؤاؤ  بدات تحكي له كل اللي حصل من الاول وخلصت كلامها وقالت.... وانا مستعده تجيب اربع دكاتره غير الست اللي جت دي لاني مش عارفه ايه مصلحتها بالظبط وهتتاكد ا اني مش حامل ومحدش لمسني اصلا 

عباس ضحك وقال... ما انا عارف

جاسر ولؤلؤ  اتسعت عيونهم وهما بيبصوا لبعض بزهول 

لؤلؤه قالت ..عارف.. عارف ايه 

عباس قال...عارف انك مش حامل... وانا اللي قلت للدكتوره تقول كده 

جاسر بصلها بصدمه وقال... ايه انت 

عباس قال...ايوه انا عشان تتلم وتتربى ....لتكون فاكرني نايم على وداني ومش عارف انك كل ليله بتروح لها وتتسفل عليها وتقل ادبك ...لو كنت طلبتها بالحلال انا ما كنتش اهتميت لاي فرق بنا ابدا 

جاسر نزل عيونه في الارض وابوه  قال... انا كنت متمني اسيبك تتمرمط شويه هناك وتعرف العيشه بره القصر وبره الفلوس وبره البيت شكلها ازاي عشان تراعي النعمه اللي انت فيها ..بس مدام البنت جاتني لحد هنا وشرحت لي مش هقدر ااذيها اكتر من كده كفايه اللي انت بتعمله معاها 

وبص لؤلؤ وقال...انا يا بنتي ما كنتش قاصد اضايقك باللي عملته...بس انتي مكانش يصح تبهدلي نفسك وتقولي انك حامل...انا لما قولتي كده شوفتها فرصه انكم تتريو  انتوا الاثنين وتعرفو معني اللي بتقولوه وقيمه تصرفاتكم وكنت مصر اجوزكم  واربطكم ببعض علشان لما تمشو من هنا تبقوا مع بعض وتسندوا بعض دلوقتي انا قلت لكم اللي حصل...وبراحتك لو قررتو  تطلقوا وترجعي على شغلك هنا محدش هيمنعك

اما انت  يا جاسر لو لقيتك عندها تاني هاقطع رجلك 

لؤلؤ قالت ...ما فيش داعي يا باشا انا متشكره انك اهتميت لامري وعملت كده في ابنك علشاني... بس انا اصلا هسيب القصر وشغله هشوف مكان تاني ..اصلا الحاجه اللي كنت بشتغل هنا علشانها ما بقتش عايزاها....عن اذنكم

قالت  كده وطلعت وجاسر بيبص لطيفها بدموع وهيه بتبعد

 ابوه بصلو بضيق وقال ....محتاج اذني عشان اقول لك حصلها 

جاسر قال بدموع.... بس انت هتوافق ...يعني  دي 

ابوه قاطعو وقال بسرعه ...دي انسانه....وانسامه كويسه جدا... الا اذا كنت انت 

جاسر قال بسرعه... لا انا كمان عايزها  وابتسم  وقال عن اذنك واجري وراها بسعاده

 اول ما طلع ن القصر بقى يناديلها ويقول.... لؤلؤ  لؤلؤ اوقفي يا بت

لؤلؤ وقفت باستغراب وقالت..فيه ايه تاني 

 جاسر ابتسم وقال بسرعه... تتجوزيني يا بت 

لؤلؤ ضحكت وقالت...اتجوزك ازاي واحنا متجوزين ... بالمناسبه  ياريت تبعتلي ورقه طلاقي و

بس قاطعها لما  قرب منها اكتر وقال ...تتجوزيني بجد... انا باينلي كده حبيتك او يمكن من زمان بحبك المهم اني مش متقبل فكره انك تمشي وتسيبيني يا لؤلؤ ...عايز اعوضك عن كل اللي فات ممكن تديني فرصه

لؤلؤ  اتصدمت بكلامه وقالت بدموع ..انت بتقول ايه انا

اسر شدها لي وقال...بقول  بحبك مش عايز غيرك من الدنيا عايز نكمل سوا ...الا اذا كنت انت مش

لؤلؤ قاطعتو و قالت بسرعه ....لا ما فيش مش... ما فيش انا اصلا مش بحب المش

جاسر  ضحك جامد  وبص لعيونها وقال...ةانا بحب اي حاجه بتحبيها كل حاجه فيكي بحبها...من رمش عينك لحد صوابع  رجليك

لؤلؤ ابتسمت بخجل وقالت....  انا كمان معجبه يا باشا 

جاسر ضحك جامد وقال ....الباشا هيعيش العمر اللي جاي كله ليكي يا لؤلؤة الباشا يا اجمل ما في الحياه واغلى ما فيه يا لؤلؤه تسوى الدنيا كلها ❤🥰😘😘😘

كنتم مع🌹 لؤلؤة الباشا 🌹بقلم....زهرة الربيع زهرتكم تحيكم ودمتم في امان الله مع من تحبووون❤

لمتابعة  الروايه الجديدة زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا