رواية كبرياء بنت عمى الفصل الخامس 5الاخير بقلم زهرة الربيع جديده وحصريه فى مدونة قصر الروايات
رواية كبرياء بنت عمى الفصل الخامس 5الاخير بقلم زهرة الربيع جديده وحصريه فى مدونة قصر الروايات
5
رضوى بصتلو بزهول وقالت بصدمه.... يعني ايه.. انت كل اللي قولتهولي ده كان كدب..كان علشان تطولني
يونس مسك ايدها و قال بسرعه.. كل حاجه قولتها لك كانت من قلبي انا لا عشت ولا هعيش اجمل من الوقت الي كنتي فيه بين اديا ..و مبسوط قوي باللي حصل بنا ونفسي يتكرر مره واتنين وعشره ...بس كل الحكايه اني مش هقدر اسيب جوليا انا ما حكيتلكيش عن كل اللي بينا جوليا شركتي بنسبه 50% من كل البيزنس اللي عملته طول السنين الي فاتت..وبنا عقود ومشاريع كبيره الموضوع كبير بجد يخسرني كثير قوي من اللي عملته فانا حابب يعني زي ما قلتلك قبل كده هسافر معاها ..وهاجي على طول علشانك انا مش حابب اطلقك مش حابب انك تكوني مع اي حد غيري قولتي ايه يا رضوى
رضوى نزلت دموعها بغزاره وضحكت بياس وحسره وقالت.. انت مغلطتش يا يونس كل حاجه واضحه ..اناالي غبيه..وقلبي سرح بيا زياده ونفضت ايده بغضب ومشيت على الحمام
يونس قعد على السرير وحط ايده على راسه ودموعه بتلمع في عينيه وهو بيفتكرها.. كانت بتبتسم له بسعاده الدنيا كلها وهي بتعترفلو انها بتحبه وبتسلم نفسها بكل ارادتها جذب شعره لورا وهو بيلعن نفسو
بعد شويه خرجت بعد ما استحمت ولبست هدومها وباين على وشها انها بكت كتير قالت بدموع اتفضل استنى الخدم بره حابه اقعد لوحدي
يونس قال بحزن ...رضوى احسبيها بالعقل..وانتي اكيد ميرضيكيش اني اخسر كل ده ..انا والله مش عايز اخسرك الموضوع مش مجرد رغبه فيكي وانتهت لا انا محتاج لك قوي جنبي عايزك تفضلي معايا.. كبري عقلك شويه وانا هاجي على طول علشانك
رضوى بصتلو بغضب شديد وقالت..انت هتطلقني وتغور في 60 داهيه بعد كده انا مش حابه اعرفك تاني يا يونس مش عايزه
قالت كده بغضب شديد وطلعت بتشم هوا
يونس اتنهد ودخل ياخد دش ولبس هدومه وطلع
لسه هيكلمها وصلت عربيات الخدم ورضوى وقفت واحد من السواقين وقالت..عم ادريس ما تنزلش..هتروحنا انا ويونس باشا مروحين
يونس بصلها بحزن وركبو العربيه اللي طلعت بيهم على البيت وكانو طول الطريق ساكتين
رضوى كانت دموعها بتنزل ومش مصدقه اللي عملته في نفسها مش مصدقه غبائها
اول ما وصلو البيت رضوى دخلت على اوضتها وقفلت عليها الباب
يونس طلع وراها جري وهو بيخبط على الباب وبيقول رضوى رضوى اعقلي شويه وخلينا نتكلم
رضوى كانت سانده ضهرها على الباب وهي بتبكي جامد
يونس سند جبينه على الباب وهو بيقول..افتحي يا رضوى ما تعمليش كده
في الوقت ده جات جوليا وقالت.. يونس حبيبي وحشتني كنت فين كل ده وضمته
يونس غمض عنيه بحزن والم وقال انتي انتي كمان وحشتيني
رضوى كانت جمب الباب وسمعتو ورمت نفسها على السرير و سمحت لنفسها تخرج كل اللي جواها وبقت تبكي بحرقه
تاني يوم كانو بيجهزوا الشنط بتاعتهم وخلاص ماشيين وابوه حس بياس شديد اتصل على شيخ البلد الي شهد على جوازهم علشان يشهد طلاقهم
ورضوى كانت طول الوقت في اوضتها مش عايزه تطلع
يونس كان هيموت ويودعها بس رفضت تخرج ولسه هيطلع ابوه وقفو وقال ..استنى شيخ البلد على الطريق هيشهد طلاقكم ..هتطلقها قبل ما تمشي علشان تشوف نصيبها هيا كمان
يونس اتنهد وقال.. انا مش هطلقها.. رضوى مراتي وبنت عمي وانا عايزها انا هسافر مع جوليا وهبقى ارجع ونتفاهم في الموضوع ده
ونادى لجوليا وقال يلا يا جوليا
ابوه قال بغضب شديد ..متخلينيش اتكلم قدامها
يونس بص لو وقال بابا لو سمحت انا مش هطلقها و
بس طلعت رضوى وسمعته وقالت بغضب يعني ايه مش هتطلقني حضرتك..سبتني تمن سنين ومشيت ودلوقتي عايز تضيع من عمري كمان .. لا حبيبي فوق لنفسك وبصلي كويس انا 1000 مين يتمناني ..وعلى بال ما حضرتك تخلص فرحك مع ست جوليا وتيجي تلاقيني بقى معايا عيل ولا اثنين
يونس كان بيبصلها بابتسامه كان نفسو يشوفها قبل ما يمشي قال... انا هسافر دلوقتي وهبقى اكلمك ونتفاهم هرجع مش هتأخر
ولسه هيمشي مسكت ايده بغضب وقالت ..وانا قلت هتطلقني حالا حالا يا يونس..والا هارفع عليك قضيه بشهادة الكل واوديك في60 داهيه
يونس ابتسم لها وشدها قدام ابوه بحنيه وضمها لقلبه وقال هتوحشيني يا دودو راجع لك تاني وحياه عيونك راجع
ومشي هو وجوليا اللي كانت فاهمه نص الكلام ونصه لا بسبب لغتها
رضوى كانت بتزعق وبتقول له استنى هنا بقول لك طلقني الاول ..وقعدت على الانتريه وبقت تبكي بشده
عمها وقف جنبها وقال بحزن... بس يا بنتي اهدي والله لاعمل لك كل اللي انتي عايزاه لو حتى عايزه ترفعي عليه قضيه هرفعها اهدي
في المطار كانو يونس وجوليا قاعدين مستنيين الطياره..يونس كان مرجع راسه لورا على الكرسي وهو بيفتكر كل لحظاتو معاها من اول ما كانت طفله وقت ما كان يمرجحها ويلعبها وينيمها بين اديه وهي صغيره و نظراتها يوم ما رجع ودموعها اللي في عنيها محبوسه لما عرفت انه خاطب افتكر كل لحظه عدت عليه معاها خصوصا الوقت اللي قضوه في المزرعه من شغل وهزار لحد ما كانت بين ايديه بكل ارادتها وبكل مشاعرها
سمع صوت نداء الطياره وجوليا وقفت وقالت يلا يا يونس
يونس وقف وهو بيبص للطياره وبيفتكر رضوى كأنها قدامو قال...مستحيل مش هقدر اهرب..مش هقدر ابعد دي قدامي طول الوقت
بقلم...زهرة الربيع
جوليا قالت باستغراب ..انت بتقول اايه الطياره جات يلا
اتنهد وقال..انا راجع لمراتي يا جوليا..مش هقدر ابعد..مش هقدر اسبها تاني
جوليا قالت بزهول انت بتقول ايه انت تجننت وانا
قال بحزن انا اسف..بس مش قادر ..مش هقدر اكسرها اكتر من كده..عن اذنك ..ولسه هيمشي مسكت ايده وقالت بغضب ...يونس لو انت مشيت تنسى كل بيزنس اللي كان بينها هتخسر كتير يا يونس
يونس ابتسم بسخريه وقال..ولو جيت معاكي هاخسر ..هاخسر قلبي و هخسر واحده حبتني من غير ما تعيش معايا حتى...انا مش هسيب رضوى ابدا لو خسرت الشغل كله .. انا راضي باللي وصلت له وهكلم مدير اعمالي هناك يخلص معاكم
جوليا وقالت بغضب.. هتخسر كل حاجه يا يونس علشان بنت قرويه بطل غباء
ابتسم وقال.. تشرفت بمعرفتك يا جوليا بجد اسف وقلع دبلتو وادهالها ..ومشي جري لحد ما طلع على الشارع وقف اول تاكسي وطلع على البيت
في البيت كانت رضوى مخنوقه جدا وقاعده على السطوح مع الحمام وبتشم هوا وهيه بتفكر فيه بدموع قد ايه كان حنين معاها.. شافت احساس حلو في عيونه ليها.. ازاي قدر يخدعها كده كل حاجه كانت بتدور في دماغها ودموعها بتنزل بحزن شديد
يونس اول ما وصل البيت بقى ينادي عليها زي المجنون
ابوه وقف بفرحه وقال يونس انت رجعت يا ابني انا كنت متاكده
يونس حضنو و باس على ايده وراسه وقال ما بقتش اقدر ابعد خلاص يا بابا..مراتي فين
ابوه ابتسم بفرحه وقال هي فوق عند الحمام ضحك بسعاده وطلع جري على السلم اول ما اوصل لقاها قاعده ماسكه حمامايه في ايدها وبتمشي ايدها على جناحتها ودموعها على خدها وبتقول.. جناحك اتكسر يا زغلول ما تزعلش بكره يطيب وترجع تطير مانا قدامك اهو انا قلبي اتكسر مع ذلك هاستني يجي يوم ويطيب
يونس قرب منها بدموع وقال.. انا ماعرفش زغلول هيطيب امتى بس اكيد مش هسيب قلبك مكسور
رضوى بصتله بصدمه بزهول واقالت بصوت مهزوز يونس
يونس شدها لحضنه وقال.. قلب يونس و امسح دموعها بايديه ويص لعنيها وقال.. سامحيني
رضوى كانت مش مصدقه نفسها وهتقع من طولها حرفيا بقت بتمشي ايديها على دراعاته مش مصدقه انه بين ايديها وقالت بدموع ..انت هنا بجد..ولا..لا انا بتهيألي
يونس نزلت دموعه من منظرها وضمها لقلبه قوه وقال سامحيني يا رضوى سامحيني على كل دقيقه نزلت دموعك فيها بسببي..و كل لحظه كنتي محتاجاني وملقيتنيش ..سامحيني انا اسف يا بنت عمي هعوضك يا رضوى هعوضك عن كل ده هخليكي اسعد واحده في الدنيا كلها
رضوى كانت بتبصلو بزهول وقالت..انت ازاي هنا...طب..طب وجوليا
يونس ابتسم و احط ايده قدامها وكانت الدبله مش فيها وقال.. فكريني اشتري واحده عليها اسمك الصباع ده مش متعود يبقى ساده كده
رضوى ضحكت بخفه وزهول وهي مش مصدقه نفسها وقالت انا مش عارفه انت بتقول ايه انا مش فاهمه حاجه
يونس ابتسم وقال افهمك ومسك ايدها وحطها على قلبه وقال القلب ده مدقش غير باسمك ومبقاش عايز غيرك ولما خيروه اختارك... اختارك عشان كده رجعت ..مش عايز فلوس الي يفضل يفضل والي يروح يروح ..هفضل عايش معاكي حتى لو هنبدا من جديد وهستثمر كل وقتي فيكي وغمز وقال..وهبدا اثتثمار حالا
رضوى ضحكت بسعاده شديده وضمته بكل قوتها وهي مش مصدقه.. وقالت بزهول وسعاده ..يعني هتفضل معايا مش هتتجوز بجد
يونس ضحك وقال خلاص بقى هتجوز ازاي العروسه اصلا طارت بص لعيونها وقال ..بس جاهز اتجوز هنا يعني لو حتى في عشة الحمام دي مش مشكله
رضوى ضربتو في صدره بخفه وضحكت و قالت بطل سفاله يلا
يونس ضحك وقال .. ليه يا عم ما هم عايشين حياتهم اهو كأننا حمامتين من ضمن
رضوى ضحكت بقوه وهي بتقول انت مجنون مجنون بحبك قوي
يونس قال ...انا كمان حبيبتك حبيبت علشان جمال قلبك وكبريائك اللي مخليكي ملكه في عيوني... دخلتي قلبي ولفيتي على دماغي لف بحبك يا رضوى وراضي بيكي راضي بيكي ومكتفي وعايزك ووجودك ثروتي ومش ناقصني غيره يا بنت عمي😘😘
تمت.......
كنتم مع اسكربت ..كبرياء بنت عمي..بقلم..زهرة الربيع...زهرتكم تحييكم ودمتم في امان الله مع من تحبون❤
لمتابعة الروايه الجديده زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق
فضلا اترك تعليق من هنا