رواية حب في الصعيد الفصل الاول والثاني والثالث والرابع والخامس بقلم فاطمه الألفي حصريه وجديده في مدونة قصر الروايات
رواية حب في الصعيد الفصل الاول والثاني والثالث والرابع والخامس بقلم فاطمه الألفي حصريه وجديده في مدونة قصر الروايات
فى شقة مصر الجديدة
دخلت غرفة ابنتها ولم تجدها فى الفراش فصرخت بأعلى صوتها
الام امنة: الحقنى يامحمد بنتك مش موجودة اة يابنتى
محمد: فى اية ياامنة بتصرخى لية
امنة: بنتك اكيد نفذت إللى فى دماغها اية يابنتى ماليش غيرك راحت للنار برجليها هيقتلوها يامحمد
بنتى هضيع منى انا عايزة بنتى ماليش غيرها اتصرف الحق بنتك
محمد: طب اهدى انتى عارفة بنتك عنادية انا واثق فيها ياامنة هى إللى هتقرب بين العيلتين
امنة بدموع: تقرب اية دة دم وطار انت ناسى ولا اية هيقتلو بنتى اة ياحرقة قلبى عليكى ياريتنا مانزلنا من دبى ياريت فضلنا هناك بقالنا عشرين سنة فى غربة ولم نرجع اخسر بنتى انا عايزة بنتى هاتلى بنتى
محمد: يعنى هنفضل طول عمرنا هربانين وعايشين فى الغربة العمر كلة كان مسيرنا نرجع وبعدين البت كبرت محتاجة يكون ليها عيلة وسند وتكمل تعليمها هنا
امنة : انت السبب انت إللى طلعت فى دماغها تعرفها على العيلة البت هتضيع منى
محمد: لا بنتك عارفة هى بتعمل اية انا واثق فيها هى الوحيدة إللى تربط بين عيلتك وعيلتى وهتتصرف صح ماتقلقيش
امنة بدموع : انت اية بارد كدة لية دى بنتك سايبها تروح الصعيد برجليها عشان يقتلوها اة يابنتى
محمد : بطلى نواح بقى البت هتكون بخير انا واثق الدم عمرة مايبق مية
امنة : دة طار بايت وبحور دم وبنتى لو جرالها حاجة انت هتكون السبب وتشيل ذنبها
محمد : بطلى نواح دى تربيتى وانا عارف انها عنادية وقوية وقدها وقدود اصبرى لم توصل هناك هتكلمنا وطمنة عليها
امنة: عمالة اتصل قافلة المخروب
محمد: لم توصل هى هتتصل انا عارف بنتى..
******
فى محطة مصر كانت فتاة شابة تنظر إلى القطار الموجة إلى مدينة المنيا ..
الفتاة : لوسمحت قطر المنيا هيطلع امتة
راجل كبير فى السن: دلوقتى يابنتى اهو اطلعى علطول
الفتاة : شكرا ..:
دلفت الفتاة داخل القطار وهى تحمل حقيبتها بيدها ، واستقلت المقعد وبعد لحظات سار القطار إلى خط الصعيد ....
******
فى مدينة المنيا بالتحديد فى قرية المنشاوي:
كانت رجال العائلة تتجمع على طبلية الطعام
(الحاج عبدالرحيم وولدة عبدالله واحفادة عمار وعامر اولاد المرحوم عبدالعزيز ابنة البكرى وماهر ابن عبدالله ولدة )
والستات تقف عندما ينتهى الرجال من الطعام يبدو الطعام بعدهم هذة العادات والتقاليد
كانت الحاجة نجية وحريم الدار تقف بجوارها زوجات أولادها واحفادها البنات
*****
الحاج عبدالرحيم: عملت اية ياولدى فى المحصول
عبدالله : هنشولة ونبيعو يابوى
عمار : جدى انا هتدلة على مصر فى لاوزم الغيط (الأرض )لازمن ندلو نجبوهم
الحاج عبدالرحيم: ومالو يا ولد الغالى
عامر : ميتى نخلص على ولد المركوب عاد
عبدالرحيم : الصبر ياولدى الصبر
عبدالله : لحد ميتى يابوى لازمن ناخد بطار اخوى كفيانا عاد
عامر : دم ابوى فى رقبتى ياجدى ولازمن ابوى يرتاح فى نومتو عاد
الحاج عبدالرحيم: قولت الصبر وكلمتى تنسمع ولا قولتو جدى كبر وخرف وكلامة ماراح يتسمع اياك 1
عامر : العفو ياجدى كلمتك على العين والراس ياجدى
عبدالله : كلمتك سيف على رقباتنا كلهاتنا يابوى انت الخير والبركة ياحج
الحاج عبدالرحيم: يبق كلو باوان ياولدى
*****
فى دار عائلة العزازى
الحاج صبرى : الوكل يا كريمة
الحاجة كريمة : جاين ياحج
كريمة : خلصي يابنتة جدكم عم ينادم على الوكل
قمر : اهو ياستى خلاص
بدر : الوكل اهو على الطبلية ياستى..
وضعت قمر وبدر الاكل على طبلية الطعام ..
الحاج صبرى: نادمى على الرجالة يابدر
بدر : حاضر ياجدى
*****
توجهت إلى غرفته عمتها نجاة
بدر : عمتى ياعمتى وينو وليد جدى عم ينادم علية عشان الفطور
نجاة : جاين ياجلب عمتك
*****
فى غرفة كامل وقمر
كامل متزوج من بت عمة قمر
قمر : كامل جوم عشان تاكل لقمة جبل ماتروح الغيط
كامل: جايم اهو ياجلبى
*****
فى غرفه جمال وبدر
جمال متجوز من بدر بت عمة
بدر : جمال جدك عم ينادم عليك
جمال : طيب نازل وين العيال
بدر : بيلعبو جدام الدوار
جمال : حرصى على الولاد يابدر مش حد ضامن ولاد الابلسة بيفكرو كيف عاد لازمن اخاد بطار بوى
بدر بهلع : واهه عاد انا مخلوعة عليك ياجمال بلاش دم يا جلبى خايفة عليك طب وعيالك مين يربيهم ياود عمى
جمال : دة طارى وطار ابوى يا بدر وعيالى رجالة مش حريم راح يتربو
*****
نعمة ام جمال : ياولدى كيفو اخوك
جمال : بخير يا اما وزمانتو فى الطريج(الطريق)على وصول
الحاج صبرى : يجى بالسلامة اتوحشنى كتير
الحاجة كريمة : واتوحشنى كمان ياحج ولد الغالى الله يرحمة
نعمة بحزن : الله يرحمة وجمال ياخد بطار ابوة
جمال : جدى دى امر وانا هخليها بحر دم
مايكفينى فيهم عشر رقاب
الحاج صبرى : الصبر ياولدى
جمال : لحد ميتة ياجدى ولاد عبعزيز عامر وعمار ماراح يفلتو من يدى
كريمة : بلاش ياولدى احنا محتاجينك ياولدى
الحاج صبرى : بيكفى حديت جدامى اتكمى منك ليها..
*****
فى القطار
كانت تجلس تفكر فى أى طريقة تدخل إلى عائلتها وماذا تقول وفجاة ظهر شاب امامها:
الشاب: انتى ياانسة دة الكرسى بتاعى انا حاجزة اتفضلى قومى
الفتاة: نعم اقوم
الشاب بحدة: أيوة دة مكانى
الفتاة : انت انسان عديم الذوق واتفضل اشبع بالكرسى بتاعك
وبعدت الفتاة ولم تجد كرسى لتجلس علية وظلت واقفة جاء شاب بجانبها وحاول مدايقتها بالكلام والمعاكسة
الفتاة فى قمة غضبها حاولت الأبعاد عن الشاب ، ولكن الشاب ظل يلاحقها ، لمحها الشاب الذى جلس بمقعدها يراقب تصرفاتها
فجأة صرخت بالشاب الواقف جابنها
الفتاة : انت حيوان وعديم الرجولة والاخلاق ابعد عنى ياوقح
الشاب: انتى إللى عمالة تلزقى فية وكمان عايزة تحضنينى
الفتاة بعصبية : انا يا واقح ياسافل
امسكها الشاب من معصمها: اتعدلى فى الكلام وبطلى قلة ادب
الشاب تدخل : سيب ادها ياحيوان ولكمه بوجه
وسحب الفتاة من يدها واجلسها بالمقعد خاصته
الشاب : اقعدى هنا
الفتاة : مش دة كرسيك وانت قومتنى
الشاب: خلاص اقعدى وبطلى كتر كلام انا راجل ومش اقبل ان اقعد وانتى تفضلى واقفة والشباب تعاكسك مش من الرجولة اقف اتفرج عليكى
الفتاة : شكرا
الشاب بابتسامة : العفو بس شكلك مصرية انتى رايحة فين
الفتاة: المنيا
الشاب: بجد انا كمان رايح المنيا..:
الفصل الثاني
الفتاة: لا جايا دراسة
الشاب باستغراب: دراسة اية انتى جايا كل المسافة دى عشان تدرسى فى المنيا دول بيهربو من هنا وينزلو القاهرة يدرسو ويشتغلو وانتى سايبة هناك وجايا هنا هههه
الفتاة : نصيبى بقى ومكتب التنسيق نعمل اية بقى دنيا ههه
الشاب بابتسامة: اممم بس لعلمك مافيش قرية بإسم المنشاوية فى المنيا
الفتاة بصدمة: ازى
الشاب : هو فى توضيح بسيط اسمها متغير من زمان وبقت مركز سمانوط
الفتاة : تمام الحمد لله يعنى مش توهت
الشاب: لا ياستى مافيش توهة بس انا بكلمك طول الطريق وماتعرفناش على بعض انا جواد العزازى وحضرتك
الفتاة لنفسها: اوبا دة طلع قريبى يا على القدر لم يلعب لعبتة
الشاب : ياانسة اية روحتى فين
الفتاة بابتسامة: حب
الشاب باستغراب : نعم حب اية
الفتاة : اسمى حب اية مش عجبك
جواد باستغراب : لا سورى بس استغربت بس مش
حب: هو حضرتك ممكن تساعدنى الاقى مكان اسكن غير فية
جواد : لية مش رايحة بيت المغتربات
حب: للاسف لاء
جواد : لية المفروض انك من محافظة تانية ويقبلوكى عادى اية يمنع
حب: عشان اتقبلت فى الجامعة بالعافية باب التقديم كان اتقفل وكمان السكن كان اتحدد كل حاجة
هو فاضل قد اية ونوصل
جواد ينظر إلى ساعة يدة: لسة حوالى ساعتين
حب : طب هتساعدنى
جواد : اكيد طبعا هسيبك ازى وانتى لوحدد وماتعرفيش أى حاجة عن البلد
حب بابتسامة: شكرا ليك على ذؤقك وكرم اخلاقك
جواد : هههه غريبة بس كان من شويا عديم الذؤق
حب : قلبك ابيض بقى ههههه
جواد : ماشى عشان تعرفى ان راجل صوح ههههه
حب: ههههه
جواد : تسمحيلى اسألك ازى اهلك سابوكى تيجى لوحدك الصعيد وانتى بنت وماينفعش يعنى على الاقل عشان يطمنو عليكى
حب بتوتر وكذب : اصل اصل هم برة مصر اصلا احنا كنا عايشين فى دبى وانا نزلت عشان الدراسة
جواد : ازى ماينزلوش معاكى وهيطمنو عليكى ازى وانتى لوحدك
حب بثقة : بابا بيثق فية جدا وماما بتخاف علية بس هى مطرة تصبر وتتحمل فراقى عشان اكمل دراستى وبابا تعبان اوى وماما ماتنفعش تسيب بابا ولا ينفع ينزلو مصر فى الوقت الحالى غلط على صحة بابا
جواد بتفهم: اممم طب هتدخلى أى كلية هنا
حب : علاج طبيعى
جواد : الله ماانتى شاطرة اهو انا فكرت انك جايبة مجموع واقع حدفك على هنا
حب : هههه لا انا شاطرة اوى كمان
جواد: بصى اول ماننزل من المحطة اخويا الكبير هيقابلنى خليكى معايا وانا هوصلك عند الحاج صبرى العزازى جدى واكيد هيسكنك معانا فى الدوار هو بيت كبير بس هنا بيسموة الدوار يعنى هترتاحى معانا
حب بابتسامة: شكرا بجد مش عارفة اقولك اية
جواد : اشكرى جدتى هى السبب ان اركب القطر بتخاف ارجع بعربيتى عشان المسافة كبيرة اوى 8ساعات كتير 1
حب لنفسها : كمان هقابل جدى وجدتى كنت عاملة حسابى على بيت جدى المنشاوى لكن القدر صادفنى بابن خالى وهروح عند اهل ماما الاول مش مهم المهم انى ماشية صح وربنا معايا
جواد : انتى يابنتى احنا وصلنا
حب : بجد
جواد : ايوة استنى هنا رايحة فين دلوقتى زحمة اوى فى المحطة خليكى هنا جنبى
حب : حاضر
بعد فترة
جواد : تعالى ننزل بقى هاتى ايدك عشان مش نضيع من بعض
حب بكسوف وتوتر : ايدى لية
جواد بتفهم: ماتخفيش يابنتى انا عندى اخوات بنات ولازم تكونى جنبى لم امسك ايدك هعرف اوصل بيكى ومش تضيعى منى فى وسط الحشد دة
حب لنفسها: هو قريبى بردوة وابن خالى يعنى اعتبرة اخويا
أمسكت بيده بتوتر وشعرت بالخجل فلاول مرة تمسك بيد شاب
جواد ابتسم وشعر بشعور جميل : اول مرة يلمس يده بيد فتاه وشعر بنبض قلبه يزداد
بعد دقائق كان يقف بالطريق وتقابل مع اخية الأكبر جمال
جمال بفرحة: حمدلله على سلامتك يا ولد ابوى
جواد : بلهجة اخية : الله يسلمك ياخوى اتوحشتكم ياخوى كيفكم
جمال : بخير ياخوى والكل متوحشك ياخوى
حب مستغربة طريقة جواد تغيرت وبقت لهجة الصعيد
جمال : مين الحرمة دى عاد
جواد : دى صديقتى
جمال : وهة كيف بجى
جواد : فى البيت نتحدتو عاد ماينفع اهنى
جمال: يامرحب بضيوف اخوى
حب تمد يدها لتسلم: اهلا
جمال : مابسلمش على حريم
جواد : سورى ياحب اصل اخويا صعيدى جوى هههه
حب : ههههه ماحصلش حاجة
جمال : مش تركبو بحى وكفياكم حديت عاد
جواد : اركبى احسن يطخنا عيران ههههه
****
فى منزل المنشاوى
الحاج عبدالرحيم بتعب : يانجية يا نجية
نجية: ياحزنى مالك عاد ياحج
عبدالرحيم: تعبان وماقادر اصلب حيلى شيعى لعبدالله ولولد الغالى
نجية بفزع: وهة كيفك بس ياخوى اهة صابك يانضرى
بت يامهجة يامهجة
مهجة: ايوة ياستى بتنادمى
نجية : شيعى حد من الرجالة يروح الغيط يعيط على بوكى وجوزك جدك تعبان واعر
مهجة بهلع: جدى فيك اية ياجدى
عبدالرحيم: بخير يا بتى شيعى لبوكى وجوزك وجوز خيتك
مهجة : طيب ياجدى
***
وصل جمال إلى الدوار الخاص بعيلة العزازى
ترجل جواد من السياره وفتح الباب الآخر لتترجل حب
حب : شكرا
الجدة كريمة: اتوحشتك ياضنايا
جواد يحضن جدته ويقبل يدها : اتوحشتك كتير جوى جوى ياغالية في
عمه حكم : نورت البيت ياولدى كيفك
جواد : الحمد لله بخير ياعمى
نعمة: اتوحشتك ياضنايا كيفك عم تاكل عم تشرب كيفك وشك كيف اللمونة
جواد : هههه باكل والله كويس يا امي
جواد : ازيك ياقمر واحشتنى يابت
قمر: اتوحشتك جوى جوى ياخوي
جواد: ازيك يا بدر كيفك وينو كامل
بدر : بخير ياود عمى كامل فى الزريبة عم يشوف البهايم
صبرى : مين دى ياولدى
جواد : دى حب ضيفتى ياجدى بعد اذنك طبعا هى اخت صاحبى وامانة فى رقبتى
صبرى: تنور ياولدى ولو الارض مشلتهاش نشيلها فوج روسنا ياولدى
جواد : دة العشم ياحج كيف صحتك
صبرى : زين ياولدى نحمدو
قمر : وهة اسمها حب
نعمة: عشنا وشوفنا وكيف اهلها يرضو تيجى معك لوحديكم مافيش خشة ولا حيا
صبرى : بدر طلعى البنتة القاعة بتعتكم القديمة
بدر : حاضر ياجدى
بدر : تعى معايا ياخيتى
حب : شكرا يابدر والله اسم على مسمى ....
صبرى : فى اية عاد ياام جمال دى ضيفة ولازمن نكرمها وعيب حديت الحريم
نعمة: حجك على دماغى ياحج
صبرى : اعملو الوكل ونادمو على الضيفة
كريمة : من عنيناة ياحج
صبرى : تعالى معايا المونضرة نتحدتو ياولدى
جواد : حاضر ياجدى
صبرى: اقعد جارى هنية وخبرنى مين البنتة دى واية حكايتها واوع تقول اخت صاحبى وكدية انا خابرك زين
جواد : طول عمرك لماح ياجدى ودماغك توزن بلد
صبرى : العجز والشيبة وحنية الضهر مش شويا ياولدى
جواد : ربنا يخليك لينا ياحج
صبرى : اتحدت ياولد الغالى
الفصل الثالث
فى بيت الحاج عبدالرحيم
حضر الجميع بقلق وخوف على جدهم
عبدالله: كيفك يابوى عامر شيع نجيبو ضاكتور
عبدالرحيم: لا ياولدى دول شوية تعب وهيروحو لحالهم بس اسمعنى زين
عبدالله: خير يابوى
عبدالرحيم : لو مت ياولدى ادى اخوك محميد حجو ياولدى فى الارض والمال ياولدى ولو باع اشترى انت الأرض ياولدى وبلاش تظلمة ياولدى دة خيك برضك واوعاك تغضب ربنا ياولدى هو غلط زمان لم طلع عن طوعى بس إللى حصل ياولدى وبلاش سلسال الدم ياولدى وقف سلسال الدم بلاش بحر دم عاد ياولدى انا خسيرت ضنايا زمان مش عايزك تخسر ولدك وولاد اخوك ياولدى خليك فى ضهرهم ياولدى واوعاك تبعد عنيهم عامر: وطار ابوى ياجدى نهملة 9
عبدالله : مش وجت الحديت ياولد اخوى حات العربية جدام الدوار عشان ناخد جدك الميستشفى
عامر : امرك ياعمى
عبدالرحيم: كان نفسى املى عينى بشوفت خوك جبل ماموت ياولدى وابج جولة ابوك مسامحك ياولدى وراضى عنيك
عبدالله : طيب ارتاح يابوى..
ذهب عبدالرحيم إلى المستشفى..
*****
فى بيت الحاج صبرى العزازى..
بدر وقمر مع حب فى القاعة
قمر: دى بجى قاعتنا جبل مانتزوجو انا متجوزة كامل ولد عمى خى بدر وبدر متجوزة من خى جمال
حب : يعنى متجوزين ولاد عمكم بس دة عرف ولا حكم عندكم لازم يتنفذ
بدر : وهة دى عوايدنا عاد
قمر : احنا وعينا على الدنيا لاجينا بيجولو قمر لكامل وبدر لجمال والبت ود عمها اولا بيها
حب بابتسامة: طب فى حب ولا عشان ولاد عم وبس
قمر بابتسامة : لازمتة اية الخشى دة حنا نستحى
بدر : من يوم ماوعيت على الدنيا وجمال جدام عينى وحبيتة وعشجتة كمان
حب : ايوة بقى يعنى فى حب حقيقة عندكم كام سنة
قمر : 21 وبدر 20
قمر : انا عندى ادهم 4سنين اصبرى 2 وبدر عندها كامل 3 سنين وحبلة
حب : انتى متجوزين من زمان بقى
قمر : متجوزة من خمس سنين وبدر أربعة
جب : انتو متجوزين صغار اوى 16 سنة
قمر : ولا صغيرين ولا حاجة
بدر : هنية عاد غير حداكم فى البندر وكمان كبيرنا وخراط البنتة خرطنا
حب بعدم فهم : يعنى اية معلشى مش فاهمة نص الكلام
قمر : ههههه يعنى بلغنا ولفينة وادورنا وحلوينا عاد
حب: هههه انتو زى القمرات والله
بدر : نهملك تخلعى خلجاتك وتنزلى عشان الوكل
حب بابتسامة: حاضر
****
بدأت حب فى تفريغ حقيبه ملابسها وأجرت اتصال بوالدها ..
حب : بابا حبيبى واحشتنى
ماما عاملة اية
محمد : بخير المهم انتى وصلتى بيت جدك ولا مش عارفة تتصرفى
حب : وصلت فى وكر عائلة العزازى وانا بكلمك من موقعى هذا فى بيت جدى صبرى العزازى
محمد بصدمة : اية انتى قولتى وهتوصلى لجدك عبدالرحيم مش صبرى
امنة بخوف: حب انتى كويسة حد قالك حاجة عملو فيكى حاجة اتكلمى يابنتى انتى كويسة وعرفو انت مين
حب : هههه بالراحة علية ياماما وانا اكيد كويسة ماانا بكلمك اهو وبعدين ماحدش عرف انا مين وشوفت جدى طيب اوى وجدتى كريمة حنينة خالص مالص ههه واطمنى انا قولت جايا هنا عشان الدراسة وهم بقى لكرم اخلاقهم استقبلونى فى بيتهم ضيفة معززة مكرمة واهدى بقى يا منمن
محمد : طب وصلتى ازى واية حصل :
حب: لا دة موضوع طويل يطول شرحة المهم أن الخطة ماشية تمام زى مامترتب لها وحصل تغير بسيط بدل مااروح عند جدى المنشاوى روحت عند العزازى المهم الحكاية واحدة يا بابا والهدف إللى جايا عشانة ان شاء الله يتحقق ثق فية
محمد : ربنا معاكى خلى بالك من نفسك
امنة : كل يوم تكلمينى اطمن عليكى
حب: بس كدة حاضر يا منمن من عنية :
قمر بتخبط على قاعة حب ..
قمر : الوكل ياحب والكل تحت ينطروكى قاوم عشان حضابط مش ياخد على خاطرة منينا وانت ضيفة حدانا
حب مستغربة: حضابط مين
قمر : وها جواد خى امال كيف بجى تبجى خيت صاحبة وماخبراش ان ضابط مش خيك ضابط
حب بابتسامة: اة اة معلشى اصلى كنت مش مركزة معاكى يلى ننزل بقى
قمر : وها غيرى خلجاتك
حب: بس انا غيرت
قمر : بس اهنية عيب تطلعى برة طاعتك اكيدة فى رجالة بالدار وميصوحش
حب: انا محجبة ولابسة بليزر وبنطلون واسع كتان اهو مش فى حاجة فى لبسى
قمر : كيف مابدك
*****
فى المستشفى دخل عبدالرحيم بغرفة الكشف ودكتور وليد العزازى فحص الحالة ووضعه تحت الملاحظة فى غرفة العناية وذهب ليبلغ عائلتة بوضعة ..
عامر بصدمة: انت اهنية هو مافيش ضاكتور غيرك فى المخروبة دى عاد
وليد بهدوء : انا دكتور وموجود هنا وبتابع حالة جدك ولو مش عاجبك خد المريض ودية اى مخروبة تانية بس احب اوضحلك خطر على حياتة لانة اتعرض لازمة قلبية وهيفضل تحت الملاحظة فى العناية وممنوع الزيارة وانا هنا بشوف شغلى عن اذنكم بقى
عامر بغل : جبر يلمك
عمار : اهدى ياخوى وهنية احسن لجدك بلاش مرمطة عاد
ماهر : معلش ياود عمى مطرين وخطر ننجلة أى مستشفى تانى
عبدالله : بس بجى عاد ماحدش فيكم يفتح خاشمة بكلمة وبلاش حديت ماسخ جدكم مريض مش ناجص
******
فى بيت الحاج صبرى العزازى
على الطبلية يجلس الجد وولدة حكم واحفادة جمال وجواد وكامل وحريم الدار واقفين:
كريمة : رم عضمك يا ولدى انا عملالك الوكل بيدى ياغالى
جواد : تسلم يدك ياجدتى وقبل يدها
حب: هو انتو هتفضلو واقفين مش هتاكلو ولا اية
نعمة : كيف يابت البندر نقعد جار الرجالة وهمة بياكلو عاد
سيدة: دى عوايدنا وتقاليدنا نستنى الرجالة لم تخلص وكل وناكل بعدهم
حب: بس ازى طب بدر حامل وغلط عليها قلة الاكل والوقفة دى تتعبها
نعمة : وبدر مشتكتش سكى خاشمك
صبرى : خبر اية يا مرت الغالى البنتة لستها صغيرة ومش خابرة بعوايدنا ودى ضيفتى انى والكل هنية يتحدت معاها زين ويعاملها زين دى ضيفت الحاج صبرى العزازى خابرين
حب بابتسامة تقبل دماغ جدها: ربنا يخليك ياجدى
الجميع بصدمة: وهااا
سيدة مرت حكم : اتحشمى يابنتة
حب: وانتى اية مدايقك دى تيتة مازعلتش مع انة جوزها انتى زعلانة لية بقى ههه
كريمة : هههههه جاتك اية يابنتة
نعمة : جلع ماسخ
حكم : كفياكم عاد
جواد: ههههه
جاء وليد (ولد نجاة بنت صبرى العزازى متجوزة من ود عمها محمد العزازى وبعد وفاه زوجها تعيش بمنزل: والدها )
وليد بابتسامة : السلام عليكم حبيبى ياجواد حمد لله على سلامتكم
جواد: الله يسلمك يا دوك
وليد: اخيرا هلاقى حد يفهمنى ونتكلم براحتنا ههههه بس اوعى تقولى انك جاي
ساعة24
جواد: لا دة أسبوع بحالة
وليد : بجد لا دة احنا نحتفل بقى هههه
صبرى: اقعد ياولدى كول لجمة
وليد : الله مين الامورة
جواد: دى ضيفتى
وليد بابتسامة: اوعى تكون عملتها من ورايا
جواد: اقفل خاشمك عاد ههههه
وليد: وينها امى
كريمة: حدة ستك نعمات بعافية شويا راحت تشق عليها
وليد : ستى طب لية ماحدش قال
صبرى: بعد الوكل ياولدى روح طول عليهم
وليد: حاضر ياجدى
كريمة : عوقت لية ياولدى
وليد : اسكتو مش تعرفو إللى حصل وانا خارج من المستشفى جت حالة صعبة شويا كانت ازمة قلبية رجعت اطمن على الحالة ويطلع مين بقى المريض مش هتصدقو مين
صبرى : انطق ياولدى مين
وليد : كبير عيلة المنشاوى بنفسه
الجميع بصدمة من سماع الاسم
حب بقلق تحاول اخفاء وتدعى فى نفسها: يارب جدى يفضل عايش لم اشوفو ويسامح بابا يارب
صبرى : لا حول الله يا رب وكيف حالتة يا ولدى
وليد: زى القطط بصراحة الازمة إللى اتعرضلها صعبة على القلب بس تجاوزها
جمال : لا لازمن تعمل معاة الواجب ياضاكتور انا عايز عبدالرحيم يعيش لم يقف ويدفن احفادة كلهاتهم
نعمة: راجل من ضهر راجل ياولدى
وليد : انا دكتور وبعمل إللى علية
انا رايح اشوف جدتى ياجدى
جواد: انا جاى معاك عشان اسلم على عمتى
وليد : يلى واحكيلى عن ضيفتك هههه
الفصل الرابع
ذهب وليد وجواد إلى بيت جدته نعمات وطلب منه أن يقص عليه سبب تعرفه بهذة الفتاه : ..
وليد : احكيلى اية حكاية البت الامورة إللى هى ضفتك دى
جواد: اية ياعم الدكتور عمال تقول أمورة امورة شايفها عيلة بضفاير ولا اية
وليد : اوبا دة احنا بنتحمق عشانها اهو اظهر وبان عليك الامان يا سيادة الرائد
جواد : انت مجنون يابنى انت
وليد : خرج مافى جوبعتك ههههه
جواد: مُصر تعرف انا هريحك يا سيدى الحكاية بدات فى القطر..: ......
وقص على وليد كيف تعرف على حب إلى أن اوصلها بيت العزازي
******
على الصعيد الاخر فى المستشفى
عامر : عمار ياخوى ادلة انت على مصر وانا اهنية مع جدى شوف الارض محتاجة اية ياخوى وجيبو عمار: وها وسيب جدى كدية لا
عبدالله يفكر فى كلام ابية قبل أن يتعب
عبدالله لنفسه: ياترى وين ارضيك ياولد ابوى عايش ولا ميت ولا وين ..
*****
كريمة : اقعدى يابتى كولى لجمة تلاقيكى على لحم بطنك
حب بحزن : شكرا ياتيتة مش عايزة انا هطلع انام تصبحو على خير
قمر : مش تاكلى الاول يا حب
نعمة : احسن سبوها مش عايزين جلع بينتة
حب: قبلت كريمة : تصبحى على خير ياجمر انت
كريمة : بابتسامة: وانتى من اهل الخير والنعيم يابتى
******
صعدت إلى غرفتها وهي تفكر بحديث وليد عن حاله مرض جدها عبدالرحيم وقررت أن تفعل شئ لتطمئن علي جدها ..
حب بشرود : ياترى حالتك اية ياجدى وازى اشوفك مش عارف تصير شويا ياجدى لم اقربك من بابا يارب طول فى عمره يارب عشان احس انى لية عائله يارب كان نفسى يكون عندى اهل وناس وعائلة بقى عندى عيلتين بس كارهين بعض يارب
وذهبت إلى النوم بعد أن ارهقها التفكير..
******
فى قاعة الحاج صبرى
كريمة : مالك ياحج شايل الهم لية عاد
صبرى بتفكير : مش عارف ياكريمة جلبى بيجولى ان فى حاجة حتحصلو جلبى مخلوع
كريمة : سلامت جلبك يانضرى جوم صلى ركعتين لله هيزيح عنيك جوم
صبرى : طيب جايم بس تعرفى يا كريمة البت حب دى مش عارف حاسسها حتة من جلبى اول مااطلعت ليها مع جواد كانى واعيلها من زمان
كريمة: تصدج ياحج دخلتها علية فرحتنى واصل كانى شايفة بتى..
صبرى : كملى ياام الغالى تجصدى امنة بتك مش اكيدة
كريمة بحزن : بتى ياحج وغصب عنى جلب الام ياخوى محروج على بتى بجالى يااما مامليت عينى عليها وهى الصغيرة
صبرى بتنهيدة : اةةة جلبى مخلوع عليها وعلى والولاد ياكريمة خايف بحر الدم جمال يفتحو ومايتسد واصل
كريمة: تقدر تمنعنة ياحج جمال مايتنيش كلمتك واصل
صبرى : العهد ياكريمة لو حد فينا مات انتى عارفة اية حيوحصل
كريمة: ربك كبير جوى ياحج
صبرى : العهد بينى وبين الحاج عبدالرحيم هيموت لو حد فينا مات العهد العهد
كريمة: مش وليد جال بجى زين خالاص عاد
صبرى : ربنا يجيب العواجب سليمة..
******
وليد : و الله بقى دى كل الحكاية فى القطر لا حلوة يبق قصة الحب ابتدت فى القطر وياترى هتنتهى فى أى محطة بقى ، حب فى قطر الصعيد والله تنفع ههههه
جواد: حب اية بس هههههه هى اسمها حب
وليد : يابنى كفايا اسمها لوحدة مشكلة هههه
جواد: طب بطل ياظريف وخبط على جدتك
******
فى بيت الجدة نعمات
جواد : كيفك ياعمتى اتوحشتك جوى
نجاة : جلب عمتك ياولدى اتوحشتك كتير
وليد : طب بالنسبالى اية ياام وليد
نجاة : ههعههه روح جلبى ياولدى تعالو خشوة جوة سلمو على ستيكم ..
******
بعد فتره عاد وليد وجواد إلى منزلهم وصعد كل منهما إلى غرفته :
وغرفه جواد بجانب غرفه حب
جواد أبدل ملابسة وارتدي جلباب صعيدى فهى عادته اذا حضر الصعيد يرتدي مثل أشقائه وظل شارد يفكر فى( فتاة القطار) وخط اسمها بالقلم على اوراق مكتبة
وتذكر عندما لمس يدها والاحساس الجميل الذى شعر به لأول مرة وتذكر قبلتها إلى جدو وسلامها على جدتة وابتسامتها وطريقة كلامها وتعاملها مع جميع من بالمنزل ونام على ثغرة اجمل ابتسامة..:
******
قبل اذان الفجر استيقظ الحاج صبرى لاداء فريضة الصلاة فى الجامع المجاور للبيت والجميع يستيقظ بعدة ويتوضا ويذهب إلى الصلاة كل يوم على هذا الدوام فصلاة عبادة وعادة تعودو عليها ان يستيقظو ويذهبو لقضاءها فى الجامع ..
جمال استيقظ وخرج ودق باب قاعة كامل وذهب إلى قاعة جواد ووليد..:
استيقظ جميع رجالة البيت وذهبو إلى الجامع ..
******
شعرت بقلق وسمعت أصوات وهمسات
حب بخوف : اية دة صوت اية ليكون حرامى هنا ولا اية اهدى كدة يابت ياحب واجمدى هو الصوت جاى من فين بالظبط
وضعت الحجاب على شعرها وفتحت باب الغرفة وظلت تتلفت شمال ويمين ولم تجد شئ ودخلت غرفتها مرة أخرى ..
دلفت الحمام الموجود بالغرفة وتوضئت وصلت فرضها وبعد دقائق سمعت صوت ياتى من خارج البيت ولأن الجو هدوء وسكون كان صوت الهمس يتضح:
ذهبت إلى شباك الغرفة وفتحتة ورأت الجد والاحفاد يتجمعو فى حوش الدوار(زى جنينة أو حديقه)
ظلت تنظر إليهم بابتسامة من خلف الشباك فهذة عائلة والدتها التى تنتمى إليهم وتريد أن تسعد معهم وتحظى بحبهم
صبرى : حكم هتتوكد من العلف وخد كامل امعاك وانت ياجمال هتابع المحصول واوعاك والدودة تطولو ياولدى
جمال : اطمن ياجدى
وليد : وانا هكمل نوم عندى مستشفى كمان كام ساعة بالاذن ياجدى
صبرى : وانت ياجواد مش طالع تريح بدنك ياولدى
جواد: انا تمام ياجدى
صبرى : كيفو شغلك ياولدى
جواد: زين ياجدى
صبرى : ابج دير بالك على حالك ياولدى واوعاك رصاصة طايشة تصيبك خلى عنيك على عدوك واوع تغفل عنية ياولدى شغلنتك واعرة جوى وخيطرة ياولدى
جواد بابتسامة : الأعمار بيد الله : وقل لن يصيبنا ألا ما كتبة الله لنا 2
صبرى : ونعم بالله ياولدى خد بيدى جومنى
جواد يمسك بيد جدو ..على مهلك ياجدى
******
كريمة الفطور ياحج
تعا ياجواد اوفطر ياولدى
جواد: لا يا كريمة انا عايز انام خفيف ههههه افطرى انتى ياجمر مع راجلك عاد
كريمة : بجى اكيدة ....
حب طلعت أمام الغرفة
حب : بس بس بس
جواد: هههه اية موقفك هنا وبعدين اية بس بس هو انا قطة ولا اية ههههه
حب بهمس : عايزة اتكلم معاك
جواد: ماينفعش نوقف كدة لو حد شافنة هيفهم غلط ادخلى اوضتك وهاتي رقمك وهكلمك
حب: طيب هههه
جواد: فى اية اكتمى هتفضحينا
حب: انت بتلبس كدة هههه
جواد: نعم ياختى هو سيدتك لسة واخدةبالك ان لابس جلبية ولا اية بس قمر صح
حب: اية الغرور دة
جواد يظبط هندام الجلبية: ثقة طبعا ايش فهمك انتى ادخلى هاتى موبايلك اسيف رقمى علية
حب: ثوانى
بعد دقيقة حب اتفضل الموبايل
جواد: ايفون: 8 لا دة انتى غنية بقى
حب: سجل بسرعة
جواد: اتفضلى
حب : شكرا
دلفت الغرفة واجرت الاتصال برقمه
جواد داخل غرفتة واستمع لرنه هاتفه علم انها هى
جواد بمراوغة: الو مين بيتصل فى وقت دة
حب : ياعم انا حب
جواد: حب اية وكلام فاضى اية
حب: وربنا هقفل
جواد: يكون احسن انا عايز انام
حب: طب جوابنى الاول عشان ماعكش الدنيا لم حد يسالنى
جواد: حد مين ويسالك ف اية خلاص ماتقلقيش انتى هنا فى امان وحماية جدى وماحدش هيكلمك
حب: طب لية قولت انى اخت صاحبك
جواد : عشان كدة احسن فى حاجة تانية
حب: انت ظابط اية جيش ولا شرطة ولا جوية ولا بحرية ولا اية
جواد: ولا واحد من دول هههه
حب: امال ظابط اية ايقاع
جواد : ايقاع ههههه انتى مجنونة يابنتى
حب: الله ماانتى بتقول ولا واحد من إللى قولتة اعملك اية
جواد: عايزة تعرفى لية
حب: عشان ان اتفاجئت انك ظابط وانا اخت صاحبك والمفروض تكون عارفة انت بتشتغل اية وصاحبك إللى هو اخويا كمان بيشتغل اية واسمةاية
جواد: اة كل دى اسئلة انا عايز انام لم اصح فايق ورايق كدة هقولك روحى نامى سلااام
الفصل الخامس
فى بيت الحاج عبدالرحيم
كان الوضع مقلق بسبب تعب وغياب الجد عاد ماهر وعمار إلى البيت وترك عبدالله وعامر مع جدهم بالمستشفى..
نجية بفزع: خير يا ولدى جدك فينو وكيفو دلوك
عمار : اطمنى ياجدتى جدى بخير بس هيبيت فى المستشفى كمان ليلة عشان نطمنو علية
ماهر: ادعيلو ياجدتى
نجية : ربنا يشفية ويرجعة بيتو بالسلامة ياولدى
عمار : مها جهزيلى خلجات عشان أدلى على مصر نجيب طلبات الأرض
مها زوجه عمار وابنه عمه عبدالله:
مها : وها مش تنعسلك هبابه ياعمار انت تعبان يانضرى
عمار : انا بخير يامها جوم عايز الحج الجطر(القطار )
مهجة مرات عامر واخت مها وماهر
مهجة : وعامر وبوى مع جدى
ماهر : ايوة عاد ابجى جهزى وكل وابعتية مع أى حد من الرجالة
مهجة : من عنية ياخوى
هنية: ام عمار وعامر ..
خلى بالك على حالك ياولدى
عمار : ماتخفيش علية يا اماى
نجية: ربنا يستر طريجكم ياولدى
زينب : خد بالك على حالك يا ماهر ياولدى
ماهر : يااماى احنا مهاجرين عاد ولا اية سلامو عليكو
******
فى بيت الحاج صبرى العزازى:
نعمة فى غرفه ولدها جواد
نعمة : جواد ياولدى جوم افطور مع جدك عشان عيكلمك فى موضوع مهم ياولدى
جواد: حاضر يا امى
أبدل ملابسة وهبط الدرج وتوجه إلى مكان جده
على الطبلية قاعد الحج صبرى ووليد
جواد: صباح الخير ياجدى
صباح الخير ياجدتى وقبل يد كل منهم وجلس بجوار وليد بعد دقايق نزلت حب
حب بابتسامة: صباح الخير ياجماعة
صبرى : صباح النور يابتى
كريمة : صباح العسل يابتى نمتى مليح
حب: جوى جوى ياتيتة هههه
جواد: هههههه قولى جوى جوى ياستى ههههه
نعمة : افطور المشلتت هيوبرد ويبج ماسخ
حب: اممم هو اية دة
كريمة : دى فطير مشلتت بالذبدة والقشطة يابتى عمايل ستك كريمة
حب بابتسامة: جدى هو ممكن ادوق
صبرى : وها مدى يدك يابتى
حب: شكرا ياجدى بس البنات ياكلو معانا عشان بدر حامل وكمان قمر شكلها مرهق اوى وجدتى طبعا هى محتاجة تاكل وترتاح
جواد وليد ينظر كل منهما لاخر ، منتظرين قرار جدهم
صبرى : اجعودو يابنتة والحجة كريمة جبليكم
حب بفرحة: هااااى تسلم يا جدو
صبرى بابتسامة: تعيشى يابتى مدى يدك بجة
حب: الله طعمة جميل تسلم يدك ياتيتة
سيدة : ماكفايك جلع ماسخ
نعمة : بنتة عايزة حش رجبتها
حب: ههههههه عسل ياطنط
كريمة : رايدة عسل نجبلك يابتى بس بالمش بيكون طعم زيك
حب: تسلمى يا عسل انتى هههه
صبرى : هههههه
وليد : طيب انا رايح المستشفى ياجدى
صبرى : ربنا امعاك ياولدى
******
حب: هو ينفع ياجدى اشوف الأرض الزراعية واشوف البلد مع جواد
صبرى : لا يابتى الناس تتحدتو عليكم لو لاجوكم ماشين لحالكم
حب: لدرجادى الناس علطول تفكيرها غلط
جواد: مش غلط بس دى طبع وعوايد وتقاليد وكل بلد لها عادات مختلفة
حب: بس انا عارفة ان المنيا فيها اثار ومعالم سياحية عايزة اشوفها ان سمعت عنها كتير
صبرى : جواد طلع العربية ياولدى وفرجها على تراث بلدك ياولدى بس بلاش مشى
جواد بابتسامة: حاضر ياجدى يلا معايا ياحب
حب: قبلت جدها : ربنا يخليك ليا يا جدو
******
جواد يقو سيارته وحب جانبة..
حب: قولى بقى ياحضرة الظابط انت ظابط اية
جواد بابتسامة: ظابط نفسى ههههه
حب: اتكلم بجد
جواد مُصرة تعرفى
حب: اة طبعا مش انت صاحب اخويا هههه
جواد: ظابط فى العمليات الخاصة
حب: يعنى اية
جواد: يعنى عمليات سرية مهام صعبة
حب: فهمت زى مثل تعملو هجوم على الارهابين زى عملية الوحات كدة لم ضربتو الضربة ورجعتو الظابط الرهينة
جواد بابتسامة: ايوة زى كدة
حب: مابتلبسش زى رسمى
جواد: لا بقولك خاصة وسرية مش فضحية ههههه
حب: الله
جواد: الله اية عجباكى الشغلة تشتغلى معايا
حب بحماس : بجد هو ينفع واكون ظابطة بقى واعمل اكشن وضرب نار بجد والله ينفع
جواد: ههههههه انتى مجنونة يابنتى ولا اية انتى جايا علاج طبيعى ولا تقطعى على شغلى ههههه
حب: نفسى اعيش جو الاكشن والمغامرة وكدة
جواد: والله ههههه هبق اخدك يوم واعيشك الجو دة بس خطر على فكرة
حب: العمر واحد والرب واحد
جواد: قلبك جامد بقى
حب بابتسامة : قلب اسد ههههه
جواد : ههههه دة انتى مصيبة قوليلى بقى اية حكايتك
حب: حكاية اية ماانا قايلك فى القطر كل حاجة
جواد: اممممم متاكدة
حب: اة طبعا وهخبى اية
جواد: تمام عايزة تروحى فين
حب: اشوف الزرع والناس وهى بتزرع وجو الصعيد دة بقى
جواد: هههه مش كنتى عايزة تشوفى الآثار
حب: لا فسحة تانية بقى
جواد: داخلة على طمع بقى هههه
******
وصل وليد المستشفى وفحص حالة الحاج عبدالرحيم وخرج طمئن عائلته وظل يباشر عملة فى هدوء..
******
جواد: اوعى تنزلى من العربية تتفرجى من بعيد لبعيد
حب: نعم مش هعرف اشوف من بعيد
جواد: بس ماينفعش تنزلى وسط الرجالة كدة
حب: طب مانروح نزور وليد فى المستشفى
جواد: هههه على اساس واحشنى مثلا دة لسة سايبة تعالى هفرجكك على زريبة المواشى واسطبل الخيل
فحب: بجد طب يلا بينا
******
بعد فترة ذهب جواد و حب إلى البيت
جواد: ها ياستى مبسوطة
حب: جدا شكرا
جواد بابتسامة: العفو ...
صبرى بتنهيدة: بدى اشوف عبدالرحيم ياكريمة بس ماخبرش كيف
كريمة: جول لوليد ود بتك
صبرى : جمال لو خد خبر هيزعل وكمان عيال عبعزيز اكيد هتجوم حريجة عاد
كريمة : يبج بلاش ياحج مانعن للمشاكل ياخوى
صبرى : ربك يسهلها
تعليقات
إرسال تعليق
فضلا اترك تعليق من هنا